Category سیاست

لاہور:نیشنل پیس اینڈ جسٹس کونسل اور مسیحی برادری کے وفد نے جناح ہائوس کا دورہ،کیا بشپ اور دیگر وفد کے ارکان کی کی سانحہ 9 مئی کی شدید الفاظ میں مذمت کی، ایسے ناقابل معافی جرائم میں شامل تمام عناصر کے خلاف بلاتفریق کاروائی کی جائے اور انھیں قرار واقعی سزا دینے کا مطالبہ کر دیا۔مسیحی برادری نے جناح ہائوس لاہور کا دورہ کیا، اس موقع پر بشپ اور دیگر عہدیداران نے بھی اپنے خیالات کا اظہار کرتے ہوئے سانحہ 9 مئی کی شدید الفاظ میں مذمت کی، وفد نے قائد اعظم محمد علی جناح کی تصاویر کے سامنے گل دستے رکھے گئے اور وزیٹرز بک میں اپنے خیالات بھی قلم بند کیے، وفد کے ارکان کا کہنا تھا کہ اس شرمناک واقعہ نے قوم کا سر شرم سے جھکا دیا، 9 مئی کی سیاسی دہشت گردی کی جتنی مذمت کی جائے کم ہے، ایسے ناقابل معافی جرائم میں شامل تمام عناصر کے خلاف بلاتفریق کاروائی کی جائے اور انھیں قرار واقعی سزا دی جائے، جو بھی اس سازش کا حصہ ہیں انھیں قوم کے سامنے لایا جانا چاہیے تاکہ قوم کو حقیقت سے آگاہی حاصل ہو، ہم پاک فوج کے ساتھ ہیں اور اپنے عظیم شہدا کو سلام پیش کرتے ہیں۔

اسلام آباد: سابق مشیر احتساب شہزاد اکبر نے کہا ہے کہ میں بھگوڑا نہیں ہوں برطانیہ میں موجود ہوں ہر سوال کا جواب دوں گا۔ عدالتیں میرے بھائی کی بازیابی کا حکم دے چکی ہیں لیکن حال سامنے ہے۔ایسے بہت سے لوگوں کو اٹھایا گیا ہے جن کا ابھی تک علم ہی نہیں ہے۔نجی ٹی وی کو انٹرویو دیتے ہوئے سابق مشیر احتساب شہزاد اکبر نے کہا کہ نیب کے نوٹسز ملتے رہے ہیں جن کا باقاعدہ جواب دیتا رہا ہوں، نیب نے سوال نامہ بھیجا ہے اس کا بھی جواب دیا ہے، نیب کی جانب سے ابھی تک میرے وارنٹ جاری کیے گئے ہیں۔شہزاد اکبر نے کہا کہ سپریم کورٹ کی سماعت بھی ویڈیو لنک کے ذریعے ہوتی رہی ہیں، نیب کو کہہ چکا ہوں کہ سوالات کرنے ہیں تو ویڈیو لنک پر موجود ہوں، یہ بھی کہہ چکا ہوں کہ ہر سوال کا جواب دوں گا۔انہوں نے کہا کہ نیب مجھے کیوں بلانا چاہتا ہے کیا شہباز گل جیسا سلوک کرنا چاہتے ہیں۔شہزاد اکبر نے کہا کہ میرے بھائی اور اظہر مشوانی کے بھائی کو اٹھایا گیا ہے، عدالتیں میرے بھائی کی بازیابی کا حکم دے چکی ہیں لیکن حال سامنے ہے۔انہوں نے کہا کہ ایسے بہت سے لوگوں کو اٹھایا گیا ہے جن کا ابھی تک علم ہی نہیں ہے۔ایک سوال کے جواب میں شہزاد اکبر نے کہا کہ این سی اے کیس کو 190 ملین سے لے جاکر القادر ٹرسٹ کہنا شروع کردیا، این سی اے کی جانب سے کہا گیا تھا کہ ہمارا نام استعمال نہ کریں۔انہوں نے کہا کہ پورا معاملہ این سی اے سے جڑا ہوا ہے، یہ کیس بغض چیئرمین پی ٹی ا?ئی پر بنا ہے، کیس کو ڈیڑھ سال ہوگیا متعدد پریس کانفرنس ہوئیں پر کوئی ثبوت نہیں آیا

لاہور: حکومت نے سرکاری اور نجی شعبہ میں ملازمت کرنے والی خواتین اور طالبات کو رعایتی قیمت پر سکوٹیز دینے کا فیصلہ کیا ہے ۔ بتایا گیا ہے کہ پاکستان بھر سے 22 ہزار خواتین کو وزیراعظم ویمن آن ویلز پروگرام کے تحت رعایتی قیمت پرسکوٹیز اور موٹرسائیکلز کی فراہمی کا آغاز جلد ہو گا اور اس کے لئے انہیں صرف ساڑھے 4 ہزار روپے ماہانہ قسط ادا کرنا ہوگی۔قومی کمیشن برائے وقارنسواں کی چیئرپرسن نیلوفربختیارکے مطابق پروگرام پرعملدرآمد کے لیے 5 ارب روپے مل گئے ہیں، سکوٹیز کی تقسیم کا عمل مکمل طور پر شفاف ہو گا۔وزیر اعظم شہبازشریف کی ذاتی دلچسپی کے نتیجے میں وزیراعظم ویمن آن ویلز پراجیکٹ جلد شروع ہو گا، 18 سے 55 سال تک کی خواتین درخواست دے سکیں گی۔قومی کمیشن برائے وقار نسواں کی چیئرپرسن نیلوفر بختیار نے بتایا کہ 22 ہزارسکوٹیز کے لیے فنڈز فراہم کر دئیے گئے ہیں، سکوٹیز کی تقسیم کا آغاز جلد ہو گا جو بالکل شفاف ہوگا۔انہوں نے کہا کہ 4 ہزار سکوٹیز ہر صوبے کی ہے، اسلام آباد کیلئے بھی 4 ہزار، گلگت بلتستان کے لئے ایک ہزاراورایک ہزارآزاد کشمیر کیلئے ہوں گی ، یہ 3 سال کا پروگرام ہو گا، 30 ہزارسے لے کر ڈیڑھ لاکھ روپے تک کمانے والے اس کے اہل ہوں گے ۔انہوں نے کہا کہ کوشش ہو گی کہ ملازمت پیشہ خواتین اور طالبات کے ساتھ ساتھ پولیو ہیلتھ ورکرز اورخواتین صحافی بھی مستفید ہوں تاکہ وہ ملکی معاشی ترقی میں مدد گارثابت ہوسکیں۔

اسلام آباد : توہین الیکشن کمیشن کیس،الیکشن کمیشن نے عمران خان اور فواد چوہدری کے نا قابلِ ضمانت وارنٹ گرفتاری جاری کر دئیے۔چیئرمین تحریک انصاف عمران خان،اسد عمر اور فواد چوہدری کیخلاف توہین الیکشن کمیشن کیس کی سماعت ہوئی،ممبر سندھ نثار درانی کی سربراہی میں 4 رکنی کمیشن نے کیس کی سماعت کی۔عمران خان اور فواد چوہدری کی جانب سے کوئی الیکشن کمیشن میں پیش نہ ہوا،جبکہ اسد عمر کی جانب عمائمہ منصور الیکشن کمیشن میں پیش ہوئیں۔ اسد عمر کی جانب سے معاون وکیل نے سماعت ملتوی کرنے کی درخواست کی اور بتایا کہ انور منصور میڈیکل چیک اپ کیلئے چھٹیوں پر ہیں۔اسد عمر بھی میڈیکل چیک کے سلسلے میں مصروف ہیں۔معاون وکیل نے بتایا کہ اسد عمر کئی مرتبہ الیکشن کمیشن میں پیش ہو چکے ہیں۔ ممبر اکرام اللہ خان نے کہا کہ توہین عدالت کیس میں حاضری لازمی ہوتی ہے۔ اسد عمر کی جانب سے حاضری سے استثنیٰ کی درخواست دائر کی گئی،ممبر نثار درانی نے کہا کہ اس طرح تو کیس ختم نہیں ہو گا۔ الیکشن کمیشن نے سابق وزیراعظم عمران خان اور سابق وفاقی وزیر فواد چوہدری کے ناقابل ضمانت وارنٹ گرفتاری جاری کر دئیے۔الیکشن کمیشن نے آئندہ سماعت پر دونوں کو ذاتی حیثیت میں پیش ہونے کا حکم دے دیا،کیس کی سماعت 25 جولائی تک ملتوی کر دی گئی۔

اسلام آباد :دہشت گردی کے مقدمات میںعدالتی طلبی کے باوجود چیئرمین تحریک انصاف عمران خان پیش نہ ہوئے۔منگل کے روز انسداد دہشت گردی عدالت میں جوڈیشل کمپلیکس حملہ سمیت دہشت گردی کے 5 مقدمات کیخلاف سماعت ہوئی،چیئرمین تحریک انصاف عمران خان اور دیگر ملزمان عدالت کے طلب کرنے کے باوجود پیش نہ ہوئے۔ عمران خان اور دیگر ملزموں کو دوبارہ طلب کر لیا گیا۔عدالت نے آئندہ سماعت پر حاضری یقینی بنانے کی ہدایت کر دی۔ جج نے ریمارکس دئیے کہ میں جب طلب کروں آپ نے پیش ہونا ہے،کیسز کے شواہد ریکارڈ کر کے نمٹایا جائے۔ عدالت نے تھانہ رمنا میں درج 2 مقدمات میں کیس کی سماعت 13 جولائی تک ملتوی کر دی۔ یاد رہے کہ جوڈیشل کمپلیکس حملے سمیت دہشت گردی کے 5 مقدمات میں اہم پیشرفت ہوئی تھی،پولیس نے چیئرمین تحریک انصاف عمران خان اور دیگر ملزموں کیخلاف چالان انسداد دہشت گردی عدالت میں جمع کرایا۔

اسلام آباد :پاکستان ڈیموکریٹک موومنٹ کے ترجمان حافظ احمد اللہ نے شکوہ کیا ہے کہ دبئی میں ہونے والی مشاورت میں مولانا فضل الرحمن کو اعتماد میں نہیں لیا گیا۔انہوں نے جیو نیوز کے پروگرام میں گفتگو کرتے ہوئے کہا کہ مولانا فضل الرحمن پی ڈی ایم کے سربراہ ہیں؟ انہیں کیوں مشاورت سے دور رکھا؟ گیا انہیں کیسے نظر انداز کیا جا سکتا ہے؟۔حافظ احمد اللہ نے کہا ائینی طور پر الیکشن اپنے مقررہ وقت پر ہونے چاہیے۔ اسمبلیوں کی مدت 12 اور 13 اگست کو ختم ہوگی۔اسمبلی وقت سے پہلے توڑ دی جاتی ہے تو الیکشن 90 روز کے اندر ہوگا اگر اسمبلی وقت پر ختم ہوتی ہے تو 60 روز کے اندر الیکشن ہوگا۔حافظ احمد اللہ نے مزید کہا کہ الیکشن کرانا پی ڈی ایم کی ہی نہیں الیکشن کمیشن کی بھی ذمہ داری ہے، ہم مقررہ وقت پر الیکشن چاہتے ہیں۔انہوں نے کہا کہ پی ڈی ایم میں شامل جماعتیں اور حکمران اتحاد انتخابی اتحاد نہیں، ہر پارٹی اپنی کارکردگی کے مطابق الیکشن میں جائے گا۔ہر جماعت علیحدہ علیحدہ الیکشن لڑے گی البتہ سیٹ ایڈجسٹمنٹ ہو سکتی ہے۔قبل ازیں پی ڈی ایم کے ترجمان سابق سینیٹر حافظ حمداللہ نے لورالائی میں مولوی شمس الدین کبزئی کی رہائش گاہ پر میڈیا سے بات چیت کرتے ہوئے کہاہے کہ دبئی میں پی پی اور مسلم لیگ ن کے مذاکرات پہلے سے ہی طے تھے پی ڈی ایم کے سربراہ مولانا فضل الرحمان کو لا علم رکھ کر اور بائی پاس کر نے افسوس ہوا جبکہ ہمارے ماضی کی سیاسی جدوجہد پر پانی پھیرنے کے مترادف عمل بھی قرار دیا جماعت نے یک تنہا ہوکر تحریک چلائی اور ملک اور قوم کو عمرانی فتنے سے قائد جمعیت مولانا فضل الرحمان نے بچایا ہم نے پندرہ لانگ مارچ اور اسلام اباد کا چودہ دن کا دھرنا نہ دیا ہوتا تو اس فتنے اور مصیبت سے نجات پانا ناممکن ہے۔انہوں نے کہا کہ الیکشن وقت ہر ہونگے اور اس میں کوئی دو رائے نہیں ہے ،مولانا فضل الرحمان کو جماعت نے آیندہ صدارتی امیدوار نامزد کیا تو وہ ضرور اس جمہوری عمل میں حصہ لینگے۔انہوں نے کہا کہ جے یو آئی ملک کی ایک بڑی مذہبی اور سیاسی جماعت ہے اور الیکشن میں واضح کامیابی کے ساتھ پارلیمان میں آئیگی بلوچستان اور کے پی کے میں ہم ہی حکومت بنا یئںگے ہماری جماعت الیکشن میں سیٹ ایڈجسٹمنٹ کی کسی سے بھیک نہیں مانگے گے البتہ حالات کو دیکھتے ہوئے اور اپنے اتحایوں کے روہے کوسامنے رکھتے ہوئے جماعت اس پر غور کریگی۔انہوں نے کہا کہ ملک کی سیاست میں آ ایم ایف کی مداخلت ناقابل برداشت ہے وہ قرض دینے کے چکر میں عمران خان کیلئے لابنگ کرنے سے باز رہے عمران خان سے انکی ملاقات پاکستان کی ازادی وخودمختیاری پر حملہ ہے نو مئی کے جلاو گھیراواور فوجی و دیگر قومی تنصیبات کے وہ ماسٹر ماینڈ ہیں انکا اب سیاست سے کوئی لینا دینا نہیں وہ جلد انجام اور سلا خوں میں نظر اینگے عدالتوں کا ان پر نظرکرم نہ ہوتاتو وہ کب کے جیل میں سزا کاٹ رہے ہوتے ہیں۔

اسلام آباد: وزیراعظم محمد شہبازشریف نے کہا ہے کہ غذائی تحفظ اور زراعت سے متعلق قومی سیمینار کوئی معمول کی تقریب نہیں تھی، زرعی شعبہ ہماری اقتصادی ترقی کا سب سے بڑامحرک بن سکتا ہے، خلیجی ممالک سے زرعی شعبے میں اگلے 4 سے 5 سال میں 40 ارب ڈالر کی سرمایہ کاری کے ساتھ ساتھ 40 لاکھ نئی ملازمتیں پیداہوں گی، قرضوں سے نجات پا کر مضبوط معیشت کی تعمیر کریں گے۔منگل کو اپنے ٹویٹ میں وزیراعظم نے کہا کہ زراعت اور فوڈ سکیورٹی کے قومی سیمینار میں میں نے دوسرے سبز انقلاب کی بنیاد کے طور پر زراعت کے شعبے میں بہتری لانے کی اہمیت پرزور دیا ہے۔ ہم سب نے بلند بانگ دعوے اورپرکشش وڑنز کے باریمیں سنا ہے لیکن بغیر محنت، استقامت اور تندہی کے بغیر یہ بے سود رہے ہیں۔انہوں نے کہا کہ خلیجی ممالک سالانہ 40 ارب ڈالر کی غذائی اشیاء اور زرعی مصنوعات درآمد کرتے ہیں۔حکومت کاعزم اسپیشل انویسٹمنٹ فیسیلی ٹیشن کونسل (ایس آئی ایف سی) کے تحت خلیجی ممالک سے پاکستان کے زرعی شعبے میں اربوں ڈالر کی سرمایہ کاری لانا ہے، جس کے لیے اقدامات کر لئے گئے ہیں۔ اگلے چار سے پانچ سالوں میں 40 لاکھ نئی ملازمتیں پیدا کرنے کے علاوہ تقریباً 40 بلین ڈالر کی سرمایہ کاری ہوگی۔ انہوں نے کہا کہ دوسرا سبز انقلاب پاکستان کی اقتصادی ترقی کے لئے زرعی شعبے کو بڑا محرک بنانے کا سبب بنے گا، جس سے غذائی تحفظ ہو گا اور ہماری قومی سلامتی کو تقویت ملے گی۔انہوں نے کہا کہ زراعت اور غذائی تحفظ سے متعلق قومی سیمینار کوئی معمول کی تقریب نہیں تھی بلکہ تمام متعلقہ فریقین کی طرف سے ملکی اقتصادی بحالی کے لئے طویل مدت سے توجہ طلب قومی کاوش کا آغاز ہے۔ انہوں نے کہا کہ ہم اندرونی وسائل پر انحصار اور قرضوں سے نجات پاکر مضبوط معیشت کی تعمیر کے خواہاں ہیں اور ہم سب مل کر اپنا یہ مقصد حاصل کریں گے۔

نتھیا گلی: وزیراعظم میاں محمد شہباز شریف نے کہا ہے کہ پاکستان خطے میں تنائو نہیں چاہتا،دنیا میں امن اور خوشحالی چاہتے ہیں۔ قدرتی آفات سے نمٹنے کیلیئے تعاون کی مفاہتی یاداشت پر دستخط کی تقریب سے خطاب کرتے ہوئے وزیراعظم نے کہا کہ سوئٹزر لینڈ کے وزیر خارجہ اگنازئیوکاسیس سے مختلف شعبوں میں تعاون بڑھانے پر بات چیت ہو ئی،تعلیم، آئی ٹی اور خواتین کو بااختیار بنانے میں پاکستان اپنا کردار ادا کرتا رہے گا،سوئٹرز لینڈ کے وزیر خارجہ سے مفید اور تعمیر ی گفتگو ہوئی ،دوست ملک سوئٹرز لینڈ کے وزیر خارجہ کو پاکستان آمد پر خوش آمدید کہتا ہوں،دونوں ممالک کے درمیان سیاحت کو فروغ دیں گے ،پاکستان دنیا میں امن اور خوشحالی چاہتا ہے ،پاکستان خطے میں تنائو نہیں چاہتا،ماضی کی طرح و سائل کو ضائع نہیں کرنا چاہتے ، جدید ٹیکنالوجی سمیت مختلف شعبوں میں تعاون چاہتے ہیں، وزیراعظم نے سوئس وفد کے ساتھ ساتھ علحیدہ علحیدہ ملاقات بھی کی، اس موقع پر سوئس وزیر خارجہجہ اگنازئیوکاسیس نے کہا کہ پاکستان کے ساتھ تعلقات کو مضبوط بنانا چاہتے ہیں، سوئٹرز لینڈ قدرتی آفات سے نمنٹے کیلئے پاکستان کی مدد کرے گا،سوئٹزر لینڈ نے 2010کے تباہ کن سیلاب میں بھی پاکستان کی مدد کی تھی آئندہ بھی کرتے رہیں گے ۔

اسلام آباد : وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا ہے کہ برہان مظفر وانی کی جدوجہد مقبوضہ کشمیر پر بھارتی ناجائز قبضے کے خلاف مزاحمت کی ایک لازوال مثال ہے۔ مشیر امور کشمیر نے برہان مظفر وانی شہید کی ساتویں برسی کے موقع پر شہید کو زبردست خراج عقیدت پیش کرتے ہوئے ہفتہ کواپنے بیان میں کہا کہ برہان مظفر وانی نے اپنی شہادت سے تحریک حق خودارادیت کشمیر میں نئی روح پھونکی۔انہوں نے کہا کہ برہان وانی نے اپنی شہادت سے مقبوضہ کشمیر کی باشعور نوجوان نسل میں جدوجہد کی راہ متعین کی ہے۔ قمر زمان کائرہ نے کہاکہ برہان وانی کی طرح کشمیر کے لاکھوں نوجوان اپنے حق خودارادیت کے لیے پرعزم ہیں،کشمیری نوجوانوں کو ڈرانے کے لیے بھارتی افواج ان کا ماورائے عدالت قتل کر رہی ہیں۔قمر زمان کائرہ نے مزید کہاکہ کشمیری نوجوان بھارتی تسلط سے نجات کے لیے اپنی جانوں کا نذرانہ پیش کر رہے ہیں اور گزشتہ سات دہائیوں سے جاری بھارتی ظلم و تشدد کشمیریوں کے حوصلے پست کرنے میں ناکام رہا ہے۔ انہوں نے کہاکہ بہادر اور غیور کشمیری ہر حال میں اپنا حقِ خودارادیت لے کر رہیں گے، پوری پاکستانی قوم برہان وانی شہید جیسے عظیم بیٹوں کو سلام پیش کرتی ہے

اسلام آباد: وزیر موسمیاتی تبدیل سینیٹر شیری رحمان نے کہا ہے کہ ماحولیاتی آلودگی صرف پاکستان کا مسئلہ نہیں یہ ایک عالمی مسئلہ ہے،جودہ وقت میں ماحولیاتی ضروریات کو سمجھنا ہوگا اور اس پر کام کرنا ہوگا۔اسلام آباد میں سیمینار میں گفتگو کرتے ہوئے وزیر موسمیاتی تبدیلی کا کہناتھا کہ ماحولیاتی آلودگی صرف پاکستان کا مسئلہ نہیں یہ ایک عالمی مسئلہ ہے ہمیں اپنا ماحول صاف کرنے کے لئے بہت سے چیلنجز سے گزرنا ہے ہمیں اب ماضی کی غلطیوں سے سیکھنا چائیے، اور آنے والے وقت میں بہتر پالیسیاں بنانی چائیے۔اس موجودہ وقت میں ماحولیاتی ضروریات کو سمجھنا ہوگا اور اس پر کام کرنا ہوگا، ہمارا پرائیویٹ سیکٹر ماحولیاتی آلودگی کے خاتمے کے لئے بہت موثر کا کر رہا ہے ۔آنے والے وقت میں ماحولیاتی آلودگی کے خاتمے کے لئے مزید کام کرنے کی ضرورت ہے۔ شیری رحمان نے کہا کہ ہمیں عالمی ممالک سے سیکھنا ہوگا وہ اپنے ملک میں ماحول کو بہتر بنانے کے کیا اقدامات اٹھاتے ہیں، ایسے کون سے مسائل ہیں جن پر قابو نہیں پایہ جا رہا،ہر سال ایک ہی طرح کے واقعات کیوں پیش آتے ہیں، ہمیں مسائل کا حل تلاش کرنے کی ضرورت ہے۔میں نے عالمی ممالک میں ماحولیاتی آلودگی کے خاتمے کے لئے بہتر کام ہوتے دیکھا ہے، میری خواہش ہے کہ پاکستان میں بھی جدید ٹیکنالوجی لائی جائے، تاکہ کلائیمیٹ چینج کے مسائل پر فوری قابو پایہ جائے