Category تازہ ترین

نومئی کو جناح ہاؤس اور دیگر سرکاری تنصیبات پر جلاؤ گھیراؤ اور توڑ پھوڑ میں علیمہ خان کا بھی نام آ گیا۔ پولیس ذرائع کے مطابق چیئرمین تحریک انصاف کی بہن علیمہ بی بی کا نام بھی جیو فینسنگ میں آگیا ہے، علیمہ بی بی نو مئی کے واقعہ میں وہاں موجود تھیں۔ ذرائع کے مطابق پولیس کا کہنا ہے کہ علیمہ بی بی کو تفتیش میں شامل کیا جائے گا، اگر وہ پیش نہیں ہوتیں تو ان کو گرفتار کر لیا جائے گا۔

ڈسٹرکٹ کورٹس کے باہر میڈیا سے گفتگو کرتے ہوئے سابق سپیکر اسد قیصر نے جہانگیر ترین سے رابطوں کی تردید کرتے ہوئے کہا کہ ان کا جہانگیر ترین اور فواد چوہدری سے کوئی رابطہ نہیں ہے۔ انہوں نے کہا کہ میں پی ٹی آئی میں ہی ہوں اور چیئرمین پی ٹی آئی سے رابطے میں ہوں، ہم سنجیدہ مذاکرات کے لیے تیار ہیں۔ انہوں نے مزید بتایا کہ آج میرے چار کیسز ہیں۔ صحافی کے اس سوال پر کہ رانا ثنا اللہ نے کہا کہ مذاکرات کے لیے وزیراعظم شہباز شریف سے بات کی جائے کیا ان سے بات چیت ممکن ہے ؟ اسد قیصر نے جواب دیا کہ جو ملک میں حالات ہیں، اس میں ابھی کیا مذاکرات ہو سکتے ہیں، پہلے ماحول ٹھیک کریں پھر مذاکرات ہو سکتے ہیں ۔

سپریم کورٹ نے ملک بھر میں ایک دن انتخابات کرانے کے کیس کی سماعت غیر معینہ مدت تک ملتوی کر دی۔سپریم کورٹ نے اپنے حکم نامے میں کہا کہ ملک بھر میں ایک ساتھ انتخابات پر اتفاق رائے کیلئے پرامید جماعتوں کی سیاسی ایشوز کو مذاکرات سے حل کرنے کی کوشش قابل ستائش ہے، سیاسی ایشوز مذاکرات اور اتفاق رائے سے ہی بہتر انداز میں حل ہو سکتے ہیں، توقع ہے سیاسی جماعتیں تقسیم کے خاتمے اور ایک تاریخ پر ملک بھر میں انتخابات پر متفق ہو جائیں گی۔عدالت عظمیٰ نے کہا کہ پی ٹی آئی اور حکومتی کمیٹیوں نے مذاکراتی عمل پر رپورٹس جمع کرائیں، سعد رفیق نے بتایا کہ ایک ساتھ انتخابات کرانے پر اتفاق رائے ہو گیا ہے، انہوں نے کہا مذاکرات جاری رہے تو تاریخ پر اتفاق ہو جائے گا، شاہ محمود قریشی نے جواب میں مذاکرات میں پیشرفت پر مایوسی کا اظہار کیا، مقدمہ کی سماعت غیر معینہ مدت تک ملتوی کی جاتی ہے۔

سماجی رابطے کی ویب سائٹ ٹوئٹرپرایک پیغام میں وزیراعظم شہباز شریف کا کہنا تھا کہ چیئرمین پی ٹی آئی بین الاقوامی میڈیا کے ساتھ اپنے انٹرویوز میں کھلے عام غلط بیانی کررہے ہیں، 9مئی کے واقعات کے بعد ملک میں انسانی حقوق کی خلاف ورزیوں کے حوالے سے ان کا بیان گمراہ کن ہے، اس کا مقصد پاکستان پر دباؤ ڈالنا ہے۔شہباز شریف نے کہا ان کی پارٹی نے 9 مئی کو جو کیا وہ ریاست پر حملہ تھا، دنیا کا کوئی بھی ملک سالمیت کو تباہ کرنے کی ایسی کوشش کو برداشت نہیں کرے گا، مجرموں سے قانون کے تحت نمٹا جائے گا، اس بات کو یقینی بنایا جائے گا کہ انسانی حقوق کی خلاف ورزی نہ ہو۔وزیراعظم شہباز شریف نے مزید کہا ہے کہ پاکستان انسانی حقوق سے متعلق اپنی آئینی ذمہ داریوں کا مکمل احترام کرتا ہے۔

روپےکی قدرروزبروز گرنے لگی، اوپن مارکیٹ اور انٹربینک میں امریکی کرنسی کی قیمت میں اضافہ ریکارڈ کیا گیا ہے۔ کاروباری ہفتے کے پہلے روز اوپن مارکیٹ میں امریکی کرنسی کی قیمت میں بڑا اضافہ دیکھا کیا گیا ہے، 8 روپے اضافے کے بعد اوپن مارکیٹ میں ڈالر 308 پر فروخت ہو رہا ہے۔ دوسری جانب انٹربینک میں بھی ڈالر کی قیمت میں 51 پیسے کا اضافہ ہوا جس کے بعد انٹربینک میں امریکی ڈالر 286 روپے 19 پیسے کی سطح پر بند ہوا ہے۔

پیپلز پارٹی نے سندھ کے تمام اضلاع کیلئے چیئرمینز، ڈپٹی چیئرمینز اور دیگر عہدوں کیلئے امیدواروں کا اعلان کر دیا، کراچی کیلئے مرتضیٰ وہاب کو میئر اور حیدرآباد کیلئے کاشف شورو کو میئر کا امیدوار نامزد کیا گیا ہے۔ پیپلز پارٹی سندھ کے صدر نثار کھوڑو نے پریس کانفرنس کرتے ہوئے کہا ہے کہ لوکل باڈی کے الیکشن گزشتہ سال 25 جون کو ہوئے، دوسرا فیز اور پھر تیسرا فیز چلتا رہا، بارشوں کی وجہ سے الیکشن تاخیر کا شکار بھی ہوتے رہے، موجودہ لوکل باڈی الیکشن میں ہر لیول پر یوتھ کی نمائندگی ہو رہی ہے، ٹرانس جینڈرز کی نمائندگی بھی ہم نے رکھی، ایک ماہ کی مسلسل مشاورت کے بعد ہم یہاں پہنچے ہیں کہ کچھ کہہ سکیں۔ نثار کھوڑو نے مزید کہا کہ خیبرپختونخوا اور بلوچستان میں الیکشن مختلف فیز میں ہوا، بڑا صوبہ 5 سال سے لوکل باڈی الیکشن کے بغیر چلتا رہا ہے، پنجاب میں بلدیاتی انتخابات کا نہ ہونا افسوسناک ہے، سندھ میں بلدیاتی انتخابات کا سلسلہ مکمل ہو رہا ہے، کوئی ایسی کارپوریشن نہیں جہاں ہم ہارے ہوں، بلدیاتی انتخابات میں کامیابی پر پیپلز پارٹی سندھ کی تنظیم کو مبارکباد پیش کرتا ہوں۔ پیپلز پارٹی سندھ کے صدر نثار کھوڑو نے کہا کہ کشمور سے چیئرمین امیدوار گل محمد خان جھکرانی، وائس چیئرمین میر الطاف کھوسو، قمبر شہداد کوٹ میں چیئرمین کے امیدوار حاجی قمرالدین گوپانگ، وائس چیئرمین غلام محمد نامزد، کندھ کوٹ سے میر راشد خان چیئرمین جبکہ وائس چیئرمین شیر محمد، جیکب آباد ضلع کونسل کیلئے طاہر کھوسو چیئرمین، ضلع کونسل لاڑکانہ کیلئے اعجاز لغاری چیئرمین ہوں گے۔ انہوں نے مزید کہا کہ ڈسٹرکٹ کونسل ضلع گھوٹکی کے چیئرمین بنگل خان مہر، وائس چیئرمین بابر خان لونڈ، لاڑکانہ سٹی کارپوریشن کے میئر کیلئے محمد انور لوہر، سکھر میں کارپوریشن کا میئر ارسلان شیخ، ڈپٹی میئر ڈاکٹر ارشد مغل، چیئرمین ڈسٹرکٹ کونسل سکھر کیلئے سید کمیل شاہ، وائس چیئرمین اختر علی مہر، میونسپل کمیٹی خیر پور کے وائس چیئرمین کیلئے منیر منگی کو امیدوار نامزد کیا گیا ہے۔ نثار کھوڑو نے کہا کہ خیرپور ضلع کونسل چیئرمین کیلئے شیراز شوکت راجپر، میونسپل کمیٹی خیرپور کیلئےیار محمد پھلپوٹو، ضلع کونسل نوشہرو فیروز میں سہیل عباسی چیئرمین، ضلع کونسل سانگھڑ میں علی حسن ہنگورجو کو چیئرمین، قاضی رشید کو میئر بے نظیر آباد، ضلع کونسل بے نظیر آباد میں علی اکبر جمالی ڈسڑکٙٹ کونسل چیئرمین، حاجی بقا پلی کو چیئرمین ضلع کونسل عمرکوٹ کیلئے نامزد کیا گیا ہے۔

باغ آزاد کشمیر میں جلسہ سے خطاب کرتے ہوئےمسلم لیگ ن کی چیف آرگنائزر و سینئر نائب صدر مریم نواز نے کہا ہے کہ نوازشریف کی سیاست ختم کرنے والی جماعت کرچی کرچی ہو گئی، بنکر میں چھپ کر بیٹھنے والے کو عوام نشان عبرت بنا دیں گے۔ مریم نواز نے کہا کہ خالص کشمیری ہیں کوئی سیاسی نعرہ نہیں، آج ہم کشمیر کی وادی میں کھڑے ہیں، کشمیر کے ہر گھر میں شہدا موجود ہیں۔ مریم نواز نے کشمیر کے شہدا کو خراج عقیدت پیش کرتے ہوئے کہا کہ کشمیر کے شہدا کو سب کا سلام، وطن کے لیے جانیں قربان کرنے والوں کو سلام، شہدا کی یادگاروں کو جلانے والوں کا احترام نہیں کریں گے، شہدا کی بے حرمتی کرنے والا ہم میں سے نہیں ہو سکتا، شہدا کے مجسموں کو توڑنے والا پاکستانی نہیں ہو سکتا۔ انہوں نے کہا کہ کوئی کتنا بھی غصے میں ہو کوئی پاکستانی ملک کو آگ لگانے کی جرأت نہیں کر سکتا، 9 مئی کو جو کچھ ہوا پورا آزاد کشمیر شرمندہ ہے، شہدا کے ساتھ ایسا سلوک کرنے والے کو قوم معاف نہیں کرے گی، وہ چھپ کر بنکرمیں بیٹھا ہے، عوام اسے نشان عبرت بنا دیں گے۔ نائب صدر ن لیگ نے کہا کہ یہ شخص ٹرمپ کے پہلو میں بیٹھ کر کشمیر کا سودا بھی کر کے آیا تھا، قوم اسے معاف نہیں کرے گی۔

پشاور:ورلڈ کراٹے آرگنائزیشن ڈبلیو کے او جاپان کے زیراہتمام ورلڈ فل کنٹکٹ کراٹے ارگنائزیشن کے تعاون سے جاپان کے شہر ٹوکیو میں 13 ویں ورلڈ کراٹے ٹورنامنٹ کا انعقاد ہورہا ہے جس میں دنیا کے 103 ممالک سے ٹیمیں شرکت کریں گے پاکستان سے بہترین ٹیم کے انتخاب کی غرض سے پاکستان ہیڈ کوارٹر چاجون کو لاہور میں ٹرائلز لئے جارہے ہیں جس میں چاروں صوبوں سے اور ازاد کشمیر گلگت بلستان سے بہترین کھلاڑی شرکت کریں گے ،میڈیا باتیں کرتے ہوئے انٹر نیشنل ریفریی وسیکرٹری جنرل پاکستان فل کنٹکٹ کراٹے فیڈریشن ( شیھان ) صاحبزادہ الھادی نے بتایا کہ ٹرائلز میں پاکستان تمام علاقوں سے بہترین کھلاڑیوں کوموقع دیاجارہا ہے تاکہ ورلڈ سطح کے مقابلوں میں پاکستانی کھلاڑی بہتر کارکردگی کا مظاہرہ پیش کرسکیں ، پاکستان ٹیم کی قیادت ورلڈ کلاس ریفری محمد ارشد جان ، انٹر نیشنل ریفری ( سنسی) صاحبزادہ الھادی اور فرہاد شنواری کریں گے یہ تینوں ورلڈ کراٹے آرگنائزیشن جاپان کے پاکستان میں نمائندے ہیں ٹیم گیار ہ اکتوبر کو پاکستان سے جاپان کے لئے روانہ ہوگیْ

اسلام آباد:آسٹریا کی جوڈو اولمپیئن ایتھلیٹ سبرینا فلزموزر نے کہا ہے کہ پاکستان خوبصورت ملک ہے جہاں جوڈو کا بے پناہ ٹیلنٹ ہے، جوڈو اولمپیئن ایتھلیٹ کی حیثیت سے آج اسلام آباد سے کے ٹو کا سفر شروع کروں گی، پاکستان میں خواتین بھی جوڈو کھیل کی طرف راغب ہو رہی ہیں۔ گزشتہ روز یہاں پریس کانفرنس سے خطاب کرتے ہوئے سبرینا فلزموزر نے کہا پاکستان میں جوڈو کھیل کو مزید فروغ دینے کی ضرورت ہے۔میں پاکستان میں جوڈو سے منسلک خواتین ایتھلیٹس کی ہر طرح سے معاونت کروں گی۔جوڈو کھیل خواتین کو جسمانی طور پر مضبوط بھی بناتاہے،سبرینافلزموزر نے کہا یوکرین اور روس کے درمیان جنگ کے دوران جوڈو فار پیس مشن کامیاب رہا۔پاکستان میں قراقرم تک سائکلنگ کروں گی۔ٹورزم کوئی آسان شوق نہیں، متعدد انجریز کا سامنا کرنا پڑتاہے،سبرینافلزموزر کاکہناتھا پاکستان کے پسماندہ علاقوں پر جا کر جوڈو کھلاڑیوں کی تلاش کرنا خواب ہے۔جوڈو کھیل انسان کو نظم و ضبط سے ز ندگی بسرکرناسکھاتاہے۔ قراقرم جاتے ہوئے ر استوں میں جوڈو کھیل بھی بچوں کوسکھاناچاہتی ہوں۔پاکستان پہلی بار آئی ہوں، قراقرم کے بارے میں بچپن سے سنتی آئی ہوں۔ انہوں نے کہا پاکستان اور بھارت کا موسم، ٹریفک اور لوگ ایک طرح کے ہیں۔پاکستان آکر مجھے بہت اچھا لگا ، آسٹرین پلیئر سبرینا فلزموزر نے کہا یہ لمحات میرے لئے یاد گار ہے۔سائیکل پر کے ٹو کے سفر کا آغاز اتوار سے کروں گی۔امید ہے کے ٹوکیلئے میرا سفر یادگار ہوگا ۔پاکستان میں جوڈو کھیل کی ترقی کیلئے ہر ممکن تعاون کروں گی ۔دنیا میں امن کیلئے جوڈو فار پیس مشن شروع کیا ہے ۔ سبرینا فلزموزر نے کہا کے ٹو کے سفر کے آغاز کیلئے بہت پرجوش ہوں۔جولائی کے آخر تک کے ٹو مشن پورا کرنے کیلئے پرامید ہوں ۔

ایف آئی اے اور قانون نافذ کرنے والے ادارے متحرک ہو گئے۔سانحہ 9 مئی میں ملوث شر پسند عناصر کے خلاف کاروائیاں تیز کر نے کا فیصلہ کر لیا گیا۔سانحہ 9 مئی میں ملوث وکلا اور سوشل میڈیا کی آڑ میں انتشار پھیلانے والے شرپسند عناصر کی نشان دہی کے بعد ان کی لسٹیں مرتب کر کے متعلقہ ادروں کے حوالے کر دی گی جبکہ کے قانوں نافذ کر نے والے اداروں کی جانب سے میڈ یا ہاوسز سے 9 مئی کو کوریج کرنے والے صحافیوں کے نام بھی مانگ لیے تاکہ ان کہ نام کو لسٹسے خارج کیا جا سکے 9 مئی کے واقعات مین 40 ہزار لوگوں کا نام آیا تھا جناح ہاؤس اور کورکمانڈر کے گھر پر دھاوا بولنے والوں کے گرد بھی گھیرا تنگ کر دیا گیا ۔ لاہور میں سے 1267 مرد و خواتین کی نشاندہی کےبعدکاررواٸی کے لٸے ٹیمیں تشکیل دے دی گئی