Category جرم وانصاف

افریقی ملک ایکواڈور میں نجی ٹی وی چینل کے رپورٹر اور کیمرہ مین کو سپورٹس ایونٹ کی کوریج کی دوران لوٹ لیا گیا۔
نجی ٹی وی کے رپورٹر ڈیاگو نے واردات کی فوٹیج سماجی رابطے کی ویب سائٹ ٹویٹر پر اپ لوڈ کی ہے جس کو اب تک لاکھوں لوگ دیکھ چکے ہیں۔فوٹیج میں دیکھا جاسکتا ہے کہ رپورٹر ایونٹ کی کوریج کے حوالے سے ’ بپر‘ ریکارڈ کروارہا ہوتا ہے کہ اس دوران ایک شخص ریوالور لیے نمودار ہوتا ہے جس نے سر پر کیپ اور منہ پر ماسک لیا ہوتا ہے وہ اسلحہ کے زور پر کیمرہ مین سے موبائل اور دیگر قیمتی اشیا کا مطالبہ کرتا ہے ،ملزم اس دوران رپورٹر کی طرف بڑھتا ہے اور اس کے مائیک پر زور سے ہاتھ مارتا ہے،جس کے بعد وہ کیمرہ مین کی قیمتی اشیا چھین کر فرار ہوجاتا ہے ۔

راولپنڈی میں جال بچھاکر بکی کو دھر لیا گیا ، حکام نے مشکوک شخص کا ایکریڈیشن کارڈ جان بوجھ کر بننے دیا تاکہ اس کیخلاف ثبوت حاصل کرسکیں اور نیٹ ورک کا پتا چلایا جا سکے،وہ دبئی میں کسی کے ساتھ رابطے میں تھا، بکی کے کسی کھلاڑی یا بورڈ آفیشل سے تعلق کا ابھی کوئی ثبوت نہیں ملا۔

ایکسپریس نیوز کے مطابق پاک جنوبی افریقہ راولپنڈی ٹیسٹ میں ایک مشکوک شخص کو گراؤنڈ سے پکڑا گیا تھا، وہ موبائل فون پر مسلسل کسی کو میچ کی معلومات دے رہا تھا، اسے بعد میں ایف آئی اے کے حوالے کر دیا گیا۔پی سی بی کے ڈائریکٹر سیکیورٹی اینڈ اینٹی کرپشن لیفٹیننٹ کرنل (ر) آصف محمود نے بتایا کہ ہمیں مذکورہ شخص کی مکمل معلومات حاصل تھیں، ہم چاہتے تو اسے سٹیڈیم میں داخل ہی نہ ہونے دیتے مگر اس سے کوئی فائدہ نہیں ہوتا، ہم نیٹ ورک تک پہنچنا چاہتے تھے، ثبوت کے حصول کیلیے اسے آنے دیا، ایکریڈیشن کارڈ بھی بننے دیا، اگر پہلے ہی پکڑ لیتے تو وہ معلومات حاصل نہ ہوتیں جو ہمیں ملیں، اس کا دبئی کے کسی شخص سے رابطہ تھا جس کا ہم نے پتا چلا لیا۔
اس سوال پر کہ کیا بکی کا کسی پاکستانی کرکٹر یا پی سی بی آفیشل سے بھی تعلق ہے؟ آصف محمود نے کہا کہ ابھی تک اس حوالے سے کوئی ثبوت نہیں ملا بعد کا کچھ پتا نہیں ہے، اس سے قانون نافذ کرنے والی ایجنسیز بھی پوچھ گچھ کر رہی ہیں۔ ایک سوال پر انھوں نے کہا کہ پاکستانی کھلاڑی اب مشکوک روابط کی اطلاع کرتے ہوئے نہیں جھجکتے ،ہم ان کی معلومات ظاہر نہیں کرتے،اس لیے اعتماد بڑھ گیا ہے، ہمیں مشکوک رابطے کا بتا کروہ اپنی ذمہ داری پوری کردیتے ہیں۔انھوں نے کہا کہ کھیلوں میں کرپشن روکنے کا قانون جب بن جائے گا تو اس سے ہمیں بڑی مدد ملے گی، جیسے قتل کی سزا موت ہے تو لوگ ڈرتے ہیں، اسی طرح فکسنگ پر جیل اور جرمانے و جائیداد کی ضبطگی کا خطرہ ہو تو بکیز ایسا کرتے ہوئے ڈریں گے،پولیس اور ایف آئی اے کو بھی کارروائی میں مدد ملے گی، آصف محمود نے کہا کہ گوکہ ہمارے پاس کھلاڑیوں کے بینک اکاؤنٹس اورجائیداوں کے بارے میں جاننے کا اختیار نہیں لیکن پھر بھی کوئی غیرمعمولی سرگرمی ہو تو اس کا علم ہو جاتا ہے، شک کی صورت میں ہم خود بھی کسی کرکٹر کا موبائل فون لے کر چیک کر سکتے ہیں۔

سائٹ ایریا پولیس نے موبائل فون پر غیر اخلاقی مواد بھیجنے والے ملزم کو گرفتار کرلیا ،گرفتاری کے فوری بعد ملزم نے نہ صرف پولیس بلکہ متاثرہ شہری سے بھی معافی مانگی ہے، پولیس کا کہنا ہے کہ فوری طور پرمقدمہ درج نہیں کیاگیا۔
مقامی میڈیا کے مطابق کراچی کے علاقہ سائٹ اے پولیس کو ناظم آباد ایک نمبر کے رہائشی زاہد عالم نے تحریری درخواست دی تھی کہ ایک موبائل فون نمبرسے اس کی اہلیہ کو فون کرکے تنگ کیا جارہا ہے، متعلقہ شخص کومنع بھی کیا گیالیکن وہ باز نہیں نہ آیا اورغیراخلاقی مواد بھی بھیج رہا ہے۔
پولیس حکام کا کہنا ہے کہ واقعے کی تحریری درخواست کے بعد پولیس نے کارروائی کرتے ہوئے ملزم معراج کو گرفتار کرلیا جونارتھ کراچی کا رہائشی ہے۔

لاہور:لیسکو حکام کی بجلی چوروں کے خلاف کاروائی جاری،ڈیفنس روڈ پرنجی ہاوسنگ سوسائٹی میں بڑے پیمانے پر بجلی چوری پکڑی گئی۔ انڈرگراﺅنڈ کیبل سے سوسائٹی کے پورے بلاک کو ڈائریکٹ سپلائی دی گئی تھی۔لیسکو چیف چودھری محمد امین کی ہدایت پر لیسکو ریجن میں بجلی چوروں کیخلاف آپریشن جاری ہے۔ لیسکو رائیونڈ ڈویڑن میں ایکسیئن شہزاد حیدرچٹھہ نے ایس ڈی او لاہور پارک سب ڈویڑن شاہد ملک کے ہمراہ نجی ہاوسنگ سوسائٹی میں رات گئے کارروائی کی۔جس میں ڈیفنس روڈ پر واقع نجی ہاوسنگ سوسائٹی کے پورے بلاک کو ڈائریکٹ سپلائی سے بجلی فراہم کی جارہی تھی۔انہوں نے بتایا کہ انڈرگراﺅنڈ ہیوی کیبل سے کروڑ وں روپے کی بجلی چوری کی گئی۔ایکسیئن رائیونڈ شہزاد چٹھہ کے مطابق سوسائٹی کا جی بلاک” ان الیکٹریفائیڈ” ہے ۔ابتدائی اندازے کے مطابق کروڑوں روپے کی بجلی چوری کی گئی ہے۔ایس ڈی او شاہد ملک نے صارف سحر رشید کیخلاف پولیس کو بجلی چوری ایکٹ کے تحت کارروائی اور اندراج مقدمہ کی درخواست دیدی ہے۔لیسکو ذرائع کے مطابق مطابق مذکورہ سوسائٹی میںگزشتہ سال بھی بڑے پیمانے پر بجلی چوری پکڑی گئی تھی۔

انکل سریا ہسپتال کے سامنے نامعلوم افراد کی کارپرفائرنگ سے 4 معروف ٹک ٹاکرجاں بحق ہوگئے ہیں ۔نجی ٹی وی کے مطابق کراچی کے علاقے انکل سریا اسپتال کے سامنے نامعلوم افراد نے ہنڈا سٹی کار (نمبر AEN-548) پرفائرنگ کرکے لڑکی سمیت 4 معروف ٹک ٹاکرکو قتل کردیا۔مقتولہ خاتون کی شناخت معروف ٹک ٹاکر32 سالہ مسکان شیخ کے نام سے کی گئی۔ مقتولہ لانڈھی کی رہائشی تھی۔ زخمیوں کی شناخت ان کے پاس سے ملنے والے شناختی کارڈ سے 29 سالہ صدام حسین ولد عبد اللہ جان غمگین ، 24 سالہ سید ریحان شاہ ولد سید نصیر حسین شاہ اور 25 سالہ عامر خان ولد آصف خان کے نام سے کی گئی۔ زخمی ہونے والے دیگر3 افراد صدام حسین، عامرخان اورسید ریحان شاہ بھی وقفے وقفے سے سول ہسپتال میں دوران علاج زخموں کی تاب نہ لاتے ہوئے دم توڑگئے۔ مقتول صدام حسین مکان نمبر KE-9516 بلاک ڈی محلہ گلشن غازی بلدیہ ٹاون کا رہائشی اور مشہور ٹک ٹاکرز تھا۔
مقتول عامرخان مکان نمبر 45-1 محلہ بوری بنگلہ پٹیل پاڑہ کا رہائشی تھا جبکہ مقتول سید ریحان شاہ محلہ توحید نگر گلشن غازی کالونی بلدیہ ٹاو?ن کا رہائشی تھا۔ مقتول صدام اور ریحان پولیس قومی رضا کار تھے۔عینی شاہدین کے مطابق مزکورہ چاروں افراد کار میں جا رہے تھے کہ تعاقب میں آنے والے رکشے میں سوار افراد نے انکل سریا ہسپتال کے قریب ہنڈا سٹی کارپرعقب سے فائرنگ کی جس کے نتیجے میں خاتون کو گولی لگی اور کار کے ہسپتال کے گیٹ کے سامنے رکتے ہی مسلحہ ملزمان نے رکشا سے اترکرکارکو گھیرے میں لے کر اس میں سوار افراد کو نیچے اتار کر گولیاں مار دیں اوررکشا سمیت فرارہونے میں کامیاب ہوگئے۔ پولیس نے جائے وقوعہ سے نائن ایم ایم پستول کے 9 خول حاصل کرکے فارنزک لیبارٹری بھیج دیے، پولیس واقعے کی تحقیقات کر رہی ہے۔

لاہور: اینٹی کرپشن نے غیرقانونی عمارتوں کی تعمیر کی ایف آئی آر میں نامزد ایل ڈی اے کے 17افسروں کے خلاف مقدمہ ڈراپ کرنے کا فیصلہ کرلیا۔ اینٹی کرپشن نے ایل ڈی اے کے دو اسسٹنٹ ڈائریکٹر ٹاو¿ن پلاننگ سمیت 6عمارتوں مالکان کے خلاف جوڈیشل ایکشن منظور کرنے کی سفارش کردی ہے۔ اسسٹنٹ ڈائریکٹر ٹاو¿ن پلاننگ طاہر قریشی,شہباز الطاف کے خلاف جوڈیشل ایکشن کی منظوری کا فیصلہ بھی کر لیا گیا۔
ٹھوکر نیاز بیگ پر میزان بنک کی بلڈنگ کے مالک محمد نعیم,الرحمت سٹور کے مالک علی فرحان ،بابر پینٹ اینڈ مہران الیکٹرک کے مالک عبدالمناف اینڈ صفدر حسین ،فضل دین فارما ,عبداللہ ٹریڈرز کے مالک بشیر احمد،سکمز میڈیکل اینڈ ڈینٹل سنٹر کی مالکن شکیلہ ارشاد,ایفل اسٹیٹ کے مالک میاں ارشد شریف کے خلاف بھی جوڈیشل ایکشن کی منظوری کا فیصلہ
اینٹی کرپشن نے چیف ٹاو¿ن پلانر ایل ڈی اے ندیم اخترزیدی,ڈائریکٹر ایل ڈی اے علی نصرت ،ڈائریکٹر عائشہ مطاہر,سلمان محفوظ,ڈپٹی ڈائریکٹر احمد سعید ،اسسٹنٹ ڈائریکٹرطاہر علی,رضا علی,افنان خان,احمد فراز ,طیب علی,محمد حارث,محمد زبیر,بلال احمد ،اسسٹنٹ ڈائریکٹر حماد علی,حافظ عمر,افراز اختر کےخلاف درج ایف آئی آر بھی ڈراپ کرنے کا فیصلہ۔

لاہور: اینٹی کرپشن پنجاب کی تحقیقاتی ٹیم نے نے 6 ارب 61 کروڑ کا میگا سکینڈل بے نقاب کر دیا۔ اینٹی کرپشن حکام کے مطابق وائس چانسلرز کی جانب سے اختیارات کے ناجائیز استعمال سے سرکاری خزانے کو اربوں روپے کا نقصان پہنچایا گیا۔گزشتہ دس سالوں میں 4554 غیر قانونی بھرتیاں کی گئیں۔ ڈائریکٹر جنرل اینٹی کرپشن پنجاب محمد گوہر نفیس نے سکینڈل کی تحقیقات کے لئے چار رکنی جے آئی ٹی بنائی تھی۔اینٹی کرپشن جے آئی ٹی نے ہوش ربا کرپشن کی رپورٹ ڈائریکٹر جنرل اینٹی کرپشن کو پیش کر دی۔ ڈی جی اینٹی کرپشن پنجاب نے گورنر پنجاب/ چانسلر کو ملوث تمام وی سیز کے خلاف فورا قانونی کاروائی کرنے کے لئے مراسلہ لکھ دیا۔پنجاب کی 12 بڑی جامعات میں بغیر اشتہارات ، یونیورسٹی ایکٹ، سروس لا ، ریکروٹمنٹ پالیسی کو نظر انداز کر کے بھرتیاں کی گئیں۔ سفارش،ذاتی پسند، اقربا پروری، میرٹ اور قانون کے ساتھ کھلواڑ کرکے ہزاروں غیر قانونی بھرتیاں کرکے سرکاری خزانے کو اربوں کا نقصان پہنچایا گیا۔گریڈ 1 سے گریڈ 16 تک 3138 غیرقانونی بھرتیاں،گریڈ 17یا سترہ سے اوپر کی نشستوں پر 1416 غیر قانونی بھرتیاں کی گئیں۔سرگودھا یونیورسٹی 10099غیرقانونی بھرتیوں کے ساتھ سرفہرست رہی۔ پنجاب یونیورسٹی میں 689 غیر قانونی بھرتیاں،بہاوالدین زکریا یونیورسٹی میں 789 غیر قانونی بھرتیاں ،گورنمنٹ کالج یونیورسٹی فیصل آباد میں 209 غیر قانونی بھرتیاں،گورنمنٹ کالج وویمن یونیورسٹی فیصل آباد میں 540 غیر قانونی بھرتیاں،جی سی یونیورسٹی لاہور میں 136 غیر قانونی بھرتیاں،یونیورسٹی آف ویٹرنری اینڈ اینمل سائینسز میں 310 غیر قانونی بھرتیاں اوریو ای ٹی لاہور میں 15 غیر قانونی بھرتیاں ہوئیں۔ اینٹی کرپشن جے آئی ٹی رپورٹ کے مطابق دیگر یونیورسٹوں میں فاطمہ جناح وویمن یونیورسٹی 524، خواجہ فرید انجئرنگ یونیورسٹی رحیم یار خان 98 , وویمن یونیورسٹی ملتان میں 784 غیر قانونی بھرتیاں کی گئیں۔

لاہورڈویلپمنٹ اتھارٹی کے ڈائریکٹر جنرل احمد عزیز تارڑ کی ہدایت پر ٹاون پلاننگ ونگ زون فائیو کے عملے کاانفورسمنٹ سٹاف اور پولیس کے ہمراہ ،ڈائریکٹر سلمان محفوظ ،ڈپٹی ڈائریکٹر افراز اختر،طیب علی اوراحسان نواز کی زیرنگرانی ڈیفنس روڈ، رائے ونڈ روڈ اور پرائیویٹ رہائشی سکیم چنار کورٹس، سلطان ٹاون اور ویسٹ وڈ کالونی میں آپریشن ۔ غیر قانونی کمرشل استعمال کی بنا پر چنار کورٹس میں تین عمارتیں، پلاٹ نمبر 58 پر قائم کالج ،پلاٹ نمبر 82 پر قائم گرلز ہوسٹل ،پلاٹ نمبر ایک تا 15 پر قائم ٹائل سٹور اور دفاتر سر بمہر کر دیے گئے۔ سلطان ٹاون اورویسٹ وڈ کالونی میں بھی غیر قانونی کمرشل استعمال کی بنا پر پانچ پانچ عمارتیں سربمہرکردی گئیں۔ یونیورسٹی آف لاہور کو سیل کر دیا گیا.

جیب تراشی کی وارداتوں میں ملوث نیدو جیب تراش گینگ کے 2ملزمان گرفتار۔ گرفتار ملزمان میں گینگ کاسرغنہ نوید احسن عرف نیدو اوراس کا ساتھی ندیم شامل ہیں۔ گرفتار ملزمان سے چوری کی گئی نقدی،موبائل فونز اوردیگرقیمتی اشیاء برآمدکرلیا گیا۔ ملزمان نے ایک روز قبل شادی کے فنگشن میں شہری اقبال کی جیب سے نقدی اور موبائل فون بھی نکال لیا تھا۔ پولیس کے مطابق ملزمان کا شہر کے مختلف علاقوں میں جیب تراشی کی متعدد وارداتوں کا اعتراف

شہباز شریف اور حمزہ نے پیرول پر رہائی کی مدت میں توسیع کے لئے درخواست جمع کرا دی۔ مسلم لیگ نون نے درخواست محکمہ داخلہ پنجاب کو دی۔

پاکستان مسلم لیگ ن کے جنرل سیکرٹری عطا تارڈ کی جانب سے جمع کرائی گئی درخواست میں موقف اپنایا گیا کہ شہباز شریف اور حمزہ شہباز سے افسوس کیلئے بہت سارے لوگ آنا چاہتے ہیں۔

یاد رہے شہباز شریف اور حمزہ کی پیرول پر رہائی کی مدت کا آج آخری روز ہے۔ مسلم لیگ ن کی جانب سے دونوں رہنماوں کو 14روز کے لئے پے رول پر رہا کرنے کی درخواست کی گئی تھی تاہم پنجاب کابینہ اور وزیراعلیٰ پنجاب کی جانب سے 5 روز کے لئے رہائی کی منظوری ملی۔ پنجاب حکومت نے پاکستان پریزن رولز 1978 کے سیکشن 545 بی کے تحت پے رول پر رہائی کی اجازت دی۔