Category انٹرنیشنل

انڈونیشیا کے شہرپالو میں زلزلےاور سونامی سے ہلاکتوں کی تعداد 420 ہوگئی ۔

خبر ایجنسی کے مطابق متاثرہ علاقوں میں خوراک اورپانی کی کمی ہےاور 17 ہزار افراد علاقے سے انخلا کرچکے ہیں، ملبے تلے دبے سیکڑوں افراد کی تلاش کے لیے امدادی کارروائیاں جاری ہیں۔

انڈونیشیا: زلزلے، سونامی سے ہلاکتیں420 ہوگئیں
مقامی مارکیٹوں میں لوٹ مار کی وارداتوں میں اضافہ ہوگیاہے جبکہ انڈونیشیا کے صدر آج متاثرہ خطے کا دورہ کریں گے۔

دوسری جانب 7.5 شدت کے زلزلے میں 540 افراد شدید زخمی بھی ہوئےہیں۔

امریکہ(نیٹ نیوز/ ایمرا نیوز) دنیا کا مہنگا ترین لڑاکا طیارہ ایف تھرٹی فائیو ٹریننگ کے دوران امریکا میں گر کر تباہ ہو گیا، تاہم طیارے کا پائلٹ محفوظ رہا۔
طیارے کی تباہی یقینی دیکھتے ہوئے طیارے کے پائلٹ نے پیراشوٹ کے ذریعے کود کر اپنی جان بچائی، امریکا کی فضائیہ کی 17سالہ تاریخ میں اتنے قیمتی طیارے کی تباہی کا اپنی نوعیت کا یہ پہلا واقعہ ہے۔
امریکا کا ایف35 فائٹر جیٹ طیارہ جو ایف 35بی لائٹننگ ٹو کے نام سے بھی اپنی شناخت رکھتا ہے اس کی مالیت سو ملین ڈالر یعنی 12 ارب 31 کروڑ 50 لاکھ پاکستانی روپے ہے۔
طیارے کے حادثے کے سلسلے میں تحقیقات شروع کر دی گئی ہیں۔
اسٹیلتھ ٹیکنالوجی سے لیس ایف 35فائٹر جیٹ طیارے کو جمعرات کو امریکی کی جانب سے افغانستان میں پہلی مرتبہ کسی فضائی کارروائی کے سلسلے میں استعمال کیا گیا تھا۔

جکارتہ:(نیٹ نیوز/ ایمرا نیوز) انڈونیشیا کے جزیرے سولاویسی اور شہر پالو میں شدید زلزلہ اور سونامی کے نتیجے میں 400 افراد ہلاک ہوگئے۔
بین الاقوامی خبر رساں ادارے کے مطابق انڈونیشیا کے جزیرہ سولاویسی میں زلزلے کے شدید جھٹکوں اور آفٹر شاکس کے بعد سونامی کی 10 فٹ بلند لہروں نے پالو شہرمیں تباہی مچادی جس کے نتیجے میں 400 سے زائد افراد ہلاک جب کہ متعدد عمارتیں منہدم ہوگئیں۔
امریکی جیولوجیکل سروے کے مطابق ریکٹر اسکیل پر زلزلے کی شدت 7.5 ریکارڈ کی گئی ہے جس کی گہرائی زیر زمین 10 کلومیٹر تھی جس نے شہر پالو میں سونامی کی 10 فٹ بلند لہریں پیدا کیں جب کہ مسلسل آفٹر شاکس نے بڑے پیمانے پر تباہی مچا دی، سیکڑوں لوگ لاپتہ ہوگئے، بجلی کا نظام بھی درہم برہم ہو گیا۔
واضح رہے کہ گزشتہ ماہ 5 اگست کو انڈونیشیا کے سیاحتی مرکز لومبوک میں آنے والے زلزلے اور آفٹر شاکس کے بڑے واقعہ میں 460 سے زائد لوگ ہلاک ہو چکے ہیں۔

نیویارک(نیٹ نیوز/ایمرا نیوز) بھارتی وزیر خارجہ سشما سوراج سارک وزرائے خارجہ کا اجلاس ادھورا چھوڑ کر چلی گئیں، وہ صرف نصف گھنٹہ اجلاس میں موجود رہیں۔
نیویارک میں موجود وزیر خارجہ شاہ محمود قریشی کا کہنا ہے کہ جنرل اسمبلی اجلاس کے دوران ان کی بھارتی وزیر خارجہ سشما سوراج سے ملاقات نہیں ہوئی۔
انہوں نے کہا کہ سشما سوراج بیچ اجلاس میں ہی اٹھ کر چلی گئیں، ہو سکتا ہے ان کی طبیعت ناساز ہو، ان کی بات غور سے سنی، انہوں نے علاقائی تعاون کی بات کی۔
شاہ محمود قریشی نے کہا کہ میرا سوال یہ ہے کہ علاقائی تعاون ممکن کیسے ہو گا؟ جب خطے کے ملک مل بیٹھنے کو تیار ہیں اور آپ اس بیٹھک میں رکاوٹ ہیں، اس طرح علاقائی تعاون میں پیش رفت کیسے ممکن ہوگی؟

کراچی (نیٹ نیوز/ایمرا نیوز) امریکی میڈیا نے صدر ٹرمپ کی پریس کانفرنس کو’ میں ، میں ،میں ، میں ، میں ‘‘ قرار دے دیا ، امریکی میڈیا نے ایک پریس کانفرنس کا تجزیہ کرتے ہوئے کہا ہے کہ امریکی صدر ڈونلڈ ٹرمپ کا پسندیدہ موضوع ’’میں ‘‘ ہے، اس سوال پر کہ مسٹر پریذ یڈ نٹ آپ پر جنسی ہراسگی کے کئی الزامات لگے ہیں ان میں کتنی سچائی ہے،جواب میں انہوں نے کہا کہ میرے خلاف خواتین کا ایک محاذ کھڑا کیا گیا اور خواتین کو پیسے دے کر ایسے الزامات لگائے گئے حالانکہ میں خود جنسی ہراسگی کا شکار رہا ہوں۔

امریکہ(نیٹ نیوز/ایمرا نیوز) امریکی محکمہ خارجہ کی ترجمان ہیلینا وائٹ نے اردومیں گانا گنگناکر مداحوں کے دل جیت لئے۔
اردو سے محبت کرنے والی اور صاف اردو بولنے والی امریکی محکمہ خارجہ کی ترجمان ہیلینا وائٹ نے سےگفتگو میں اردو زبان میں اظہار خیال کیا۔
ان کا کہنا تھا کہ انہیں بالی ووڈ کے پرانے گانے بہت پسند ہیں، اپنی گفتگو کے دوران انہوں نے ایک پرانا گانا بھی گنگنایا۔
قبل ازیں ان کا کہناتھاکہ صدر ڈونلڈ ٹرمپ نےواضح کردیاکہ دنیا میں امن و سلامتی ہی امریکا کی ترجیحات ہیں۔
واضح رہے کہ امریکی محکمہ خارجہ نے اردو بولنے والی امریکی خاتون کو ترجمان تعینات کیا ہےاور ترجمان ہیلینا وائٹ کی اردو نے سب کے دل موہ لیےہیں۔

ممبئی(نیٹ نیوز/ایمرا نیوز) بھارتی ایئرفورس کے وائس چیف ایئر مارشل سریش ببن دیو اپنی ہی گولی لگنے سے زخمی ہوگئے۔
بھارتی میڈیا کا کہنا ہے کہ بھارتی وائس چیف ایئر مارشل سریش ببن دیو سے اتفاقیہ طور پر گولی چل گئی تھی،جو ان کی ران پر لگی ہے۔
بھارتی میڈیا کا کہنا ہے کہ گولی لگتے ہی بھارتی وائس چیف ایئر مارشل کو فوری طور پر اسپتال منتقل کیا گیا جہاں ان کا آپریشن کر کے ران سے گولی نکال دی گئی اور اب ان کی حالت خطرے سے باہر ہے۔
بھارتی وائس ایئر چیف سریش ببن دیو بطور فائٹر پائلٹ 15جون 1979ء کو بھارتی ایئرفورس سے وابستہ ہوئے تھے، رواں سال جولائی میں وہ وائس ایئرچیف کے عہدے پر فائز ہوئے۔

نئی دہلی(نیٹ نیوز/ایمرا نیوز) بھارتی سپریم کورٹ آج اہم فیصلہ سنا ئے گی کہ نماز کہیں بھی پڑھی جا سکتی ہے یا اسلام میں نماز کے لئے مسجد لازمی جز ہے
بھارتی سپریم کورٹ کے چیف جسٹس دیپک مشرا 2 اکتوبر کو سبکدوش ہو رہے ہیں اور اس سے پہلے وہ بھارتی شہر ایودھیا کی بابری مسجد سے متعلق معاملہ پر اہم فیصلہ سنائیں گے۔
بابری مسجد معاملہ پرچیف جسٹس دیپک مشرا کی سربراہی میں تین رکنی بنچ مسلم فریق کی جانب سے اٹھائے گئے اس مسئلہ پر فیصلہ سنائے گا ۔اس معاملے پر دیپک مشرا کی بینچ نے 20 جولائی کو اپنا فیصلہ محفوظ کیا تھا۔
1994 میں بھارتی عدالت نے یہ فیصلہ دیا تھا کہ مسجد میں نماز پڑھنا اسلام کا لازمی جز نہیں ہے ۔ایسے میں مسلمانوں کے شدید ردّعمل پر اس فیصلہ کے آئینی بنچ کے ذریعہ دوبارہ غور کئے جانے کی ضرورت ظاہر کی گئی ہے ۔
واضح رہے، بابری مسجد کارام مندر تنازعہ برسوں سےزیرالتواہے۔ تنازعہ والی زمین پر مالکانہ حق کس کا ہے، اس پر ابھی سماعت کی جانی ہے۔
ایودھیا-بابری مسجد تنازعہ کیا ہے؟
ایودھیا تنازع ایک سیاسی، تاریخی اور معاشرتی کے علاوہ مذہبی بحث ہے جو بھارت میں جاری ہے۔ اس بحث کا مرکزی نقطہ ایودھیا شہر ہے جو اترپردیش کے ضلع فیض آباد میں واقع ہے۔ اس تنازع کے اہم نقاط میں ہندو بھگوان رام کی جائے پیدائش، بابری مسجد کی تاریخ اور اس کا مقام اور یہ بھی کہ آیا یہ مسجد اس جگہ تعمیر کسی مندر کو گرا کر بنائی گئی تھی، شامل ہیں۔
بابری مسجد کو 6 دسمبر 1992ء کو ایک سیاسی ریلی میں منہدم کر دیا گیا تھا۔ اس کے بعد الہ آباد ہائی کورٹ میں اس زمین کی ملکیت کے متعلق مقدمہ دائر کر دیا گیا تھا جس کا فیصلہ 30 ستمبر 2010ء کو آیا۔ اس مشہور فیصلے میں عدالت کے تین ججوں نے فیصلہ دیا کہ ایودھیا کی زمین کو تین حصوں میں تقسیم کر دیا جائے۔
ایک تہائی رام للا یعنی شیر خوار رام کو دی جائے جس کی نمائندگی ہندو مہا سبھا کر رہی تھی، اس جگہ مندر تعمیر ہوگا۔ ایک تہائی زمین سنی وقف بورڈ کو دی جائے اور باقی حصہ ہندو مذہبی تنظیم نرموہی اکھاڑے کو دی جائے۔
تین ججوں نے اس پر متفقہ فیصلہ نہیں دیا تھا کہ یہ مسجد مندر کو منہدم کر کے بنائی گئی تھی۔ تاہم اس بات پر سبھی جج متفق تھے کہ اس جگہ پہلے ایک مندر یا مندر نما کوئی عمارت یہاں موجود تھی۔

واشنگٹن:(نیٹ نیوز/ایمرا نیوز) امریکی صدر کے مشیر برائے قومی سلامتی جان بولٹن نے ایران کو خبردار کرتے ہوئے کہا ہے کہ اگر ایران نے ہمیں نقصان پہنچانے کی کوشش کی تو اس کا خمیازہ بھگتنا پڑے گا۔
برطانوی میڈیا کے مطابق امریکی قومی سلامتی کے مشیر جان بولٹن نے ایران کو خبردار کرتے ہوئے کہا ہے کہ ایران اپنا رویہ تبدیل کرے ورنہ حالات سے نمٹنے کے لیے تیار رہے، ہمارا موقف بہت واضح ہے اور ہم مکمل طور پر ایرانی رویہ دیکھ رہے ہیں۔ اگر ایران نے امریکا کے اتحادیوں یا امریکی شہریوں کو نقصان پہنچانے کی کوشش کی تو اس کے برے نتائج برآمد ہوں گے اور ایران کو اس کی قیمت چکانا پڑے گی۔
جان بولٹن کا کہنا تھا کہ امریکا ایران پر پوری قوت اور عزم کے ساتھ اقتصادی پابندیاں عائد کرے گا۔ بعض ملکوں کےقول وفعل میں کھلا تضاد ہے، ایرانی تیل کی درآمدات پرعائد کردہ امریکی پابندیوں کو غیر موثر کرنے والے کامیاب نہیں ہوں گے۔ ہم یورپی یونین یا دنیا کی کسی دوسری قوت کو ایران پر پابندیاں غیر موثر بنانے کی اجازت نہیں دیں گے۔
واضح رہے کہ گزشتہ روز اقوام متحدہ کی جنرل اسمبلی کے اجلاس سے خطاب کرتے ہوئے امریکی صدر کا کہنا تھا کہ بین الاقوامی برادری سے اپیل کرتا ہوں کہ وہ ایران کو تنہا کردے۔ اس سے قبل ایرانی صدرحسن روحانی نے امریکا پر دادا گیری کا الزام لگاتے ہوئے کہا تھا کہ امریکا ایران میں عدم استحکام پیدا کرنا چاہتا ہے۔

بنگال (نیٹ نیوز/ایمرا نیوز) پولیس سے جھڑپ میں 2 طالب علموں کی ہلاکت کے خلاف بھارتیہ جنتا پارٹی کی کال پر بھارتی ریاست مغربی بنگال میں ہڑتال کی جارہی ہے ، جبکہ مظاہرین نے سرکاری بسوں میں توڑ پھوڑ کی اور ٹرینوں کی آمدورفت روک دی۔
مغربی بنگال کے علاقےمدناپور میں مظاہرین نے سرکاری بسوں پر حملے کرکے شیشے توڑ دیئے، سڑکوں پرٹائر جلائے اور ٹرین سروس بھی روک دی۔
بی جے پی نے ریاست میں 12 گھنٹوں کی ہڑتال کی کال دے رکھی ہے، ایسے میں ناخوشگوار واقعات سے نمٹنے کیلئے ریاستی حکومت نے سڑکوں پر فورسز کی اضافی نفری تعینات کردی ہے۔
واضح رہے کہ 20 ستمبر کو مغربی بنگال کے علاقے اسلام پورہ میں پولیس سے جھڑپ میں 2 طالب علم مارے گئے تھے۔