Category سیاست

چیئرمین تحریک انصاف عمران خان کی امریکی کانگریس خاتون میکسین کے ساتھ زوم میٹنگ پر ہونے والی گفتگو لیک ہو گئی ہے جس میں وہ مدد کی اپیل کر رہے ہیں۔ تفصیلات کے مطابق لیک ہونے والی مبینہ آڈیو میں عمران خان کہتے ہیں کہ ” ہمارے ملک میں اس وقت بہت ہی عجیب و غریب صورتحال ہے اور پاکستان تاریخ کے نازک ترین دور سے گزر رہاہے ، مجھ پر قاتلانہ حملہ ہوا، سابق آرمی چیف کی جانب سے ہماری حکومت سازش کے تحت ختم کروائی گئی ، ملٹری اسٹبلشمنٹ یہاں پر بہت ہی مضبوط ہے ،انہوں نے طاقت رکھنے والے لوگوں کے ساتھ مل کر سازش کی ، ہماری حکومت نے بہترین معاشی پرفارمنس دکھائی ، ہم پر تاریخ کا بدترین کریک ڈاﺅن کیا گیا ، جبکہ کسی بھی جمہوری پارٹی کی اس طرح سے حقوق کی خلاف ورزی نہیں کی گئی ،، جو ہو رہاہے اس کی کوئی مثال نہیں ملتی ،، میں صرف پاکستان میں قانون کی حکمرانی چاہتاوں ، میری التجاہے کہ آپ میری لیے آواز بلند کریں ، آپ کے کہے گئے الفاظ ہمارے سنے جائیں گے

گران وزیراعلیٰ پنجاب محسن نقوی کا کہنا ہے کہ پنجاب بھر میں 9 مئی کو ہونے والے واقعات سے متعلق 138 مقدمات درج ہیں، جن میں 500 سے زائد خواتین اس وقت مطلوب ہیں، فوجی تنصیبات پر حملوں میں ملوث خواتین کو ہر صورت گرفتار کیا جائے گا، فوجی تنصیبات پر حملوں میں ملوث خواتین کسی رعایت کی مستحق نہیں۔ نگران وزیراعلیٰ نے ہدایت کی ہے کہ ان مقدمات میں ملوث خواتین کی گرفتاری لیڈیز پولیس کے ہمراہ یقینی بنائی جائے اور کوشش کی جائے کہ ان کو خواتین پولیس سٹیشن میں رکھا جائے۔ محسن نقوی کا مزید کہنا ہے کہ انسداد دہشت گردی کی دفعات کے تحت درج ایف آئی آرز میں شامل خواتین کو بھی گرفتار کیا جائے گا، فوجی مقامات پر حملوں خاص طور پر جناح ہاؤس کے اندر اور باہر موجود خواتین سے لیڈیز پولیس سٹیشن میں آ کر خود گرفتاری دینے کی صورت میں رعایت برتنے کا فیصلہ کیا گیا ہے۔

ہور ہائیکورٹ کے جسٹس انوار الحق نے پی ٹی آئی رہنما فرخ حبیب کی درخواست پر سماعت کی، فرخ حبیب کے وکیل بیرسٹر احمد پنسوتہ نے دلائل دیتے ہوئے مؤقف اختیار کیا کہ 9 مئی کے واقعات کے بعد فیصل آباد سے درجنوں افراد کو گرفتار کرکے نظر بند کیا گیا، آئی جی پنجاب نے گرفتاری کا میڈیا کے سامنے اعتراف کیا، گرفتاری اور نظر بندی بنیادی حقوق کی سنگین خلاف ورزی اور غیرقانونی ہے۔درخواست گزار کے وکیل نے استدعا کی کہ عدالت ڈپٹی کمشنر فیصل آباد کے نظربندی کے احکامات کالعدم قرار دے۔ بعدازاں جسٹس انوارالحق پنوں نے محفوظ فیصلہ سناتے ہوئے فیصل آباد سے تحریک انصاف کے رہنماؤں اور کارکنوں سمیت 123 فراد کی نظربندی کے احکامات معطل کردیے۔ عدالت نے فریقین کو نوٹس جاری کرتے ہوئے جواب طلب کرلیا

قومی احتساب بیورو کی جانب سے جاری رپورٹ کے مطابق آشیانہ ہاؤسنگ میں شہباز شریف کے خلاف اختیارات کے ناجائز استعمال کے کوئی ثبوت نہیں ملے، آشیانہ سکینڈل میں شہباز شریف کے خلاف بدنیتی کا کوئی پہلو بھی ثابت نہیں ہوتا۔ رپورٹ میں کہا گیا ہے آشیانہ ہاؤسنگ کے ٹھیکے دینے کے پراسس میں بدعنوانی کے کوئی ثبوت نہیں ملے ، آشیانہ پراجیکٹ شروع کرتے وقت سرکاری خزانے کوکوئی نقصان نہیں پہنچا نہ شہباز شریف نے کوئی فوائد حاصل کیے، ریکارڈ اور شواہد سے یہ بات ثابت ہوتی ہے کہ کسی پبلک آفس ہولڈر نے کسی قسم کے کوئی فوائد حاصل نہیں کیے۔ نیب رپورٹ کے مطابق بغیر کسی شکوک و شبہات کے یہ بات ثابت ہو رہی ہے کہ سرکاری خزانے کو نقصان نہیں ہوا، کامران کیانی نے بھی سرکار کے خزانے کو نقصان نہیں پہنچایا نہ فواد حسن فواد نے ٹھیکہ دلوانے کے لیے کوئی رشوت لی۔ نیب رپورٹ میں کہا گیا ہے کہ شہباز شریف نے آشیانہ کا ٹھیکہ لطیف اینڈ سنز کو دینے کا معاملہ قانون کے مطابق اینٹی کرپشن کو بھجوایا تھا۔ نیب نے شہباز شریف کی بریت کی درخواست پر جواب احتساب عدالت لاہور میں جمع کرا دیا ، نیب نے استدعا کی ہے کہ احتساب عدالت لاہور قانون کے مطابق شہباز شریف کی بریت کی درخواست پر فیصلہ کر دے

اسلام آباد:اسلام آباد ہائیکورٹ نے وفاقی دارالحکومت میں ڈسٹرکٹ کورٹس کی ایف ایٹ سے نئے جوڈیشل کمپلیکس منتقلی تا حکم ثانی ملتوی کرنے کی ہدایت کردی۔ وکلاء کی جانب سے نئے جوڈیشل کمپلیکس میں ناکافی سہولیات کی شکایات کے بعد اسلام آباد ہائیکورٹ نیاسلام آباد ایف 8 مرکز سے نئے جوڈیشل کمپلیکس جی 11 منتقلی روک دی اور کہاہے کہ سیشن کورٹس سے قبل ہائیکورٹ کی منتقلی مکمل ہونے کے بعد ڈسٹرکٹ کورٹس کی منتقلی کا عمل ہو گا۔یاد رہے کہ فوری طور پر سیشن عدالتوں کی منتقلی پر وکلاء نے سہولیات کے نہ ھونے پر تحفظات کا اظہار کیا تھا،سیاسی حالات اور واقعات کی وجہ سے ہائیکورٹ کی منتقلی 15 مئی بجائے 22 مئی کو ہو گی،ہائیکورٹ کے منتقل ھونے کے بعد سیشن کورٹ کی منتقلی کو عمل میں لایا جائے گا۔

اسلام آباد : اسلام آباد ہائیکورٹ کے جسٹس میاں گل حسن اورنگزیب کی عدالت نے ڈاکٹر شیری مزاری کی دوبارہ گرفتاری پر دائر توہین عدالت کی درخواست میں انسپکٹر جنرل آف پولیس اسلام آباد ڈاکٹر ناصر اکبر کونوٹس جاری کرتے ہوئے جواب طلب کرلیا۔ اسلام ہائی کورٹ میں سماعت کے دوران اٹارنی جنرل آف پاکستان منصور عثمان اور دیگر عدالت پیش ہوئے، عدالت نے کہاکہ پنجاب پولیس کو ڈائریکٹ اسلام آباد سے کسی کو گرفتار نہیں کرسکتی،بادی النظر میں اسلام آباد پولیس اس معاملے سے الگ نہیں ہو سکتی،کیا پنجاب پولیس کو اسلام آباد پولیس نے بلایا تھا،کیا ڈاکٹر شیری مزاری کو دوبارہ گرفتار کر لیا گیا ہے، جس پر وکیل نے کہاکہ جی انہیں دوبارہ گرفتار کر لیا گیا ہے،دوران سماعت جسٹس میاں گل حسن اورنگزیب جذباتی ہو گئے اور کہاکہ ان کیسز پر عدالت کو کچھ concern ہیں،عدالت کی رٹ اس ملک کا وقار ہے، آئینی عدالت کے خلاف ایک مہم لانچ کی گئی،ہم ججز ٹاک شو نہیں کرسکتے،ہم وہاں بیٹھ کر بات نہیں کرسکتے،اٹارنی جنرل صاحب ملک کے لیے اعلی اتھارٹی کے سامنے یہ معاملہ رکھیں،اٹارنی جنرل نے کہاکہ یہ ملک آئین کے تحت ہی چلنا ہے ،عدالتوں نے آئین کے تحت ہی کام کرنا ہے اور آئین کے دائرے میں رہ کر کام کرنا ہے،جسٹس میاں گل حسن اورنگزیب نے کہاکہ یہ وقت گزر جائے گا لیکن اس کے اثرات برقرار رہیں گے، حکومت کی کوشش ہے کہ عدالتی رٹ کو شکست دی جائے،ہم کہتے ہیں سولائیزڈ ملک ہے کورٹ کے آرڈر کے ساتھ جو ہو رہا وہ ثابت نہیں کرتا،جو پرتشدد واقعات ہوئے انکو کوئی جسٹیفائی نہیں کرسکتا،ہم یہاں صرف سروس کے لیے ہیں، اس موقع پر کمرہ عدالت موجود وکلاء￿ روسٹرم پر آگئے اور کہاکہ ہم عدالت کے ساتھ ہیں، جسٹس میاں گل حسن اورنگزیب نے کہاکہ پنجاب پولیس ڈائریکٹ اسلام آباد سے کسی کو گرفتار نہیں کر سکتی،باڈی النظر میں اسلام آباد پولیس خود کو اس سے الگ نہیں کر سکتی،کیا پنجاب پولیس کو اسلام آباد نے بلایا تھا کہ عدالت نے گرفتاری سے روکا ہوا ہے؟ عدالت نے آئی جی اسلام آباد کو نوٹس جاری کرتے ہوئے استفسار کیاکہ عدالتی حکم کے باوجود شیریں مزاری کو پنجاب پولیس کے حوالے کیوں کیا ؟عدالت نے سماعت پیر تک کیلئے ملتوی کردی ۔

لاہور:لاہور کی انسداد دہشتگردی عدالت نے جناح ہاؤس پر حملہ، توڑ پھوڑ اور جلاؤ گھیرا ؤکیس میں پی ٹی آئی رہنماؤں عالیہ حمزہ ، مریم مزاری اور دیگر کو 7 روزہ جوڈیشل ریمانڈ پر جیل بھیج دیا۔جناح ہاؤس پرحملہ ، توڑ پھوڑ اور جلاؤ گھیراؤ کیس کی سماعت لاہور کی انسداد دہشتگردی عدالت میں ہوئی۔ تھانہ سرور روڈ پولیس نے پی ٹی آئی کی خواتین کو عدالت میں پیش کیا۔تفتیشی افسر نے عدالت سے استدعا کی کہ پی ٹی آئی سے تعلق رکھنے والی عالیہ حمزہ ملک، مریم مزاری اور صبوحی انعام جناح ہاؤس حملے میں ملوث ہیں شناختی پریڈ کے لیے جوڈیشل ریمانڈ منظور کیا جائے۔ انسداد دہشت گردی عدالت کی ایڈمن جج عبہر گل خان نے شناخت پریڈ کے لیے جوڈیشل ریمانڈ منظور کرتے ہوئے عالیہ حمزہ ، مریم مزاری اور دیگر کو 7 روز کے جوڈیشل ریمانڈ پر جیل بھیج دیا۔

اسلام آباد ہائیکورٹ میں تحریک انصاف کے وائس چیئرمین شاہ محمود قریشی کی تھری ایم پی اوکے تحت گرفتاری کے خلاف درخواست پر سماعت ہوئی۔شاہ محمود قریشی کی نظربندی کے خلاف درخواست پر سماعت جسٹس میاں گل حسن اورنگزیب نے کی، جنہوں نے اسٹیٹ کونسل سے استفسار کیا کہ کیا شاہ محمود قریشی پرکوئی مقدمہ ہے۔اسٹیٹ کونسل نے عدالت کو جواب دیا کہ مجھے معلوم کرنا ہوگا کہ کوئی مقدمہ ہے کہ نہیں۔شاہ محمود قریشی نے وکیل نے عدالت میں مؤقف پیش کیا کہ شاہ محمود نے ویڈیو بیان دیا کہ کوئی توڑ پھوڑ نہ کرے۔جسٹس میاں گل حسن اورنگزیب شاہ محمود وزیر خارجہ رہ چکے ہیں۔شاہ محمود قریشی کے وکیل نے کہا کہ ملیکہ بخاری کو بھی عدالت نے رہا کیا، لیکن انہیں پھر گرفتارکر لیا گیا۔جسٹس میاں گل حسن اورنگزیب میں آؤٹ آف دی باکس نہیں جاؤں گا۔عدالت نے شاہ محمود قریشی کو فوری رہا کرنے کا حکم دے دیا، جب کہ شاہ محمود قریشی کی تھری ایم پی اوکے تحت گرفتاری کالعدم قرار دے دیا گیا

سابق وزیر داخلہ اور عوامی مسلم لیگ کے سربراہ شیخ رشید احمد نے ملکی صورتحال سے متعلق پیشگوئی کرتے ہوئے کہا ہے کہ 16 جون تک آر یا پار ہو جائے گا۔سماجی رابطے کی ویب سائٹ ٹوئٹر پر جاری کردہ ٹویٹ میں انہوں نے اپنے گرفتاری کے حوالے سے اظہار خیال کیا۔ انہوں نے کہا کہ لال حویلی کا کیس بھی ہنگامی طور پر آج لگا دیا ہے۔ جب تک گرفتار نہیں ہوتا عوام سے رابطہ رکھنے کی کوشش جاری رکھوں گا۔۔شیخ رشید کا کہنا تھا کہ میرے لوگوں کوغیر قانونی طریقے سے گھروں سے اٹھا لیا گیا ہے۔ دیکھنا ہے کہ انہیں آج عدالت میں پیش کرتے ہیں یا نہیں۔ اوپر اللہ نیچے عدلیہ ہے اور انشاء اللہ آئین و قانون جیتے گا۔سربراہ عوامی مسلم لیگ نے کہا کہ سپریم کورٹ کا گھیراؤ عوام کو اداروں سے لڑوانے کی ناکام سازش حکومت کا ایجنڈا ہے۔ 13 جماعتیں اپنی نا اہلی کا غصہ عوام پر نکلوا رہی ہیں۔انہوں نے مزید کہا کہ عدالت ضمانت دیتی ہے تو ریڈی میڈ ایف آئی آر تیار ہوتی ہے۔ ملک سیاسی، معاشی اور اقتصادی طور پر تباہ ہوگیا ہے، آئی ایم ایف سے چھٹی، دوستوں سے کٹی ہوگئی

نیشنل کرائم ایجنسی برطانیہ سے موصول 190 ملین پاؤنڈکےکیس میں نیب راولپنڈی نے آج عمران خان اور بشریٰ بی بی کو طلب کر رکھا ہے تاہم چیئرمین پی ٹی آئی کے آج نیب میں پیش نہ ہونے کا امکان ہے۔ذرائع کا کہنا ہے کہ وکلا نے عمران خان کو نیب میں ذاتی حیثیت میں پیش نہ ہونے کا مشورہ دیا ہے۔عمران خان کو وکلا کے ذریعے نیب کو 20 نکات پرمشتمل جوابات اور دستاویزات فراہم کرنےکا مشورہ دیا گیا ہے
اس کیس میں نیب نے کل زمان پارک میں تین صفحات پر مبنی نوٹس موصول کرایا تھا جس میں عمران خان کو آج صبح 10 بجے نیب راولپنڈی پیش ہونےکی ہدایت کی گئی تھی۔عمران خان کو کیس سے متعلقہ دستاویزات بھی ہمراہ لانے کی ہدایت کرتے ہوئے کہا گیا تھا کہ وہ اپنے ہمراہ القادر ٹرسٹ کی تفصیلات اور الحاق کے کاغذات ساتھ لائیں، ڈیڈبینک اکاونٹس کی تفصیلات بھی ہمراہ لائیں۔نوٹس میں کہا گیا کہ عمران خان کی عدم حاضری پر قانونی کارروائی ہوگی۔دوسری جانب نیب راولپنڈی نے سابق معاون خصوصی احتساب شہزاد اکبر کو بھی اسی اسکینڈل کی تحقیقات میں 22 مئی کوطلب کیا ہے