Category پراپرٹی گائیڈ

لاہور(اپنے نمائندے سے) ڈپٹی کمشنر لاہور کیپٹن(ر) انوار الحق کی ہدایت پر اسسٹنٹ کمشنر سٹی صفدر حسین ورک نے دارالشفقت کا دورہ کیا جہاں بچوں کو دی جانے والی تعلیم و تربیت کے نظام کا جائزہ لیا وہاں بچوں کے کھیلنے کیلئے جھولے لگوائے پی ایچ اے انتظامیہ کیساتھ ملکر پھول اور نئے پودے لگاتے ہوئے سمال پارک بچوں کے کھیلنے کیلئے بنا دیا گیا جبکہ بچوںمیںشجر کاری مہم کے حوالے سے بھی آگاہی دی گئی اسسٹنٹ کمشنر سٹی صفدر حسین ملک نے دارالشفقت کی انتظامیہ کی کاوشوں کو بھی خوب سراہا میڈیا سے گفتگو کرتے ہوئے انہوں نے مزید آگاہی دی ہے کہ ڈپٹی کمشنر لاہور کیپٹن(ر) انوار الحق کی ہدایت ہے کہ داراشفقت جیسے ادارے میں مقیم بچے ہمارے ملک کا اثاثہ ہیں اور ان کی تعلیم و تربیت پر بھی خصوصیت وجہ دی جائے گی جبکہ میرے سمیت دیگر افسران بھی گائے بگاہے دارالشفقت ادارے کا وزٹ کرتے رہے ، معصوم بچوں کی تعلیم ، جسمانی فٹنس ، کھیل کود کے لئے پارک دیگر ضروریات کی دستیابی کو بھی یقینی بنایا جائے۔

لاہور(وقت نیوز) ون ونڈو سیل پر ڈی جی ایل ڈی اے کی کھلی کچہری ۔ آمنہ عمران خان نے عوامی شکایات سنیں اور فوری عمل درآمد کے احکامات دیتی رہیں ۔ایل ڈی اے کی تاریخ میں پہلی بار ون ونڈو سیل پر کھلی کچہری ۔ ڈی جی ایل ڈی اے آمنہ عمران خان نے زیر التوا ء درخواستوں کے حل کے احکامات دئیے ۔ تمام ایل ڈی اے ڈائریکٹرز کو ون ونڈو سیل پر طلب کیا گیا اور احکامات پر فوری عمل درآمد کا کہا گیا ۔کھلی کچہری میں ایڈیشنل ڈائریکٹر جنرل رانا عبدالشکور جبکہ ٹاؤن پلاننگ، اسٹیٹ مینجمنٹ، کمرشلائزیشن اور لینڈ ڈویلپمنٹ کے ڈائریکٹرز بھی موجود رہے ۔آمنہ عمران خان کا کہنا ہے کہ عوامی مسائل کا حل اولین ترجیح ہے۔ ڈی جی ایل ڈی اے نے این او سی جاری نہ کرنے والوں کیخلاف سخت کارروائی کا حکم دیا۔انہوں نے متعلقہ افسروں کو ہدایت کی کہ این او سی کے معاملے پر تاخیر برداشت نہیں کی جائے گی۔

لاہور(اپنے نمائندے سے)ضلع لاہور کے ایڈیشنل ڈپٹی کمشنر ریونیو کے انتظامی معاملات میں متحرک ،پٹواریوںکے ریکارڈ کی بستہ پڑتال کا فیصلہ ۔ ریونیو افسران پٹواریوں کے ریکارڈ کی تفصیلی رپورٹ مرتب کریں گے۔ریکارڈ کی جانچ پڑتال سے فراڈ وجعلسازی رکے گی: ایڈیشنل ڈپٹی کمشنر ریونیو اویس ملک۔ریونیو آفیسرز کی جانب سے بستہ پڑتال کرنے کے احکامات پر عمل درآمد شروع ہو گیا۔ بستہ پڑتال ریونیو ریکارڈ کو منظم کرنے اورکسی فراڈ یا جعل سازی کا سراغ لگانے کا واحد راستہ ہے۔ ریونیو آفیسرز کو پٹواریوں کی باقاعدہ بستہ پڑتال کرنے کے لیے ہدایات جاری کر دی گئیں۔

لاہور(اپنے نمائندے سے )پنجاب لینڈ ریکارڈ اتھارٹی کا بنکوں کو لینڈ ریکارڈ ڈیٹا کی رسائی فراہم کرنے کا فیصلہ کرلیا گیا ۔جس کا مقصد اراضی مالکان کو حصول قرضہ میں آسانی فراہم کرنا ہے۔ذرائع نے بتایا کہ اتھارٹی کی جانب سے حکمت عملی اور لائحہ عمل تیار کرلیا گیا ہے۔ جلد ہی اتھارٹی اور بینکوں کے درمیان معاہدہ طے پائے جانے کے بعد عمل درآمد شروع کردیا جائیگا۔معاہدہ کی رو سے اراضی مالکان ون ونڈو آپریشن کے تحت بینکوں حصول قرضہ کی درخواست جمع کراسکیں گے۔بینک کے نمائندے خودکار طریقہ کار سے ملکیت کی تصدیق کرنے کے بعد انتقال کا اندراج اور تصدیق کے بعد قرضہ جاری کردینگے ۔پنجاب لینڈ ریکارڈ اتھارٹی کی جانب سے بینک کے نمائندوں کی مرحلہ وار ٹریننگ شروع کرنے کا پلان بھی جاری کر دیا ہے۔انہوں نے کہا کہ پہلے مرحلے میں 13 اور 14 ستمبر کو ٹریننگ کروائی جائے گی جس میں شرکاءکو لینڈ ریکارڈ اتھارٹی کے متعلق بریفنگ ڈیٹا کمیپوٹرازیشن سافٹ ویئر کے استعمال اور لینڈ ریکارڈ ریونیو کے ٹریننگ دی جائے گی۔انہوں نے کہا کہ 17 سے 18 ستمبر کو ٹریننگ کے دوسرے مرحلے کا آغاز کیا جائے گا۔

لاہور (اپنے نمائندے سے)پنجاب کی 29ہزار ایکڑ سے زائد اراضی قبضہ مافیہ کے شکنجے میں۔بورڈ آف ریونیو بے بس۔ اعلیٰ عہدیداران کی ملی بھگت کا انکشاف ہوا ہے۔تفصیلات کے مطابق پنجاب میں بااثر افراد انے بورڈ آف ریونیو کے اعلی عہدیداروں کی ملی بھگت سے ہزاروں ایکڑ اراضی پر قبضہ کررکھا ہے۔ باوثوق ذرائع کا کہنا ہے کہ قبضہ مافیا نے سرکاری اراضی پر قبضہ کر کہ زمین سے حاصل ہونیوالی سالانہ کروڑوں روپے کی آمدن سے پنجاب حکومت کومحروم رکھا ہوا ہے۔بعض اضلاع میں بااثر جاگیر داروں محکموں کے اعلی افسران کی ملی بھگت سے قبضہ کرکے کاشت کاری کے ذریعے کروڑوں روپے کمارہے ہیں۔بورڈ آف ریونیو کی جانب سے قبضہ چھڑانے کیلئے قانونی کارروائی کی کوشش کی گئی لیکن بااثر شخصیات عدالتوں سے حکم امتناعی لیکر زمینوں پر کاشت کررہے ہیں۔قبضہ مافیا اور ضبط شدہ اراضی کی تفصیلی فہرست” میڈیا“ کو موصول ہوئی ہے جس کے مطابق پنجاب کے مختلف اضلاع میں29ہزارایکڑ سے زائد اراضی قبضہ مافیا کے استعمال میں ہے۔فہرست کے مطابق بھکر میں 1050 ایکڑ، دریاخان 91 ایکڑ، کلور کوٹ 300 ایکڑ جبکہ صرف منکیرہ میں 3 ہزار ایکڑ سرکاری اراضی پر قبضہ مافیا کا راج ہے جس کے آگے بورڈ آف ریونیو کے ساتھ پنجاب حکومت بھی بے بس نظر آرہی ہے ،ذرائع کے مطابق صرف منکیرہ میں 4 ہزار ایکڑ پر عدالتی حکم امتناہی موجود ہے، علاوہ ازیں اوکاڑہ ،خانیوال، قصور، وہاڑی ،لاہور سمیت دیگر اضلاع میں کھربوں کی اراضی پر قبضہ مافیا کا راج ہے۔ذرائع کا کہنا ہے کہ سرکاری زمین پرزیادہ تر قبضہ پٹواریوں کی ملی بھگت سے ہوتا ہے ، جو بااثر افراد کو معمولی رقم کے عوض نہ صرف اراضی کی تفصیل بتاتے ہیں بلکہ کسی مسئلے کی صورت میں عدالتی سٹے لینے کا راستہ بھی دکھاتے ہیں۔اس حوالے سے ”میڈیا“بات کو اپنا موقف پیش کرتے ہوئے سیکرٹری کالونی رانا خالد محمود نے کہا ہے کہ جس اضلاع میں قبضہ ہوا ہے وہ ہمارے علم ہیں ان کے خلاف کارروائی کیلئے متعلقہ ڈی سی اوز کو بھی ہدایت جاری کردی ہے جن افراد نے حکم امتناعی لیا ہے اس حوالے سے ہمارے وکلائ ان کی پیروی کررہے ہیں،باقی سرکاری اراضی بھی جلد واگزار کرائی جائے گی۔

لاہور(اپنے نمائندے سے) بورڈ آف ریونیو پنجاب کی ہدایت پر ضلع لاہور کے شعبہ سیٹلمنٹ کے ایسے 2درجن سے زائد پٹواریوں کی فہرست بھی مرتب کر لی گئی ہے جنہوں نے دوران سروس ایک بھی پٹوار سرکل کا سیٹلمنٹ مکمل نہ کیا ہے جبکہ دوسری کیٹگری میں صرف ایک ایک موضع کا سیٹلمنٹ مکمل کرنے والوں کی بھی فہرست مرتب کی گئی ہے جنہوں نے پندرہ سالوں کے دوران اپنی زیادہ تر سروس اربن موضع جات میں تعینات رہے اور جس مقصد کیلئے کنٹریکٹ کے تحت بھرتی ہوئے تھے وہ اپنے بنیادی کام سے غافل نکلے۔ وقت نے وہ مرتب کی جانے والی فہرست حاصل کر لی ہے مزید معلوم ہوا ہے کہ ضلع لاہور میں 2003ءمیں کنٹریکٹ بنیادوں پر 116سے زائد پٹواری بھرتی کئے گئے جبکہ 2018ءمیں شعبہ سیٹلمنٹ ختم کرنے کے بعد 84پٹواریوں کو سرپلس پول میں بھیج دیا گیا اور ان ڈسٹرکٹ ایڈمنسٹریشن لاہور نے ان میں سے 54پٹواریوں کو محکمہ مال کی خالی آسامیوں پر بھی واپس لانے کا فیصلہ کیا ہے مگر اس دوران میٹنگ میں ایک اہم فیصلہ بھی کیا گیا جس کے تحت بورڈ آف ریونیو پنجاب کے اعلیٰ افسران اور ڈپٹی کمشنر لاہور کیپٹن انوار الحق نے اس فیصلے پر عمل کرنے کی ہدایت جاری کر دی ہیں ہدایت کے مطابق ضلع لاہور میں ایسے پٹواریوں کی فہرست مرتب کی جا رہی ہے جنہوں نے اپنی 15سال سروس کے دوران کسی ایک بھی موضع کا سیٹلمنٹ مکمل نہ کیا ہے اور ابتدائی طور پر 2درجن پٹواریوں کے نام سامنے آ چکے ہیں جنہوں نے ٹاﺅن اپنے کنٹریکٹ کی خلاف ورزی کی ہے بلکہ کبھی ایک بھی سرکل سیٹلٹمنٹ کا کام مکمل نہ کیا ہے دوسری فہرست میںایسے پٹواریوں کا بھی ذکر کیا جا رہا ہے جنہوں نے پندرہ سال کے دوران صرف ایک اور سرکل کا سیٹلٹمنٹ مکمل کیا ہے اور وہ بھی اغلاط سے بھرا ہوا ریکارڈ نامکمل جمع کروا دیا گیا۔ریونیو ذرائع کا کہنا ہے کہ ایسے پٹواریوں کے خلاف محکمانہ کارروائی بھی عمل میں لائی جا سکتی ہے اور ان کی سروس کی روشنی میں ان کو سزائیں اور ایسی کیٹگری میں بھی ڈالا جا سکتا ہے جہاں ان کو چھوٹے چھوٹے سرکل الاٹ کئے جائیں گے ۔ وقت نے ان پٹواریوں کی فہرست حاصل کر لی ہے ان میں محمد عمران ولد جان محمد، شاہد رشید ، لیاقت علی، محمد ہارون، مشتاق احمد، امجد علی، گلفام، ندیم احمد، ملک سہیل، واجد بیگ، رانا ضیائ، راشد علی، افتخار احمد، غضنفر علی، حفیظ اللہ، محمد اصغر ولد عبدالرحمٰن، محمد اعظم، دلاور بھٹی، محمد علی، قذافی شاہ دین ، شیخ عمر فاروق، آصف رسول، سیف اللہ، محمد عنصر عباس، شبیر احمد، فرہاد علی، سید رضوان حیدر ، محمد اشفاق، طاہر وسیم، ظفر عباس شاہ سمیت 2درجن سے زائد پٹواریوں کے نام شامل ہیں۔ ریونیو ماہرین کا کہنا ہے کہ مرتب شدہ فہرست میں شامل پٹواریوں سے غبن سرکار کے تحت جتنی تنخواہیں انہوں نے حکومتی خزانے سے وصول کی ہیں وہ واپس لینی چاہئیں اور مزید محکمانہ کارروائی کے بعد ان کی تعیناتی کا فیصلہ کیا جانا چاہئے جبکہ اس حوالے سے ڈپٹی کمشنر لاہور آفس اور بورڈ آف ریونیو پنجاب آفس کے ذرائع نے بھی تصدیق کر دی ہے۔

لاہور(عامر بٹ سے) بورڈ آف ریونیو میں بطور سیکرٹری ریونیو تیسری مرتبہ تعیناتی میرے لئے اعزاز کی بات ہے بورڈ آف ریونیو کے سینئر افسران صرف کام کرنے والے ملازمین کو ترجیح دیتے ہیں بورڈ آف ریونیو میں صرف کام کام اور کام کرنے والے افسران ٹھہر سکتے ہیں باقی اپنی جلد ٹرانسفر کروا لیتے ہیں ایم پی ڈی ڈی ہیں لیکچر دیکر ریونیو سٹاف کی رہنمائی کرنا اچھا لگتا ہے سابق ڈائریکٹر لینڈ ریکارڈ اور ڈپٹی پروجیکٹ ڈائریکٹر ریونیو سٹاف کی رہنمائی کرنا اچھا لگتا ہے مقبول احمد دھاوالہ کی ابتدائی انکوائری رپورٹ میں نے ہی تیار کی تھی جس میں مجھے ہی مدعی بنا کر محکمہ اینٹی کرپشن نے مقدمہ درج کر دیا حالانکہ اس کا بڑا کریڈٹ کیپٹن ظفر اقبال کو جاتا ہے جو کہ اس انکوائری اور مقدمہ کو صحیح معنوں میں فالو اپ کر رہے تھے ان خیالات کا اظہار ڈائریکٹر لینڈ ریکارڈ پنجاب اور بورڈ آف ریونیو پنجاب کے سیکریٹری ریونیو کا تیسری مرتبہ چارج سنبھالنے والے آفیسر لیاقت علی بھٹی نے روزنامہ پاکستان سے خصوصی گفتگو کرتے ہوئے کیا انہوں نے بتایا کہ پنجاب کے مختلف اضلاع میں دوران انسپکشن ایسی غلط پریکٹس کی روک تھام کی جس سے پبلک کو عرصہ دراز خوار ہونا پڑتا تھا بلکہ قوانین کی بھی خلاف ورزی کی جا رہی تھی ریونیو سٹاف کو ہدایت کرتے ہوئے درست سمت سے کام لیا سیکریٹری بورڈ آف ریونیو پنجاب لیاقت علی بھٹی کا مزید کہنا تھا کہ میری زیادہ تر سروس بورڈ آف ریونیو پنجاب کی ہے اپنی سروس کے دوران چاپلوسی کی بجائے صرف ہارڈ ورکنگ سے کام کرنے کو ترجیح دیا ہے جس سے افسران میرے کام کو پسند کرتے ہیں تھوڑے عرصہ بعد ریٹائر ہونے کے بعد بھی لیگل پریکٹس جاری رکھنے کا ادارہ ہے کوشش ہے کہ اپنا کام ایمانداری سے کروں جس کا صلہ اللہ تعالیٰ کی ذات پاک ضرور دیتی ہے۔

محکمہ ریونیو کی سیٹلمنٹ برانچ سے فارغ ہونے والے پٹواریوں کا فیصلہ نہ ہو سکا۔ایک ہفتہ سے زائد گزرنے کے باوجود پٹواریوں کی کہیں بھی تعیناتی نہ کی جا سکی سرپلس پول میں میں حاضری دینے والے پٹواریوں سے بھی چارج واپس نہ لیا جا سکاسرپلس پول کا آرڈر جاری ہونے کے بعد سے پٹواریوں کی کوئی بھی حکم کالعدم ہوگا۔پٹواریوں نے تشویش کی صورتحال میں اپنی آسامیوں پر کام کرنا بھی چھوڑ دیا۔

گورنمنٹ آف پنجاب سروسز اینڈ جنرل ایڈمیسٹریشن نے بوڈر آف ریونیو کی جانب سے سرپیلس پول میں بجھے جانےوالے شعبہ سٹلمنٹ کے ریونیو سٹاف ، اور محمکہ کو ختم کیے جانے والے اقدام کو غیرقانونی قرار دیدیا جبکہ ریونیوسٹاف کو فوری ارجسٹ منٹ کرنے اور محمکہ سٹلمنٹ کے خاتمہ کیلے وزیر اعلی کی منظوری لیے جانے کو بھی لازم قرار دیدیا مزید معلوم ھوا ھے کہ ایس اینڈ جی اے ڈی نے بورڈ آف ریونیو کی جانب سے شعبہ سٹلمنٹ کو ختم کرتے ھوئے 84 سٹلمنٹ کے پٹواریوں کی سرپیلس پول میں بجھے جانے والے اقدام کو غلط قرار دیتے ھوئے فوری اس پڑیکٹس کو درست سمت استعمال کرنے کی ھدایت کر دی ایس اینڈ جی اے ڈی کی جانب سے ھدایت ملنے پر بورڈ آف ریونیو کے افسران اور ڈپٹی کمشنر لاھور آفس نے بھی سر جوڑ لیے ھیں اور شعبہ سٹلمنٹ کےپٹواریوں کی دوبارہ ارجسٹمنٹ کیلے فرست مرتب کرنا شروع کر دی ھے

(پراپرٹی نیوز/میڈیا 92 ) تحصیل شالیمار کے موضح ھربنس پوڑہ میں ماجود محمکہ ایجوکشن کے ڈگری کالج کیلے وقف کی جانے والی پندرہ کنال اراضی محمکہ ریونیو کیلے وبال جان بن گی ریونیو سٹاف گذشتہ تین سالوں کے دروان تین مرتبہ مذکورہ اراضی پر قبضے کیے جانے کی کوشیش ناکام بنا چکا ھے

جبکہ محمکہ ایجوکشن کی انتظامیہ تین مرتبہ قبضہ لینے کے باوجود مزکورہ اراضی پر اپنا قبضہ بےقرار نہ رکھ سکا ھے گذشتہ روز چھوتی مرتبہ قبضے کیے جانے کی اطلاعات پر محمکہ ریونیو نے دوبارہ لینڈ مافیا کے خلاف کاروائی کرتے ھوئے سرکاری اراضی واہ گزار کرواتے ھوئے محمکہ ایجوکشن کے ڈپٹی ڈائریکٹر منور حیسن کو قبضہ واپس دیدیا ریونیو سٹاف کا کہنا ھے کے محمکہ ایجوکشن کی انتظامیہ اس اراضی کو لینے میں دلچسپی نہیں رکھتی ھے یا ایجوکشن کا کوئی افسر یا ملازم دوبارہ قبضے کروا دیتا ھے یہ بات سمجھ سے بالاتر ھے

اور قبضہ گروپوں سے لڑنے کیلے ھمیں بلوا لیا جاتا ھے اس حوالے سے ریونیو سٹاف نے تمام حقائق سے ڈپٹی کمشنر لاھور اور محمکہ ایجوکشن کی انتظامیہ کو بھی آگاہ کر دیا ھے ریونیو سٹاف نے محمکہ ایجوکشن ڈپیارٹمنٹ کی انتظامیہ سے درخواست کی ھے کہ مذکورہ پندرہ کنال سرکاری اراضی پر فوری چار دیواری کرتے ھوئے اپنا قبضہ مضبوط کریں.