Category پاکستان

مصر کے قومی ادارہ برائے فلکیات و جیو فزیکل ریسرچ کے سربراہ ڈاکٹر جاد القاضی کا کہنا ہے کہ فلکیاتی حسابات کے مطابق شوال کا مہینہ 29 دن کا ہو سکتا ہے۔ان کا کہنا تھا کہ ذی القعدہ 1444ھ اگلے اتوار کو شروع ہو گا، اس صورت میں عیدالاضحی 27 جون کو ہوگی۔ڈاکٹر جاد القاضی کا کہنا تھا کہ 29 شوال 5بج کر 54 منٹ پر ذی العقد کا چاند نظر آنے کا امکان ہے لیکن بعض عرب اور اسلامی ممالک میں غروب آفتاب کے بعد نیا چاند ابھی پیدا نہیں ہو ا ہو گا۔ان کا کہنا تھاکہ مکہ مکرمہ میں چاند غروب آفتاب سے تین منٹ پہلے غروب ہو جائے گا جبکہ قاہرہ میں نیا چاند غروب آفتاب کے ایک منٹ بعد تک رہے گا۔پاکستان میں عیدالاضحی 28 جون کو ہونے کا امکان ظاہر کیاگیا ہے لیکن حتمی فیصلہ پاکستان کی رویت ہلال کمیٹی کے ذی الحج کے چاند دیکھنے کے بعد ہی ہو گ

لاہور کےعلاقے ہال روڈ میں آگ لگنے کے باعث 3 دکانیں جل کر خاکستر ہوگئیں ریسکیو کی ٹیمیں آگ بجھانےموقع پر پہنچ گئیں ۔واقعے کی اطلاع ملتے ہی ریسکیو آپریشن کی ٹیمیں موقع پر پہنچ گئی۔آگ شارٹ سرکٹ کے باعث لگی تھی، آگ کی وجہ سے موبائل اور بیٹری کی دکانیں جل کرراکھ ہوگئیں

اسلام آباد:آئی ایم ایف نے کہا ہے کہ پاکستان میں ہونے والی حالیہ پیش رفت کا جائزہ لے رہے ہیں،امید ہے آگے بڑھنے کا ایک پر امن راستہ تلاش کیا جائے گا، نمائندہ آئی ایم ایف ایستر پیریزنے اپنے ایک بیان میں کہا ہے کہ اہم بیرونی شراکت داروں کی جانب سے پاکستان کی مالی معاونت کے اعلان کا خیر مقدم کرتے ہیں،آئی ایم ایف بقیہ ضروری فنانسنگ کی یقین دہانیاں حاصل کرنے کا منتظر ہے،نویں اقتصادی جائزے میں نظرثانی شدہ پالیسی فریم ورک پر عمل درآمد اہم ہوگا،فروری میں پیش کردہ منی بجٹ، توانائی کی قیمتوں میں ایڈجسٹمنٹ اہم اقدامات ہیں،درآمدی پابندیوں میں کمی، مارکیٹ بیسڈ ایکسچینج ریٹ، کمزور طبقے کی مدد معاشی استحکام کیلئے اہم ہیں، شراکت داروں کی جانب سے مالی اعانت میکرو اکنامک استحکام کے دوبارہ حصول کیلئے کلیدی ہے۔

لاہور: لاہور ہائیکورٹ نے پاکستان تحریک انصاف (پی ٹی آئی) کی گرفتار 17 خواتین کی نظربندی کا فیصلہ معطل کرتے ہوئے فوری رہا کرنے کا حکم دے دیا۔

لاہور ہائیکورٹ کے جسٹس صفدر سلیم شاہد نے خواتین کی بازیابی کی درخواست پر محفوط فیصلہ سنا دیا۔

عدالت نے لبرٹی سے گرفتار پی ٹی آئی کی 17خواتین کی نظر بندی کا فیصلہ معطل کرتے ہوئے تمام خواتین کو فوری رہا کرنے کا حکم دے دیا۔

سرکاری وکیل نے بتایا کہ 3 خواتین کو گزشتہ رات رہا کردیا گیا۔

درخواست گزار سکندر ذوالقرنین کے وکیل نے مؤقف اختیار کیا کہ تینوں خواتین کے والد کی وفات کے باعث رہائی عمل میں آئی، گرفتار صنم جاوید، علیشہ علی، قدسیہ اکبر سمیت 17 خواتین پی ٹی آئی کی متحرک کارکن ہیں، عمران خان کی گرفتاری کے بعد ان خواتین کو نظر بند کردیا گیا۔

درخواست میں کہا گیا ہے کہ آئین پاکستان پرامن احتجاج کرنے کا حق ہر شہری کو دیتا ہے، پرامن احتجاج کرنے پر خواتین کو نظربند کرنا آئین کے خلاف ہے۔

درخواست گزار نے استدعا کی کہ عدالت ڈپٹی کمشنر کا نظر بند کرنے کا حکم کالعدم قرار دے، نظربند خواتین کو رہا کرنے کا حکم دیا جائے۔ 

ایک بیان میں منظور وسان کا کہنا تھا کہ رواں ماہ مئی کا آخری ہفتہ بڑا خطرناک نظر آرہا ہے، بہت کچھ ہونے والا ہے، عمران خان کا بظاہر کھیل ختم ہوتا جا رہا ہے جبکہ پی ڈی ایم کا ارادہ تھا کہ حکومت اپنی مدت پوری کر کے 8 اکتوبر کو الیکشن کرائے۔

انہوں نے کہا کہ اب ملک کے حالات ایسے ہیں کہ رواں سال الیکشن ہوتے نظر نہیں آ رہے، ہو سکتا ہے کہ ملک میں کولیشن حکومت بنے اور یہ بھی ہو سکتا ہے کہ آئین میں ترمیم کر کے الیکشن مزید ایک سال کیلئے آگے بڑھائے جائیں۔

پی پی رہنما کا کہنا تھا کہ سیاستدانوں کو تحمل اور تدبر کے ساتھ سوچ سمجھ کر فیصلے لینے چاہیے، عمران خان کے پاس وقت تھا مگر انہوں نے وہ بھی ضائع کر دیا، پی ٹی آئی اب پہلے جیسی پارٹی نہیں رہے گی، الیکشن میں بھی چند لوگ ہی کھڑے ہوں گے۔

اسلام آباد: ملک میں مہنگائی میں اضافے کا رجحان بدستور جاری ہے اور سالانہ بنیادوں پر مہنگائی کی شرح 48.02 فیصد کی ریکارڈ سطح پر پہنچ گئی ہے۔وفاقی ادارہ شماریات کی جانب سے جاری کردہ مہنگائی کی ہفتہ وار رپورٹ کے مطابق حالیہ ایک ہفتے کے دوران آٹا، چینی، گائے اور مرغی کے گوشت، انڈوں، دالوں، دودھ اور دہی سمیت بنیادی ضروریات زندگی کی23 اشیاء￿ مہنگی ہوئیں جبکہ 7 کی قیمتوں میں کمی آئی اور 21 اشیائے ضروریہ کی قیمتوں میں استحکام رہا۔ادارہ شماریات کے مطابق ایک ہفتے میں ٹماٹر کی قیمتوں میں 6.32 فیصد، گڑ3.41 فیصد، آٹا فیصد، چائے 2.66 فیصد،آلو2.14 فیصد،خشک دودھ 1.91 فیصد،انڈے 1.83 فیصد، باسمتی ٹوٹا چاول1.42 فیصد، دال مسور1.19 فیصد، بیف1.18 فیصد اور واشنگ سوپ کی قیمتوں میں1.04 فیصد اضافہ ہوا۔اسی طرح ایک ہفتے کے دوران پیاز کی قیمتوں میں9.40 فیصد،چکن کی قیمتوں میں2.25 فیصد،ایل پی جی کی قیمتوں میں1.51 فیصد، لہسن کی قیمتوں میں1.39 فیصد، دال چنا کی قیمتوں میں0.13 فیصد اور سرسوں کے تیل کی قیمتوں میں0.05 فیصد کمی واقع ہوئی۔اعدادوشمار میں بتایا گیا ہے کہ حالیہ ہفتے کے دوران حساس قیمتوں کے اشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کے لیے مہنگائی کی شرح میں43.67 فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کے لیے مہنگائی کی شرح میں47.61فیصد اضافہ ہوا۔اسی طرح 22 ہزار 889 روپے سے 29 ہزار 517 روپے ماہانہ تک آمدنی رکھنے والے طبقے کے لیے مہنگائی کی شرح میں46.96فیصد، 29 ہزار 518 روپے سے 44 ہزار 175 روپے ماہانہ تک آمدنی رکھنے والے طبقے کے لیے مہنگائی کی شرح 46.99فیصد رہی جبکہ 44 ہزار 176روپے ماہانہ سے زائد آمدنی رکھنے والے طبقے کے لیے گرانی کی شرح 49.43فیصد رہی۔

اسلام آباد: ایف آئی اے کے ڈائریکٹر وقار احمد چوہان کو ڈائریکٹر جنرل قومی احتساب بیورو (نیب) تعینات کر دیا گیا۔

اسٹیبلشمنٹ ڈویژن کی جانب سے وقار احمد چوہان کی تعیناتی کا نوٹیفکیشن جاری کر دیا گیا۔

واضح رہے کہ پولیس سروس کے گریڈ 20 کے وقار احمد چوہان وفاقی تحقیقاتی ادارے (ایف آئی اے) میں خدمات سرانجام دے رہے ہیں۔

سابق وزیراعظم عمران خان اسلام آباد ہائیکورٹ سے براہ راست بنی گالہ جائیں گے، عمران خان نے بنی گالہ میں قیام کا فیصلہ وکلاء کی تجویز کے بعد کیا، تحریک انصاف کے وکلاء نے تجویز دی ہے کہ عدالتی احکامات کے بعد اسلام آباد میں رہنا زیادہ موزوں ہے۔

دوسری جانب اسلام آباد ہائیکورٹ نے عمران خان کو ملک بھر میں درج کسی بھی مقدمے میں پیر تک گرفتار نہ کرنے کا حکم دیا ہے، عمران خان کمرہ عدالت میں موجود ہیں، تحریری حکم نامہ ملنے پرعدالت سے بنی گالہ روانہ ہوں گے۔

لاہور: چیئرمین تحریک انصاف عمران خان کی گرفتاری کے بعد سے کشیدگی اور موجوہ سیاسی صورتحال کے باعث لاہور کے سرکاری خزانے کو 4 روز میں 7 ارب کا نقصان برداشت کرنا پڑا ہے۔

ہنگاموں اور امن و امان کی خراب صورتحال کے باعث لاہور سمیت صوبہ بھر کے کمشنرز اور ڈی سی دفاتر میں روزانہ کی سرکاری کارروائیاں تعطل کا شکار ہیں، 9 ڈویژنل کمشنرز اور 36اضلاع کے ڈپٹی کمشنرز نے روز مرہ کی سرگرمیاں معطل کر دی ہیں، لاہور کے کمشنر آفس اور ڈی سی آفس میں افسران کی حاضری نہ ہونے کے برابر ہے، کمشنر و ڈی سی آفس میں انٹرنیٹ سروس بند ہونے کے باعث ہزاروں سائلین کو مشکلات کا سامنا کرنا پڑ رہا ہے۔

گزشتہ چار روز میں 5 ہزار رجسٹریوں کا اجراء بھی تعطل کا شکار ہے، 5 ہزار سے زائد آن لائن فردوں کا اجراء نہیں ہو سکا، سینکڑوں اسلحہ لائسنسوں کی فیس کی ادائیگی بھی روک دی گئی ہے جس کے باعث سینکڑوں اسلحہ لائسنس جاری نہیں ہو سکے، ڈینگی اور پولیو مہم بھی سست روی کا شکار ہے جس کے باعث افسران میں تشویش پائی جارہی ہے۔

کاشتکاروں کو آن لائن گندم خریداری کی ادائیگیاں کرنے میں بھی دقت کا سامنا کرنا پڑ رہا ہے، شہر میں سینکڑوں تعمیرات کے نقشوں کی آن لائن فیس کی ادائیگیاں بھی تعطل کا شکار ہیں، چار روز سے تجاوزات کے خلاف آپریشن بھی معطل ہو کر رہ گیا ہے، چار روز میں 216 پارکنگ سائیٹس سے صرف 20 فیصد ریونیو جنریٹ ہو سکا ہے، شہر کے ریونیو اور ٹیکس کی مد میں لاہور کو 7 ارب کے خسارہ کا سامنا کرنا پڑا ہے۔

کمشنر لاہور محمد علی رندھاوا کا کہنا ہے کہ شہر میں حالات بہتر ہونے کی صورت میں کام جلد شروع ہو جائیں گے، کمشنر و ڈی سی لاہور ہدایات کے مطابق ضروری میٹنگز صرف کیمپ آفس میں کر رہے ہیں۔ 

کراچی: (دنیا نیوز) صوبائی وزیر شرجیل انعام میمن نے کہا ہے کہ عمران خان کو گرفتار ہوئے ایک دن بھی نہیں ہوا اور سپریم کورٹ نے کہہ دیا اس کو بلاؤ، ہم بھی کورٹ سے گرفتار ہوئے ہمارے لیے تو کسی نے نہیں کہا۔

اپنے ایک بیان میں شرجیل میمن نے کہا ہے کہ تمام واقعات کا ذمہ دار عمران خان ہے، ہر ایف آئی آر میں عمران خان کو شامل کیا جائے، سپریم کورٹ نے کہا ہے عمران خان کو ایک گھنٹے میں پیش کیا جائے، عمران خان ابھی جوڈیشل ریمانڈ میں ہے۔

صوبائی وزیر نے کہا کہ آج تک ریمانڈ کے درمیان کسی کو بلایا گیا ہے؟، یہ کیا ہو رہا ہے؟، لاڈلے کیلئے ملک کے قانون اور آئین کی دھجیاں اڑائی گئیں، اگر عمران خان کی گرفتاری جائز اور قانونی ہے تو ریمانڈ تو پورا ہونے دو، یہ تمام چیزیں لمحہ فکریہ ہیں۔