Category انٹرنیشنل

ٹوکیو (ایمرا نیوز) جاپان کے شہنشاہ کی صحت خراب ہوگئی.
جاپان کے شہنشاہ آکی ہیٹو نے بیماری کی وجہ سے اپنی مصروفیات ترک کر دی ہیں، چوراسی سالہ بادشاہ اگلے برس تیس اپریل کو تخت سے دستبردار ہو جائیں گے۔
شاہی محل سے جاری ایک بیان میں کہا گیا ہے کہ شہنشاہ آکی ہیٹو کے دماغ کو خون کی فراہمی میں کمی ہو رہی ہے جس کے باعث ان پر نیند کا غلبہ رہتا ہے، سر چکراتا ہے اور متلی ہوتی ہے۔
ان کی صحت کی مانیٹرنگ کی جا رہی ہے، گزشتہ برس جاپانی پارلیمنٹ نے شہنشاہ آکی ہیٹو کی تخت سے دستبرداری کی درخواست منظور کر لی تھی۔
جاپانی روایت کے مطابق بادشاہ تخت سے دستبردار نہیں ہو سکتا، گزشتہ دو سو برس میں دوسری بار کوئی بادشاہ تخت سے دستبردار ہو گا، ان کی جگہ اٹھاون سالہ ولی عہد ناروہیٹو بادشاہ بنیں گے۔

لاہور(ایمرا نیوز) بھارت میں پیسے لے کر ٹوائلٹ کرنے کی پیشکش سامنے آگئی ہے.
بھارتی شہری رفع حاجت کیلئے ٹوائلٹ کا استعمال نہیں کرتے بلکہ کھلی فضاء میں رفع حاجت کے عادی ہیں،بھارتیوں کی اس عادت کا دنیا بھر میں مزاق بھی اڑایا جاتا ہےلیکن بھارتی اپنی اس عادت کو چھوڑنے کیلئے تیار نہیں۔
دنیا بھر میں ٹوائلٹ کی وجہ سے بدنام ہونے والی بھارتی سرکار اپنی عوام میں شعور کو اجاگر کرنے کیلئے نئی نئی اسکیمیں بھی متعارف کراتی رہی ہے لیکن جنتا ٹس سے مس نہیں ہو تی۔
بھارت کی موجودہ سرکار نے بھی دعویٰ کیا تھا کہ وہ اپنے دورِ حکومت میں بھارت کے 100فیصد شہریوں کو ٹوائلٹ کی سہولت مہیا کریں گے اور کوئی بھی شہری اس مقصد کے لیے کھیتوں اور جھاڑیوں کا رخ نہیں کرے گا،عوامی ٹوائلٹ کی افتتاحی تقریب اتنی عمدہ اور شاندارانداز میں کی گئیں کہ دیکھنے سے تعلق تھیں لیکن صورت حال میں کسی تبدیلی کا امکان نظر نہیں آتا۔
امریکی ٹی وی کے معروف شو میں بھی بھارتیوں کی اس بری عادت کی نشان دہی کی گئی اور اس سنگین صورتحال پر توجہ مبذول کرائی گئی لیکن بجائے اپنی اصلاح کے بھارتیوں کو امریکی ٹی وی کا یہ شو بہت برا لگا۔
ٹی وی شو کے معروف میزبان جمی کمیل کا بھارتی شہر احمد آباد کا دوران پروگرام ذکر کرتے ہو ئے کہناتھا کہ دنیا میں ایسا شہر بھی موجودہے جہاں لوگوں کو رفع حاجت کے لئے پیسے دیئے جاتے ہیں ،میںیہ بات مزاق کے طور پر نہیں کر رہا بلکہ میں بھارتی شہر احمد آباد کی بات کر رہاہوں جس کے بارے میں ورلڈ بینک نے رپورٹ دی ہے کہ یہاں53فیصد لوگ رفع حاجت کیلئے ٹوائلٹ کا استعمال نہیں کرتے اور کھلی فضاء کو ترجیح دیتے ہیں۔
جمی کمیل کا شو میں مزید کہناتھا کہ اقوام متحدہ اور عالمی ادارہ صحت(ڈبلیو ایچ او) کی رپورٹ کے مطابق بھارت میں5کروڑ97لاکھ افراد رفع حاجت کیلئے کھلی فضاء کا استعمال کرتے ہیں جس سے گندگی پھیلتی ہے جس سے طرح طرح کی بیماریاں پھیلتی ہیں۔
امریکی ٹی وی شو میں احمد آبادمیونسپل کمیٹی کی جانب سے شروع کی جانے والی اسکیم ’’ رفع حاجت کیلئے نقد پیسے‘‘کےبارے میں ایک اشتہار بھی دکھایا گیا جس میں بتایا جاتا ہے کہ جتنی مرتبہ ٹوائلٹ استعمال کریں گے اتنے ہی روپے حاصل کریں۔
امریکی ٹی وی کے اس اصلاحی شو پر بھارتی تلملا اٹھے اورپروگرام پر تنقید کی جبکہ چند بھارتیوں نے اس مسئلے کو اجاگر کرنے کو مثبت قرار دیا۔

واشنگٹن: (ایمرا نیوز) امریکہ میں ایک اور چاقو سے حملہ ہوگیا.
امریکی ریاست ایڈاہو میں سالگرہ کی تقریب میں چاقو بردار کے حملے میں غیر ملکیوں سمیت 9 افراد زخمی ہوگئے۔

امریکی میڈیا کے مطابق ایڈاہو میں پناہ گزینوں کے کیمپ میں تقریب کے دوران ایک شخص نے شرکا پر اندھادھند چاقو کے وار کرنا شروع کردیے۔ پولیس نے بتایا کہ حملہ 3 سالہ بچی کی سالگرہ میں کیا گیا، واقعے میں 9 افراد زخمی ہوئے جن میں 6 بچے بھی شامل ہیں۔
پولیس نے فوری طور پر کارروائی کرتے ہوئے 30 سالہ حملہ آور کو گرفتار کرلیا ہے جس کی شناخت ٹمی ارل کنر کے نام سے ہوئی۔ امدادی اہلکاروں نے زخمیوں کو اسپتال منتقل کردیا ہے جہاں ان کی حالت خطرے سے باہر بتائی جاتی ہے۔ زخمیوں کا تعلق ایتھوپیا، عراق اور شام سے بتایا جاتا ہے۔ پولیس کا کہنا ہے کہ نسل پرستانہ حملہ نہیں ہے تاہم تاحال واقعے کے محرکات کا علم نہیں ہوسکا کہ ملزم نے یہ کام کیوں کیا، جبکہ واقعے کی مزید تحقیقات جاری ہیں۔

کوالالمپور(ایمرا نیوز) چین کے جہاز بھی نمبر 1 بن گئی ہے.
فضائی کمپنیوں اور ہوائی اڈوں کی کاررکردگی کی بنیاد پر درجہ بندی کرنے والے ادارے کیو اے جی نے مختلف بین الاقوامی کمپنیوں اور ہوائی اڈوں کی درجہ بندی جاری کر دی ہے درجہ بندی کے مطابق کنتاس ائیرویز اور چینی ہانگ کانگ ائیر ویز وقت کی پابندی کے حوالے سے دنیا کی پہلی 15کمپنیوں میں سرفہرست ہے ،اس فہرست میں ملائیشیاء کی دو ائیر لائنز،ملائیشیاء ائیرلائنز اور ائیر ایشیاء بھی شامل ہیں، جاپیک،او اے جی کے علاقائی سیلز ڈائریکٹر مایورپاٹل نے کہا ہے کہ جہاں تک کے وقت کی پابندی اور خدمات کی فراہمی کے معیار کا تعلق ہے کئی ایشین ائیرلائنز اور ہوائی اڈاے مسافروں کو راغب کرنے کیلئے اپنی کاررکردگی بہتر بنانے کی کوشش کر رہے ہیں،ان کمپنیوں میں فائیو سٹار ریکٹنگ حاصل کی ہے،ان میں کوریا کی ٹی وے ائیر اور جاپان کی فیوجی ڈریم ائیرلائنزشامل ہیں جبکہ فور سٹار حاصل کرنے والوں میں سنگاپور کی جٹ سٹار ایشیاء جاپان ائیرلائنز آل نپن ائیرویز اورسنگاپور ائیرلائنز شامل ہیں۔
دنیا کی 25ائیر لائنز کی فہرست میں ان کا نام آتا ہے۔ او اے جی کے مطابق جاپان کے ہوائی اڈوں نے 19ائیرپورٹس کی فہرست میں فائیو سٹار پوزیشن حاسل کی جن میں اوساکا انٹرنینشل اٹامی اور ٹوکیو انٹرنیشنل ہنیدا شامل ہیں۔

تہران (ایمرا نیوز) تیل کے معاملے پر ایران نے سب ملکوں کو خبردار کردیا ہے.
ایران کے نائب صدر اسحاق جہانگیری نے کہا ہے کہ ان کے ملک کو اپنا تیل فروخت کرنے میں کسی مشکل کا سامنا نہیں ہو گا، انہوں نے ن ممکنہ ممالک کو تنبیہ کی جو ایران پر امریکی پابندیوں کے بعد تیل کی بین الاقوامی منڈی میں اس کے حصے کی جگہ لینا چاہیں گے۔اس سے پہلے امریکی صدر ڈونلڈ ٹرمپ نے سعودی عرب پر زور دیا ہے کہ وہ عالمی مارکیٹ میں تیل کی بڑھتی ہوئی قیمت پر قابو پانے کی خاطر تیل کی پیداوار میں اضافہ کریں۔اتوار کو ایران کے نائب صدر اسحاق جہانگیری نے کہا کہ’ اس جنگ میں جو بھی ملک یہ چاہتا ہے کہ تیل کی منڈی میں ایران کی جگہ لے لے، وہ ایرانی عوام اور بین الاقوامی برادری سے دغا بازی کرے گا اور یقیناً وہ اس دغا بازی کی قیمت بھی ادا کرے گا۔ ‘قومی صعنت اور کان کنی کے دن کے موقع پر تقریب سے خطاب میں نائب صدر اسحاق جہانگیری نے یہ بیان دیا جسے ایرانی ٹی وی چینل آئی آر آئی این این پر براہ راست نشر کیا گیا۔نائب صدر اسحاق جہانگیر نے کہا کہ تیل کےامریکا علاوہ اس کی دیگر برآمدات اور کرنسی کی ترسیل کو متاثر کرنا چاہتا ہے اور اس ساتھ کہا کہ بعض علاقائی ممالک ایران میں غیر ملکی کرنسی کے قلت کے معاملے کو بڑھاوا دے رہے ہیں۔اس سے پہلے صدر ٹرمپ نے اپنی ٹویٹ میں کہا کہ ʼمیں نے سعودی فرمانروا شاہ سلمان سے درخواست

کی ہے کہ وہ تیل کی پیداوار 20 لاکھ بیرل یومیہ کر دیں اور انھوں نے ہامی بھر لی۔صدر ٹرمپ نے اپنی ٹویٹ میں کہا کہ یہ قدم اس لیے اٹھایا گیا ہے کیونکہ ایران اور وینیزویلا میں شورش اور فساد جاری ہے۔یاد رہے کہ گذشتہ ہفتے تیل کی قیمتوں میں اضافہ دیکھنے میں آیا تھا جس کے بارے میں خیال ہے کہ اس کی وجہ وہ ایران پر دوبارہ پابندیاں عائد کرنے کا امریکی منصوبہ ہے۔یاد رہے کہ سعودی عرب دنیا بھر میں سب سے زیادہ تیل برآمد کرنے والے ملک ہے اور اس سال مئی میں تقریباً ایک کروڑ بیرل تیل ان کی روزانہ کی پیداوار تھی۔لیکن امریکی اخبار وال سٹریٹ جرنل کے مطابق سعودی عرب شاید امریکی صدر کی درخواست ماننے کے لیے راضی نہ ہوں۔ایک سعودی عہدے دار نے اخبار کو بتایا کہ ʼسعودی عرب ایک کروڑ بیرل تیل یومیہ سے زیادہ پیداوار کرنا نہیں پسند کرتا اور اس کے ایسے کوئی امکانات نظر نہیں آ رہے۔ پیداوار بڑھانا کافی مہنگا ثابت ہو سکتا ہے۔اس سے قبل ماضی میں صدر ٹرمپ اوپیک کو تنقید کا نشانہ بناتے رہے ہیں۔

لاہور(نیٹ نیوز /میڈیا 92نیوز) شہزادی کی مسکراہٹ آج بھی ان کے مداحوں میں بسی ہے۔ ڈیانا سپنسر، پرنسیس آف ویلز جنہیں دنیا لیڈی ڈیانا کے نام سے جانتی ہے یکم جولائی انیس سو اکسٹھ کو برطانیہ کے علاقے نورفوک میں پیدا ہوئیں۔انتیس جولائی انیس سو اکاسی کو برطانیہ کے ولی عہد شہزادہ چارلس کے ساتھ رشتہ ازدواج میں منسلک ہوئیں، ان کی شادی کو فیری ٹیل میرج قرار دیا گیا اور دنیا بھر میں کروڑوں لوگوں نے ان کی شادی کی تقریب دیکھی، انہوں نے شہزادہ ولیم اور ہیری کو جنم دیا۔کچھ عرصے بعد ہی شہزادہ چارلس اور لیڈی ڈیانا کے تعلقات میں کشیدگی آنے لگی اور سولہ سال بعد اگست انیس سو چھیانوے میں ان میں طلاق ہوگئی۔ ڈیانا کی عالمی سطح پر مقبولیت کا بڑا سبب ان کی خوبصورت شخصیت تھی۔ ان کے فلاحی کاموں،بارودی سرنگوں اور ایڈز کے خاتمے کی کوششوں پر دنیا بھر میں انہیں سراہا گیا۔

نئی دلی(میڈیا 92نیوز) بھارتی ریاست اترکھنڈ میں مسافر بس گہری کھائی میں گر گئی جس کے نتیجے میں 50 سے زائد افراد ہلاک ہوگئے۔بھارتی میڈیا کے مطابق اترکھنڈ کے ضلع پوری گھروال کے علاقے دھوما کوٹ میں مسافروں سے بھری بس گہری کھائی میں گر گئی جس کے باعث 50 سے زائد مسافر ہلاک ہوگئے۔اطلاع ملنے پر ریسکیو ٹیموں نے موقع پر پہنچ کر آپریشن شروع کیا جس کے دوران 25 مسافروں کی لاشیں نکال لی گئی جب کہ دیگر کی تلاش جاری ہے۔گھروال کے کمشنر دلیپ جوالکر کا کہنا ہے کہ حادثے کے نتیجے میں مسافر بس مکمل طور پر تباہ ہوگئی اور ہلاک افراد کی تعداد میں بھی اضافے کا امکان ہے۔

(ایمرا نیوز) افواہوں پر 14 افراد قتل
بھارت میں سوشل میڈیا پر بچوں کے اغوا کی افواہوں پر 14 افراد قتل نئی دہلی:بھارت میں سوشل میڈیا پر بچوں کے اغوا کے افواہ پھیلنے کے نتیجے میں اب تک 14 افراد قتل ہوچکے ہیں۔کئی ریاستوں میں سوشل میڈیا بالخصوص واٹس ایپ پر ایسی ویڈیوز گردش کر رہی ہیں کہ بچوں کو اغوا کرنے والا گروہ بھارت میں سرگرم ہوگیا ہے۔ان ویڈیوز اور پیغامات کے نتیجے میں بھارت کی 10 ریاستوں میں ایسے درجنوں واقعات پیش آچکے ہیں جن میں مقامی لوگوں نے کسی شخص کو اغوا کار سمجھ کر شدید تشدد کا نشانہ بنایا۔ افواہوں اور جھوٹی خبروں کے نتیجے میں ہجوم کے تشدد سے اب تک 14 افراد ہلاک اور متعدد زخمی ہوچکے ہیں، جو بعدازاں بے گناہ اور بے قصور ثابت ہوئے۔ان سوشل میڈیا ویڈیوز کی وجہ سے شہریوں میں شدید بے اعتباری اور عدم اعتماد کی کیفیت پائی جاتی ہے جو کسی بھی مشتبہ شخص کو دیکھتے ہی اس کو پکڑ کر مارنا پیٹنا شروع کردیتے ہیں۔پولیس نے شہریوں سے سوشل میڈیا پر پھیلی ہوئی افواہوں اور ویڈیوز پر کان نہ دھرنے کی اپیل کی ہے۔ تازہ ترین واقعہ ریاستی تری پورہ میں پیش آیا جہاں ہجوم نے ایک شخص کو بچوں کا اغوا کار ہونے کے شبہ میں تشدد کرکے ہلاک کردیا۔بعدازاں پتہ چلا کہ وہ سرکاری ملازم تھا جسے ریاستی حکومت نے سوشل میڈیا پر جھوٹی افواہوں کے تدارک کی ذمہ داری اور عوام میں شعور و آگاہی اجاگر کرنے کی ذمہ داری سونپی تھی۔

دُبئی (ایمرا نیوز)خواتین کو بھی نشے کی لت لگ گئی
متحدہ عرب امارات میں نشے کی شکار خواتین کو اس لعنت کی طرف مائل کرنے میں اُن کے آشنا مردوں کا ہی سارا قصور ہے۔ یہ مرد دراصل خود نشے کا شکار ہوتے ہیں اور پھر ایسی خواتین جو ان کے چنگل میں پھنس جاتی ہیں‘ اُنہیں بھی نشے کا شکار بناتے ہیں تاکہ اُن کا جنسی استحصال کر سکیں۔ انسدادِ منشیات ادارے کے بحالی مرکز میں بطور سپیشلسٹ ذمہ داری نبھانے والی خاتون امل ال فُقیہی کے مطابق اُن کی نظر سے نشے کا شکار خواتین کے جو کیسز گُزرے ہیں‘ اُن میں 80 فیصد سے زائد ایسی تھیں جن کے منشیات سے عادی افراد سے تعلقات تھے۔
خواتین کے نشے کی لت میں مبتلا ہونے کے پیچھے کئی وجوہات ہیں جن میں سے بُرے دوستوں کی صحبت‘ سوشل میڈیا اور ازدواجی تنازعات بھی اہم ہیں مگر سب سے بڑی وجہ نشئی مردوں کے ساتھ تعلق بنانا ہے۔
جنس زدہ مرد خواتین کو نشے کا شکار بناتے ہیں ‘جس کے بعد نشے کی طلب پُوری کرنے کے لیے وہ ایسے مردوں کی جنسی غلام بن کر رہ جاتی ہیں۔ جبکہ ایک ایسی نوجوان خاتون کو بھی دیکھا گیا جس کی شادی ایک منشیات کے عادی مرد سے ہوئی‘ جہاں سے اُسے نشے کا چسکا پڑ گیا۔

یہ خاتون نشہ سے تائب ہونے کے لیے اپنے خاوند سے طلاق کا مطالبہ کر رہی ہے تاکہ مستقبل میں اس لعنت سے دُور رہنے میں کامیاب رہے۔ خاندانی جھگڑے بھی خواتین کے نشے میں مبتلا ہونے کا بڑا سبب ہیں۔ ایک لڑکی اپنے والدین کے درمیان طلاق واقع ہونے کی وجہ سے ذہنی طور پر بہت زیادہ ڈسٹرب ہو گئی اور اس نے مختلف وقتوں میں کئی رشتے داروں کے گھروں کو اپنا ٹکانہ بنایا۔
پھر اُس کی ملاقات ایک نشے کے عادی مرد سے ہوئی جس نے اُسے اس بُرائی کی طرف راغب کر دیا۔ پولیس کی جانب سے گرفتار کی گئی اس لڑکی کی عمر محض 21 سال ہے۔ سو خاندان کا تحلیل ہونا بھی کم سن افراد کو فرار حاصل کرنے کی غرض سے بُرائی کی طرف مائل کرتا ہے۔ اسی طرح ایک کیس ایسا بھی تھا جس میں ایک شخص نے دو شادیاں کر رکھی تھیں۔ اس نے ان دونوں بیویوں کو طلاق دے کر شادی کر لی۔
جبکہ سابقہ بیویوں کی اولاد کو نظر انداز کرنا شروع کر دیا۔ ان بے چارے بچوں نے پہلے سگریٹ پینا شروع کیا جس کے بعد یہ منشیات کی طرف مائل ہو گئے۔ دو بچے جیل پہنچ گئے ہیں جبکہ تیسرا بحالی مرکز میں زیر علاج ہے۔ ماہر بحالی مرکز امل نے والدین پر زور دیا کہ وہ بچوں کے مستقبل کی خاطر طلاق سے دُور رہیں اور ایک دوسرے کو برداشت کرنا سیکھیں۔

(ایمرا نیوز) ٹرمپ کے کیخلاف لوگ سڑکوں پر نکل آئے
امریکا کی 50 ریاستوں نے آج صدر ٹرمپ کے خلاف مظاہروں کا اعلان کیا ہے، امیگریشن پالیسی اور 5 مسلم ملکوں پر سفری پابندی کے خلاف ہونے والے مظاہروں کی تعداد 750 ہوگی۔
مظاہروں کا انعقاد کرنے والے آرگنائزر آئجن پوکا کہنا ہے کہ مظاہروں میں امیگریشن پالیسی کے خلاف آواز اٹھائی جائے گی جس کا نعرہ ہوگا ”خاندان ایک ہے ایک ہی رہے گا“ ۔
برطانوی اخبار کے مطابق پانچ مسلم ممالک پر سفر کی پابندی کے خلاف بھی احتجاج کیا جائے گا۔ مظاہرین منتظمین کی توقع ہے کہ تمام 50 ریاستوں میں مظاہرے کامیاب ہوں گے کیونکہ امریکیوں کو صدر ٹرمپ پربہت غصہ ہے ۔

اس احتجاج کے آرگنائزر آئجن پونے گارجین کو بتایا کہ یہ کوئی سرخ یا نیلے رنگ کی چیز نہیں ہے ہم اس پاگل پن کو روکنا چاہتے ہیں ۔ انہوں نے بتایا کہ 30 جون کے لئے 750 مقامات پر اس نعرے کے تحت کہ ”خاندان ایک دوسرے سے تعلق رکھتے ہیں خاندان ایک تھا ایک ہی رہے گا “ احتجاج کی منصوبہ بندی کرلی گئی ہے ۔
انہوں نے کہا کہ حالیہ ہفتوں میں 2 ہزار سے زائد بچوں کو امیگریشن پالیسی کے باعث ان کے والدین سے علیحدہ کر دیا گیا ہے۔