Category انٹرنیشنل

ریاض (مانیٹرنگ ڈیسک/میڈیا 92نیوز) سعودی عرب نے بھارت میں برڈ فلو وائرس پائے جانے کے بعد وہاں سے مرغیوں، پرندوں اور انڈوں کی درآمدات پر پابندی عائد کردی ۔سعودی میڈیا کے مطابق یہ بات سعودی وزارتزراعت نے بتائی۔جنوری میں عالمی ادارہ برائے صحت حیوانیات نے ایک رپورٹ کا حوالہ دیتے ہوئے کہا تھا کہ بھارت کی جنوبی ریاست کرناٹکا کے شہر بنگلور کے قریب برڈ فلو کی وبا پھیل گئی ہے ۔

واشنگٹن (مانیٹرنگ ڈیسک /ایمرا نیوز)احسن اقبال کا کہنا ہے کہ امریکا سے امداد نہیں بلکہ دوستانہ اور آبرمندانہ انداز میں تعلقات چاہتے ہیں۔

واشنگٹن میں وزیرداخلہ احسن اقبالمیڈیا سے گفتگوکررہےتھے جہاں انہوں نے کہا کہ امداد نہیں چاہتے، بااعتماداورباہمی احترام کی بنیادپرعلاقائی اورعالمی تعاون بڑھاناچاہتے ہیں۔

انہوں نے مزید کہا کہ پاکستان اور امریکا مل کر افغانستان میں بہت اہم کردار ادا کرسکتےہیں جبکہ افغانستان اور پاکستان ایک دوسرے سے وابستہ ہیں اور رہیں گے۔

وزیرداخلہ نے کہا کہ خطےکےامن کےلیےتمام ہمسائیوں سےاچھےتعلقات کےلیےکوشاں ہیں اور ہم جنگ نہیں ترقی میں مقابلہ کرنا چاہتے ہیں۔

ان کا کہنا تھا کہ دونوں ممالک کے جائز سیکورٹی خدشات کا حل کیا جانا چاہیے، یکطرفہ طورپر امریکا کے سیکورٹی خدشات دور نہیں ہوسکتے، یہ نہیں ہوسکتاکہ امریکاکےسیکورٹی تقاضےیکطرفہ پورےہوں اورپاکستان نظراندازہوں۔

انہوں نے کہا کہ ہم عزت نفس رکھنےوالی قوم ہیں،برطانیہ سےآزادی ہی اس لیےحاصل کی تھی تاہم پاکستان میں سیکیورٹی آپریشن کےلیےہم نےکسی سےبھیک نہیں مانگی۔

انہوں نے بتایا کہ دہشت گردوں کےخلاف معلومات ہیں توشئیرکی جائیں،ہم کارروائی کریں گے،دہشت گردسرحدکےاس طرف ہیں یااس طرف وہ دہشت گردہیں،عالمی برادری کومل کردہشت گردی کامقابلہ کرناہےمگرعلاقائی خودمختاری کااحترام کیاجائے۔

احسن اقبال کا کہناہے کہ سی پیک کامقصدپاک چین راہداری نہیں،جنوب ایشیااورچین کومضبوط کرناہے،سی پیک سےبھارت کوبھی فائدہ ہوگا جبکہ سی پیک کی مخالفت کرنےپربھارتی حکومت کوداخلی تنقیدکابھی سامناہے۔

ان کا کہناتھا کہ تشددختم کرناچاہتےہیں کیونکہ یہ ترقی کادشمن ہے جبکہ دورے کے دوران پاکستان کانکتہ نظرامریکاکےسامنےاجاگرکیااور جنوب ایشیادنیامیں غربت ،بیماری اورناخواندگی کامرکزہے۔

انہوں نے کہا کہ جوقوتین پاکستان کوعدم استحکام سےدوچارکرنےکی کوشش کررہی ہیں،ان پرنظرہےاور پاکستان کوداخلی سطح پر کمزور کرنے کی کوششیں کامیاب ہونےنہیں دیں گے۔

وزیر داخلہ نے کہا کہ پیپلزپارٹی نےآج تک بھٹوکی پھانسی کافیصلہ قبول نہیں کیاجبکہ نوازشریف کی برطرفی کافیصلہ سیاہی سوکھنےسےپہلےقبول کیااور ہم توہین عدالت نہیں کررہےتاہم فیصلہ پرپوری دنیامیں سوالیہ نشان اٹھائےگئےہیں۔

امریکا نے تین پاکستانیوں کے نام عالمی دہشت گردوں کی فہرست میں ڈال دیئے۔

امریکی محکمہ خزانہ کی طرف سے رحمان زیب فقیر محمد، حزب اللہ استم خان اور دلاور خان کے نام شامل کیے گئے ہیں ۔

تینوں افراد کو القاعدہ اور دیگر دہشت گرد تنظیموں سے منسلک شیخ امین اللہ کا سہولت کار بتایا گیاہے، جبکہ شیخ امین اللہ 2009 سے دہشت گردوں کی فہرست میں شامل ہے۔

ان افراد پر پاکستان اور افغانستان میں انتہا پسند گروپس کو مالی اور لاجسٹک مدد فراہم کرنے کا بھی الزام ہے۔

ممبئی(نیٹ نیوز/ایمرا نیوز) بالی ووڈ اداکار انوپم کھیر کا ٹوئٹر اکاؤنٹ ہیک کرکے اس پر پاکستان سے پیار کا پیغام جاری کردیا گیا۔ اگرچہ اب انوپم کھیر کا ٹوئٹر اکاؤنٹ بحال ہوچکا ہے، تاہم کافی دیر تک ان کا اکاؤنٹ ہیک رہا۔ ڈی این اے انڈیا کے مطابق انوپم کھیر کا ٹوئٹر اکاؤنٹ ہیک کرنے والے ہیکر نے خودکو ترکس سائبر ہیکر قرار دیا۔ہیکرز نے اداکار کا ٹوئٹر اکاؤنٹ ہیک کرکے اس پر پیغام جاری کیا کہ اس اکاؤنٹ کو ترکش سائبر آرمی ایلدیزنم نے ہیک کیا ہے۔ ساتھ ہی ہیکر نے ان کے ٹوئٹر ہینڈل سے‘”آئی لو پاکستان“ کا پیغام جاری کرکے پاکستان اور ترکی کے جھنڈے بھی لگادئیے۔ ان کے اکاؤنٹ سے ایک اور کی گئی ٹویٹ میں ترکی کے جھندے کے ساتھ ترک فوجی کو بھی دکھایا گیا۔ ساتھ ہی لکھا کہ وہ ترکی کو سپورٹ کرتے ہیں اسی ٹویٹ میں ترک فوج کے شام میں جاری آپریشن آفرین کو بھی سپورٹ کیا گیا۔

ممبئی(مانیٹرنگ ڈیسک/ایمرا نیوز) ابھی بالی ووڈ کی متنازع فلم”پدومات“ کے خلاف راجپوت کرنی سینا کے مظاہرے مکمل طور پر تھمے ہی نہ تھے کہ اب بالی وڈ کی ایک اور آنے والی فلم ”منی کانیکا“ دی کوئین آف جھانسی“ کے خلاف بھی انتہا پسند سامنے آگئے۔ کنگنا کی فلم ”منی کارنیکا“ دی کوئین آف جھانسی“ کے خلاف ریاست راجستھان کا ایک برہمن گروپ سامنے آیا ہے جس نے ریاستی حکومت سے فلم میں متنازع مناظر شامل کئے جانے اور حقائق کو مسخ کرنے کا نوٹس لینے کا مطالبہ کیا ہے۔”منی کارنیکا“ دی کوئین آف جھانسی“ کے خلاف ریاست راجستھان کا برہمن گروپ، سردابرہمن مہاسابھا، سامنے آیا ہے جس کا موقف ہے کہ فلم میں ان کی رانی یعنی جھانسی کی رانی، سے متعلق حقائق کو توڑ مروڑ کر پیش کیا جارہاہے۔ خیال رہے کہ ”منی کارنیکا دی کوئین آف جھانسی“ فلم کی کہانی”جھانسی کی رانی‘ یعنی لکشمی بائی کے گرد گھومتی ہے۔ جھانسی کی رانی‘ نے1857ء میں انگریزوں کے خلاف لڑی جانے والی جنگ آزادی میں بہادری سے انگریزو ں کا مقابلہ کیا۔ مورخین کے مطابق جھانسی کی رانی نے مردوں کی طرح وار کرکے انگریز مارے تاہم وہ بھی جنگ میں ماری گئیں۔فلم کی شوٹنگ گزشتہ ڈیڑھ سال سے جاری تھی جو اس وقت تقریباً آخری مراحل میں ہے۔

(مانیٹرنگ ڈیسک/ایمرا نیوز)حریت رہنما افضل گرو اور محمد مقبول بٹ کی برسی کے موقع پر مقبوضہ کشمیر میں مکمل شٹر ڈاؤن ہڑتال کا اعلان کیا گیا ہے۔
حریت قیادت سید علی گیلانی، میر وا عظ عمر فاروق اور یاسین ملک نے 9 اور 11 فروری کو ہڑتال کی کال دی ہے، افضل گرو اور محمد مقبول بٹ کی برسی کے موقع پر احتجاج کا بھی اعلان کیا گیا ہے ۔
11 فروری کو دونوں رہنما ؤں کی باقیات کی واپسی کیلئے اقوام متحدہ کے دفتر میں ریفرنڈم بھی جمع کرایا جائے گا۔
واضح رہے کہ افضل گرو اور مقبول بٹ کو بھارت میں پھانسی دی گئی تھی۔

امریکہ (مانیٹرنگ ڈیسک /ایمرا نیوز)امریکی ایوان نماِئندگان میں ایک بل پیش کیا گیا ہے، جس میں کہا گیا ہے کہ پاکستان کی روکی گئی امدادی رقم امریکا میں انفراسٹرکچر منصوبوں کے لیے مختص کی جائے گی۔
یہ بل رکن کانگریس ٹامس میسی اور مارک سینفورڈ نے پیش کیا، بل میں ایوان پر زور دیا گیا ہے کہ پاکستان کی روکی گئی امدادی رقم کو امریکا میں انفرا اسٹرکچر منصوبوں کے لیے مختص کردیا جائے۔
ارکان کانگریس کا کہنا تھا کہ ٹیکس دہندگان کی رقم کو بیرون ممالک کو دینے کے بجائے امریکا میں سڑکوں اور پلوں کی تعمیر پر خرچ کیا جانا چاہئے۔
گزشتہ ماہ بھی اسی قسم کا ایک بل سینیٹ میں پیش کیا گیا تھا، جس میں حکومت پر زور دیا گیا تھا کہ وہ ٹیکس دہندگان کی رقم سب سے پہلے امریکا میں جاری منصوبوں پر خرچ کرےاور اس کے بعد بیرون ممالک کو امداد دی جائے۔
واضح رہے کہ اس سے قبل ٹرمپ انتظامیہ کہہ چکی ہے کہ پاکستان کی روکی جانے والی امداد کہیں اور خرچ نہیں کی جائے گی۔

وزیر خارجہ خواجہ آصف کا کہنا ہے کہ امریکا کی طرف سے گزشتہ ایک سال سے جو سن رہے ہیں اس پر تشویش ہے، پاک امریکا تعلقات کو افغانستان کے تناظر میں دیکھا جاتا ہے۔
وزیر خارجہ خواجہ آصف نے غیر ملکی میڈیا سے انٹرویو میں ایک سوال کے جواب میں امید ظاہر کی کہ پاک امریکا تعلقات معمول پر آ جائیں گے۔
انہوں نے کہا کہ پاکستان امریکا کے ساتھ باہمی تعلقات پر توجہ مرکوز رکھنا چاہتا ہے۔
پاکستان کا مقصد افغانستان کودھکیلنا نہیں، افغانستان میں امن کی بحالی ہماری مشترکہ کوشش ہے، افغانستان میں امن پاکستان سمیت خطے کےلیے انتہائی اہم ہے، افغان مسئلہ گزشتہ 3 دہائیوں سے افغانستان میں امریکی موجودگی سے جڑا ہوا ہے۔

ریاض (میڈیا پاکستان) کرین حادثے سے متعلق عدالتی فیصلہ آنے کے بعد سعودی بن لادن گروپ نے ایک مرتبہ پھر کام شروع کردیا ہے اور 2017ءکے اواخر میں اطلاعات تھیں کہ بن لادن گروپ نے اپنے غیرملکی ملازمین کو بھی تنخواہوں کی ادائیگی شروع کردی ہے تاہم اب انتہائی افسوسناک انکشاف ہوا ہے کہ 6ماہ سے زائد عرصہ بیت جانے کے باوجود پاکستانی ملازمین کو تنخواہیں ابھی تک نہ مل سکیں جس کی وجہ سے بھوک برداشت کرنے پر مجبور ہیں ، سب سے حیران کن بات یہ ہے کہ ملازمین کے پاسپورٹ بھی کمپنی نے اپنے پاس رکھ لیے ہیں۔
میڈیا پاکستان کو موصولہ اطلاعات کے مطابق سعودی بن لادن کمپنی نے تاحال پاکستانی ملازمین کو تنخواہیں ادا نہیں کیں لیکن ملازمین سے بدستور کام کرا رہے ہیں ، ان ملازمین کے پاس کھانے پینے کو بھی کچھ نہیں ۔6ماہ سے تنخواہوں سے محروم سعودی میں پھنسے ملازمین نے اپیل کی ہے کہ حکومت پاکستان سعودی ذمہ داران سے بات کرے اور ان کی مشکل میں آسانی لائے۔
یہ بھی انکشاف ہوا ہے کہ بن لادن گروپ نے ملازمین کو تنخواہیں دینے کی بجائے ایک ہزار ریال قرض دینے کی پیشکش کردی اور اس ضمن میں ملازمین کیلئے جاری نوٹس میں واضح کیا گیا ہے کہ ” آپ کو یہ بتانا تھا کہ جولوگ تاحال کام کررہے ہیں، انہیں تنخواہ ملنے تک ایک ہزار ریال ادھار دینے کا فیصلہ کیا گیا، یہ رقم بینک اکاﺅنٹس میں بھیجی جائے گی لیکن اگر کسی ملازم کا بینک اکاﺅنٹ نہیں تو وہ اکاﺅنٹس ڈیپارٹمنٹ سے رقم وصول کرسکتے ہیں“۔

تہران (میڈیا پاکستان) ایران میں سرکاری ٹی وی نے اپنے ایک سماجی پروگرام میں خاتون مہمان کی جانب سے کی جانے والی گفتگو پر معذرت پیش کی ہے۔ خاندانی امور کی ماہر خاتون نے ازدواجی تعلقات کی اصلاح پر روشنی ڈالتے ہوئے بیویوں کو نصیحت کی تھی کہ وہ گرم پانی سے اپنے شوہروں کے پائوں کو دھوئیں اور پھر ان کے پاں کو بوسہ دیں۔ مہمان خاتون کی اس بات کو سوشل میڈیا پر شدید تنقید کا نشانہ بنایا گیا۔

تفصیلات کے مطابق مذکورہ “مذہبی خاتون شخصیت” نے یزد صوبے کے ٹیلی وڑن پر پروگرام کے دوران خواتین کو نصیحت کی کہ “وہ برتن میں دودھ اور گلاب لے کر اس سے اپنے شوہروں کے پائوں کو دھوئیں ، ان کا مساج کریں اور پھر دونوں پائوں کو بوسہ دیں۔ اس عمل سے ازدواجی تعلق مضبوط کرنے اور دل میں گھر کرنے کے حوالے سے بہت فائدہ ہو گا”۔خاتون کا مزید کہنا تھا کہ “ایسا کرنے کے بعد آپ تقریبا ایک ماہ تک محبّت کے مظہر اور تنائو میں کمی ملاحظہ کریں گی اور مسائل بھی آپ سے دور رہیں گے”۔

ضرور پڑھیں:سائنسدانوں نے جنسی لطف کے لئے ایسی گڑیا بنا ڈالی جس کا کوئی انسان سوچ بھی نہ سکتا تھا، دنیا بھر میں ہنگامہ برپا ہوگیا کیونکہ یہ۔۔۔
خاتون مہمان کے مطابق “یہاں تک کہ اگر کسی کا شوہر منشیات کا عادی بھی ہے تو وہ اس عمل کو کرے اور پھر اپنی زندگی میں ہی معجزہ دیکھ لے”۔پروگرام نشر ہونے کے بعد شہریوں کی جانب سے سوشل میڈیا پر شدید ردود عمل سامنے آئے۔ اس مہم نے سرکاری ٹی وی کو سرکاری طور پر معذرت پیش کرنے پر مجبور کر دیا۔ ٹی وی انتظامیہ نے ایک بیان میں شہریوں سے وعدہ کیا ہے کہ آئندہ سماجی امور کے پروگراموں کو پیش کرتے ہوئے اس کے مواد کا خاص خیال رکھا جائے گا تا کہ خواتین کے جذبات کو مجروح ہونے سے بچایا جا سکے۔