Category لاھور نامہ

تھانہ ٹبی سٹی کی حدود میں موٹر سائیکل سواروں کی فائرنگ سے لڑکی قتل، پولیس نے لاش مردہ خانے منتقل کر کے کارروائی شروع کردی ۔

تفصیلات کے مطابق علی پارک تھانہ ٹبی سٹی کی علاقے میں نامعلوم موٹر سائیکل سواروں نے خاتون پر فائرنگ کی جس کے باعث خاتون موقع پر ہی جاں بحق ہو گئی۔ اطلاع ملنے پر پولیس نےموقع پر پہنچ کرشواہد اکٹھے کیے اور لاش کو تحویل میں لے لیا۔

پولیس کا کہنا تھا کہ مقتولہ کی تاحال شناخت نہیں ہوسکی ، مقتولہ کی لاش کو پوسٹ مارٹم کے لیے مردہ خانے منتقل کر دیا گیا جبکہ مختلف پہلوؤں سےتحقیقات شروع کردی گئی ہیں، جلدملزمان کو جلد گرفتار کر لیا جائے گا۔

شہر میں تاجر تنظیموں کی شٹر ڈاؤن ہڑتال، ،گلبرگ،اقبال ٹاؤن،شمالی لاہور،اندرون لاہور مارکیٹیں اور بازار بند رہے ۔انجمن تاجران کے گروپس نے مشترکہ شٹر ڈاؤن ہڑتال کی کال دے رکھی تھی ۔

لاہور میں گلبرگ مین مارکیٹ، اوریگا سنٹر، صدیق ٹریڈ سنٹر، مال روڈ، بیدن روڈ، منٹگمری مارکیٹ، میکلوڈ روڈ، انارکلی بازار، اکبری منڈی، اردو بازار، سرکلرروڈ، نیلا گنبد سائیکل مارکیٹ، فیروز پور روڈ پر لٹن روڈ، اچھرہ، فرنیچر مارکیٹس، ماربل مارکیٹس، سینٹری مارکیٹس، چونگی امرسدھو بازار دیگر کاروباری ادارے بند رہے

اسی طرح شہر بھر میں جیولرز کی مارکیٹس،شاہدرہ بورڈ کی مارکیٹس، شہر کی واحد میڈیسن مارکیٹ لوہاری گیٹ بھی آج بند رہے۔

پاکستان گڈز ٹرانسپورٹرز نے ہڑتال جاری ہے۔ٹرک، لوڈ گاڑیاں اور منی مزدے ٹرک اڈے پر کھڑے کردیے۔پاکستان گڈز ٹرانسپورٹرز ایسوسی ایشن کے مرکزی سیکرٹری جنرل نبیل محمود طارق نے کہا ہے پہیہ جام ہڑتال کے باعث گاڑیاں سڑکوں پر نہیں لائیں گے۔

واضح رہے گزشتہ شب مفتی منیب الرحمان نے پریس کانفرنس کرتے ہوئے لاہور واقعے کے خلاف آج ملک بھر میں شٹر ڈاؤن اور پہیہ جام ہڑتال کا اعلان کیا ہے۔ مولانا فضل الرحمان اور جماعت اسلامی نے بھی مفتی منیب کی ہڑتال کی کال کی حمایت کر دی تھی۔

کورونا کی تیسری لہر کے جان لیوا وار جاری ہیں گرشتہ چوبیس گھنٹوں میں کورونا کے باعث درجنوں افراد جان کی بازی ہار گئے ۔

تفصیلات کے مطابق گزشتہ چوبیس گھنٹوں میں کورونا وائرس کے باعث شہر میں مزید 33افراد انتقال کر گئے ہیں،چوبیس گھنٹوں میں1413نئے مریضوں کی تصدیق ہوئی ہے۔

رپورٹ کے مطابق سرکاری وپرائیویٹ ہسپتالوں میں کورونا کے1294 مریض داخل ہیں،ہسپتالوں میں کورونا کے779 کنفرم،515 مشتبہ مریض زیر علاج ہیں۔کورونا کے249 مریضوں کی حالت تشویشناک بیان کی گئی ہے جنہیںوینٹی لیٹرز پر منتقل کر دیا گیا ہے۔کورونا کے703 مریض آئی سی یو جبکہ342 آئسولیشن وارڈ میں داخل ہیں۔

واضح رہے گزشتہ دنوں، صوبائی دارالحکومت لاہور میں کورونا وائرس کی ساو¿تھ افریقن قسم سامنے آنے کا بھی انکشاف ہوا تھا جو کورونا ویکسین کروانے والوں کو بھی متاثر کرسکتی ہے۔ موذی وائرس کی روز بہ روز نئی خطرناک قسم سامنے آرہی ہے،کورونا وائرس کا پھیلاو¿ روکنے کیلئے مختلف ممالک میں لاک ڈاو¿ن نافذ ہے۔

کورونا وائرس کی ساﺅتھ افریقن مہلک قسم کے کیسز لاہور میں سامنے آگئے، کورونا کی ساو¿تھ افریقن قسم پاکستان آنے والے مسافروں کے ذریعے لاہور پہنچی۔ساﺅتھ افریقن وائرس دیگر اقسام کے مقابلے میں دو گنا زیادہ رفتار سے پھیل رہا ہے اس کے سامنے کورونا سے بچاو¿ کی ویکسین بھی غیرموثر دکھائی دے رہی ہے اور اموات میں اضافہ ہو رہا ہے۔

ضلعی انتظامیہ نے رمضان بازاروں میں سہولیات ، اشیاء خورونوش کی سپلائی اور چینی کے سٹالز پر قطاروں کی بجائے بیٹھنے کے انتظامات کو یقینی بنانے دعویٰ کیاہے۔

تفصیل کے مطابق ڈی سی لاہور مدثر ریاض نے کہا ہےکہ شہریوں کو کسی بھی قسم کی مشکلات کا سامنا نہیں ہے، شہریوں کے بیٹھنے کے لئے مناسب انتظامات ہیں،شہریوں کو عزت و احترام کے ساتھ بٹھایا جاتا ہے۔ انہوں نے کہا کہ شہری چینی خرید کر لیکر جا رہے ہیں،65روپے فی کلو کے حساب سے چینی کی فروخت کی جا رہی ہے.

ان کا کہناتھا کہ شہر کے تمام رمضان بازاروں میں چینی کے سٹالز پر کرسیاں لگا دی گئی ہیں، دو روز قبل لاہور کے تمام رمضان بازاروں میں کرسیاں لگا دی گئی تھیں۔ ڈی سی لاہور نے کہا کہ مرد و خواتین عزت واحترام کے ساتھ چینی کی خریداری کر رہے ہیں،چینی کے سٹالز پر کسی بھی قسم کی قطار نہیں ہے۔

گزشتہ دنوں ڈپٹی کمشنر لاہور نےپرائس کنٹرول مجسٹریٹس کی تعداد کو ناکافی قرار دے دیا تھا، شہر میں مہنگائی مافیا کا راج کے باوجود پرائس کنٹرول مجسٹریٹس قلت برقرار ہے، ماہ رمضان شروع ہوگیا لیکن شہر میں مہنگائی کا جن بوتل میں بند کرنےاور گراں فروشوں کو نکیل ڈالنے کےلیے پرائس کنٹرول مجسٹریٹس کی تعداد ایک سو تک بھی نہیں پہنچ سکی، ایک کروڑ آبادی کے شہر میں پرائس کنٹرول مجسٹریٹس کی تعداد صرف 48 ہے۔

ڈپٹی کمشنر لاہور مدثرریاض ملک کے مطابق شہرمیں کم از کم 250 پرائس کنٹرول مجسٹریٹس کی ضرورت ہےمحکمہ داخلہ کو پرائس کنٹرول مجسٹریٹس کی تعداد بڑھانے کی درخواست کررکھی ہےامید ہے محکمہ داخلہ جلد پرائس کنٹرول مجسٹریٹس کو نوٹیفائی کردے گا ایک سوال کے جواب میں انہوں نے کہاکہ ذخیرہ اندوزوں اور گراں فروشوں کے خلاف ضلعی انتظامیہ کا کریک ڈاؤن جاری ہے۔

مخصوص حالات کے باعث ممکن ہے چینی کسی بازار میں وقت پر ناپہنچی ہو. لاہور کے رمضان بازاروں کے 18 ہزار میٹرک ٹن چینی کا سٹاک موجود ہےرمضان بازاروں میں چینی قلت کا مسئلہ درپیش نہیں ہوگا۔

کلین اینڈ گرین پاکستان مہم کےتحت دھواں چھوڑنے والے آٹو ، موٹر سائیکل رکشوں کا متبادل لانےکا فیصلہ کرلیا گیا ۔

تفصیلات کے مطابق کلین اینڈ گرین پاکستان مہم کے تحت دھواں چھوڑنے والے آٹو ، موٹر سائیکل، رکشوں کا متبادل لانے کا فیصلہ کرلیا گیا ہے۔ لاہور شہر میں پائلٹ پراجیکٹ کے طور پرالیکٹر ک رکشے متعارف کرائے جائیں گے،کلین اینڈ گرین پاکستان مہم کےتحت 1 ارب 30 کروڑ کی لاگت سے الیکٹرک رکشے خریدے جائیں گے۔

محکمہ ٹرانسپورٹ لاہور کی جانب سے 1ارب30 کروڑ کے فنڈ مختص کرنے کی سفارش کی گئی ہے۔ منصوبہ شروع کرنے کا مقصد شہر میں شورو غل اور فضائی آلودگی میں کمی لانا اور شہریوں کو سستی سفری سہولت بھی میسر آئے گی۔

ہربنس پورہ کے علاقہ میں گھریلو ناچاقی کے باعث خاتون نے خود کشی کرلی ۔ پولیس نے لا ش کو تحویل میں لیکر مردہ خانے منتقل کرکے قانونی کارروائی کا آغاز کردیا۔

تفصیلات کے مطابق ہربنس پورہ میں 33 عروسہ نامی لڑکی نے اپنے شوہر کے ساتھ گھریلو ناچاقی چل رہی تھی ، پولیس کا کہناتھا کہ عروسہ نے اپنے شوہر علی شان سے لڑ جھگڑ کر پنکھے سے لٹک کر خو د کشی کر لی ، پولیس نے لا ش کو تحویل میں لیکر مردہ خانے منتقل کرکے قانونی کارروائی کا آغاز کردیا۔

واضح رہے کہ گزشتہ دنوں فیکٹری ایریا میں دو بچوں کی ماں نے گھریلو ناچاقی پر گھر کی تیسری منزل سے کود کر خود کشی کر لی تھی، فیکٹری ایریا کے علاقے النور ٹاؤن کی رہائشی ٹریزا کا اپنے شوہر سے جھگڑا چل رہا تھا،آج بھی دونوں میاں بیوی میں تلخ کلامی کے بعد جھگڑا ہو ا۔اس دوران ٹریزا نے گھر کی تیسری منزل سے کود کر خود کشی کر لی اورزخموں کی تاب نہ لاتے ہوئے موقع پر ہی دم توڑ گئی۔پولیس نے موقع سے شواہد اکٹھے کر لاش مردہ خانے منتقل کر دی ۔پولیس کا کہناہے مزیدکہ قانونی کارروائی کی جا رہی ہے ۔

پیکو روڈ پر قائم یوٹیلیٹی سٹور پر رمضان ریلیف پیکج کےتحت 19 اشیائے ضروریہ کی سستے داموں فراہمی جاری ، آٹےکا20کلو کا تھیلہ 800 روپےمیں دستیاب ہے۔

تفصیلات کے مطابق پیکو روڈ یوٹیلیٹی سٹور پر رمضان ریلیف پیکج کےتحت 19 اشیائے ضروریہ کی سستے داموں فراہمی جاری ہے جبکہ یوٹیلیٹی سٹورپر چینی کا دو کلو والا پیکٹ136روپے، گھی 170 روپے میں دستیاب ہے۔ کوکنگ آئل، دالوں، بیسن، کجھور،چاول، شربت، چائے، دودھ اور مصالحہ جات سمیت 19 اشیائے ضروریہ پر 10 رو پے سے 50 روپے کی سبسڈی دی گئی ہے۔

پیکو روڈ یوٹیلیٹی سٹور پر شہریوں کیلئے کوکنگ آئل پر 20 روپے، دال چنا 15 روپے، دال مونگ 10 روپے اور دال مصور پر 30 روپے کی سبسڈی جبکہ سفید چنا پر 25 روپے، بیسن پر 20 روپے، کھجور پر 20 روپے، چاول پر 10 سے 12 رو پےاورمشروبات پر 20 سے 25 روپے کی سبسڈی میسر ہے، اسی طرح چائے پر50 روپے، دودھ پر 20 روپے مصالحہ جات پر 10 فیصد تک رعایت دی گئی ہے۔پیکو روڈ یوٹیلیٹی سٹور پرخریداری کیلئے ۤآنیوالے شہریوں سے کورونا سے بچاؤ کیلئے جاری کیے گئے ایس او پیز پر عملدرآمد کرایا جارہاہے

معاشرے میں جعلی پیروں ،جادو ٹونے کرنیوالوں کی بھر مار ہے،جنہوں نے کئی لوگوں کی زندگیاں برباد کردیں۔ ایسے ہی جن نکالنے پر پیر نے خاتون کو بہیمنہ تشدد کا نشانہ بناڈالا۔

تفصیلات کے مطابق آئے روز جعلی عالم، پیروں کے ہاتھوں خواتین، لڑکیوں کی تذلیل کی جارہی ہے۔کالا جادو, شوہر کا ناراض، اولاد کا نہ ہونا اور جنات کا سایہ جیسےمسائل نے خواتین کی زندگی اجیرن کردی ہے۔ پھر خواتین ان مسائل سے چھٹکارا حاصل کرنے کیلئےجعلی عالموں سے رجوع کرتی ہیں اور ایسے لوگوں کی باتوں میں آکر اپنا خوشحال گھر اجاڑ لیتی ہیں۔

رحیم یار خان کے علاقے مڈدرباری میں ایسا ہی ایک افسوس ناک واقعہ پیش آیا، جہاں جن نکالنے پر پیر نے خاتون پر بہیمنہ تشدد کر دیا۔روہی نیوز نے تشدد کی ویڈیو حاصل کرلی ہے۔ پیر کو ویڈیو میں خاتون پر تشدد اور بدتمیزی کرتے دیکھا جاسکتا ہے، پیر کو خاتون کا بازو توڑتے اور ہتک امیز رویہ اختیار کرتے بھی دیکھا جاسکتا ہے۔ متاثرہ خاتون کے رشتے داروں نے تھانہ سی ڈویژن میں کارروائی کیلئے تحریری درخواست دے دی ہے۔

پولیس کا کہنا تھا کہ 24گھنٹوں میں جعلی پیر کے گھر میں 3مرتبہ چھاپےمارےہیں، جعلی پیراوراس کےاہل خانہ گھرسےفرارہیں۔ پولیس کا کہنا ہے کہ متاثرہ خاتون اوراس کاشوہرمدعی نہیں بن رہےہیں اور اہل خانہ نےمتاثرہ خاتون کامیڈیکل بھی نہیں کروانےدیا۔ جلدہی جعلی پیر کی گرفتاری عمل میں لائی جائے گی۔

قانون کا ڈر نہ اپنی جان کی فکر،کینال روڈ پر علی الصبح ون ویلنگ اور ریس لگاتے نوجوان موت کا کھیل کھیلنے لگے، پولیس نے آنکھیں موند لیں۔

تفصیلات کے مطابق بدلتے دور نے جہاں ہمیں بے شمار ایجادات کے حیرت انگیز نظارے دکھائے وہیں ہمیں سفر طے کرنے کے لئے جدید سواریوں جہاز، ٹرین، بس، کار اور موٹر سائیکل وغیرہ کا بھی تحفہ دیا جو کہ یقیناً ہمارے لیے بہت مفید ہے کہ ان جدید سواریوں کے ذریعے سے ہم دِنوں کے سفر گھنٹوں اور گھنٹوں کے سفر منٹوں میں طے کرلیتے ہیں۔مگر افسوس کہ تیز رفتار ڈرائیونگ کرنے والوں کے سبب آئے دن لوگ حادثات کا شکار ہورہے ہیں،چند خوش قسمت لوگوں کو چھوڑ کر ان حادثات کا شکار ہونے والے افراد زخمی ہوکر عمر بھر کی معذوری حتی کہ بعض تو موت کے گھاٹ اتر جاتے ہیں۔

مسلم ٹاؤن کے قریب کینال روڈ پر منچلوں نے سڑک کو بلاک کردیا اور خطرناک کھیل کا مظاہرہ کرتےرہے، نوجوانوں کی ون وی لنگ اور ریس لگاتی موٹرسائیکلوں نے اپنے ساتھ ساتھ دوسروں کی زندگیوں کو بھی خطرے میں ڈال دیا۔اس دوران سڑکوں پر نوجوانوں کو روکنے کیلئے پولیس بھی خاموش تماشائی بن گئی۔

منچلے ایک گھنٹے تک کینال روڈ کوبلاک کر کے خطرناک کرتب دکھاتے رہے،مگر پولیس خواب خرگوش کے مزے لیتی رہی۔ منچلوں کی ون وی لنگ سے عام شہریوں کو سفر کرنے میں پریشانی کا سامنا کرنا پڑا۔

شیئر کریں:

فوجداری مقدمات کے فوری فیصلوں کے حوالے سے سفارشات تیار، قتل سمیت سنگین مقدمات کے فیصلے 6 ماہ، عام نوعیت کے18 ماہ میں ہونگے۔چیف جسٹس کی سربراہی میں انتظامی کمیٹی 20 اپریل کورولز کا جائزہ لےگی۔

ذرائع کے مطابق لاہور ہائیکورٹ کی ججز، پراسیکیوٹر جنرل اور وکلاء پر مشتمل رولز کمیٹی نے کئی اجلاسوں کے انعقاد کے بعد کریمنل کورٹ رولز 2021 تیار کرلیے ہیں۔ 10 سال یا اس سے زائد سزا والے سنگین فوجداری مقدمات میں ملوث ملزمان کا6 ماہ میں، 10 سال سے کم کا18 ماہ میں فیصلہ کرنے کی سفارش کی گئی ہے۔ذرائع کے مطابق ملزم اور چالان کے پیش ہونے کے بعد عدالت کی جانب سے مدعی وکیل کو فارم اے دیا جائےگا۔ وکیل 3 روز میں فارم واپس کرکےعدالت کو شہادتیں کروانے کےوقت کے متعلق تحریری طور پر آگاہ کرے گا،فارم کی واپسی کے بعد ملزم کے وکیل کو فارم بی دیا جائے گا جو 2 روز میں واپس کرے گا۔

ٹرائل کورٹ کا جج مدعی اور ملزم وکلاء کے فارم موصول ہونے پران کی کونسلنگ کرائےگا،جس کے بعد جج فیصلے کے مہینے کا اعلان کرےگا،مدعی اور ملزم کے وکلاء فارمز کے مطابق کیسز کی پیروی کریں گے،فوجداری مقدمات کی مانیٹرنگ کیلئے ایڈمنسٹریٹو جج بھی مقررکئے جائیں گے۔عدالت مقدمات کے ٹرائل میں تاخیر کا باعث بننے والے مدعی یا ملزم پارٹی کو جرمانہ کریگی۔ جرمانے کے بغیر کسی پارٹی کو تاریخ پر التواء نہیں ملے گا۔

رولزکمیٹی میں جسٹس سید شہباز علی رضوی،جسٹس اسجد جاوید گھرال،جسٹس ساجد محمود سیٹھی، پراسیکیوٹر جنرل پنجاب رانا عارف کمال نون،ملک اویس خالد اور قطب ایڈووکیٹ شامل تھے۔ذرائع کے مطابق چیف جسٹس قاسم خان کی سربراہی میں انتظامی کمیٹی 20 اپریل کورولز کا جائزہ لے گی،کمیٹی کی منظوری کے بعد معاملہ پنجاب حکومت کو بھجوایا جائے گا،حکومت کی منظوری کے بعد صوبہ بھر کی عدالتوں میں فوجداری مقدمات کے فیصلے 10 سے 18 ماہ میں کرنے کاآغاز ہوگا۔