Category انٹرنیشنل

نئی دہلی (ایمرا نیوز)بھارتی میڈیا نے حکومت پاکستان کے آفیشل ٹوئٹر اکاؤنٹ کو بھارت میں بلاک کیے جانے کی تصدیق کی ہے۔
بھارت میں حکومت پاکستان کے آفیشل ٹوئٹر اکاؤنٹ پر لکھا گیا ہےکہ اکاؤنٹ کو کچھ قانونی تقاضوں کی وجہ سے بلاک کیاگیا ہے۔
بھارت میں ٹوئٹر اکاؤنٹ کو بلاک کیے جانے پر فوری طور پر پاکستانی حکام کی جانب سے کوئی بیان جاری نہیں کیا گیا ہے۔

کابل (ایمرا نیوز)افغانستان کے دارالحکومت کابل کی ایک درسگاہ میں خودکش دھماکا ہوا ہے جس کے نتیجے میں 19 افراد جاں بحق ہو گئے۔
غیر ملکی خبر ایجنسی کے مطابق کابل کے پولیس ترجمان خالد زادران کا بتانا ہے کہ جمعہ کی صبح کابل کے تعلیمی ادارے میں طالب علم امتحان دے رہے تھے کہ خودکش حملہ آور نے خود کو دھماکا خیز مواد کی مدد سے اڑا دیا، دھماکے کے نتیجے میں 19 افراد جاں بحق اور 27 زخمی ہوئے۔
میڈیا رپورٹس کے مطابق دھماکا کابل کے مغربی علاقے دشت برچی کے علاقے میں ہوا جسے ہزارہ برادری کا گڑھ سمجھا جاتا ہے۔
دھماکے کے بعد واقعے کی ویڈیو اور تصاویر سوشل میڈیا پر بھی شیئر کی جا رہی ہیں جبکہ افغان سکیورٹی فورسز نے دھماکے کی جگہ سے شواہد اکٹھے کر کے تحقیقات کا آغاز کر دیا ہے۔

ماسکو(ایمرا نیوز)روس کے صدر ولادیمیر پیوٹن نے ترک ہم منصب رجب طیب اردوان سے ٹیلی فونک رابطہ کیا ہے۔
غیر ملکی ایجنسی کے مطابق دونوں رہنماؤں کی ٹیلی فونک گفتگو کے دوران زیر سمندرپائپ لائنوں میں لیکیج کا معاملہ زیر غور آیا۔
دوران گفتگو روسی صدر پیوٹن نے نارڈ اسٹریم گیس پائپ لائنوں کے خلاف تخریب کاری کو عالمی دہشت گردی قرار دیا۔
یاد رہے کہ یورپ کو گیس سپلائی کرنے والی دو روسی پائپ لائنز میں پُراسرار لیکیج کی ہنگامی بنیادوں پر تحقیقات شروع کر دی گئیں ہیں۔
دونوں پائپ لائنز سویڈن اور ڈنمارک کے نزدیک بحیرہ بالٹک سے گزرتی ہیں اس حوالے سے یورپی سکیورٹی ذرائع کا کہنا ہے کہ نارڈ اسٹریم ون اور ٹو میں گیس لیک سے پہلے دو زیرِ سمندر دھماکے ریکارڈ کیے گئے۔

اسلام آباد(ایمرا نیوز)اسلام آباد میں تعینات امریکی سفیر ڈونلڈ بلوم نے پاکستان میں حکومت کی تبدیلی کے الزامات کی سختی سے تردید کرتے ہوئے ایسے نظریات کو افسوسناک قرار دیدیا۔ایک انٹرویو میں ڈونلڈ بلوم نے حکومت کی تبدیلی جیسے وسیع پیمانے پر سازشی نظریات کو بدقسمتی سے تعبیر کرتے ہوئے کہا کہ امریکا کے پاکستان کے ساتھ طویل اور انتہائی اہم تعلقات ہیں، ہم ایک آزاد، خوشحال اور مضبوط پاکستان دیکھنا چاہتے ہیں۔
امریکا کی طرف سے پاکستان کے ائیر بیس مانگنے کے حوالے سے ایک سوال کے جواب میں امریکی سفیر نے کہا کہ فضائی اڈوں کے بارے میں کسی طرح کی کوئی بات نہیں ہوئی۔
پاکستان کے جوہری پروگرام پر امریکی تحفظات کے حوالے سے ایک سوال کے جواب میں امریکی سفیر نے کہا کہ علاقائی سلامتی اس وقت پاکستان اور اس کے پڑوسیوں کے لیے ایک اہم مسئلہ ہے، پاکستان کے ساتھ سول جوہری معاہدہ نہیں کیا تاہم پاکستان کی توانائی کی بڑھتی ہوئی ضروریات پوری کرنے کے حوالے سے تعاون کے لئے پر عزم ہیں۔
امریکی سفیر ڈونلڈ بلوم نے کہا کہ پاکستان کو اپنے موخر قرضوں سے نمٹنے کے راستے تلاش کرنے کی ضرورت ہے اور امریکا پاکستان کے ساتھ ادائیگیوں کو موخر کرنے کے لیے کام کرے گا، پاکستان کو اب بین الاقوامی تجارت کے انداز کو بدلنے کے بارے میں سوچنا ہو گا، پاکستان ایسی جگہ ہے جہاں انٹرنیشنل مینوفیکچررز اہم فیصلے لے کر پاکستان کے مستقبل میں اہم کردار ادا کر سکتے ہیں۔
پاک چین تجارت پر امریکی سفیر نے کہا کہ یہاں مسئلہ دراصل یہ ہے کہ پاکستان میں کس قسم کی سرمایہ کاری کی جا رہی ہے؟ کیا یہ منصفانہ اور مساوی بنیادوں پر ہے؟
ان کا کہنا تھا موجودہ پاکستانی حکومت معیشت کو دوبارہ پٹری پر ڈالنے کے لیے راستے تلاش کر رہی ہے، پاکستان میں تمام سرمایہ کاری، چاہے وہ امریکی ہو یا چینی، شفاف اور یکساں جانچ پڑتال کے بعد کی جانی چاہیے۔

کابل (ایمرا نیوز)افغانستان میں اقوام متحدہ کے نائب نمائندے مارکس پوٹزل نے کہا ہے کہ دنیا طالبان سے متعلق اپنا صبر کھو رہی ہے کیونکہ افغان حکومت کی جانب سے لڑکیوں کی تعلیم کی اجازت کے کوئی آثار نظر نہیں آرہے اور ان کے القاعدہ سے روابط پر سوالیہ نشان بھی تاحال موجود ہیں۔
خبررساں ادارے ’اے ایف پی‘ کی رپورٹ کے مطابق مارکس پوٹزل نے سلامتی کونسل کو بتایا کہ گزشتہ سال طالبان کے اقتدار سنبھالنے کے بعد سے کچھ مثبت پیش رفت ہوئی ہے لیکن وہ بہت محدود اور سست ہے جس کا اثر منفی پہلوؤں نے زائل کردیا ہے‘۔
انہوں نے کہا کہ خدشہ ہے کہ افغان طالبان کے ساتھ مذاکرات کی حکمت عملی کے حوالے سے عالمی برادری میں اکثریت کے صبر کا پیمانہ لبریز ہوتا جا رہا ہے۔ کونسل کی جانب سے اس حوالے سے ایک مشترکہ بیان حاصل کرنے کے لیے بھرپور کوشش کی لیکن ہم ایسا نہ کر سکے‘۔

واشنگٹن (ایمرا نیوز)وزیر خارجہ بلاول بھٹو زرداری نے طالبان کے ساتھ دنیا کے مضبوط تعلقات کی بحالی کی خواہش کا اظہار کرتے ہوئے افغانستان کے حکمرانوں کو دوبارہ عالمی تنہائی کا شکار کرنے کی صورت میں خطرناک نتائج سے خبردار کیا ہے۔
واشنگٹن کے دورے پر غیر ملکی خبر رساں ادارے اے ایف پی کو انٹرویو دیتے ہوئے بلاول بھٹو نے امریکا کی جانب سے طالبان پر عدم اعتماد کے بعد افغانستان کے منجمد اثاثے سوئٹزرلینڈ کے پروفیشنل فنڈ میں منتقل جانے کے بعد متوازی گورننس قائم کرنے کے خلاف خبردار کیا۔
بلاول بھٹو نے کہا کہ ہم نے ماضی سے سیکھا ہے کہ جب ہم اپنے ہاتھ جھاڑ دیتے ہیں اور پیٹ پھیر لیتے ہیں تو ہم اپنے لیے غیر ارادی منفی نتائج اور مزید مسائل پیدا کرتے ہیں۔
انہوں نے مزید کہا کہ میں سمجھتا ہوں کہ معاشی تباہی، پناہ گزین کی بڑی تعداد اور داعش جیسی دہشت گرد تنظیموں کے لیے نئی بھرتیوں کے خطرے کے بارے میں ہمارے خدشات، ان خدشات و تحفظات سے کہیں زیادہ ہیں جو ان کے مالیاتی اداروں سے متعلق ہو سکتے ہیں۔
چین، پاکستان کا ایک اہم اقتصادی اور سیاسی پارٹنر ہے جو 54 ارب ڈالر کے اقتصادی راہداری کے ساتھ آگے بڑھ رہا ہے جس میں انفرا اسٹرکچر تعمیر کر کے بیجنگ کو بحر ہند تک رسائی فراہم ہوگی۔

واشنگٹن (ایمرا نیوز)امریکی وزیر خارجہ انٹونی بلنکن نے امریکی پارٹنر بھارت کی تنقید کے بعد پاکستان کو فوجی ساز و سامان کی فروخت کا دفاع کیا جب کہ بھارت خود کو اسلام آباد کے ایف 16 طیاروں کا ہدف سمجھتا ہے۔
انٹونی بلنکن نے امریکی دارالحکومت میں وزیر خارجہ بلاول بھٹو زرداری سے ملاقات اور بات چیت کے ایک روز بعد بھارتی وزیر خارجہ سے ملاقات کی۔
سرد جنگ کے نتیجے میں پیدا ہونے والے امریکا اور پاکستان کے اتحاد میں افغانستان میں طالبان حکومت کے ساتھ اسلام آباد کے تعلقات کے باعث تلخی آئی تھی۔
اعلیٰ امریکی سفارت کار نے ستمبر کے اوائل میں پاکستان کے لیے منظور کیے گئے 45 کروڑ ڈالر کے ایف 16 معاہدے کا دفاع کرتے ہوئے کہا کہ یہ پیکج پاکستان کے موجودہ بیڑے کو برقرار رکھنے کے لیے ہے۔
اس فروخت میں کوئی نئے آلات، ہتھیار یا گولہ بارود شامل نہیں، اس کا مقصد پاکستان ایئر فورس کے ایف 16 پروگرام کو برقرار رکھنا ہے۔
انٹونی بلنکن نے اپنے بھارتی ہم منصب سبرامنیم جے شنکر کے ہمراہ مشترکہ نیوز کانفرنس میں بتایا کہ یہ نئے طیارے، نئے نظام، نئے ہتھیار نہیں ہیں، یہ ان کے پاس موجود سامان کو برقرار رکھنا ہے۔
انہوں نے کہا کہ پاکستان کا پروگرام پاکستان کے لیے اندرونی یا خطے سے پیدا ہونے والے دہشت گردی کے خطرات سے نمٹنے کے لیے اس کی صلاحیت کو تقویت دیتا ہے، دہشت گردی کے ان خطرات کا بڑھنا کسی کے مفاد میں نہیں ہے اور اس لیے پاکستان کی یہ صلاحیت دہشت گردی سے نمٹنے میں ہم سب کو فائدہ پہنچا سکتی ہے۔
ان کا کہنا تھا کہ امریکا کی ذمہ داری اور فرض ہے کہ ہم جس کو بھی فوجی سازوسامان فراہم کریں، اس بات کو یقینی بنائیں کہ وہ قابل استعمال حالت میں برقرار رہے، یہ ہمارا فرض ہے۔
جب امریکی وزیر خارجہ سے پاکستان کو درپیش دہشت گردی کے خطرات اور ان کا مقابلہ کرنے کے لیے ایف 16 طیاروں کی ضرورت کے بارے میں وضاحت کرنے کے لیے کہا گیا تو انٹونی بلنکن نے کہا کہ دہشت گردی کے واضح خطرات ہیں جو خود پاکستان کے ساتھ ساتھ پڑوسی ممالک سے بھی لاحق ہوتے رہتے ہیں۔
انہوں نے اپنی بات کو جاری رکھتے ہوئے کہا کہ چاہے یہ کالعدم ٹی ٹی پی (تحریک طالبان پاکستان) ہو، چاہے وہ داعش-خراسان ہو، چاہے وہ القاعدہ ہو، میرے خیال میں یہ سب پاکستان کو نشانہ بنانے والے واضح اور معروف خطرات ہیں اور ہم سب کو اس میں دلچسپی ہے، یقین ہے کہ ہمارے پاس ان خطرات سے نمٹنے کے ذرائع ہیں۔

پاکستان اور بھارت کے درمیان تعلقات کو بہتر بنانے کے لیے وزیر خارجہ بلاول بھٹو کے ساتھ ان کی بات چیت، اس سلسلے میں پاکستان کو ان کے مشورے پر پاکستان کے ردعمل کے بارے میں سوال پر انٹونی بلنکن نے کہا کہ پاکستان کے ردعمل سے متعلق اظہار خیال اور رائے دینا مناسب نہیں ہوگا۔

یہ بھی پڑھیں: پاکستان، امریکا کے ساتھ ‘ہر سطح پر’ رابطے جاری رکھے گا، بلاول بھٹو

انہوں نے کہا کہ ہم ہمیشہ اپنے دوستوں کی حوصلہ افزائی کرتے ہیں کہ وہ اپنے اختلافات کو سفارت کاری اور بات چیت کے ذریعے حل کریں، اس میں کوئی تبدیلی نہیں آئی، اس میں کوئی تبدیلی نہیں آئے گی، میرے لیے یہ مناسب نہیں ہوگا کہ میں پاکستان کے ردعمل پر رائے دوں، جس طرح میں اپنے دوست کے ردعمل کو اسی طرح کی گفتگو میں بیان نہیں کروں گا۔

بھارتی وزیر خارجہ نے انٹونی بلنکن پر عوامی سطح پر تنقید نہیں کی لیکن اتوار کے روز واشنگٹن ڈی سی میں کمیونٹی تقریب سے خطاب کرتے ہوئے بھارتی وزیر خارجہ نے کہا تھا کہ ’امریکا یہ کہہ کر کسی کو پاگل نہیں بنا رہا کہ پاکستان ایئر فورس کے ایف-16کی سروس کا مقصد انسداد دہشت گردی میں مدد کرنا تھا‘۔

بھارتی وزیر خارجہ سبرامنیم جے شنکر نے کہا تھا کہ ’بڑے احترام کے ساتھ، یہ ایسا تعلق ہے جو نہ پاکستان کی اچھی طرح خدمت کر سکا اور نہ ہی امریکی مفادات پر پورا اترا ہے‘۔

انہوں نے کہا تھا کہ یہ واقعی امریکا پر ہے کہ وہ اس بات کی عکاسی کرے کہ تعلقات کی خوبیاں کیا ہیں اور اس سے جاری رکھنے سے کیا حاصل ہوتا ہے۔

یہ بھی پڑھیں: ‘امریکا سے خراب تعلقات پاکستان کیلئے مختلف محاذوں پر مشکلات پیدا کر سکتے ہیں’

اس سے قبل بھارتی وزیر دفاع نے بھی واشنگٹن میں اپنے ہم منصب سے ایف 16 معاہدے پر تحفظات کا اظہار کیا تھا۔

بھارتی وزیر دفاع راجناتھ سنگھ نے امریکی وزیر دفاع لائیڈ آسٹن کے ساتھ ٹیلی فون پر گفتگو کو ’گرم جوشی اور تعمیری‘ قرار دیتے ہوئے ٹوئٹر پر لکھا تھا کہ ’امریکا کی طرف سے پاکستان کے لیے ایف-16 ایئر کرافٹ کے معیاری پیکج پر بھارت نے امریکی فیصلے پر اپنے تحفظات کا اظہار کیا ہے‘۔

واشنگٹن (ایمرا نیوز)امریکی وزیر خارجہ انٹونی بلنکن نے امریکی پارٹنر بھارت کی تنقید کے بعد پاکستان کو فوجی ساز و سامان کی فروخت کا دفاع کیا جب کہ بھارت خود کو اسلام آباد کے ایف 16 طیاروں کا ہدف سمجھتا ہے۔
انٹونی بلنکن نے امریکی دارالحکومت میں وزیر خارجہ بلاول بھٹو زرداری سے ملاقات اور بات چیت کے ایک روز بعد بھارتی وزیر خارجہ سے ملاقات کی۔
سرد جنگ کے نتیجے میں پیدا ہونے والے امریکا اور پاکستان کے اتحاد میں افغانستان میں طالبان حکومت کے ساتھ اسلام آباد کے تعلقات کے باعث تلخی آئی تھی۔
اعلیٰ امریکی سفارت کار نے ستمبر کے اوائل میں پاکستان کے لیے منظور کیے گئے 45 کروڑ ڈالر کے ایف 16 معاہدے کا دفاع کرتے ہوئے کہا کہ یہ پیکج پاکستان کے موجودہ بیڑے کو برقرار رکھنے کے لیے ہے۔
اس فروخت میں کوئی نئے آلات، ہتھیار یا گولہ بارود شامل نہیں، اس کا مقصد پاکستان ایئر فورس کے ایف 16 پروگرام کو برقرار رکھنا ہے۔
انٹونی بلنکن نے اپنے بھارتی ہم منصب سبرامنیم جے شنکر کے ہمراہ مشترکہ نیوز کانفرنس میں بتایا کہ یہ نئے طیارے، نئے نظام، نئے ہتھیار نہیں ہیں، یہ ان کے پاس موجود سامان کو برقرار رکھنا ہے۔
انہوں نے کہا کہ پاکستان کا پروگرام پاکستان کے لیے اندرونی یا خطے سے پیدا ہونے والے دہشت گردی کے خطرات سے نمٹنے کے لیے اس کی صلاحیت کو تقویت دیتا ہے، دہشت گردی کے ان خطرات کا بڑھنا کسی کے مفاد میں نہیں ہے اور اس لیے پاکستان کی یہ صلاحیت دہشت گردی سے نمٹنے میں ہم سب کو فائدہ پہنچا سکتی ہے۔
ان کا کہنا تھا کہ امریکا کی ذمہ داری اور فرض ہے کہ ہم جس کو بھی فوجی سازوسامان فراہم کریں، اس بات کو یقینی بنائیں کہ وہ قابل استعمال حالت میں برقرار رہے، یہ ہمارا فرض ہے۔
جب امریکی وزیر خارجہ سے پاکستان کو درپیش دہشت گردی کے خطرات اور ان کا مقابلہ کرنے کے لیے ایف 16 طیاروں کی ضرورت کے بارے میں وضاحت کرنے کے لیے کہا گیا تو انٹونی بلنکن نے کہا کہ دہشت گردی کے واضح خطرات ہیں جو خود پاکستان کے ساتھ ساتھ پڑوسی ممالک سے بھی لاحق ہوتے رہتے ہیں۔
انہوں نے اپنی بات کو جاری رکھتے ہوئے کہا کہ چاہے یہ کالعدم ٹی ٹی پی (تحریک طالبان پاکستان) ہو، چاہے وہ داعش-خراسان ہو، چاہے وہ القاعدہ ہو، میرے خیال میں یہ سب پاکستان کو نشانہ بنانے والے واضح اور معروف خطرات ہیں اور ہم سب کو اس میں دلچسپی ہے، یقین ہے کہ ہمارے پاس ان خطرات سے نمٹنے کے ذرائع ہیں۔

پاکستان اور بھارت کے درمیان تعلقات کو بہتر بنانے کے لیے وزیر خارجہ بلاول بھٹو کے ساتھ ان کی بات چیت، اس سلسلے میں پاکستان کو ان کے مشورے پر پاکستان کے ردعمل کے بارے میں سوال پر انٹونی بلنکن نے کہا کہ پاکستان کے ردعمل سے متعلق اظہار خیال اور رائے دینا مناسب نہیں ہوگا۔

یہ بھی پڑھیں: پاکستان، امریکا کے ساتھ ‘ہر سطح پر’ رابطے جاری رکھے گا، بلاول بھٹو

انہوں نے کہا کہ ہم ہمیشہ اپنے دوستوں کی حوصلہ افزائی کرتے ہیں کہ وہ اپنے اختلافات کو سفارت کاری اور بات چیت کے ذریعے حل کریں، اس میں کوئی تبدیلی نہیں آئی، اس میں کوئی تبدیلی نہیں آئے گی، میرے لیے یہ مناسب نہیں ہوگا کہ میں پاکستان کے ردعمل پر رائے دوں، جس طرح میں اپنے دوست کے ردعمل کو اسی طرح کی گفتگو میں بیان نہیں کروں گا۔

بھارتی وزیر خارجہ نے انٹونی بلنکن پر عوامی سطح پر تنقید نہیں کی لیکن اتوار کے روز واشنگٹن ڈی سی میں کمیونٹی تقریب سے خطاب کرتے ہوئے بھارتی وزیر خارجہ نے کہا تھا کہ ’امریکا یہ کہہ کر کسی کو پاگل نہیں بنا رہا کہ پاکستان ایئر فورس کے ایف-16کی سروس کا مقصد انسداد دہشت گردی میں مدد کرنا تھا‘۔

بھارتی وزیر خارجہ سبرامنیم جے شنکر نے کہا تھا کہ ’بڑے احترام کے ساتھ، یہ ایسا تعلق ہے جو نہ پاکستان کی اچھی طرح خدمت کر سکا اور نہ ہی امریکی مفادات پر پورا اترا ہے‘۔

انہوں نے کہا تھا کہ یہ واقعی امریکا پر ہے کہ وہ اس بات کی عکاسی کرے کہ تعلقات کی خوبیاں کیا ہیں اور اس سے جاری رکھنے سے کیا حاصل ہوتا ہے۔

یہ بھی پڑھیں: ‘امریکا سے خراب تعلقات پاکستان کیلئے مختلف محاذوں پر مشکلات پیدا کر سکتے ہیں’

اس سے قبل بھارتی وزیر دفاع نے بھی واشنگٹن میں اپنے ہم منصب سے ایف 16 معاہدے پر تحفظات کا اظہار کیا تھا۔

بھارتی وزیر دفاع راجناتھ سنگھ نے امریکی وزیر دفاع لائیڈ آسٹن کے ساتھ ٹیلی فون پر گفتگو کو ’گرم جوشی اور تعمیری‘ قرار دیتے ہوئے ٹوئٹر پر لکھا تھا کہ ’امریکا کی طرف سے پاکستان کے لیے ایف-16 ایئر کرافٹ کے معیاری پیکج پر بھارت نے امریکی فیصلے پر اپنے تحفظات کا اظہار کیا ہے‘۔

اسلام آباد (ایمرا نیوز)حکومت اور متعلقہ ایجنسیاں اب بھی ڈارک ویب کے اس دعوے کے حوالے سے اندھیرے میں ہیں کہ اس کے پاس وزیراعظم آفس کا آڈیو ڈیٹا (جاسوس آلات کے ذریعے یا پھر ہیکنگ کے ذریعے حاصل کیا گیا) موجود ہے اور کیا ڈارک و یب والے یہ ڈیٹا جمعہ تک جاری کر دیں گے یا نہیں۔
متعلقہ ایجنسیوں نے اگرچہ مستقبل میں ایسے واقعات سے بچنے کیلئے حفاظتی اقدامات کر لیے ہیں لیکن اس بات کی تصدیق نہیں ہو پائی کہ کس قدر نقصان ہو چکا ہے۔ تاہم، یہ سائبر سکیورٹی میں خامی کا سنگین معاملہ ہے جس میں ملک کے اعلیٰ ترین ایگزیکٹو عہدیدار کے دفتر کی جاسوسی کی گئی ہے۔
کئی ممالک میں اہم عہدیداروں کی نگرانی کی جاتی ہے لیکن یہاں باہر بیٹھے کسی شخص کی جانب سے بڑے حجم میں آڈیو ڈیٹا ہیکنگ یا جاسوسی کے ذریعے حاصل کیا گیا ہے۔ انٹیلی جنس ذرائع کا اصرار ہے کہ جس دنیا میں ہم رہ رہے ہیں اس میں 100؍ فیصد سائبر سکیورٹی کو یقینی بنانا ممکن نہیں۔ تاہم، اس بات کا پتہ نہیں چل پایا اور کوئی وضاحت بھی موجود نہیں کہ پی ایم ہاؤس کی جاسوسی کئی مہینوں سے کیسے ہو رہی تھی حالانکہ حقیقت یہ ہے کہ ایسی ڈیوائسز سے پاک کرنے کیلئے وزیراعظم آفس میٹنگ رومز وغیرہ کی باقاعدگی کے ساتھ تلاشی لی جاتی ہے۔
اس بات کا اعتراف کیا گیا ہے کہ جو ہو چکا ہے اسے درست نہیں کیا جا سکتا لیکن مستقبل کیلئے درست اقدامات لیے جا چکے ہیں۔ یہ بھی کہا گیا ہے کہ وزیراعظم شہباز شریف کو انٹیلی جنس بیورو نے 10؍ دن قبل ہیکنگ / جاسوسی کے حوالے سے آگاہ کیا تھا۔ حال ہی میں یہ آڈیو لیکس سوشل میڈیا پر یہ بات سامنے آئی تھی کہ وزیراعظم آفس میں 100؍ گھنٹے کی وزیراعظم اور کابینہ ارکان کی بات چیت انٹرنیشنل ہیکر ویب سائٹ پر لیک ہوئی ہے۔
ہیکر نے 3؍ لاکھ 45؍ ہزار ڈالرز کا مطالبہ کیا ہے، ڈیٹا کا حجم 8؍ گیگا بائیٹس ہے جس میں سیاسی، معاشی اور سلامتی سے جڑے معاملات پر بات چیت موجود ہے۔ اگرچہ انٹیلی جنس ذرائع کو ان دعوؤں کے درست ہونے کا یقین نہیں لیکن متعلقہ ڈارک ویب نے منگل کو بیان جاری کیا تھا کہ وہ جمعہ (30؍ ستمبر کو) ساڑھے 9؍ بجے صبح یہ ریکارڈ جاری کر دے گا، مزید کوئی بات چیت یا پیشکش نہیں کی جائے گی۔

ڈارک ویب کے دعوے میں کہا گیا ہے کہ آڈیو ریکارڈنگز میں صحافیوں کے ساتھ بات چیت، سرکاری افسران کے ساتھ بات چیت، فوجی افسران کے ساتھ بات چیت، اہم فوجی عہدیداروں کے ساتھ بات چیت، نجی او رسرکاری معاملات پر بات چیت، وزیراعظم کے خاندان کے افراد کے درمیان بات چیت شامل ہے جبکہ ایسی بات چیت کی ریکارڈنگ بھی موجود ہے جن میں مجرمانہ نوعیت کی بات چیت بھی شامل ہے، بات چیت میں ججوں اور غیر ملکی وفود کے ساتھ بات چیت شامل ہے جبکہ کچھ آڈیوز میں سرکاری ملازمین کو احکامات و ہدایات دی جا رہی ہیں۔
ڈارک ویب کے بیان میں کہا گیا ہے کہ توقع ہے کہ یہ ڈیٹا لیک ہونے کے نتیجے میں پاکستان میں بہتری آئے گی۔

ویانا(ایمرا نیوز)چیئرمین اٹامک انرجی کمیشن پاکستان کا کہنا ہے کہ ہم نے نیوکلیئر سکیورٹی کو قومی ذمہ داری سمجھتے ہوئے جامع جوہری سکیورٹی نظام بنایا ہے اور پاکستان مزید جوہری توانائی حاصل کرنے کی کوشش کر رہا ہے۔
ویانا میں 66 ویں انٹرنیشنل اٹامک انرجی ایجنسی ( آئی اے ای اے) کی جنرل کانفرنس کا انعقاد کیا گیا جس میں پاکستانی وفد کی قیادت چیئرمین اٹامک انرجی کمیشن راجہ علی رضا انور نے کی۔
چیئرمین اٹامک انرجی کمیشن ڈاکٹر راجہ علی رضا انور کا جنرل کانفرنس سے خطاب کرتے ہوئے کہنا تھا کہ گرین ہاؤس گیسز کا اخراج محدود کرنےکے لیے پاکستان اقدامات کر رہا ہے، عالمی مسائل عالمی حل کے متقاضی ہیں، اس کے علاوہ پاکستان مزید جوہری توانائی حاصل کرنے کی بھی کوشش کر رہا ہے۔
ڈاکٹر علی رضا انور نے مزید کہا کہ کووڈ 19 وبا نے دنیا کو زونوٹک بیماریوں کے بڑھتے خطرات سے آگاہ کر دیا ہے، ہم نے آئی اے ای اے کے تکنیکی تعاون پروگرام سے کافی فائدہ اٹھایا ہے۔
انہوں نے یہ بھی کہا کہ پاکستان نیوکلیئر سکیورٹی کو قومی ذمہ داری سمجھتا ہے اور اسی مقصد کے لیے ہم نےجامع جوہری سکیورٹی نظام بنایا ہے اور جوہری سکیورٹی کے شعبوں میں عالمی ایجنسی کی مدد اور تعاون کو سراہتے ہیں۔