Category پاکستان

(میڈیا پاکستان):اسٹیبلشمنٹ ڈویژن کی جانب سے نئے آئی جی پنجاب تعیناتی کا نوٹیفکیشن جاری کردیا گیا۔نوٹیفیکیشن کے مطابق کیپٹن (ر)عثمان خٹک انسپکٹر جنرل پنجاب تعینات کردیے گئے۔

کیپٹن ریٹائرڈ عثمان خٹک پولیس سروس کے12ویں کامن سے تعلق رکھتے ہیں۔ نئے تعینات ہونے والے آئی جی پنجاب عثمان خٹک 1957 میں اٹک میں پیدا ہوئے۔ انہوں نے 1983 میں اے ایس پی کے عہدے کے طور پرپولیس میں ملازمت شروع کی۔

عثمان خٹک ڈیرہ غازی خان میں ایس پی رہنے کے بعد ٹوبہ ٹیک سنگھ اور نارووال میں بھی بطور ایس پی اپنی خدمات انجام دے چکے ہیں۔ کیپٹن ریٹائرڈ عثمان خٹک کچھ عرصہ ڈی آئی جی ٹریفک لاہور بھی تعینات رہے۔ انسپکٹر جنرل پنجاب کیپٹن ریٹائرڈ عثمان خٹک یکم نومبر 2017 کو ریٹائر ہورہے ہیں۔

(میڈیا پاکستان):سیکرٹری ایکسائز کی زیرصدارت ڈائریکٹرزکانفرنس، ناقص کارکردگی اورریکوی کا ہدف پورا نہ کرنے پرتین ڈائریکٹرز کی سرزنش، پندرہ ای ٹی اوزکو شوکاز نوٹس جاری کردیا گیا۔

سیکرٹری ایکسائز کی زیرصدارت ٹرانسپورٹ ہاؤس میں ڈائریکٹرز کانفرنس کا انعقاد کیا گیا جس میں ڈی جی ایکسائز اکرم اشرف گوندل ،ایڈیشنل ڈی جی مسعودالحق سمیت پنجاب بھرکےڈائریکٹر نے شرکت کی- سیکرٹری ایکسائز ڈاکٹراحمد بلال نے ڈائریکٹر زکانفرنس میں گزشتہ سال کی کارکردگی کا جائزہ لیا گیا اور نئے مالی سال کے اہداف بھی مقرر کیے ۔

سیکرٹری ایکسائزکی جانب سے ناقص کارکردگی پرڈائریکٹر فیصل آباد رانا انتخاب ، ڈائریکٹر ساہیوال احمد سعید ڈائریکٹر ملتان کی سرزنش کی گئی جبکہ 15ای ٹی اوزکوناقص کارکردگی پرشوکازنوٹس جاری کیے گئے ۔ریکوری میں پہلے10نمبرز پرآنےوالوں کونقدی انعام دیئے جائیں گے اور تعریفی اسناد بھی جاری کی جائیں گی۔

(میڈیا پاکستان): پرائیویٹ ہاؤسنگ سوسائٹیز میں قبرستان کی جگہ مختص کرنے کیلئے نئی قانون سازی کا فیصلہ کر لیا گیا ، دوسری جانب قبرستان کے لیے لینڈ مختص نہ کرنے والی پرائیویٹ ہاؤسنگ سوسائٹیز کے خلاف وزیر اعلیٰ پنجاب نے شہر اور پنجاب بھر کی تمام پرائیویٹ سوسائٹیز کی چھان بین کا حکم دے دیا۔

شہر خموشاں منصوبے کے پیش نظر وزیر اعلیٰ پنجاب کی جانب سے محکمہ ہاؤسنگ پنجاب اور لوکل گورنمنٹ ڈیپارٹمنٹ کو نئے احکامات جاری کیے گئے ہیں کہ شہر سمیت پنجاب کے دیگر اضلاع میں قائم پرائیویٹ سوساٹیز کی رپورٹ مرتب کی جائے جہاں قبرستان کے لیے جگہ مختص نہ ہو۔ وزیر اعلیٰ پنجاب نے سات روز میں رپورٹ طلب کرلی ہے۔ محکمہ ہا ؤسنگ پنجاب نے وزیر اعلیٰ کے احکامات پر لاہور ڈویلپمنٹ اتھارٹی سمیت پنجاب کی دیگر اتھارٹیز کو مراسلہ جاری کر دیا۔

پنجاب میں ہا ؤسنگ اسٹینڈرڈ کے مطابق پرائیویٹ سوسائٹیز کو دو فیصد زمین قبرستان کے لیے مختص کرنا ہوتی ہے۔ اتھارٹیز متعلقہ سوساٹیز کے نقشہ جات اور پلاننگ سے رپورٹ مرتب کریں گے۔

ذرائع کا کہنا ہے کہ اگر کسی سوسائٹی میں قبرستان کی جگہ مختص نہ کی گئی تو اس سوسائٹی کی انتظامیہ اور متعلقہ اتھارٹیز کے افسران کے خلاف مقدمہ اور منظوری دینے پر کارروائی کی جائے گی ۔دوسری جانب پنجاب حکومت کی جانب سے پرائیویٹ ہاوسنگ سوسائٹیز میں قبرستان کے لیے جگہ مختص کرنے پر نئی قانون سازی کی جارہی ہےکہ اب پرائیویٹ سوسائٹیز میں قبرستان کے لیے دو کی بجائے تین فیصد زمین مختص کرنے پر سمری تیاری کی جارہی ہے۔ وزیر اعلیٰ کی منظوری کے بعد ہر نئی تعمیر پرائیویٹ سوسائٹی قبرستان کے لیے تین فیصد جگہ مختص کرے گی۔

(میڈیا پاکستان) مون سون کی بارشوں سےدریاؤں میں پانی کی سطح بلند ہونے لگی، ممکنہ سیلابی صورتحال سے بچنے کے لیے لاہور میں کسی قسم کے اقدامات نہیں کیے گئے۔

ذرائع کے مطابق دریائے راوی کےقریب چوہنگ اور موہلنوال کے نشیبی دیہات ہمیشہ ہی سیلاب کی زد میں آتے ہیں ، سیلاب کم ہو یا زیادہ یہ گاؤں پانی میں ڈوبتے ہی ہیں ،یہاں کم نشیبی علاقوں میں منو وال، خود پور اور اسکے ساتھ کی کچی بستیاں شامل ہیں، دریا کنارے موجود کشتی دریا پار دیہات میں آمدورفت کے لیے استعمال کی جاتی ہے۔

دریا سے ملحقہ سب سے زیادہ نشیبی علاقہ دریائی گزرگاہ ہونے کے باعث سیلابی پانی سب سے پہلے یہاں ہی پہنچتا ہے، پھر یہاں سے ہوتا ہوا تین کلو میٹر دورآگے آبادیوں تک جا پہنچتا ہے۔

ان نشیبی علاقوں میں بھینی، کھوکھراں دا واڑا، ٹھٹھہ نولاں، لوہاراں دا کھوہ، ڈھانا، بھینی ، شاہ پور اور دیگر دیہات شامل ہیں۔

ممکنہ سیلاب کےخطرے اورحکومتی دعوؤں کے باوجود ان دیہات کے آس پاس دور دور تک کوئی ریلیف کیمپ دیکھنے میں نظر نہیں آرہا ۔ بظاہر پرسکون بہنے والا یہ دریا جب سیلاب کا ریلہ لاتا ہے تو ہر چیز ساتھ بہالے جاتا ہے ۔ضلعی انتظامیہ جتنا جلد اس سے نمٹنے کی تیاری کر لے اتنا ہی بہتر ہے۔

اسلام آباد (میڈیا پاکستان ) پاناما عملدر آمد بینچ نے کیس کی سماعت کے دوران جے آئی ٹی کے کام کی بھی تعریف کی اور ریمارکس دیے کہ جے آئی ٹی نے اپنی حیثیت سے بڑھ کر کام کیا۔
پاناما عملدر آمد کیس کی سماعت کے دوران نعیم بخاری کے دلائل کے دوران جسٹس اعجاز افضل نے ریمارکس دیے کہ جے آئی ٹی نے اپنی حیثیت سے بڑھ کر کام کیا، دیکھنا ہوگا جے آئی ٹی کا مواد کس حد تک قابل قبول ہے ۔ جسٹس اعجاز الاحسن نے کہا کہ جے آئی ٹی نے جن حالات میں کام کیا وہ قابل تعریف ہے۔ نعیم بخاری نے کہا کہ جے آئی ٹی کو کہا گیا تھا کہ شکر ہے آپ جیسے لوگ اس ملک میں موجود ہیں، جسٹس عظمت سعید شیخ نے کہا کہ پاکستان میں اکثریت جے آئی ٹی جیسے لوگوں کی ہے۔

لاہور(میڈیا پاکستان)قائم مقام ڈی جی اینٹی کرپشن پنجاب ندیم سرور کی ہدایات پر ڈائریکٹر اینٹی کرپشن لاہور ریجن عدنان ارشد اولکھ نے لاہور ڈویژن کی حدود میں تعینات 22صوبائی محکموں میں تعینات گریڈ 17،18اور 19کے افسران کے خلاف موصول ہونے والی درخواستوں پرزیر سماعت انکوائریوں اور درج شدہ مقدمات کو ہنگامی بنیادوں پر نمٹانے کا عندیہ دے دیا ہے ،تفصیلات کے مطابق ڈائریکٹر اینٹی کرپشن عدنان ارشد اولکھ کی زیر صدارت اجلاس میں ڈپٹی ڈائریکٹر اینٹی کرپشن محمد نواز گوندل،اسسٹنٹ ڈائریکٹر انوسٹی گیشن محمد عمر مقبول ،ڈاکٹر امتیاز محسن سمیت دیگر افسران نے شرکت کی ،اجلاس میں ڈائریکٹر اینٹی کرپشن کی طرف سے گریڈ 17یا اس سے زائد کے افسران کی فہرست تیار کرنے کی ہدایت کی جن کی انکوائریاں اور کیس اینٹی کرپشن میں چل رہے ہیں اینٹی کرپشن ذرائع کے مطابق لاہور ڈویژن میں ضلع لاہور ،شیخوپورہ،ننکانہ اور قصورمیں سینکڑوں کی تعداد میں محکمہ اینٹی کرپشن کو درخواستیں موصول ہوئیں اور رواں سال کے دوران اس کے علاوہ متعدد کے خلاف کرپشن ،رشوت وصولی ،اختیارات کے ناجائزا ستعمال اور سرکاری فنڈز میں خرد برد کے الزام کے تحت انکوائریاں بھی زیر سماعت ہیں جبکہ الزام ثابت ہونے کی صورت میں بیشتر مقدمات بھی درج کئے جا چکے ہیں جن افسران کے خلاف سنگین الزامات کے تحت کیس ،انکوائریاں اور درخواستوں کی سماعت کی جارہی ہے ان میں افسران کا تعلق محکمہ ریونیو ،ایل ڈی اے،پولیس،ضلعی انتظامیہ،ٹی ایم اے ،ایجوکیشن اور کوآپریٹو سے سے ہے اس طرح ایریگیشن ،پنجاب لینڈ ریکارڈ اتھارٹی ،محکمہ خوراک،رنگ روڈ سمیت ٹریفک اور پی ایچ اے کے افسران بھی شامل ہیں

لاہور(میڈیا پاکستان )وزیراعلیٰ پنجاب محمد شہبازشریف نے کہا ہے کہ پاکستان کے عوام افراتفری اور انتشار نہیں بلکہ ترقی و خوشحالی چاہتے ہیں اوراس وقت جب ملک تیزی سے ترقی کررہا ہے تو سیاسی تماشا لگانے والوں کے عزائم کسی سے ڈھکے چھپے نہیں، ملک کی ترقی اور عوام کی خوشحالی کی قیمت پر تماشا لگانے والوں کو قوم پر رحم کرنا چاہیے،اپنے صوبے میں بدترین کارکردگی دکھانے والے صرف جھوٹ اور بے بنیاد الزامات کی سیاست کر رہے ہیں اورجھوٹ کو ہر قدم پر ندامت کا سامنا کرنا پڑا ہے اور سچ ہر موقع پر سرخرو ہوا ہے،نیازی صاحب پاکستان میں انتشار ،جھوٹ اور منافقت کی سیاست کے بانی ہیں اور ان کی تمام تر سیاست دشنام طرازی اور جھوٹ پر مبنی ہے ،بیان دے کر تردید کرنا اور بات کہہ کے پیچھے ہٹ جانا جھوٹ بولنے کے ماہر ان سیاستدان کا شیوہ ہے، منفی سیاست کے علمبرداروں کو 2013 کے عام انتخابات کے بعد ہر موقع پر شکست کا سامنا کرنا پڑا ہے اور شکست خوردہ عناصر کی بیمار ذہنیت قوم کے سامنے عیاں ہوچکی ہے، مخلص اور خدمت خلق سے سرشار قیادت پر بے بنیاد الزامات کی بوچھاڑ کرنے والوں کی ساری سیاست جھوٹ پر مبنی ہے، یہ عناصر ہوس اقتدار میں ملک کی ترقی کا سفر خراب کرنے کے درپے ہیں، پاکستان کو معاشی ترقی سے محروم کرنے کی سازشیں کرنے والے اپنے عزائم میں کامیاب نہیں ہوسکتے،وزیراعظم محمد نوازشریف کی قیادت میں عوامی خدمت کے نئے ریکارڈ قائم کئے ہیں اور مسلم لیگ (ن) کی حکومت نے شفافیت اور اعلیٰ معیار کے ساتھ ریکارڈ مدت میں منصوبے مکمل کرکے نئے رجحان کی داغ بیل ڈالی ہے۔وزیراعلیٰ محمد شہبازشریف نے ان خیالات کا اظہار مختلف اضلاع سے تعلق رکھنے والے اراکین قومی اسمبلی سے گفتگو کرتے ہوئے کیا ۔
وزیراعلیٰ شہبازشریف نے اراکین اسمبلی سے گفتگو کرتے ہوئے کہا کہ ایک بار پھر محاذآرائی کی کوشش کرنے والے عوام کی ترقی پر حملہ آور ہیں۔ منفی حربوں کے ذریعے ان کا حصول اقتدار کا خواب پورا نہیں ہوگا۔ وزیراعلیٰ نے کہا کہ ملک کو مشکلات سے نکال کر ترقی کی راہ پر ڈالنا ہمارا جرم ہے تو اس کے لئے ہر سزا بھگتنے کو تیار ہیں۔ منصوبوں میں اربوں روپے کی بے مثال بچت کرنا ہمارا قصور ہے تو بھی ہر سزا کیلئے تیار ہیں۔ توانائی منصوبوں کی ریکارڈ مدت میں تکمیل ہمارا گناہ ہے تو اس کیلئے بھی سزا بھگتنے کیلئے تیار ہیں۔ مخالفین جتنا چاہیں چیختے چلاتے رہیں ، عوام کی خدمت کے مشن سے پیچھے نہیں ہٹیں گے اورعوام سے کیا گیا ہر وعدہ پورا کریں گے۔انہوں نے کہا کہ محب وطن اور دیانتدار قیادت پربے بنیاد الزامات لگانے والے عوام کے ووٹ کی حرمت کو پامال نہ کریں،انتہائی افسوسناک امر ہے کہ کرپشن او ربدعنوانی کی داستانیں رقم کرنے والے بھی احتساب کا شور مچا رہے ہیں۔جھوٹ کے مصنوعی سہارے کے ذریعے عوام کو گمراہ کرنے کی کوئی سازش کامیاب نہیں ہوگی۔انہوں نے کہا کہ عوام کی بے لوث خدمت ہمارا مشن ہے اور اسے ہر قیمت پرپورا کریں گے اور پاکستان کے با شعور عوام ملک کو آگے بڑھنے سے روکنے والوں کو اپنے عزائم میں کسی صورت کامیاب نہیں ہونے دیں گے۔ترقی کے سفر کو متاثر کرنے والوں سے پاکستان کے عوام حساب لیں گے۔ وزیراعلیٰ سے ملاقات کرنے والے اراکین قومی اسمبلی میں محسن شاہنواز رانجھا، طاہر بشیر چیمہ اور محمداصغر شامل تھے۔

اسلام آباد (میڈیا پاکستان) نیشنل ڈیزاسٹر مینجمنٹ اتھارٹی نے حالیہ مون سون بارشوں میں ملک بھر میں ہونے والے نقصانات پر مبنی رپورٹ جاری کردی ہے۔ رپورٹ کے مطابق ملک بھر میں مون سون بارشوں کے باعث87افراد جاں بحق،119زخمی ہوئے جبکہ120مکانات مکمل طور پر تباہ ہوگئے ہیں۔
نیشنل ڈیزاسٹر مینجمنٹ اتھارٹی (این ڈی ایم اے )نے حالیہ بارشوں سے ہونے والے نقصانات کے حوالے سے اپنی رپورٹ جاری کردی ہے۔ پی ڈی ایم اے کی رپورٹ کے مطابق ملک بھر جاری مون سون بارشوں کے باعث87افراد جاں بحق، 119افراد زخمی ہوئے جبکہ120مکانات تباہ ہوئے۔گذشتہ روز بلوچستان کی تحصیل اوستہ محمد میں دیوار گرنے کی وجہ سے2بچے جاں بحق ہوئے جبکہ لسبیلہ میں سیلابی ریلے کے ذد میں آکر ایک بچہ ڈوب گیا ۔

ون مین کمپنی کو جے آئی ٹی کی تحقیقات کے لئے استعمال کیا گیا، عوام کے خون پسینے کی کمائی سے 50لاکھ کا ٹھیکا واجد ضیاءکے کزن کو دیا گیا: نواز شریف
این ڈی ایم اے کے مطابق گلگت سکردو شاہراہ مالوپہ کے مقام پر لینڈ سلائیڈنگ کی وجہ سے بند ہے باقی ملک میں تمام سڑکیںاور ریلوے ٹریک کھلے ہیں۔

(میڈیا پاکستان) ڈی جی پنجاب فوڈ اتھارٹی نے گٹکے کی فروخت میں ملوث دکانداروں کے لائسنس منسوخ کرنے کے لئے خصوصی ٹیمیں تشکیل دے دیں۔

ذرائع کے مطابق انڈین گٹکا ہو یا دیسی ، دونوں ہی نوجوانوں میں بے حد مقبول ہیں، گٹکے کی طلب کے پیش نظر یہ شہرکی تمام دکانوں پر کھلے عام فروخت ہورہاہے۔گٹکے کا استعمال بڑھا تو خطرناک بیماریوں کی صورت میں نتائج بھی سامنے آئےجس پر پنجاب فوڈ اتھارٹی نے کمر کس لی ۔

ڈاکٹرزککا کہنا ہے کہ گٹکے کا استعمال صحت کیلئے انتہائی خطرناک ہے، گٹکے کا استعمال منہ اورپھیپھڑوں کے کینسر سمیت معدے، انتڑیوں کے خطرناک امراض اور سانس کی بیماریوں کا بڑا سبب ہے۔

ڈی جی پنجاب فوڈ اتھارٹی نے سکولوں کی کنٹینز پر مختلف پیکنگ میں فروخت ہونے والی سپاریوں پر مکمل پابندی عائد کرنے کا اعلان بھی کیا ہے۔

گٹکے کو زہر قاتل کہا جائے تو بےجا نہ ہوگا۔جو ہماری نوجوان نسل کو تباہی کی طرف دھکیل رہا ہے، ایسی صورتحال میں گٹکے کی خرید و فروخت پر مکمل پابندی عائد کرنا احسن اقدام ہے۔

اسلام آباد(ڈیلی پاکستان آن لائن) قطری وزیر خارجہ شیخ محمد بن عبدالرحمان الثانی نے وزیر اعظم پاکستان میاں محمد نواز شریف سے ملاقات کی، انہوں نے وزیر اعظم پاکستان کو خلیجی ممالک کے بحران پر تفصیل سے آگاہ کیا اور مشرق وسطیٰ بحران کے حل کے لئے پاکستان سے بحران کے حل میں کردار ادا کرنے کی اپیل کی، وزیر اعظم پاکستان نے اس موقع پر کہا کہ قطر سے پاکستان کے دیرینہ تعلقات ہیں، پاکستان کو خلیج کی صورت حال پر تشویش ہے۔ ہم خلیج بحران کے حل کے لئے کی جانب والی مخلصانہ کوششوں کی بھرپور حمایت کرتے ہیں۔

بھارت میں انتہا پسند ہندوؤں کا کرکٹر محمد شامی پر حملہ
تفصیلات کے مطابق پاکستان کے مختصر دورے پر آئے قطری وزیر خارجہ شیخ محمد بن عبد الرحمان الثانی نے وزیر اعظم میاں محمد نواز شریف سے ملاقات کی۔ قطری وزیرخارجہ نے مہمان نوازی پروزیراعظم کاشکریہ اداکیا۔انہوں نے وزیر اعظم سے سعودی عرب اوردیگرعرب ممالک کے تعلقات پرگفتگوکی اور انہیں بحران کے حل کے لئے کی جانب والی کوششوں اور عرب ممالک کے مطالبات کے حوالے سے آگا ہ کرنے کے ساتھ امیر کویت شیخ جابرالصباح کی مصالحت کی کوششوں سے بھی وزیر اعظم کو آگاہ کیا ۔ شیخ محمدنے سعودی عرب،یواے ای،بحرین ،مصرکے مطالبات پراپنے موقف سے وزیر اعظم پاکستان کو آگاہ کیا اور پاکستان کو مشرق وسطیٰ بحران کے حل کے لئے کردار ادا کرنے کی اپیل کی۔اس موقع پر وزیر اعظم میاں محمد نواز شریف نے کا کہنا تھا کہ وہ تنازع کے حل کیلئے کویت کے امیرکی کوششوں کوسراہتے ہیں جبکہ پاکستانی حکومت اورعوام تنازع کاسفارتی حل چاہتے ہیں۔پاکستان کی خواہش ہے برادراسلامی ممالک میں مسائل کاسفارتی حل تلاش کیا جائے۔ پاکستان کے خلیجی ممالک کےساتھ دوستانہ تعلقات ترجیح ہیں جبکہ پاکستان اس مسئلے کے حل کے لئے اپنا بھرپور کردار ادا کرنے کے لئے تیار ہے۔ موجودہ خلیجی تنازع کے حل کے لئے مل کر کوششیں کرنا ہوں گی۔پاکستان مشرق وسطی میں امن کوششوں ،تنازع کے حل کی مخلصانہ کوششوں کی حمایت کرتاہے۔