Category سیاست

اسلام آباد: وزیراعظم شہبا ز شریف نے کہا ہے کہ چین پاکستان کا دیرینہ دوست ہے،چین نے پاکستان کی ہر مشکل وقت میں بھائیوں کی طرح مدد کی،پاکستان چینی سرمایہ کاروں کو پاکستان میں سرمایہ کاری میں ہر قسم کی معاونت فراہم کرے گا. ۔ وزیرِ اعظم محمد شہباز شریف سے سروس لانگ مارچ ٹائرز اور چائیویانگ لانگ مارچ ٹائرز کے وفد نے چیئرمین لی-چنگوین (Li Qingwen) کی قیادت میں اسلام آباد میں ملاقات کی،ملاقات میں معاون خصوصی طارق پاشا اور متعلقہ اعلی حکام نے بھی شرکت کی. وزیرِ اعظم نے وفد کی پاکستان میں ٹائروں کی صنعت میں معروف پاکستانی کمپنی کیساتھ جائنٹ وینچر کے زریعے سرمایہ کاری کا خیرمقدم کیا۔ وفد نے وزیرِ اعظم کو بریفنگ دیتے ہوئے بتایا کہ چینی کمپنی کی سرمایہ کاری سے قائم پلانٹ سے پاکستان میں تیار شدہ ٹائر بین الاقوامی منڈیوں میں فروخت ہو رہے ہیں،کمپنی کے پاکستان میں تیار شدہ ٹائروں نے ایک برس کی قلیل مدت میں بین الاقوامی منڈیوں میں اپنی جگہ بنا لی ہے.،کمپنی پاکستان میں ٹائروں کی پیداوار کو بڑھا کر سالانہ برآمدات کو 200 ملین ڈالر تک لے کر جائے گی۔اس موقع پر وزیراعظم شہبا ز شریف نے متعلقہ حکام کو چینی سرمایہ کاروں کو پاکستان میں ٹائروں کی صنعت کی بہتری کیلئے ہر قسم کی معاونت فراہم کرنے کی ہدایت کرتے ہوئے کہا کہ کو ٹائروں کی اسمگلنگ کی روک تھام یقینی بنایا جائے۔ٹائر اور اسپئر پارٹس کی اسمگلنگ روکنے کیلئیجامع پالیسی جلد پیش کی جائے، چین پاکستان کا دیرینہ دوست ہے. چین نے پاکستان کی ہر مشکل وقت میں بھائیوں کی طرح مدد کی ہے ،پاکستان چینی سرمایہ کاروں کو پاکستان میں سرمایہ کاری میں ہر قسم کی معاونت فراہم کرے گا

اسلام آباد:وزیراعظم شہباز شریف نے نوجوانوں کیلئے لیپ ٹاپ سکیم دوبارہ شروع کرنے کا پیغام ٹویٹ پر دیدیا ۔وزیراعظم نے طلبہ و طالبات کو خوشخبر ی دیتے ہوئے پرائم منسٹر یوتھ لیپ ٹاپ سکیم دوہزار تیئس والے لیپ ٹاپ اور اس کے بیگ کی تصویر ٹویٹر پر جاری کر دی ۔اس سے قبل ان کے بڑے بھائی سابق وزیراعظم شہباز شریف نے یہ سکیم شروع کی تھی اور لاکھوںکی تعداد میں طلبہ و طالبات میں مفت لیپ ٹاپ تقسیم کئے تھے ۔

لاہور : وفاقی وزیر برائے منصوبہ بندی، ترقی اور خصوصی اقدامات احسن اقبال نے کہا ہے کہپاکستان پر دنیا کا اعتماد بحال ہوا ہے اسکے بعد سرمایہ کاری کے مواقع پیدا ہوں گے،ملکی معیشت کو مضبوط کرنا ہوگا تاکہ آئی ایم ایف کے پاس نہ جانا پڑے ۔انہوں نے کہا کہ قوموں کے مستقبل کا انحصار میزائلوں پر نہیں بلکہ کلاس رومز کے انقلاب میں ہے،امت مسلمہ کے لئے لمحہ فکریہ ہے کہ دنیا میں اسلام و مسلمان مظاہرے کرنے پر مجبور ہیں، ہماری شناخت پاکستان سے بڑی نہیں ، ہمیں اپنی سیاست و ریاست کے مفاد میں فرق کی تمیز سیکھنا ہوگی،پاکستان کے خلاف مہم چلائی جا رہی ،ہم نے مشرف کے مارشل لاء کا سامنا کیا لیکن کبھی امریکہ جاکر نہیں کہا پاکستان کی امداد بند کردو،2018میں نواز شریف کی حکومت نہیں بلکہ ترقی چھین لی گئی ، اب پاکستان پر دنیا کا اعتماد بحال ہوا ہے ،سرمایہ کاری کے مواقع پیدا ہوں گے،ملکی معیشت کو مضبوط کرنا ہوگا تاکہ آئی ایم ایف کے پاس نہ جانا پڑے ۔ان خیالات کا اظہار انہوں نے یونیورسٹی آف ایجوکیشن لاہور میں منعقدہ تقریب سے خطاب کرتے ہوئے کیا ۔احسن اقبال نے کہا کہ ہم نے 2017-18میں جو منصوبہ بنایا آج وہ حقیقت بن گیا ہے، وہ بچے یا بچیاں جو باہر نہیں جا سکتے ان کے لئے ملک میں بیرونی یونیورسٹیوں جیسی تعلیم دینا ہوگی ، امریکہ یا یورپ جیسی یونیورسٹی کی سہولیات یونیورسٹی آف ایجوکیشن میں میسر ہیں، حکومت نے ہارڈوئیر بنا دیا ہے جو اس کے حصے کا کام ہے اب سوفٹ وئیر سے کام چلایاجائیگا، اگر کسی سسٹم کا آپریٹنگ سسٹم کام نہیں کرے گا تو اس کی حیثیت کباڑئیے کے لوہے سے زیادہ نہیں ہے، یونیورسٹیز میں کلاسز و لیبارٹریز کے بعد تحقیق کا سوفٹ وہیر نہیں ہوگا تو پھر ہاروڈ وئیر بے کار جائے گا، امید ہے اساتذہ و طلبہ یونیورسٹی آف ایجوکیشن دنیا کی بہترین یونیورسٹی بنائیں گے ۔ انہوں نے کہا کہ ویژن 2025 کا سفر جاری تھا کہ 2018ء میں تبدیلی لائی گئی، سوشل میڈیا پر نفرت انگیز نسل تیار کی گئی ۔حامد خان نے بھی کہہ دیا کہ نوازشریف کو نکالنے کا فیصلہ پانامہ فیصلے سے پہلے ہو چکا تھا ،نوازشریف کی حکومت کو نہیں نکالا گیا بلکہ ترقی چھین لی گئی ،نوازشریف دور کا ایک ایک منصوبہ متنازعہ بناکر بند کیا گیا بلکہ متبادل بھی نہیں دیاگیا ،یہ منصوبہ تھا کہ چار سال میں مخالفین کی پگڑی اچھال کر جیل بھر دو۔ انہوں نے کہا کہ اداروں سے پوچھا کیا میں نے نارووال شہر میں ڈسکو کا فلور بنایا بلکہ مجھے سپورٹس کمپلیکس بنانے کی سزا دی گئی ،سپورٹس کمپلیکس بنانے کی پاداش میں سوا دو مہینے میں موت کی چکی میں رکھا گیا ،مجھے نفرت کی بنیاد پر گولی کا نشانہ بنایا گیا،گولی کھائی ،جیل بھی گیا مگر نہ سیاست نہ جماعت اورنہ اپنے مقصد کو پیچھے چھوڑا بلکہ ہم تو سرخرو ہوگئے لیکن اب ملک کہاں کھڑا ہے۔آئی ایم ایف کے محتاج ہیں اس کے معاہدے کو قبول کرنے کے لئے اس لئے راضی ہیں کیونکہ اور کوئی چارہ نہیں ہے۔ حکومت کی انتھک محنت کی وجہ سے آج کوئی دشمن بھی نہیں کہہ سکتا کہ پاکستان سری لنکا کی طرح ڈیفالٹ کر جائے گا لیکن اندر سے لوگ مسلسل برینڈ پاکستان کو نقصان پہنچا رہے ہیں، پاکستان کے خلاف مہم چلائی جا رہی کہ آئی ایم ایف کا معاہدہ منسوخ ہوجائے۔احسن اقبال نے کہا کہ ہم نے مشرف کے مارشل لاء کا سامنا کیا لیکن کبھی امریکہ جاکر نہیں کہا پاکستان کی امداد بند کردو،ہمیں اپنی سیاست و ریاست کے مفاد میں فرق کی تمیز سیکھنی ہوگی،ہماری شناخت پاکستان سے بڑی نہیں ہے وہاں تمام تنازعات کو ختم کرناہوگا جہاں پاکستان کی شناخت ہوگی۔پاکستان پر دنیا کا اعتماد بحال ہوا ہے اسکے بعد سرمایہ کاری کے مواقع پیدا ہوں گے،ملکی معیشت کو مضبوط کرنا ہوگا تاکہ آئی ایم ایف کے پاس نہ جانا پڑے ۔انہوں نے کہا کہ قوموں کے مستقبل کا انحصار میزائلوں پر نہیں بلکہ کلاس رومز کے انقلاب میں ہے،امت مسلمہ کے لئے لمحہ فکریہ ہے کہ دنیا میں اسلام و مسلمان مظاہرے کرنے پر مجبور ہیں،اسرائیل جو کراچی سے بھی چھوٹا ہے کسی میں جرات نہیں جو ہولو کاسٹ پر بات کرے، مسلمان پونے دو ارب ہیں کبھی توہین رسالت اور کبھی قرآن کریم کی بے حرمتی ہوتی لیکن ہم مظاہرہ کرنے پر مجبور ہیں ،ایک کروڑ ملک کی مقدس چیزیں اہم ہیں لیکن پونے دو ارب کی اہمیت نہیں ہے کیونکہ وہاں کاعلم سب سے زیادہ ہے۔

اسلام آباد:صدر استحکام پاکستان پارٹی عبدالعلیم خان نے اپنے ایک بیان میں وضاحت کی ہے کہ ہم تحریک انصاف کی بی ٹیم نہیں، بلکہ ہم ان کے مقابلے پر آئے ہیں۔ انہوں نے نجی ٹی وی کے پروگرام میں گفتگو کرتے ہوئے کہا کہ 9 مئی واقعات میں ملوث افراد کیلئے آئی پی پی میں کوئی جگہ نہیں، الیکشن کیبعدآنیوالی حکومت ملک کوخوبصورت پاکستان کی طرف لیکرجائیگی۔انہوں نے کہا کہ آنیوالا الیکشن ملک کیمستقبل کیلئے اہم ہے، الیکشن وقت پر ہونے چاہئیں، ہم تحریک انصاف کی بی ٹیم نہیں ہیں، ہم تحریک انصاف کے مقابلے پر آئے ہیں، ان سے جدا ہیں، 9مئی کیبعد نئی پارٹی بننے کی ضرورت تھی۔ انہوں نے مزید کہا کہ نہیں معلوم فیض حمید جو کچھ کر رہے ہوتے تھے باجوہ سب جانتے تھے یا نہیں، عمران خان وزیراعظم بننے کے بعد الگ شخص بن گئے تھے، چیئر مین پی ٹی آئی موجودہ آرمی چیف کو بھی فیض حمید سمجھ رہے تھے، فیض حمید بطور ڈی جی سی جو کام کر رہے تھے ہم اس کا حصہ رہے ہیں، عمران خان میری یا جہانگیر ترین کی کار استعمال کرتے تھے، میرے ڈرائیور، گارڈز بھی بطور گواہ بتا سکتے ہیں کہ وہ کہاں جاتے تھے۔اپنی بات کو جاری رکھتے ہوئے انہوں نے کہا کہ میں ایماندار کیساتھ پی ٹی آئی کاحصہ تھا، میں نیاپنی پوری ایمانداری کیساتھ کوششیں کی، چیئرمین پی ٹی آئی 2018 سے پہلے الگ تھے، وزیراعظم بننے کے بعد چیئرمین پی ٹی آئی مختلف ہو گئے، 9 مئی واقعات میں ملوث افراد کیلئے آئی پی پی میں کوئی جگہ نہیں، الیکشن کیبعدآنیوالی حکومت ملک کوخوبصورت پاکستان کی طرف لیکرجائیگی ، ہم تحریک انصاف کی بی ٹیم نہیں ہیں ، ہم تحریک انصاف کے مقابلے پر آئے ہیں، ان سے جدا ہیں، 9مئی کے بعد نئی پارٹی بننے کی ضرورت تھی۔9 مئی کو جو کچھ ہوا وہ دہشت گردی سے زیادہ ہے، عدالتوں کو دیکھنا چاہیے کہ 9 مئی واقعات میں چیئر مین پی ٹی آئی ملوث ہیں یا نہیں۔ ان کا کہنا تھا کہ 9 مئی کو پرویز خٹک پی ٹی آئی کا حصہ تھے تو ان کے پاس معلومات ہوں گی، جب تک پی ٹی آئی کا حصہ تھا میرے پاس بھی معلومات ہوتی تھی، پرویز خٹک کہتے ہیں نو مئی میں چیئر مین پی ٹی آئی ملوث ہیں تو انہیں معلومات ہوں گی، سابق وزیراعظم پر ان کی اہلیہ کا کنٹرول ہے اس سے مجھے کیا فرق پڑتا ہے، کرپشن کا بازار ان کے گھر جا کر ختم ہوتا تھا۔آئی پی پی کے صدر کا کہنا تھا کہ فیض حمید کی الگ لائن بن گئی تھی وہ سمجھتے تھے انہیں آرمی چیف بنا دیا جائے گا، نہیں معلوم جنرل (ر) قمر جاوید باجوہ بھی لیفٹیننٹ جنرل (ر) فیض حمید کو آرمی چیف بنانا چاہتے ہوں، عثمان بزدار کو چیئر مین پی ٹی آئی جو کہتے تھے وہی کرتے تھے، کرپٹ فائیو کا جو ٹولہ ہے اس میں فیض حمید بھی شامل تھے۔ فرح گوگی اور بشریٰ بی بی کا ایک گینگ تھا جوملک کے فیصلے کر رہا تھا، فیض حمیدنیچیئرمین پی ٹی آئی کو خوش کرنیکیلئیمجھیجیل میں ڈلوایا۔اپنی بات کو جاری رکھتے ہوئے عبدالعلیم خان نے کہا کہ پنجاب کی وزارت اعلیٰ کسی بھی حقدار شخص کا حق تھا لیکن عثمان بزدار کا نہیں، عثمان بزدار کسی بھی طور پر وزارت اعلیٰ کے حقدار نہیں تھے، ایم این اے بن جاتا تو میرے خلاف کچھ بھی نہیں ہوتا، ایم پی اے بن گیا تو تیسرے دن ہی مجھے نوٹس مل گیا، وزارت اعلیٰ کا امیدوار تھا اسی لیے مجھے نوٹس بھیجا گیا، میرے پاس کوئی عہدہ نہیں تھا نیب مجھے دن میں چار مرتبہ بلاتی تھی، نیب دفتر میں بیٹھا تھا تو ٹی وی پر دیکھا عثمان بزدار کو وزیراعلیٰ نامزد کر دیا۔

اسلام آباد:وزیر خزانہ سینیٹر اسحاق ڈار نے کہا ہے کہ نواز شریف کے الیکشن لڑنے پر پابندی ختم ہو چکی نئے قانون کے تحت اب وہ الیکشن لڑ سکتے ہیں۔ نجی ٹی وی سے گفتگو کرتے ہوئے انہوں نے کہا کہ نواز شریف متحدہ عرب امارات سے عمرے کی سعادت حاصل کرنے سعودی عرب جا رہے ہیں جس کے بعد وہ انگلینڈ چلے جائیں گے۔اسحاق ڈار نے سابق وزیراعظم کی وطن واپسی سے متعلق کہا کہ پارٹی جب کہے گی نواز شریف انگلینڈ سے پاکستان آئیں گے۔نواز شریف پر وہی کیس تھا جس میں مریم نواز بری ہو چکی ہیں اب نواز شریف بھی بری ہو جائیں گے

اسلام آباد : وفاقی حکومت نے سپریم کورٹ کے چیف جسٹس اور ججز کی بنیادی تنخواہوں میں20 فیصد اضافہ کردیا،سپریم کورٹ کے چیف جسٹس کی بنیادی تنخواہ میں 2 لاکھ 4 ہزار 865 روپے اضافہ کیا گیاجبکہ سپریم کورٹ کے دیگر ججز کی بنیادی تنخواہ میں 1 لاکھ 93 ہزار 527 روپے اضافہ کیا گیا،ذرائع کے مطابق چیف جسٹس آف پاکستان پہلے 10 لاکھ 24 ہزار 324 روپے تنخواہ لیتے تھے،سپریم کورٹ کے ججز پہلے 9 لاکھ 67 ہزار 636 روپے تنخواہ لیتے تھے،اس حوالے سے سپریم کورٹ ججز سیلری آرڈر 2022 صدر نے منسوخ کیا ہے ،چیف جسٹس اس سے پہلے تمام مراعات کے ساتھ تنخواہ پندرہ لاکھ ماہانہ سے زیادہ لیتے تھے،سپریم کورٹ کے ججز کی رننگ تنخواہ مع تمام مراعات چودہ لاکھ سے زائد ماہانہ تھی ،وفاقی سیکرٹری قانون راجہ نعیم کے مطابق ججز کی تنخواہوں میں کوئی کمی نہیں کی گئی،چیف جسٹس سمیت سپریم کورٹ ججز کی بنیادی تنخواہ میں 20 فیصد اضافہ کیا گیا ہے۔

اسلام آباد:سپریم کورٹ نے چیئرمین پی ٹی آئی کی کوئٹہ مقدمے میں عبوری ضمانت اورہائیکورٹ فیصلے کے فیصلے پرحکم امتناع جاری کرنے کی استدعا مسترد کردی ہے۔منگل کو عدالت عظمی میں معاملہ کی سماعت جسٹس اعجاز زالحسن کی سربراہی میں دو رکنی بنچ نے کی۔ دوران سماعت وکیل لطیف کھوسہ نے عدالت کو بتایاکہ موکل کی جان کو خطرہ ہے گرفتارنہ کرنے کا حکم دیا جائے، جسٹس اعجاز الاحسن نے ریمارکس دیے دوسرے فریق کوسنے بغیرکوئی حکم جاری نہیں کر سکتے،ایف آئی آر معطلی کیلئے چیئرمین پی ٹی آئی کوذاتی طورپرعدالت آنے کی ضرورت نہیں ،جسٹس عائشہ ملک نے کہاکہ کیس تحقیقاتی مرحلے پرہے کون سا قانون اجازت دیتا ہے کہ ایف آئی آر سے دفعات نکال دو؟اس موقع پرچیئرمین پی ٹی آئی کے وکیل لطیف کھوسہ نے وکیل عبدالرزاق شرکے قتل کا مقدمہ پڑھ کرسنایا اور کہاکہ مقتول وکیل عبدالرزاق شرکے بیٹے نے عمران خان کیخلاف دہشت گردی کی دفعات کے تحت مقدمہ درج کرایا جسٹس اعجازالاحسن نے پوچھاکہ مقدمے میں دہشت گردی کی دفعات لگانے کا تعین کون کرتا ہے؟وکیل بولے بنیادی زمہ داری تھانہ کے ایس ایچ او کی ہوتی ہے جسٹس اعجاز الاحسن نے کہاکہ اگر ایس ایچ اوکا فیصلہ غلط ہے تواس کیخلاف اے ٹی سی میں درخواست جائے گی یا نہیں؟ آپ کا حق ہے کہ جا کر متعلقہ فورم پردرخواست دیں کہ غلط دفعات لگائی گئی ہیں ، وکیل نے چیئرمین پی ٹی آئی کے ناقابل ضمانت وارنٹ گرفتاری جاری ہونے کا بتایا تو جسٹس عائشہ ملک نے پوچھا کہ کیا جے آئی ٹی کوچیلنج کیا ہے؟ لطیف کھوسہ بولے مجھے تومعلوم ہی نہیں کہ میرے خلاف کیا کیا ہورہا ہے ، ایس ایچ اوتحقیقات کے مرحلے پردہشت گردی کی دفعات عائد نہیں کرسکتا جسٹس عائشہ ملک نے کہاکہ اب آپ اپنی ہی مخالفت میں دلائل دے رہے ہیں ، سپریم کورٹ نے ہائیکورٹ کے فیصلے کے خلاف حکم امتناع اورعبوری ضمانت دینے کی استدعا مسترد کرتے ہوئے سرکاری وکیل سے مقدمہ کی تفصیلات طب کرلیں۔ عدالت عظمی نے اس موقع پر ایڈوکیٹ جنرل اور پراسیکیوٹر جنرل بلوچستان سمیت دیگرفریقین کونوٹس بھی جاری کردیئے۔

لاہور:سپیشل سینٹرل عدالت نے وزیر اعظم شہباز کے صاحبزادے سلیمان شہبازسمیت دیگرکی بریت کی درخواستوں پر گزشتہ سماعت کاتحریری حکم جاری کردیا۔جج بخت فخربہزاد نے گزشتہ سماعت کاتحریری حکم جاری کیا، عدالت نے منی لانڈرنگ کی تحقیقات کرنے والی جے آئی ٹی سے27 سوالات کے جوابات مانگ لئے۔عدالت نے ڈی جی ایف آئی اے کواس معاملے پر ڈائریکٹرلیول کے افسرتعینات کرنے کا حکم دیدیا۔ تحریری حکم کے مطابق ڈی جی ایف آئی اے آئندہ سماعت پر پیش ہو کر سوالات کے جوابات کی رپورٹ پیش کریں۔عدالتی سوال میں کہا گیاکہ شہزاداکبرکس قانون کے تحت زیرالتوا ء انکوئری پر روزانہ پریس کانفرنس کرتے تھے، شہزاد اکبرکو جے آئی ٹی کا کون سا ممبرخفیہ چیزیں فراہم کرتاتھا؟عدالت نے شہزاد اکبرکی پریس کانفرنس کاتمام ریکارڈ طلب کرلیا۔عدالتی سوال کے مطابق جے آئی ٹی کے پاس کونسے ٹھوس ثبوت ہیں جن کی بنیادپریہ کیس بنایاگیا؟ جے آئی ٹی نے طاہرنقوی کے خلاف کون س یشواہد پرکیس بنایا۔عدالتی حکم کے مطابق جے آئی ٹی آئی نے سلیمان شہباز اورطاہرنقوی کو اشتہاری قراردلوایا، سلیمان شہبازاورطاہرنقوی کوبعدمیں شامل تفتیش ہونے پرمقدمے میں چالان نہ کیاگیا،عدالت اپنا فیصلہ10جولائی تک محفوظ کرتی ہے۔

لاہور : انسداد دہشت گردی کی خصوصی عدالت نے عسکری ٹاور جلا ئوگھیرا ئوکیس میں پاکستان تحریک انصاف کے سینئر رہنما اسد عمر کی عبوری ضمانت میں 7 جولائی تک توسیع کر دی۔انسداد دہشتگردی کی خصوصی عدالت کے جج اعجاز احمد بٹر نے عسکری ٹاور جلا ئوگھیرا ئوکیس کی سماعت کی۔عدالت نے سابق وفاقی وزیر اسد عمر کی عبوری ضمانت میں 7 جولائی تک توسیع کر تے ہوئے پی ٹی آئی رہنما کو شامل تفتیش ہونے کا بھی حکم دے دیا۔

لاہور :انسداد دہشت گردی کی خصوصی عدالت نے جناح ہائوس جلا ئوگھیرا ئوسمیت تین مقدمات میں تحریک انصاف کے وائس چیئرمین شاہ محمود قریشی کی عبوری ضمانت میں 7جولائی تک توسیع کر دی۔انسداد دہشتگردی کی خصوصی عدالت کے جج اعجاز احمد بٹر نے شاہ محمودقریشی کی تین مقدمات میں عبوری درخواست ضمانت پرسماعت کی۔ رہنما پی ٹی آئی نے عبوری ضمانت کے لئے عدالت میں خود پیش ہو کر حاضری مکمل کروائی۔وکیل نے موقف اختیار کیا کہ شاہ محمود قریشی کو بے بنیاد مقدمات میں شامل کیا گیا، وہ اپنے خلاف مقدمات میں اپنی بے گناہی ثابت کرنے کیلئے تفتیش میں شامل ہونا چاہتے ہیں۔ عبوری ضمانت منظور کی جائے،عدالت نے مقدمہ کا ریکارڈ طلب کرتے ہوئے عبوری ضمانت میں 7جولائی تک توسیع کر دی۔پی ٹی آئی کے سینئر رہنما کے خلاف تھانہ سرور روڈ، تھانہ گلبرگ اور تھانہ ریس کورس میں مقدمات درج ہیں۔عدالت میں پیشی کے موقع پر میڈیا سے گفتگو کرتے ہوئے شاہ محمود قریشی نے کہا کہ آج یا کل بین الاقوامی مالیاتی فنڈ کا پول کھلنے والا ہے،ڈار صاحب کو آئی ایم ایف کے آگے گھٹنے ٹیکنے پڑے، جو بجٹ پیش ہوا اور جو پاس ہوا اس میں دن اور رات کا فرق تھا، کوئی پاکستانی قوم کو اس مایوسی سے نکالنے کیلئے منصوبہ بندی اور صف بندی نہیں کر رہا، دبئی بیٹھک کے بڑے چرچے ہیں،صف بندی صرف حصول اقتدار کے لئے ہو رہی ہے ،پیپلز پارٹی اور مسلم لیگ (ن) کی قیادت حصول اقتدار کے لئے دبئی میں ہیں،وزارت عظمی کے لئے بھاگ دوڑ کی جارہی ہے، بلاول بھٹو اور مریم نواز وزارت عظمی کے امیدوار ہیں۔ انہوںنے کہا کہ بھارت کے وزیراعظم کے بیان پر کسی نے اس کو جواب نہیں دیا، نریندر مودی کہتا ہے پاکستان اپنی موت آپ مررہا ہے، افسوس وزیراعظم پاکستان اس بیان پر خاموش ہیں، پاکستان کا ہر شہری پوچھ رہا ہے کیا میرے معاشی حالات کی کوئی بات کررہا ہے۔ انہوں نے کہا کہ تحریک انصاف کی کوشش ہے وہ مستقبل کی بات کرے، جیل سے جب سے رہا ہوا ہوں شخصیات پر بات نہیں کررہا۔