Category تازہ ترین

کوئٹہ:کوئٹہ میں خاتون نے زہریلی چیز کھا کر خودکشی کرلی تفصیلات کے مطابق گزشتہ روز کوئٹہ کے رہائشی واجد احمد کی بیوی نے گھر میں پڑی ہوئی زہریلی چیز کھا کر خودکشی کرلی نعش ہسپتال منتقل کردی گئی مزید کاروائی پولیس کررہی ہے

اسلام آباد:صدر استحکام پاکستان پارٹی عبدالعلیم خان نے اپنے ایک بیان میں وضاحت کی ہے کہ ہم تحریک انصاف کی بی ٹیم نہیں، بلکہ ہم ان کے مقابلے پر آئے ہیں۔ انہوں نے نجی ٹی وی کے پروگرام میں گفتگو کرتے ہوئے کہا کہ 9 مئی واقعات میں ملوث افراد کیلئے آئی پی پی میں کوئی جگہ نہیں، الیکشن کیبعدآنیوالی حکومت ملک کوخوبصورت پاکستان کی طرف لیکرجائیگی۔انہوں نے کہا کہ آنیوالا الیکشن ملک کیمستقبل کیلئے اہم ہے، الیکشن وقت پر ہونے چاہئیں، ہم تحریک انصاف کی بی ٹیم نہیں ہیں، ہم تحریک انصاف کے مقابلے پر آئے ہیں، ان سے جدا ہیں، 9مئی کیبعد نئی پارٹی بننے کی ضرورت تھی۔ انہوں نے مزید کہا کہ نہیں معلوم فیض حمید جو کچھ کر رہے ہوتے تھے باجوہ سب جانتے تھے یا نہیں، عمران خان وزیراعظم بننے کے بعد الگ شخص بن گئے تھے، چیئر مین پی ٹی آئی موجودہ آرمی چیف کو بھی فیض حمید سمجھ رہے تھے، فیض حمید بطور ڈی جی سی جو کام کر رہے تھے ہم اس کا حصہ رہے ہیں، عمران خان میری یا جہانگیر ترین کی کار استعمال کرتے تھے، میرے ڈرائیور، گارڈز بھی بطور گواہ بتا سکتے ہیں کہ وہ کہاں جاتے تھے۔اپنی بات کو جاری رکھتے ہوئے انہوں نے کہا کہ میں ایماندار کیساتھ پی ٹی آئی کاحصہ تھا، میں نیاپنی پوری ایمانداری کیساتھ کوششیں کی، چیئرمین پی ٹی آئی 2018 سے پہلے الگ تھے، وزیراعظم بننے کے بعد چیئرمین پی ٹی آئی مختلف ہو گئے، 9 مئی واقعات میں ملوث افراد کیلئے آئی پی پی میں کوئی جگہ نہیں، الیکشن کیبعدآنیوالی حکومت ملک کوخوبصورت پاکستان کی طرف لیکرجائیگی ، ہم تحریک انصاف کی بی ٹیم نہیں ہیں ، ہم تحریک انصاف کے مقابلے پر آئے ہیں، ان سے جدا ہیں، 9مئی کے بعد نئی پارٹی بننے کی ضرورت تھی۔9 مئی کو جو کچھ ہوا وہ دہشت گردی سے زیادہ ہے، عدالتوں کو دیکھنا چاہیے کہ 9 مئی واقعات میں چیئر مین پی ٹی آئی ملوث ہیں یا نہیں۔ ان کا کہنا تھا کہ 9 مئی کو پرویز خٹک پی ٹی آئی کا حصہ تھے تو ان کے پاس معلومات ہوں گی، جب تک پی ٹی آئی کا حصہ تھا میرے پاس بھی معلومات ہوتی تھی، پرویز خٹک کہتے ہیں نو مئی میں چیئر مین پی ٹی آئی ملوث ہیں تو انہیں معلومات ہوں گی، سابق وزیراعظم پر ان کی اہلیہ کا کنٹرول ہے اس سے مجھے کیا فرق پڑتا ہے، کرپشن کا بازار ان کے گھر جا کر ختم ہوتا تھا۔آئی پی پی کے صدر کا کہنا تھا کہ فیض حمید کی الگ لائن بن گئی تھی وہ سمجھتے تھے انہیں آرمی چیف بنا دیا جائے گا، نہیں معلوم جنرل (ر) قمر جاوید باجوہ بھی لیفٹیننٹ جنرل (ر) فیض حمید کو آرمی چیف بنانا چاہتے ہوں، عثمان بزدار کو چیئر مین پی ٹی آئی جو کہتے تھے وہی کرتے تھے، کرپٹ فائیو کا جو ٹولہ ہے اس میں فیض حمید بھی شامل تھے۔ فرح گوگی اور بشریٰ بی بی کا ایک گینگ تھا جوملک کے فیصلے کر رہا تھا، فیض حمیدنیچیئرمین پی ٹی آئی کو خوش کرنیکیلئیمجھیجیل میں ڈلوایا۔اپنی بات کو جاری رکھتے ہوئے عبدالعلیم خان نے کہا کہ پنجاب کی وزارت اعلیٰ کسی بھی حقدار شخص کا حق تھا لیکن عثمان بزدار کا نہیں، عثمان بزدار کسی بھی طور پر وزارت اعلیٰ کے حقدار نہیں تھے، ایم این اے بن جاتا تو میرے خلاف کچھ بھی نہیں ہوتا، ایم پی اے بن گیا تو تیسرے دن ہی مجھے نوٹس مل گیا، وزارت اعلیٰ کا امیدوار تھا اسی لیے مجھے نوٹس بھیجا گیا، میرے پاس کوئی عہدہ نہیں تھا نیب مجھے دن میں چار مرتبہ بلاتی تھی، نیب دفتر میں بیٹھا تھا تو ٹی وی پر دیکھا عثمان بزدار کو وزیراعلیٰ نامزد کر دیا۔

نصیرآباد:ریجنل سیکرٹری ٹرانسپورٹ اتھارٹی نصیرآباد ڈویژن نور احمد ڈومکی نے آج دوسرے روز بھی ایس ایس پی ہائی ویز عبدالعزیز سرپراہ اور ڈی ایس پی محمد یاسین کے ہمراہ ویگنوں کو لگے جنگلے ہٹانے کے خلاف کارروائی کی جبکہ چیکنگ کے دوران 6 گاڑیوں کے جنگلا ہٹا دیے گئے جبکہ مختلف گاڑیوں کے ڈرائیوروں پر وہیکل آرڈیننس کی خلاف ورزی پر تین ہزار روپے کے چالان کئے اور مسافروں سے اضافی کروایہ وصول کرنے والوں کے خلاف بھی ایکشن لیا گیا 2200 روپے اضافی وصول کی گئی رقم مسافروں کو واپس کروائی گئی اس موقع پر سیکرٹری آر ٹی اے نور احمد ڈومکی نے پبلک ٹرانسپورٹر کو سختی سے تنبیہ کی کہ وہ غیر مناسب عمل سے اجتناب کریں بصورت دیگر ان کے خلاف سخت ایکشن لیا جائے گا ٹریفک قوانین پر عملدرآمد کو یقینی بنانے کیلئے ہر ممکن اقدامات کئے جائیں گے پیٹرولیم مصنوعات کی قیمتوں میں کمی کے باوجود مسافروں سے اضافی رقوم وصول کرنا نامناسب عمل ہے اس لیے اس عمل میں ملوث عناصر کے خلاف ہر ممکن کاروائی کریں گے ہماری طرف سے کاروائی کا یہ سلسلہ جاری رہے گا تاکہ صحیح معنوں میں مسافروں کو ریلیف فراہم کیا جا سکے نور احمد ڈوکی نے کہاکہ پبلک ٹرانسپورٹرز اپنی گاڑیوں سے غیر قانونی جنگلے جلد از جلد اتار لیں بصورت دیگر کاروائی کے دوران ان کے جنگلے سرکار ضبط کر لے گی اور ان پر جرمانے بھی عائد کیے جائیں گے

کوئٹہ:اوستہ محمد پولیس نے کاروائی کرتے ہوئے 3ملزمان کو گرفتار کر لیا تفصیلات کے مطابق گزشتہ روز اوستہ محمد پولیس مطلوب مفرور اور مقدمات میں ملوث ملزمان کے خلاف کاروائی کرتے ہوئے نامزد ملزم سلیم اور دوسری کاروائی میں احسان جبکہ کہ تیسری کاروائی میںآزاد کو گرفتار کر لیا اور انکے خلاف الگ الگ مقدمات درج کرکے کاروائی شروع کردی

پیر کا دن دنیا بھر میں گرم ترین دن رہا جبکہ اس سال گرمی کے مزید ریکارڈز ٹوٹنے کا بھی امکان ہے۔

امریکی قومی مرکز ماحولیاتی کے مطابق پیر کا دن عالمی سطح پر ریکارڈ کیا گیا جو اب تک کا گرم ترین دن تھا، اوسط عالمی درجہ حرارت 17.01 سینٹی گریڈ تک پہنچ گیا ہے۔

امریکی قومی مرکز ماحولیاتی کے مطابق اگست 2016 میں عالمی درجہ حرارت 16.92 سینٹی گریڈ تھا، دنیا بھر میں ہیٹ ویوز چھائی ہوئی ہیں۔

غیرملکی میڈیا کے مطابق جنوبی امریکا شدید گرمی کی لپیٹ میں ہے جبکہ چین میں بھی زیادہ سے زیادہ درجہ حرارت 35 ڈگری سینٹی گریڈ کے ساتھ ہیٹ ویو جاری ہے۔

رپورٹس کے مطابق شمالی افریقا میں درجہ حرارت 50 ڈگری سینٹی گریڈ کے قریب رہا جبکہ انٹارکٹیکا میں اس وقت موسم سرما میں غیرمعمولی طور پر زیادہ درجہ حرارت ہے۔

دو برس پہلے ٹائٹن کی سیاحت کرنیوالے شخص جاڈن پین نے انکشاف کیا ہے کہ اس وقت ٹائٹن خراب ہوئی تو اوشن گیٹ کمپنی کے سربراہ نے کہا کہ سو جاؤ، کچھ نہیں ہوگا۔

جاڈن پین نے بتایا کہ اسے محسوس ہوا کہ جیسے کمپنی کے سربراہ اسٹاکٹن رش مذاق کر رہا ہے۔ 

ان کا مزید کہنا تھا کہ دو برس پہلے ٹائٹینک کی باقیات دیکھنے کا سفر شروع ہونے کے دو گھنٹے بعد ہی ٹائٹن کی بیٹری خراب ہوگئی تھی، جس کی وجہ سے ٹائٹن بحیرہ اوقیانوس کی تہہ میں 24 گھنٹے پھنسی رہی تھی۔

غیر ملکی میڈیا کے مطابق اس وقت اسٹاکٹن رش نے تسلیم کیا تھا کہ ایک بیٹری خراب ہونے کی وجہ سے ٹائٹن سطح سمندر پر واپس نہیں جا پارہی تھی، مگر خوش قسمتی سے ہائیڈرولکس کی مدد سے وزن گرالیا تھا اور ٹائٹن واپس اوپر آگئی تھی۔

واضح رہے کہ پچھلے ماہ ٹائٹن کے حادثے میں ٹائٹن سربراہ اور پاکستانی تاجر شہزادہ داؤد سمیت 5 افراد مارے گئے تھے۔ 

مارک زکربرگ نے ایلون مسک کی مائیکرو بلاگنگ ویب سائٹ ٹوئٹر جیسی ایک نئی ویب سائٹ لانچ کرنے کا اعلان کردیا ہے۔

اس نئی ایپ کا نام’تھریڈز‘ ہے جسے جمعرات یعنی کل سے لائیو کردیا جائے گا اور اس کو حاصل کرنے کے لیے ایپل اسٹور پر پری آرڈر کیا جاسکتا ہے۔

میٹا کا ’تھریڈز‘ کے بارے میں کہنا ہے کہ یہ ایک ’ٹیکسٹ بیسڈ کانورزیشن ایپ‘ ہے جسے انسٹاگرام سے منسلک کیا جائے گا۔

ایپل اسٹور پر اس ایپ کے بارے میں یہ تفصیل بتائی گئی ہے کہ ’تھریڈز وہ جگہ ہے جہاں کمیونٹیز ان موضوعات پر بات کرنے کے لیے اکٹھی ہوتی ہیں جن کے بارے میں یہ خیال کیا جاتا ہے کہ یہ کل ٹرینڈ ہوں گی‘۔

اس لیے فی الحال یہ نئی ایپ ظاہری طور پر فری سروس لگ رہی ہے اور اس پر کوئی پابندی بھی نہیں ہوگی کہ صارف کتنی پوسٹس دیکھ سکتا ہے۔

واضح رہے کہ حالیہ چند برسوں کے دوران ٹوئٹر سے مماثلت رکھنے والی متعدد ایپس آئی ہیں جیسے کہ ڈونلڈ ٹرمپ کی’ٹروتھ سوشل‘ اور ’مسٹوڈون‘۔ 

اسی طرح کی ایک اور ایپ ’بلیوسکائے‘ نے بھی دعویٰ کیا کہ ایلون مسک کے ٹوئٹر کے استعمال کو محدود کرنے کے اقدام کے بعد اس ایپ پر ریکارڈ ٹریفک دیکھی گئی۔

البتہ، ٹوئٹر کو میٹا کی اس نئی ایپ’تھریڈز‘ سے سب سے زیادہ خطرہ لاحق ہو سکتا ہے۔

چیچنیا میں خاتون روسی صحافی کو شدید تشدد کا نشانہ بنایا گیا اور ان کے سر کے بال بھی کاٹ دیے گئے جس کے بعد انہیں اسپتال منتقل کردیا گیا۔

غیرملکی میڈیا کے مطابق آزاد اخبار نووایا گزیٹا کے لیے کام کرنے والی صحافی اور انسانی حقوق کی کارکن ایلینا ملاشینا پر ایک عدالتی مقدمے کے فیصلے کی کوریج کے دوران حملہ کیا گیا۔

رپورٹس کے مطابق خاتون صحافی کی انگلیاں توڑ دی گئیں، ان کے سر کے بال کاٹ دیے گئے، چہرے پر ہرا رنگ بھی پھینکا گیا جبکہ ان کے دیگر جسم کے حصوں پر بھی تشدد کے نشانات موجود ہیں۔

رپورٹس کے مطابق خاتون صحافی اور وکیل الیگزینڈر نیموف پر ائیرپورٹ کے باہر ان کی گاڑی کو مسلح افراد نے روک کر حملہ کیا۔

غیرملکی میڈیا کے مطابق خاتون صحافی کو اسلحہ بھی دکھایا گیا اور ان کا سامان بھی توڑ دیا گیا۔

خاتون صحافی کا کہنا ہے کہ حملہ آوروں نے ڈرائیور کو گاڑی سے باہر پھینک دیا اور اندر آ کر ہمارے سر نیچے جھکا دیے پھر میرے ہاتھ باندھے اور مجھے گھٹنوں کے بل نیچے اتارا اور میرے سر پر بندوق رکھ دی تھے۔

انہوں نے مزید کہا کہ حملہ آور بظاہر گھبرائے ہوئے تھے کیونکہ انہیں میرے ہاتھ باندھنے میں پریشانی ہو رہی تھی۔

دوسری جانب رپورٹرز وِد آؤٹ بارڈرز نے اس حملے کی مذمت کی ہے۔

لاہور میں بارش کا 30 سالہ ریکارڈ ٹوٹ گیا، 10 گھنٹوں میں 291 ملی میٹر بارش ریکارڈ کی گئی۔

شہر بھر کے درجن سے زائد علاقوں میں 200 ملی میٹر سے زائد بارش ریکارڈ کی گئی ہے۔

لاہور کے کمشنر محمد علی رندھاوا کا کہنا ہے کہ شہر بھر کی انتظامیہ اور واسا لاہور کے تمام افسران و اسٹاف نکاسی آب کے لیے مکمل متحرک ہیں۔

انہوں نے کہا کہ اس سے قبل رواں سال لاہور میں زیادہ سے زیادہ 256 ملی میٹر بارش 26 جون کو ہوئی تھی۔

محمد علی رندھاوا کا کہنا ہے کہ گزشتہ سال 2022 میں لاہور میں 238 ملی میٹر جبکہ 2018 میں 288 ملی میٹر بارش ریکارڈ کی گئی تھی، گزشتہ 30 سالوں میں لاہور میں اتنے کم وقت میں اتنی بارش نہیں ہوئی۔

’’بارش تھمنے کے چند گھنٹوں میں نشیبی علاقے کلیئر کر دیے جائیں گے‘‘

ایم ڈی واسا غفران احمد نے کہا ہے کہ بارش تھمنے کے چند گھنٹوں میں ہی تمام نشیبی علاقے کلیئر کر دیے جائیں گے، سسٹم اپنی مکمل استعداد پر نکاسی آب کو ممکن بنا رہا ہے۔

لاہور میں سب سے زیادہ بارش لکشمی چوک کے علاقے میں ریکارڈ کی گئی ہے۔

اس کے علاوہ نشتر ٹاؤن، تاج پورہ، قرطبہ چوک، جوہر ٹاؤن اور گلشن راوی سمیت کئی دیگر علاقوں میں بھی بادل جم کر برسے۔

گوجرانوالہ میں بارش کا پانی سڑکوں پر جمع ہو گیا ہے، جس کی وجہ سے ٹریفک کی روانی متاثر ہو گئی ہے۔

 فیصل آباد، جہلم، خوشاب، شکر گڑھ، ملاکنڈ اور مظفر آباد میں بھی بارش کا سلسلہ وقفے وقفے سے جاری ہے۔ 

نگراں وزیرِ اعلیٰ پنجاب کا شدید بارش میں مختلف علاقوں کا دورہ 

نگراں وزیرِ اعلیٰ پنجاب محسن نقوی نے شدید بارش میں لاہور شہر کے مختلف علاقوں کا ہنگامی دورہ کیا۔

محسن نقوی نے قذافی اسٹیڈیم، گلبرگ، لبرٹی، کلمہ چوک انڈر پاس، گارڈن ٹاؤن، فیروز پور روڈ اور قرطبہ چوک میں بارش سے پیدا ہونے والی صورتِ حال کا جائزہ لیا۔

نگراں وزیرِ اعلیٰ پنجاب نے نکاسی آب کے لیے کمشنر لاہور ڈویژن اور ایم ڈی واسا کو موقع پر ہی ہدایات دیں۔

انہوں نے کہا کہ مختصر مدت میں ریکارڈ بارش ہوئی، انتظامیہ اور واسا کو متحرک کر دیا ہے۔

محسن نقوی کا کہنا ہے کہ نکاسی آب کے کام کی خود نگرانی کر رہا ہوں، شہریوں کی مشکلات کا احساس ہے۔

 لاہور: درخت گرنے سے بجلی کے تار ٹوٹ گئے

لیسکو چیف نے کہا ہے کہ لاہور میں موسلادھار بارش سے مال روڈ اور جی او آر کے علاقوں میں متعدد درخت گر گئے، درخت گرنے سے بجلی کے تار ٹوٹ گئے اور متعدد پول گر گئے۔ 

لیسکو چیف نے کہا کہ بجلی کے تار ٹوٹنے اور پول گرنے سے بجلی کی فراہمی معطل ہو گئی ہے، فیلڈ اسٹاف بجلی کا ترسیلی نظام بحال کرنے میں مصروف ہے۔

خیبرپختونخوا، آندھی، بارش اور درخت گرنے سے 3 افراد جاں بحق

خیبرپختونخوا کے مختلف اضلاع میں آندھی، بارش اور درخت گرنے سے تین افراد جاں بحق ہو گئے۔

پراونشل ڈیزاسٹر مینجمنٹ اتھارٹی (پی ڈی ایم اے) کی رپورٹ کے مطاق دو افراد شانگلہ اور ایک خاتون کرک میں جاں بحق ہوئی۔

پی ڈی ایم اے کا کہنا ہے کہ 8 افراد زخمی ہوئے جبکہ 7 گھروں کو جزوی اور ایک گھر کو مکمل نقصان پہنچا ہے۔

سیکریٹری محکمۂ ریلیف نے کہا کہ متاثرین کو حکومتی پالیسی کے مطابق ریلیف دیا جائے گا۔

ممبئی : بالی وڈ کی لیجنڈری اداکارہ ریکھا نے کہا ہے کہ 2014 کے بعد سے انہیں کسی ایسی فلم کی پیشکش نہیں ہوئی جس میں وہ کام کر سکوں ۔ ایک انٹرویو میں ریکھا نے کہا یوں تو میری اپنی شخصیت ہے لیکن میری فلمی شخصیت کیسی ہو یہ دیکھنے والے طے کرتے ہیں، مجھے معلوم ہے کہ میرے مداحوں کو مجھے کس طرح دیکھنا پسند ہے، اسی لیے مجھے علم ہے کہ میں کہاں فٹ ہوتی ہوں اور کہاں نہیں۔اداکارہ کا کہنا تھا کہ میں بہت خوش قسمت ہوں کہ مجھے اپنی پسند کے انتخاب کا حق حاصل ہے اسی لیے میں کسی بھی ایسے کام کے لیے انکار کرسکتی ہوں جو میری مرضی کے مطابق نہیں۔ انہوں نے بتایا کہ 2014 کے بعد سے انہیں کسی ایسی فلم کی پیشکش نہیں ہوئی جس میں وہ کام کرسکیں۔ ایک سوال کے جواب میں انہوں نے کہا کہ جب ایک بار رشتہ قائم ہوجائے تو وہ ہمیشہ کے لیے ہوتا ہے، اس میں کمی یا زیادتی ہوسکتی ہے، اب جیسے میں فلموں کی بات کروں، چاہے میں بناؤں یا نہیں ، چاہے ان میں کام کروں یا نہیں، ان کے لیے میری محبت ہمیشہ رہے گی اور جب صحیح وقت ہوگا تو مناسب پراجیکٹ مجھے ڈھونڈ لے گا ۔