Category پراپرٹی گائیڈ

لاہور (نیٹ‌نیوز) قبضہ ما فیا کے ملزم منشاء بم کا سرکاری اراضی پر قبضے کا ایک اور کیس سامنے آگیا۔ منشاء بم نے جوہر ٹاؤن میں بیوہ کوٹہ کے پلاٹوں پر بھی قبضہ کیا ۔سپریم کورٹ کے احکامات پر ایل ڈی اے کی چھان بین جاری ۔ قبضہ مافیا کے ملزم منشاء بم کی ایک اور کارستانی سامنے آئی ۔ ایک اور سرکاری اراضی پر قبضے کا انکشاف ۔ جوہر ٹاؤن سی ون بلاک میں ایل ڈی اے نے بیوہ کوٹہ کے پلاٹ الاٹ کیے مگر منشاء بم نے فائلوں کی بندر بانٹ کرکے بیوہ کوٹہ کے 5 پلاٹوں پر قبضہ کر لیا۔ بعدازاں پلاٹوں پر گھر تعمیر کرکے فروخت بھی کر دیئے گئے۔ ایل ڈی اے انتظامیہ نے اس دوران کوئی کارروائی نہ کی ۔ ذرائع نے بتایا کہ بیوہ کوٹہ پلاٹ ثمن زار سوسائٹی کے مفاد عامہ کے پلاٹوں سے متصل ہیں۔ ایل ڈی اے نے 2007 میں بیوہ کوٹہ پلاٹوں پر قبضوں سے متعلقہ رپورٹ تیار کی ۔ منشاء بم کے سیاسی اثرورسوخ کے باعث 11برس کارروائی نہ کی جاسکی۔ پلاٹوں کا رقبہ 25 مرلے سے زائد ہےایل ڈی اے کی رپورٹ سپریم کورٹ میں پیش کی جائے گی۔

لاہور (نیٹ‌نیوز) مشن کلین لاہور 68 ویں روز میں داخل،گڑھی شاہو میں ضلعی انتظامیہ کا تجاوزات کے خلاف آپریشن جاری ۔ مین بازار میں 4غیر قانونی تعمیرات اور 45پختہ تھڑے مسمار کر دئیے گئے۔ مشینری کے استعمال سے تجاوازات اور دکانوں کے تھڑے مسمار کردیے گئے۔ فٹ پاتھ پر بنے کاونٹرز بھی مسمار کردیے گئے مقصد ہے کہ فٹ پاتھ پر چلنے والوں کو راستہ دیا جائے۔ زونل آفیسر عامراختر بٹ نے لاہور نیوز سے گفتگو کرتے ہوئے بتایا کہ ڈی سی لاہور کی ہدایت کے مطابق آپریشن بلاتفریق اور بلا امتیاز کیا جارہا ہے ۔

لاہور(ایمرا نیوز)نئے پاکستان میں 50 لاکھ گھروں کی تعمیر کیلئے مختلف اضلاع سے 17 ہزار 519 کنال سے اراضی کی نشاندہی کرکے رپورٹ وزیراعلیٰ پنجاب سردارعثمان بزدار کوبجھوادی گئی، وزیراعظم کے آبائی ضلع میانوالی میں200 کنال 14مرلہ ،گورنرپنجاب کے آبائی شہرٹوبہ ٹیک سنگھ میں 975کنال 5مرلہ اوروزیراعلیٰ پنجاب عثمان بزدا رکے شہرڈی جی خان140کنال 15مرلہ اراضی کی نشاندہی کی گئی ہے،،،مزید کن اضلاع میں اراضی کی نشاندھی کی گئی ہے جان لیتے ہیں ۔پنجاب کے 36 اضلاع میں سے یہ اراضی صوبہ کے17 اضلا ع میں مختص کی گئی ہے۔سب سے زیادہ اراضی گوجرانوالہ شہرمیںمختص کی گئی جو4379 کنال 12مرلہ ہے،ملتان میں2773 کنال ، وہاڑی 589 کنال سے زائد سرکاری اراضی ہے ۔ منڈی بہاﺅالدین2034 کنال ، بہاولنگر904 کنال سے زائد ،اراضی کی نشاندہی کی گئی ۔جھنگ 200 کنال ،سیالکوٹ 116کنال ، احمد پور سیال 197 کنال ، گجرات 48 کنال سے زائد ،سرکاری اراضی ہے ۔ ننکانہ صاحب 1289 کنال سے ، حافظ آباد1109 کنال ، مظفر گڑھ 1339کنال سے زائد ،فیصل آباد میں1239 کنال ،ڈیرہ غازیخان میں 140 کنال سے زائد پنجاب حکومت کی اراضی کی نشاندھی کی گئی ہے۔ محکمہ مال نے نئے پاکستان میں 50 لاکھ گھروں کی تعمیر کیلئے 36 اضلاع کے ڈپٹی کمشنر کو متعدد بار مراسلے جاری کئے تھے لاہور: 17 اضلاع کے ڈپٹی کمشنر کی جانب سے سرکاری اراضی کی نشاندھی کی گئی ہے ۔مختلف شہروں سے موصول ہونیوالی رپورٹ حاصل کرلی ۔لاہور: ، اٹک، بہاولپور، بہاولنگر، بھکر، چکوال، چنیوٹ،جہلم ،قصور ،خانیوال، خوشاب کی ڈپٹی کمشنرز سے کوئی جواب موصول نہیں ہوا۔لاہور: لاہور ، لیہ،نارووال ، اوکاڑہ ،رحیم یار خان ،راجن پور، راولپنڈی ، ساہیوال ،سرگودھااور شیخوپورہ کے ڈپٹی کمشنرز کو محکمہ مال کی جانب سے متعدد بارمراسلے جاری کئے گئے۔

لاہور(ایمرا نیوز) اینٹی کرپشن نے چار غیر قانونی ہاوسنگ سکیموں کے خلاف انکوائری شروع کرکے ڈی جی ایل ڈی اےسے ریکارڈ طلب کرلیا۔اینٹی کرپشن نے کارروائی کیلئے ایل ڈی اے کے ذمہ دار افسروں کے نام بھی مانگ لئے-اینٹی کرپشن نے ڈی جی ایل ڈی اے کوخط لکھ کرشہر کے مختلف علاقوں میں قائم چار غیر قانونی ہاوسنگ سکیموں کا ریکارڈ مانگ لیا ہے-اینٹی کرپشن نے بحریہ گالف ویو سٹی، بحریہ آرچرڈ تھری اینڈ فور، پارک ویو ہاوسنگ اسکیم اور آئی کون ویلی کا ریکارڈ طلب کرلیاہے-ڈپٹی ڈائریکٹر اینٹی کرپشن شاہ رخ نیازی نے ایل ڈی اے افسران کو 10 دسمبر کو صبح 11 بجے ریکارڈ سمیت طلب کرلیا ہے-ڈی جی ایل ڈی اے سے غیرقانونی ہاوسنگ سوسائٹیوں کی تعمیرات کے ذمہ دار ایل ڈی اے افسران کے نام بھی مانگ لئے گئے ہیں-

لاہور(ایمرا نیوز)ایل ڈی اے واسا نے صوبائی دارالحکومت کی کوآپرٹیو سوسائٹیوں پر پانی کے استعمال کی پاداش میں ٹیوب ویل بم گرانے کی تیاریاں مکمل کر لی کوآپرٹیو سوسائٹیوں میں نصب فی ٹیوب ویل پانی استعمال کئے جانے پر 2سے 3لاکھ روپے کا ٹیکس سوسائٹی انتظامیہ پر نافذ کر دیا۔ایسوسی ایشن آف کوآپرٹیو سوسائٹیز پنجاب کے صدر ملک شہباز لاہور ڈویڑن کے صدر ملک اشرف ڈوگری اور جنرل سیکریٹری کیپٹن(ر) ایم اے فاروقی نے اس اقدام کو غیر قانونی قرار دیدیا میڈیا کو ملنے والی معلومات کے مطابق ایل ڈی اے واسا کی جانب سے صوبائی دارالحکومت میں 272سے زائد آنیوالی کوآپرٹیو ہاؤسنگ سوسائٹیوں کو نوٹسز جاری کرنے پر سوسائٹی میں نصب ٹیوب ویل پر 2لاکھ سے 3لاکھ روپے ٹیکس وصولی کا نافذ کر دیا ہے جن سوسائٹی میں 5ٹیوب ویل ہوں گے وہ 10لاکھ سے 15لاکھ روپے کی ادائیگی کرے گا ایل ڈی اے واسا کی جانب سے لگائے جانے والے اس ٹیکس کو ٹیوب ویل بم کا نام دیدیا گیا ہے۔ تاہم دوسری جانب ایسوسی ایشن آف کوآپرٹیو پنجاب کے صدر ملک شہباز کھوکھر لاہور ڈویژن کے صدر ملک اشرف ڈوگری اور جنرل سیکریٹری پنجاب ایم اے فاروقی نے ایل ڈی اے واسا کے اس اقدام کو غیر قانونی قرار دیتے ہوئے ہنگامی اجلاس طلب کر لیا ہے اجلاس میں ماڈل ٹاؤن سوسائٹی پی آئی اے سوسائٹی ، ٹی این ٹی سوسائٹی، این ایف سی، سوسائٹی، پی سی ایس آئی آر، (سٹاف) سوسائٹی ، اقبال ریونیو سوسائٹی، پبلک ہیلتھ سوسائٹی سمیت متعلقہ کوآپرٹیو سوسائٹیز کے صدر اور جنرل سیکریٹریز نے شرکت کی اجلاس میں متفقہ طور پر ایل ڈی اے واسا کے اس اقدام کو اعلیٰ عدالتوں میں چینلج کرنے کا فیصلہ کیا گیا۔ ایسوسی ایشن آف کوآپرٹیو کے صدر ملک شہباز کھوکھر، لاہور ڈویڑن کے صدر ملک اشرف ڈوگر اور جنرل سیکرٹری کیپٹن(ر) ایم اے فاروقی کا کہنا تھا کہ یہ سراسر زیادتی اور نا انصافی کے مترادف ہے ہم قبل ازیں جس ٹیوب ویل کے استعمال کا ماہانہ 7 ہزار سے آٹھ ہزار روپے بل دیتے تھے اب 2لاکھ سے 3لاکھ روپے کہاں سے ادا کریں گے کوآپرٹیو سوسائٹی تو اپنی مدد آپ کے تحت انتظامیہ کو دیکھتی ہے کوئیکاروباری ادارہ نہ ہے ہم پرامید ہیں کہ اعلیٰ عدالت سے ہمیں انصاف ملے گا۔

لاہور(نیٹ نیوز) غیر قانونی تعمیرات کے خلاف ایل ڈی اے کا کریک ڈاؤن۔ جوہر ٹاؤن اور فیصل ٹاؤن میں املاک مسمار کر د ی گئیں ۔ تجاوزات اور غیر قانونی تعمیرات کے خلاف ۔ ایل ڈی اے کے شعبہ ٹا ؤن پلاننگ ان ایکشن ۔جوہر ٹاؤ ن اور فیصل ٹاؤن میں آپریشن ۔ڈپٹی ڈائریکٹر احمد سعید سلطان کی سربراہی میں ٹیموں کی کارروائی۔ جوہر ٹاؤن میں پلاٹ نمبر 155 ایم بلاک پلاٹ نمبر 967 ایل بلاک اور گرین ایپل کیو بلاک پر قائم عارضی تجاوزات مسمار ۔ پلاٹ نمبر 918 بی فیصل ٹاؤن پر قائم غیر قانونی تعمیرات بھی مسمار کی گئیں ۔

(لاہور نیوز) منشا بم کیس میں چیف جسٹس ہاکستان میاں ثاقب نثار کے ریمارکس، سخت برہمی کا اظہار کیا ۔ ایک منشاء بم قابو میں نہیں آ رہا ،یہ ہے نئے پاکستان کی پولیس؟ چیف جسٹس پاکستان ۔ چیف جسٹس کا منشابم کیس میں آئی جی پنجاب اور ڈی سی لاہور کو فوری پیش ہونے کاحکم دیا ۔ چیف جسٹس کا مزید کہنا تھا کہ شرم آنی چاہئے پولیس کو، گالیاں بھی کھاتے ہیں اوربدمعاشوں کی طرف داری بھی کرتےہیں۔ رات 12 بجے تک زمین متعلقہ لوگوں کو دے کر رپورٹ پیش کریں، چیف جسٹس کا حکم ۔ ڈی آئی جی آپریشنز نے کہا پولیس عدالتی حکم پر من وعن عملدرآمد کر رہی ہے۔ چیف جسٹس نے کہا افضل کھوکھر، منشا بم اور کیس پر اثرانداز ہونے والوں کو بلا رہے ہیں، ایک منشا بم پولیس سے قابو میں نہیں آرہا، آپ بدمعاشوں کے ساتھ ملے ہوئے ہیں، منشابم سے کیا رشتہ داری ہے، کیوں اسے بچا رہے ہو ؟ آپ یونیفارم میں واپس نہیں جائیں گے۔

لاہور(نیٹ نیوز) چیف جسٹس کے حکم پر ڈی سی لاہور سپریم کورٹ رجسٹری میں پیش ہوئی۔چیف جسٹس نے منشابم کیس میں آئی جی پنجاب اورڈی سی لاہورکو طلب کیاتھا۔ عدالتی حکم پر سی سی پی او لاہور اور ڈی آئی جی آپریشن سمیت دیگر افسران سپریم کورٹ رجسٹری میں پیش ہوئے۔ دوران سماعت منشا بم ہاتھ جوڑ کر معافی مانگتا رہا اور روتا رہا جس پر چیف جٹس نے ریمارکس دیے کہ تب تمھیں خدا کا خوف نہیں آیا جب لوگوں کی زمین پر قبضہ کیا تھا۔ منشاء بم کو سپریم کورٹ میں پیشی کےبعدپولیس کی حراست میں واپس روانہ کردیا گیا ۔ منشابم اوراس کےبیٹے کوہتھکڑیاں لگاکرعدالت سے لےجایاگیا ۔ عدالت نے منشا بم کے زیر قبضہ اراضی ایک ہفتے میں واگزار کروانے کا حکم دیا ۔ عدالت نے ملک کرامت اور افضل کھوکر کو بھی طلب کرلیا۔ چیف جسٹس نے عدالت میں ریمارکس دیے کہ کدھر ہیں وزیر اعلی پنجاب کیوں نہ انھیں طلب کرلیا جائے ۔

لاہور(ایمرا نیوز) قومی احتساب بیورو پنجاب(نیب) محکمہ اینٹی کرپشن، محکمہ ریونیو اور ایف آئی اے کے اشتراک سے صوبائی دارالحکومت میں 204 سے زائد ہاﺅسنگ سکیموں میں ہونے والی بدعنوانیوں کا پردہ فاش کرنے اور ذمہ داران سے ریکوری کرنے کیلئے ٹیمیں حرکت میں آ چکی ہیں ڈائریکٹر نیب لاہور ، ڈپٹی ڈائریکٹر اینٹی کرپشن شاہ رخ نیازی، ڈپٹی ڈائریکٹر ایف آئی اے اور ایڈیشنل ڈپٹی کمشنر ریونیو اویس ملک کی نگرانی میں کمیٹی تشکیل دی گئی ہے جو کہ ہاﺅسنگ سکیموں میں ہونے والی بد ضابطگیوں کی مکمل رپورٹ مرتب کرے گی اور ہاﺅسنگ سکیموں میں فراڈ جعلسازی کرنے میں ملوث پائے جانے الے افراد سے ریکوریاں اور گرفتاریاں بھی کرے گی ذرائع نے مزید آگاہی دی کہ اس وقت 172سے زائد ہاﺅسنگ سکیموں کا ریکارڈ قبضے میں لیکر تحقیقات تیزی سے مکمل کی جا رہی ہیں، مزید معلوم ہوا ہے کہ سپریم کورٹ آف پاکستان کی ہدایت پر ان اداروں کی انتظامی افسران کو ہدایت کی گئی ہے جس کی روشنی میں غیر قانونی ہاﺅنگ سکیموں کے خلاف کارروائی کیلئے باقاعدہ آغاز کیا جا چکا ہے، ذرائع سے معلوم ہوا کہ پرائیویٹ ہاﺅسنگ سکیموں کے خلاف کارروائی کا اختیار نیب کو دیدیا گیا ہے جبکہ کوپرآٹیو کی ہاﺅسنگ ٹیموں میں ہونے والی بدعنوانیوں کے خلاف کارروائی محکمہ اینٹی کرپشن کرے گا اس طرح محکمہ ریونیو اور فیڈریل انوسٹی گیشن کمپنی کے افسران بھی ان کے ساتھ معاونت کریں گے اور آنیوالے دنوں میں 204ہاﺅسنگ سکیموں کا ریکارڈ سپریم کورٹ میں پیش کیا جائے گا ذرائع کا کہنا ہے کہ آنیوالے دنوں میں ہاﺅسنگ سیکٹر میں بھی بے تحاشہ گرفتاریاں متوقع ہیں سرکاری غیر سرکاری افراد سے ریکوری بھی کی جائے گی۔

لاہور(نیٹ نیوز) ہائیکورٹ کے حکم کے بعد ڈپٹی کمشنر صالحہ سعید نے ہال روڈاور مال روڈکادورہ کیا۔ ڈی سی لاہورنے تجاوزات کیخلاف آپریشن کا جائزہ لیا۔ڈی سی لاہورنےہال روڈ پر لگے سٹیمرز اپنی نگرانی میں فوری اتروا دیے۔ لاہور نیوز سے خصوصی گفتگو کرتے ہوئے ان کا کہنا تھا کہ ہال روڈاور مال روڈ کا حسن واپس لانا آپریشن کا اصل مقصد ہے، یہ روڈ ماڈل روڈ میں شمار کی جاتی ہیں ، ہائیکورٹ کے احکامات کے مطابق یہاں پر موجود تمام بینرز اور پھٹے فوری ہٹانے کا حکم ہے۔ ڈی سی لاہور نے مزید بتایا کہ 88 عمارتوں کی مرمت کا ٹاسک دیا گیا تھا جس میں سے اب صرف 10 عمارتوں کی مرمت کاکام باقی ہیں ۔