Category سیاست

سزا کالعدم کرانے کیلئے اسلام آباد ہائیکورٹ رجوع کرنے کا فیصلہ
مریم نواز کی جلد واپسی کا امکان ٗ پارٹی اجلاس کی اندرونی کہانی

اسلام آباد:مسلم لیگ ن نے اپنے قائد نوازشریف کی وطن واپسی کا متفقہ فیصلہ کرلیا ہے، جب کہ نائب صدر ن لیگ مریم نواز کی بھی وطن واپسی کا قوی امکان ہے۔لاہور میں مسلم لیگ ن کا اہم اجلاس ہوا، جس میں پارٹی کے تقریباً تمام اعلیٰ عہدیدار شریک ہوئے، اس اجلاس کی اندرونی کہانی سامنے آگئی ہے۔اجلاس میں شریک تمام اعلیٰ عہدیداران نے اپنے قائد نوازشریف کی وطن واپسی کا متفقہ فیصلہ کرلیا ہے، اور یہ بھی فیصلہ ہوا کہ تاریخ کا اعلان لندن سے ہوگا، اور مریم نواز کی بھی وطن واپسی کا قوی امکان ہے۔سابق وزیراعظم نواز شریف کی سزا کالعدم کرانے کے لیے اسلام آباد ہائیکورٹ میں فیصلہ چیلنج کیا جائے گا۔اجلاس میں فیصلہ کیا گیا ہے کہ پنجاب میں 9 ڈویژن میں جلسے رکھے جائیں گے، جب کہ رواں ماہ پارٹی انتخابات بھی کرائے جائیں گے اور پارٹی قیادت کے حوالے سے بھی اہم فیصلے کیے جائیں گے۔

نیب کی ملازمت کو سول سرونٹس ڈکلیئر نہیں کیا جا سکتا،تجویز منظور کرنے سے نیب خود مختار ادارہ نہیں رہے گا،وزات قانون نیب کوخط

اسلام آباد: وفاقی حکومت نے نیب کی خودمختاری ختم کرنے کی سمری مسترد کر دی اس حوالے سے وزارت قانون نیب کو خط لکھ دیا ہے۔ نیب نے ملازمت کو سول سروس آکوپیشنل گروپ ڈکلیئر کرنے کی سمری بھیجی تھی جس پر وزارت قانون نے نیب کو خط لکھ دیا ہے،وزارت قانون کی جانب سے نیب کو لکھے جانیوالے خط میں کہا گیا ہے کہ نیب کی ملازمت کو سول سرونٹس ڈکلیئر نہیں کیا جا سکتا،تجویز منظور کرنے سے چیئرمین نیب کی خود مختاری بھی ختم ہو جائیگی،حکومت نے نیب کی خودمختاری ختم کرنے کی سمری مسترد کرتے ہوئے چیئرمین نیب کی خودمختاری ختم کرنے کی تجویز بھی رد کردی۔ اس سلسلے میں لکھے گئے خط میں مزید کہا گیا ہے کہ تجویز منظور کرنے سے نیب خود مختار ادارہ نہیں رہے گا۔وزارت قانون کے خط کے مطابق تجویز منظور کرنے سے چیئرمین نیب کی خود مختاری بھی ختم ہوجائے گی۔نیب کی ملازمت کو سول سرونٹس ڈکلیئر نہیں کیا جا سکتا۔

کوئی بھی جمہوری سیاستدان اداروں کو سیاست میں مداخلت کی دعوت نہیں دیتا،بیان

اسلام آباد :وفاقی وزیر برائے ماحولیاتی تبدیلی سینیٹر شیری رحمان نے عمران خان کی جانب سے نئے آرمی چیف کو سیاسی معاملات میں مداخلت کی اپیل قابل مذمت ہے،اپنے ایک بیان میں شیری رحمان کا کہنا تھا کہ کوئی بھی جمہوری سیاستدان اداروں کو سیاست میں مداخلت کی دعوت نہیں دیتا، وہ پہلے بھی اداروں کو اپنے حق میں مداخلت کا کہتے رہے ہیں، عمران خان نئے آرمی چیف کو اپنے سیاسی بیانیہ سے دور رکھیں، سیاسی جماعتیں عوام کے ووٹ سے اقتدار میں آتی ہیں اور پارلیمنٹ میں عوامی اختیار کو استعمال کرتی ہیں، یہ پارلیمنٹ سے باہر بیٹھ کر اداروں کی مدد سے اقتدار میں آنا چاہتے ہیں، ان کو بے ساکھیوں کی عادت پڑ چکی ہے، عمران خان کو اب اداروں کی مدد کے بنا سیاست سیکھنی اور کرنی ہوگی،انہوں نے مزید کہ اکہ عمران خان بند گلی میں پھنس چکے ہیں،اب نا ان کے ارکان قومی اسیمبلی استعفی دینا چاہتے ہیں نا ہی انکے اتحادی اور پارٹی اسمبلیاں توڑنے کے حق میں ہے، اپنے 4 سال کے بدترین دور میں ان کی توجہ مخالفین پر کیسز پر رہی گورننس پر نہیں،حکومت پر توجہ دیتے تو ملک اور معیشت کے یہ حالات نہ ہوتے۔

لاہور :تحریک انصاف نے وزیراعلیٰ پنجاب چوہدری پرویز الٰہی کے عدم تعاون کی صورت میں متبادل حکمت عملی تیار کر لی ،پی ٹی آئی سے تعلق رکھنے والے اراکین پنجاب اسمبلی سے استعفے مانگ لیے گئے،ذرائع نے بتایا کہ تحریک انصاف کے تمام اراکین کو ہدایت کی گئی ہے کہ وہ رواں ہفتے ہاتھ سے لکھے ہوئے اپنے استعفے پارٹی کے پاس جمع کرا دیں،چوہدری پرویز الٰہی نے اسمبلی کی تحلیل کی سمری پر دستخط نہ کئے تو استعفے اسپیکر پنجاب اسمبلی کے حوالے کردیئے جائیں گے،ذرائع نے بتایا کہ چیئرمین پارٹی عمران خان نے اسپیکر پنجاب اسمبلی سبطین خان کو اراکین کے استعفے فوری منظور کرنے کی ہدایت بھی کر دی ہے،عمران خان ہر صورت دسمبر میں پنجاب اسمبلی کی تحلیل چاہتے ہیں،ذرائع کا کہنا ہے کہ اسمبلی کی تحلیل سے متعلق چیئرمین تحریک انصاف عمران خان نے رواں ہفتے وزیراعلی پنجاب چوہدری پرویز الٰہی کے ساتھ حتمی ملاقات کریں گے۔

ہمارے ساتھ سوتیلی ماں جیسا سلوکا کیا جا رہا ،وفاق نے ہمار ا بجٹ 40ارب سے کم 25ارب کردیا، پنجاب آزاد کشمیر اور گلگت بھی الزام
ہمارے پاس سرکاری ملازمین کو تنخواہیں دینے کے پیسے بھی نہیں،بات نہ سنی گئی تو دھرنا دینگے،وزیراعلیٰ کے پی کے و دیگر کی پریس کانفرنس

اسلام آباد: وزیراعلیٰ خیبر پختونخواہ محمود خان نے کہا ہے کہ وفاقی حکومت ہمیں اپنا حق دے ہم بھیک نہیں مانگ رہے ہمیں ہمارا حق دیا جائے،کیا خیبر پختونخواہ پاکستان کا حصہ نہیں ؟ ہماری بات نہ سنی گئی تو دھرنا دینگے، اسلام آباد میں پنجاب،آزادکشمیرکے وزرائے خزانہ کے ہمراہ پریس کانفرنس کرتے ہوئے وزیر اعلیٰ خیبر پختونخوا ہ محمود خان نے کہا کہ ہمیں دسمبر تک صرف 5.5ارب روپے ملے ہیں وفاق نے سیلاب کے دوران 10ارب کا وعدہ کیا تھا ، وفاقی حکومت ہمیں دیوار سے لگا رہی ہے وہ ہمیں کسی ادارے یا بنک سے پیسے بھی نہیں لینے دی رہی ،اگر ہماری بات نہ سنی گئی تو اپوزیشن کو ساتھ ملا کر دھرنا دیں گے،فاٹا انضمام کے پیسے بھی ہمیں نہیں مل رہے ہمارے پاس سرکاری ملازمین کو تنخواہیں دینے کے پیسے بھی نہیں ہیں حکومت ہمیں دیوا ر سے لگارہی ہے جب سے وفاقی حکومت آئی ہم مشکلات سے گزر رہے ہیں۔ انہوں نے کہا کہ وفاقی حکومت کو وارننگ دے رہا ہوں کہ ہمیں ہمارا حق دیا جائے،کیا خیبر پختونخواہ پاکستان کا حصہ نہیں ؟اگر ہے تو ہمیں صحت کارڈ اور فاٹا انضمام سمیت دیگر فنڈفراہم کیا جائے، ہمیں فنڈ فراہم نہیں کیئے گئے ہم کیا خاک ترقی کریں گے۔گلگت بلتستان کے وزیراعلیٰ خالد خورشید نے کہا کہ ہم ڈھائی ارب سے کیسے صوبے کو چلاسکتے ہیں وفاق نے ہمار ا ترقیاتی بجٹ کاٹا ہے، وفاق نے ہمار ا بجٹ 40ارب سے کم 25ارب کردیا ہے، گلگت بلتسان میںاس وقت نہ آٹا ہے نہ بجلی ، 21سے 22گھنٹے کی لوڈ شیڈنگ ہو رہی ہے ہمارے پاس ہڑتال کے سوا کوئی آپشن نہیں ہم نے ہڑ تا ل کی تو انہیں پتہ لگ جائیگا، انہوں نے کہا کہ گلگت بلتستان میں سی پیک کا ایک بھی پراجیکٹ نہیں لگایا ہے، وزیر خزانہ پنجاب محسن لغاری نے کہا کہ پنجاب میں سیلاب میں گھرے لوگوں کی کوئی مدد نہیں کی گئی، فلڈ ریلیف فنڈ میں پنجاب کو ایک پیسہ تک نہیں دیا گیا، سند ھ کے سیلا ب متاثرین سے ہمیںہمدردی ہے،ٹیلی فنڈ تھون کے ذریعے ہم نے پنجاب میں سیلاب متاثرین کو تعاون فراہم کیا ، وزیر خزانہ آزاد کشمیر عبدالماجد خان نے کہا کہ معیشت کے چیمپنز نے پہلے آزاد کشمیر کو ہٹ کیا ہمیں کس جرم کی سزا دی جا رہی ہمارے ساتھ سوتیلی ماں کا سلوک اس لیئے کیا جا رہا ہے کہ ہماری آوز کہیں نہیں پہنچ سکتی،ہمارے صبر کا پیمانہ لبریز ہوچکا ہے کے پی کے کی طرح ہمارے پاس بھی تنخواہوں کے پیسے نہیں ہیں،ان کی یا د دہانی پر ہم نے بجٹ پیش کیا ،قمر زمان کائرہ اور مفتاح اسماعیل نے کہا کہ آپ بجٹ پیش کریں ہم آپ کا حصہ دیںگے۔ مالی معاملات میں وفاقی ہمیں کوئی سپورٹ نہیںکر رہا

اسلام آباد:الیکشن کمیشن آف پاکستان نے چیئرمین پاکستان تحریک انصاف (پی ٹی آئی)عمران خان کی پریس کانفرنس کا نوٹس لے لیا۔

ذرائع کے مطابق الیکشن کمیشن نے سابق وزیراعظم عمران خان کی پریس کانفرنس کا نوٹس لیتے ہوئے پیمرا سے گزشتہ روز کی تقریرکا ٹرانسکرپٹ مانگ لیا۔

الیکشن کمیشن کی پیمرا کو آج چیئرمین پی ٹی آئی عمران خان کی تقریر کا ٹرانسکرپٹ فراہم کرنے کی ہدایت کی ہے، الیکشن کمیشن آرٹیکل 204 کے تحت سابق وزیراعظم کیخلاف کارروائی کر سکتا ہے۔

یاد رہے کہ چیئرمین پی ٹی آئی عمران خان نے گزشتہ روز چیف الیکشن کمشنر کو تنقید کا نشانہ بنایا تھا، الیکشن کمیشن پہلے ہی عمران خان کے خلاف توہین چیف الیکشن کمشنر کی کارروائی کر رہا ہے۔
 

لاہور: وزیراعظم شہباز شریف کے صاحبزادے سلیمان شہباز نے کہا ہے کہ نئے انتخابات کا فیصلہ الیکشن کمیشن کو کرنا ہے فوج کو نہیں۔

ایک بیان میں سلیمان شہباز نے کہا کہ عمران خان کا بیان نئے آرمی چیف کو متنازع بنانےکی گھٹیا اور مذموم کوشش ہے، نیوٹرل کو جانور کہنے والے سازشی کا یہ بیان تازہ ڈھونگ ہے، عمران خان بتائےجنرل باجوہ کو تاحیات ایکسٹینشن کی پیشکش کیوں کی؟کیایہ امربالمعروف تھا؟

سلیمان شہباز کا کہنا تھا کہ اقتدار سے چمٹے رہنے کے لیے تاحیات ایکسٹینشن کی آفرز کرنے والافتوے نہ دے، امربالمعروف پر عمل کرتے توبشریٰ بی بی اورفرح گوگی کو اپنا فرنٹ نہ بناتے، امربالمعروف پر عمل کرتے تو شہدا کے خلاف غلیظ مہم نہ چلاتے۔

انہوں نے مزید کہا کہ امربالمعروف کو چھوڑوا اور فنانشل ٹائمز کے خلاف لندن میں ہرجانے کا دعویٰ دائر کرو۔

سلیمان شہباز کا کہنا تھا کہ نئےانتخابات کا فیصلہ الیکشن کمیشن کو کرنا ہے فوج کو نہیں۔

اسلام آباد: الیکشن کمیشن نے چیئرمین پاکستان تحریک انصاف عمران خان کے خلاف 5 کیس ڈی لسٹ کر دیے۔

الیکشن کمیشن کی جانب سے جاری اعلامیے میں کہا گیا ہے کہ 13 دسمبر کے لیے عمران خان کے خلاف 5 کیس ڈی لسٹ کر دیے گئے ہیں۔

الیکشن کمیشن کے مطابق پی ٹی آئی غیر ملکی فنڈنگ کیس، عمران خان کی کامیابی کا نوٹیفیکشن روکنے کا کیس، عمران خان کو پارٹی چیئرمین شپ سے ہٹانے سے متعلق 2 کیس اور  عمران خان کے انتخابی اخراجات جمع نہ کرانے سے متعلق بھی کیس ڈی لسٹ کیا گیا ہے۔

اعلامیے میں کہا گیا ہے کہ کیسز بینچ کی عدم دستیابی کے باعث ڈی لسٹ کیے گیے، 13 دسمبر کے ڈی لسٹ ہونے والے کیسز کی سماعت اب 20 دسمبر کو ہوگی۔

سلام آبا: وفاقی وزیر اطلاعات مریم اورنگزیب نے کہا ہے کہ عمران خان نے 22 کروڑ عوام کے ساتھ ظلم کیا جس کا حساب انہیں دینا پڑے گا۔

وفاقی وزیر اطلاعات مریم اورنگزیب نے میڈیا سے گفتگو کرتے ہوئے کہا کہ انہوں نے اقتدار میں رہتے ہوئے بھی ملک کا نقصان کیا اب بھی یہی کر رہے ہیں، اگر آپ نے توشہ خانہ میں چوری نہیں کی تو جواب دے دو، ان سے کرپشن کا سوال کرو تو گالیوں اور دھمکیوں پر اتر آتے ہیں، یہ ظلم آپ نے پاکستان کے 22 کروڑ عوام کے ساتھ کیا ہے۔

مریم اورنگزیب نے کہا کہ ظلم کا حساب عمران خان کو دینا پڑے گا، انہوں نے رانا ثناء اللہ کے جیل سیل میں کیڑیاں چھوڑیں، انہوں نے اپنے اختیارات کا ناجائز استعمال کیا، آج کہتے ہیں نیب کے قانون میں ترامیم کر کے فائدہ اٹھا رہے ہیں، کیا ڈیلی میل بھی ہمارے ساتھ مل گیا ہے۔

قبل ازیں سینیئر صحافیوں کے وفد کی وزیر اطلاعات مریم اورنگزیب سے ملاقات ہوئی جس میں صحافیوں نے مریم اورنگزیب سے ان کی خالہ اور ن لیگ کی سینیئر رہنما نجمہ حمید کے انتقال پر اظہار تعزیت کیا، مرحومہ نجمہ حمید کے ایصالِ ثواب کے لیے پی ٹی وی ہیڈ کوارٹر میں فاتحہ خوانی بھی کی گئی۔
 

اسلام آباد:پارلیمنٹ کے مشترکہ اجلاس کے نام پر قومی خزانے کو کروڑوں کا نقصان پہنچانے کا انکشاف ہوا ہے، قومی اسمبلی سیکرٹریٹ کے افسران اور ملازمین اجلاس نہ ہونے کے باوجود سیشن الاؤنس اور ٹی اے ڈی اے لیتے رہے۔ذرائع نے بتایا کہ اہم قانون سازی کے لئے پارلیمنٹ کا مشترکہ اجلاس جولائی میں طلب کیا گیا تھا تاہم سیشن کے اختتام پر اسپیکر قومی اسمبلی میں اجلاس غیر معینہ مدت تک ملتوی کرنے کے بجائے آئندہ ماہ تک ملتوی کیا اور اس کے بعد تاریخ میں لگاتار توسیع کرتے رہے۔ ذرائع کے مطابق اجلاس ہوتا نہیں مگر افسران اور ملازمین نے کروڑوں کے سییشن الاؤنس کا بل اے جی پی آر بھجوا دیا، اے جی پی آر کو ٹی اے ڈی اے کے بلز بھی بھجوا دئیے گئے، اے جی پی آر نے پہلے چھ ماہ میں اس مد میں کروڑوں روپے ادا بھی کردئیے۔ ذرائع کے مطابق اے جی پی آر نے مزید بلز اور الاؤنسز کی ادائیگی روک کر انکوائری شروع کردی ہے۔ ذرائع کے مطابق چیئرمین سینیٹ صادق سنجرانی نے سینیٹ ملازمین کو الاؤنس دینے سے انکار کر دیا ہے، ان کا موقف ہے کہ جب مشترکہ اجلاس ہوا ہی نہیں تو میں اپنے ملازمین کو الاؤنس کیوں دوں۔ ذرائع کے مطابق اس معاملے میں اے جی پی آر کا موقف ہے کہ جب سینیٹ ملازمین یہ الاؤنس کلیم نہیں کررہے تو قومی اسمبلی ملازمین کیوں کررہے ہیں۔ اسمبلی ذرائع کے مطابق ٹی اے ڈی اے کی مد میں روزانہ چار سو روپے جبکہ سیشن الاؤنس بنیادی تںخواہ کے برابر ملتا ہے۔ الاونس کی مد میں یہ رقم کروڑوں روپے بنتی ہے۔رابطہ کرنے پر ترجمان قومی اسمبلی سیکرٹریٹ نے معاملے پر تبصرہ کرنے سے انکار کر دیا