Category لاھور نامہ

لاہور پولیس نے مدرسے کے طالب سے مبینہ بدفعلی کی ویڈیو وائرل ہونے کے بعد جمعیت علمائے اسلام لاہور کے نائب امیر اور جامعہ منظور الاسلامیہ کے برطرف عہدیدار مفتی عزیز الرحمٰن کے خلاف مقدمہ درج کرلیا۔

سوشل میڈیا پر وائرل ہونے والی ویڈیو میں مفتی عزیز الرحمٰن کو ایک لڑکے سے مبینہ بدفعلی کرتے دیکھا جاسکتا ہے۔

شکایت پر مفتی عزیز الرحمٰن کے خلاف پاکستان پینل کوڈ کی دفعہ 377 (غیر فطری جرائم) اور دفعہ 506 (مجرمانہ دھمکی دینے کی سزا) کے تحت مقدمہ درج کرلیا گیا۔

17 جون کو درج پہلی انفارمیشن رپورٹ (ایف آئی آر) کے مطابق متاثرہ طالب علم نے بتایا کہ اسے جامعہ منظور الاسلامیہ میں 2013 میں داخلہ ملا تھا۔

انہوں نے کہا کہ امتحانات کے دوران مفتی عزیز الرحمٰن نے ان پر اور ان کے دوست طالب علم پر امتحان کے دوران کسی اور کو امتحان دلانے کا الزام لگایا تھا۔

انہوں نے شکایت میں کہا کہ اس کے ساتھ ہی مجھ پر وفاق مدارس میں 3 سال تک امتحانات دینے پر پابندی عائد کردی گئی۔

شکایت کنندہ نے کہا کہ انہوں نے مفتی عزیز الرحمٰن سے معاف کردینے کی التجا کی۔

متاثرہ لڑکے نے کہا کہ مفتی عزیز الرحمٰن نے کہا کہ اگر جنسی حرکتوں سے انہیں ‘خوش’ کردوں تو کچھ سوچ سکتے ہیں۔

شکایت کنندہ نے مزید کہا کہ ان کے پاس جنسی زیادتی کا نشانہ بننے کے سوا کوئی چارہ نہیں تھا۔

ایف آئی آر میں شکایت کنندہ نے الزام لگایا کہ مفتی عزیز الرحمٰن نے دعویٰ کیا تھا کہ ان پر پابندی ختم ہوجائے گی اور امتحانات میں بھی پاس ہو جاؤ گے۔

شکایت کنندہ نے مزید الزام لگایا کہ ‘تین سال گزر گئے اور اس عرصے میں ہر جمعے کو بدفعلی کرتے اور لیکن مجھ پر پابندی ختم ہوئی نہ امتحانات میں پاس ہوا بلکہ مزید بلیک میل کرنا شروع کردیا۔

متاثرہ طالب علم کے مطابق اس نے مدرسے کی انتظامیہ کو شکایت کی تو انہوں نے ماننے سے انکار کردیا کہ مفتی عزیز الرحمٰن ‘بزرگ اور نیک سیرت شخص’ ہیں بلکہ انتظامیہ نے الٹا مجھے ہی جھوٹا قرار دے دیا۔

شکایت کنندہ نے بتایا کہ اس کے بعد مفتی عزیز الرحمٰن کی بدفعلی کی ریکارڈنگ پیش کی اور وفاق المدارس العربیہ کے ناظم کو دکھائی جس کے بعد مفتی عزیز الرحمٰن نے مجھے جان سے مار دینے کی دھمکیاں دیں۔

شکایت کنندہ نے بتایا کہ ویڈیو اور آڈیو کی بنیاد پر مدرسے کی انتظامیہ نے مفتی عزیز الرحمٰن کو فارغ کردیا جس کے بعد انہیں غصہ آگیا۔

انہوں نے بتایا کہ اس کے بعد سے مفتی عزیز الرحمٰن اور ان کے بیٹے کی جانب سے سنگین نتائج کی دھکمی دی جارہی ہیں۔

چند روز قبل منظر عام پر آنے والی ویڈیو کے بعد سوشل میڈیا پر ایک طوفان برپا ہے اور شہریوں نے جمعیت علمائے اسلام (ف) کے رہنما کے خلاف کارروائی کا مطالبہ کیا ہے۔

دوسری جانب سوشل میڈیا پر وائرل مفتی عزیز الرحمٰن نے اپنے پیغام میں کہا کہ انہیں اس معاملے میں گھسیٹا جارہا ہے۔

انہوں نے کہا کہ اگر وہ ‘ہوش میں’ تھا تو لڑکا موبائل فون کا استعمال کرتے ہوئے انہیں بتائے بغیر کیسے ویڈیو بنا سکتا تھا۔

مفتی عزیز الرحمٰن نے کہا کہ یہ ایک سازش ہے تاکہ انہیں مدرسے سے ہٹایا جائے۔

3 جون کو جامعہ منظور الاسلامیہ نے مفتی عزیز الرحمٰن کو ہٹا دیا تھا۔

اسد اللہ فاروق کی جانب سے جاری اعلامیے میں کہا گیا کہ محلے کے کچھ افراد مدرسے تشریف لائے اور انتظامیہ اور مفتی عزیز الرحمٰن کو مبینہ طور پر جنسی زیادتی کی ویڈیو دکھائی جس کے بعد مفتی عزیز الرحمٰن کو برطرف کردیا گیا۔

مفتی عزیز الرحمٰن کو جاری لیٹر میں کہا گیا کہ شکایت اور انتظامیہ کے مابین مشاورت کے بعد آپ کو مدرسے کی تمام ذمہ داریوں سے برطرف کیا جاتا ہے۔

بناؤ سنگھار میں لاہور ” تونسہ شریف” سے بھی پیچھے رہ گیا، حکومت کا “شہر لاہور ” کو خوبصورت بنانے کیلئے انوکھا مذاق، لاہور کو خوبصورت بنانے کیلئے صرف 50 لاکھ روپے ملیں گے۔

ایک طرف تو حکومت پنجاب کا دعویٰ ہے کہ لاہور کو نئے مالی سال کے بجٹ میں 28 ارب روپے دیئے جارہے ہیں لیکن دوسری جانب لاہور کو عالمی معیار کے مطابق خوبصورت بنانے کیلئے آئندہ بجٹ میں دلکش لاہور کے نام پر پروگرام کیلئے صرف 50 لاکھ روپے ملیں گے۔

بجٹ دستاویزات کے مطابق دلکش لاہور کے نام سے بجٹ میں پروگرام شامل مگر فنڈ اونٹ کے منہ میں زیرے کے برابر ہے۔

محکمہ بلدیات نے لاہور کو عالمی معیار کے مطابق بنانے کیلئے 50 کروڑ کا تخمینہ لگایا تھا لیکن نئے بجٹ میں صرف 50 لاکھ روپے ملیں گے جبکہ تونسہ شریف پر ابتک خوبصورتی کیلئے 50 کروڑ روپے خرچ بھی کیے جاچکے ہیں۔

پنجاب حکومت نے نئے مالی سال بجٹ22-2021 میں رنگ روڈ اتھارٹی کو نظرانداز کردیا، سدرن لوپ تھری تاحال شروع نہ ہوسکا جبکہ رنگ روڈ کو لاہور کراچی موٹروےسے ملانے والےسدرن لوپ فور کوبھی بجٹ سے نکال دیا گیا ۔

تفصیلات کےمطابق رنگ روڈ اتھارٹی کی جانب سےسدرن لوپ تھری پر بغیر کسی وجہ تاحال کام شروع نہ کیا گیا ۔ اب رنگ روڈ کو لاہور کراچی موٹروے سے ملانے والے سدرن لوپ فور کوبھی بجٹ میں شامل نہیں کیا گیا۔گزشتہ مالی سال میں ایس ایل فور بجٹ میں شامل رہا ۔ ایس ایل فور کی چھ ہزار کنال لینڈ ایکوزیش کے لئے5 ارب منظور کرایا گیا ۔

لینڈ ایکوزیشن کے لئے فنڈز منظور کراکر ایک کنال بھی زمین ایکوائر نہ کی گئی ۔ رنگ روڈ اتھارٹی نے لینڈ ایکوزیشن کے لئے سیکشن چارکانفاذ بھی کررکھا ہے ۔ رنگ روڈ ایس ایل فور ملتان روڈ سے براستہ جڑانوالہ روڈ موٹروے ایم تھری کو ملے گی ۔ سترہ کلومیٹر طویل ایس ایل فور لاہور شہر کی ٹریفک بحالی کی لائف لائن کی حیثیت رکھتی ہے ۔

ذرائع کے مطابق رنگ روڈ اتھارٹی کی جانب سے بارہا پنجاب حکومت کو منصوبے کی اہمیت سے آگاہ کیا گیا لیکن کوئی جواب موصول نہیں ہوا ۔ رنگ روڈ سدرن لوپ فور کی اراضی ایکوائر نہ ہونے سے زمینوں کی قیمت بھی کئی گنا بڑھنے کا امکان ہے۔

جوہر ٹاؤن کےعلاقےشاہ دی کھوئی کےقریب نوسر باز خواتین گھر کا صفایا کر گئیں،واردات کی سی سی ٹی وی منظر عام پر آ گئی ۔

تفصیلات کےمطابق جوہر ٹاؤن کےعلاقےشاہ دی کھوئی کےقریب نوسرباز خواتین شہری اشفاق کے گھر کا صفایا کرگئیں۔نوسرباز خواتین زیورات اورقیمتی موبائل فون لےکرفرار ہوگئیں، جبکہ واردات کی سی سی ٹی وی فوٹیج بھی منظرعام پرآگئی، جبکہ شہری اشفاق نے اندراج مقدمے کیلئے تھانہ جوہر ٹاؤن میں درخواست دیدی

شاہکام فلائی اوور کی تعمیر کیلئے شہری زحمت اٹھانے کیلئے تیارہوجائیں ! آج سےشاہکام چوک کو ہرقسم کی ٹریفک کیلئے بند کردیاجائےگا، شاہکام چوک کودس ماہ تک بند رکھاجائے گا ۔

تفصیلات کےمطابق شاہکام فلائی اوور منصوبے کیلئے آج رات سے چوک کوہرقسم کی کی ٹریفک کیلئےبندکردیاجائےگا ۔نہر سےبحریہ کی جانب آنےوالی ٹریفک کو جوبلی ٹاؤن،موہلنوال سےڈیفنس روڈپر منتقل کیاجائےگا۔ڈیفنس روڈ سےٹریفک کو گرین سوسائٹی بریج سےبحریہ کےاندر سےراستہ فراہم کیا جائے گا ۔ روہی نالے پر موجود بحریہ کوجانے کیلئےا ستعمال ہونیوالے جلیانہ والا پل کوبند کردیا جائے گا ۔بحریہ سے ٹھوکر اور ڈیفنس روڈ پر واپسی کیلئے بھی یہی روٹ استعمال ہوگا ۔ ہیوی ٹریفک کو ٹھوکر سے سندر رائیونڈ روڈ کی جانب راستہ فراہم کیا جائے گا ۔ شاہکام چوک پر ڈیفنس روڈ ، بحریہ ، کنال روڈ اور ملتان روڈ سےآنا ممکن نہیں ہوگا ۔ ایل ڈی اے نے کنسٹرکشن کا ہدف جنوری 2022مقرر کررکھا ہے۔ ایل ڈی اے سمارٹ کنسٹرکشن فارمولا اپناتا تو شہری خواری سے بچ سکتے تھے ۔ موقع پر بریج کیلئے گارڈرز اور ٹرانزم کاسٹنگ بھی بندش کی بنیادی وجہ بنا ہے۔

سکھوں کے پانچویں گورو ارجن دیوجی کا شہیدی دن اورجوڑ میلے کی مرکزی تقریب گوردوارہ ڈیرہ صاحب میں ہوئی، رواں برس کورونا کے پیش نظر بھارتی سکھ یاتری میلے میں شرکت نہیں کرسکے، تقریبات میں پاکستان بھر سے سکھ یاتریوں نے شرکت کی۔

لاہور کو یہ منفرد مقام بھی حاصل ہے کہ یہاں سکھوں کے چوتھے گورو ارجن دیوجی کا شہیدی استھان ہے، سکھ عقیدے کے مطابق شاہی قلعہ اور بادشاہی مسجد سے ملحقہ گورود وارہ ڈیرہ صاحب وہ مقام ہے جہاں جون 1606 میں گورو ارجن دیو جی پر انتہائی تشدد کیا گیا تھا، اپنی آخری خواہش کے طور پر وہ دریائے راوی میں غسل کرنے کیلئے اترے اور پھر واپس نہیں آسکے تھے، سکھ کمیونٹی انکا شہدی دن مناتی ہے۔

سکھوں کے نانک شاہی کیلنڈر کے مطابق گوروارجن دیوجی کاشہیدی دن ہر سال جون میں منایاجاتا ہے جس میں بھارت سمیت دنیا بھرسے سکھ یاتری شریک ہوتے ہیں تاہم این سی او سی نے بھارت میں کورونا کی تشویشناک صورتحال کے پیش نظر بھارتی سکھ یاتریوں کو پاکستان آنے کی اجازت نہیں دی۔

پاکستان سکھ گوردوارہ پر بندھک کمیٹی کے حکام کا کہنا ہے کہ سکھوں کوحقیقی خوشی اُس دن ہوگی، جب دنیا بھر سے سکھ یاتری لاہور میں گورو کا درشن کریں گے۔

لاہورکے373مقامات سےڈینگی لاروابرآمد ہونےکےباعث شہر میں ڈینگی وائرس کاخطرہ منڈلانےلگا جبکہ برسات کےآغازسےقبل ہی ڈینگی پھیلنےکاخدشہ بڑھ گیا ۔

تفصیلات کےمطابق کورونا وائرس کےبعدشہر میں ڈینگی وائرس کا خطر ہ بڑھنے لگا جس کے باعث ڈینگی سرویلنس ٹیموں کی جانب سےمنگل کےروزشہرمیں30200مقامات کی چیکنگ کی گئی اور372مقامات سےڈینگی لارواملنے کی تصدیق کی گئی۔ شہر کے مختلف علاقوں میں ڈینگی لاروا کی موجودگی نےخطرےکی گھنٹی بجادی۔

واضح رہے کہ ڈینگی بخار ایک خاص قسم کےمچھرکےکاٹنےسےپھیلتاہے،مچھروں کی افزائش سے مرض کے پھیلنے کا خدشہ بڑھ گیا ہے۔

طبی ماہرین کے مطابق ڈینگی بخار ایک خاص قسم کے مچھر کے کاٹنے سے ہوتا ہے، ڈینگی بخار کی نمایاں علامات میں تیز بخار، سر درد، متلی، جوڑوں اور پٹھوں میں شدید درد اور ڈائریا شامل ہیں، ڈینگی مچھر کے کاٹنے کا صبح سویرے اور غروب آفتاب کے وقت خطرہ زیادہ ہوتا ہے، ان اوقات میں لمبی آستین والی قمیض پہنی جائے، بلاضرورت گھروں سے باہر نہ نکلا جائے، کسی بھی جگہ گھر میں پانی جمع نہ ہونے دیا جائے۔

لاہور سمیت پنجاب بھر کے سکولوں سربراہان کیلئے بچوں کا امتحان لینا درد سر بن گیا، امتحان لینے کیلئے فی سکول 40 سے 50 ہزار روپے کے سوالیہ پیپر فوٹو کاپی کروانا ہونگے،پنجاب ایگزامینیشن کمیشن صرف سکولوں کو سوالیہ پیپر ای میل کرے گا۔

لاہور سمیت پنجاب بھر کے سکولز مالی مشکلات کا شکار ہیں،طلبا کا امتحان لینا سربراہان کیلئے درد سر بن گیا ہے, امتحان لینے کیلئے فی سکول 40 سے 50 ہزار روپے کے سوالیہ پیپر فوٹو کاپی کروانا پڑیں گے، فنڈز کی عدم فراہمی کے باعث سوالیہ پیپر فوٹو کاپی کروانا مشکل ہوگیا, پنجاب ایگزامینیشن کمیشن صرف سکولوں کو سوالیہ پیپر ای میل کرے گا,سوالیہ پیپر کی فوٹو کاپیاں کروانا سکول ہیڈ کی ذمہ داری ہوگی، امتحانات کا آغاز 18 جون سے ہونا ہے،سکول سربراہان کو فی طالبعلم پیپر 12 روپے کی فوٹو کاپیاں کروانا ہوں گی۔

پنجاب ٹیچرز یونین کے مطابق پرچوں کی چھپائی بہت مہنگی ہے, ان کا کہنا ہے کہ پیک خود سے سوالیہ پیپر فراہم کرے یا پیپرز کیلئے سکولوں کوفنڈز فراہم کرے۔

محکمہ سکول ایجوکیشن کا کہنا ہے کہ سکول کے پاس اضافی بجٹ موجود ہے، سکول سربراہان نان سیلر بجٹ میں سے پیپرز کی چھپائی کرواسکتے ہیں۔

ایل ڈی اے کا بلڈنگ اینڈ زوننگ رولز 2020میں ایک بارپھر ترامیم کا فیصلہ ، ایریا ڈویلپمنٹ پراجیکٹس کو بلڈنگ اینڈ زوننگ رولز کا حصہ بنانے کا فیصلہ کرلیا گیا .

تفصیلات کےمطابق ایل ڈی اے کی جانب سے بلڈنگ اینڈ زوننگ رولز 2020میں ایک بارپھر ترامیم کا فیصلہ کیا گیا ہے، اس سے قبل چوبیس کنال اور اس سے زیادہ ایریا کی ڈویلپمنٹ پراجیکٹ کا کیس اتھارٹی کو بھجوایا جاتا تھا ۔ تجویز کردہ ترامیم کے مطابق ایریا ڈویلپمنٹ پراجیکٹس کے رولز میں چوبیس سے دو سو کنال تک کو تین کیٹگری میں تقسیم کردیا گیا ہے ۔
چوبیس سے تیس کنال کی کیٹگری میں بلڈنگ لائن کے لئے تیس فٹ چھوڑنا لازمی ہوگا، تیرہ تیرہ فٹ دونوں اطراف جبکہ گراونڈ فلور کوریج ساٹھ فیصد ہوگی ۔ اکتیس کنال سے پچاس کنال تک کی دوسری کیٹگری میں بلڈنگ لائن سے چالیس فٹ چھوڑنا لازمی ہوگا جبکہ پندرہ پندرہ فٹ دونوں اطراف گراؤنڈ کورایریا ساٹھ فیصد تک گا۔

پچاس کنال اوراس سےاوپرکی کیٹگری میں بلڈنگ لائن سےپچاس فٹ چھوڑنالازمی ہوگا ،دونوں اطراف سے پندرہ پندرہ فٹ جبکہ گراؤنڈ کور ایریا ساٹھ فٹ ہوگا ۔ ایریا ڈویلپمنٹ پراجیکٹس کے ایریا میں چھوٹے پلاٹ کرکے بھی تعمیرات کی جاسکیں گی ۔ سب ڈویژن والے پلاٹوں کے لئے بلڈنگ بائی لاز میں خصوصی رعایت دینے کا فیصلہ کیا گیا ہے ۔ دس مرلہ سے ایک کنال سب ڈیوائیڈڈ پلاٹ کے لئے سامنے تیس فٹ چھوڑنا لازمی ہوگا ۔دونوں اطراف میں سائیڈ میں پانچ فٹ جگہ چھوڑی جائے گی جبکہ بیک سپیس سات فٹ ہوگی ۔ اس سے قبل دونوں اطراف تیرہ تیرہ فٹ چھوڑنا لازم تھا

ترمیم سےسب ڈویژن کے باعث پلاٹ چھوٹا ہونےسے کور ایریا زیادہ استعمال ہوسکے گا,دو پلاٹوں کو آپس میں جوڑنے کے لئے بھی رعایتی قانون سازی کا فیصلہ۔

کیا گیا ہے ۔ دو سرکاری سوسائیٹز کے پلاٹ ساتھ جڑنے کی صورت میں ملانے کی اجازت دینے کا فیصلہ کیا گیا ہے ۔ دو منظور شدہ پرائیویٹ سکیموں کے پلاٹوں کو بھی آپس میں جوڑا جائے گا ۔ رولز میں ترامیم کا مسودہ آیندہ گورننگ باڈی میں منظوری کے لئے پیش ہوگا. ، سب ڈویژن والے پلاٹوں کے لئے بلڈنگ بائی لاز میں خصوصی رعایت دینے کا فیصلہ کرلیا گیا ، حتمی منظوری گورننگ باڈی کے آئندہ اجلاس میں ہوگی

امریکی ویکسین فائیزر کی 18 ہزار خوراکیں ضلعی انتظامیہ کو موصول، فائزر کی 7 ہزار خوراکیں شوکت خانم، 8 ہزار پی کے ایل آئی جبکہ 3 ہزار محمکہ صحت کو مہیاکردی گئی ہیں، علاوہ ازیں شہرکے دیگر ویکسی نیشن سینٹرز کو بھی 65 ہزار خوراکیں فراہم کردی گئیں۔

ایکسپو سنٹر، پی کے ایل آئی، ایل ڈی اے کمپلیکس، ڈرائیو تھرو اور یو سی ایچ سنٹرز میں کورونا ویکسینیشن لگانے کا عمل شروع کر دیا گیاہے.55 ہزار سینو فارم، 10 ہزار سنیو وک اور 5000 ایسٹرا زینیکا ایکسپو سنٹر، ایل ڈی اے، پی کے ایل آئی اور یو سی ایچ کے لئے دستیاب کی گئیں ہیں.فائیزر کی کورونا ویکسینیشن کم قوت مدافعت والے افراد کو لگے گی.فائیزر کورونا ویکسینیشن پی کے ایل آئی ہسپتال اور شوکت خانم ہسپتال میں بھی دستیاب ہو گی.

تفصیلات کے مطابق ایل ڈی اے کمپلیکس آزادی چوک میں ایسٹرازینیکا لگے گی،ایکسپو سنٹر کے ہال نمبر تھری میں بھی ایسٹرا زینیکا لگے گی،ایسٹرازینیکا بیرون ممالک جانے والے افراد کو لگے گی جبکہ بیرون ممالک جانے والے افراد اپنے ہمراہ اپنے ڈاکومنٹس، ویزا، پاسپورٹ اور برتھ پرمٹ لے کر آئیں گے. اس حوالے سے ڈی سی لاہور مدثر ریاض نے تمام اسسٹنٹ کمشنرز کو کورونا ویکسینیشن کے آنے کے بعد ان سنٹرز کے دورے کرنے کی ہدایات جاری کر دی ہیں۔ ان کا کہنا ہے کہ کورونا ویکسینیشن کے عمل کو ان سنٹرز میں فوری طور پر بحال کیا جائے،شہری بھی ان سنٹرز کا وزٹ کریں اور کورونا ویکسینیشن لگوائیں۔