Category سیاست

القادر ٹرسٹ کیس میں سابق وزیراعٖظم عمران خان کی اہلیہ بشریٰ بی بی کو کل اسلام آباد نیب عدالت نے طلب کر لیا۔ نیب کی 3 رکنی ٹیم القادر ٹرسٹ کیس کے سلسلے میں آج زمان پارک، لاہور پہنچی۔ نیب ٹیم نیشنل کرائم ایجنسی اسکینڈل کیس میں بشریٰ بی بی کو نوٹس دینے پہنچی۔نیب کی جانب سے بشریٰ بی بی کو کل نیب عدالت میں طلب کرلیا گیا۔ زمان پارک کے ذرائع کے مطابق پاکستان تحریک انصاف (پی ٹی آئی) کی لیگل ٹیم نیب سے نوٹس وصول کرے گی۔اسلام آباد ہائیکورٹ کی طرف سے چیئرمین پی ٹی آئی عمران خان کو بھی شامل تفتیش ہونے کی ہدایت کی گئی ہے۔اس سے قبل لاہور ہائیکورٹ نے بشریٰ بی بی سے متعلق انکوائری میں 23 مئی تک حفاظتی ضمانت منظور کی تھی۔

اسلام آباد :چیف الیکشن کمشنر سکندر سلطان راجہ کی سربراہی میں اہم اجلاس ، ممبران الیکشن کمیشن سمیت دیگر افسران کی شرکت ،بریفنگ بھی دی گئی ۔بریفنگ میں بتایا گیا کہ ضلع کوئٹہ واحد ضلع ہے جس میں ابھی تک الیکشن کا انعقاد نہیں ہوسکا جس کی وجہ حکومت بلوچستان کی طرف سے ٹائونز کی تشکیل نہ ہونا ہے الیکشن کمیشن نے دو دفعہ کوئٹہ کی حلقہ بندی مکمل کی لیکن صوبائی حکومت کی عدم دلچسپی کے باعث الیکشن کا انعقاد ممکن نہ ہوسکا ۔بریفنگ میں مزید بتایا گیا کہ بلوچستان ہائی کورٹ نے 23ا کتوبر 2022کو سیکرٹری لوکل گورنمنٹ ڈیپارٹمنٹ بلوچستان کو حکم دیا تھا کہ بلوچستان لوکل گورنمنٹ ایکٹ کے تحت ضلع کوئٹہ میں ٹائونز کی تشکیل کا نوٹیفکیشن جاری کیا جائے پانچ ماہ گزرنے کے باوجود بلوچستان گورنمنٹ نے متعلقہ نوٹیفکیشن اور حلقہ بندی کیلئے ضروری دستاویزات فراہم نہیں کیں جس وجہ سے ابھی تک ضلع کوئٹہ کی حلقہ بندی اور الیکشن کمیشن کی تشکیل نہیں ہوسکی ۔

وزیراعظم شہباز شریف سے آرمی چیف جنرل عاصم منیر نے ملاقات کی ہےذرائع کے مطابق آرمی چیف جنرل عاصم منیر وزیراعظم شہباز شریف شریف سے ملاقات کیلئے وزیراعظم ہاؤس پہنچےذرائع کے مطابق آرمی چیف جنرل عاصم منیر وزیراعظم شہباز شریف شریف سے ملاقات کیلئے وزیراعظم ہاؤس پہنچےدورانِ ملاقات ملکی سلامتی کے امور پر تبادلہ خیال کیا گیا۔اس سے قبل وزیراعظم شہباز شریف سے ایم کیو ایم وفد کی بھی ملاقات ہوئی۔

پی ٹی آئی رہنما فواد چودھری نے عدالت کو کسی پرتشدد مظاہرے میں شرکت نہ کرنے کا بیان حلفی دے دیا۔عدالت نے تھری ایم پی او کے تحت گرفتاری کالعدم قرار دے دی۔جسٹس گل حسن اورنگزیب نے محفوظ کیا گیا فیصلہ سنا تے ہوئے فواد چودھری کی گرفتاری کو کالعدم قرار دے دیا۔فواد چودھری جیسے ہی احاطہ عدالت سے باہر آئے تو انہیں دوبارہ گرفتار کرنے کی کوشش کی گئی، اس موقع پر پی ٹی آئی رہنما نے دوڑ لگا دی اور دوبارہ کمرہ عدالت میں پہنچ گئے

مریم نواز کا چیف جسٹس عمر عطا بندیال کی گُڈ ٹو سی یو جملے پر وضاحت پر ردعمل۔۔۔ اپنے ٹوئٹر پیغام میں مریم نواز کا کہنا تھا کہ اربوں کے ڈاکے ڈالنے والے کتنے مجرموں کو آپ گڈ ٹو سی یو کہتے ہیں؟
مریم نواز کا کہنا تھا کہ ہر ایک کو رجسٹرار سے فون کروا کر مرسڈیز بھی منگوا کر رخصت کرتے ہیں؟
کیا ہر ایک کو جیل سے ریسٹ ہاؤس بھی شفٹ کرتے ہیں؟ کیا سب پر اسی طرح ریمانڈ میں ضمانتوں کی برسات کرتے ہیں؟
مریم نواز نے چیف جسٹس سے سوال کرتے ہوئے کہا کہ کیا سب کو کہتے ہیں 10 فیملی ممبرز کو بلائیں، گپیں لگائیں اور سو جائیں؟

تحریک انصاف کے چیئرمین عمران خان کی 2 مقدمات میں ضمانت کی درخواستوں پر سماعت ہوئی، جس میں ان کی عبوری ضمانت میں توسیع کر دی گئی۔عدالت نے عمران خان کے خلاف اقدام قتل اور بغاوت کے مقدموں میں عبوری ضمانت میں 8 جون تک توسیع کردی ہےوکیل گوہر علی کاکہنا تھا کہ عمران خان کی حاضری سے استثنیٰ کی درخواست دائر کر رہے ہیں،وکیل نے اسلام آباد ہائیکورٹ کے حکم امتناع کی کاپی سیشن کورٹ میں جمع کرادی۔سیشن کورٹ اسلام آباد میں توشہ خانہ کیس کی سماعت 8جون تک ملتوی کر دی گئی ہے

اسلام آباد:چیف جسٹس آف پاکستان نے الیکشن کمیشن کی طرف سے 4 اپریل کے حکم کے خلاف دائر نظر ثانی اپیل کی سماعت کے موقع پر ریمارکس دیئے ہیں کہ ادارے سیریس تھریٹس کے اندر ہیں، میرا مشورہ ہے فریقین پرامن ماحول کیلئے کردار ادا کریں،آج دیکھ لیں، حکومت بے بس ہے، لوگ گیٹ پھلانگ رہے ہیں، دوبارہ کہتا ہوں فریقین کو چاہیے، مذاکرات دوبارہ شروع کریں،حکومت مذاکرات کی دعوت دے تو علی ظفر بھی اپنی پارٹی سے بات کریں،الیکشن کمیشن نے پہلے یہ مؤقف اپنایا ہی نہیں تھا،جو نکات پہلے نہیں اٹھائے کیا وہ اب اٹھائے جا سکتے ہیں،مناسب ہوگا یہ نکات کسی اور کو اٹھانے دیں،عدالتی دائرہ اختیار کا نکتہ بھی الیکشن کمیشن نے نہیں اٹھایا تھا،وفاقی حکومت یہ نکتہ اٹھا سکتی تھی لیکن انہوں نے نظرثانی دائر ہی نہیں کی،الیکشن کمیشن کی درخواست میں اچھے نکات ہیں،بعض نکات غور طلب ہیں ان پر فیصلہ کریں گے،فیصلہ حتمی ہو جائے پھر عمل درآمد کروائیں گے،ادارے اس وقت شدید خطرے کے اندر ہیں،میرا مشورہ ہے پرامن ماحول کیلئے کردار ادا کریں،دیکھیں اس وقت سپریم کورٹ کے باہر کیا صورتحال ہے،باہر جو ہو رہا ہے، کون آئین پر عمل کرائے گا،آج دیکھ لیں، لوگ گیٹ پھلانگ رہے ہیں، وفاقی حکومت مدد فراہم کررہی ہے،آئین ہی جمہوریت کی بنیاد ہے، ہم ملک میں امن چاہتے ہیں،مشکل حالات میں اللہ پاک صبر کی تلقین کرتے ہیں،ملکی اداروں اور اثاثوں کو جلایا جا رہا ہے، چار پانچ دن سے جو ہو رہا ہے اسے بھی دیکھیں گے،اس کے باوجود بھی ہم اپنا کام کرہے ہیں،ایگزیکٹو اور اپوزیشن اخلاقیات کا اعلی معیار برقرار رکھیں،آئین پر عمل لازمی ہے، ایسے ماحول میں آئین پر عملدرآمد کیسے کرایا جائے؟سوموار کو عدالت عظمی میں الیکشن کمیشن کی درخواست پر چیف جسٹس آف پاکستان کی سربراہی میں تین رکنی بنچ نے سماعت کی۔ وکیل تحریک انصاف علی ظفر نے موقف اپنایا کہ نظرثانی کا دائرہ محدود ہوتا ہے،نظرثانی درخواست میں نئے نکات نہیں اٹھائے جا سکتے،14 مئی گزر چکا ہے،آئین کا انتقال ہو چکا ہے،نگران حکومتیں اب غیر آئینی ہو چکی ہیں،عدالت اپنے فیصلے پر عمل کروائے،موجودہ صورتحال میں عبوری حکومت غیر آئینی ہے، پچھلے ہفتے عبوری حکومت نے سابق وزیراعظم کو عدالت سے گرفتار کیا۔چیف جسٹس نے اس موقع پر کہا کہ درخواست قابل سماعت ہونے پر الیکشن کمیشن کا مؤقف سننا چاہتے ہیں،صوبائی حکومتوں اور دیگر سیاسی جماعتوں کو کو بھی سنیں گے۔عدالت عظمی نے اس موقع پر الیکشن کمیشن کے وکیل سے استفسار کیا کہ انہیں اپنے دلائل مکمل کرنے کیلئے کتنا وقت درکار ہے جس پر الیکشن کمیشن کے وکیل شرجیل سواتی نے بتایا کہ انہیں اپنے دلائل مکمل کرنے کیلئے تین سے چار گھنٹے درکار ہوں گے۔انہوں نے دلائل اپنائے کہ نظرثانی کا دائرہ محدود نہیں ہوتا،آئینی مقدمات میں دائرہ اختیار محدود نہیں ہو سکتا،چیف جسٹس نے اس موقع پر کہا کہ یہ بھی مدنظر رکھیں گے کہ نظرثانی میں نئے نکات نہیں اٹھائے جا سکتے،ہمارے پاس کل اہم کیس کی سماعت ہے، کیوں نہ یہ سماعت اگلے ہفتے تک ملتوی کر دیں،بعد ازاں عدالت عظمی نے اٹارنی جنرل،پنجاب اور خیبرپختونخوا کے ایڈووکیٹ جنرلز اور دیگر فریقین کو نوٹس جاری کرتے ہوئے کیس کی سماعت آئندہ ہفتے تک کیلئے ملتوی کر دی ہے۔(توصیف)

اسلام آباد: وزیراعظم شہباز شریف نے موجودہ ملکی صورتحال پر قومی سلامتی کمیٹی کا اجلاس آج( منگل )کو طلب کر لیا۔اجلاس میں آرمی چیف جنرل عاصم منیر سمیت سول و عسکری قیادت شریک ہو گی۔وزیراعظم شہباز شریف قومی سلامتی کمیٹی اجلاس کی صدارت کریں گے،اجلاس میں مسلح افواج کے سربراہ سمیت دیگر متعلقہ وزراء بھی شریک ہوں گے۔اجلاس میں ملکی امن و امان کی صورتحال کا جائزہ لیا جائے گا۔اجلاس میں انٹیلی جنسوں کے سربراہان شریک ہوں گے۔قومی اہمیت اور سلامتی سے متعلق امور زیر غور آئیں گے۔قومی سلامتی کمیٹی کے اجلاس میں ملکی سکیورٹی صورتحال کا جائزہ لیا جائے گا

چیئرمین پاکستان تحریک انصاف عمران خان اہلیہ بشری بی بی سمیت حفاظتی ضمانت کے لیے لاہورہائی کورٹ پہنچے تاہم عدالت نے عمران خان کی درخواست آج ہی سماعت کےلئے مقرر کرنے کی استدعا مسترد کردی۔عمران خان کی اہلیہ بشریٰ بی بی نے القادر ٹرسٹ کیس میں حفاظتی ضمانت کیلئے خواجہ حارث اور انتظار حسین پنجوتہ کے توسط سے لاہور ہائی کورٹ میں درخواست دائر کی۔ درخواست میں چئیرمین نیب اور ڈی جی نیب کو فریق بنایا گیا۔جسٹس شہباز رضوی کی سربراہی میں 2 رکنی بینچ نے بشری بی بی کی القادرٹرسٹ میں حفاظتی ضمانت کی درخواست پر سماعت کی۔تحریک انصاف کے چیئرمین عمران خان اپنی اہلیہ بشریٰ بی بی کے ہمراہ لاہور ہائیکورٹ پہنچے۔اس دوران عدالت نے دوبارہ استفسار کیا کہ درخواست گزار کہاں ہیں۔ جس پر خواجہ حارث ایڈووکیٹ بشریٰ بی بی راستے میں ہیں۔ عدالت نے ریمارکس دیئے کہ عدالت کو انتظار کروانا کیا درست ہے، پہلے بھی آواز دی گئی اب دوبارہ بھی پیش نہیں ہوئے۔ایڈووکیٹ خواجہ حارث نے عدالت کو بتایا کہ ہائیکورٹ پہنچ چکے ہیں۔بشریٰ بی بی نے عدالت میں مؤقف پیش کیا کہ نیب نے کسی قانونی جواز کے بغیر طلبی کا نوٹس بھییجا، اپنا مؤقف واضع کرنے کےلئے ٹرائل عدالت ہیش ہونا چاہتی ہوں، لیکن نیب کی جانب سے گرفتاری کا خدشہ ہے۔ عدالت القادر ٹرست میں حفاظتی ضمانت منظور کرے۔عدالت نے بشری بی بی کی 23 مئی تک حفاظتی ضمانت منظور کرلی

چیف جسٹس عمر عطا بندیال نے کہا ہے کہ آج دیکھ لیں وفاقی حکومت بے بس ہے، لوگ گیٹ پھلانگ رہے ہیں، سپریم کورٹ کے باہر جو ہورہا ہے کون آئین پر عملدرآمد کرائے گا؟ فریقین دوبارہ مذاکرات شروع کریں۔
پنجاب انتخابات سے متعلق الیکشن کمیشن آف پاکستان کی نظر ثانی درخواست پر سپریم کورٹ آج سماعت کررہا ہے۔ چیف جسٹس عمر عطاء بندیال کی سربراہی میں 3 رکنی خصوصی بینچ سماعت کررہا ہے۔ جسٹس اعجازالاحسن اور جسٹس منیب اختر بھی بینچ میں شامل ہیں۔
دورانِ سماعت چیف جسٹس عمر عطا بندیال نے ریمارکس دیتے ہوئے کہا کہ فنڈز اور سیکیورٹی کا مسئلہ پہلے الیکشن کمیشن نے بتایا تھا۔ آج تو الیکشن کمیشن نے سپریم کورٹ کے دائرہ اختیار پر سوال اٹھا دیا ہے۔ نظر ثانی درخواست پر نوٹسز جاری کر دیتے ہیں۔
چیف جسٹس نے ریمارکس دیے کہ ہم تمام فریقین کو سنیں گے، یہ ایک نظرثانی درخواست ہے۔ وفاقی حکومت کو نظرثانی میں آنا چاہیے تھا۔ سپریم کورٹ اپنا فیصلہ دے چکی ہے۔ نظر ثانی کی گنجائش آئین میں دی گئی ہے۔
چیف جسٹس نے کہا کہ ملکی اداروں اور اثاثوں کو جلایا جا رہا ہے۔ باہر دیکھیں انسٹالیشنز کو آگ لگائی جا رہی ہے۔ چار پانچ دنوں سے جو ہو رہا ہے اسے بھی دیکھیں گے۔ انتحابات جمہوریت کی بنیاد ہیں۔ ہم سب ایک فرض کی امید کرتے ہیں کہ جو ہر ایک نے نبھانا ہے
چیف جسٹس کا کہنا تھا کہ علی ظفر درست کہہ رہے ہیں کہ بال حکومت کے کورٹ میں ہے۔ حکومت مذاکرات کی دعوت دے تو علی ظفر بھی اپنی قیادت سے بات کریں۔ ملک میں کاروبار کا پہیہ رک گیا ہے چیف جسٹس کی جانب سے پنجاب انتخابات سے متعلق الیکشن کمیشن کی نظرثانی درخواست پر سماعت آئندہ ہفتے تک ملتوی کردی گئی