Category سیاست

لاہور: وفاقی وزیر شیخ رشید کا کہنا ہے کہ مودی پاکستان کواندر سے توڑنا چاہتا ہیں لہذا مودی کے دوبارہ وزیراعظم بننے پر پاکستان کو ذمہ داری کا مظاہرہ کرنا پڑے گا۔

لاہور میں پریس کانفرنس کرتے ہوئے وزیرریلوے شیخ رشید کا کہنا تھا کہ ماس ٹرانزٹ کیلیے ریلوے کا کوئی رول نہیں ہے، ہم نے دونوں طرف سے ٹریک کو کلئیر کرکے دینا ہے، ایک ہفتے میں دو تین مرتبہ کراچی گیا ہوں، 43 میں سے 34 کلو میٹر کلئیر کر دیا گیا ہے، 30 مئی تک جی کمپنی لوکوموٹو ٹھیک کرنے کی ڈیڈ لائن دے دی ہے جب کہ 7 ہزار بھرتیاں قرعہ اندازی سے کی جائے گی۔

وزیرریلوے نے کہا کہ عید کیلیے 3 اسپیشل ٹرینیں چلے گی اور فوج کے ساتھ معاہدہ ہوگیا تو 6 ٹرینیں چلے گی، عید کے روز سفر کرنے والے کو 50 فیصد ڈسکاونٹ دیا جائے گا۔ انہوں نے کہا کہ سندھ حکومت مجھے نشانہ بنا رہی ہے، دنیا میں ایڈز ختم ہورہی ہے سندھ میں ایڈز پھیل رہی ہے، شہباز شریف کو این آر او کے بھیک مانتے دیکھا ہے، (ن) لیگ چاہتی ہے ان کے کیس ختم ہوجائے، ان کی چیخیں نکل رہی ہیں، زرداری اور نواز دونوں ملے ہوئے ہیں، الیکشن ملک کی بنیادیں ہلا دیتے ہیں اگر یہ زیادہ چیخیں تو شاید انہیں ضمانتں بھی نہ ملیں۔
شیخ رشید نے کہا کہ مودی ایک ہندو دت کا نیا فلسفہ ہے اس نے ایک مسلمان کو سیٹ نہیں دی، اس نے سیکولر ویژن کو ختم کردیا ہے جب کہ انڈیا امریکہ کی گود میں چلا گیا ہے، مودی پاکستان کو اندر سے توڑنے کی کوشش کرے گا لیکن اگر جنگ ہوئی تو یوپی سی پی کا مسلمان باہر نکلے گا، کشمیری نے جینا مرنا ہے آج کشمیری اپنے جزبے کی طرف دیکھ رہا ہے۔

حکومت کو جو مسائل درپیش ہیں ماضی میں کسی حکومت کو نہ تھے ،وزیر اعظم نیک نیتی سے ملک کو چلا رہے ہیں ،تحریک انصاف اتحادی ہے،دونوں جماعتیں مل کر مسائل پر قابو پالیں گی،سربراہ (ق )لیگ
شریف برادران اپنے اعمال کی سزا بھگت رہے ہیں،سیاسی اختلافات اپنی جگہ لیکن بھٹو بڑا لیڈر تھا:آن لائن سے خصوصی بات چیت
اسلام آباد (ایمرا نیوز آن لائن) سابق وزیر اعظم چوہدری شجاعت نے کہا ہے کہ اختلافات اپنی جگہ پر لیکن ذوالفقار علی بھٹو کے بڑا لیڈر ہونے میں کوئی شک نہیں ،جو ہوا وہ ماضی کا حصہ بن چکا ہے ،پیپلز پارٹی کےساتھ ہماری پارٹی کا اتحاد اس وقت کی ضرورت تھی ،سیاسی جماعتیں اتحاد کرتی رہتی ہیں، وزیر اعظم عمران خان نیک نیتی سے ملک چلا رہے ہیں ،ابھی مشکلات اور بڑھیں گی لیکن مجموعی طور پر قوم کا فائدہ ہوگا ۔ان خیالات کا اظہار انہوں نے گزشتہ روز آن لائن سے خصوصی بات چیت کرتے ہوئے کیا۔چوہدری شجاعت حسین نے سابق وزیر اعظم ذوالفقار علی بھٹو کی پھانسی کے حوالے سے کہا کہ پیپلز پارٹی کی طرف سے منایا جانے والا یوم سیاسی ان کی پارٹی پالیسی کا حصہ ہے کیونکہ بھٹو ان کی پارٹی تھی ،پیپلز پارٹی کے ساتھ ہمارا اصولی اختلاف تھا لیکن حقیقت یہ ہے کہ وہ ایک بڑے لیڈر تھے ان کے ساتھ جو بھی ہوا وہ ماضی کا حصہ ہے ،جب ان سے سوال کیا گیا کہ ذوالفقار علی بھٹو سے آپ کی مخالفت تھی تو ان کو پھانسی ہوگئی ،شریف برادران سے آپ کی مخالفت ہے اور وہ جیل بھگت رہے ہیں جس پر انہوں نے کہا کہ ہر بندے کے اپنے اعمال ہوتے ہیں اور وہ انہی کی زد میں ہوتا ہے تاہم اعمال اچھے ہوں یا برے ہوں۔موجودہ حکومت کی کارکردگی کے حوالے سے ان کا کہنا تھا کہ جو مشکلات حکومت کو درپیش ہیں وہ ماضی میں کسی حکومت کو پیش نہیں رہیں لیکن وزیر اعظم عمران خان نہ صرف نیک نیتی سے بلکہ جرات کے ساتھ ان کا مقابلہ کررہے ہیں اور ابھی مشکلات اور بھی بڑھیں گی لیکن مجموعی طور پر قوم کو اس کا فائدہ ہوگا۔چودھری شجاعت حسین نے کہا کہ تحریک انصاف کے اتحادی ہیں اور ہر حالات میں ان کے ساتھ کھڑے ہیں یہ کہنا قطعی غلط ہے مسلم لیگ ق اور تحریک انصاف کے درمیان اختلافات ہیں ،دونوں جماعتیں اتحادی ہیں اورملکی مسائل اور مشکلات کو سمجھتی ہیں اور دونوں ملکر ان کا مقابلہ کررہی ہیں اور دونوں کی خواہش بھی ہے کہ عوام کو ریلیف ملے ۔

موجودہ صورتحال میں قومی اتفاق رائے کی ضرورت ہے جس کےلئے پارلیمانی رہنماؤں کو مشاورت کی دعوت دی، مودی کی ذہنی کیفیت کو دیکھتے ہوئے پاکستانی قیادت کو تیار رہنا ہوگا،وزیر خارجہ کا تقریب سے خطاب
اسلام آباد(ایمرا نیوز آن لائن ) وزیر خارجہ شاہ محمود قریشی نے کہا ہےکہ نیشنل ایکشن پلان کی سیاسی سائیڈ پر صورتحال حوصلہ افزا نہ تھی لیکن پی ٹی آئی حکومت نیشنل ایکشن پلان پر عملدرآمد یقینی بنائے گی۔پاکستان کی سیاسی قیادت کو مشاورت کے لیے دعوت دی ہے، موجودہ صورتحال میں قومی اتفاق رائے کی ضرورت ہے جس کے لیے پارلیمانی رہنماؤں کو مشاورت کی دعوت دی، مسلم لیگ (ن) اور پیپلزپارٹی کی قیادت سے بذریعہ ٹیلی فون رابطہ کیا، سیاسی قیادت کا رویہ منفی نہیں تھا مگر ہچکچاہٹ تھی، سمجھ سکتا ہوں ہچکچاہٹ کیوں تھی۔ بدھ کو اسلام آباد میں تقریب سے خطاب کرتے ہوئے شاہ محمود قریشی نے کہا کہ معذرت کے ساتھ نیشنل ایکشن پلان کی سیاسی سائیڈ پر صورتحال حوصلہ افزا نہ تھی، سابقہ حکومت میں وہ کمٹمنٹ نہیں تھی لیکن پی ٹی آئی حکومت نیشنل ایکشن پلان پر عملدرآمد یقینی بنائے گی۔ ا نہوں نے کہ مقبوضہ کشمیر میں انسانی حقوق کو پامال کیا جارہا ہے، دنیا سب کچھ جانتے ہوئے بھی خاموش ہے، جب جارحیت کے بادل منڈلا رہے تھے ہم نے سفارتی سطح پر کشمیر کے معاملے کو اٹھایا، 6 سابق سیکریٹری خارجہ سے میں نے معاملے پر مشاورت کی۔انہوں نے مزید کہا کہ مودی کی ذہنی کیفیت کو دیکھتے ہوئے پاکستانی قیادت کو تیار رہنا ہوگا، بھارت، پاکستان کو اقتصادی طور پر گرے لسٹ میں شامل کرنےکیلئے اپنی ساری کوششیں بروئےکار لارہا ہے۔شاہ محمود قریشی نے کہا کہ فاٹا کو مرکزی دھارے میں لانے کیلئے میں نے اپنی پارٹی کی نمائندگی کی، الحمداللہ فاٹا مرکزی دھارے میں شامل ہوچکا ہے جب کہ گلگت بلتستان میں بعض قوتوں کی جانب سے ایک تحریک کو ہوا دی جارہی ہے جس سے غافل نہیں ہیں۔وزیر خارجہ کا کہنا تھا کہ پاک فوج نے ردالفساد اور ضرب عضب میں جانوں کا نذرانہ پیش کرکے دہشت گردی کا خاتمہ کیا، اب دہشت گردی سے متاثرہ علاقوں میں امن قائم ہے اور میچز ہو رہے ہیں۔

بھارتی جارحیت کا جواب دینے سے دنیا کو ایک ٹھوس اور واضح پیغام مل گیا ہے،پاکستان نے دہشت گردی کے خلاف بے مثال قربانیاں دی ہیں ،قربانیوں کے نتیجے میں اب ایک نیا پاکستان بنانے کا وقت آ گیا ہے، وزیر خارجہ
بھارت کو پیغام دیا ہے کہ ہم امن چاہتے ہیں اور اب ہمارے نئی نسل کو مت چھیڑنا۔ ہم مقبوضہ کشمیر کا مسئلہ بھی مذاکرات کے ذریعے حل کرنا چاہتے ہیں جب کہ پاکستان اس وقت خطے میں امن کے لیے اہم کردار ادا کر رہا ہے،نجی یونیورسٹی کے کانووکیشن سے خطاب
لاہور( آن لائن ) وزیر خارجہ شاہ محمود قریشی نے کہا کہ بھارتی جارحیت کا جواب دینے سے دنیا کو پیغام مل گیا ہے۔ دنیا اب ایک بدلتا پاکستان دیکھ رہی ہے۔وزیر خارجہ شاہ محمود قریشی نے لاہور میں نجی یونیورسٹی کے کانووکیشن سے خطاب کرتے ہوئے کہا کہ پاکستان نے دہشت گردی کے خلاف بے مثال قربانیاں دی ہیں اور ان قربانیوں کے نتیجے میں اب ایک نیا پاکستان بنانے کا وقت آ گیا ہے۔انہوں نے کہا کہ ہم نے بھارت کو پیغام دیا ہے کہ ہم امن چاہتے ہیں اور اب ہمارے نئی نسل کو مت چھیڑنا۔ ہم مقبوضہ کشمیر کا مسئلہ بھی مذاکرات کے ذریعے حل کرنا چاہتے ہیں جب کہ پاکستان اس وقت خطے میں امن کے لیے اہم کردار ادا کر رہا ہے۔پاکستان نے دہشت گردی کی جنگ میں کامیابی حاصل کی جب کہ ضرب عضب اور رد الفساد میں دہشت گردوں کا خاتمہ کر دیا، وزیر خارجہشاہ محمود قریشی نے کہا کہ نیشنل ایکشن پلان پر مکمل طور پر عمل درآمد کیا جا رہا ہے اور دنیا اب ایک بدلتا ہوا پاکستان دیکھ رہی ہے جب کہ طلبہ کو دکھ کر یقین ہو گیا ہے کہ پاکستان کا مستقبل محفوظ ہاتھوں میں ہے۔انہوں نے کہا کہ ہمیں یقین ہے نوجوان وہ پاکستان بنائیں گے جس کا خواب علامہ اقبال نے دیکھا تھا۔ عمران خان کے نئے پاکستان کی پالیسی نے بین الاقوامی دنیا میں ملک کو مستحکم کیا۔قدرتی وسائل پر بات کرتے ہوئے شاہ محمود قریشی نے کہا کہ ہمارے ملک میں بے شمار قدرتی وسائل موجود ہیں اور ملک میں سب سے بڑا زرعی نظام بھی ہے تاہم پانی کی قلت کا سامنا ہے جب کہ بین الاقوامی دنیا نے پاکستان میں بہترین اقتصادی ترقی پائی اور تجارت کے ذرائع مہیا کیے۔انہوں نے کہا کہ اقوام متحدہ کی جنرل اسمبلی میں پاکستانی سفارتخانے نے اپنے خیالات کا اظہار کیا اور واضح مقف دیا کہ ہم امن چاہتے ہیں جب کہ ہم اپنے ملک کا دفاع بہتر انداز میں کر سکتے ہیں۔شاہ محمود قریشی نے نوجوانوں سے متعلق کہا کہ اگر 18 سال کا نوجوان ووٹر نہیں ہوتا تو میں آج اسٹیج پر نہ ہوتا۔ پڑھے لکھے پاکستانیوں کو باہر دیکھ کر تشویش ہوتی ہے کہ وہ باہر چلے گئے۔

مقصد جیل سے باہر آنا تھا ؟ آسان راستہ پلی بارگین ہے ، پیسہ حسن حسین کا نہیں بلکہ آپ کا ہے ،قوم کا پیسہ واپس کریں ، ٹویٹ
اسلام آباد(ایمرا نیوز آن لائن) وفاقی وزیر اطلاعات ونشریات نے کہا ہے کہ سابق وزیراعظم نواز شریف کو رہا ہوئے چار دن ہوگئے لیکن وہ ہسپتال میں داخل نہیں ہوئے ، میرا نواز شریف کو پلی بارگین کا مشورہ ہے ، پیسہ حسن حسین کا نہیں بلکہ آپ کا ہے لہذا قوم کا پیسہ واپس کریں ۔ ان خیالات کااظہار فواد چوہدری نے ہفتہ کے روز سماجی رابطے کی ویب سائٹ ٹویٹر پر کیا۔ فواد چوہدری نے کہا کہ نواز شریف کی رہائی کو چار دن ہوگئے ہیں لیکن انہیں کسی ہسپتال میں داخل نہیں کرایا گیا اور وہ گھر پر ہیں کیا نواز شریف کا مقصد صرف جیل سے باہر آنا تھا اور کیا بیماری کیلئے آخری ہفتے کا انتظار تھا ؟ انہوں نے کہا کہ میرا پھر سے نواز شریف کو مشورہ ہے کہ ان کیلئے آسان راستہ پلی بارگین ہے پیسہ حسن اور حسین کا نہیں بلکہ نواز شریف کا ہے قوم نے نواز شریف کو تین مرتبہ عزت دی ہے لہذا نواز شریف قوم کا پیسہ واپس کریں (اشفاق خان یوسفزئی)

کراچی (ایمرا نیوزآن لائن) پاکستان پیپلز پارٹی کے چیئرمین بلاول بھٹو زرداری کارروان بھٹو مارچ کی قیادت کرتے ہوئے آج خصوصی ٹرین کے ذریعے کراچی سے لاڑکانہ کے لیے روانہ ہوں گے ،تیاریاں کر لی گئیں ،بلاول بھٹو 25 ریلوے سٹیشنز پر کارکنوں سے خطاب کریں گے ۔ریلوے حکام کے مطابق بلاول بھٹو زرداری کے لیے کراچی سے لاڑکانہ تک خصوصی ٹرین چلانے کی درخواست دی گئی تھی جسے منظور کر لیا گیا۔ خصوصی ٹرین 10 ڈبوں پر مشتمل ہو گی جس میں ایک سیلون، ایک ایئرکنڈیشن سلیپر اور اکانومی کلاس کی 8 بوگیاں شامل ہیں۔بلاول بھٹو کے لیے ریلوے سیلون کراچی پہنچ گیاہے ، جس میں وہ اور ان کا سٹاف سفر کرے گا، اس سیلون میں ڈبل بیڈ،صوفہ،کچن،ایل سی ڈی،وی آئی پی باتھ روم کی سہولیات میسرہونگی، آج صبح 10بجے کراچی کینٹ سٹیشن سے بلاول بھٹوزرداری کاروان کی قیادت کرتے ہوئے روانہ ہونگے ،ریلوے سمیت سندھ پولیس نے سکیورٹی کے خصوصی انتظامات کیے ہیں۔ذرائع کا کہنا ہے کہ وی وی آئی پیز کو سکیورٹی فراہم کرنے والے سپیشل سکیورٹی یونٹ کے 50سے زائد افسران و اہلکار چیئرمین پیپلزپارٹی کے ہمراہ سفر کریں گے جبکہ پیپلز پارٹی کے رہنماؤں، کارکنوں اور میڈیا کی ٹیم بھی خصوصی ٹرین میں سفر کرے گی۔دوسری طرف سانگھڑمیں بلاول بھٹو کی آمد کی تیاریوں کے سلسلہ میں سرکاری مشینری کا بے دریغ استعمال کیاگیا،شہدادپوربلدیہ نے ریلوے سٹیشن کی دھلائی میں سرکاری فائربریگیڈ کااستعمال کیا،شہرکوپارٹی پرچموں سے دلہن کی طرح سجایاگیا،شہرمیں پارٹی بینرزلگانے کیلئے بھی سرکاری مشینری استعمال کی گئی۔

نوشہرہ (ایمرا نیوزآن لائن) وفاقی وزیر ریلوے شیخ رشید احمد نے پشاور سے نوشہرہ مردان، تخت بھائی اور درگئی ریلوے ٹریک بحال کرتے ہوئے کل (منگل)سے سروس شروع کرنے کا اعلان کیا ہے ، 26 مار چ سے ٹریک پر سفاری ٹرینیں چلائی جائیں گی ، شیخ رشید کا کہنا تھا کہ 25سال سے بند درگئی ریلوے سٹیشن کا افتتاح کیا، خواہش ہے کہ ہر اس جگہ ٹرین چلائیں جہاں انگریز نے ٹریک بنایا تھا ، آلودگی کے باعث آئل ٹرینوں کو ختم کیا جائے گا ۔ مردان ریلوے جنکشن پرریل سروس کی بحالی کی تقریب سے خطاب کرتے ہوئے شیخ رشیدنے کہاکہ وزیر اعلیٰ کے پی کو ٹرین ٹریکس پر رکاوٹیں ختم کرنی چاہئیں،انہوں نے کہا کہ بلاول اپنی سیاسی چتا جلا رہا ہے ۔انہوں نے کہا کہ بھارت کے ساتھ جنگ نہیں چاہتے ۔ انہوں نے کہا کہ ہم نے بلاول کو لانگ مارچ کے لئے ٹرین دے دی ، وہ صرف پٹرول اور تنخواہ کے پیسے دیں،انکا کہنا تھا کہ 3 ٹرین سندھ اور 3 کے پی میں چلائیں گے ،انہوں نے کہا کہ عمران سے زیادہ کسی کو محنت کرتے نہیں دیکھا۔آ ئندہ 6 ماہ میں ریلوے کا منافع 10ارب تک پہنچائینگے ، شیخ رشید احمد نے کہا کہ ہم جمہوری لوگ ہیں ،بلاول بھٹو کو لانگ مارچ کے لئے ٹرین فری فراہم کرینگے ، وہ صرف تیل اور تنخواہ کے پیسے دیدیں۔بلاول بھٹو اگر کرپشن کیخلاف نکلتے تو وہ بہت بڑا لیڈر بن جاتے اب زیرو بن گئے ہیں، جون سے پہلے جھاڑو پھرے گا۔شیخ رشید احمد کا کہنا تھا کہ ریلوے میں10 ہزار ملازمتوں کیلئے 10لاکھ لوگوں نے درخواستیں دی ہیں ، انہوں نے کہا کہ ریلوے ٹریک کے دونوں جانب تجاوزات کا خاتمہ کر کے باغات لگائیں گے تا کہ سفر خوشگوار ماحول میں ہو۔

چوری،سینہ زوری واضح کرنی ہوتونواز،زرداری کارویہ دیکھ لیں:وزیر اطلاعات کا ٹوئٹ
اسلام آباد(ایمرا نیوز آن لائن)وفاقی وزیر اطلاعات ونشریات فواد چودھری نے کہا ہے کہ کرپشن اولمپکس کی دوسری قسط 11بجے شروع ہوگی۔ وفاقی وزیر اطلاعات و نشریات نے سابق صدر آصف زرداری اور چیئرمین پی پی بلاول بھٹو زرداری کی نیب میں پیشی کے موقع پر سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ کرپشن اولمپکس کی دوسری قسط 11بجے شروع ہوگی۔پوری پارٹی 5 تانگوں پراستقبال کیلئے آئے گی۔انہوں نے کہا کہ چوری،سینہ زوری واضح کرنی ہوتونواز،زرداری کارویہ دیکھ لیں۔

ہماری 3 سالہ جدوجہد سے کراچی کی رونقیں بحال ہوگئیں،سید مصطفیٰ کمال
کراچی (ایمرا نیوز آن لائن) ہماری 3 سالہ جدوجہد سے کراچی کی رونقیں بحال ہوگئی ہیں، اب پرانے پاکستان کی رونقیں بحال کریں گے۔ مظلوموں کو انکے حقوق لے کر دیں گے، پاکستان کے لیے اپنے آباؤ اجداد کی قربانیوں کو رائیگاں نہیں جانے دیں گے۔ ان خیالات کا اظہار چیئرمین پاک سر زمین پارٹی سید مصطفیٰ کمال نے پاکستان ہاؤس میں پارٹی رہنماؤں کے اجلاس سے خطاب کرتے ہوئے کیا۔ انہوں نے کہا کہ آج افراط زر جو پچھلی حکومتوں میں 3.2 فیصد تھا موجودہ حکومت میں ریکارڈ 8.2 فیصد تک پہنچ گیا ہے۔ ملک میں مہنگائی عروج پر اور معاشی عدم استحکام ہے جبکہ دوسری جانب سندھ کے حکمران اپنے ہی لوگوں کو فتح کرنے میں مصروف ہیں۔ لوگوں کے پاس پینے کا پانی نہیں، تھر میں 23 بچے ایک ماہ میں خوراک کی کمی کی نظر ہو گئے۔ پہلے گھوسٹ ملازمین ہوتے تھے آج سندھ میں 8 ہزار گھوسٹ اسکولز ہیں۔ 45 ہزار میں سے 30 ہزار اسکولوں میں چار دیواری اور بیت الخلاء موجود نہیں۔ سندھ حکومت کے تعصبانہ اقدامات کی وجہ سے سب سے زیادہ نقصان سندھیوں کا ہو رہا ہے۔ انہوں نے کہا کہ کراچی کے دو ٹکڑے کرنے والے سن لیں جس طرح سندھ کے 2 ٹکڑے نہیں ہوسکتے کراچی کے بھی نہیں ہونگے۔ انہوں نے کہا کہ سندھ حکومت اگر سندھیوں سے مخلص ہوتی تو سب سے پہلے انہیں تعلیم، صحت اور روزگار کی سہولیات دیتی، سندھ حکومت کو سندھ کی عوام کا نمائندہ نہیں سمجھتے۔ سندھ میں کسان رو رہے ہیں ان کی کھڑی فصلیں تباہ ہو گئی ہیں۔ جبکہ حکمران اپنے عزیز و اقارب کو نئے واٹر کورس کے لائسنس دے رہے ہیں۔ ہاریوں کی زمینیں بنجر کر کے اپنے لوگوں کو قرض فراہم کر کے سستے داموں خریدی جا رہی ہیں، لوگوں کا معاشی قتلِ عام کیا جا رہا ہے۔

اسلام آباد، لاہور (ایمرا نیوزآن لائن) وزیراعظم عمران خان نے ارکان پنجاب اسمبلی کی تنخواہوں اور مراعات میں اضافے کے معاملے پر شدید مایوسی کا اظہار کرتے ہوئے کہا ہے جب ہم عوام کو بنیادی ضروریات دینے کے قابل نہیں تو یہ فیصلہ نامناسب ہے ۔ اپنے ٹویٹ میں وزیر اعظم نے کہا اراکین اسمبلی، وزرا ،وزیراعلیٰ کی تنخواہوں اور مراعات میں اضافے کا فیصلہ سخت مایوس کن ہے ۔ پاکستان خوشحال ہوجائے تو شاید یہ قابل فہم ہو مگر ایسے میں جب عوام کو بنیادی سہولیات کی فراہمی کیلئے بھی وسائل دستیاب نہیں، یہ فیصلہ بالکل بلاجواز ہے ۔ علاوہ ازیں وزیراعظم نے گورنرپنجاب کو ارکان پنجاب اسمبلی کی تنخواہوں میں اضافے کے بل پر دستخط کرنے سے روک دیا،وزیراعظم نے وزیراعلی پنجاب کو بل دوبارہ ایوان میں لانے کی ہدایت کردی،وزیراعظم کی طرف سے وزیر اعلی کو تاحیات مراعات کے فیصلے پر نظرثانی کی ہدایت کی گئی۔ذرائع کے مطابق وزیراعظم کا کہنا ہے وزیراعلی کو پوری زندگی کیلئے گھردینے کا فیصلہ مناسب نہیں،ذرائع کے مطابق مراعات کا دورانیہ زیادہ سے زیادہ تین ماہ کرنے کی تجویزدی گئی ہے دریں اثنا ذرائع کے مطابق وزیراعلی پنجاب کی مراعات کو ارکان پنجاب اسمبلی کی تنخواہوں میں اضافے والے بل سے نکالنے کا فیصلہ کرلیاگیا، مراعات کو قانونی طریقے سے نئی ترمیم کے ذریعے نکالا جائیگا،حکومتی سطح پر وزیراعلی کی مراعات کلاز بل سے نکالنے پر اتفاق ہوگیا ۔ تحریک انصاف کی اعلی قیادت نے روزنامہ 92نیوز کو وزیر اعظم نے وزیر اعلی پنجاب کو ہدایت کر دی کہ وہ اسمبلی میں ممبران کی تنخواہوں میں اضافے کے لئے عوامی نمائندگان قانون ترمیمی بل 2019 کی منظوری کی منظوری سے گریز کریں۔ اسلام آباد(سپیشل رپورٹر، اے پی پی، صباح نیوز، 92 نیوز رپورٹ) وزیراعظم عمران خان نے کہا ہے آج پاکستان بہت محفوظ اور امن کے راستے پر چل نکلا ہے ، بھارت میں الیکشن تک مسائل رہیں گے ، اگر نفرت پھیلا کر الیکشن لڑا جائے تو پھر وہی ہوتا ہے جو مقبوضہ کشمیر میں ہوا ۔ وزیر اعظم آفس میں پاکستان کے آن لائن ویزا سسٹم کے افتتاحی تقریب سے خطاب کرتے ہوئے وزیر اعظم نے کہا پاکستان اس قدر محفوظ ملک بن چکا ہے کہ اگلا پورا پی ایس ایل یہیں ہو گا ، بھارت کے الیکشن تک تھوڑا بہت مسئلہ ہے توقع ہے الیکشن کے بعد معاملات ٹھیک ہو جائیں گے اوربھارت سمیت تما م پڑوسی ممالک کے ساتھ ہمارے خوشگوار تعلقات قائم ہو ں گے ۔ وزیر اعظم نے کہا آن لائن ویزا سسٹم کا آغاز ایک بہت بڑا اقدام ہے ، ملک کو غیر ملکیوں کے لیے کھولنا نئے پاکستان کی جانب پہلا قدم ہے ۔ یہ ایک بہت بڑی تبدیلی ہے ۔ ملک میں سرمایہ کاری تب آئے گی جب کسی کا پیسہ بنے گا ۔ 70 کی دہائی میں یہاں پیسہ بنانے کو گناہ سمجھا جانے لگا ،اس مائنڈ سیٹ نے پاکستان کو بڑا نقصان پہنچایا ، اب ہم پاکستان کو کھول رہے ہیں ، ہم چاہتے ہیں کہ بیرونی سرمایہ کار پاکستان آ کر پیسہ بنائیں۔وزیر اعظم عمران خان نے کہا ہمارے شمالی علاقہ جات میں سوئٹزر لینڈ سے بھی دگنی سیاحت ہے اور ابھی بھی بہت سے سیاحتی مقامات ایسے ہیں جن کو تلاش نہیں کیا جا سکا ، حکومت نے ماحولیاتی سیاحت کے آغاز کا بھی فیصلہ کیا ہے جو ماحول دوست ہو گی ،جبکہ مذہبی سیاحت کی یہاں اس سے بھی زیادہ صلاحیت ہے جس میں بدھ ازم ، سکھ ازم اور صوفی ازم شامل ہے ۔ حکومت نے مذہبی سیاحت کو مارکیٹ کرنے کا فیصلہ کیا ہے ۔تمام تاریخی مقامات کو نقشے پر لانے اور ان کی ویب سائٹس بنانے کا فیصلہ کیا ہے ۔ علاوہ ازیں وزیراعظم کی زیر صدارت اجلاس میں بجلی سے متعلق امور اور مسائل کے درمیانی اور طویل مدتی حل میں پیش رفت کا جائزہ لیا گیا۔ اجلاس میں وفاقی وزرا، چئیرمین ٹاسک فورس برائے توانائی اور توانائی کے شعبہ سے منسلک ماہرین نے شرکت کی۔ دریں اثنا چیف آف ائیر سٹاف ائیر چیف مارشل مجاہدانورخان نے وزیر اعظم سے ملاقات کی ہے ۔وزیر اعظم آفس سے جاری بیان کے مطابق ملاقات میں پاک فضائیہ کے پیشہ ورانہ امور اور آپریشنل تیاریوں پر بات چیت ہوئی۔عمران خان نے پاک فضائیہ کی پیشہ ورانہ صلاحیتوں کو سراہا ہے اور کہا پوری قوم کو اپنی بہادر فورسز پر فخر ہے ۔ مزید برآں وزیر اعظم سے ممتاز عالم شیخ محمد الجیلانی اور ڈاکٹر عمر فاروق عبداﷲ نے ملاقات کی ہے ۔ملاقات میں اسلامی تعلیمات کے فروغ کے سلسلے میں تفصیلی گفتگو کی گئی اور اسلامی تعلیمات کے فروغ کے سلسلے میں بنائی جانے والے اسلامک یونیورسٹی کے سلسلے میں بھی تبادلہ خیال کیا گیا۔ وزیراعظم کے معاون خصوصی افتخار درانی نے اپنے ٹویٹ میں کہا ہے عمران خان آج باجوڑ ایجنسی کا دورہ اور قبائلی عوام سے خطاب کریں گے ۔ افتخار درانی نے قبائلی عوام سے اپیل کی وہ جمعہ کو کرکٹ گرائونڈ باجوڑ پہنچیں اور عمران خان کا خطاب خود سنیں ۔