Category Pin post

اسلام آباد:پنجاب اور خیبر پختونخواہ میں انتخابات کے التواء کے خلاف پی ٹی آئی کی درخواست کی سماعت کے موقع پر پی ٹی آئی کے علاوہ حکومتی اتحادکے رہنما بھی عدالتی کاروائی سننے کیلئے کمرہ عدالت میں موجودتھے، وفاقی وزیر قانون سینیٹر اعظم نذیر تارڑ، وزیر اعظم کے مشیر عطاء تارڑ،راہنماء پی ٹی آئی بابر اعوان،فواد چوہدری، پیپلز پارٹی کے راہنماء فاروق ایچ نائیک، عوامی مسلم لیگ کے سربراہ شیخ رشید احمد سمیت جے یو آئی کے سینیٹر کامران مرتضی عدالتی کاروائی شروع ہونے سے قبل سب سے پہلے پہنچے۔قبل ازیں منگل کی ہی علی الصبح بیرسٹر منصور عثمان اعوان بھی عدالت عظمی پہنچے اور بطور اٹارنی جنرل آف پاکستان چارج سنبھالا، وزارت قانون کی طرف سے گزشتہ روز ہی ان کی بطور اٹارنی جنرل آف پاکستان تعیناتی کو نوٹیفکیشن جاری کیا گیا تھا۔

لاہور:مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ پوری قوم عمران خان سے نفر ت کا اظہار کررہی ہے،پو لیس پر پتھروں کرنیوالے اور اداروں کی گاڑیو ں کو نظر آ تش کرنے والے کسی رعایت کے مستحق نہیں، تحریک انصا ف نے ملک میں نفر ت کی سیا ست کو پروان چڑھاکر نو جوان نسل کو تباہ کردیا ۔ اپنے جاری بیان میں انہو ں نے کہاکہ عمران نیازی نے 2014 میں ڈی چوک دھرنا دیا جہاں انہوں نے طوفان بدتمیزی برپا رکھا پی ٹی وی اسٹیشن ایوان صدر اور وزیراعظم ہائوس پر حملہ کیا پولیس کو مارنے، بجلی کے بل جلائے تھانوں میں جا کر اپنے لوگوں کو زبردستی رہا کرایا۔ پارلیمنٹ کا تقدس پامال کیا وزیراعظم بنے تو اپوزیشن کو ملک اور بیرون ملک چور، ڈاکو اور غدرا کہا مخالف سیاستدانوں کو جیلوں میں بند رکھا عدم اعتماد کے بعد وزیراعظم ہاس چھوڑنے کو تیار نہیں تھا ۔ انہو ں نے کہاکہ عمران نیازی ایک انتشار پسند شخص ہے جس کی سیاست کی بنیاد ہی انتشار ہے جو ملک و قوم کے زوال کا باعث بن رہی ہے جس پر ملک کی سلامتی کے ذمہ دار اداروں کو فوری ایکشن لینا ہو گا ۔

اسلام آباد :توشہ خانہ کیس میں چیئرمین پی ٹی آئی عمران خان کے وارنٹ گرفتاری منسوخی کا تحریری حکم نامہ جاری ہوگیا، ایڈیشنل سیشن جج ظفر اقبال نے تین صفحات کا حکم نامہ جاری کیا ہے،  عدالتی آرڈر شیٹ گم ہونے کے بعد نئی آرڈر شیٹ تیارکرلی گئی۔تحریری فیصلے کے مطابق عدالت نے عمران خان کو 30 مارچ کو ذاتی حیثیت میں طلب کیا ہے۔ فیصلے میں عدالت نے کہا ہے کہ آئندہ سماعت پر فوجداری کارروائی کے قابل سماعت ہونے پر دلائل ہوں گے، 18 مارچ کی تین دفعہ کی سماعتوں کا الگ الگ حکم نامہ جاری کیا گیا ہے، ایس پی سمیع ملک، عمران خان کے وکلا بیرسٹر گوہر  اور  خواجہ حارث کے بیانات حکم نامیکا حصہ ہیں۔فیصلے میں لکھا ہے کہ عدالت کو بتایا گیا  کہ گم شدہ آرڈر شیٹ کمپیوٹر میں محفوظ ہے، فائل گم ہونے کے تنازع کے حل کے لیے فائل دوبارہ بنائی گئی ہے،  دن ساڑھے 3 بجے عدالت کو بتایا گیا عمران خان عدالت پہنچنے والے ہیں، عدالت نے ہدایت کی کہ عمران خان چار بجے پیش ہوں،وکلاء، میڈیا اور  باقی لوگوں نے بتایا عمران خان 4 بجے سے گیٹ کے باہر موجود ہیں، عدالت کوبتایا گیا امن و امان کی صورتحال اور پتھراؤ کی وجہ سے عمران خان کا عدالت پہنچنا مشکل ہے، عدالت کو بتایا گیا مناسب ہوگا گاڑی سے ہی عمران خان کے دستخط کروا لیے جائیں۔حکم نامیکے مطابق ناخوشگوار  واقعے سے بچنے کے لییگاڑی سے حاضری لگوانیکی ہدایت کی گئی،  شبلی فراز ، بیرسٹر گوہر اور ایس پی سمیع ملک کو دستخط کرانے کے لیے بھیجا گیا، عدالت کو بعد میں بتایا گیا آرڈر شیٹ گم ہوگئی ہے، آرڈرشیٹ پر بیرسٹر گوہر، خواجہ حارث اور  ایس پی نے بیان ریکارڈ کروایا۔عدالت نے تو شہ خانہ کیس میں عمران خان پر فردجرم کی کارروائی مؤخر کرتے ہوئے چیئرمین پی ٹی آئی کے وارنٹ گرفتاری منسوخ کرتے ہوئے کیس کی سماعت 30 مارچ تک ملتوی کر دی۔جج ظفر اقبال کا کہنا تھا 30 مارچ کو کیس کے قابل سماعت ہونے پر دلائل ہوں گے، 30 مارچ کو عمران خان کی حاضری بھی ہوگی۔

چیئرمین پاکستان تحریک انصاف (پی ٹی آئی) عمران خان توشہ خانہ کیس میں پیشی کے لیے زمان پارک لاہور سے قافلے کے ہمراہ میں براستہ موٹروے اسلام آباد کی جانب گامزن ہیں۔

لاہور اسلام آباد موٹر وے پر ٹول پلازہ کا کنٹرول پولیس نے سنبھال لیا ہے اور پولیس نے اسلام آباد ٹول پلازہ پرکام کرنے والے ملازمین کو ہٹا دیا ہے۔

اسلام آباد آنے والے راستے پرکنٹینر لگا دیےگئے ہیں، پولیس کاکہنا ہےکہ عمران خان اور سکیورٹی عملےکی گاڑیوں کےعلاوہ کسی کو داخل نہیں ہونے دیا جائےگا، پولیس ٹیم کے پاس آنسو گیس کے تین سو شیل موجود ہیں۔

اسلام آباد ٹول پلازہ پر پولیس نے عمران خان کے قافلےکو روک دیا، پولیس حکام کا کہنا تھا کہ صرف عمران خان کی گاڑی ٹول پلازہ  سے آگے جائےگی، بعد ازاں عمران خان کی گاڑی کو دیگر رہنماؤں کے ہمراہ جانے کی اجازت دے دی گئی۔

یہ بھی پڑھیں

• توشہ خانہ کیس کی سماعت ایف 8 کچہری سے جوڈیشل کمپلیکس منتقل کردی گئی
• اسلام آباد کچہری میں ممکنہ پیشی، عمران کی سکیورٹی کیلئے چیف سکیورٹی آفیسر تعینات کرنیکا فیصلہ
• عمران خان نے 18 مارچ کو عدالت میں پیش ہونے کی تحریری یقین دہانی کرا دی

اسلام آباد پولیس کی جانب سے توشہ خانہ کیس میں عمران خان کی پیشی کے حوالے سے ایس او پیز جاری کیےگئے ہیں۔

اسلام آباد پولیس کی جانب سے جاری اعلامیےکے مطابق اسلام آباد میں دفعہ 144 نافذ ہے اس کی پابندی کرنا ہوگی، عدالت، احاطہ یا قریب کوئی مسلح شخص موجود نہیں ہوگا، عدالت میں ساتھ جانے والے افراد اور گاڑیوں کی چیکنگ کروائی جائےگی۔

توشہ خانہ کیس کی سماعت آج جوڈیشل کمپلیکس کی نیب کورٹ نمبر ون میں ہوگی، ایڈیشنل سیشن جج ظفر اقبال نے عمران خان کو فرد جرم عائد کرنےکے لیےطلب کر رکھا ہے۔

عمران خان ممکنہ طور پرآج جوڈیشل کمپلیکس جی الیون میں پیش ہوں گے۔

سیشن عدالت نے31 جنوری کو عمران خان پر فردجرم عائد کرنےکے لیےتاریخ مقررکی تھی، مسلسل عدم حاضری پرسیشن عدالت نے 28 فروری کو ان کے ناقابل ضمانت وارنٹ گرفتاری جاری کیے، سیشن عدالت نے7 مارچ کے لیے وارنٹ گرفتاری پر عمل درآمدکراتے ہوئے عمران خان کوپیش کرنے کا حکم دیا، اسلام آباد ہائی کورٹ نے7 مارچ کو وارنٹ گرفتاری معطل کرتے ہوئے 13 مارچ کوپیش ہونےکا حکم دیا۔

عمران خان کے 13 مارچ کو پیش نہ ہونے پرناقابل ضمانت وارنٹ گرفتاری دوبارہ بحال ہوگئے۔

سیشن عدالت نےعمران خان کے18 مارچ کے لیے وارنٹ گرفتاری جاری کرتےہوئے انہیں  پیش کرنےکا حکم دیا تھا، اسلام آباد ہائی کورٹ نے عمران خان کو آج عدالت میں پیش ہونے کے لیے پولیس کو گرفتاری سے روک دیا تھا۔

چیف کمشنر اسلام آباد نے گزشتہ روز توشہ خانہ کیس کی سماعت کچہری سےجوڈیشل کمپلیکس منتقل کی تھی۔

اسلام آباد:وفاقی وزیر داخلہ رانا ثناللہ نے کہا ہے کہ ہماری ترجیح عمران کو گرفتار کرنا نہیں اسے مجبور کرنا ہے کہ عدالت میں پیش ہو ۔ اپنے ٹوئٹ میں وزیر داخلہ نے کہا عمران خان کو جلسہ کرنے میں تو کوئی خطرہ محسوس نہیں ہوتا۔ یہ کوئی طریقہ نہیں عمران خان ریلیاں نکالیں اور عدالتوں پر دھاوا بول دیں۔ ۔۔وزیر داخلہ

اسلام آباد:سینئر صحافی ارشد شریف قتل از خود نوٹس کیس میں وفاقی حکومت کی طرف سے بتایا گیا ہے کہ پاکستان اور کینیا کے درمیان باہمی قانونی تعاون کا معاہدہ طے نہ ہونے کے سبب تحقیقات آگے نہیں بڑھ سکیں۔ وفاقی حکومت نے معاہدے کیلئے کینیائی حکومت کو لکھ دیا ہے۔ معاہدہ طے ہونے کے بعد ہی معاملہ کی تحقیقات کیلئے قائم خصوصی جوائنٹ انوسٹی گیشن ٹیم کو شواہد تک رسائی دستیاب ہو گی،معاہدہ پر پیش رفت آئندہ دس میں دن ہو گی۔جمعہ کو اذ خود نوٹس کیس کی سماعت کے موقع پر شہید ارشد شریف کی والدہ کے کونسل شوکت عزیز صدیقی کی طرف سے عدالت عظمی کی طرف سے معاملہ پر لئے جانے والے از خود نوٹس کو غیر ضروری قرار دیتے ہوئے موقف اپنایا گیا کہ یہ معاملہ جسٹس فار پیس کے پاس جانا چاہیئے تھا اس پر چیف جسٹس آف پاکستان جسٹس عمر عطاء￿ بندیال نے ریمارکس دیتے ہوئے کہا کہ عدالت نے سوموٹو سانحہ کیساڑھے پانچ بعد فیکٹ فائنڈنگ رپورٹ آنے پر کیا،فیکٹ فائبڈنگ رپورٹ میں کچھ پہلو تھے جن کی تحقیقات ضروری تھیں،عدالتی کارروائی شروع ہونے پر ہی مقدمہ درج ہوا،جے آئی ٹی کو حکومت فنڈز فراہم نہیں کر رہی تھی،سپریم کورٹ نے جے آئی ٹی تو فنڈز دلوائے اور وہ بیرون ملک گئی، ابھی تک بتایا جا رہا ہے کہ ارشد شریف قتل کیس کوئی پیشرفت نہیں ہوسکی،بیرون ملک سے کوئی تعاون نہیں مل رہا،ہمارے مطالعے کے مطابق پہلے دونوں ممالک کے درمیان ایک معاہدہ ہو گا پھر وہ آپ سے تعاون کریں گے،صحافیوں کا عدالت بہت احترام کرتی ہے،صحافی ہمیں کچھ بھی کہیں کبھی توہین عدالت کی کارروئی نہیں کی،صحافی کو قتل کر دیا گیا جو دوسروں کیلئے سبق ہو سکتا ہے،ارشد شریف صحافی اور اس ملک کا شہری تھا،صحافیوں کے بنیادی حقوق کے تحفظ کیلئے عدالت نے سوموٹو لیا، شہید کی والدہ کے کونسل نے درست کہا کہ ہم نے تفتیش نہیں کر سکتے،لیکن اگر ہم نے جوڈیشل کمیشن بنا دیا تو پھر سب کو طلب بھی کر سکیں گے،اس وقت غلط خبروں،الزامات اور پراپیگنڈہ کی بھر مار ہے،آپ حیران ہو جاتے ہیں کہ جو ارشد شریف کو سپورٹ اور تحفظ دے رہے تھے ان پر بھی الزامات ہیں،کچھ اور لوگوں پر بھی الزامات ہیں،ہم شفافیت چاہتے ہیں،اس وقت انتشار اور تقسیم کی کیفیت ہے،شفافیت ہی امن قائم کرسکتی ہے،اس واقعے نے صحافیوں میں دہشت پھیلا رکھی ہے،ہمیں بھی بطور شہری تشویش ہے،ہمیں ہر جگہ رسائی نہیں ہے جبکہ جے آئی ٹی کو رسائی ہے،ہم چاہتے ہیں شفاف اور جلد تحقیقات ہوں،اور یہ تب تک نہیں ہو سکتا جب تک رکاوٹیں ختم نہ ہوں، عدالت کسی کو تحفظ دینا چاہتی ہے نہ کسی کو مجرم قرار دینا مقصد ہے،نی ہی عدالت نے سوموٹو کارروئی سے کوئی فائدہ اٹھانا ہے،کوئی دلچسپی نہیں لے گا تو کارروئی مزید تاخیر کا شکار ہوگی،ارشد شریف کی والدہ نے درخواست کی تھی اور وزیراعظم نے بھی جوڈیشل کمیشن بنانے کے لیے خط لکھا تھا،ان معاملات میں بہت سی چیزیں خفیہ ہوتی ہیں،ہم نے جوڈیشل کمیشن نہیں بنایا نہ ہی جے آئی ٹی کے کام میں مداخلت کر رہے ہیں،سوال یہ ہے کہ کیا ہم درست دروازے پر دستک دے رہے ہیں؟کیا حکومت نے باہمی قانونی معاونت کا معاہدہ کیا؟ایڈیشنل اٹارنی جنرل عامر رحمان کی طرف سے اس موقع پر عدالت کو بتایا گیا کہ وفاقی حکومت نے کینین حکومت کو معاہدے کے لیئے لکھ دیا ہے۔جمعہ کو عدالت عظمی میں ازخود نوٹس کیس کی سماعت چیف جسٹس کی سربراہی میں پانچ رکنی لارجر بنچ نے کی۔ سماعت کے آغاز میں شہید ارشد شریف کی والدہ کے کونسل شوکت عزیز صدیقی نے عدالت کے روبرو موقف اپنایا کہ ازخودنوٹس پر اعتراض اٹھاتے ہوئے موقف اپنایا کہ عدالت تفتیش کو سپروائزر نہیں کر سکتی،سپریم کورٹ کا تحقیقات کی نگرانی کرنا خلاف آئین ہے،ارشد شریف کی والدہ کو جسٹس آف پیس سے رجوع کرنے کا کہنا چاہیے تھا.جسٹس محمد علی مظہر نے اس موقع پر شہید صحافی کی والدہ کے کونسل کو ٹوکتے ہوئے کہا کہ آپ کہتے ہیں تو ازخودنوٹس ختم کر دیتے ہیں،جسٹس مظاہر نقوی نے اس موقع پر ریمارکس دیئے کہ اگر عدالت نے سوموٹو ٹھیک نہیں لیا تواتنا عرصہ کوئی قانونی کارروئی کیوں نہیں ہوئی؟تفتیش کی نگرانی کرنا عدالت کا اختیار ہے،جسٹس جمال مندوخیل نیکہا کہ شہید کی والدہ کو لگتا ہے کہ ہم پانچ ججز انکی مدد نہیں کر سکتے؟ سیدھا سیدھا کہہ دیں کہ سپریم کورٹ کوئی کارروئی ہی نہ کرے، جسٹس اعجاز الاحسن نے ریمارکس دیئے کہ صحافی برادری کے خدشات اور تحفظ کیلئے ازخودنوٹس لیا گیا تھا،عدالت سوموٹو میں کسی کو سزا دینے نہیں بیٹھی،جے آئی ٹی کے کام میں سپریم کورٹ کوئی مداخلت نہیں کر رہا،عدالت صرف حکومتی اداروں کو سہولیات فراہم کر رہی ہے۔شوکت عزیز صدیقی نے بتایا کہ ایس ایچ او تھانہ رمنا شہید کی والدہ کی درخواست پر مقدمہ درج نہیں کر رہا تھا،ارشد شریف کی والدہ روز جیتی اور مرتی ہیں انکی مرضی کا مقدمہ درج نہیں ہو رہا،چاہتے ہیں جے آئی ٹی کو اپنا کام کرنے دیا جائے۔عدالت کے استفسار پر ایڈیشنل اٹارنی جنرل نے عدالت کو بتایا کہ وفاقی حکومت کے باہمی قانونی تعاون کیلئے لکھنے کے بعد معاہدہ ہونے میں دس دن لگ جائیں گے،چیف جسٹس آف پاکستان نے اس موقع پر کہا کہ سماعت تین ہفتے کے لیے ملتوی کر دیتے ہیں اس دوران باہمی قانونی تعاون کا معاہدہ ہو جائے تو عدالت کو آگاہ کیا جائے۔۔۔توصیف