Category سیاست

لاہور(ایمرا نیوز آن لائن) سابق وزیراعظم شاہد خاقان عباسی کو اڈیالہ جیل سے اسپتال منتقل کر دیا گیا۔ذرائع کے مطابق شاہد خاقان عباسی کو اسلام آباد کے ایچ ایٹ میں واقع نجی اسپتال منتقل کیا گیا ہے جہاں ان کا ہرنیا کا آپریشن کیا جائے گا تاہم اس سے قبل ان کے مزید ٹیسٹ کیے جائیں گے۔

ذرائع نے بتایا کہ میڈیکل بورڈ نے اڈیالہ جیل میں شاہد خاقان عباسی کا معائنہ کیا تھا جس کے بعد ان کے گردے اور مثانے میں پتھری کی تشخیص ہوئی تھی، میڈیکل بورڈ نے شاہد خاقان عباسی کے ہرنیا کے آپریشن کی سفارش کی اور سابق وزیراعظم نے اپنے خرچ پر علاج کروانے کے لیے عدالت سے درخواست کی تھی۔محکمہ داخلہ پنجاب نے سابق وزیراعظم شاہد خاقان عباسی کو اسپتال منتقل کرنے کا نوٹی فکیشن جاری کیا تھا۔

اسلام آباد(ایمرا نیوز آن لائن) وفاقی وزیر برائے سائنس اینڈ ٹیکنالوجی فواد چوہدری نے جمعیت علمائے اسلام (ف) کے خلاف آزادی مارچ کو شدید تنقید کا نشانہ بناتے ہوئے کہا کہ یہ مارچ وہ طبقہ کر رہا ہے جو قیام پاکستان کا مخالف تھا۔جمعیت علمائے اسلام (ف) کے آزادی مارچ کے شرکاء نے پشاور موڑ پر ایچ 9 گراؤنڈ میں ڈیرے ڈال رکھے ہیں اور یکم نومبر کو آزادی مارچ سے خطاب میں سربراہ جے یو آئی (ف) مولانا فضل الرحمان نے وزیراعظم عمران خان کو استعفیٰ کے لیے 48 گھنٹے کی مہلت دی تھی جو آج ختم ہو رہی ہے۔

دوسری جانب وزیراعظم عمران خان نے اپوزیشن کے مطالبے کو احمقانہ قرار دیا ہے جب کہ وزیر دفاع پرویز خٹک کی سربراہی میں بننے والی حکومتی کمیٹی کا کہنا ہے کہ وہ اپوزیشن سے بات چیت کے لیے تیار ہیں مگر وزیراعظم کے استعفے پر کوئی بات نہیں ہو گی۔ ایسے میں وفاقی وزیر فواد چوہدری نے اپنے سوشل میڈیا بیان میں آزادی مارچ کو حلوہ مارچ کا نام دیتے ہوئے اسے ناکام قرار دے دیا ہے۔سوشل میڈیا بیان میں فواد چوہدری کا کہنا ہے کہ یہ مارچ وہ طبقہ کر رہا ہے جس نے قیام پاکستان کی مخالفت کی، ان کے بزرگوں نے قائد اعظم کی مخالفت کی تھی اور آج یہ عمران خان کے مخالف بن گئے۔فواد چوہدری نے کہا کہ اس طبقے کی شکست پاکستان کے مستقبل کی کنجی ہے اور انشاللہ یہ معاملہ اختتام کی طرف بڑھ رہا ہے۔

حلوہ مارچ کی ناکامی پاکستان کی کامیابی ہے، یہ مارچ وہ طبقہ کر رہا تھا جس نے قیام پاکستان کی مخالفت کی ان کے بزرگ قائد اعظم کی اپوزیشن تھےآج یہ عمران خان کی اپوزیشن بن گیے۔ اس طبقے کی شکست پاکستان کے مستقبل کی کنجی ہے اور انشاللہ یہ معاملہ اختتام کی طرف بڑہ رہا ہے۔

واضح رہے کہ مولانا فضل الرحمان نے جولائی 2018 میں ہونے والے انتخابات میں دھاندلی کے خلاف وزیراعظم عمران خان سے مستعفی ہونے اور ملک میں نئے سرے سے انتخابات کرانے کا مطالبہ کر رکھا ہے جس کے لئے انہوں نے اسلام آباد میں دھرنا دے رکھا ہے جب کہ ذرائع کا کہنا ہے کہ اپوزیشن کی 9 جماعتوں پر مشتمل رہبر کمیٹی کے اجلاس میں مسلم لیگ اور پیپلزپارٹی نے دھرنے کی مخالفت کی ہے۔

وزیراعظم (ایمرا نیوزآن لائن) عمران خان نے آزادی مارچ کے دوران کسی بھی ناخوشگوار واقعے کی صورت میں وزارت داخلہ کو تیار رہنے کی ہدایت کر دی۔

گزشتہ روز آزادی مارچ کے جلسے سے خطاب کرتے ہوئے مولانا فضل الرحمان نے وزیراعظم کو مستعفی ہونے کے لیے 48 گھنٹے کا الٹی میٹم دیا تھا۔ اپوزیشن کی جانب سے بیانات سامنے آنے کے بعد اسلام آباد میں کئی مقامات پر سڑکوں کو کنٹینر لگا کر جزوی طور پر بند کر دیا گیا ہے۔ فیض آباد پر مری روڈ کی چار میں سے صرف ایک لائن ٹریفک کے لیے کھلی رکھی گئی ہے جس کی وجہ سے وہاں ٹریفک کا شدید دباؤ ہے۔

آج حکومتی مذاکراتی کمیٹی کا اجلاس چیئرمین سینیٹ صادق سنجرانی کی رہائش گاہ پر اجلاس ہوا جس میں آزادی مارچ سے متعلق مذاکرات کی حکمت عملی پر مشاورت کی گئی۔ اجلاس کے بعد حکومتی مذاکراتی کمیٹی بنی گالا روانہ ہو گئی جہاں وہ اپوزیشن کی رہبر کمیٹی سے مذاکرات کے حوالے سے وزیراعظم عمران خان کو بریفنگ دیں گے۔

ذرائع کا کہنا ہے کہ چیئرمین سینیٹ صادق سنجرانی نے رہنما پیپلز پارٹی اور رہبر کمیٹی کے رکن نیئر حسین بخاری سے ربطہ کیا ہے۔ ذرائع کے مطابق صادق سنجرانی نے رہبر کمیٹی سے مذاکرات کے لیے وقت مانگا جس پر نیئر حسین بخاری نے کہا کہ مذاکرات کرنے سے متعلق دیگر جماعتوں سے مشاورت کے بعد آپ کو جواب دوں گا۔

دوسری جانب وزیراعظم عمران خان نےگورنر پنجاب چودھری محمد سرور کو بھی بنی گالہ طلب کر لیا ہے۔ گورنر پنجاب بھی بنی گالہ میں ہونے والے اجلاس میں شریک ہوں گے۔ خیال رہے کہ گزشتہ روز بھی مولانا فضل الرحمان کی طرف سےحکومت کے مستعفیٰ ہونے کے حوالے سے دو روز کی مہلت کے بارے میں اعلیٰ سطح پر غور کیا گیا اور ہر قسم کی صورتحال سے نمٹنے کے لیے اہم فیصلے کئے گئے۔

اسلام آباد کی ضلعی انتظامیہ اور پولیس حکام نے بھی مارچ کے اگلے مرحلے سے نمٹنے کے لیے حکمت عملی طے کی۔ ذرائع نے بتایا کہ حکومت اس بات کا انتظار کرے گی کہ دو دن بعد مولانا فضل الرحمان کس لائحہ عمل کا اعلان کرتے ہیں، اس کی روشنی میں حکومت اپنی حکمت عملی کو حتمی شکل دے گی۔

ذرائع نے بتایا کہ حکومت نے تمام سیکیورٹی اداروں پولیس، رینجرز اور ایف سی کو الرٹ کر دیا ہے جب کہ انتہائی اشد ضرورت میں امن و امان قائم رکھنے کے لیے فوج کو بھی طلب کیا جا سکتا ہے۔ ذرائع کے مطابق حکومت کی اعلیٰ شخصیات نے وزیر اعظم عمران خان کے استعفے پر کوئی سمجھوتہ نہ کرنے کا فیصلہ کیا ہے اور سیاسی طور پر بھر پور مقابلہ کرنے کا بھی فیصلہ کیا ہے۔

(وقت نیوزآن لائن) وفاقی دارالحکومت اسلام آباد میں مولانا فضل الرحمٰن کی جانب سے آزادی مارچ کو ڈی چوک لے جانے کا اشارہ ملنے کے بعد انتظامیہ اور پولیس نے سڑکیں بلاک کرنا شروع کردی ہیں۔

گزشتہ روز مولانا فضل الرحمٰن نے اسلام آباد میں آزادی مارچ سے خطاب میں وزیراعظم عمران خان کو استعفے کے لیے دو روزکی مہلت دے دی تھی اور کہا تھا کہ اگر انہوں نے دو روز میں استعفیٰ نہ دیا تو یہ اجتماع قدرت رکھتا ہے کہ خود وزیر اعظم کو گھر جا کر گرفتار کر لے گا۔

یہ بھی پڑھیے: مولانا صاحب کے بیان نے میرا دل توڑ دیا مولانا فضل الرحمٰن کا کہنا تھا کہ ہم پُرامن لوگ ہیں اور چاہتے ہیں کہ پُرامن رہیں، ہمارااداروں کے ساتھ کوئی لڑائی یا تصادم نہیں ،ہم اداروں کا استحکام چاہتے ہیں اور چاہتے ہیں کہ ادارے غیر جانبدار رہیں۔ ان کا کہنا تھا کہ سب فیصلے دو دن بعد ہوں گے، مولانا نے مارچ میں شریک کارکنوں کو ڈی چوک جانے کا اشارہ بھی دے دیا تھا۔

دوسری جانب آج حکومتی مذاکراتی ٹیم کی وزیراعظم عمران خان سے ملاقات جاری ہے جس میں حکومت مذاکراتی ٹیم کے سربراہ پرویزخٹک وزیراعظم کو اب تک کی صورتحال سے آگاہ کریں گے۔ ذرائع کا کہنا ہے کہ حکومتی مذاکراتی ٹیم کے رہبر کمیٹی سے مذاکرات سے بھی وزیراعظم کو آگاہ کیا جائے گا۔

وزیراعظم(ایمرا نیوزآن لائن) عمران خان کی جانب سے بنائی گئی حکومتی کمیٹی نے اپوزیشن کی رہبر کمیٹی سے مذاکرات کے لیے وقت مانگ لیا۔

گزشتہ روز آزادی مارچ کے جلسے سے خطاب کرتے ہوئے مولانا فضل الرحمان نے وزیراعظم کو مستعفی ہونے کے لیے 48 گھنٹے کا الٹی میٹم دیا تھا۔اپوزیشن کی جانب سے بیانات سامنے آنے کے بعد اسلام آباد میں کئی مقامات پر سڑکوں کو کنٹینر لگا کر جزوی طور پر بند کر دیا گیا ہے۔ فیض آباد پر مری روڈ کی چار میں سے صرف ایک لائن ٹریفک کے لیے کھلی رکھی گئی ہے جس کی وجہ سے وہاں ٹریفک کا شدید دباؤ ہے۔

آج حکومتی مذاکراتی کمیٹی کا اجلاس چیئرمین سینیٹ صادق سنجرانی کی رہائش گاہ پر اجلاس ہوا جس میں آزادی مارچ سے متعلق مذاکرات کی حکمت عملی پر مشاورت کی گئی۔اجلاس کے بعد حکومتی مذاکراتی کمیٹی بنی گالا روانہ ہو گئی جہاں وہ اپوزیشن کی رہبر کمیٹی سے مذاکرات کے حوالے سے وزیراعظم عمران خان کو بریفنگ دیں گے۔

ذرائع کا کہنا ہے کہ چیئرمین سینیٹ صادق سنجرانی نے رہنما پیپلز پارٹی اور رہبر کمیٹی کے رکن نیئر حسین بخاری سے ربطہ کیا ہے۔ذرائع کے مطابق صادق سنجرانی نے رہبر کمیٹی سے مذاکرات کے لیے وقت مانگا جس پر نیئر حسین بخاری نے کہا کہ مذاکرات کرنے سے متعلق دیگر جماعتوں سے مشاورت کے بعد آپ کو جواب دوں گا۔

دوسری جانب وزیراعظم عمران خان نےگورنر پنجاب چودھری محمد سرور کو بھی بنی گالہ طلب کر لیا ہے۔ گورنر پنجاب بھی بنی گالہ میں ہونے والے اجلاس میں شریک ہوں گے۔ خیال رہے کہ گزشتہ روز بھی مولانا فضل الرحمان کی طرف سےحکومت کے مستعفیٰ ہونے کے حوالے سے دو روز کی مہلت کے بارے میں اعلیٰ سطح پر غور کیا گیا اور ہر قسم کی صورتحال سے نمٹنے کے لیے اہم فیصلے کئے گئے۔

اسلام آباد کی ضلعی انتظامیہ اور پولیس حکام نے بھی مارچ کے اگلے مرحلے سے نمٹنے کے لیے حکمت عملی طے کی۔ذرائع نے بتایا کہ حکومت اس بات کا انتظار کرے گی کہ دو دن بعد مولانا فضل الرحمان کس لائحہ عمل کا اعلان کرتے ہیں، اس کی روشنی میں حکومت اپنی حکمت عملی کو حتمی شکل دے گی۔

ذرائع نے بتایا کہ حکومت نے تمام سیکیورٹی اداروں پولیس، رینجرز اور ایف سی کو الرٹ کر دیا ہے جب کہ انتہائی اشد ضرورت میں امن و امان قائم رکھنے کے لیے فوج کو بھی طلب کیا جا سکتا ہے۔

ذرائع کے مطابق حکومت کی اعلیٰ شخصیات نے وزیر اعظم عمران خان کے استعفے پر کوئی سمجھوتہ نہ کرنے کا فیصلہ کیا ہے اور سیاسی طور پر بھر پور مقابلہ کرنے کا بھی فیصلہ کیا ہے۔

وفاقی وزیر (ایمرا نیوزآن لائن) برائے سائنس و ٹیکنالوجی فواد چوہدری کا کہنا ہے کہ وزیراعظم عمران خان کے ایک اشارے پر دھرنے والوں کے لیے زمین تنگ کر سکتے ہیں۔

سوشل میڈیا پر جاری بیان میں فواد چوہدری نے کہا کہ تحریک انصاف کی حکومت کو کمزور نہ سمجھا جائے، ہم عمران خان کی ہدایت پر تحمل کا مظاہرہ کر رہے ہیں۔ انہوں نے دھرنے والوں کو دھمکی دیتے ہوئے کہا کہ اگر عمران خان کال دیں تو ان کے ایک اشارے پر پانچ پیاروں اور ان کے چمچوں پر زمین تنگ کر دیں۔

حلوہ کھانے کے بعد صفائی بھی کریں وفاقی وزیر نے آزادی مارچ والوں کو مخاطب کرتے ہوئے ٹوئٹ میں لکھا کہ حلوہ مارچ کا دوسرا دن ہے، بدبو سے پشاور موڑ کے گرد و نواح میں تعفن پھیل گیا ہے۔ فواد چوہدری نے کہا کہ سی ڈی اے کو صفائی کے لیےکروڑوں روپےکا فنڈ مختص کرنا پڑ رہا ہے، کیا ہی اچھا ہو کہ حلوے کھانے کے بعد صفائی کا انتظام بھی خود کریں۔

کنری(ایمرا نیوزآن لائن) پاکستان تحریک انصاف کے پارلیمانی رہنما حلیم عادل شیخ کی گاڑی پر مسلح شخص کی جانب سے فائرنگ کی گئی۔

ترجمان علیم عادل شیخ نے حملے کی تصدیق کرتے ہوئے بتایا کہ حلیم عادل شیخ سانحہ تیزگام کے ورثاء سے تعزیت کرنے گئے تھے ان کی گاڑی پر فائرنگ کی گئی۔ پی ٹی آئی رہنما کو دھکے دے کر مسجد سے نکال دیا گیا پی ٹی آئی رہنما کے ترجمان کے مطابق حلیم عادل شیخ اور ساتھی حملے اور فائرنگ میں محفوظ رہے۔

حلیم عادل شیخ نے الزام عائد کیا ہے کہ پیپلز پارٹی کے رہنما تیمور ٹالپر کے قافلے کے لوگوں نے حملہ کیا، تیمور ٹالپر کے ساتھ ایس ایس پی عمر کوٹ بھی تھے۔ ترجمان نے بتایا کہ حلیم عادل شیخ کی گاڑی پر حملہ کرنے والے شخص کو پکڑ لیا گیا ہے۔

قومی اسمبلی(ایمرا نیوزآن لائن) میں قائد حزب اختلاف شہباز شریف کا کہنا ہے کہ عمران نیازی کا دماغ خالی ہے، یہ جادو ٹونے سے حکومت چلا رہا ہے اور پھونکیں مار کر تعیناتیاں ہو رہی ہیں۔

اسلام آباد میں آزادی مارچ کے جلسے سے خطاب کرتے ہوئے مسلم لیگ ن کے صدر شہباز شریف کا کہنا تھا عمران نیازی نے کنٹینر کی سیاست شروع کی تھی، آج ان کی سیاست دفن ہو رہی ہے۔ شہباز شریف نے کہا کہ جعلی حکومت سے جان چھڑانے کا وقت آ گیا ہے، عمران نیازی سے جان چھڑانے تک ہم ان کا پیچھا نہیں چھوڑیں گے۔

انہوں نے کہا کہ یہاں ٹھاٹھے مارتا سمندر گواہی دے رہا ہے کہ یہ سمندر سلیکٹیڈ حکومت کو خس و خاشاک کی طرح بہا لے جائے گا، لاکھوں لوگ جمع ہیں جس پر مولانا فضل الرحمان کو مبارکباد دیتا ہوں۔

ان کا کہنا تھا تبدیلی پہلے نہیں آئی تھی بلکہ تبدیلی اب آئی ہے، پورے پاکستان کو اچھی طرح اندازہ ہو گیا ہے کہ نیا پاکستان بہتر تھا یا پرانا پاکستان، نواز شریف دور میں غریبوں کو مفت ادویات مل رہی تھیں، آج اسپتالوں میں غریب ایڑیاں رگڑ رگڑ کر موت کے منہ میں جا رہا ہے۔ صدر مسلم لیگ ن نے کہا کہ یہ عمران خان ہمیں ڈینگی برادر کہتا تھا، اس سال 50 ہزار لوگ ڈینگی سے متاثر ہوئے اور قیمتی انسانی جانیں ضائع ہوئیں لیکن عمران خان آج کہیں نظر نہیں آ رہے جب کہ نواز شریف کے قیادت میں ڈینگی کا خاتمہ کیا گیا تھا۔

ان کا کہنا تھا آج مزدور بے روز ہو گئے، کاروبار ختم ہو گئے، پاکستان کی معیشت دم توڑ گئی ہے، بیوہ اور یتیم آج جھولیاں اٹھا کر بد دعائیں دے رہے ہیں۔ شہباز شریف نے کہا کہ عمران خان کا دل پتھر اور بھیجا خالی ہے، جادو ٹونے حکومت چلائی جا رہی اور پھونکوں سے تعیناتیاں ہو رہی ہیں، عمران خان جادو ٹونے سے تبدلی لانا چاہتا تھا لیکن یہ ملک کی بربادی بن گئی ہے، 72 سال سے پاکستان میں اس سے بدتر حکومت نہیں دیکھی۔

صدر مسلم لیگ ن نے کہا کہ ہم موجودہ اتحادیوں کےساتھ حکومت بنا کر 6 ماہ میں ملک ٹھیک کر دیں گے، 6 ماہ میں حالات بہتر نہ کر سکے تو میرا نام عمران خان نیازی رکھ دینا۔ انہوں نے کہا کہ کشمیر میں ظلم پر ہم پارلیمنٹ گئے، سپہ سالار نے بریفنگ دی لیکن یہ شخص نہیں آیا۔ شہباز شریف نے کہا کہ پارلیمنٹ کے اندر تبدیلی پارلیمنٹ کا آئِینی حق ہے، غرور دفن ہو گا، نواز شریف کی قیادت میں پھر پاکستان کو بنائیں گے۔

میرپور خاص(میڈٰیا92نیوزآن لاین) سندھ اسمبلی میں اپوزیشن لیڈر اور تحریک انصاف کے رہنما فردوس شمیم نقوی کومشتعل شہریوں نے دھکے دے کر مسجد سے باہر نکال دیا۔

پی ٹی آئی رہنما فردوس شمیم نقوی سانحہ تیز گام میں جاں بحق ہونے والے افراد کے لواحقین سے تعزیت کے لیے میرپورخاص کی مسجد نبی رحمت پہنچے تھے جہاں تعزیت کے دوران مبینہ طور پر پی ٹی آئی رہنما نے کہا کہ یہ واقعہ جہالت کے باعث پیش آیا۔

فردوس شمیم نقوی کے الفاظ پر وہاں موجود لوگ مشتعل ہوگئے اور شدید احتجاج کرتے ہوئے انہیں مسجد سے باہر نکال دیا۔ واضح رہےکہ گزشتہ روز رحیم یار خان کے قریب تیزگام ایکسپریس کی تین بوگیوں میں آگ لگنے سے 74 افراد جاں بحق اور 30 سے زائد زخمی ہوئے جب کہ آتشزدگی کے حوالے سے دو الگ الگ باتیں سامنے آرہی ہیں جن میں آگ لگنے کی وجہ سلینڈ دھماکا اور شاٹ سرکٹ بھی بتائی جارہی ہے۔

xADVERTISEMENT

چیئرمین(ایمرا نیوزآن ئن) فیڈرل بورڈ آف ریونیو(ایف بی آر) شبر زیدی کا کہنا ہے کہ اکتوبر میں 320 ارب روپے کے محصولات اکھٹے کیے جو گذشتہ سال اسی عرصے میں حاصل ہونے والے محصولات کے مقابلے میں 16 فیصد زیادہ ہیں۔

ٹوئٹر پر اپنے بیان میں شبرزیدی کا کہنا تھا کہ الحمد اللہ، مقامی ٹیکسوں کی وصولی میں 25 فیصد اضافہ ہوا ہے۔ ذرائع کے مطابق اکتوبر کے مہینے میں ٹیکس وصولیوں کا ہدف 376 ارب روپے تھا،اس طرح اکتوبر کے مہینے میں ٹیکس وصولیوں کے ہدف میں 56 ارب روپے کی کمی رہی جب کہ گذشتہ 4 مہینوں میں مجموعی طور پر 172 ارب روپے کے شارٹ فال کا سامنا ہے۔

ٹیکس گوشوارے جمع کروانے کی تاریخ میں توسیع: اس کے علاوہ ایف بی آر نے گذشتہ مالی سال کے ٹیکس گوشوارے جمع کروانے کی تاریخ میں 30 نومبر تک توسیع کر دی ہے، 31 اکتوبر ٹیکس گوشوارے جمع کروانے کا آخری دن تھا۔ ایف بی آر ذرائع کے مطابق ابھی تک تقریباً 10 لاکھ افراد نے ٹیکس گوشوارے جمع کروائے ہیں ،جبکہ گذشتہ سال 29 لاکھ افراد نے ٹیکس گوشوارے جمع کروائے تھے۔

بڑے شہروں کے تاجر کتنا ٹیکس دیتے ہیں ؟
ایف بی آر نے بڑے شہروں کے ٹیکس گزار دکانداروں کی تفصیلات جاری کردی ہیں۔ ایف بی آر کے اعداد و شمار کے مطابق کراچی کے 85 ہزار تاجر رجسٹرڈ ہیں جو 30 ارب روپے سالانہ ٹیکس ادا کرتے ہیں، دوسرا نمبر راولپنڈی کا ہے جہاں کے 6 ہزار 580 تاجر رجسٹرڈ ہیں جو ایک ارب 9کروڑ روپے ٹیکس ادا کرتے ہیں۔

اسلام آباد میں بڑے ٹیکس فائلرز دکانداروں کی تعداد 6ہزار428 ہے جو ایک ارب 93 کروڑ روپے ٹیکس ادا کرتے ہیں۔ فیصل آباد کے ٹیکس فائلرز دکانداروں کی تعداد 2 ہزار 266 ہے یہ 14 کروڑ روپے سے زائد ٹیکس ادا کرتے ہیں۔ جب کہ لاہور میں ٹیکس فائلرز دکانداروں کی تعداد 3ہزار 925 ہےاور یہ 56 کروڑ روپے ٹیکس ادا کرتے ہیں ۔