Category انٹرنیشنل

دبئی کی بلدیہ نے خبردار کیا ہے کہ شاہراہوں پر سگریٹ پھینکنے والوں پر 500 درہم جرمانہ عائد کر دیا کیا جائے گا۔دبئی حالیہ برسوں کے دوران میں دنیا کے بڑے کاروباری مراکز میں سے ایک کے طور پر ابھرا ہے۔دبئی کی اس ترقی کا راز اس کی انتظامیہ کے صفائی ستھرائی سے لے کر ترقیاتی اقدامات تک میں اعلیٰ معیارات کی پاس داری میں پنہاں ہے۔

غیر ملکی میڈیا کے مطابق دبئی انتظامیہ کی جانب سے یہ اقدام شہر کو صاف ستھرا رکھنے کے لیے اٹھایا گیا ہے۔ سگریٹ نوشوں کو خبردار کیا جارہا ہے کہ وہ سگریٹ کے بچے ہوئے ٹوٹے شاہراہوں پر یا گلیوں ، بازاروں میں پھینکنے سے گریز کریں ورنہ انھیں بھاری جرمانہ ہو سکتا ہے۔اگر سگریٹ نوش گاڑی چلاتے ہوئے شاہراہوں پر توٹے پھینکیں گے تو ان پر 500 درہم جرمانہ عاید کیا جائے گا۔ تاہم پارکوں اور کاروباری مراکز میں ااس جرم کے مرتکب افراد کو دگنا جرمانہ عائد کیا جائے گا۔ اگر وہ دوبارہ خلاف ورزی کے مرتکب ہوتے ہیں تو جرمانہ تین گنا ہو گا۔

فغان دارالحکومت کابل کے ہوٹل پر حملے میں غیر ملکیوں سمیت 18 سے زائد ہلاک ہوگئے، ہلاک ہونے والوں میں مقامی ایئرلائن عملے کے 11غیرملکی افراد بھی شامل ہیں، طالبان نے حملے کی ذمہ داری قبول کر لی ہے۔

افغان میڈیا نے ذرائع کے حوالے سے دعویٰ کیا ہے کہ ہوٹل حملے میں درجنوں افراد ہلاک ہوئے ہیں، ہلاک ہونے والوں میں مقامی ایئرلائن کا غیر ملکی عملہ، افغان اعلیٰ امن کونسل کے رکن احمد فروزن اور پاکستان میں افغان سفارتکار ڈاکٹر وحید بھی شامل ہیں۔
گزشتہ رات 4حملہ آوروں نے کابل ہوٹل پر حملہ کر کے ہوٹل میں موجود افراد کو یرغمال بنا لیا تھا، افغان سیکورٹی فورسز اور حملہ آوروں کے درمیان مقابلہ 13 گھنٹے جاری رہا،مقابلے میں تمام حملہ آوروں کو ہلاک کر دیا گیا۔

افغان حکام کے مطابق ہوٹل سے 41غیرملکیوں سمیت 126افراد کو بحفاظت نکالا گیا، حملے کی ذمے داری طالبان نے قبول کرلی ہے۔

ترکی نے شام میں کرد ملیشیا کے خلاف کارروائی پر بین الاقوامی تنقید کو مسترد کرتے ہوئے کہا ہے کہ وہ بہت جلد اس میں کامیاب ہو جائے گا۔

نیٹو میں ترکی کے نمائندے احمد بیرات نے کہا ہے کہ نیٹو اراکین ترکی کی جانب سے اس حملے کی حمایت کریں۔

ان کا کہنا تھا کہ امریکہ اور اس کے اتحادی اگر ترکی کے اقدامات کی مخالفت کرتے ہیں تو انہیں نیٹو کے لیے اپنی رکنیت پر دوبارہ غور کرنا چاہیے۔

ان کا کہنا تھا کہ واشنگٹن کی جانب سے دولتِ اسلامیہ کے خلاف وائی پی جی کو اتحادی بنانا ترکی کے لیے براہ راست خطرہ ہے۔
اس سے پہلے ترکی کی زمینی افواج شمالی شام میں داخل ہوگئی ہیں جبکہ ترک صدر رجب طیب اردوغان کی جانب سے کرد جنگجوؤں کو ’بہت جلد‘ کچلنے کا عندیہ دیا ہے۔
کرد ملیشیا وائی پی جی کا کہنا ہے کہ انھوں نے عفرین شہر میں ترک افواج کو پیچھے دھکیل دیا ہے اور وہ ترکی کے سرحدی علاقوں پر گولہ باری کر رہی ہے۔

خیال رہے کہ ترک وائی پی جی کو دہشت گرد تنظیم قرار دیتا ہے جبکہ شام میں شدت پسند تنظیم دولت اسلامیہ کے خلاف جنگ میں اس تنظیم کو امریکی اتحاد کی حمایت حاصل ہے۔

دوسری جانب امریکہ نے مطالبہ کیا ہے کہ عام شہریوں کی ہلاکتوں سے بچاؤ کے لیے ‘تحمل’ کا مظاہرہ کرے۔

ترکی کے وزیر اعظم بن علی یلدرم نے کہا ہے کہ ترکی کی زمینی افواج شام کے شمالی حصے میں داخل ہو گئی ہیں جس کا مقصد سرحدی علاقے سے کرد جنگجوؤں کا انخلا ہے۔

ترکی سے موصول ہونے والی اطلاعات کے مطابق بن علی یلدرم نے کہا کہ اس کارروائی کا مقصد شام کے اندر 30 کلو میٹر گہرا ’محفوظ زون‘ قائم کرنا ہے۔

ترکی شام کے علاقے عفرین سے کرد جنگجوؤں کا انخلا چاہتا ہے جو کہ سنہ 2012 سے کردوں کے کنٹرول میں ہے۔

تاہم کرد جنگجو تنظیم وائی پی جی ملیشیا کا کہنا ہے کہ انھوں نے عفرین میں ترک فوج کو پیچھے دھکیل دیا ہے۔

بھارتی وزیر داخلہ راج ناتھ نے لکھنؤ میں جلسے سے خطاب کرتے ہوئے کہا کہ بھارت نہ صرف اپنی سرزمین بلکہ دوسرے ملک میں بھی گھس کر دشمن کے خلاف کارروائی کرسکتا ہے، چند ماہ قبل پاکستان نے بھارت کے 17 فوجیوں کو ہلاک کیا تھا، وزیراعظم نریندر مودی نے اس سنگین مسئلے پر تمام اعلیٰ حکام سے مشاورت کی جس کے بعد بھارتی فوج نے پاکستان میں داخل ہوکر وہاں عسکریت پسندوں کے خلاف کارروائی کی۔

راج ناتھ نے دعویٰ کیا کہ دنیا میں بھارت ایک مضبوط ملک کے طور پر سامنے آرہا ہے، اور ہم نے دنیا کو ٹھوس پیغام دیا ہے کہ ہم نہ صرف اپنے ملک کے اندر بلکہ دشمن کی سرزمین کے اندر بھی اس کے خلاف کارروائی کرسکتے ہیں، بھارت تو پاکستان سے دوستانہ تعلقات چاہتا ہے لیکن پاکستان ہمارے ساتھ خوشگوار مراسم قائم کرنا نہیں چاہتا۔

واضح رہے کہ بھارت کی جانب سے مسلسل لائن آف کنٹرول اور ورکنگ باؤنڈری پر سیز فائر معاہدے کی خلاف ورزی کی جارہی ہے جبکہ کئی ماہ سے جاری بھارتی فوج کی بلااشتعال فائرنگ اور گولہ باری کے نتیجے میں متعدد پاکستانی شہری اور پاک فوج کے جوان شہید اور زخمی ہوچکے ہیں۔

واشنگٹن (اے این این)امریکی صدر ڈونلڈٹرمپ نے انٹر نیٹ جاسوسی پروگرام کی دوبارہ اجازت دے دی۔نیشنل سیکورٹی ایجنسی کو وارنٹ کے بغیر جاسوسی کی اجازت ہو گی۔ٹرمپ نے بل پردستخط کردیے۔بیرون ملک انٹیلی جنس معلومات جمع کرنے کا اختیار 6 سال کے لیے ہو گا۔امریکی ایوان نمائندگان نے گزشتہ ہفتے بل کی منظوری دی تھی۔این ایس ایکیبیرون ملک انٹیلی جنس پروگرام میں معمولی تبدیلی کی گئی ہے۔خبر ایجنسی کے مطابق پروگرام کے تحت بیرون ملک غیرملکیوں اور امریکیوں سیمعلومات حاصل کی جاتی ہیں۔

واشنگٹن (اے این این)امریکہ نے کہا ہے کہ اس کی قومی سلامتی کا اہم مرکز اب دہشت گردی نہیں بلکہ دوسرے طاقتوں کے ساتھ مقابلہ کرنا ہے۔سیکریٹری دفاع جیمز میٹس نے دفاعی حکمتِ عملی کا اعلان کرتے ہوئے کہا کہ امریکہ کیلئے ‘چین اور روس جیسے ممالک سے خطرات بڑھ رہے ہیں۔جیمز میٹس نے روس کا حوالا دیتے ہوئے خبردار کیا کہ امریکہ کی جمہوریت کیلئے خطرہ ہے۔امریکی سیکریٹری دفاع نے کہا کہ ‘اگر آپ نے ہمیں چیلنج کیا تو یہ آپ کے لیے برا ترین دن ہو گا۔یاد رہے کہ امریکہ کے صدارتی انتخاب میں روس کی مبینہ مداخلت کی تحقیقات کا مطالبہ ان دنوں زور پکڑ گیا ہے۔دوسری جانب روس اور چین نے امریکہ کی دفاعی پالیسی پر تنقید کرتے اسے مسترد کیا ہے۔روس کے وزیر خارجہ کا کہنا ہے کہ امریکہ اپنی عالمی قیادت کو مذاکرات کے بجائے تصادم سے ثابت کرنا چاہتا ہے جبکہ چین نے امریکہ پر سرد جنگ کی ذہنیت رکھنے کا الزام عائد کیا ہے۔واشنگٹن میں بات کرتے ہوئے سیکریٹری دفاع نے کانگریس سے اپیل کی کہ وہ فوج کو زیادہ فنڈ دیں اور وفاقی بجٹ میں ‘بغیر کسی تفریق کے بجٹ کٹوتی’ سے اجتناب کریں۔امریکی صدر ٹرمپ رواں سال دفاعی اخراجات کے لیے مختص فنڈ میں دس فیصد تک اضافہ کرنا چاہتے ہیں اور انھیں امید ہے کہ اضافی رقم بعض شعبوں کے بجٹ اور غیر ملکی امداد میں کٹوتی حاصل کی جا سکتی ہے۔یہ پہلی مرتبہ ہے جب ٹرمپ انتظامیہ کی جانب سے کسی ایک مقام سے امریکہ کی دفاعی پالیسی کی مکمل وضاحت کی گئی ہے۔اس سے پہلے اوباما انتظامیہ کی جانب سے مرتب کردہ دفاعی خطرات بھی یہی تھے لیکن ان کی ترجیحات دوسری تھیں۔اس سے قبل دولتِ انتظامیہ اور القاعدہ جیسی جہادی تنظیم امریکی دفاعی پالیسی کا مرکز تھیں۔جیم میٹس نے کہا کہ ‘امریکہ کے لیے نظریاتی طور پر ترمیم شدہ چین اور روس جیسے ممالک سے خطرہ بڑھ ہے جو کہ دنیا کو اپنے آمریت پسند طرزِ حکومت سے ہم آہنگ کرنا چاہتے ہیں۔امریکہ کی سکیورٹی کی حکمت عملی کا خاکہ وزارتِ دفاع کی ویب سائٹ پر بھی جاری کیا گیا ہے۔سرد جنگ کے بعد سے تین بڑی جوہری طاقتیں ایک دوسرے کے لیے ہمشہ سے خطرہ ہیں۔حالیہ کچھ عرصے میں براہراست تصادم کا خطرہ بھی بڑھا ہے، خاص کر یوکرائن اور شام کے معاملے پر امریکہ اور روس کے درمیان تصادم کا خطرہ۔امریکہ کے نائب اسسٹنٹ سیکریٹری برائے دفاعی حکمتِ عملی ایلبریج کولبی کا کہنا ہے کہ نئی حکمت میں تسلیم کیا گیا ہے کہ ‘چین اور روس بالخصوص گذشتہ کئی برسوں سے مستقل مزاجی کے ساتھ اپنے دفاعی صلاحتیوں کو بڑھا رہے ہیں تاکہ امریکہ کی دفاعی صلاحیت کو چیلنج کیا جا سکے۔قومی دفاعی حکمتِ عملی میں سال دو ہزار انیس کے دفاعی بجت کے حوالے سے تجاویز دی گئی ہیں۔

واشنگٹن (اے این این)صدر ٹرمپ کا 6 مسلم اکثریتی ممالک پر سفری پابندی کا معاملہ پھر عدالت میں آگیا۔ سپریم کورٹ پابندی کی قانونی حیثیت کا فیصلہ کرے گی۔گزشتہ ماہ ہائی کورٹ نے 6مسلم اکثریتی ممالک ایران ، شام ،یمن ، لیبیا ، صومالیہ اور چاڈ کے شہریوں کے امریکا میں داخلے کی پابندی پر عمل درآمد کی اجازت دی تھی۔ریاست ہوائی نے اس پابندی کو چیلنج کیا اور اب سپریم کورٹ اس پابند ی کا جائزہ لے گی کہ آیا یہ پابندی فیڈرل امیگریشن قانون کے مطابق ہے یا اس کے خلاف۔دلائل آیندہ ماہ سنے جائیں گے اور فیصلہ جون میں متوقع ہے۔سب سے پہلے سان فرانسسکو کی کورٹ آف اپیل نے پابندی کا اطلاق ہونے سے پہلے ہی اس پر عمل درآمد روک دیا تھا۔

اسرائیلی وزیر اعظم کا کہنا ہے کہ ہم پاکستان کے دشمن ہیں نہ وہ ہمار ا دشمن ہو نا چاہیے ، بھارت کوایل او سی پر اقوام متحدہ سے دہشت گرد قرار افرادکے خلاف کارروائی کرنا ہوگی ۔
اسرائیلی وزیراعظم نیتن یاہو نے کہاہے کہ ہم پاکستان کے دشمن ہیں نہ پاکستان کو ہمارادشمن ہوناچاہیے ۔ اسے ہم سے دشمن کی طرح برتاؤ نہیں کرنا چاہیے ۔ بھارت کے دورے پر آئے اسرائیلی وزیراعظم نیتن یاہونے جمعہ کو میڈیا سے گفتگو میں کہاکہ بھارت کو لائن آف کنٹرول پر ان دہشت گردوں کے خلاف کارروائی کرنا ہوگی جن کو اقوام متحدہ دہشت گرد قرار دے چکی ہے ۔
دوسری جانب نیتن یاہو نے ممبئی میں بھارتی فلم انڈسٹری کے فنکاروں سے بھی ملاقات کی، اس دوران ان کا کہنا تھا کہ وہ بالی ووڈ سے محبت کرتے ہیں اور چاہتے ہیں کہ اسرائیل میں بھی بالی ووڈ فلم انڈسٹری ہو۔ اسرائیلی وزیراعظم نے بھارتی ہم منصب کے ساتھ گجرات کا بھی دورہ کیا، احمد آباد میں مہاتما گاندھی کی رہائش گاہ گئے ۔اس موقع پر اسرائیلی وزیر اعظم نے امیتابھ بچن اور دیگر فنکاروں کیساتھ آسکر سٹائل سیلفی بنوائی۔واضح رہے کہ نیتن یاہو کے دورے کے دوران بھارت اور اسرائیل کے درمیان سائبرسکیورٹی، سائنس ، ٹیکنالوجی، ایئر ٹرانسپورٹ، فلم پروڈکشن، تیل ، گیس، سولر تھرمل انرجی، خلائی ٹیکنالوجی اور ہومیوپیتھک ادویات سازی کے 9 معاہدوں پر دستخط ہوئے ۔

امریکی سینٹ میں عارضی اخراجات بل پر حکومت اور اپوزیشن میں اتفاق نہ ہوسکا جس کے بعد حکومت نے شٹ ڈاؤن کا باضابطہ اعلان کر دیا، شٹ ڈاؤن سے امریکی حکومت کے بیشتر کام معطل ہوجائیں گے۔

کانگریس میں ریپبلکن اور ڈیموکریٹک ارکان ایک دوسرے پر الزام تراشیاں کرتے رہے، امریکی صدر ڈونلڈ ٹرمپ نے ڈیموکریٹس کا رویہ شٹ ڈاؤن کی وجہ قراردیا ہے۔ حکومت کے پاس پیسے نہ ہونے کی وجہ سے کئی وفاقی ایجنسیاں متاثر ہونگی تا ہم نیشنل سکیورٹی، پوسٹ، ائیر ٹریفک کنٹرول، میڈیکل، ٹیکس اور الیکٹریسٹی پروڈکشن جیسے ضروری ادارے اپنا کام کرتے رہے ہیں۔

شٹ ڈاؤن کے دوران امریکی وفاقی حکومت کے لاکھوں ملازمین کو بغیر تنخواہ کے چھٹیوں پر بھیجا جاسکتا ہے۔ انجینئرز، سائنسدان، اسپورٹس نیشنل پارک، میوزیم اور سیاحتی پروگرام متاثر ہونگے۔ امریکا میں حکومتی سرگرمیوں کے لیے کانگریس کے دونوں ایوان سینٹ اور ایوان نمائندگان بجٹ کی منظوری دیتے ہیں اور اگر اختلافات کی وجہ سے یہ بجٹ منظور نہ ہوسکے تو امریکی حکومت کو اپنی سرگرمیاں اور ادارے بند کرنا پڑتے ہیں، اسی بندش کو شٹ ڈاؤن کہا جاتا ہے۔ اس سے پہلے امریکی حکومت 2013 میں 16 روزتک شٹ ڈاؤن کا شکار رہی۔

جرمن حکومت نے فوری طور پر ایسے ملکوں کو ہتھیاروں کی فروخت روک دی ہے، جو یمن کی جنگ میں شریک ہیں۔

برلن حکومت کے اس فیصلے کو خارجہ پالیسی میں واضح تبدیلی قرار دیا گیا ہے۔ وفاقی حکومت کے ترجمان اشٹیفان زائبرٹ نے بتایا کہ جرمنی کی فیڈرل سکیورٹی کونسل نے یمنی جنگ میں شریک ممالک کو اسلحے کی فروخت کی مزید اجازت دینے سے انکار کر دیا ہے۔

یمن کی جنگ میں سعودی عرب کی قیادت میں ایک عسکری اتحاد قائم ہے، اس میں اردن، متحدہ عرب امارات، بحرین، مصر، کویت، مراکش، سوڈان اور سینیگال شامل ہیں۔

حوثی باغیوں کے خلاف قائم اس اتحاد کے جنگی طیارے یمنی علاقوں میں اہداف کو نشانہ بنانے کا سلسلہ جاری رکھے ہوئے ہیں۔