Category پراپرٹی گائیڈ

لاہور(میڈیا 92 نیوز) پنجاب لینڈ ریکارڈ اتھارٹی کے اراضی ریکارڈ سنٹرز میں تعینات سروس سنٹر انچارج کی جانب سے بذریعہ ٹاسک، جبکہ اے ڈی اے ایل کی جانب سے بھی اختیارات کے ناجائز استعمال کرتے ہوئے سرکاری زمینیں بیچنے کی اطلاعات پر بورڈ آف ریونیو پنجاب نے پنجاب لینڈ ریکارڈ اتھارٹی سے صوبے بھر میں آن لائن موضع جات کے ذریعے محفوظ کئے جانے والے سرکاری ریکارڈ کی تفصیلی رپورٹ طلب کر لی صوبے بھر کے رولر ایریا جات میں آنیوالی سرکاری جائیدادوں کے

ریکارڈ کا پٹوار خانہ جات اور آن لائن کئے جانے والے موضع جات کے ریکارڈ سے موازانہ کروایا جائے گا مزید معلوم ہوا ہے کہ بورڈ آف ریونیو پنجاب کے ڈپٹی سیکریٹری کالونی شاہ رخ نیازی کی جانب سے 7/8/2018کو ایک تحریری مراسلہ جاری کیا گیا ہے جس میں پنجاب لینڈ ریکارڈ اتھارٹی سے جہاں صوبے بھر کے آن لائن موضع جات میں محفوظ کئے جانے والے سرکاری ریکارڈ کی بابت تفصیلی رپورٹ مانگی گئی ہے وہاں صوبے بھر کے ڈپٹی کمشنر سے بھی کہا گیا ہے کہ وہ آن لائن موضع جات کا مینوئل ریکارڈ کیساتھ موازانہ کروائیں

تاکہ معلوم ہو سکے کہ سرکاری اراضی میں کہاں کہاں تضاد پایا جا رہا ہے اور اس کو درست بھی کیا جا سکے بورڈ آف ریونیو کے ذرائع کا کہنا ہے کہ اطلاعات موصول ہوئی ہیں کہ پنجاب لینڈ ریکارڈ اتھارٹی کے متعدد سروس سنٹر انچارج نے بذریعہ ٹاسک ہزاروں کنال سرکاری زمینیں بیچ ڈالی ہیں جس کی ایک بڑی مثال فیصل آباد میں 700 کنال اراضی بھی بتائی جا رہی ہے جس میں سروس سنٹر انچارج برائے راست شامل ہے مگر پنجاب لینڈ ریکارڈ اتھارٹی اس کے خلاف کارروائی کرنے سے گریزاں ہے اس طرح بعض اے ڈی ایل آرز کی جانب سے بھی اختیار ات کا ناجائز استعمال کرتے ہوئے سرکاری زمینوں کو فروخت کرنے کا الزام لگایا جا رہا ہے جس کی بابت تحقیقات کا آغاز کر دیا گیا ہے اور پنجاب لینڈ ریکارڈ اتھارٹی کی جانب سے بھیجے جانے والے ریکارڈ اور مینوئل ریکارڈ کے موازانہ کئے جانے کے بعد حتمی کارروائی کا آغاز کیا جائے گا۔

لاہور(اپنے نمائندے سے) ایل ڈی اے کی ٹاﺅن پلاننگ برانچ میں تعینات جونیئرافسران نے سینئر عہدوں پر تعینات ہو کر غیر قانونی تعمیرات کی منڈیاں لگا دیں اور اور لابی سسٹم کے تحت چیف ٹاﺅن پلانر کے احکامات کو بھی ہوا میں اڑانے لگے تفصیلات کے مطابق ایل ڈی اے کی ٹاﺅن پلاننگ میں گریڈ 17کے جونیئر آفیسر سلمان محفوظ اور اس کے ساتھی ٹاﺅن پلانر سید فراز اخترنے اپنی سابقہ روایت کو برقرار رکھتے ہوئے سرکاری اور پرائیویٹ ہاﺅسنگ سکیموں پر نقشہ کے برعکس رہائشی پلاٹوں پر کمرشل تعمیرات کروانے شروع کر دی ہے جبکہ جن روڈز پر کمرشل تعمیرات کی پابندی ہے وہاں بھی کھلم کھلا غیر قانونی کمرشل تعمیرات کی جا رہی ہیں اس وقت کینال روڈ، جوبلی ٹاﺅن ، رائے ونڈ روڈ، واپڈا ٹاﺅن، پی آئی اے ہاﺅسنگ سکیم، ویلنشیا ٹاﺅن، الحمرا ٹاﺅن، آرکیٹیکٹ روڈ، شوکت خانم روڈ سمیت مختلف ایریا میں فیکٹریاں کارخانے گھروں میں دکانیں اور پلر والی تعمیرات ہو رہی ہیں اور کئی تعمیرات تو زیر پوائنٹ بھی کی گئی ہیں ۔ ڈپٹی ڈائریکٹر سید فراز اختر اس سے قبل غیر قانونی کمرشل تعمیرات کروانے اور ان کو رہائشی کمپیلیشن سرٹیفکیٹ جاری کرنے کے الزام میں پیڈا ایکٹ 2006ءکے تحت انکوائری بھگت چکے ہیں اور معافی مانگ کر دوبارہ بحال ہو کر پھر غیر قانونی تعمیرات شروع کروا دی ہیں ۔جبکہ سیکرٹری ہاﺅسنگ نے ان دونوں افسران اور ان کی لابی کے خلاف بڑھتی ہوئی شکایات اور غیر قانونی تعمیرات کی نشاندہی پر ایل ڈی اے کی انتظامیہ کو ان دونوں کے خلاف پیڈا ایکٹ کے تحت کارروائی کرنے کا حکم دیا ہے ان دونوں افسران سلمان محفوظ اور سید فراز اختر نے لیک سٹی اور پرائیویٹ سکیموں پر پلاٹس خرید کر تعمیرات کا سلسلہ بھی شروع کر رکھا ہے ایل ڈی اے انتظامیہ نے دونوں افسران اور ان کے ٹاﺅٹوں کے خلاف تحقیقات شروع کر رکھی ہیں اور جلد ہی ان کے خلاف کیس نیب کو بھجوایا جائے گا۔ایل ڈی اے کے چیف ٹاﺅن پلانر سید ندیم اختر زیری کا کہنا ہے کہ وہ غیر قانونی تعمیرات کی رپورٹ تیار کر رہے ہیں اور اس حوالے سے ڈائریکٹر ایڈمن کے پاس ایک درخواست پر انتظامیہ کمیٹی تشکیل دے دی گئی وہ جو بھی تحقیقات کے بعد فیصلہ کریں گی اس پر کارروائی ہو گی۔

لاہور(اپنے نمائندے سے)تحصیل رائے ونڈ کے پٹوار سرکل رکھ کھمبا کے ریکارڈ میں بڑے پیمانے پر رد و بدل کئے جانے کی اطلاعات ، 10سال سے ایک ہی پٹوار سرکل پر راج کرنے والے سیٹلمنٹ کے پٹواری نے سپیلس پول کی فہرست سے اپنا نام ہی نکلوا دیا پنجاب لینڈ ریکارڈ اتھارٹی کے تمام انتظامی افسران اور اسسٹنٹ کمشنر رائے ونڈ 3سال سے موضع نوٹیفائیڈ ہونے کے باوجود آن لائن کروانے میں ناکام ہو گئے پٹوار خانے میں ظفر اور صفدر نامی پرائیویٹ اہلکاروں نے لوٹ مار کا بازار گرم کر دیا اہل علاقہ سرعام رشوت وصولی پر ریونیو سٹاف کے خلاف سراپا احتجاج بن چکے ہیں۔ذرائع سے معلوم ہوا ہے کہ پٹوار سرکل رکھ کھمبا میں دس سالوں سے تعینات پٹواری افتخار احمد جو کہ شعبہ سیٹلمنٹ میں سیٹلمنٹ کرنے کی غرض سے بھرتی ہوا تھا ٹاﺅن ایک ہی پٹوار سرکل میں تعینات رہتے ہوئے سیٹلمنٹ مکمل نہ کر سکا بلکہ ریکارڈ میں بڑے پیمانے کی رد و بدل کرتے ہوئے ایسے ایسے کام کر ڈالے ہیں کہ اگر پٹوار سرکل رکھ کھمبا کی بستہ پڑتال کر دی جائے تو بڑے پیمانے پر بے ضابطگیوں اور ریکارڈ کیس رد و بدل کئے جانے کے انکشافات سامنے آئیں گے مزید معلوم ہوا ہے کہ پٹوار سرکل رکھ کھمبا تین سال قبل ہی نوٹیفائیڈ ہو چکا ہے جس کو تین سال قبل ہی آن لائن ہو جانا چاہئے تھا مگر مذکورہ پٹواری نے سابقہ سیاسی شخصیات کے اثر و رسوخ سے ناصرف اپنا تبادلہ ایک ہی سرکل میں کروائے رکھا بلکہ سابقہ طاقتور ترین بیورو کریٹس کیپٹن ظفر اقبال کو بھی اس موضع کو آن لائن کرنے سے روکے رکھا اور تاحال ڈسٹرکٹ ایڈمنسٹریشن پنجاب لینڈ ریکارڈ اتھارٹی انتظامیہ اور اسسٹنٹ کمشنر رائے ونڈ بھی پٹوار سرکل رکھ کھمبا کو نہ تو آن لائن کروا سکے اور نہ ہی پٹواری حلقہ سے نجات دلا سکے مزید انکشاف ہوا ہے کہ پٹواری افتخار احمد سیلٹمنٹ کا پٹواری ہونے کے باوجود سرپیلس پل میں جانے والی فہرست سے اپنا نام نکلوانے میں کامیاب ہو چکا ہے جبکہ موجودہ حالات میں پٹوار سرکل کا ریکارڈ صفدر اور ظفر نامی پرائیویٹ افراد کے قبضے میں موجود ہے جس کی ویڈیو اور تصاویر بھی منظر عام پر آ چکی ہیں پٹوار سرکل رکھ کھمبا کے سینکڑوں شہریوں نے پٹوار خانے کے باہر شدید احتجاج کرتے ہوئے ایڈیشنل ڈپٹی کمشنر ریونیو سے مطالبہ کیا ہے کہ سرکاری ریکارڈ پرائیویٹ سٹاف سے فوری واپس لیا جائے جو کہ لینڈ مافیا کیساتھ ملکر ریکارڈ میں رد و بدل کر رہے ہیں اور مذکورہ پٹواری کو سپیلس بل میں بھجوایا جائے تاکہ میرٹ پر کسی دیگر ریونیو ریکارڈ کی حق تلفی نہ ہو سکے۔

تحصیل سٹی کے پٹوار سرکل بیلہ بستی رام میں ساڑھے تین سو فرد بدر التوا میں رکھنے کا انکشاف ، سینکڑوں پرچہ رجسٹری کے انتقالات اندراج بھی روک دیا گیا اسٹنٹ کمشنر سے نوٹس لینے کی اپیل شہری ُبلبلا ُاٹھےتحصیل سٹی کے پٹوار خانہ بیلہ بستی رام میں ساڑھے تین سو سے زائد فرد بدر زیر التوا رکھنے کا انکشاف ، پرچہ رجسٹری انتقال کی مد میں بجھے جانے والی رجسٹریوں کا انتقال اندراج کرنے سے روک دئیے گے سابقہ پٹواری جہانزیب نے ریکارڈ مکمل نہیں کیا جب تک فرد بدریں پاس نہیں ھوں گی تب تک انتقالات کا اندراج نہیں کیا جائے گا نئیے آنیوالے سٹاف نے شہریوں کو عندئیہ جاری کر دیا پٹوار خانے کے چکر کاٹنے والے شہری خواری پر بُلبلا ُاٹھے
ڈسٹرکٹ ایڈمسٹریشن کہاں ھیں نوٹس لیا جائے شہریوں کی کیثر تعداد کا مطالبہ اسٹنٹ کمشنر سٹی صفدر علی ورک سے نوٹس لینے کی اپیل

لاہور(میڈیا 92 نیوز) فراڈ جعلسازی، دھوکہ دہی موضع اجودھیا پوڑ کے سابقہ اور حال تعینات موضع سائواڑی پٹواری شیخ عمر فاروق کے خلاف کرپشن ثابت ہونے پر محکمہ اینٹی کرپشن نے مقدمہ نمبر44/18 درج کر لیا نئے پاکستان می کرپٹ اہلکاروں کے خلاف اعلان جنگ کا طبل بج گیا کرپشن کرنے والے حوالات میں بند ہوں گے ترجمان اینٹی کرپشن نے عندیہ دیدیا معلومات کے مطابق فراڈ جعلسازی دھوکہ دہی اور ریکارڈ میں ٹمپرنگ کرتے ہوئے سابقہ پٹواری اجودھیا پوڑ شیخ عمر فاروق نے شریف شہری کی ملکیتی رقبہ تعدادی ایک کنال غیر قانونی طورپر منتقل کر دیا جس میں بدنام زمانہ ڈیلر میاں نثار احمد جمال بھٹی بھی شامل ہے درخواست گزار طارق محمود کی درخواست پر محکمہ اینٹی کرپشن نے تحقیقات کی الزام ثابت ہونے پر سابقہ پٹواری اجودھیا پور شیخ عمر فاروق، میاں نثار ولد تاج دین، جمال بھٹی، ولد لال بھٹی، جی ایم جاوید شناخت کنندہ محمد عیل ظفر اور گواہ محمد ابرار کے خلاف محکمہ اینٹی کرپشن نے مقدمہ کا اندراج کرتے ہوئے گرفتاری کیلئے ٹیمیں تشکیل دیدی ہیں محکمہ اینٹی کرپشن کے ڈائریکٹر لاہور ریجن نے مقدمہ نمبر 44/18میں نامزد ملزمان کو گرفتار کرنے کا ٹاسک انوسٹی گیشن افسر کو دیدیا ہے۔ پاکستان میں کرپٹ اہلکاروں کے خلاف کرپشن کا طبل بج چکا ہے ترجمان اینٹی کرپشن کا کہنا کہ مزلمان کو جلد گرفتار کر لیا جائے گا کرپٹ اہلکار معاشرے کا ایک ناسور ہیں ان کو حوالات میں بند کریں گے اور متاثرہ شہری کو ہر ممکن داد رسی لیکر دیں گے ، دوسری جانب ڈپٹی کمشنر لاہور کیپٹن (ر) انوار الحق نے موقف دیا کہ ایسی کالی بھیڑوں کیلئے محکمہ میں کوئی جگہ نہ ہے ایسے اہلکار کو نوکری سے فوری فارغ کیا جائے گا اس کے خلاف انکوائری بھی کی جائے گی ۔ اگر کسی سرکاری اراضی کی فروخت میں ملوث نکلا تو اس کے خاف سخت قانونی کارروائی میں خود کروں گا۔

لاہور(عامر بٹ سے)بورڈ آف ریونیو کے شعبہ کالونی کے ڈپٹی سیکرٹری شاہ رخ نیازی اور محکمہ ریونیو کے شعبہ نزول لینڈ نے سیٹلائٹ تصاویر کی مدد سے نزول لینڈ کی جائیدادوں پر کئے جانے والے قبضوں کے پول کھول کر رکھ دیئے 30,30سال سے نزول لینڈ کی جائیداد پر قابض ہونے کے دعویدار سیٹلایٹ تصاویر کے ذریعے تیار کی جانے والی رپورٹس میں جھوٹے ثابت ہونے لگے نزول لینڈ کی جائیدادوں پر غیر قانونی طور پر تعمیرات کرنے والا مافیا جدید طریقے سے فراڈ، جعلسازی کو عیاں کرنے والے اس فارمولے کی ایجاد پر چکرا کر رہ گیا جبکہ بورڈ آف ریونیو پنجاب کے شعبہ نزول لینڈ کی تاریخ میں یہ پہلا موقع ہے ۔جس میں قبضوں کا سراغ لگانے کے لئے جدید ٹیکنالوجی کا استعمال کیا جا رہا ہے مزید معلوم ہوا ہے کہ بورڈ آف ریونیو پنجاب کے شعبہ کالونی کے ڈپٹی سیکرٹری شاہ رخ نیازی نے سرکاری جائیدادوں کو محفوظ کرنے کے لئے نیا طریقہ کار ایجاد کر دیا ہے ۔مزید معلوم ہوا ہے کہ نزول لینڈ کی سینکڑوں جائیدادیں عرصہ دراز سے مختلف با اثر لینڈ مافیا کے قبضے میں موجود ہیں اور 1998ءسے لے کر 2013ءتک وقفے وقفے سے نزول لینڈ کی جائیدادوں پر مقامی لینڈ مافیا شعبہ نزول کے نچلے سٹاف کی ملی بھگت سے غیر قانونی تعمیرات کرنے میں مصروف ہے اور نزول لینڈ کی جائیدادوں پر کئے جانے والے قبضو ںکو 30سال پرانے قبضے ظاہر کرتے ہوئے خود کو قانونی طور پر جائز قابض ہونے کے دعویٰ کرتے ہوئے مختلف عدالتوں سے بھی رجوع کر رہے ہیں گزشتہ ایک ماہ قبل بورڈ آف ریونیو نے بطور ڈپٹی سیکرٹری کالونی کا چارج سنبھالنے والے ڈپٹی سیکرٹری شاہ رخ نیازی نے نزول لینڈ کی جائیداد پر قبضہ کرنے اور فراڈ، جعلسازی میں ملوث افراد پر گرفت ڈالنے کے لئے سیٹلائیٹ کے ذریعے نئے سرے سے رپورٹس تیار کرتے ہوئے زمینی حقائق کا صحیح معنوں میں جائزہ لینے کے بعد سیٹلائیٹ امیج کے ذریعے قبضوں کا سراغ لگانے کا سلسلہ شروع کررکھا ہے اور جدید ٹیکنالوجی کے استعمال سے اب تک حکومت پنجاب انتہائی قیمتی کمرشل جائیدادوں پر غیر قانونی طور پر قبضہ کرنے والے افراد کی نا صرف نشاندہی کر رہے ہیں۔بلکہ اس جائیداد پر قابض لینڈ مافیا کے خلاف سخت قانونی کارروائی کرنے کیلئے سفارشات بھی مرتب کی جا رہی ہے بورڈ آف ریونیو ذرائع کا کہنا ہے کہ غیر قانونی قابضین کے خلاف اب صحیح معنوں میں کارروائی کرنے کا آغاز کیا جا رہا ہے۔

لاہور(عامر بٹ سے) بورڈ آف ریونیو پنجاب نے ضلع لاہور کے شعبہ سیلٹمنٹ کے 84سے زائدپٹواریوں کی قسمت بدل کر رکھ دی سیکرٹریٹ سرپیلس پول میں جانے والے 84پٹواریوں کو ریگولر کرتے ہوئے محکمہ مال میں ضم کرنے کا عندیہ دیدیا ڈپٹی کمشنر لاہور سرپیلس پول میں جانے والے پٹواریوں کی واپسی کیلئے مراسلہ لکھیں گے سیکریٹری سٹیلٹمنٹ پنجاب نے پریکٹس کی تصدیق کر دی فارغ کئے جانے اور ضلع بدر کئے جانے کی افواہیں غلط نکلی روزنامہ ’’پاکستان ‘‘کو ملنے والی معلومات کے مطابق بورڈ آف ریونیو پنجاب نے ضلع لاہور کے شعبہ سیٹلمنٹ کے 84پٹواریوں کو ضلع بدر کئے جانے اور نوکریوں سے فارغ کئے جانے والی تمام اطلاعات اور افواہوں کو مسترد کر دیا ہے بورڈ آف ریونیو کے سیکریٹری سیٹلمنٹ پنجاب سید منیر شاہ نے روزنامہ ’’پاکستان‘‘ سے گفتگو کرتے ہوئے انکشاف کیا کہ ضلع لاہور کے شعبہ سیٹلمنٹ کے 84پٹواریوں کو سرپیلس پول میں بھی گیا ہے ضلع بدر یا فارغ نہیں کیا جا رہا ہے بلکہ ان کو ریگولر کرتے ہوئے ان کی تعیناتی محکمہ مال میں ہو جائے گی اور جو کبھی سیٹلمنٹ کے نام سے الگ ونگ چلایا جا رہا تھا اس کو بند کیا گیا ہے اب یہ پٹواری ڈپٹی کمشنر کو جواب دے ہوں گے اس حوالے سے ہم نے اپنے جاری کردہ لیٹر میں واضح لکھا بھی ہے اور ڈپٹی کمشنر ان پٹواریوں کے سرپیلس پول میں جانے کے بعد تحریری مراسلہ لکھیں گے اور ان کو محکمہ مال میں ضم کر دیا جائے گا من گھڑت اور غلط افواہوں کی تردید کرتے ہیں نہ تو کسی کو نوکری سے فارغ کیا جائے نہ کسی کو ضلع بدر کیا جارہا ہے سیکریٹری سیٹلمنٹ پنجاب منیر نے بورڈ آف ریونیو کی جانب سے شعبہ سٹیلٹمنٹ کے پٹواریوں کو مستقل کئے جانے کی بھی تصدیق کر دی۔

لاہور(اپنے نمائندے سے) محکمہ مسلم اوقاف کے ملازمین اور جعلسازوں کے گروہ نے مسلم اوقاف کی ملکیتی زمینیں لیز پر کروانے کا جھانسہ دیکر شریف شہری سے ایک کروڑ سے زائد رقم ہتھیا لی ۔ محکمہ اینٹی کرپشن بھی جعلسازوں کا محافظ بن گیا۔ شہری نئے پاکستان میں انصاف کے حصول کے لئے دربدر کی ٹھوکریں کھانے پر مجبور ہو گیا، چیف جسٹس آف پاکستان اور ڈی جی اینٹی کرپشن سے فوری نوٹس لینے کی اپیل کر دی۔مزید معلوم ہوا ہے کہ لاہور کینٹ کے رہائشی ریٹائرڈ صوبیدار رشید احمد نے روزنامہ ’’پاکستان‘‘ سے گفتگو کرتے ہوئے الزام عائد کیا محکمہ مسلم اوقاف میں تعینات کرک سہیل احمد اور محمد یاسر نے پرائیویٹ پراپرٹی ڈیلر مقصود علی، تنویر احمد اور شفقت اللہ پر مشتمل ایک گروہ بنا رکھا ہے جو کہ سادہ لوح افراد کو مسلم اوقاف کی سرکاری اراضی 100سالہ لیز پر دلانے کا جھانسہ دیتے ہوئے شہریوں کو لوٹنے میں مصروف ہے ۔ مقصود علی، محمد یاسر کلرک اور تنویر احمد نے مجھے بھی مسلم اوقاف کی مختلف زمینوں کو دیکھا کر جھانسہ دیا کہ آپ کو سو سالہ لیز پر جگہ لیکر دیں گے اس حوالے سے 57کنال رقبہ تعدادی تکیہ مستان شاہ، موضع محمود بوٹی دکھا کر پانچ لاکھ روپے وصول کر کے ایک لاکھ دس ہزار کی محکمانہ رسید دیدی گئی۔ دوسرا رقبہ تکیہ حیدر شاہ 44کنال اراضی کے عوض 23لاکھ پچاس ہزار وصول کئے اس طرح دیگر کمرشل پلاٹ دیکھا کر بھی وقفے وقفے سے مجھ سے لاکھوں روپے کی وصولیاں کرتے رہے جن کی تمام رسیدیں اور ویڈیو فوٹیج بھی ثبوت کے طور پر موجود ہے تاہم کئی روز گزر جانے کے بعد بھی مذکورہ افراد نے مجھے لیز نہ کروا کر دی تو میں نے محکمہ اینٹی کرپشن میں درخواست دیدی جس پر الزام ثابت ہونے پر محکمہ اینٹی کرپشن میں درخواست دیدی جس پر الزام ثابت ہونے پر محکمہ اینٹی کرپشن نے مقدمہ نمبر13/8 درج کر لیا مگر ملزمان کی گرفتاری عمل میں لانے کی بجائے بعدازاں محکمہ اینٹی کرپشن کے انوسٹی گیشن افسران نے ساز باز کرتے ہوئے ملزمان کو تحفظ فراہم کرنے اور ان کو بے گناہ کرنے کیلئے اپنی ہی درج کردہ ایف آئی آر کو غلط ثابت کرنے کی کوششیں تیز کر دی ہیں جو کہ ملزمان کیساتھ باہمی ملی بھگت کا منہ بولتا ثبوت ہے ملزمان مجھ سے ایک کروڑ سے زائد رقم ہتھیا چکے ہیں اور میری طرح سینکڑوں شہری بھی ان کے جھانسے میں آ کر لوٹتے جا رہے ہیں شہری ریٹائر صوبیدار رشید احمد نے چیف جسٹس آف پاکستان وزیر اوقاف اور ڈی جی اینٹی کرپشن سے مطالبہ کیا ہے کہ میری زندگی بھر کی جمع پونجی سے مجھ کو محروم کر دیا گیا ہے میری داد رسی کی جائے مجھے انصاف دلایا جائے ۔ میری رقم ملزمان سے واپس دلوائی جائے اور ملزمان کے خلاف سخت قانونی کارروائی عمل میں لائی جائے۔

Back to Conversion Tool
Urdu Home

لاہور(عامر بٹ سے)جعلی اسلحہ لائسنس تیار کرنے و کمپیوٹر کرنے نادرا برانچ ڈی سی آفس میانوالی میں 84کروڑ کی کرپشن کا انکشاف ہوا ہے جس میں اسلحہ برانچ ڈی سی آفس میانوالی کے اہلکاروں کے خلاف تاحال کوئی کارروائی عمل میں نہ لائی جا سکی ایڈیشنل ڈائریکٹر نیب کی جانب سے بھیجے جانے والے ریفرنس اور ہدایت ردی کی ٹوکری میں پھینک دی گئی، ڈپٹی کمشنر میانوالی با اثر اہلکاروں کے سامنے بے بس ہو گئے ڈھائی سال گذر جانے کے بعد بھی دھکے کھانے والے درخواست گزارنے چیئرمین نیب سے نوٹس لینے کی اپیل کر دی۔ تفصیلات کے مطابق میانوالی کے رہائشی محمد رمضان ولد محمد زمان کی جانب سے قومی احتساب بیورو پنجاب لاہور میں دی جانے والی واضح ثبوتوں پر مشتمل درخواست پر ڈھائی سال گذر جانے کے بعد بھی کوئی کارروائی نہ کی جا سکی۔ قومی احتساب بیورو پنجاب میں محمد رمضان نے ایک بار پھر درخواست دیتے ہوئے الزام عائد کیا ہے کہ میری درخواست پر ابتدائی انکوائری کرنے کے بعدمورخہ 02۔11۔16کے تحت ڈی سی او کو انکوائری کرنے کے لئے تحریر کیا مگر تقریباً اڑھائی سال گذر جانے کے بعد نہ ہی ڈی سی او اور نہ ہی محکمہ کی جانب سے کوئی کارروائی عمل میں لائی گئی ہے۔ بلکہ درخواست ردی کی ٹوکری کی نظر کر دی گئی ہے۔ اسلحہ لائسنس سال 1999ء میں بند ہو چکے تھے لیکن ضلع میانوالی میں درج ذیل اہلکاران و پرائیویٹ اشخاص نے اس وقت سے لیکر اب تک رشوت کا بازار گرم کر رکھا ہے۔ دھڑا دھڑ اسلحہ لائسنس تیار کرتے ہیں۔ ان کو کمپیوٹر کرتے ہیں اور خزانہ سرکار و عوام کو لوٹ لیا گیا ہے۔ جن میں ملوث ملزمان اہلکاران محمد اقبال خان، عبدالجبار، مہران خان، سمیع اللہ، محمد رمضان جانی، شعیب مسعود، محمد فیاض جونیئر کلرک، محمداکرم خان، شیخ محمد اشرف سابقہ اسلم کلرک، فیض محمد و نوید اقبال پرائیویٹ ٹاون فخر اللہ خان گارڈ محکمہ جنگلات، عادل شاہ و ضیاءاللہ، حاجی احمد نائب قاصد ان، راو¿ شکیل سپرنٹنڈنٹ و جملہ عملہ نادرا برانچ ڈی سی آفس میانوالی جعلی اسلحہ لائسنس تیار کرنے و کمپیوٹر کرنے میں ملوث ہیں۔ سائل نے چیئرمین نیب سے فوری نوٹس لینے کی اپیل کی ہے۔

لاہور(اپنے نمائندے سے )پنجاب لینڈ ریکارڈ اتھارٹی کے سابقہ (پی ایم یو) کے حوالے سے نیب کی جانب سے تحقیقات کئے جانے کے فیصلے کے بعد اہم ترین ریکارڈ کو آگ لگانے کی افواہیں زور پکڑ گئی ورلڈ بنک کے تعاون سے 2007ءمیں اربوں روپے کی انوسٹمنٹ کی گئی۔ ایل آر آئی ایم ایس کے تحت چلنے والے اس پروجیکٹ میں تعمیراتی، ڈیٹا انٹری، سکیننگ سوفٹ ویئر کی تیاری سے لیکر کمپیوٹرائزڈ سسٹم، جنریٹر ، شیڈ اور عوام کی سہولیات کی آڑ میں بھی بے شمار سمال پراجیکٹ کے ٹھیکے جاری کئے گئے جن کا اہم ترین ریکارڈ کو اب جلائے جانے کی افواہ گردش کر رہی ہے جس کی بڑی وجہ بھی نیب کی جانب سے تحقیقات کرنے کا فیصلہ بنایا جا رہا ہے روزنامہ ”پاکستان“ کو ملنے والی مبینہ اطلاعات کے مطابق پنجاب لینڈ ریکارڈ اتھارٹی کے سابقہ پی ایم یو جو کہ LRIMS کے تحت کام کرتا رہا ہے اور ورلڈ بنک کے تعاون سے 2007ءسے لیکر 2017ءتک اسی پروجیکٹ کے ذریعے صوبے بھر میں اراضی ریکارڈ سنٹر کی تعمیرات کے ٹھیکے دیئے گئے اس طرح اے او ایس، نیٹ اور سسٹمز سمیت دیگر کمپنیوں کو ڈیٹا انٹری، سکیننگ اور سوفٹ کے استعمال کے لئے بھی ٹھیکے الاٹ کئے گئے کمپیوٹرائزڈ سامان ایل ای ڈی سکرین، سی سی ٹی وی کیمرے ، جنریٹر ، گاڑیوں کی خرید و فروخت سے لیکر پنجاب لینڈ ریکارڈ اتھارٹی کی عمارت کی تزئین و آرائش پر بھی کروڑوں روپے کے اخراجات کی چھان بین کیلئے نیب نے تحقیقات کرنے کا فیصلہ کرلیا ہے انتہائی با وثوق ذرائع نے بتایا ہے کہ بڑی عید کی قربانی کے بعد بھی قربانی کی جائے گی اور پنجاب لینڈ ریکارڈ کے بن جانے سے قبل سے لیکر موجودہ راوں سال تک کے تمام اخراجات، اضافی بلوں اور نوازشات کا باریک بینی سے جائزہ لیا جائے گا اس حوالے سے محکمہ فنانس پی اینڈ ڈی سمیت سے بھی معلومات کی رسائی حاصل کی جا رہی ہے ، ذرائع کا کہنا ہے کہ محکمہ ریونیو، ایل ڈی اے اور گزشتہ دنوں محکمہ کوآپرٹیو میں لگنے والی آگ نے جسے انتہائی اہم اور حساس ریکارڈ کو جل کر خاکستر کر دیا ہے خدشہ ہے کہ پنجاب لینڈ ریکارڈ اتھارٹی کے سابقہ پی ایم یو کا ریکارڈ بھی کسی پر اسرار آگ کی لپیٹ میں نہ آ جائے اس حوالے سے موجودہ ڈی جی پی سب لینڈ ریکارڈ اتھارٹی کو نوٹس لیتے ہوئے پروکیورمنٹ سے لیکر تعمیراتی دیگر اہم شعبہ جات کا ریکارڈ محفوظ بنانا ہو گا، دوسری جانب ذرائع نے مزید انکشاف بھی کیا ہے کہ پنجاب لینڈ ریکارڈ اتھارٹی کے چند افسران نے گلبرگ دفتر میں شارٹ سرکٹ کی ایک جعلی کارروائی کے دوران ریکارڈ کو جلائے جانے کے حوالے سے کسی ایف آئی آر کا بھی اندراج کروا رکھا ہے تاکہ اس ایف آئی آر اور اس کے بعد ہونے والی کاغذی کارروائی سے اگلے کسی وقت کیلئے آسانی کا راستہ بھی بنایا جا سکے تاہم آج تک کسی بھی نپجاب لینڈ ریکارڈ اتھارٹی کے افسران نے آن ریکارڈ کسی بھی آگ کے حوالے سے نقصان کی تصدیق نہ کی ہے ترجمان پی ایل آر اے کا کہنا ہے کہ کبھی بھی شارٹ سرکٹ یا آگ سے ہمارا کوئی ریکارڈ اضئع نہ ہوا ہے اب دیکھنا یہ ہے کہ قومی احتساب بیورو پنجاب لینڈ ریکارڈ اتھارٹی کے سابقہ پی ایم یو اور موجودہ اتھارٹی کی بابت کسی حد تک قانونی کارروائی کرتے ہوئے فراڈ جعلسازی اور غبن کو پکڑنے میں کامیاب ہو پاتے ہیں یا نہیں یہ تو آنے والے وقت ہی بتائے گا۔