Category انٹرنیشنل

واشنگٹن (ایمرا نیوز) امریکی ریاستوں نے ٹرمپ پر مقدمہ درج کرادیا. امریکا کی17 ریاستوں نے ٹرمپ انتظامیہ پر تارکین وطن کو ʼظالمانہ اور غیر قانونی طور پر منقسم کرنے کا ملزم ٹھہراتے ہوئے مقدمہ دائر کیا ہے۔اس کے متعلق واشنگٹن، نیویارک اور کیلیفورنیا کے ڈیموکریٹک اٹارنی جنرلز نے قانونی چارہ جوئی کی ابتدا کی۔اس کے تحت پناہ حاصل کرنے کے لیے امریکا آنے والوں کو داخلہ دینے سے انکار کرنے والی پالیسی کی مخالفت کی گئی ہے۔ مقدمہ امریکی ریاست واشنگٹن کے شہر سیئٹیل میں دائر کیا گیا ہے جس میں صدر ٹرمپ کے 20 جون کے حکم نامے کو پرفریب قرار دیتے ہوئے کہا ہے کہ تارکین وطن کے خاندانوں کو ضابطے کی کارروائی اور پناہ حاصل کرنے کے حق سے محروم کیا گیا ہے۔ اور اس اقدام سے دنیا بھر میں امریکا کے لیے نفرت میں اضافہ ہوگا۔دریں اثنا نائب امریکی صدر مائیک پنس نے بغیر دستاویزات کے تارکین وطن کو خبردار کیا ہے کہ وہ امریکا میں غیر قانونی طور پر داخل ہو کر ʼاپنے بچوں کی زندگیوں کو خطرے میں نہ ڈالیں۔برازیل میں ایک نیوز کانفرنس کے دوران مائیک پنس نے کہا جو امریکا کا سفر کرنا چاہتے ہیں ان

کے لیے ʼمیرے دل کا سیدھا پیغام ہے کہ اگر آپ قانونی طور پر نہیں آتے تو مت ہی آئیے۔انھوں نے مزید کہا کہ امریکا آنے کی کوشش میں اپنی اور اپنے بچوں کی جان کو ان راستوں پر ڈال کر خطرے میں نہ ڈالیں جسے سمگلرز اور انسانی سمگلرز چلاتے ہیں۔

ممبئی(بھارت) کے شہر ممبئی میں ایک چھوٹا چارٹرڈ طیارہ گر کر تباہ ہونے سے پائلٹ سمیت 5افرادہلاک ہو گئے، ہندوستان ٹائمز کی ایک رپورٹ کے مطابق ممبئی میں جوہو ایرو ڈروم سے اڑان بھرنے اولا چارٹرڈ طیارہ سارووڈے گر کے قریب لینڈنگ کے دوران حادثے کا شکار ہوا۔ رپورٹس کے مطابق تعمیراتی سائٹ پر گرنے والے طیارے میں آگ لگ گئی، حادثے میں ہلاک ہونے والوں پائلٹ، 3مسافر اورایک راہ گیر شامل ہے۔

لندن: (ایمرا نیوز) امریکا کے صدر ڈونلڈ ٹرمپ کے مخالف برطانوی شہریوں نے انوکھا احتجاج کیا، چھ میٹر اونچا غصے سے بھرا ”بے بی ٹرمپ” غبارہ لندن کی فضا میں بلند کر دیا۔

صدر ٹرمپ 13 جولائی سے برطانیہ کا دورہ کریں گے، انکے دورے سے پہلے ہی انکے خلاف مہم شروع ہو گئی ہے۔ برطانوی شہریوں نے نیپی پہنے، چہرے پر غصے کا اظہار لئے غبارہ بنانے کے لئے نو ہزار پاؤنڈ چندہ مانگا تو دس ہزار تین سو پاؤنڈ جمع ہو گئے۔ غبارے کو پارلیمنٹ کی عمارت پر اڑانے کے لئے سات ہزار لوگوں نے پیٹشن پر دستخط کئے۔

ادھر صدر ٹرمپ کے لندن آمد کے موقع پر ٹرین ڈرائیوروں نے احتجاج کرنے کا اعلان کیا ہے۔

(ایمرا نیوز)
سعودی عرب اپنے فوجیوں کو ٹریننگ کیلئے بھارت بھیجے گا۔ عرب اخبار کے مطابق سعودی کیڈٹس بھارت کی نیشنل ڈیفنس اکیڈمی میں تربیت حاصل کریں گے۔

بھارتی نیشنل ڈیفنس اکیڈمی میں تربیت حاصل کرنے والے پانچ سعودی فوجیوں کا یہ دوسرا گروپ ہے۔ سعودی عرب میں تعینات بھارتی سفیر کا کہنا ہے کہ اس تربیت کا مقصد دونوں ملکوں میں دوستانہ تعلقات میں مزید اضافہ کرنا ہے۔
سعودی کیڈٹس کی بھارتی فوجی اکیڈمی میں تربیت کا معاہدہ 2014 میں سعودی فرمانروا شاہ سلمان کے دورہ بھارت کے موقع پر ہوا تھا جو اس وقت سعودی ولی عہد اور وزیر دفاع تھے۔

(ایمرا نیوز)
ہالینڈ کےایوان زیریں کے بعد ایوان بالا نے بھی نقاب پر پابندی کابل منظور کر لیا، جس کے بعد کئی عوامی مقامات پر نقاب پر پابندی لگادی گئی ہے۔

بل کی منظوری کے بعد پبلک ٹرانسپورٹ، تعلیمی ادارے، صحت کے ادارے اور اسپتالوں میں نقاب پر پابندی ہوگی۔

دائیں بازو کے لیڈر گیرٹ ولڈرز نے نقاب پر پابندی سے متعلق بل کی منظوری کے بعد ہرزہ سرائی کرتے ہوئے کہا ہے کہ یہ ملک میں ڈی اسلامائزیشن کی جانب پہلا قدم ہے، اگلا اقدام نیدرلینڈز کی تمام مساجد کو بند کرنا ہوگا۔

واضح رہے کہ بیلجیم، فرانس، ڈنمارک اور اسپین سمیت 13 یورپی ملک پہلے ہی نقاب پر پابندی لگا چکے ہیں۔

انقرہ: (ایمرا نیوز) ترکی میں عام انتخابات کے بعد ایک بار پھر کریک ڈاؤن، مختلف علاقوں سے ایک دہشتگرد تنظیم کے 86 افراد گرفتار کر لئے گئے جن میں حاضر سروس فوجی افسران بھی شامل ہیں۔ مزید گرفتاریوں کی توقع ہے۔

ترکی کی سرکاری خبر رساں ایجنسی نے عدالتی ذرائع سے بتایا ہے کہ دہشتگرد تنظیم ایف ای ٹی او کے 151 ارکان کے وارنٹ جاری کئے گئے جن میں سے 86 کو گرفتار کر لیا گیا ہے۔ ان میں 30 حاضر سروس اور سابق فوجی افسران اور 13 امام شامل ہیں۔ خبر رساں ادارے کا کہنا ہے گرفتار افراد نے 2016 میں ناکام فوجی بغاوت میں حصہ لیا تھا۔

نیو یارک:(ایمرا نیوز) اقوام متحدہ میں پاکستان کی سفیرملیحہ لودھی کا کہنا ہے کہ افغانستان میں امن کا راستہ سخت لیکن قابل عمل ہے۔

پاکستان کی اقوام متحدہ میں سفیرڈاکٹرملیحہ لودھی نے سلامتی کونسل میں اظہارخیال کرتے ہوئے کہا کہ افغانستان میں حالیہ پیشرفت سے امن وسلامتی کے امکانات روشن ہوگئے، عیدالفطرپرتین روزہ سیزفائرسے جنگ میں 17 سال بعد غیرمتوقع ٹھہراؤآیا ہے جب کہ چند دن کے لئے جنگ بندی سے بھی امید اورمواقع پیدا ہوئے ہیں۔

ملیحہ لودھی نے کہا کہ طالبان کی قیادت میں سیاسی حل کیلئے بات چیت پرکافی ہم آہنگی ہے، موقع سے فائدہ اٹھاتے ہوئے افغانستان میں پائیدارامن کیلئے سنجیدہ کوششیں کی جائیں، اشرف غنی اورامریکی وزیرخارجہ نے طالبان سے غیرملکی افواج کے معاملے پرمذاکرات کا اشارہ دیا ہے۔
ملیحہ لودھی نے کہا کہ دنیا کی طاقتورافواج کی 17 سال جنگ بھی افغان مسئلہ حل نہیں کرسکی، افغانستان میں امن کا راستہ سخت لیکن قابل عمل ہے تاہم مذاکرات کے عمل کے ذریعے امن کی تلاش افغان حکومت، پڑوسیوں اور عالمی برادری کی ترجیح ہے۔

لندن(ایمرا نیوز) ملکہ برطانیہ الزبتھ دوئم کی جانب سے 3 پاکستانی نوجوانوں کو سماجی خدمات انجام دینے پر ’کوئنز ینگ لیڈر‘ ایوارڈ سے نوازا گیا ہے۔گزشتہ روز شاہی محل بکنگھم پیلس میں ’کوئنز ینگ لیڈرز‘ ایوارڈ کی تقریب منعقد کی گئی، جس میں پاکستانی نوجوانوں ہارون یاسین، حسن مجتبیٰ اور ماہ نور سید کو ’کوئنز ینگ لیڈرز‘ ایوارڈ دیا گیا۔’کوئنز ینگ لیڈرز‘ ایوارڈ کی تقریب میں پاکستان سمیت مختلف ممالک کے اُن تمام نوجوانوں کو اعزاز سے نوازا گیا جو معاشرے میں مثبت تبدیلی کے لیے کوشاں ہیں۔یہ ایوارڈ کامن ویلتھ گروپ کے رکن ممالک کے ایسے نوجوانوں کی شناخت کرتا ہے جن کی عمر 18 سے 29 برس ہو اور وہ اپنی کمیونٹی میں کسی اہم سماجی کام کا بیڑا اٹھائے ہوئے ہوں، جو کسی کو جینے کی صحیح راہ اور امید دکھا رہے ہوں۔واضح رہے کہ پاکستانی نوجوان حسن مجتبٰی زیدی ‘ڈسکورنگ نیو آرٹسٹس’ کے بانی ہیں جو آرٹ کے ذریعے بچوں کی تخلیقی صلاحیتوں کو ابھارتے ہیں۔ وہ بچوں کو مفت آرٹ ٹریننگ دیتے ہیں اور اس کے ساتھ جو طلباء تعلیمی اخراجات نہیں اٹھا سکتے انہیں تعلیم بھی فراہم کرتے ہیں۔

جنیوا(ایمرا نیوز) بھارت اور افغانستان کی پاکستان کے اندرونی معاملات کی ایک اور سازش سے پرودہ اٹھ گیا، سوئٹزر لینڈ میں پشتون تحفظ موومنٹ کے مظاہرے میں بھارتی اورافغان جھنڈے لہراتے پکڑے گئے، پشتون تحفظ موومنٹ کو بیرونی آقاﺅں کی مکمل آشیر باد حاصل ہے، بھارت اور افغانستان پاکستان دشمنی اور زہر افشانی میں مکمل طور پر شانہ بشانہ کھڑے ہیں۔ بین الاقوامی میڈیا کے مطابق بھارت اور افغانستان کی پاکستان کے اندرونی معاملات میں دخل اندازی کی ایک اور سازش بے نقاب ہو گئی، سوئٹزر لینڈ میں پشتون تحفظ موومنٹ کے مظاہرے میں بھارتی اور افغان جھنڈے لہراتے رہے۔ جنیوا میں احتجاج کے دوران ثابت ہو گیا کہ پشتون تحفظ موومنٹ کے مظاہرے میں بھارتی اور افغان جھنڈے لہراتے رہے ۔ جنیوا میںا حتجاج کے دوران ثابت ہو گیا کہ پشتون تحفظ موومنٹ کو فنڈ کرنے میں بھارت اور افغانستان پیش پیش ہیں۔ بھارت کی مدد سے چلنے والی ملک دشمن تنظیمیں بھی مظاہرے میں شریک ہوئیں۔ یہ اس بات کی جانب واضح اشارہ ہے کہ پی ٹی ایم کو اس کے وہ بیرونی آقا چلا رہے ہیں اور پاکستان کے خلاف زہر افشانی میں سرگرم عمل ہیں۔

ممبئی(ایمرا نیوز)بھارتی وزیراعظم نریندر مودی کی زندگی کو ماؤ باغیوں سے خطرہ، کوئی وزیر بھی اسپیشل پروٹیکشن گروپ کی اجازت کے بغیر مودی کے قریب نہیں جاسکے گا۔بھارتی وزارت داخلہ ذرائع کے مطابق ماؤ باغیوں کی جانب سے بھارتی وزیراعظم نریندر مودی کو قتل کئے جانے کا خطرہ ہے، اس لئے ان کی حفاظت کیلئے خصوصی اقدامات کئے گئے ہیں۔ان حفاظتی اقدامات کے تحت کوئی وزیر یا سینیئر بیورور کریٹ بھی وزیراعظم مودی کی سیکیورٹی پر مامور اسپیشل پروٹیکشن گروپ سے اجازت لئے بغیر ان کے قریب نہیں جا سکے گا اور اس بار وہ اگلے سال ہونے والے الیکشن کی مہم کیلئے روڈ شو بھی نہیں کرسکیں گے۔واضح رہے کہ گزشتہ انتخابات میں بھارتیہ جنتاپارٹی کی کامیابی کی بڑی وجہ نریندر مودی کے روڈ شوز تھے۔