Category انٹرنیشنل

لندن(نیٹ نیوز)
سپریم کورٹ کے جج کے عہدے کے لیے صدر ٹرمپ کے نامزد امیدوار بریٹ کیوانا ہارورڈ لاء اسکول میں ٹیچنگ سے دستبردار ہوگئے۔

بریٹ کیوانا جنسی ہراسانی کے الزامات کی وجہ سے تنقید کی زد میں ہیں ، انہوں نے ہارورڈ لاء اسکول میں ٹیچنگ سے دستبردار ہونے کے فیصلے کی کوئی وجہ نہیں بتائی ، تاہم یہ فیصلہ کالج کے سیکڑوں سابق طلبہ کی جانب سے ان کے خلاف پٹیشن پر دستخط کے بعد سامنے آیا ہے۔

کالج منتظمین نے طلبہ کو ای میل کرکے آگاہ کیا کہ کیوانا جنوری 2019ء سے شروع ہونے والے کورس پڑھانے کے لیے دستیاب نہیں ہوں گے ، اس لیے اب طلبہ کو اس کورس کی پیش کش نہیں کی جائے گی۔

چین (نیٹ نیوز)
چین میں موسم خزاں کی پہلی برف باری نے لوگوں کو حیران کردیا ہے۔

چین کے صوبے سیجوان کے مختلف علاقوں میں موسم خزاں کی پہلی برف باری اچانک ہوئی اور ہر طرف سفید چادر بکھری نظر آئیں۔

برف باری سے گرمی کا زور ٹوٹ گیا اور لوگوں نے گرمی میں برف باری کو خوب انجوائے کیا۔

بھارت(نیٹ نیوز)

جسٹس رنجن گوگوئی نے بھارت کے 46 ویں چیف جسٹس کی حیثیت سے اپنے عہدے کا حلف اٹھالیا۔

بھارتی صدر رام ناتھ کووند نے جسٹس گوگوئی سے ان کے عہدے کا حلف لیا، بطور چیف جسٹس ان کے عہدے کی معیاد 13 مہینے ہوگی جو نومبر 2019 میں ختم ہوجائے گی۔

جسٹس گوگوئی کی تقریب حلف برداری کے موقع پر بھارتی وزیر اعظم نریندر مودی کے علاوہ لوک سبھا کے اسپیکر سمیترا مہاجن بھی موجود تھے۔

واضح رہے کہ گزشتہ ہفتے بھارتی سپریم کورٹ نے جسٹس گوگوئی کے چیف جسٹس آف انڈیا بننے کے خلاف دائر درخواست کو مسترد کر دیا تھا۔

جکارتہ:(نیٹ نیوز/ایمرا نیوز) انڈونیشیا میں ہلاکت خیز سونامی اور تباہ کن زلزلے کی زد میں آکر ہلاک ہونے والوں کی تعداد 12 سوسے تجاوز کرگئی ہے۔
بین الاقوامی خبررساں ادارے کے مطابق انڈونیشیا میں تباہ کن زلزے اورسونامی کے بعد جاری امدادی کاموں کے دوران لاشیں ملنے کا سلسلہ جاری ہے۔ جمعہ کے روزآنے والی سونامی میں ہلاکتوں کی تعداد 844 سے بڑھ کر1205 ہوگئی ہے۔
چارروز قبل انڈونیشیا کے جزیرے سولا ویسی میں 7.5 شدت کے زلزلے کے جھٹکوں اور آفٹر شاکس کے بعد سونامی کی 10 فٹ بلند لہروں نے پالو شہر میں بڑے پیمانے پرتباہی مچائی تھی۔ عمارتیں منہدم، سڑکیں تباہ اور بجلی کی ترسیل کا نظام معطل ہوگیا جب کہ گاؤں کے گاؤں پانی میں ڈوب گئے۔

سونامی کے بعد امدادی کاموں کے دوران لاشیں ملنے کا سلسلہ تاحال جاری ہے۔ سڑکوں اور گلیوں میں ہر طرف لاشیں بکھری پڑی ہیں۔ لاشوں کوشناخت کے بعد اجتماعی قبروں میں دفنایا جارہا ہے۔ اسپتال زخمیوں سے بھرگئے ہیں اور ریلیف کیمپوں میں تل دھرنے کو جگہ نہیں جب کہ متاثرین کو خوراک، ادویات اور پینے کے پانی کی کمی کا سامنا ہے۔
منہدم عمارتوں کے ملبے تلے دبے اب بھی کئی افراد پھنسے ہوئے ہیں جن کے زندہ بچ جانے کے امکانات معدوم ہوتے جا رہے ہیں۔ ایک چرچ کے بائبل کیمپ میں زیرترتیب 86 طلبا میں سے 34 کی لاشیں ملبے سے مل گئی ہیں جنہیں وہیں اجتماعی قبرمیں دفنا دیا گیا ہے تاہم دیگر 52 طلبا کا تاحال سراغ نہیں مل سکا ہے۔

مقامی ریسکیواداروں سمیت عالمی امدادی ادارے بھی ریسکیو آپریشن میں حصہ لے رہے ہیں۔ سونامی کے بعد وبائی بیماریاں پھیلنے کے امکانات بڑھتے جا رہے ہیں جس کے سدباب کے لیے اقدامات کیے جا رہے ہیں تاہم طبی سہولیات کا فقدان ہے۔
انڈونیشیا کا محکمہ موسمیات سونامی کے خطرے سے پیشگی خبردارکرنے میں مکمل طورپرناکام رہا ہے جس کی وجہ سے مالی اورجانی نقصان میں حد درجہ اضافہ ہوا ہے۔ ہزاروں افراد بے گھرہوگئے اورسیکڑوں تاحال لاپتہ ہیں۔ ملبے تلے دبی لاشیں نکالنے کا کام جاری ہے۔
واضح رہے کہ انڈونیشیا میں 26 دسمبر2004 میں بھی تاریخ کا ہلاکت خیزسونامی آیا تھا جس میں ایک لاکھ سے زائد افراد اپنی جانوں سے گئے تھے اس کے باوجود انڈونیشیا نے احتیاطی تدابیراورہنگامی صورت حال سے نمٹنے کے لیے خاطر خواہ اقدامات نہیں کیے گئے جس کا خمیازہ اس بار کی سونامی میں بھی بھگتنا پڑا۔

(نیٹ نیوز/ایمرا نیوز)
بین الاقوامی مالیاتی فنڈ(آئی ایم ایف) میں ایک اور بھارتی شہری نے جگہ بنالی ہے اور اہم عہدے پر فائز ہوگئی ہیں۔
گیتاگوپی ناتھ نامی 46 سالہ بھارتی خاتون بین الاقوامی مالیاتی فنڈکی چیف اکانومنسٹ مقرر کی گئی ہیں۔
ہارورڈ یونیورسٹی کی پروفیسر گیتا گوپی ناتھ آئی ایم ایف میں مورس اوبسفیلڈ کی جگہ لیں گی، راگھورام راجن کے بعد گیتا آئی ایم ایف میں یہ عہدہ حاصل کرنے والی دوسری شہری ہیں۔

ان کے حوالے سے آئی ایم ایف سربراہ کا کہنا ہے کہ گیتا دنیا کی مایہ ناز ماہر اقتصادیات اور وسیع تجربے کی حامل ہیں۔

اسرائیل(نیٹ نیوز/ایمرا نیوز) اسرائیل کے 2 فوجی اہلکاروں کو تھپڑ مارنے والی فلسطین کی بہادر لڑکی عہد تمیمی کو ہسپانوی فٹبال کلب ریال میڈرڈ نے اپنی جرسی پیش کی۔
اسپین میں موجود 17 سالہ عہد تمیمی کو ایک تقریب میں ریال میڈرڈ کی جرسی دی گئی، جس کی تصویر سامنے آتے ہی اسرائیلی حکام نے ہسپانوی فٹبال کلب پر تنقید شروع کر دی ہے۔
اسرائیلی حکام کی جانب سے ریال میڈرڈ پر جارحیت کی حوصلہ افزائی کا الزام لگایا جا رہا ہے ۔
واضح رہے کہ عہد تمیمی نے 2 اسرائیلی فوجیوں کو تھپڑ مارنے پر 8 ماہ جیل کی قید کاٹی اور انہیں جولائی میں جیل سے رہائی ملی ہے۔

جکارتہ:(نیٹ نیوز/ایمرا نیوز) انڈونیشیا میں زلزلے اور سونامی کے بعد مختلف حادثات میں ہلاکتوں کی تعداد 834 ہوگئی جب کہ حکومت نے جاں بحق افراد کی اجتماعی تدفین کے لیے کام شروع کردیا۔
انڈونیشیا کی مقامی ریسکیو ٹیموں نے زلزلے اور سونامی سے ہلاک ہونے والوں کی میتیں الگ الگ بیگز میں ڈال کر اجتماعی قبر میں رکھنا شروع کردیں جبکہ متاثرہ علاقوں میں ملبے تلے دبے افراد کو نکالنے کا سلسلہ بھی جاری ہے۔
انڈونیشین حکام نے قدرتی آفت کے بعد بڑے پیمانے پر ہونے والی تباہی پر عالمی برادری سے مدد کی اپیل بھی کی ہے جب کہ صدر جوکو ودودو نے بھی غیرملکی این جی اوز کو امدادی سرگرمیوں میں حصہ لینے کی اجازت دے دی۔
انڈونیشیا میں زلزلے اور سونامی سے ہلاکتوں کی تعداد 800 سے تجاوز کر گئی
سونامی سے سب سے زیادہ ساحلی شہر پالو متاثر ہوا جہاں ہلاکتیں بھی زیادہ ہوئیں جب کہ 3 لاکھ آبادی پر مشتمل شہر ڈونگلا میں بھی کئی مکانات منہدم ہوئے جہاں امدادی سرگرمیاں چوتھے روز بھی جاری ہیں۔
ریسکیو ٹیموں نے آج مزید دو افراد کی لاشیں ملبے سے نکالیں جس کے بعد مرنے والوں کی تعداد 834 ہوگئی جب کہ کئی عمارتوں کے ملبے تلے مزید افراد کی موجودگی کا خدشہ ظاہر کیا جارہا ہے۔

کابل(نیٹ نیوز/ایمرا نیوز) افغان حکومت نے طورخم بارڈر کے ذریعے افغانستان سفر کرنے والے قبائلی عوام کے لیے ویزہ کی شرط ختم کر دی۔
افغان سیکورٹی حکام کے مطابق پاک افغان سرحد طورخم پر افغانستان آمدورفت کرنے والے قبائلی شہریوں پر ویزہ کی شرط ختم ہوگئی ہے، قبائل آج کے بعد افغانستان بغیر ویزہ سفر کرسکتے ہیں۔
افغان حکام کی طرف سے دیگر پاکستانی شہریوں کی طرح قبائل پر بھی بغیر ویزہ افغانستان آمدورفت پر پابندی تھی، گزشتہ روز قبائلی نمائندہ جرگہ کی جانب سے افغان حکام کے ساتھ ملاقات کے بعد ویزہ شرط کو ختم کیا گیا ہے۔
دوسری جانب پاکستانی حکام کی طرف سے قبائلی شہریوں کی بغیر ویزہ آمدورفت پر کوئی پابندی عائد نہیں ہے، سینکڑوں مقامی قبائل روزگار کی تلاش میں روزانہ کی بنیاد پر افغانستان آمدورفت کرتے ہیں۔

نیویارک:(نیٹ نیوز/ایمرا نیوز) اقوامِ متحدہ کے سیکریٹری جنرل اینتونیو گوٹیرس نے مقبوضہ کشمیر کی صورتحال پر تشویش کا اظہار کیا ہے۔
اینتونیو گوٹیرس نے مقبوضہ کشمیر کی صورتحال پر تشویش کا اظہار کرتے ہوئے کہا کہ وہ اس مسئلے پر موجود عدم اتفاق کو ’مثبت مذاکرات‘ کے ذریعے پرامن طریقے سے حل کرنے کی حوصلہ افزائی کرتے ہیں۔
اقوام متحدہ کے سیکریٓٹری جنرل آج سے بھارت کا 3 روزہ دورہ کررہے ہیں جہاں وہ بھارتی صدر رام ناتھ کووند، وزیر اعظم نریندرا مودی اور وزیرِ خارجہ سشما سوراج سے ملاقاتیں کریں گے۔
واضح رہے کہ رواں سال 14 جون کو اقوام متحدہ کے تحت انسانی حقوق کی تنظیم نے مقبوضہ کشمیر میں سات دہائیوں سے جاری ظلم اور انسانی حقوق کی خلاف ورزی پر ایک رپورٹ بھی جاری کی تھی۔ رپورٹ میں کہا گیا تھا کہ کشمیر میں لاکھوں افراد کے بنیادی حقوق سلب ہورہے ہیں۔
رپورٹ میں یہ بھی کہا گیا کہ مقبوضہ کشمیر میں بار بار رونما ہونے والے تشدد اور بد امنی کے سلسلے کو ختم کرنے کے لیے مذاکرات اور پرامن حل کی بہت ضرورت ہے۔

چین اور امریکا کے درمیان کشیدگی میں ہفتے کے اختتام پر تیزی سے اضافہ ہوا کیونکہ چین نےمزید تجارتی مذاکرات کی دعوت سے انکار کردیا اور امریکا کی جانب سے چینی فوجی افسران پر پابندی عائد کرنے پر احتجاج کیلئے واشنگٹن کے سفیر کو طلب کرلیا۔

امریکی معاملات کے ذمہ دار نائب وزیر خارجہ زین زگوان نے واشنگٹن کی جانب سے ہتھیاروں کی تشکیل پر پیپلز لبریشن آرمی کے یونٹ اور اس کے ڈائریکٹر لیفٹنٹ جنرل لی شانگف پر پابندی عائد کرنے کے بعد ٹیری برانسٹڈ کو طلب کیا۔

جمعرات کو امریکا نے کہا کہ پیپلز لبریشن آرمی کے ہتھیاروں کی ترقی کے شعبہ نے ماسکو کے یوکرائن میں جارحیت ، کریمیا سے الحاق،سائبر مداخلت،2016 میں امریکی صدارتی انتخابات اور دیگر مذموم سرگرمیوں کے ردعمل میں امریکی پابندیوں کے تابع روسی ہتھیاروں کے برآمد کنندہ سے جیٹ اور میزائل خریدے تھے۔

ترجمان نے مزید کہا کہ اس طرح کی سرگرمیوں سے روس نے آمدنی حاصل کی جو ان مذموم سرگرمیوں کو فعال کرنے کیلئے دفاع اور انٹیلجنس کے شعبوں کو پہنچائی گئی۔

ٹیری برانسٹڈ کے ساتھ ملاقات میں زین زگوان نے کہا کہ چین اور روس تعاون دو خودمختار ریاستوں کے درمیان معمول کی سرگرمی ہے جس میں امریکا کو مداخلت کا کوئی حق نہیں ہے۔

انہوں نے مزید کہا کہ امریکی کارروائی نے بیجنگ اور واشنگٹن اور ان کی افواج کے مابین تعلقات کو شدید نقصان پہنچایا ہے، چین نے امریکا کو اپنی غلطیوں کو فوری طور پر درست اور نام نہاد پابندیاں منسوخ کرنے پر زور دیا۔

چین کی وزارت دفاع نے پابندیوں کے لئے پیپلز لبریشن آرمی کے شدید غصے اور پرعزم مخالفت کا اظہار کیا، انہوں نے کہا کہ جو قائم بین الاقوامی تعلقات کے بنیادی قوانین کی صریحا خلاف ورزی اور امریکا کی جانب سے استبددانہ نظریہ کا مکمل طور پر اظہار ہے۔

وزارت دفاع نے مزید کہا کہ پیپلز لبریشن آرمی بحریہ کے کمانڈر وائس ایڈمرل شین جنگونگ کے امریکی دورے کو مختصر کیا تھا،اور وہ 25 ستمبر کو طے کردہ بیجنگ میں ہونے والے چین امریکا فوجی مذاکرات کو ملتوی کرے گا۔

امریکا کے ساتھ تجارتی مذاکرات کے پپکنہ پانچیوں دور پر تبادلہ خیال نہ کرنے کے بیجنگ کی جانب سے علیحدہ فیصلہ کے ساتھ ایک ساتھ اضطراب پیدا ہوا، جس نے گزشتہ ہفتے اعلان کیا تھا کہ وہ تمام چینی برآمدات کے نصف پر تادیبی ٹیرف عائد کرے گا۔

پیر کو نئے ٹیرف مؤثر ہوگئے اور 60 ارب ڈالر مالیت کی امریکی برآمدات پر چین کی حکومت کی جانب سے جوابی ٹیرف کو تحریک دے گا۔ صدر ڈنلڈ ٹرمپ نے بیجنگ کی جانب سے اس طرح کسی انتقامی ردعمل کا امریکا کو چینی برآمدات جو گزشتہ سال مجموعی طور پر 505 ارب ڈالر تھی، پر مزید ٹیرف کے ساتھ جواب دینے کا وعدہ کیا ہے۔

چینی نائب وزیر تجارت وانگ شیون کو اس ماہ کے آخر یا اکتوبر کے اوائل میں چین کے نائب صدر اور امریکی وزیر خزانہ کے درمیان مزید مزید مزاکرات کی پیشکش کو جاننے کی وجہ سے 20 سمتبر کو واشنگٹن پہنچنا تھا۔

دونون ممالک کی بات چیت کی تفصیلات سے آگاہ دو افراد کے مطابق تاہم مسٹر وانگ کا دورہ ٹرمپ کے حالیہ ٹیرف کے اعلان کے بعد ملتوی کردیا گیا اور آئندہ نہیں کیا جائے گا۔

امریکی وزیر خارجہ مائک پومیو نے اتوار کو کہا کہ ٹرمپ انتظامیہ چین کے ساتھ بڑھتی ہوئی تجارتی جنگ کو جیتنے کے لئے پرعزم ہے،جیسا کہ واشنگٹن نے کاروبار کے طریقہ کا تبدیل کرنے کیلئے بیجنگ پر دباؤ ڈالا جو اس نے کہا کہ امریکی کمپنیوں کیلئے نقصان دہ ہیں۔

مسٹر مومپیو نے کہا کہ ہم جانتے ہیں کہ امریکا کے خلاف چین کی تجارتی جنگ سال سے جاری ہے۔ جسے کسی حد تک تجارتی جنگ کہتے ہیں،ہم اسے جیتنے کے لئے پرعزم ہیں۔

انہوں نے فاکس نیوز کو بتایا کہ ہم ایک نتیجہ حاصل کرنے جارہے ہیں کہ اگر آپ عالمی طاقت بننا چاہتے ہیں تو چین کو اسی طرح پیش آنے پر مجبور کرے ، شفافیت، قانون کی حکمرانی، آپ دانشورانہ جائیداد کو چوری نہ کریں، دنیا بھر میں بنیادی تجارتی اصول، منصفانہ، برباری کے حقوق یہ وہ چیزیں جو صدر ڈونلڈ ٹرمپ نے اپنے چینی ہم منصب کو بتائیں،امریکا کے عوام کا یہ مطالبہ ہے اور امریکی کارکن اس کے حقدار ہیں۔

چینی حکام ڈونلڈ ٹرمپ اور ان کے تجارتی نمائندے رابرٹ لائٹ ہائزر کی جانب سے مخالفت کی صورت میں عارضی تجارتی جنگ بندی کیلئے مذاکرات کیلئے مسٹر منچن کی بے اختیاری سے تیزی سے مایوس ہورہے ہیں۔ایک شخص نے کہا کہ مسٹر منچن کے ساتھ مذاکرات کی اہمیت کے حوالے سے چینی حکام شکوک و شبہات کا شکار ہیں۔ بیجنگ کے نکتہ نظر سے اصل مشکل امریکا کی جانب سے انتہا پسندوں کے ساتھ بات چیت کے چینلز کی کمی ہے۔

چین کی حکومت ڈونلڈ ٹرمپ کے تجارتی محاذ پر تیزی کو چین کی اقتصادی اور فوجی ترقی سے سدباب کی وسیع کوشش کے طور پر دیکھتی ہے۔

چین میں امریکن چیمبر آف کامرس کے سابق سربراہ جیمز زمرمین نے کہا کہ تجارت پر ، اس کے تعلقات اور امریکا کے مفاد کے خلاف کے لئے مؤقف پر نظرثانی کیلئے ہر موقع کیلئے ٹرمپ نے بیجنگ کے لئے سمجھوتے کیلئے کوئی گنجائش نہیں چھوڑی ۔