Category صحت

(نیٹ نیوز/ایمرا نیوز)
اپنی کئی خصوصیات کے باعث سبز چائے پاکستان میں تیزی سے مقبولیت حاصل کررہی ہے اور ملک بھر میں اس کا استعمال بڑھ رہا ہے۔ صرف پاکستان ہی نہیں، دنیا بھر میں بھی اسے مقبولیت حاصل ہے۔ کیا آپ کو معلوم ہے کہ یہ کرشماتی مشروب کس حد تک صحت کے لیے فائدہ مند ہے ؟ کینسر سے لے کر مہاسوں تک، اس کے فوائد آپ کو حیران کر دیں گے۔

میامی یونیورسٹی کی ایک تحقیق میں یہ بات سامنے آئی ہےکہ سبز چائے میں شامل اینٹی آکسی ڈنٹ اجزا دو تہائی کیل مہاسوں کو صاف کردیتے ہیں، تاہم اس کے لیے چائے کو پینے کی بجائے ٹھنڈا کرکے فیس واش کے طور پر استعمال کرنا ہوگا۔ کچھ ماہرینِ جڑی بوٹیوں کا دعویٰ ہے کہ سبز چائے کے ٹی بیگ کو گیلا کرکے آنکھوں پر 15 سے 20منٹ تک پھیرا یا دبایا جائے تو اس سے تھکی یا سوجی ہوئی آنکھوں کو سکون ملتا ہے اور وہ تازہ دم ہوجاتی ہیں۔

آسٹریلیا:(نیٹ نیوز/ایمرا نیوز) ہم جانتے ہیں کہ ٹائپ ٹو ذیابیطس، شوگر کے مرض کی سب سے عام قسم ہے اور پورے جسم پر اس کے اثرات مرتب ہوتے ہیں۔ اب ماہرین نے پہلی مرتبہ ایک طویل سروے میں ٹائپ ٹو ذیابیطس اور دماغی انحطاط کے درمیان ایک تعلق دریافت کیا ہے۔یورپی ذیابیطس تنظیم کی اشاعت ’ڈایبیٹائلوجیا‘ میں شائع رپورٹ کے مطابق آسٹریلیا کے شہر ہوبارٹ میں تسمانیہ یونیورسٹی کے ماہرین نے مسلسل پانچ سال تک ذیابیطس کے مریضوں کا جائزہ لیا۔ اس میں انہوں نے اس مرض میں دماغی کیفیات اور دماغی سرگرمی میں کمی کو بطورِ خاص ہدف بنایا۔

ماہرین نے 55 سے 90 سال کے ایسے 705 مریضوں کا جائزہ لیا جو ڈھلتی عمر کے ساتھ ساتھ گرتی دماغی صلاحیتوں کے شکار تھے۔ان میں 348 افراد ذیابیطس کے شکار تھے جبکہ 357 کو ایسا کوئی مرض نہ تھا۔ تمام مریضوں کے ایم آر آئی اسکین لیے گئے اور ان کے دماغی حجم کا جائزہ لیا گیا۔ اس کے بعد مسلسل 5 برس تک تمام مریضوں کے 7 اقسام کے معیاری دماغی ٹیسٹ لیے گئے لیکن مرض کے ساتھ اور مرض کے بغیر دونوں گروہوں میں دماغی حجم میں کمی یکساں نوٹ کی گئی۔ماہرین نے کہا کہ جن افراد کو ذیابیطس تھا ان میں گفتگو کی تیزی اور باتوں سے متعلق یادداشت میں واضح کمی دیکھی گئی تاہم ماہرین نے کہا کہ ورزش، طرزِ زندگی اور خوراک سے اس نقصان کا ازالہ کیا جاسکتا ہے۔

ٹوکیو:(نیٹ نیوز/ایمرا نیوز) ناشتے میں اگر کوئی آئسکریم کھانے کی پیش کش کرے تو انسان سوچنے پر مجبور ہوجاتا ہے کہ بھلا ناشتے میں آئسکریم کب کھائی جاتی ہے لیکن اب ماہرین کا کہنا ہے کہ ناشتے میں آئسکریم کھانے سے انسان کی ذہانت میں اضافہ ہوتا ہے۔جاپان سے تعلق رکھنے والے سائنسدان کا کہنا ہے کہ ناشتے میں باقاعدگی سے آئسکریم کھانے والے افراد دیگر لوگوں کے مقابلے میں زیادہ ذہین اور حاضر دماغ ہوتے ہیں۔

پروفیسر یوشی ہیکو کوگا کے مطابق ناشتے میں آئسکریم کھانے سے جسم میں ایلفا ویوز میں اضافہ کرتا ہے جس کا تعلق انسان کی دماغی پھرتیوں سے ہوتا ہے جس کا مطلب یہ ہے کہ جس شخص کے دماغ کی ایلفا ویوز کی فریکوئنسی زیادہ ہوگی وہ اتنا ہی زیادہ حاضر دماغ اور ذہین ہوگا۔پروفیسر یوشی ہیکو کوگا نے ٹوکیو کی “کیورین یونیورسٹی” میں طالبعلموں کے 2 گروپوں پر ریسرچ کی جن میں سے ایک گروپ کو روزانہ ناشتے میں آئسکریم کھلائی گئی جب کہ دوسرے گروپ کو ناشتے میں دیگر اشیا کھلائی گئیں جس کے بعد دونوں گروپوں میں شامل طالبعلموں کی ذہنی صلاحیت کا کمپیوٹر پر جائزہ لیا گیا۔ دونوں گروپوں کی ذہنی صلاحیت اور پھرتیوں کا جائزہ لینے کے بعد اس نتیجے پر پہنچا گیا کہ صبح ناشتے میں آئسکریم کھانے والے افراد ذہنی دباؤ کا شکار نہیں ہوتے اور وہ عام فرد کے مقابلے میں زیادہ ذہین ہوتے ہیں۔اسی کے ساتھ پروفیسرکوگا نے اپنی تحقیق میں شامل افراد کو صبح ناشتے میں ٹھنڈا پانی دیا جس کے بعد ان کی ذہنی صلاحیتوں کا جائزہ لیا گیا توان کی بھی حاضردماغی اور ذہنی صلاحیت میں اضافہ نوٹ کیا گیا۔ اپنی ریسرچ میں پروفیسر یوشی ہیکوگوکا کا کہنا ہے کہ ناشتے میں آئسکریم کھانے کے صحت پر ہونے والے نقصانات سے متعلق مزید تحقیق کی ضرورت ہے البتہ یہ ضرور ہے کہ ناشتے میں آئسکریم کھانے سے ذہنی صلاحیت نکھرتی ہے۔

لاہور(نیٹ نیوز) وزیر صحت ڈاکٹر یاسمین راشد نے کہا ہے کہ جلد صوبے کے تمام اضلاع میں ہیلتھ کارڈ جاری کئے جائیں گے ۔ سرکاری کے ساتھ پرائیویٹ ہسپتالوں میں بھی طبی سہولتیں ملیں گی۔ ریواز گارڈن میں سنٹرل پارک لیبارٹریز کا افتتاح صوبائی وزیر صحت ڈاکٹر یاسمین راشد نے کیا۔ جمشید حنیف گروپ کے زیر اہتمام تقریب میں ہیڈ آف مارکیٹنگ ڈیپارٹمنٹ فیصل اشتیاق ،جمشید حنیف سمیت دیگر نے شرکت کی۔ تقریب سے خطاب کرتے ہوئے وزیر صحت ڈاکٹر یاسمین راشد نے کہا کہ غریبوں کے لیے معیاری لیبارٹری بنانا نیکی کا کام ہے۔ ڈاکٹر یاسمین راشد نے مزید کہا کہ حکومت صوبے کے 36 اضلاع میں ہیلتھ کارڈ جاری کررہی ہے ۔ ہیلتھ کارڈ میں سرکاری ہسپتالوں کے علاوہ پرائیوٹ ہسپتالوں اور لیبارٹریز کو شامل کریں گے۔ اس موقع پر اعلان کیا گیا کہ سنٹرل پارک لیبارٹریز غریب اور مستحق افراد کے مفت ٹیسٹ کرے گی۔

شازیہ انوار
نمک کے بنا کھانوں کو بے ذائقہ ہی تصور کیا جاتا ہے کیونکہ نمک کھانوں کا وہ جز ہے جس کے بغیر ذائقے کا تصورمحال ہے لیکن ایک تحقیق نے نمک کے زائد استعمال کو صحت کے لیے انتہائی نقصاندہ قرار دیا ہے۔

سنسیناٹی چلڈرنز ہاسپٹل میڈیکل سینٹر کی تحقیق میں بتایا گیا ہے کہ زیادہ نمک کا استعمال خون کی شریانوں کو نقصان پہنچانے کا باعث بنتا ہے اور اسی وجہ سے درمیانی عمر میں دل کے دورے اور فالج جیسے امراض کا خطرہ بڑھ جاتا ہے۔ غذا میں نمک کی زیادتی خون کی شریانوں میں نمایاں تبدیلی لاتی ہے اور وہ سکڑ جاتی ہں یا سخت ہوجاتی ہیں اور یہ ہی خون کی شریانوں سے جڑے امراض کی ابتدائی علامات بھی ہیں۔

طبی ماہرین کے مطابق نمک کھانے کا ایک اہم عنصر ہے جسے مکمل طور پر ترک تو نہیں کیا جاسکتا لیکن اس کے استعمال کو کم کیا جانا مکمن ہے۔ نمک اس لیے ضروری ہے کیونکہ ہمارے خلیات سوڈیم کے ذریعے غذائی اجزا کو ایک جگہ سے دوسری جگہ منتقل کرتے ہیں، اس کے ساتھ یہ جسم کے مسلز اور اعصابی نظام کو قابو رکھنے کے لیے بھی ضروری ہے۔

نمک کو سائنسی زبان میں سوڈیم کلورائیڈ بھی کہا جاتا ہے اور ہمارے جسم کو صحت مند رکھنے کے لیے سوڈیم اور پانی کے ایک مخصوص توازن کی ضرورت ہوتی ہے اور اگر یہ توازن برقرار نہ رہے تو انسانی جسم پر اس کے مضر اثرات مرتب ہوتے ہیں۔

نیشنل انسٹیٹیوٹ فارہیلتھ اینڈ ویلفیر کی ایک تحقیق کے مطابق روزانہ 13 اعشاریہ سات گرام یا اس سے زائد نمک کا استعمال ہارٹ فیل ہونے کا خطرہ دیگر افراد کے مقابلے میں دو گنا بڑھا دیتا ہے۔ نمک کے زائد استعمال کے نتیجے میں بلڈ پریشر، فالج، امراض قلب، گردوں کے امراض، پتھری، موٹاپے، ہڈیوں کی کمزوری، معدے کے کینسر اور پیٹ کے پھولنے جیسے امراض کا خدشہ ہوتا ہے۔

ایک نئی طبی تحقیق میں یہ بات بھی سامنے آئی ہے کہ دن بھر میں دو چائے کے چمچے نمک کا استعمال دل کے لیے تباہ کن ثابت ہوسکتا ہے۔

امریکہ کی ہارورڈ یونیورسٹی کی تحقیق کے مطابق بیشتر افراد اپنے کھانوں کو ذائقہ دار بنانے کے لیے زیادہ نمک پسند کرتے ہیں لیکن دن بھر میں 3.73 گرام نمک کھانے سے امراض قلب کے مسائل کا خطرہ بڑھ جاتا ہے یا اس سے دل کا حجم بڑھنے کا خطرہ بھی ہوتا ہے۔ تحقیق میں یہ بھی بتایا گیا ہے کہ نمک کا زائد استعمال دل کے پٹھوں پر دباﺅ بڑھاتا ہے، جس سے دھڑکن کی رفتار تیز ہوجاتی ہے جبکہ بلڈ پریشر پر مرتب ہونے والے اثرات ہارٹ اٹیک، فالج اور گردوں کے امراض کا سبب بن سکتے ہیں۔

اس تحقیق کے دوران لگ بھگ تین ہزار افراد میں نمک کے استعمال سے دل کی صحت پرمرتب ہونے والے اثرات کا تجزیہ کیا گیا جبکہ تحقیق میں شامل افراد کے دل کی ساخت کا تعین کرنےکے لیے کیے گئے الٹراساؤنڈ سے معلوم ہوا کہ دن بھر میں 3.73 گرام نمک کا استعمال دل کے لیے تباہ کن ثابت ہوتا ہے اوراس سے بلڈ پریشرمیں اضافہ ہوتا ہے۔

انسٹیٹوٹ آف وائیل کارنیل میڈیسین کی تحقیق میں بتایا گیا ہے کہ زیادہ نمک کھانے سے دماغی تنزلی کا باعث بننے والے مرض ڈیمینشیا کا خطرہ بھی بڑھ جاتا ہے۔ نمک کا زیادہ استعمال جان لیوا بھی ثابت ہوسکتا ے جس کے بارے میں ایک تحقیق کے دوران چوہوں پر کیے۔
رزق کو ضائع ہونے سے کیسے بچایا جائے؟

تجربات میں یہ بات سامنے آئی ہے کہ زیادہ نمک والی غذائیں دماغ کے مختلف حصوں میں جانے والے خون کی فراہمی 25 سے 28 فیصد تک کم کردیتی ہیں۔ اس سے دماغ کے وہ حصے زیادہ متاثر ہوتے ہیں جو سیکھنے اور یادداشت سے متعلق ہوتے ہیں اور دوران خون کی کمی کی وجہ زیادہ نمک کھانے سے نائٹرک آکسائیڈ بننے کی مقدار میں کمی آنا ہوتا ہے۔

باہر کے کھانوں مثلاً چپس، گریوں، فرنچ فرائز اور دیگر جنک فوڈز میں نمک کی محفوظ قرار دی گئی مقدار سے زیادہ مقدار شامل ہوتی ہے۔ایک اورتحقیق کے مطابق نمک کا زیادہ استعمال ذیابیطس کی علامات کو بڑھا کر اس جان لیوا مرض کا شکار بنا سکتا ہے۔ یہ بلڈ پریشر کو بڑھا کر فالج اور دل کے عارضوں جیسے امراض کے خطرات کو بھی بڑھاتا ہے۔ نمک کے زیادہ استعمال سے گردوں کو نقصان ہوتا ہے اور کیلشیم کے اکٹھا ہونے کی وجہ سے گردوں میں پتھری ہو جاتی ہے ۔

برطانیہ کے ادارے این ایچ ایس کے مطابق بالغ افراد کو دن بھر میں زیادہ سے زیادہ 6 گرام یا ایک چائے کا چمچہ کے برابر نمک استعمال کرنا چاہئے جبکہ تین سال سے کم عمر بچوں کو دو گرام استعمال کرنا چاہئے ۔

عالمی ادارہ صحت کی ایک رپورٹ کے مطابق ہر سال نمک کے استعمال میں زیادتی کے باعث تقریباََ 25 لاکھ افراد کی موت واقع ہو جاتی ہے۔ ایک تحقیق کے مطابق دنیا بھر میں بالغ افراد کی 99 فیصد آبادی روزمرہ زندگی میں عالمی ادارہ صحت کی جانب سے مقرر کردہ نمک کی مقدار سے دوگنا زیادہ استعمال کرتے ہیں۔ ماہرین کے مطابق سویا ساس اور ڈبوں میں بند خوراک میں نمک کی بہت زیادہ مقدار شامل کی جاتی ہے۔

سنسینائی چلڈرنز میڈیکل سینٹر کی ایک تحقیق کے مطابق نوجوانوں میں بہت زیادہ نمک کا استعمال خون کی شریانوں کو نقصان پہچاتا ہے جس کے نتیجے میں درمیانی عمر کے پہنچنے تک دل کے دورے اور فالج جیسے امراض کا خطرہ بڑھ جاتا ہے۔ ایک اور تحقیق کے مطابق نمک کا زیادہ استعمال معدے اور آنتوں میں پائے جانے وا لے انسان دوست جرثموں کو شدید نقصان پہنچاتا ہے اور پھر ان کے متاثر ہونے سے ہائی بلڈ پریشر کا مرض لاحق ہو جاتا ہے ۔ اس کے علاوہ دیگر مختلف امراض اور بیماریوں بھی پیدا ہو تی ہیں جو انسان کے فطری دفاعی نظام کو متاثر کرتی ہیں ۔ نمک سے بھرپور غذائیں استعمال کرنے سے ازخود امنیتاتی امراض جیسے ملٹی پل اسکیروسس کی بیماری بھی ہو سکتی ہے۔

نمک کے زیادہ استعمال سے انسان کے دماغ اور ریڑھ کی ہڈی پر رسولی کی شکل میں مرتب ہوتے ہیں جو اعصابی کمزوری کا باعث بن سکتے ہیں۔ امریکی جریدے نیچر کی ایک رپورٹ کے مطابق غذا میں زیادہ نمک استعمال ہمارے جسم میں ان خلیوں میں اضافہ کر سکتا ہے جن کی وجہ سے جسم اپنی ہی قوت مدافعت کے خلاف کام کرنا شروع کر دیتا ہے۔

نمک کے زیادہ استعمال کے نتیجے میں گردوں کو اس کے اخراج کے لیے بہت زیادہ کام کرنا پڑ تا ہے جس کے نتیجے میں گردوں کے امراض کا خطرہ پیدا ہوجاتا ہے اور پیشاب کی رنگت تبدیل ہو سکتی ہے ۔ اسی طرح بہت زیادہ سوڈیم کی جسم میں موجودگی سے جسم سیال کی سطح سے محروم ہو جاتا ہے جس کی وجہ سے ڈی ہائیڈریشن کا مسئلہ پیدا ہوجاتا ہے ۔ جسم میں پانی کی کمی کی وجہ سے پیشاب کی مقدار کم ہو جاتی ہے اور جس کے نتیجے میں پیشاب گاڑھا اور گہرے زرد رنگ کا ہوسکتا ہے ۔بہت زیادہ نمک کے استعمال کی وجہ سے گردے اسے مکمل طور پر خارج نہیں کر پاتے ہیں جس سے کیلشیم کی سطح میں نمایاں کمی ہو جاتی ہے اور کیلشیم کی کمی ہڈیوں کی کمزوری کا باعث بنتی ہے۔ دانتوں کے مسائل اور ہڈیوں کے بھربھرے پن کا خطرہ بڑھ جاتا ہے۔

تحقیق کے مطابق غذا میں بہت زیادہ نمک کا استعمال خون کی شریانوں میں نمایاں تبدیلی لاتا ہے اور وہ سکڑ جاتی ہیں یا سخت ہو جاتی ہیں جو کہ خون کی شریانوں سے جڑے امراض کی ابتدا ہوتے ہیں۔ نمک کے زیادہ استعمال سے اجتناب برتتے ہوئے ہمیں ایسے کھانے تیار کرنے چاہئے جن میں نمک کم ہو۔ ڈبے میں بند غذاﺅں سے گریز کرنا چاہیے اور سادہ غذا اور پھل زیادہ کھانے چاہیئے ۔

(میڈیا 92 نیوز) یونیورسٹی آف ہیلتھ سائنسز میں گلوبل انسٹیٹیوٹ آف ہیلتھ کیئر کوالٹی کے زیر اہتمام سیمینار کا انعقاد ہوا۔ صوبائی وزیر صحت ڈاکٹر یاسمین راشد نے بطور مہمان خصوصی شرکت کی۔ یونیورسٹی آف ہیلتھ سائنسز میں گلوبل انسٹیٹیوٹ آف ہیلتھ کیئر کوالٹی کے زیر اہتمام سیمینار ہوا۔”ہیلتھ کئیر کوالٹی فور ہیومینٹی “(humanity) کے زیر عنوان منعقدہ سیمینار میں ڈاکٹر یاسمین راشد کی خصوصی شرکت ۔ یونیورسٹی آف ہیلتھ سائنسز کے وائس چانسلر جاوید اکرم اور طلبہ کی کثیر تعداد بھی موقع پر موجود رہی۔ صوبائی وزیر صحت کا کہنا تھا کہ صحت کی حفاظت کے حوالے سے لوگوں کو آگاہی دینا ہمارا فرض ہے۔ ڈاکٹر یاسمین راشد نے ہیلتھ کئیر کوالٹی میں مریض کی حفاظت کو سب سے ضروری قرار دیتے ہوئے کہا کہ ڈاکٹرز کو خیال رکھنا چاہیے کہمریض کو لگایا جانے والا خون بیماریوں سے پاک ہو۔ سیمینار کے اختتام پر ڈاکٹر یاسمین راشد کو اعزازی شیلڈ پیش کی گئی۔

کیلیفورنیا:(نیٹ نیوز/ایمرا نیوز) جاپان اور امریکا کے ماہرین نے دریافت کیا ہے کہ اگر کسی شخص کے جسم میں موجود، قدرتی جسمانی گھڑی درست طور پر کام کرنے کے قابل نہ رہے تو وہ موٹاپے سے لے کر کینسر تک، مختلف اقسام کی بیماریوں میں مبتلا ہوسکتا ہے۔واضح رہے کہ کم و بیش تمام جانداروں میں قدرتی طور پر ایک نظام موجود ہوتا ہے جو انہیں صبح کے وقت تازہ دم اور بیدار کرتا ہے جبکہ رات کے وقت نیند کا باعث بن کر انہیں آرام کرنے پر مجبور کرتا ہے۔ عام طور پر اسے ’’جسمانی گھڑی‘‘ (باڈی کلاک) کہا جاتا ہے جبکہ سائنسی طور پر اس کا نام ’’سرکاڈیئن ردم‘‘ (circadian rhythm) ہے۔ حالیہ برسوں میں یہ بھی دریافت ہوچکا ہے کہ سرکاڈیئن ردم ہمارے جسم میں خودکار طور پر انجام پانے والے تمام کاموں پر کسی نہ کسی صورت اثر انداز ہوتا ہے۔اگر جسمانی گھڑی ٹھیک کام کررہی ہو تو یہ خودکار نظام بھی درست طور پر کام کرتے ہیں، جس کے نتیجے میں ہم صحت مند رہتے ہیں۔

اس کے برعکس اگر یہ گھڑی خراب ہوجائے تو ہمارے لیے، سونے جاگنے کے خراب معمولات سمیت، صحت کے متعدد مسائل پیدا ہوجاتے ہیں۔’’پروسیڈنگز آف دی نیشنل اکیڈمی آف سائنس‘‘ کے تازہ شمارے میں آن لائن شائع ہونے والے ایک تحقیقی مقالے میں بتایا گیا ہے کہ خلوی مرکزے (سیلولر نیوکلیئس) کے اندر پایا جانے والا ایک پروٹین ’’ایچ این ایف 4 اے‘‘ (HNF4A)، اگر درست طور پر کام کررہا ہو تو جسمانی گھڑی بھی ٹھیک رہتی ہے۔ لیکن اگر یہ پروٹین خراب ہوجائے یا اپنا کام صحیح طرح سے کرنے کے قابل نہ رہے تو صحت کے کئی ایک مسائل اور ان گنت بیماریاں ہمیں گھیر سکتی ہیں جن میں موٹاپا اور چھاتی کا سرطان (بریسٹ کینسر) بطورِ خاص تشویشناک ہیں۔ اس تحقیق میں جاپان کی ناگویا یونیورسٹی کے علاوہ امریکا کے اسکرپس انسٹی ٹیوٹ اور یونیورسٹی آف سدرن کیلیفورنیا سے تعلق رکھنے والے ماہرین شریک تھے۔یاد رہے کہ آج کے زمانے میں موٹاپے کو بھی خطرناک امراض میں شامل کیا جاچکا ہے کیونکہ اس کے نتیجے میں کولیسٹرول اور بلڈ پریشر سے لے کر دل کی کئی بیماریاں بھی لاحق ہوسکتی ہیں۔ ایچ این ایف 4 اے پروٹین کے حوالے سے یہ تحقیق چوہوں پر کی گئی ہے لیکن ماہرین کا کہنا ہے کہ اس پروٹین کے یہی اثرات انسانوں پر بھی واقع ہوتے ہیں۔ایچ این ایف 4 اے پروٹین کیوں خراب ہوجاتا ہے؟ ماہرین نے اس کا ذمہ دار ہمارے جدید طرزِ حیات (لائف اسٹائل) کو قرار دیا ہے: دن میں غیر ضروری طور پر سونے، پوری پوری رات جاگنے اور ایک سے دوسرے براعظم تک تیز رفتار سفر وغیرہ کے باعث جسمانی گھڑی میں اچانک آنے والی تبدیلیوں کے باعث یہ پروٹین خرابی کا شکار ہوتا ہے۔اس ضمن میں ہم اتنا ضرور کرسکتے ہیں کہ اپنے سونے جاگنے کے معمولات کو منظم رکھیں تاکہ ہماری جسمانی گھڑی متاثر نہ ہو اور اپنا کام درست طور پر کرتی رہے۔ بصورتِ دیگر، ہمیں انواع و اقسام کی بیماریوں کےلیے تیار رہنا چاہیے۔

کافی پینےوالے سردیوں کا انتظارنہیں کرتےبلکہ روزانہ ایک سے دوکپ کافی پی کر لطف اندوز ہوتے ہیں۔ دن بھر کی تھکن دور کرنے کے لیے بھی کافی پی جاتی ہے کیونکہ ایک کپ کافی پینے سے ایسا محسوس ہوتا ہے جیسے جسم میں توانائی بھر گئی ہو۔ کافی پینے کے بعد جسم چاق و چوبند لگنے لگتا ہے۔ طلباء میں تو چائے اور کافی کا استعمال بہت ہی مقبول ہے، بالخصوص امتحانات کے دنوں میں وہ خود کو تازہ دم رکھنے اور رات میں جاگ کر امتحانات کی تیاری کرنے کے لیے کافی یا چائے ضرور پیتے ہیں۔ یہ تو کافی کے وہ فوائد ہیں، جو ہر خاص و عام کومعلوم ہیں لیکن سائنس کیا کہتی ہے ،آئیے اس بارے میں جانتے ہیں۔

کافی پر ہوئی کافی تحقیق
اسپین کے ماہرین نے ایک تحقیق کے ذریعے بتایا ہے کہ کافی بیماریوں سے دور رکھنے کے ساتھ ساتھ لمبی عمر کا بھی باعث ہوتی ہے۔ یورپین سوسائٹی آف کارڈیالوجی کی جانب سے تمام یورپی ممالک میں 37سال8مہینے اوسط عمر رکھنے والے تقریباً20ہزار افراد کا سروے کیا گیا۔17دن تک ان لوگوں کو روزانہ اوسطاً 4کپ کافی پلائی گئی، ان میں کسی بھی وجہ سے ناگہانی موت کےامکانات ایسے افراد کے مقابلے میں64فیصد کم دیکھے گئے، جو کافی نہیں پیتے تھے۔ ماہرین نے جب کافی کی روزانہ مقدار اور عمومی صحت میں تعلق کا تجزیہ کیا تو معلوم ہوا کہ روزانہ 2کپ کافی کے اضافی استعمال سے ناگہانی موت کے امکانات 22تک فیصد کم ہورہے تھے۔45سال یا اس سے زائد عمر والے افراد کےلیے2کپ اضافی کافی استعمال کرنے کا یہی فائدہ30فیصد تک سامنے آیا۔
دانتوں کی خرابی میں کمی
کیٹرز اِن اپلائیڈ مائیکروبائیولوجی نامی جریدے میںشائع ہونے والی ایک اور تحقیق سے پتہ چلا ہے کہ دیگر فوائد کے علاوہ بلیک کافی دانتوں کیلئے بھی خاصی مفید ہے۔ برازیل میں ہونے والی اس تحقیق میں انکشاف کیا گیا ہے کہ بلیک کافی، جو بغیرچینی اور دودھ کے ہو، کے مناسب استعمال سےدانت خراب اور کمزور ہونے سے بچ سکتے ہیں۔
دنیا بھر میں 30فیصد کافی کین فورا (Canephora) نامی بیجوں سے بنائی جاتی ہے۔ ریوڈی جنیرو کی فیڈرل یونیورسٹی میں ان بیجوں پر کئے گئے تجربات سے سائنسدانوں نے معلوم کیا ہے کہ بلیک کافی دانتوں پر بیکٹیریا کی تہہ جمنے نہیں دیتی، جس کی وجہ سے ان کو کیڑا نہیں لگتا۔ تحقیق کے سربراہ آندرے انٹونیونے بتایا کہ دانتوں کا کیڑا دانت خراب کرنے کی سب سے بڑی وجہ ہےاورانسانی دانتوں پر لگی بیکٹیریا کی یہ تہہ کافی میں پائے جانے والے مرکبات کی وجہ سے تحلیل ہو جاتی ہے۔ سائنسدانوں کا کہنا ہے کہ بیکٹیریا کی تہہ کو کافی میں پایا جانے والا مادہ پولی فینول ختم کردیتا ہے۔
الزائمر اور پارکنسنز سے حفاظت
جولوگ کافی کا کم استعمال کم کرتے ہیں ان کے اند رکافی پینے والوں کے مقابلے میں پارکنسنز کا خطرہ زیادہ پایا جاتاہے۔ یہاںتک کہ سویڈن کی تحقیق کے مطابق اگر پارکنسنز بیماری موروثی بھی ہوتو کافی پینے سےخاصا افاقہ ہوسکتاہے۔
دل کےامراض میں کمی
ایک تحقیق میں شامل وہ شرکاء جو دن میں تین سے پانچ کپ کافی پیتے تھے، ان میں ابتدائی امراض قلب کا خطرہ کافی حد تک کم دیکھا گیا۔ برازیل میں ہونے والی تحقیق کےمطابق وہ لوگ جو دن میں کم سے کم تین کپ کافی پیتے ہیں، ان کے دل کی شریانوں میں کیلشیم سالٹ کے جمع ہوجانے کا خدشہ کم ہوتاہے۔
ذیابطیس کے خطرے میں کمی
آرکائیو آف انٹرنل میڈیسن کی تحقیق کے مطابق وہ لوگ جو دن میں 6یا اس سے زائد کپ کافی پیتے ہیں، ان میں ذیابطیس ہونے کا خطرہ 22 فیصد کم ہوتاہے۔ ہارورڈ یونیورسٹی کے پروفیسر ڈاکٹر فرینک ہو کے حالیہ جائزے کے مطابق جو لوگ روزانہ دن میں ایک بار کافی پیتے ہیں، ان کے ذیابطیس ٹائپ ٹوکے مرض میں مبتلا ہونے کے امکانات 9فی صد تک کم ہوجاتے ہیں۔
اعصابی خلیات کی نشوونما
ذہن کے خلیات کی نشو ونما کیلئے بھی کافی بہت کام آتی ہے۔ یہ خلیےایسی توانائی پیدا کرتے ہیں، جس سے ذہن صحت مند اور توانا رہتا ہے ۔ کافی سے یادداشت بہتر ہونے اور ردعمل میں تیزی آنے جیسے فوائد شامل ہیں۔ اگر آپ امتحان دینے جارہے ہیں تو اس سے قبل کبھی کافی کا ایک کپ پی کر دیکھیے، یقین جانیے اس سے آپ کا دماغ بہتر کام کرے گا۔
نیند کا اثر دور کرے
یہ انسانی جبلت ہے کہ کوئی پریشانی ہو یا مشکل ، سب سے پہلے نیند ہی متاثر ہوتی ہے۔ اگر کئی دن تک نیند ٹھیک سے نہ آئے تو طبیعت بھاری اور بوجھل محسوس ہونے لگتی ہے۔ اگر آپ نیند نہ آنے کے باعث ہونے والی سستی دور کرنا چاہتے ہیں تو کافی پیجئے، ہشاش بشاش ہوجائیں گے۔
ڈپریشن میں کمی
بہت سے لوگ ڈپریشن کی وجہ سے اپنی زندگی سے بیزار نظر آتے ہیں۔ آرکائیو آف جنرل میڈیسن نے اس سلسلے میں86ہزار خواتین نرسوں کو 10سال تک کافی پلا کرتحقیق کی تو ان میں خودکشی کے بارے میں سوچنے کے تناسب میں کمی پائی گئی۔ ہارورڈ اسکول آف پبلک ہیلتھ کی ایک تحقیق کے مطابق جو لوگ چار کپ یا اس سے زیادہ کافی پیتے ہیں، ان کے اندر ڈپریشن میں مبتلا ہونے کا خدشہ20فیصد تک کم ہوجاتا ہے۔

(نیٹ نیوز/ایمرا نیوز)
اِدھر سردیاں آئیں اوراُدھر مونگ پھلی بازاروں میں آئی۔ لحاف میں گھس کر گھرو الوں کے ساتھ باتیںکرتے کرتے گرما گرم مونگ پھلی کھانے کا الگ ہی مزہ ہے۔ گلی محلوں میں کھڑے مونگ پھلی کے ٹھیلے آپ کو اپنی جانب کھینچتے ہیں اور آپ مونگ پھلی خریدے بنا رہ نہیں پاتے ۔

مونگ پھلی پہلی مرتبہ پیراگوئے کی وادیوں میں کاشت کی گئی۔ یہ سالانہ کاشت کیا جانے والا پودا ہے۔ اس پودے کی لمبائی 30 تا 50 سینٹی میٹر ہوتی ہے۔مونگ پھلی کی کاشت اور پیداوار میں چین اول نمبر پر ہے۔ دنیا کی مکمل پیداوار میں سے %42 فیصد یہیں کاشت ہوتا ہے۔ بھارت کا دوسرا نمبر اور تیسرے مقام پر امریکا ہے۔ مونگ پھلی سردیوں کی خاص سوغات ہے ، لیکن بہت سے لوگ نہیں جانتے کہ اس کے بیش بہا فائدے بھی ہیں۔

مصری تحقیق کے مطابق فائدے

ایجپشن سوسائٹی آف الرجی اینڈ ایمونالوجی کے رکن ڈاکٹر مجدی بدران کی تحقیق سے یہ بات ثابت ہوئی ہے کہ مونگ پھلی بہت سے اہم غذائی عناصر سے بھرپور ہوتی ہے، جو انسانی جسم کے مدافعتی نظام کو بہتر کرتے ہیں۔ مونگ پھلی کا استعمال دل اور خون کی شریانوں کے عوارض ، الزائمر اور سرطان سے بچانے میں مدد کرتے ہیں اور بڑھاپے کے اثرات کو کم کرتی ہے۔ مونگ پھلی میں موجود 25 فیصد پروٹین انسانی جسم میں خلیوںکی تجدید میں مدد کرتا ہے۔ مونگ پھلی میں موجود متعدد غذائی عناصر جیسے فولک ایسڈ ، تانبہ ، نیاسن اور دیگر وٹامن انسانی صحت کیلئے فائد ہ مند ہیں۔یہ عناصر دل اور شریانوں کا تحفظ کرتے ہیںاور نقصان دہ کولسٹرول کو کم کرتے ہیں جبکہ جرثوموں اور زہریلے مواد سے بھی محفوظ رکھتے ہیں۔مونگ پھلی کا چھلکا اینٹی آکسیڈنٹس کا حامل ہوتا ہے۔ اس کے روغن میں پروٹین ، اینٹی آکسیڈنٹس اور جسم کے لیے اہم معدنیاتی نمکیات ہوتے ہیں۔ مونگ پھلی میں ریشے کی بھی وافر مقدار پائی جاتی ہے ۔ یہ ریشہ وزن کم کرنے اور دمے سے تحفظ فراہم کرنے میں مدد دیتا ہے۔ان کا کہناہے کہ قدرت کا یہ انمول تحفہ اپنے اندر ٹرپٹوفان بھی رکھتا ہے، جو جسم میں سیروٹونن مادہ پیدا کرتا ہے۔ یہ مادہ انسان کو ڈپریشن اور اعصابی تنائو کی حالت سے بچا کر مزاج کو نارمل رکھنے میں مدد کرتا ہے۔

امریکی تحقیق کے مطابق فائدے

امریکا کی یونیورسٹی اسکول آف میڈیسن سے وابستہ محقق ڈاکٹر ژاؤ او شو نے خشک میوے اور موت کے خطرے کی شرح کے درمیان تعلق کی تحقیق کی جو آن لائن جریدہ ‘جاما انٹرنیشنل میڈیسن میں شائع ہوئی۔ تحقیق کے مطابق مونگ پھلی کھانے سے قلبی فوائد ظاہر ہوئے ہیں۔ مطالعے میں جن لوگوں نے خشک میوے کے طور پرمونگ پھلی کھائی تھی، ان میں اس مدت کے دوران موت کا خطرہ ایسے لوگوں کی نسبت کم تھا، جنھوں نے خشک میوہ کم کھایا تھا یا بالکل استعمال نہیں کیا تھا۔

محقق ژاؤ او شو کا کہنا ہے کہ مونگ پھلی اگرچہ خشک میوہ نہیں ہے اور اس کی درجہ بندی پھلی کے طور پر کی جاتی ہے لیکن اس کے غذائی اجزا خشک میوے سےمتماثل ہیں۔ جن لوگوں کو مونگ پھلی سے الرجی نہیں ہے، انھیں دل کی صحت کے فوائد کے لیے زیادہ سے زیادہ مونگ پھلی کھانی چاہیے، جو دوسرے میووں کےمقابلے میںکم قیمت بھی ہے۔ تاہم محقق نے بتایا کہ مطالعے میں شامل لوگوں کو دن بھر میں17سے18گرام مونگ پھلی کھانے کی ضرورت تھی۔

مزید فوائد

٭مونگ پھلی دبلے اور کمزور افراد کے لئے مفید ہے۔

٭کینسر سے محفوظ رکھنے میں ہماری معاون ہے۔

٭مونگ پھلی میں پروٹین، کیلشیم، وٹامن ای، وٹامن بی ون، B6اور فاسفورس شامل ہوتا ہے۔

٭مونگ پھلی سےاعصاب کو تقویت ملتی ہے۔

٭ذیابطیس ٹائپ ٹو میں مونگ پھلی کا استعمال مریض کو فائدہ دیتاہے۔

٭مونگ پھلی کے استعمال سے انسولین کی سطح برقرار رہنے میں مدد ملتی ہے۔

٭مونگ پھلی میں موجود فولاد خون کے نئے خلیے بنانے میں مددگار ہوتا ہے۔

٭ایکسرسائز کرنے والے اس سے بھر پور فائدہ اٹھا سکتے ہیں۔

٭مونگ پھلی میں موجود وٹامنز ہڈیوں اور دانتوں کو مضبوط کرنے میں معاونت کرتے ہیں۔

٭مونگ پھلی معدے اور پھیپھڑے کے لئے فائدہ مند ہے اور یہ دونوں اعضاء کو مضبوطی بخشتی ہے۔

٭مونگ پھلی میں ایسے اینٹی آکسیڈنٹس پائے جاتے ہیں جو غذائی لحاظ سے سیب، چقندر اور گاجر کے مقابلے میں وافر مقدار میں ہیں

٭اگر آپ کے بال گر رہے ہیں تو مونگ پھلی کے استعمال سے ان میں کمی آ سکتی ہے۔

احتیاط

٭ڈاکٹر کے مشورے سے حاملہ خواتین مونگ پھلی کھانے کے بارے میں سوچیں کیونکہ اس سے الرجی ہونے کا خدشہ ہوتا ہے۔

٭خارش ہونے کی صورت میں مونگ پھلی کا استعمال نہ کیا جائے تو بہتر ہے۔

٭کچی مونگ پھلی کی بجائے ہمیشہ بھنی ہوئی مونگ پھلی کھائی جائے تاکہ اس کے بہتر فوائد حاصل ہو سکیں۔

لاہور(نیٹ نیوز/ایمرا نیوز) ایک تحقیق سے یہ بات سامنے آئی ہے کہ نیند میں بڑبڑانا یا باتیں کرنا تو پہلے ہی عام تھا لیکن اب نیند میں ٹیکسٹ میسج کرنا بھی عام ہوگیا ہے۔ غیر ملکی میڈیا کے مطابق ماہرین کا کہنا ہے کہ اکثر افراد اس بات کی شکایت کرتے دکھائی دیتے ہیں کہ انہیں دوست کی جانب سے عجیب و غریب زبان میں لکھا میسج موصول ہوا ہے، تو اس میں پریشان ہونے والی بات نہیں ہے کیونکہ وہ میسج اُس نے آپ کو نیند میں بھیجا ہے۔

Bedtime stories