Category سیاست

جڑانوالہ:وزیر ہاؤسنگ اربن ڈویلپمنٹ،پبلک ہیلتھ انجینئرنگ، اوقاف و مذہبی امور بیرسٹر سید اظفر علی ناصر نے کہا ہے کہ یوم تکریم شہدا پر پاک فوج، پولیس و دیگر اداروں کے شہدا کو خراج تحسین پیش کرتے ہیں۔اپنے دورے کے دوران میڈیا سے گفتگو کرتے ہوئے انہوں نے کہا کہ نگران حکومت کا کام فری اینڈ فئیر الیکشن کروانا ہے اورآئین کے مطابق 90 دن میں الیکشن ہونے چاہئیں لیکن اگر 90 دن کا وقت گزر جائے تو پھر آئین خاموش ہے۔انہوں نے کہا کہ 2008 میں بھی بینظیر بھٹو کی شہادت کے باعث الیکشن 90 دن میں نہیں ہوئے تھے۔ وزیر ہاؤسنگ اربن ڈویلپمنٹ نے کہا کہ تاہم خلا نہیں ہونا چاہئیے اور منتخب یا نگران حکومت کا قائم رہنا ضروری ہے۔انہوں نے ایک سوال کا جواب دیتے ہوئے کہا کہ پر امن احتجاج کی آڑ میں نا صرف دہشتگردی بلکہ بغاوت اور غداری کے مرتکب ہوئے اور راولپنڈی میں ایک ارب روپے کے دو میٹرو اسٹیشن جلائے گئے،ریسکیو 1122کی 8 گاڑیاں جلا دی گئیں،جناح ہاؤس اور جی ایچ کیو پر حملہ ہوا،میانوالی میں دہشتگردی کی گئی اورفیصل آباد میں بھی خفیہ ادارے کے دفتر پر حملہ کیا گیا۔انہوں نے کہا کہ فوجی تنصیبات پر حملہ کرنے والوں کے ٹرائل فوجی عدالتوں میں ہونگے۔پرائس کنٹرول کے حوالے سے ایک سوال کے جواب میں وزیر ہاؤسنگ نے کہا کہ پرائس کنٹرول انتظامیہ کا کام ہے اورحکومت پنجاب کی ذمہ داری ہے کہ ریٹس کنٹرول کریں، کمشنر اور ڈپٹی کمشنر اس پر توجہ دیں۔انہوں نے مزید کہا کہ عام آدمی کا سیاست سے کوئی لینا دینا نہیں ان کا مسئلہ مہنگائی ہے لہٰذا انتظامیہ ریٹس پرلسٹوں کے مطابق عملدرآمد کروائے۔محکمہ اوقاف کے حولے سے ایک سوال کے جواب میں وزیر اوقاف پنجاب نے کہا کہ محکمہ اوقاف کی اراضی پر جو قبضے ہوئے ہیں انکے تمام کیسز عدالتوں میں چل رہے ہیں،اوقاف اپنے وسائل خود پیدا کرتا ہے اور درباروں پر تزئین و آرائش اور زائرین کو سہولیات فراہم کرتا ہے۔ صحافیوں کی پروٹیکشن اور صحافی کالونی بارے ایک سوال کے جواب میں صوبائی وزیر نے کہا کہ انفارمیشن منسٹر عامر میر صحافی پروٹیکشن ایکٹ پر کام کررہے ہیں اور صحافی کالونی پر بھی کام ہو رہا ہے

اسلام آباد: الیکشن کمیشن میں پاکستان تحریک انصاف(حقیقی) کے نام سے نئی سیاسی جماعت کی رجسٹریشن کیلئے درخواست جمع کرادی گئی ،پارٹی کے رہنما راد یاسر کے مطابق کسی بھی اسٹیبلشمنٹ یا ادارے کا حصہ نہیں ہوں۔ جمعہ کے روز الیکشن کمیشن آف پاکستان میں نئی سیاسی جماعت پاکستان تحریک انصاف حقیقی کے نام سے رجسٹریشن کیلئے درخواست جمع کرا دی گئی اس موقع پر پارٹی کے رہنما راو یاسر نے صحافیوں سے بات چیت کرتے ہوئے کہاکہ الیکشن کمیشن میں اپنی جماعت پی ٹی آئی حقیقی کی رجسٹریشن کرانے آیا ہوں انہوں نے کہاکہ میری جماعت کا اعلان کیے 24 گھنٹے ہویے ہیں اور 3 ہزار نوجوان ہماری جماعت میں شمعولیت اختیار کرنا چاہتے ہیں ، ہم نے پارٹی میں نوجوانوں سمیت دیگر اہم شخصیات کی شمولیات کا مہم شروع کردیا ہے میں کسی اسٹیبلشمنٹ کا حصہ نہیں ہوں اور کسی بھی ادارے سے لینا دینا نہیں ہے انہوں نے کہاکہ قوم کے بزرگوں سے اپیل ہے کہ دعا کریں گے کہ میں کامیاب ہوں۔۔۔۔۔اعجاز خان

اسلام آباد : پاکستان تحریک انصاف کے رہنما اسد عمر نے پی ڈی ایم حکومت پر پاکستان میں بڑھتی مہنگائی پر تنقیدکرتے ہوئے کہا ہے کہ ایسی تباہی پاکستان کی تاریخ میں نہیں آئی۔ اپنے ایک بیان میں تحریک انصاف حکومت خاتمے پر اور آج کی قیمتوں کا موازنہ کرتے ہوئے اسد عمر نے کہا کہ دیکھئے عوام کی زندگی میں یہ حکومت کیا تبدیلی لائی، آٹے کی قیمت میں 132% اضافہ، چاول کی قیمتوں میں 88% اضافہ ہوا، مرغی 72% ،دال مسور 71%، دودھ 44%، اور چینی 37% اضافہ ہوچکا ہے ۔ ایسی تباہی پاکستان کی تاریخ میں نہیں آئی، شاید اسی لئے آپ آج کل میڈیا میں مہنگائی کا تذکرہ نہیں سن رہے۔

لاہور: اینٹی کرپشن عدالت نے ترقیاتی منصوبوں میں مبینہ کرپشن کے کیس میں سابق وزیر اعلیٰ پنجاب چوہدری پرویز الٰہی کی ضمانت خارج کر دی۔اینٹی کرپشن عدالت کے جج علی رضا نے ترقیاتی منصوبوں میں مبینہ کرپشن کے مقدمے میں سابق وزیر اعلیٰ پنجاب چوہدری پرویزالٰہی کی عبوری ضمانت کی درخواست پر سماعت کی ۔چوہدری پرویزالٰہی عبوری ضمانت کی معیاد ختم ہونے پر عدالت میں پیش نہ ہوئے جبکہ ان کے وکیل کی جانب سے میڈیکل کی بنیاد پر حاضری معافی کی درخواست جمع کرائی گئی ۔وکیل نے عدالت کو بتایا کہ پرویز الٰہی کو سینے میں تکلیف ہے، عدالت پیش نہیں ہو سکتے۔پراسیکیوشن نے دلائل دیتے ہوئے کہا کہ میڈیکل جعلی ہے۔ عدالت نے ریمارکس دیتے ہوئے کہا کہ رپورٹس دکھائیں میں ابھی فیصلہ کرتا ہوں ۔جج نے میڈیکل رپورٹس فوری عدالت میں پیش کرنے کی ہدایت کرتے ہوئے سماعت کچھ دیر کے لیے ملتوی کر دی۔گزشتہ سماعت پر بھی پرویز الٰہی کی حاضری معافی کی درخواست منظور کی گئی تھی۔ دوبارہ سماعت شروع ہونے پر عدالت نے حاضری معافی کی درخواست خارج کر دی جبکہ پرویزالٰہی کی عبوری ضمانت عدم پیروی کی بنیاد پر خارج کرنے کا حکم سنایا ۔

اسلام آباد:صدر سپریم کورٹ بار ایسوسی ایشن عابد شاہد زبیری نے آڈیو لیکس جوڈیشل کمیشن کو کام سے روکنے کیلئے سپریم کورٹ سے رجوع کر لیا ہے۔ جمعرات 25 مئی کو صدر سپریم کورٹ بار ایسوسی ایشن کی طرف سے عدالت عظمی میں دائر کی گئی درخواست میں موقف اپنایا گیا ہے کہ سپریم کورٹ فون ٹیپنگ کو غیر آئینی قرار دے چکی ہے،فون ٹیپنگ صرف دہشت گردی کے مقدمات میں ہائیکورٹ کے جج کی اجازت سے کی جاسکتی ہے ،کسی فون ریکارڈنگ کو اسی صورت درست تصور کیا جاتا ہے جب ریکارڈ نگ کرنے والا شخص موجود ہو ،جوڈیشل کمیشن کے پہلے اجلاس کا حکمنامہ خلاف قانون ہے،جوڈیشل کمیشن نے اٹارنی جنرل سے یہ نہیں پوچھا کہ مبینہ آڈیو ریکارڈنگ کس نے کی،حکومت نے سوشل میڈیا پرمبینہ آڈیوز جاری کرنے والوں کیخلاف کوئی کارروائی نہیں کی۔درخواست میں عدالت عظمی سے استدعا کی گئی ہے کہ آڈیو لیکس جوڈیشل کمیشن کی تشکیل کا نوٹیفکیشن معطل کیا جائے۔واضح رہے صدر سپریم کورٹ بار ایسوسی ایشن ان نامزد افراد میں سے ایک ہیں جنہیں آڈیو لیک جوڈیشل کمیشن کے پہلے اجلاس کے بعد اپنا بیان ریکارڈ کرانے کیلئے نوٹس جاری ہوا تھا۔ عابد شاہد زبیری کی سابق وزیر اعلی پنجاب چوہدری پرویز الٰہی کے ساتھ ٹیلیفونک گفتگو کی ریکارڈنگ ان آٹھ ریکارڈنگز میں سے ایک ہے جو وفاقی حکومت کی طرف سے جوڈیشل کمیشن کو برائے تحقیق فراہم کی گئی ہیں۔اس مبینہ آڈیو ریکارڈنگ میں عابد شاہد زبیری سابق وزیر اعلی کو ایک مخصوص کیس ایک مخصوص جج کے سامنے لگوانے کی یقین دہانی کروا رہے ہیں۔(توصیف)#/s#

پاکستان تحریک انصاف کے مزید 2 رہنما احسان الحق چودھری اور ڈاکٹر محمد افضل نے پارٹی چھوڑنے کا اعلان کر دیا۔پی ٹی آئی چھوڑنے کا اعلان کرنے والے احسان الحق چودھری اور ڈاکٹر محمد افضل صوبائی اسمبلی کے امیدوار تھے۔پارٹی کا ساتھ چھوڑنے والے پی ٹی آئی رہنما اور حلقہ پی پی 247 سے امیدوار احسان الحق نے کہا کہ 9 مئی کے واقعات کی پرزور مذمت کرتے ہیں۔انہوں نے کہا کہ سانحہ 9 مئی کے ذمہ داروں کو قانون کے کٹہرے میں لایا جائے۔پی ٹی آئی رہنما اور پی پی 248 سے امیدوار ڈاکٹر محمد افضل نے کہا کہ افواج پاکستان ہے تو یہ ملک ہے میں پی ٹی آئی اور چودھری پرویز الہٰی گروپ چھوڑنے کا اعلان کرتا ہوں

لاہور : چیئرمین پی ٹی آئی عمران خان نے اپنی 7 کنال پر محیط زمان پارک رہائش گاہ کے لیے محکمہ ایکسائز اینڈ ٹیکسیشن کو 14 لاکھ 40 ہزار روپے کا لگڑری ٹیکس ادا کر دیا۔ میڈیا رپورٹ میں ایک دستیاب دستاویز کے حوالے سے بتایا گیا کہ 14 لاکھ 40 ہزار روپے کی رقم ل لگژری ہاؤس ٹیکس کے طور پر نیشنل بینک آف پاکستان میں ڈپارٹمنٹ کے اکاؤنٹ میں جمع کرائی گئی ہے۔ رپورٹ کے مطابق ایک سرکاری عہد یدار نے وضاحت کرتے ہوے بتایا کہ پہلے محکمہ نے مئی کے پہلے ہفتے میں نوٹس جاری کیا تھا، جس میں جائیداد کے مالکان کو 12 مئی تک ٹیکس ادا کرنے کی ہدایت کی گئی تھی۔تاہم انہوں نے ٹیکس ادا نہیں کیا تو 22 مئی تک ٹیکس ادا کرنے کی ہدایت کے ساتھ ایک اور نوٹس جاری کیا گیا، جس کے بعد آخر کار یہ ٹیکس ادا کر دیا گیا۔ رپورٹ کے مطابق محکمے نے 13 اپریل کو عمران خان کی لاہور میں زمان پارک رہائش گاہ پر نوٹس جاری کیا تھا اور لگڑری ٹیکس کے حساب کے لیے جائیداد کے رقبے اور دیگر تفصیلات کے بارے میں معلومات طلب کی تھیں۔اس نوٹس کے ذریعے محکمہ نے جائیداد کے مالکان کو آگاہ کیا تھا کہ صوبائی حکومت نے پنجاب فنانس ایکٹ 2014 کے سیکشن 8 کے تحت جولائی 2014 سے لگژ ری ٹیکس نافذ کر دیا ہے۔ رپورٹ کے مطابق نوٹس میں مالکان کو یہ بھی ہدایت کی گئی کہ وہ خط کی وصولی کے 7 روز کے اندر اندر منسلک فارم میں معلومات فراہم کریں۔ رپورٹ کے مطابق مختصر خط عمران خان کی والدہ شوکت خانم کے نام تھا، ابتدائی نوٹس کا مقصد لگژری ہاؤس ٹیکس کا اندازہ لگانے اور لاگو کرنے سے پہلے رہائش گاہ کی موجودہ حیثیت کے بارے میں معلومات اکٹھا کرنا تھا۔ رپورٹ کے مطابق محکمہ کا کہنا ہے کہ 1970 میں پلاٹ پر تعمیر ہونے والا پرانا گھر 2018 میں گرا دیا گیا تھا اور نئے گھر کی تعمیر 2020 میں مکمل ہوئی جو کہ لگڑری ہاؤس کے زمرے میں آتا ہے۔ پنجاب فنانس ایکٹ 2014 کے تحت دو کنال یا اس سے اوپر کا مکان جس کا رقبہ 6 ہزار مربع فٹ سے زیادہ ہو اور جس کی تعمیر یکم جنوری 2001 سے 30 جون 2022 کے درمیان مکمل ہوئی ہو اس پر اطراف کی آبادی کے لحاظ سے ایک سے 2 لاکھ روپے فی کنال ٹیکس لگے گا۔ اسی طرح 8 کنال یا اس سے اوپر کا گھر جس کا رقبہ 12 ہزار مربع فٹ سے زیادہ ہو اور اسی مدت کے دوران تعمیر کیا گیا ہو اس پر فی کنال 2 سے 3 لاکھ روپے ٹیکس وصول کیا جائے گا۔عہدے دار نے کہا کہ مالکان کی جانب سے ان کی جائیداد کے بارے میں فراہم کردہ معلومات کی وصولی کے بعد، محکمے نے ٹیکس کا حساب لگایااس کا اندازہ لگایا جو کہ 14 لاکھ 40 ہزار روپے تھا اور بعد میں دو نوٹس دینے کے بعد بالآخر 22 مئی کو عمران خان نے ٹیکس ادا کر دیا۔

کی سماعت کے موقع پر صوبائی حکومتوں کو ملک بھر میں جیلوں کی حالت زار کو بہتر بنانے کے لیے جیلوں سے متعلق تازہ رپورٹس کو متعلقہ ہائی کورٹس بھجوانے کا حکم دے دیا ہے۔ عدالت عظمی میں معاملے کی سماعت چیف جسٹس آف پاکستان کی سربراہی میں دو رکنی بنچ نے کی۔ دوران سماعت چیف جسٹس آف پاکستان نے ریمارکس دیئے کہ کئی سالوں سے اسلام آباد میں جیل بننے کاسن رہے ہیں، جیلوں کے حالات کچھ اچھے نہیں ہیں، جیلوں میں حد سے زیادہ قیدی رکھے گئے ہیں، چیف جسٹس پشاور ہائیکورٹ نے صوبے کی جیلوں کا دورہ بھی کیا، اڈیالہ جیل میں بھی حد سے زیادہ قیدی ہیں، اچھی بات یہ ہے کہ اڈیالہ جیل میں صفا?ی کا بہتر نظام ہے۔جسٹس اطہر من اللہ نے کہا کہ جیلوں میں بنیادی چیزوں پر بھی عملدرآمد نہیں ہو رہا،صوبائی حکومتوں کو متحرک کرنا ہوگا، یہ صوبائی معاملہ ہے، مزید جائزے کے لیے صوبائی ہئای کورٹس کو بھجوا دیتے ہیں۔عدالت نے صوبائی حکومتوں کو جیلوں کی حالت زار سے متعلق تفصیلات متعلقہ ہائیکورٹس بھجوانے کا حکم دیتے ہوے کہا کہ متعلقہ ہائیکورٹس جائزہ لے کر مزید احکامات جاری کریں۔بعد ازاں معاملے کی سماعت غیر معینہ مدت تک کیلئے ملتوی کر دی گئی ہے

اسلام آباد:الیکشن کمیشن آف پاکستان کی طرف سے پنجاب انتخابات فیصلہ کے خلاف دائر نظر ثانی درخواست کی سماعت کے موقع پر چیف جسٹس آف پاکستان نے ریمارکس دیئے ہیں کہ الیکشن کمیشن کو پہلے یہ بتاناہے کہ کیسے نظرثانی درخواست میں نئے گراؤنڈزلے سکتے ہیں،کونسل نظرثانی کو اپیل میں تبدیل مت کریں،آئین نے آرٹیکل 184(3) میں اپیل کا حق نہیں دیا،دائرہ اختیار بڑھانے کیلئے آئین میں واضح ہونا چاہیے،الیکشن کمیشن اور حکومت اب اس کاروائی کو سنجیدگی سے لے رہے ہیں،ماضی میں حکومت بینچ پر اعتراض کرتی رہی ہے،کبھی فل کورٹ کبھی چار تین کا نکتہ اٹھایا گیا،جو باتیں اب الیکشن کمیشن نے لکھ کر دی ہیں وہ پہلے کیوں نہیں کی گئیں؟کیا کسی اور ادارے نے اب الیکشن کمیشن کو یہ مؤقف اپنانے پر مجبور کیا ہے؟منگل کو عدالت عظمی میں نظر ثانی درخواست پر سماعت چیف جسٹس آف پاکستان کی سربراہی تین رکنی بنچ نے کی۔ سماعت کے آغاز میں الیکشن کمیشن کے وکیل سجیل سواتی نے عدالت کو بتایا کہ مجھے تحریک انصاف سمیت کسی فریق کے جواب کی کاپی فراہم نہیں کی گئی،تمام جوابات کا جائزہ لینے کیلئے موقع دیا جائے،چیف جسٹس نے اس موقع پر کہا کہ کیا ہم آپ کی مدد کریں کہ جوابات میں کیا کہاگیاہے؟ آپ اپنی درخواست پر تو دلائل دیں،آئندہ سماعت پر کوئی نیا نکتہ اٹھانا ہوا تو اٹھا سکتے ہیں،الیکشن کمیشن کے وکیل نے اس موقع پر دلائل اپنائے کہ نظرثانی درخواست کا دائرہ اختیار آئینی مقدمات میں محدود نہیں ہوتا،سپریم کورٹ کا دائرہ اختیار بڑھایا جاسکتا ہے لیکن کم نہیں کیا جاسکتا،نظرثانی کیس میں سپریم کورٹ کا دائرہ اختیار دیوانی اور فوجداری مقدمات میں محدود ہوتا ہے،جسٹس اعجاز الاحسن نے اس موقع پر کہا کہ بنیادی حقوق کیلئے عدالت سے رجوع کرنا سول نوعیت کا کیس ہوتا ہے،آرٹیکل 184(3) کا ایک حصہ عوامی مفاد دوسرا بنیادی حقوق کا ہے،الیکشن کمیشن کے وکیل نے موقف اپنایا کہ آرٹیکل 184(3) کے تحت کاروائی سول نوعیت کی نہیں ہوتی، جسٹس منیب اختر نے اس موقع پر ریمارکس دیئے کہ اگر انتخابات کا مقدمہ ہائیکورٹ سے ہوکر اتا تو کیا سول کیس نہ ہوتا؟ انتخابات سے کروڑوں عوام کے حقوق جڑے ہیں،پنجاب اور خیبرپختونخوا کے عوام کے حقوق انتحابات سے جڑے ہیں،عوامی مفاد تو 90 روز میں انتخابات ہونے میں ہے، ہائیکورٹ سے اپیل آئے تو آپکے مطابق عدالتی دائرہ کار محدود ہے،نظر ثانی کیس میں آپکا موقف ہے کہ دائرہ محدود نہیں،کیا یہ بنیادی حقوق کے مقدمہ کیساتھ امتیازی سلوک نہیں،سپریم کورٹ کیوں اپنے دائرہ اختیار میں ابہام پیدا کرے؟جس پر ای سی پی کے کونسل نے موقف اپنایا کہ ہائیکورٹ کا آئینی اختیار سپریم کورٹ سے زیادہ ہے،ارٹیکل 184 میں اپیل کا حق نہیں دیا گیا،اپیل کا حق نہ ہونے کیوجہ سے نظر ثانی کا دائرہ محدود نہیں کیا جاسکتا،عدالت کو نظرثانی میں انصاف کے تقاضوں کو مدنظر رکھنا ہے،عدالت کو نظرثانی میں ضابطہ کی کاروائی میں نہیں پڑنا چاہیے،آئینی مقدمات میں نیا نقطہ اٹھایا جاسکتا کے، جسٹس منیب اختر نے اس موقع پر پوچھا کہ کیا آپ کی دلیل ہے 184(3) میں نظرثانی کو اپیل کی طرح سماعت کی جائے؟ سجیل سواتی نے اس موقع پر بتایا کہ بالکل میں یہی کہہ رہا ہوں 184(3) میں نظرثانی دراصل اپیل ہی ہوتی ہے،184(3) کے مقدمے میں نظرثانی کا دائرہ اختیار محدود نہیں ہونا چاہیے،چیف جسٹس آف پاکستان نے اس موقع پر الیکشن کمیشن کے وکیل کو مخاطب کرتے ہوئے کہا کہ آپ نے دلائل میں بڑے اچھے نکات اٹھائے ہیں مگر ان نکات پر عدالتی حوالہ جات اطمینان بخش نہیں ہیں، جسٹس اعجاز الاحسن نے اس موقع پر کہا کہ اگر الیکشن کمیشن کی دلیل مان لی جائے تو نظر ثانی میں ازسرنو سماعت کرنا ہوگی،آئین میں نہیں لکھا کہ نظرثانی اور اپیل کا دائرہ کار یکساں ہوگا،وکیل الیکشن کمیشن نے اس موقع پر موقف اپنایا کہ آئین میں دائرہ کار محدود بھی نہیں کیا گیا،نظرثانی میں عدالت کو مکمل انصاف کیلئے آرٹیکل 187 کا اختیار بھی استعمال کرنا چاہیے،عدالت کا تفصیلی فیصلہ آ جائے تو ذیادہ آسان ہو جائے گا۔جسٹس منیب اختر نے اس موقع پر کہا کہ نیا مؤقف تو اپیل میں بھی نہیں لیا جاسکتا۔بعد ازاں معاملہ کی سماعت بدھ 24 مئی سوا بارہ بجے تک کیلئے ملتوی کردی گئی ہے۔۔۔۔۔توصیف

کمیشن نے آڈیو لیکس کی کارروائی پبلک کرنے کا اعلان کرتے ہوئے واضح کیا کہ حساس معاملے کی ان کیمرہ کارروائی کی درخواست کاجائزہ لیں گے، جب کہ کمیشن کی کارروائی سپریم کورٹ کی بلڈنگ میں ہوگی۔کمیشن نے اٹارنی جنرل کو کمیشن کیلئے موبائل فون اور سم فراہم کرنے کی ہدایت کرتے ہوئے کا کہ جوڈیشل کمیشن کیلئے فراہم کردہ فون نمبر پبلک کیا جائے گا۔جسٹس قاضی فاٸز عیسی نے حکم دیا کہ اٹارنی جنرل بدھ تک تمام ریکارڈ فراہم کریں۔کمیشن نے اٹارنی جنرل سے آڈیو ریکارڈنگ کا ریکارڈ طلب کرتے ہوئے آڈیو لیکس میں شامل افراد کی فہرست فراہم کرنے کی ہدایت کردی۔کمیشن نے ریمارکس دیئے کہ ٹرانسکرپٹ میں غلطی ہوئی تومتعلقہ افسرکےخلاف کارروائی ہوگی، وفاقی حکومت تمام مواد کی فراہمی بدھ تک یقینی بنائے، جن کی آڈیوز ہیں ان کے نام، عہدے اور رابطہ نمبرفراہم کریں۔جسٹس فائزعیسیٰ نے انکوائری کمیشن کا دائرہ اختیار بھی واضح کردیا اور ریمارکس دیئے کہ انکوائری کمیشن سپریم جوڈیشل کونسل نہیں ہے۔