Category سیاست

پی ڈی ایم اپنے مقصد میں کامیاب ہوگئی،ملکی صورت حال پر فکر مند ہوں،دہشت گردی کی نئی لہر آگئی ہے،نجی ٹی وی سے گفتگو

اسلام آباد:پیپلز پارٹی کے رہنما اعتزاز احسن نے گورنر پنجاب کے حکم نا مے کو غیر آئینی قرار دیدیا ۔ان کا کہنا ہے کہ پی ڈی ایم اسمبلیوں کی تحلیل میں تاخیر چاہتی تھی وہ اپنے مقصد میں کامیاب ہوئے۔ نجی ٹی وی سے گفتگو کرتے ہوئے اعتزاز احسن کا کہنا تھا کہ عمران خان اگر لانگ مارچ کے اختتام پر اسمبلیاں توڑتے تو اس وقت الیکشن مہم چل رہی ہوتی،عمران خان نے اسمبلیاں تحلیل کرنے کے لیے بہت وقت دیا۔عمران خان نے وقت دیا تو اگلوں نے اس کو روکنے کے لیے حکمت عملی اپنائی،پی ڈی ایم نے اپنا مقصد حاصل کرلیا ،وہ چاہتی تھی کہ یہ معاملہ تاخیر کا شکار ہو۔گورنرپنجاب کا حکم نامہ غیر آئینی ہے،اس طرح تو کوئی بھی حکومت نہیں بچے گی،انہوں نے کہا ہے کہ حکمرانوں کا احتساب ہونا چاہیے ،یہ لوگ کیا کررہے ہیں۔ملک میں دہشت گردی کی نئی لہر آگئی ہے۔بحث چل رہی ہے کہ خیبر پختونخوااسمبلی توڑیں،ملکی صورتحال سے متعلق فکر مندہوں،سیلاب فنڈ سے متعلق اعتزاز احسن کا کہنا تھا کہ عمران خان سمیت تمام سیاسی لیڈرز کو عوام تک فنڈز پہنچا دینے چاہیے۔سیلاب متاثرین بے سروسامانی خیموں میں امداد کے منتظر ہیں،جس پارٹی کے پاس فنڈز متاثرین کو سامان کی صورت میں ملنی چاہیے۔ان کا کہنا ہے کہ سردی میں سندھ اور بلوچستان کے سیلاب متاثرین مشکل میں ہیں۔بتایا جارہا ہے جو خیمے آئے ہیں ان کو جلسوں میں ذستعمال کیاجارہاہے۔شہباز شریف اور عمران خان سیلاب متاثرین کے پاس جائیں ۔

اسلام آباد :وزیر اعظم ہائو س کے چند گز کے فاصلے پر دن دیہاڑے چوری کی بڑی واردات سکیورٹی پر سوالیہ نشان ہے ۔تفصیل کے مطابق وزیراعظم ہائوس اردگرد کا ایریا بھی محفوظ نہ رہا،وزیراعظم ہائوس سے چند قدم کے فاصلے پر گھر میں دن دیہاڑے چوری کی واردات ہوئی ، چور گھر کے تالے توڑ کر قیمتی سامان لے گئے، وزیراعظم ہائوس سے چند قدم کے فاصلے پر ہونے والی چوری کی واردات میںچور دن دیہاڑے گھر کے تالے توڑ کر قیمتی سامان لے اڑے، پولیس حکام کے مطابق واردات کا مقدمہ تھانہ سیکرٹریٹ میں درج کر لیا گیا ہے ،ملزمان کی تلاش شروع کر دی گئی ہے جنہیں جلد ہی قانون کے کٹہرے میںلا کھڑا کیا جائیگا

اسلام آباد :وزیراعظم شہباز شریف نے پشپا کمال پرچاندا کو نیپال کا نیاوزیراعظم بننے پر مبارکباددی ہے ،عوامی رابطوں کی ویب سائٹ پر ٹوئٹ کرتے ہوئے وزیر اعظم شہباز شریف نے کہا ہے کہ علاقائی شراکت دار کے طور پر پاکستان اور نیپال کے درمیان مضبوط تعلقات ہیں، نیپال کے نئے وزیر اعظم پشپا کمال پرچاندا کو عہدہ سنبھالنے پر مبارکباد پیش کرتے ہیں اور امید کرتے ہیں نئی قیادت سے پاکستان اور نیپال کے درمیان تعلقات میں مزید بہتری آئی گی ،انہوں نے کہا کہ باہمی تعلقات اور علاقائی تعاون کے لیے آپ کے ساتھ کام کرنے کا منتظر ہوں۔

اسلام آباد :ملک میں دہشتگردی کے بڑھتے واقعات کے پیش نظر قومی سلامتی کمیٹی کااجلاس رواں ہفتے بلانے جانے کا امکان ہے۔ ذرائع کے مطابق ملک میں دہشت گردی کے بڑھتے واقعات پر وزیراعظم شہباز شریف کا قومی سلامتی کمیٹی کا اجلاس بلانے کا فیصلہ کر لیا ہے، اجلاس میں اعلیٰ سول و عسکری حکام شرکت کرینگے جبکہ اجلاس رواں ہفتے ہی بلائے جانے کا امکان ہے، اجلاس میں نیشنل ایکشن پلان پر عمل درآمد کی صورتحال کا جائزہ لیا جائے گا جبکہ بلوچستان اور خیبرپختونخوا میں دہشت گردی کی لہر میں اضافے کی وجوہات بھی زیر بحث آئیں گی۔ذرائع کا مزید کہنا ہے کہ اجلاس میں دہشتگردی سے نمٹنے کے لیے کام کرنے والے اداروں کی کارکردگی اور مسائل کا بھی جائزہ لیا جائے گا جبکہ کالعدم تحریک طالبان پاکستان سے مذاکرات کی موجودہ صورت حال اور ماضی کے معاہدوں پر عمل درآمد پر بھی بحث ہوگی۔

چیئرمین پاکستان تحریک انصاف عمران خان نے ایک بار پھر سابق آرمی چیف جنرل ریٹائرڈ قمر جاوید باجوہ کو تنقید کا نشانہ بناتے ہوئے کہا کہ جنرل باجوہ نے زرداری اور مراد علی شاہ سے ڈیل کر رکھی تھی

لاہور میں صحافیوں سے گفتگو کرتے ہوئے عمران خان کا کہنا تھا ق لیگ کے ساتھ اتحاد کر رہے ہیں کیونکہ انہوں نے ہمارا ساتھ دیا ہے۔

عمران خان کا کہنا ہے کہ پیر کو استعفوں کی تصدیق کے لیے قومی اسمبلی جائیں گے، میری پیشگوئی ہے کہ انتخابات مارچ اپریل میں ہو جائیں گے۔

ان کا کہنا تھا اقتدار کی خاطر عوام کے اعتماد کو ٹھیس نہیں پہنچاؤں گا لیکن حکومت میں آنے کے لیے کوئی سمجھوتہ نہیں کروں گا۔

وزیر خارجہ کو تنقید کا نشانہ بناتے ہوئے عمران خان کا کہنا تھا بلاول بھٹو زرداری نے مجھ سے زیادہ بیرون ملک کے دورے کیے، اپنے پیسے پر دورے کر رہے ہیں تو کیا بلاول کے یہ نجی دورے ہیں؟

عمران خان کا کہنا تھا کہ الیکشن کمیشن کنٹرولڈ ہے اور جنرل باجوہ نے زرداری اور مراد علی شاہ سے ڈیل کر رکھی تھی، پیپلز پارٹی اور ن لیگ کے پاس فنڈنگ کی کوئی رسید نہیں جبکہ ہمارے پاس 40 ہزار ڈونرز کا ڈیٹا بیس موجود ہے۔

اسلام آباد:اسلام آباد ہائیکورٹ نے 26دسمبر 30دسمبر کا روسٹر جاری کر دیا ۔چیف جسٹس کی ہدایت پر ڈیوٹی رجسٹرار جوڈیشل نے ڈیوٹی روسٹر جاری کیاموسم سرما کی تعطیلات کے باعث تین ججز رخصت پر ہونگے26دسمبر سے شروع ہونیوالے ہفتے میں دو ڈویڑن ،پانچ سنگل بینچ دستیاب ہونگیآئندہ ہفتے کے لیے چیف جسٹس عامر فاروق اور جسٹس اعجاز اسحاق خان پر مشتمل بینچ دستیاب ہوگا جسٹس محسن اختر کیانی اور جسٹس ارباب محمد طاہر پر مشتمل دو رکنی بینچ بھی کیسز پر سماعت کرے گاچیف جسٹس عامر فاروق ،جسٹس محسن اختر کیانی اور جسٹس میاں گل حسن اورنگزیب سنگل بینچ میں کیسز کی سماعت کریں گے جسٹس سردار اعجاز اسحاق خان اور جسٹس ارباب محمد طاہر پر مشتمل سنگل بینچ بھی دستیاب ہوگاچیف جسٹس کی ہدایت پر خصوصی ڈویڑن بنچ یا لارجر بینچ سماعت کے لیے دستیاب ہوگا۔

اسلام آباد:متنازعہ ٹویٹ کیس سینیٹر اعظم خان سواتی نے ضمانت کے لئے اسلام آباد ہائی کورٹ سے رجوع کر لیا ۔سینیٹر اعظم سواتی نے ڈاکٹر بابر اعوان کے ذریعے ضمانت بعد از گرفتاری کی درخواست دائر کردی درخواست میں وفاق اور ایف آئی اے سائبر کرائم کے افسر انیس الرحمان کو فریق بنایا گیا۔ یاد رہے کہ ٹرائل کورٹ نے 21 دسمبر کو اعظم سواتی کی درخواست ضمانت مسترد کر دی تھی درخواست میں موقف اختیار کیا گیا کہ مبینہ ٹوئٹس پوسٹ نہیں کیں اعظم سواتی کا کسی ادارے کو بدنام کرنے کا بھی کوئی ارادہ نہیں تھا تفتیش مکمل ہونے کے بعد بھی پراسیکیوشن کے پاس اعظم سواتی کے خلاف کوئی ثبوت نہیں پٹشنر کی عمر 75 سال اور عارضہ قلب میں مبتلا ہے، اعظم سواتی کی تمام کیس دستاویزی الزامات پر مبنی ہے، جیل میں رکھنا ٹرائل سے قبل سزا کے مترادف ہو گا درخواست میں عدالت سے استدعا کی گئی کہ ٹرائل مکمل ہونے تک ضمانت بعد از گرفتاری منظور کی جائے یاد رہے کہ سپیشل جج سینٹرل نے اعظم سواتی کی ضمانت کی درخواست مسترد کر دی تھی۔

اسلام آباد:اسلام آباد ہائیکورٹ نے اسلام آباد کے بلدیاتی انتخابات سے متعلق درخواستوں پر تحریری فیصلہ جاری کردیا۔ اسلام آباد ہائیکورٹ کے چیف جسٹس عامر فاروق نے 16صفحات پر مشتمل تحریری فیصلہ جاری کیا۔ فیصلے میں لکھا گیا ہے کہ الیکشن کمیشن کا یونین کونسلز کی تعداد بڑھانے سے متعلق فیصلے کو مسترد کرنے کا نوٹیفکیشن کالعدم قرار دیا جاتا ہے ۔عدالت کے سامنے درخواستوں میں الیکشن کمیشن کی جانب سے بنائی گئی ووٹر لسٹوں کو چیلنج کیا گیا ہے دوسری درخواستوں میں وفاقی حکومت کے یونین کونسلز کی تعداد بڑھانے سے متعلق فیصلے کو الیکشن کمیشن کی جانب سے مسترد کرنے کو چیلنج کیا گیا ہے ووٹر لسٹوں سے متعلق معاملے پر درخواست گزار 28دسمبر کو الیکشن کمیشن کے سامنے پیش ہوں الیکشن کمیشن درخواست گزاروں کو سن کر ووٹر لسٹوں کے حوالے سے معاملہ قانون کے مطابق حل کرے الیکشن کمیشن کو یونین کونسلز کی تعداد بڑھانے سے متعلق فیصلے کو مسترد کرنے سے پہلے وفاقی حکومت کا موقف جاننا چاہیے تھا الیکشن کمیشن کے نوٹیفکیشن کیخلاف وفاقی حکومت سمیت تمام درخواست گزار 27دسمبر کو الیکشن کمیشن میں پیش ہوں الیکشن کمیشن تمام درخواست گزاروں کو سن کر معاملے کا قانون کے مطابق فیصلہ کرے۔ #/s#

اسلام آباد :پاکستان تحریک انصاف کے رہنمائوں نے کہا ہے کہ پارلیمنٹ کی تھوڑی سی بھی ساکھ رہ گئی تھی تو گزشتہ روز چیئرمین سینیٹ نے کسر نکال دی،کوئی بچا تو نہیں جو ابھی بھی سمجھتا ہو کہ ملک میں جمہوریت ہے؟ ،پاکستان میں سیاسی اور معاشی بحران کے ساتھ اب بدترین توانائی کا بحران بھی چل رہا ہے۔ان خیالا ت کااظہار پاسد عمر ،ڈاکٹر شیریں مزاری اور حماد اظہر نے گزشتہ روز سینیٹ اجلاس کے انعقاد اور بلز کی منظوری پر ردعمل دیتے ہوئے کیا ۔مرکزی سینئر نائب صدر پاکستان تحریک انصاف ڈاکٹر شیریں مزاری نے کہا چئیرمین سینیٹ نے کورم کی کمی کی نشاندہی کے باوجود سوالیہ نشانات پر مبنی طلب کیے گئے اجلاس کی صدارت کی۔بلدیاتی اداروں میں ترمیم کا بِل پاس کر کے پارلیمینٹ کی ساکھ کو مکمل طور پر تباہ کر دیا گیا۔پی ڈی ایم کی قیادت اسلام آباد لوکل گورنمنٹ انتخابات سے بھی خوفزدہ ہے۔اگر پارلیمنٹ کی تھوڑی سی بھی ساکھ رہ گئی تھی تو گزشتہ روز چیئرمین سینیٹ نے کسر نکال دی ۔جنرل سیکرٹری سینٹرل پنجاب پاکستان تحریک انصاف کاکہناتھا ن لیگ کے لگائے گئے امپورٹڈ ایندھن کے مہنگے پلانٹ بند پڑے ہیں۔ایندھن امپورٹ کرنے کے لئے ڈالر نہیں اور ان پلانٹس سے مہنگی بجلی خریدنے کے لئے روپے نہیں۔مرکزی جنرل سیکرٹری اسد عمرنے کہا کوئی بچا تو نہیں جو ابھی بھی سمجھتا ہو کہ ملک میں جمہوریت ہے؟۔

اسلام آباد :پاکستان تحریک انصاف کے رہنمائوں نے کہا ہے کہ پارلیمنٹ کی تھوڑی سی بھی ساکھ رہ گئی تھی تو گزشتہ روز چیئرمین سینیٹ نے کسر نکال دی،کوئی بچا تو نہیں جو ابھی بھی سمجھتا ہو کہ ملک میں جمہوریت ہے؟ ،پاکستان میں سیاسی اور معاشی بحران کے ساتھ اب بدترین توانائی کا بحران بھی چل رہا ہے۔ان خیالا ت کااظہار پاسد عمر ،ڈاکٹر شیریں مزاری اور حماد اظہر نے گزشتہ روز سینیٹ اجلاس کے انعقاد اور بلز کی منظوری پر ردعمل دیتے ہوئے کیا ۔مرکزی سینئر نائب صدر پاکستان تحریک انصاف ڈاکٹر شیریں مزاری نے کہا چئیرمین سینیٹ نے کورم کی کمی کی نشاندہی کے باوجود سوالیہ نشانات پر مبنی طلب کیے گئے اجلاس کی صدارت کی۔بلدیاتی اداروں میں ترمیم کا بِل پاس کر کے پارلیمینٹ کی ساکھ کو مکمل طور پر تباہ کر دیا گیا۔پی ڈی ایم کی قیادت اسلام آباد لوکل گورنمنٹ انتخابات سے بھی خوفزدہ ہے۔اگر پارلیمنٹ کی تھوڑی سی بھی ساکھ رہ گئی تھی تو گزشتہ روز چیئرمین سینیٹ نے کسر نکال دی ۔جنرل سیکرٹری سینٹرل پنجاب پاکستان تحریک انصاف کاکہناتھا ن لیگ کے لگائے گئے امپورٹڈ ایندھن کے مہنگے پلانٹ بند پڑے ہیں۔ایندھن امپورٹ کرنے کے لئے ڈالر نہیں اور ان پلانٹس سے مہنگی بجلی خریدنے کے لئے روپے نہیں۔مرکزی جنرل سیکرٹری اسد عمرنے کہا کوئی بچا تو نہیں جو ابھی بھی سمجھتا ہو کہ ملک میں جمہوریت ہے؟۔