Category تازہ ترین

سابق وزیراعلیٰ پنجاب چوہدری پرویز الٰہی کے ترجمان اقبال چودھری کوپولیس نے گرفتار کرلیا۔ترجمان اقبال چودھری سابق وزیراعلیٰ چودھری پرویز الٰہی کی عدالت میں پیشی کے سلسلے میں سیشن کورٹ گوجرانوالہ آئے تھے۔انہیں پولیس نے سیشن کورٹ کے احاطے سے گرفتارکر لیا، یاد رہے کہ کل عدالت نے ترقیاتی منصوبوں میں کرپشن کے کیس میں پرویز الٰہی کو بری کیا تھا جس کے فوری بعد پولیس نے انہیں دوسرے مقدمے میں گرفتار کرلیاتھا

9مئی کو جی ایچ کیو راولپنڈی پر حملہ کرنے والے شرپسندوں کے ایک اور سرغنہ کی شناخت ہو گئی،سرغنہ عاطف محمود قریشی پی ٹی آئی نائب صدر راولپنڈی نکلا۔
عاطف محمود قریشی محلہ قریشیاں صیحام راولپنڈی کا رہائشی ہے، اس نے موقع پر پیٹرول بم بنا کر جی ایچ کیو کے مرکزی دروازے کی طرف پھینکے۔عاطف محمود کا ریاست مخالف نعرے بازی اور توڑ پھوڑ میں مرکزی کردار سامنے آ گیا، جی ایچ کیو پر حملہ اور فوج مخالف نعرے بازی پر عاطف محمود کے خلاف قانونی گھیرا تنگ ہو گیا ہے۔

نیویارک : جلد ہی ماں بننے والی الیانا ڈی کروز نے آخر کار ایک تصویر میں اپنے بوائے فرینڈ کی جھلک شیئر کر دی۔ میڈیا رپورٹ کے مطابق جب سے الیانا نے اپنے حمل کی خبر شیئر کی ہے، مداحوں میں والد کے بارے میں جاننے کے لیے تجسس ہے۔ اداکارہ نے آج سے پہلے، میں تیرا ہیرو کے کیپشن کے ساتھ ساحل سمندر کی ایک تصویر شئیر کردی ۔ کیپشن میںبے بی مون کا بھی ذکر کیا ہے ۔ ادکارہ نے انسٹاگرام اسٹوری پر ایک اور تصویر بھی پوسٹ کی جس میں اپنی انگھوٹھیوں کو نمایاں کرتے ہوے ایک آدمی کا ہاتھ پکڑے ہوئے ہیں۔ اس تصو یر کے کیپشن میں اداکارہ نے لکھامیرا رومانس کا خیال مجھے سکون سے کھانے بھی نہیں دے سکتا۔

منی پور ( آن لائن ) بھارتی ریاست منی پور میں نسل کشی کا بازار گرم، بھارت میں الگ ریاست کے مطالبات زور پکڑ گئے۔بھارت کی ریاست منی پور میں نسلی تصادم شدت اختیار کر گئے۔ میڈیا رپورٹس کے مطابق کشیدہ صورتحال کے باعث 70 سے زائد افراد ہلاک، سینکڑوں زخمی اور 30 ہزار بے گھر ہو چکے ہیں ،بھارتی فوج نے تقریباً 10,000 فوجیوں اور فوجی دستوں کی بھاری نفری تعینات کردی۔مْودی نے یہ ثابت کردیا کہ اس کے نزدیک انسانی جانوں کی کوئی قدر وقیمت نہیں،مْودی سرکار نے ریاست میں انٹرنیٹ سروسز تقریباََ 30 لاکھ آبادی کے لیے 5دنوں تک معطل کر کے دفعہ 144 کا اطلاق بھی نافذ کر دیا گیا۔28 مئی 2023 کی رات تقریباً 2 بجے مودی سرکار کی ایما پر شرپسندوں نے منی پور کے 5 علاقوں (سیکمائی، سوگنو، کمبی، پھتینگ اور سیرو) پر حملہ کیاحملے میں 1 پولیس اہلکار سمیت 5 افراد جاں بحق جبکہ 12 زخمی ہوئے ۔بھارت کی ہندو قوم پرست جماعت بی جے پی کی سربراہی میں حکومت نے کرفیو کے نفاذ کے لیے ”Shoot at sight” کے احکامات جاری کر رکھے ہیں ۔منی پور کی اس کشیدہ صورتحال کے باعث30 ہزار سے زائد شہری قریبی ریاستوں میں پناہ لینے پر مجبور ہو چکے ہیں جھڑپوں نے جنگ جیسی صورتحال کی شکل اختیار کر لی ہے۔ویڈیو اور تصاویر میں مشتعل ہجوم نے املاک کو آگ لگا دی۔ عینی شاہدین نے CNN کو بتایا کہ گھروں اور گرجا گھروں کو بھی جلا دیا گیا ۔امپھال کے ایک نوجوان قبائلی رہنما نے CNN سے بات کی اور کہا کہ ہمارے گھر میں توڑ پھوڑ کی گئی جس سے ہم فوجی کیمپ میں رہنے پر مجبور ہوئے۔ ” بدقسمتی سے یہاں جو کچھ ہو رہا ہے اس سے معلوم ہوتا ہے کہ ان حملوں کا ایک بہت ہی منظم منصوبہ بنایا گیا ہے۔بی جے پی مسلسل امتیازی سلوک میں مصروف ہے جو مذہبی اور دیگر اقلیتوں کو نشانہ بنا رہی ہے جبکہ یہ بنیادی انسانی حقوق کی کھلم کھْلا خلاف ورزی ہے۔کانگریس پارٹی نے بی جے پی حکومت پر الزام لگایا ہے کہ وہ اس نسلی بحران کو حل کرنے کے بجائے خطے میں جنگ کے خطرات بڑھانے کی سازش کر رہی ہے

منی پور ( آن لائن ) بھارتی ریاست منی پور میں نسل کشی کا بازار گرم، بھارت میں الگ ریاست کے مطالبات زور پکڑ گئے۔بھارت کی ریاست منی پور میں نسلی تصادم شدت اختیار کر گئے۔ میڈیا رپورٹس کے مطابق کشیدہ صورتحال کے باعث 70 سے زائد افراد ہلاک، سینکڑوں زخمی اور 30 ہزار بے گھر ہو چکے ہیں ،بھارتی فوج نے تقریباً 10,000 فوجیوں اور فوجی دستوں کی بھاری نفری تعینات کردی۔مْودی نے یہ ثابت کردیا کہ اس کے نزدیک انسانی جانوں کی کوئی قدر وقیمت نہیں،مْودی سرکار نے ریاست میں انٹرنیٹ سروسز تقریباََ 30 لاکھ آبادی کے لیے 5دنوں تک معطل کر کے دفعہ 144 کا اطلاق بھی نافذ کر دیا گیا۔28 مئی 2023 کی رات تقریباً 2 بجے مودی سرکار کی ایما پر شرپسندوں نے منی پور کے 5 علاقوں (سیکمائی، سوگنو، کمبی، پھتینگ اور سیرو) پر حملہ کیاحملے میں 1 پولیس اہلکار سمیت 5 افراد جاں بحق جبکہ 12 زخمی ہوئے ۔بھارت کی ہندو قوم پرست جماعت بی جے پی کی سربراہی میں حکومت نے کرفیو کے نفاذ کے لیے ”Shoot at sight” کے احکامات جاری کر رکھے ہیں ۔منی پور کی اس کشیدہ صورتحال کے باعث30 ہزار سے زائد شہری قریبی ریاستوں میں پناہ لینے پر مجبور ہو چکے ہیں جھڑپوں نے جنگ جیسی صورتحال کی شکل اختیار کر لی ہے۔ویڈیو اور تصاویر میں مشتعل ہجوم نے املاک کو آگ لگا دی۔ عینی شاہدین نے CNN کو بتایا کہ گھروں اور گرجا گھروں کو بھی جلا دیا گیا ۔امپھال کے ایک نوجوان قبائلی رہنما نے CNN سے بات کی اور کہا کہ ہمارے گھر میں توڑ پھوڑ کی گئی جس سے ہم فوجی کیمپ میں رہنے پر مجبور ہوئے۔ ” بدقسمتی سے یہاں جو کچھ ہو رہا ہے اس سے معلوم ہوتا ہے کہ ان حملوں کا ایک بہت ہی منظم منصوبہ بنایا گیا ہے۔بی جے پی مسلسل امتیازی سلوک میں مصروف ہے جو مذہبی اور دیگر اقلیتوں کو نشانہ بنا رہی ہے جبکہ یہ بنیادی انسانی حقوق کی کھلم کھْلا خلاف ورزی ہے۔کانگریس پارٹی نے بی جے پی حکومت پر الزام لگایا ہے کہ وہ اس نسلی بحران کو حل کرنے کے بجائے خطے میں جنگ کے خطرات بڑھانے کی سازش کر رہی ہے

اسلام آباد: سابق وزیر اعلیٰ پنجاب اور تحریک انصاف پنجا ب کے صدر چوہدری پرویز الہی نے کہا ہے کہ میں اللہ تعالیٰ کو حاضر ناظر سمجھ کر یہ بات کر رہا ہوں کہ میں بے گناہ ہوں ۔ ایک ویڈ یو پیغام میں انہوں نے کہا کہ مجھے اپنی عدلیہ پر پورا بھروسہ ہے اور جہاں تک افواج پاکستان کا تعلق ہے میں ہمیشہ سے پاک فوج کا حامی رہا ہوں لیکن ان کے لئے لمحہ فکریہ ہے کہ ان کے ارد گرد بیٹھے لو گ ملک کو کس طرف لے کر جار ہے ہیں ۔ انہوں نے کہا کہ میر ا تما م پی ٹی آئی کارکنان اور رہنمائوں کو یہ پیغام ہے کہ وہ ڈٹے رہیں آپ حق سچ پر ہیں آپ نے پہچھے نہیں ہٹنا فتح آپ کی ہے ۔

جڑانوالہ :پاکستان علما کونسل کے چیئرمین حافظ طاہر محمود اشرفی نے کہا کہ علما و مشائخ پاکستان کے ساتھ ہیں کسی پارٹی کے ساتھ نہیں ہیں،یوم تکریم کے موقع پر عمران خان نے شہداء کی تکریم نہیں کی،چیئرمین پی ٹی آئی کردیں ویسے عمران خان نہیں کریں گے۔انہوں نے کہا کہ ہم نے کبھی ریاست سے کچھ نہیں مانگا، صرف خدمت کی ہے،وہ استحکام پاکستان و علما مشائخ کانفرنس سے خطاب کررہے تھے۔انہوں نے کہا کہ پاکستان کلمہ طیبہ کی بنیاد پر قائم ہوا ہے اور قیامت کی صبح تک قائم رہے گا،اس کو عدم استحکام کا شکار کرنے کی جو اندرونی و بیرونی سازشیں ہورہی ہیں وہ ہمارے جسم میں خون کا آخری قطرہ ہونے تک کامیاب نہیں ہوسکتیں،ہمارے شہیدوں نے مٹی اور عوام کی حفاظت کیلئے جان دی اسلئے شہدا کی بے حرمتی کا کوئی محب وطن پاکستانی تصور بھی نہیں کر سکتا،شہید کا باپ کہتا ہے شہید بیٹے کی یادگار کوتوڑنے پر رویا ہوں، دوسرے شہید کا بیٹا کہتا ہے کہ ان کے باپ نے اسلئے فرض کی راہ میں جام شہادت نوش کیا کہ ان کی یادگاروں کی بے حرمتی کی جائے، جن جوان بہنوں، بیٹیوں کے سہاگ وطن کی خاطر اجڑ گئے وہ ہم سے بھیگی آنکھوں کے ساتھ سوال کرتی ہیں کہ یہ کیا کھیل کھیلا جارہا ہے مگر ہم شرمندگی سے ان کے ساتھ آنکھیں نہیں ملا پا رہے، اتنی جرات تو کبھی ہمارے دشمن کو نہیں ہوئی تھی جتنی سیاست کی آڑ میں دہشت گردی کرنیوالے ٹولہ کو ہوئی ہے۔انہوں نے کہا کہ اب رونے کی باری ان کی ہے جنہوں نے ملک و قوم سے غداری کی ہے،قوم پوچھتی ہے کہ قائداعظم کی رہائش گاہ جناح ہاؤس و کور کمانڈر ہاؤس میں مسجد کو کیوں جلایا گیا،ہمیں وطن اور دین اپنی جان سے زیادہ عزیز ہیں،مسلمان جتنا بھی جذباتی ہو قرآن اور مسجد کو دیکھ کر ٹھہر جاتا ہے،یہ ایک منظم پلاننگ تھی کہ فوج اور شہدا کی یادگاروں پر حملہ آور ہونگے توفوج ری ایکٹ کرے گی اور لاشیں گریں گی پھر یہ لاشوں پر سیاست کریں گے لیکن ہم چیف آف آرمی سٹاف کو صبر و تحمل پر خراج تحسین پیش کرتے ہیں کہ انہوں نے اس وقت جوش کی بجائے دانشمندی سے کام لیا،فیصل آبادشہر میں دیگر دفاتر بھی ہیں مگر حساس ادارے کو ہی نشانہ کیوں بنایا گیااسلئے کہ ملک و اسلام دشمن سازشوں کو یہی ناکام بناتے ہیں تاہم اب ملک میں ریفرنڈم ہو گیا کہ ایک طرف پوری قوم ہے اور دوسری جانب دہشت گرد ہیں جبکہ محب وطن پاکستانی جناح ہاؤس اور جی ایچ کیو پر حملہ کرنے والوں کو لٹکتا دیکھنا چاہتے ہیں۔جبکہ اب وقت آگیا ہے کہ چیف جسٹس آف پاکستان تاریخ میں اپنے نام کو بلند کریں اور ایسافیصلہ دے کر جائیں کہ جو دہشت گرد ہیں ان کے سپیڈی ٹرائل ہوں اور سالوں یا مہینوں نہیں بلکہ ہفتوں میں ان کے فیصلے ہوں تاکہ ملک دشمن اپنے انجام کو پہنچیں اور دوبارہ کسی کو ایسا کرنے کی جرات نہ ہوسکے۔انہوں نے کہا کہ دہشت گردی میں بھی جلد از جلد ٹرائل ہونے چاہئیں نیزاب قوم برداشت نہیں کرے گی کہ کوئی مجرموں کا سہولت کار بن جائے۔طاہر محمود اشرفی نے کہا کہ ہم ریاستی اداروں سے مطالبہ کرتے ہیں کہ مجرموں کو کیفر کردار تک پہنچایا جائے۔انہوں نے کہا کہ نوجوان جذبات میں آکر ایسا کوئی قدم نہ اٹھائیں جو وطن و دین اور غیرت کے مخالف ہو،آرمی ایکٹ کے تحت عدالتوں میں دیگر عدالتوں سے بہتر انصاف ہوگا۔انہوں نے کہا کہ کیا ان شہدا کے ورثا کا کوئی حق نہیں جن کے شہیدوں کی تصویروں کو رونداگیا اور اس پر صرف ہندوستان اور اسرائیل خوش ہو رہا ہے لیکن ہم سب یکجان ویک زبان ہوکراپنے اداروں، فوج اورپاکستان کے ساتھ کھڑے ہیں۔انہوں نے کہا کہ یوم تکریم شہدائکے موقع پر قوم نے ثابت کردیا کہ وطن کے شہداکی تکریم پر کوئی آنچ نہیں آنے دیں گے۔انہوں نے کہا کہ کسی سیاسی اشو پر پرامن احتجاج جمہوری حق ہوتا ہے اور ہم نے بھی مظاہرے کئے،گرفتاربھی ہوئے مگر شہدا کی بے توقیری نہیں کی،کبھی کسی نے جناح ہاؤس نہیں جلایا۔انہوں نے کہا کہ ہم عمران خان سے پوچھتے ہیں کہ آپ نے یوم تکریم شہدا کیوں نہیں منایا،آپ نے جناح ہاؤس میں مسجد جلانے والوں کی مذمت نہیں کی اسے کیا سمجھا جائے۔طاہر اشرفی نے کہا کہ ہم تمام بڑے شہروں میں استحکام پاکستان کانفرنسز اور سیمینارز منعقدکر رہے ہیں اور ہم عدالت میں بھی جائیں گے اور اس کیس میں مدعی بنیں گے۔انہوں نے کہا کہ پچھلے75 سالوں میں ہمارے 8 ہزار علما ئشہید ہوئے مگر ہم نے پاکستان زندہ باد ہی کہا کیونکہ پاکستان ہے تو ہم ہیں اور ہم سپہ سالارو سلامتی کے اداروں سے کہتے ہیں کہ ان کیلئے ہمارا تن من دھن حاضر ہے،ہم سرحدوں پر بھی گولی کھانے کو تیار ہیں اورفوج کی تنصیبات، شہدا کی یاد گاروں کو توڑنے والے فتنے سے نمٹ سکتے ہیں،ہم مدارس کے طلبا کو نکال لیتے توادھرکوئی کھڑا نظر نہ آتا۔انہوں نے کہا کہ عدالتوں کے باہر والدین رو رہے ہیں مگر لیڈر غائب ہیں لہٰذا ہم جذباتی نوجوانوں کو نصیحت کرتے ہیں کہ قانون اور آئین کے دائرے میں ہر کام کرو۔طاہر اشرفی نے کہا کہ جب عمران خان نے ناموس رسالتؐ پر بات کی تو سب چھوڑ کر عمران خان کے پاس گیالیکن جب آپ فوج پر حملہ آور ہونگے توآپ کا بھی احترام نہیں ہو سکے گا،آپ نے لوگوں کو گالی دینے کے علاوہ کچھ سکھایاہی نہیں۔انہوں نے کہا کہ ان کی حکومت اور قانون نافذ کرنیوالے اداروں سے بھی اپیل ہے کہ کوئی بے گناہ پکڑا نہیں جانا چاہئے اور گناہگار بچنا نہیں چاہئے لہٰذاجنہوں نے جلاؤ گھیراؤ نہیں کیا ان کیلئے بھی راستہ نکالیں مگرجنہوں نے جلاؤ گھیراؤ کیا، پلاننگ کی اور جو اس طرف لیکر آئے سہولت کاری کی ان کے خلاف کارروائی ہونی چاہئے۔انہوں نے کہا کہ ذمہ داران کو پریس کانفرنسز کے باوجود معافی نہیں ہونی چاہئے،پانچ وقت کے نمازی اور مؤذن کا قتل تو معاف نہیں کیا جا سکتا۔انہوں نے کہا کہ جب محب وطن تھے تو ریاست نے سر آنکھوں پر بٹھایا اوراب ریاست ہی سزا دے گی۔چیئرمین پاکستان علما کونسل نے کہا کہ انہوں نے عمران خان کا تو یوم تکریم شہدا پر کوئی ٹویٹ بھی نہیں دیکھا،ہم غداری و کفر کے فتوؤں کے خلاف ہیں لیکن جس کا جو جرم ہے اسے جرم کی نوعیت کے مطابق سزا ملنی چاہئے۔انہوں نے کہا کہ اس وقت پانچ لاکھ کے قریب مقدمات عدالتوں میں پڑے ہیں اس لحاظ سے لاڈلے کی بجائے تھوڑی سی توجہ دوسروں پربھی ہونی چاہیے،عدلیہ نے سیاسی مقدمات کی طرف زیادہ توجہ دی،شریعت عورت و مرد کو جرم کی سزا کا حکم دیتی ہے مگر عورت کی عزت تکریم و عصمت کا خیال رکھنا چاہئے۔انہوں نے کہا کہ میں موجودہ نظام عدل کو نہ اسلامی اور نہ انسانی مانتا ہوں۔طاہر محمود اشرفی نے کہا کہ جوایک حساس ادارے کے سامنے احتجاج کررہے ہیں ہمیں سب معلوم ہے کہ ان کے عزائم کیا ہیں،ہمارا ہر فوجی ہماری آنکھوں کا تارا ہے،نو مئی کے مجرموں سزا ملنی چاہیے،جب ریٹائر افسران کے بچے گرفتار ہوسکتے ہیں تو لوٹوں کو کیسے چھوڑا جارہا ہے،جو ملزمان ہیں انکے خلاف بروقت دہشتگردی کی عدالت میں ٹرائلز ہونے چاہئیں،نو مئی کے مجرمان کو سزا دینا ریاست کی ذمہ داری ہے،جو آرمی ایکٹ کے تحت عدالتیں بنیں گی اس میں انصاف کے تقاضے عام عدلیہ سے بہتر ادا ہوں گے۔

لاہور :مسلم لیگ ن کے رہنما کیپٹن (ر) محمد صفدر نے کہا ہے کہ غلط کیس بنانے والوں کے خلاف بھی کیس بننا چاہیے۔لاہور کی ضلع کچہری میں میڈیا سے گفتگو کرتے ہوئے محمد صفدر نے کہا کہ المیہ یہ ہے کہ میں 6 سال سے کیس بھگت رہا ہوں، ہم پورا ایک سال نیب کی عدالت میں پیش ہوتے رہے۔کیپٹن (ر) محمد صفدر نے کہا کہ جھوٹے کیس بنانے کا سلسلہ اب ختم ہونا چاہیے، میں بغاوت کا مقدمہ بھی بھگت رہا ہوں۔انہوں نے کہا کہ مجھ سے ہر دفعہ سوال ہوتا ہے کہ میاں صاحب کب آئیں گے، نواز شریف صاحب انصاف پر یقین رکھتے ہیں، یہ حکومت ہماری نہیں پی ڈی ایم کی حکومت ہے۔محمد صفدر نے کہا کہ جو کام بھارت نہیں کر سکا اس نے اپنے ایجنٹوں سے کروا دیا۔

ٹیکساس: ڈاکٹر عافیہ کی بہن ڈاکٹر فوزیہ نے امریکی مسلمانوں سے اپنی بہن عافیہ کیلئے مالی قانونی اور اخلاقی مدد فراہم کرنے کی اپیل کی ہے۔ پلانو اسلامک سینٹر میں ڈاکٹرفوزیہ اور سینیٹرمشتاق احمد نے مسلم کمیونٹی سے خطاب کرتے ہوئے کہا کہ امریکا میں جیل حکام نے بہت تعاون کیا۔ڈاکٹر فوزیہ نے کہا کہ امریکی مسلمان اپنی بہن ڈاکٹرعافیہ کیلئے فنڈ اکٹھا کرنے میں مدد کریں۔اس موقع پر سینیٹر مشتاق احمد نے کہا کہ میں اپنی بہن ڈاکٹر عافیہ سے ملنے ذاتی حیثیت میں آیا ہوں، میں پاکستانی حکومت کی نمائندگی نہیں کررہا، امریکا میں مقیم مسلمان انسانی حقوق کیلئے اپنا بھرپور کردار ادا کریں۔اس کے علاوہ ڈاکٹر عافیہ صدیقی کیلئے ٹیکساس کی پلانو مسجد میں دعا بھی کرائی گئی

اسلام آباد : قومی سلامی کمیٹی کا اجلاس ملتوی کر دیا گیا۔ تفصیلات کے مطابق وزیراعظم شہباز شریف نے قومی سلامتی کمیٹی کا اجلاس جمعہ کو طلب کر رکھا تھا تا ہم وزیراعظم نے رجب طیب اردوان کی صدارتی حلف برداری کی تقریب کیلئے ترکیہ روانہ ہو نا تھا جس کی وجہ سے قومی سلامتی کمیٹی کا جمعہ کو ہونے والا اجلاس ملتوی کر دیا گیا۔