Category پراپرٹی گائیڈ

لاہور(اپنے نمائندے سے) تحصیل شالیمار کے پٹوار سرکل ہربنس پورہ میں واہ گزار کروائی جانے والی2کنال سرکاری اراضی کا قبضہ تاحال محکمہ ریونیو اپنی تحویل میں نہ لے سکا، ریلوے لائنوں کے قریب ملک لطیف نامی شخص سے آپریشن کرتے ہوئے سرکاری اراضی واہ گزار کروائی گئی تھی مگر

بعدازاں نرمی برتتے ہوئے سرکاری اراضی کو دوبارہ لینڈ مافیا کے سپرد کرنے کا انکشاف ہوا ہے مزید معلوم ہوا ہے کہ ملک لطیف جس نے مزید ایک اور سرکاری اراضی پر چار منزلہ عمارت کھڑی کر رکھی ہے جس کا محکمہ اینٹی کرپشن بھی نوٹس لے چکی ہے کی محکمہ ریونیو کی جانب سے تحریری رپورٹ بھی سامنے آ چکی ہے جس میں وفاقی حکومت کی چار کنال سے زائد سرکاری اراضی پر قبضہ

کرتے ہوئے عرصہ دراز سے اس پر عمارت قائم کرتے ہوئے استعمال کئے جانے کا انکشاف کیا گیا۔ ذرائع کا کہنا ہے کہ اسسٹنٹ کمشنر شالیمار عبدالرزاق ڈوگر نے فیلڈ موقع جات پر ہونے والی تعمیرات و دوبارہ قبضے کی بابت مکمل طور پر لاعلم رکھا جا رہا ہے جس پر شہریوں نے محکمہ ریونیو کے اس دوسرے معیار پر شدید احتجاج کیا ہے مقامی شہریوں نے ڈائریکٹر اینٹی کرپشن لاہور اور ڈپٹی کمشنر لاہور سے بھی فوری نوٹس لینے کی اپیل کی ہے۔

لاہور(ایمرا نیوز/رپورٹ:رضا ملک سے) سرکاری اور سیاسی سفارشوں پر تعینات ہو کر اربوں روپے کی جائیداد بنانے والے پٹواری مافیا کے خلاف بھی شکنجہ سخت ہو گیا۔ لاہور ، قصور، شیخوپورہ، گوجرانوالہ اور پنڈی کے پٹواری مافیا کے حوالے سے ابتدائی لسٹ تیار ہو گئی، کس پٹواری کو کس کی سفارش پر تعینات کیا گیا، کتنی سرکاری اراضی، کتنی عام شہریوں کی اراضی پر قبضے کرائے، اس حوالے سے کوائف اکٹھے کر لئے گئے۔ ذرائع کے مطابق 412ایسے پٹواریوں کے نام بھی اس لسٹ میں شامل ہیں جن پر سنگین الزامات ہونے کے باوجود تگڑی سفارشوں کی وجہ سے ہر دور میں ان کی مرضی کے مطابق ان کی تعیناتیاں ہوئی ہیں اور کئی ایسے پٹواریوں کے نام بھی سامنے آئے ہیں جو مختلف سیاسی جماعتوں کے امیدواروں کی مکمل الیکشن مہم کے اخراجات تک اٹھاتے ہیں۔ ذرائع کے مطابق لاہور کے حوالے سے لکھا گیا یہ کہ یہاں پر سابق حکومت کے دو اہم ترین افراد کے احکامات پر ہی پٹواری لگائے جاتے تھے، لاہور میں ممتاز پٹواری، ارشد پٹواری، مقبول سندھو، بہادر شاہ، شاہ نواز، طاہر شاہ، عرفان احمد موٹا، خالد گجر، اللہ وسایا، صغیر، عباد اللہ،سرور علوی، صابر، الطاف، عارف، میاں ندیم، بشیر، غیاث الدین اور افضل پٹواری و24مزید پٹواریوں کے نام شامل ہیں جب کہ شیخوپورہ میں رانا عباس، ملک زاہد، آصف جمیل، رانا امداد حسین، امانت علی، ملک عباس، ملک عیسیٰ، سلیم اختر، محمد عبداللہ، علم دین، محمد بوٹا، رانا اعجاز قیصر، امانت علی، مظفر علی کے نام شامل ہیں، ان میں سے بوٹا کے متعلق لکھا گیا ہے کہ اس نے کئی ہاﺅسنگ سوسائٹیاں بنا کر دی ہیں اور زرعی زمینوں کو کمرشل کیا ہے، چار پٹواری ایسے بھی ہیں جن کے شہر کے وسط میں باقاعدہ پلازے ہیں۔ قصور کے پٹواریوںمیں طیب، غلام دستگیر، مرز ا زاہد، سجاد، مراتب، عرفان علوی اور لیاقت کھوکھر شامل ہیں۔ گوجرانوالہ اور راولپنڈی کے 76پٹواریوں کے نام لسٹ میں شامل ہیں۔ ذرائع کے مطابق رپورٹ میں لکھا گیا ہے کہ یہ پٹواری کرپشن اور بدعنوانی کے حوالے سےکیٹگری اے میں ہیں، اگر ان کو گرفتار کر کے ایکشن لیا جائے تو جہاں اربوں روپے کی برآمدگی ہو گی، وہاں کئی سیاسی اور سرکاری شخصیات بھی بے نقاب ہوں گی۔

لاہور(نیٹ نیوز) کلین اینڈ گرین لاہور مہم کے تحت ایل ڈی اے کا ایونیو ون اور جوبلی ٹاؤن میں آپریشن۔ متعدد املاک کے باہرغیر قانونی تعمیرات اور شیڈ مسمار کر دئیے ۔ کلین اینڈ گرین لاہور۔ ایل ڈی اے کا غیر قانونی تعمیرات کے خلاف آپریشن پر زور۔شعبہ اسٹیٹ مینجمنٹ اور انفورسمنٹ کا ایل ڈی اے ایونیو ون اور جوبلی ٹاؤن میں مشترکہ آپریشن۔آپریشن کی سربراہی ڈپٹی ڈائریکٹر انفورسمنٹ باسط عزیز نے کی۔آپریشن کے دوران بھاری مشینری کا استعمال ۔ جوبلی ٹاؤن میں ریمپ اور شیڈ مسمار کر دئیے گئے ۔ جبکہ کمرشل املاک کی غیر قانونی تعمیرات بھی گرادیں۔ ایل ڈی اے ایونیو ون میں قائم تجاوزات بھی مسمارکی کر دی گئیں ۔شہر سےتجاوزات کے خاتمے کے لئے ایل ڈی اے کا آپریشن روزانہ کی بنیاد پر جاری ہے ۔

لاہور(اپنے نمائندے سے) صوبے بھر میں اراضی ریکارڈ سنٹرملازمین کی ہڑتال، پٹواریوں نے پنجاب حکومت بورڈ آف ریونیو اور پنجاب لینڈ ریکارڈ اتھارٹی کو آفر دے ڈالی، انجمن پٹواریان و گرداواران مال پنجاب کی جانب سے جاری کی جانے والی ہنگامی پریس ریلیز میں صوبے بھر کے اراضی ریکارڈ سنٹرز میں فوری تعیناتی اور سنٹرز میں عوام الناس کو سروسز مہیا کرنے کی پیشکش کر دی، انجمن پٹواریان کی جانب سے جاری کی جانے والی پریس ریلیز کے مطابق موقف اختیار کیا گیا ہے کہ ہم پٹواریان پنجاب افسران بالا / ارباب اختیار کو پچھلے تین چار دن کی طرف توجہ دلاتے ہیں کہ پلڑا کے آفیشلز تین چار دن سے اس وجہ سے ہڑتال پر ہیں کہ ان کے مطالبات اگر منظور نہیں کئے جاتے تو وہ پورے پنجاب کی گیارہ کروڑ عوام کو ذلیل و خوار کریں گے اور اراضی ریکارڈ سنٹر بند رکھیں گے ۔یہ ورلڈ بنک کے کنٹریکٹ کے ملازمین تھے جو عوام پر 14ارب ڈالر لے کر لگائے گئے تھے نظام ہمارا تھا اور آج بھی یہ لوگ جمعبندی (چار سالہ) ہماری کی نقل ہے جو 11کالم اور انتقال آج بھی 14کالم کا ہے۔ ہمارا نظام ہمارے حوالے اور ان سے بہتر سروس نہ اور اغلاط سے پاک نہ ہو تو ہاتھ کاٹنے ہیں پنجاب اسمبلی کے سامنے اب پٹواری پہلے کی طرح ان پڑھ نہیں ہیں بلکہ ہم میں پی ایچ ڈی سکالر تک تعلیم یافتہ بھی ہیں اور جن کی سٹڈی بھی ڈیجیٹلائزیشن لینڈ ریکارڈ پر بھی ہے اور ہم میں سے تقریباً2000سے زائد ماسٹر اور گریجوایٹ ڈگری ہولڈر ہیں اور 105پٹواری تو ماسٹر ٹریٹر کی ٹریننگ حاصل کر کے دو اضلاع شیخوپوہر اور چنیوٹ کے عملہ فیلڈ کمپیوٹر کی تربیت دے چکے ہیں۔خدارا! عوام الناس پر رحم فرمائیں اور اس بارے میں سنجیدگی سے سوچیں ہمیں پائلٹ پراجیکٹ کے طور پر پلرا کے سوفٹ ویئر تک رسائی دیں انشاءاللہ ہم اگر ان سے بہتر سروس لوگوں کو نہ دے پائیں تو بے شک ہمیں نوکریوں سے فارغ کر دیا جائے ہمان فوٹو کاپی والوں سے تو بہتر ہیں جواب فرنچائز خرید کر لوگوں کو دونوں ہاتھوں سے لوٹ رہے ہیں اور مزید یہ کہ جو فرد پٹواری 200 یا 100روپے کی دیتے تھے اب عوام کو وہی فرد 1000روپے سے زائد میں ذلیل و خوار ہو کر لینے پڑ رہی ہے اور وہ بھی نام کی غلطی کے ساتھ 1852ءمیں پٹوار سسٹم کو انگریز گورنمنٹ نے ایک محکمہ کے طور پر بنایا تھا اور آج تک ان پلرا کے آفیشلز سے بہتر سہولیات دے رہے ہیں پلرا جو عوام کو 14ارب ڈالر کا قرضہ لے کر ایک شیشے کی دیوار سے دوسری طرف 20سے 25سال کے لڑکوں اور لڑکیوں کی نا سمجھ اور نادانی کے سپرد کر دیا گیا جو ہر وقت اپنے خوش گپیوں کے ساتھ عوام سے بدتمیزی بھی کرتے ہیں اور ہر وقت لنک ڈاﺅن کا بہانہ بھی کرتے ہوئے ذلیل بھی کرتے ہیں پٹواریوں نے 250سالوں میں کل اتنی غلطیاں نہیں کیں جتنی انہوں نے پچھلے پانچ سالوں میں کر دی ہیں۔ -1پٹواری اب میٹرک پاس نہیں ہے بلکہ ماسٹر ڈگری ہیں اور ان میں 105ایم پی ڈی ڈی لاہور سے اور بعد میں شیخوپورہ کے 250اور چنیوٹ کے 60پٹواری باقاعدہ کمپیوٹر کی تعلیم حاصل کر چکے ہیں اور ان سے بہتر سروس فراہم کرنا بھی جانتے ہیں۔-2ہر پٹواری کے پاس کم از کم 10سے 15 سال کا فیلڈ کا اور ریکارڈ کا تجربہ ہے اگر انہیں موقع دیا جاتا ہے فرد کے متعلق جو بھی شکایت ہو گی وہ موقع پراسکو دور کر کے اسی ونڈو سے آنے والے سائل کا مسئلہ حل کرنے کا تجربہ رکھتا ہے کیونکہ وہ ریکارڈ کو پلرا کے لڑکوں سے بہتر ہی نہیں بہت بہتر جانتا ہے۔-3پٹواری ایک ہفتہ میں ان کے سوفٹ ویئر کو جان جائے گا اور پلرا کے آفیشلز دس سال سے ریکارڈ کو سمجھ ہی نہیں پا رہے ہیں اس لئے آج تک رجسٹر حقداران زمین، روز ہونے والے انتقالات کی مصدقہ کاپیاں ریکارڈ روم ضلع یا تحصیل کو فراہم نہیں کر رہے ہیں۔-4اگر یہ سچے ہیں تو نکالیں چار سالہ، انتقالات اور فرد بدرات کی نقولات جو انہوں نے خود ساختہ جعلی بھی تیار کئے ہوئے ہیں اور جمعبندیوں میں زیادہ تر کھاتہ جات میں خود ساختہ مالکان بھی قائم کر دئے گئے ہیں پڑتال کروائیں تو پتہ چل جائیگا۔انجمن پٹواریان دیگر ران مال پنجاب کی آفیسر نے بورڈ آف ریونیو اور پنجاب لینڈ ریکارڈ اراضی کو سر جوڑنے پر مجبور کر دیا۔

لاہور(اپنے نمائندے سے)پنجاب لینڈ ریکارڈ اتھارٹی کے ملازمین کی ہڑتال چوتھے روز میں داخل سروس سنٹر آفیشل نے صوبائی وزیر مال کی یقین دہانی اور ڈی جی پنجاب لینڈ ریکارڈ اتھارٹی کی پیشکش ٹھکرا دی وزیر اعلیٰ پنجاب کی جانب سے سروس رولز مکمل کئے جانے اور سروس سٹرکچر کی فوری بحالی کی شرط ہڑتال ختم کرنے کیساتھ مشروط کر دی ملازمین کی جانے والی ہڑتال نیا رخ اختیار کر گئی صوبے بھر کے اراضی ریکارڈ سنٹر زیر تعینات سروس سنٹر آفیشل کی کثیر تعداد کی جانب سے سروس رولز کی بحالی سالانہ تنخواہوں میں اضافہ پر ڈٹ گی، رات گئے صوبائی وزیر مال کرنل انور اور ڈی جی پنجاب لینڈ ریکارڈ اتھارٹی راﺅ اسلم، ڈائریکٹر مانیٹرنگ اینڈ کوالٹی عاصم جاوید کی سروس سنٹر آفیشل کیساتھ ایک گھنٹے سے یا زائد ٹائمنگ فریم پر مذاکرات کے لئے کی جانے والی میٹنگ ، صوبائی وزیر مال کی جانب سے کروائی جانے والی یقین دہانی اور پنجاب اراضی ریکارڈ سنٹر بند رکھنے اور ہڑتال مزید جاری کرنے کا اعلان کر دیا، مزید معلوم ہوا ہے کہ پنجاب لینڈ ریکارڈ اتھارٹی کے اراضی ریکارڈ سنٹر ملازمین کیا ہے کہ وزیر اعلیٰ پنجاب عثمان بزدار جب تک سروس رولز کی فوری بحالی کا ایگزیکٹو لیٹر جاری نہیں کریں گے ہڑتال ختم نہیں کریں گے رات گئے ہڑتال کو جاری رکھنے کے فیصلے پر ملازمین کا ایک موقف سامنے آ گیا دوسری جانب ترجمان پنجاب لینڈ ریکارڈ اتھارٹی کا کہنا تھا کہ ہم بھی جلد اپنا لائحہ عمل واضع کریں گے ہم نے ہر طرح کی پیشکش اور آفیسر سٹاف کو کر دی ہے اب ان کا حتمی مطالبہ سامنے آ گیا ہے اس پر ہم بھی حکمت عملی بنا رہے ہیں ڈی جی پنجاب لینڈ ریکارڈ اتھارٹی کی جانب سے کی جانے والی پیشکش بھی بے سود رہی اراضی ریکارڈ سنٹر کےوفد نا واپسی پر ملازمین کو میٹنگ کی آگاہی دی گئی اور ڈی جی پنجاب لینڈ ریکارڈ اتھارٹی کی جانب سے دی جانے پیشکش بھی ٹھکرا دی گئی ذرائع کے مطابق ملازمین کو تین سالہ کنٹریکٹ میں توسیع سالانہ تنخواہوں میں اضافہ اور پنجاب لینڈ ریکارڈ اتھارٹی کی انتظامیہ کی جانب سے سٹاف کیساتھ فرینڈلی پوزیشن بھی نظر انداز کر دی گئی۔

لاہور(میڈیا 92/رضا ملک سے)عوامی مسائل میں کمی اور سرکاری ادارے کی کارکردگی تیز کرنے کی غرض سے سابق وزیر اعلیٰ پنجاب کے احکامات پر محکمہ ریونیو میں جاری کر دہ لیٹر آپ کی اطلاع ہماری اصلاح کو ردی کی ٹوکری میں پھینک دیا گیا ،رجسٹریشن برانچوں میں جمع کروائی جانے والی رجسٹری دستایزات کی پاسنگ کے لئے تاحال کوئی ٹائم فریم مقرر نہیں کیا جاسکا،3 سال کے دوران رشوت وصولی،بلیک میلنگ ،اختیارات کا ناجائز استعمال ،رجسٹری پاسنگ میں جان بوجھ کر تاخیر،نامناسب رویہ اور شہریوں کو بلاوجہ خوار کرنے کی بناء پر صوبائی دارلحکومت سے ڈیڑھ لاکھ شہریوں کی جانب سے شکایات کی گئیں ،جن میں سے ایک پر بھی عمل درآمد نہ کیا جاسکا ،،شہری مایوس ہو کر گھر بیٹھ گئے

،میڈیا 92 کو ملنے والی معلومات کے مطابق محکمہ ریونیو سے درپیش عوامی مسائل کی کمی اور ادارے کو کرپشن سے پاک کرنے لئے صوبے بھر کی رجسٹریشن برانچوں میں میں (سٹیزن فیڈ بیک ) پروگرام کا آغاز کیا گیا جس کے تحت آپ کی اطلاع ہماری اصلاح کے نام پر پنجاب حکومت کی جانب سے ایک لیٹر جاری کیا گیا جس میں صوبے بھر کی عوام کو رجسٹریوں کی پاسنگ کے دوران درپیش مسائل کے حوالے سے آگاہی تحریر کرنے کی ہدائت کی گئی ،جس کے مختلف خانوں میں رجسٹری جمع کروانے کی تاریخ ،تحصیل کا نام ،وثیقہ نمبر ،خریدار اور فروخت کنندہ کے نام ،ولدیت شناختی کارڈ نمبر ،رشتے داروں کے نام ایڈریس ،موبائل نمبر،گھر کا فون نمبر ،فروخت ہونے والی جائیداد کی نوعیت ،سکنی و کمرشل جائیداد ،جس قیمت پر فروخت کی گئی ہے اس کی تفصیل اس لیٹر میں تحریر کرنے کی ہدائت کی گئی جس میں عوا م کو یقینی دہانی کروائی گئی کہ وہ برائے راست اس منصوبے کی مانیٹرنگ کریں گے اور عوام کی شکایات کو مد نظر رکھتے ہوئے اس پر فوری قانونی کاروائی عمل میں لائی جائے گی ،جس کے نتیجے میں عوام الناس کی کثیر تعداد سے وزیر اعلیٰ پنجاب کو بولو ایس ایم ایس ،آپ کی اطلاع ہماری اصلاح ،فارم اور فارم پر دیئے گئے ہیلپ لائن نمبر 8070پر کال کرکے رجسٹریشن برانچ کے عملے اور آفیسرز کے خلاف ایک لاکھ سے زائد شکایات صوبائی دالحکومت لاہور سے اندراج کروائی گئیں ،اضلاع کی سطح پر ڈپٹی کمشنرز سروسز کی فراہمی اور شہری سہولیات سے متعلق عوام کی شکایات پر ایکشن لینے کا مجاز ہیں تاہم گزشتہ 3سالوں میں کسی ایک بھی عوامی شکا ئت کو مد نظر رکھتے ہوئے کسی بھی رجسٹریشن برانچ کے سٹاف کے خلاف کوئی کاروائی عمل میں نہ لائی گئی ہے

جبکہ پنجاب سٹیزن فیڈ بیک پروگرام کی مانیٹرنگ کے لئے کروڑوں روپے کا بجٹ بھی مختص کیا گیا ہے تاہم وزیر اعلیٰ پنجاب کی جانب سے محکمہ ریونیو کوکرپشن سے پاک کرکے اس منصوبے کو بری طرح ناکامی سے دوچار کر دیا گیا جبکہ اس حوالے سے تبدیلی سرکار کی ماجودہ حکومت بھی تمام تر کوششوں کے باوجود محکمہ ریونیو کے سٹاف سے عوام الناس کو لوٹنے اور رشوت وصولی کی پریکٹس کو ختم کروانے میں تاحال کامیاب نہ ہو سکے ہیں اور اس ضمن میں شہریوں کی کثیر تعداد بھی 3سالوں سے اس منصوبے میں سے کسی ایک شکائت کنندہ کی داد رسی اور ریلیف نہ ملنے کے سبب ریونیو دفاتر کے چکر کاٹنے کے بعد مایوسی سے خاموش ہو چکی ہے۔

لاہور(ایمرا نیوز/رپورٹ رضا ملک سے)چیف جسٹس پاکستان نے پیکیجز کمپنی کو گزشتہ تین برس سرکاری اراضی بغیر معاوضے استعمال کرنے پر 3 سال لیز کی مد میں 50 کروڑ روپے بطور گارنٹی ادا کرنے کا حکم دے دیا عدالت نے قرار دیا کہ اراضی کے کرائے کا تخمینہ لگانے کے بعد اس رقم میں کمی پیشی کی جا سکے گی عدالت نے حکم دیا کہ پیکجز فیکٹری کی زمین اب لیز پر نہیں دی جائے گی یہ فروخت ہو گی اور پہلا حق پیکیجز کا ہو گیا چیف جسٹس پاکستان کی سربراہی میں دو رکنی بنچ نے سرکاری اراضی پر پیکیجز مال کی تعمیر کیخلاف کیس کی سماعت کی دوران سماعت پٹیشنر میاں عامررازق صدر پیس لائف ویلفیئر فاونڈیشن ڈی سی لاہور ممبر کالونیز اور دیگر افسران عدالت میں پیش ہوئے چیف جسٹس نے ریمارکس دئیے کہ ہمارے لئے اچھنبے کی بات ہے کہ لیز 2015 سے ختم ہو چکی ہے اور یہ لوگ بیٹھے ہوئے ہیں، چیف جسٹس پاکستان نے کہا کہ کیا یہ ہے ملک کا قانون؟ جن لوگوں نے لیز ختم ہونے پر کام کرنا تھا انہوں نے نہیں کیا، چیف جسٹس پاکستان نے مزید کہا کہ یہ تو بیچارے شریف لوگ ہیں جو پیسے دینے کیلئے آ گئے ہیں، چیف جسٹس پاکستان نے ڈی سی لاہور سے استفسار کیا کہ ہمیں شروع سے بتائیں کیا معاملہ ہے،ڈی سی لاہور صالحہ سعید نے عدالت کو بتایا کہ 1955 سے 1985 تک پیکجز فیکٹری کو لیز پر سرکاری زمین دی گئی 1989 میں پیکجز فیکٹری کی لیز میں مزید 30 سال کی توسیع کی گئی، ڈی سی لاہور نے بتایا کہ 6 جولائی 2015 کو پیکجز فیکٹری نے مزید 30 سال کی توسیع کیلئے اپلائی کیا جو بورڈ آف ریونیو میں زیر التواءہے، ڈی سی لاہور نے مزید بتایا کہ 2017ءمیں بورڈ آف ریونیو کو اراضی کے خسرہ جات اور دیگر تفصیلات فراہم کر دی گئیں، چیف جسٹس پاکستان کا ممبر کالونیز سے استفسار کیاکہ کھل کر بتائیں کیوں یہ معاملہ زیر التواءہے ممبر کالونیز نے بتایا کہ کوئی شک نہیں کہ بورڈ آف ریونیو میں بہت ساری درخواستیں زیر التواءہیں نئی پالیسی بنائی گئی ہے کہ آئندہ سرکاری زمین لیز پر نہیں دی جائے گی، ممبر کالونیز نے بتایا کہ پہلے لیز کی پالیسی فارمولیشن کوئی نہیں تھی، ممبر کالونیز نے مزید بتایا کہ  قانون، ریونیو اور خزانہ کے صوبائی وزراء پر مشتمل کمیٹی نے لیز پر دینے یا نہ دینے کا فیصلہ کرنا تھا چیف جسٹس نے استفسار کیا کہ اس کمیٹی کا مینڈیٹ کیا تھا، 2015 سے ایک روپیہ کرایہ ادا نہیں کیا گیا، چیف جسٹس پاکستان اس وقت کمیٹی کے ممبران کون تھے ممبر کالونیز نے بتایا کہ رانا ثناءاللہ اور عائشہ غوث پاشہ اور ریوینیو کے وزیر تھے اب پالیسی بن چکی ہے وزیراعلی کو جلد کابینہ کی میٹنگ بلا کر فیصلہ کرنے کی درخواست بھی کر رکھی ہے چیف جسٹس نے برہمی کا اظہار کرتے ہوئے ریمارکس دئیے کہ کہاں ہیں ڈی جی نیب، اگر ہم منشا کھوکھر کو پکڑ سکتے ہیں تو کوئی بھی نہیں بچ سکتا چاہے وہ کتنا عزت دار ہی کیوں نہ ہو جسٹس اعجازالاحسن نے ریمارکس دئیے کہ اگر پیکجز فیکٹری کی لیز میں توسیع نہیں ہوئی تو کیوں بیٹھے ہیں،چیف جسٹس نے ریمارکس دئیے کہ فائلیں دبا کر کون کسے فائدہ پہنچاتا رہا سب پتہ چل جائے گا چیف جسٹس پاکستان نے ممبر کالونیز سے استفسار سے کیا کہ آپکو معلوم ہے نندی پور کا ریفرنس کیوں گیا ہے اس لئے نندی پور کا ریفرنس بنا ہے کہ کئی سال سے لوگ فائلیں دبا کر بیٹھے تھے، چیف جسٹس پاکستان نے قرار دیا کہ ہم پیکجز فیکٹری کی لیز ختم کر رہے ہیں اور اس پر ازخود نوٹس لے رہے ہیں، چیف جسٹس پاکستان یہ باﺅنٹی نہیں ہے کہ کسی کو کھانے کیلئے دے دیں، چیف جسٹس پاکستان نے پیکجز کمپنی کے وکیل ڈاکٹر پرویز حسن سے استفسار کیا کہ بتائیں یہ 3 سالوں کا کرایہ ادا نہیں کیا گیا اس کا کیا کریں گے، ڈاکٹر پرویز حسن نے بتایا کہ پیکجز مال نیک نیتی سے عدالت میں پیش ہوا ہے عدالت کا جو حکم ہو گا عملدرآمد کیا جائے گا چیف جسٹس نے عدالت میں موجود سرکاری افسران کی سرزنش کرتے ہوئے ریمارکا دئیے کہ خدا کا خوف کرو سرکاری افسرو. قوم کیساتھ زیادتیاں ہو رہی ہیں، ٹیکس پیئرز کے پیسے کو کھایا جا رہا ہے،ڈاکٹر پرویز حسن نے عدالت کو آگاہ کیا کہ عدالت جو مناسب رقم طے کرے گی ہم 3 سال کے کرائے کو طور پر دے دیں گے، چیف جسٹس نے ریمارکس دئیے کہ کسی نے اس ملک کیلئے کچھ کرنا ہے کہ نہیں؟ یہاں بچوں کو ہسپتالوں میں دوائیاں نہیں ملتیں، کل ایک بچی کی قوت سماعت کا فری علاج کروایا ہے، ہسپتالوں میں سٹیپلرز موجود نہیں ہیں، اس سے قبل سپریم کور نے ارکاری اراضی لی لیز کا معاملہ چار سال تک التوا میں رکھنے پر ناراضگی کا اظہار کیا ہے اور قرار دیا ہے کہ ان سرکاری افسروں کا احتساب ہونا چاہئیے جو اس نقصان کے ذمہ دار ہیں چیف جسٹس نے ریمارکس دئیے کہ چھوٹے بہت پکڑ لیے اب بڑوں کے خلاف کارروائی کر کے مثال قائم کرنی ہیں چیف جسٹس پاکستان نے ریمارکا دئیے کہ عدلیہ سرکاری پراپرٹی کی محافظ ہے چیف جسٹس نے باور کروایا کہ وہ زمانے گزر چکے جب شہر کا کوئی بڑا آدمی ڈپٹی کمشنر کو لیز کے لیے درخواست دیتا تھا اور اسے زمین مل جاتی تھی چیف جسٹس نے باور کروایا کہ ایل فی اے نے پٹرول پمپس بھی پندرہ پندرہ ہزار روپے پر لیز پر دئیے اب شفاف طریقے سے لیز ہوئی ہے تو یہ لیز کروڑوں پر گئی ہے چیف جسٹس نے واضیح کیا اب جو بھی لیز ہو گی اسے دیتے وقت قانونی تقاضے اور شفافیت کو برقرار رکھا جائے گا عدالتی استفسار پر بتایا گیا کہ پیکجز کو 1957 میں 231 کینال اراضی تیس سال کے لیے لیز پر دی گئی جس میں 1985 میں دوبارہ توسیع کی گئی لیکن اب یہ لیز 2015 میں ختم ہو چکی ہے پیکجز کے وکیل نے بتایا کہ دوبارہ لیز کے لیے چار سال سے قبل درخواست دی تھی تاہم ابھی تک اس پر کوئی کارروائی نہیں کی گئی چیف جسٹس نے باور کروایا کہ اگر لیز نہیں دی گئی تو اراضی سرنڈر کر دینی چاہئیے تھی چیف جسٹس نے نشاندہی کی کہ لیز کو التوا میں رکھنے کا معاملہ تو نیب کے قانون کی زد میں آتا ہے عدالت کا کام عوامی مفاد کا تحفظ کرنا ہے چیف جسٹس پاکستان نے لیز کے معاملے پر ایف بی آر اور چار سال میں لیز کی درخواست پر فیصلہ کرنے والے تمام ڈپٹی کمشنرز کو طلب کیا تھا

لاہور(ایمرا نیوز/رپورٹ اظہر محمود سے) پھولوں اور پودوں سمیت سجاوٹی اشیاءایک ہی چھت تلے۔ گارڈنگ نمائش کا اہتمام اورسیز پاکستانی ہاوسنگ سکیم میں ڈھیروں سٹالز لگائے گئے۔ فیملیز نے بڑی تعداد میں شرکت اور خریداری کی۔اورسیز پاکستانی ہاوسنگ سکیم میں اوور گارڈنگ گروپ کے زیر اہتمام گارڈنگ ایگزبیشن۔ نمائش میں کراکری، ملبوسات اور کھانے سمیت 47 سٹالز لگائے گئے۔ شہریوں کی بڑی تعداد نے نمائش سے من پسند اشیاءکی خریداری کی۔ شہریوں کا کہنا تھا کہ ایسی ایگزبیشن سے تمام تر اشیا ایک ہی چھت تلے حاصل کر سکتے ہیں۔ اچھے موسم میں دلکش نمائش ہے۔ سٹالز مالکان کا کہنا تھا کہ ایسی نمائش سے کاروبار کے بہتر مواقع میسر آتے ہیں۔

لاہور (ایمرا نیوز/رپورٹ عمر خالد سے) سپریم کورٹ کے حکم پر عملدرآمد۔ اندرون شہر طیفی بٹ کی پراپرٹی سیل۔ متاثرہ خاندان نے سپریم کورٹ سے رجوع کیا تھا۔پراپرٹی پر قبضوں کا الزام اور سپریم کورٹ کا حکم ایس پی سٹی معاذ ظفر کی سربراہی میں اندرون شہر طیفی بٹ کی 3 کنال متنازعہ پراپرٹی سربمہر۔ پولیس کی بھاری نفری کی موجودگی میں کارروائی کی گئی سپریم کورٹ لاہور رجسٹری میں کیس سے متعلق سماعت میں ایس پی سٹی نے انکوائری رپورٹ پیش کی۔جس کے مطابق حمیرا بٹ نامی خاتون کی زمین پر قبصہ کیا گیا۔ جس پر متعلقہ پولیس نے کوئی کارروائی نہ کی۔چیف جسٹس پاکستان نے اراضی کے تمام کاغذات کی تصدیق کرنے کی ہدایت جاری کرتے ہوئے سماعت 11 جنوری تک ملتوی کر دی۔

لاہور(ایمرا نیوز/نیٹ نیوز)کھوکھر برادران کی طرف سے شہریوں کی جائیدادوں پر قبضوں کیخلاف ازخود نوٹس کیس کی سماعت ۔ چیف جسٹس پاکستان میاں ثاقب نثار کی سربراہی میں دو رکنی بنچ نے ازخود نوٹس کیس کی سماعت کی ۔سپریم کورٹ کا اینٹی کرپشن کو اپنی رپورٹ کی روشنی میں کارروائی کا حکم ۔ڈی جی اینٹی کرپشن نے کھوکھر برادران کی جائیدادوں اور کھوکھر پیلس بارے رپورٹ جمع کرائی ۔کھوکر پیلس میں شامل 40 کنال سرکاری اراضی پر کھوکر برادران کا قبضہ ہے، اینٹی کرپشن رپورٹ کھوکھر برادران نے ایک خسرے کے 10 افراد میں سے صرف 1 کو ادائیگی کر کے باقیوں کو بھگا دیا، اینٹی کرپشن رپورٹ کھوکھرپیلس مختلف افراد سے زبردستی خریدی ہوئی مشترکہ کھاتے پر تعمیر ہے، اینٹی کرپشن رپورٹ کھوکھربرادران نے آپکی ریٹائرمنٹ کی تاریخ تک ضمانتیں کرا رکھی ہیں، ڈی جی اینٹی کرپشن انہیں یہ تاثر ہے کہ آپکی ریٹائرمنٹ کے بعد انہیں کوئی نہیں پوچھے گا، ڈی جی اینٹی کرپشن ہم مشترکہ کھاتہ توڑ رہے ہیں،کھوکھرپیلس خالی کریں، سامان اٹھا لیں، چیف جسٹس کے ریمارکس وزیر اعظم ہاﺅس میں یونیورسٹی کی طرح کھوکھرپیلیس میں بھی کوئی تعلیمی ادارہ قائم کروا دیتے ہیں، چیف جسٹس کے ریمارکس پاکستان میں یہ بدمعاشی نہیں چلنے دوں گا، چیف جسٹس کے ریمارکس کھوکھر برادران کی مرضی کیخلاف وہاں مکھی بھی پر نہیں مار سکتی، چیف جسٹس کے ریمارکس ایسے لوگوں نے پاکستان کو تباہ کر دیا ہے، چیف جسٹس پاکستان یہ جو آنکھیں جھکائے کھڑے ہیں، مجھے پتہ ہے انہوں نے بعد میں میرے ساتھ کیا کرنا ہے، چیف جسٹس کے ریمارکس اینٹی کرپشن مقدمے درج کرے اور قانون کے مطابق کارروائی کرے، چیف جسٹس پاکستان ہم بے قصور ہیں، قبضوں کے کلچر کی وجہ سے سارا الزام ہم پر آ رہا ہے، کھوکھربرادران قبضے کا کلچر کھوکھربرادران نے متعارف کروایا ہے، چیف جسٹس پاکستان اینٹی کرپشن کھوکھر پیلیس سے قبضے ختم کروا کر 10 دن میں رپورٹ پیش کرے۔