Category پراپرٹی گائیڈ

لاہور(ایمرا نیوز)ملک میں تیل اور گیس دریافت کر کے پاکستان کی عوام کو حقیقی معنوں میں خوشیاں دینے والی PPS انتظامیہ مبارکباد کی مستحق ہیں روشن خوشحال پاکستان موومنٹ کے چیئرمین رانا خورشید اور جنرل سیکریٹری سید علمبردار شاہ بخاری نے پاکستان پٹرولیم اسٹیٹ کے اعزاز میں استقبالیہ رکھنے کا اعلان کر دیا۔ روشن خوشحال پاکستان موومنٹ کے عہدیداران کا کہنا تھا کہ پاکستان کی ترقی اور عوام کو ہونے والے فوائد پر انتہائی خوش بھی ہیں اور PPSکے مشکور بھی ہیں ہمارے پاس پٹرول و گیس کے وہ ذخائر آچکے ہیں جس سے اب ہم دوسرے ملکوں کو پٹرول گیس کی فراہمی کر سکتے ہیںاور پاکستان میں آنیوالے چند دنوں میں پٹرول و گیس کی قیمتوں میں بھی نمایاں کمی متوقع PPSکی پوری ٹیم کو پرل کانٹی نینٹل یا آوری ہوٹل میں بھرپور اور شاندار استقبالیہ دینگے جس میں دیگر ملکوں کے سفیر اور پاکستان کے سینئر صحافی بھی شامل ہونگے استقبالیہ کا باضابطہ جلد اعلان کر دیاجائے گا۔

لاہور(نیٹ نیوز/میڈیا 92نیوز) بورڈ آف ریونیو نے قبضہ مافیا سے سرکاری اراضی واگزار کرانے کے لیے شکنجہ کس لیا ۔بورڈ آف ریونیو لاہور سمیت پنجاب بھر سے قبضہ مافیا سے سرکاری رقبہ جات واگزار کرانے کے لیے ایکشن میں آگیا ۔سرکاری اراضی پر قبضہ کروانے والے پٹواریوں کو نوکریاں بچانے کے لالے پڑ گئے ۔بورڈ آف ریونیو نے لاہور سمیت پنجاب بھر کے تمام ڈپٹی کمشنرز سے سرکاری اراضی کی رپورٹ طلب کر لی ۔پنجاب بھر میں سرکاری ارضی کتنی ہے اور کتنی پر مافیا کا قبضہ ہے ۔سرکاری اراضی پر قابض مافیا سے واگزار کرائی جائے گی , ذرائع بورڈ آف ریونیو سرکاری اراضی پر قبضہ کروانے والے پٹواریوں کی جان بھی شکنجے میں آ گئی۔

ملتان (ایمرا نیوز) سابق ڈی سی او ملتان نادر چٹھہ نیب میں پیش ہونے کی بجائے بیرون ملک فرار ہو گئے ہیں۔ میڈیا رپورٹس کے مطابق ان کے اکاﺅنٹ سے 5کروڑ روپے احد چیمہ کے اکاﺅنٹ میں منتقل کئے گئے تھے لیکن وہ اس بارے میں جواب دینے میں ناکام رہے ہیں۔ سابق ڈی سی او ملتان نادر چٹھہ کے سرکاری اکاﺅنٹ کے غیر قانونی استعمال کا انکشاف ہوا ہے ان کے اکاﺅنٹ سے 5کروڑ روپے احد چیمہ کے اکاﺅنٹ میں منتقل کئے گئے تھے ان کے اکاﺅنٹ سے کس مد میں فنڈز احد چیمہ کے اکاﺅنٹ میں منتقل ہوئے سابق ڈی سی او نیب میں پیش ہونے کی بجائے بیرون ملک فرار ہو گئے اور تحقیقاتی ٹیم کے متعدد بار طلب کرنے کے باوجود پیش نہیں ہوئے واضح رہے کہ نیب ملتان نے فنڈز کی منتقلی سے متعلق اہم ریکارڈ حاصل کر لیا ہے۔

لاہور(اپنے نمائندے سے) تحصیل شالیمار کے پٹوار سرکل ہربنس پورہ میں اسسٹنٹ کمشنر شالیمار ظہیر لیاقت بیگ، تحصیلدار اسماعیل شاہد اور قانگو صابر علی نے وفاقی حکومت کی چار کنال سرکاری اراضی پر قبضہ کرنے کی کوششیں ناکام بنا دی،ذرائع کے مطابق وفاقی حکومت کی اس چار کنال سرکاری اراضی پر راحت بیکری کیلئے ویئر ہاﺅس بنایا جا رہا تھا تاہم محکمہ ریونیو کی جانب سے بروقت کارروائی کے باعث موقع پر قائم کی جانے والی پختہ تعمیرات کو بھی گرا دیا گیا ہے آپریشن کا آغاز دوپہر 12بجے پولیس کی نفری کے بغیر ہی کر دیاگیا محکمہ پولیس کے افسران نے سرکاری اراضی پر قبضے کرنے والے لینڈ مافیا کے خلاف کارروائی کرنے سے انکار کر دیا اور دوران آپریشن پولیس نفری بھیجنے سے بھی معذرت کر لی جس کے بعد محکمہ ریونیو کے تحصیلدار اسماعیل شاہد، قانگو صابر علی اور حلقہ پٹواری ہربنس پورہ بابر میو اپنی مدد آپ کے تحت قبضہ گروپوں کے سامنے ڈٹ گئے اسسٹنٹ کمشنر ظہیر لیاقت بیگ کی نگرانی میں جاری کئے جانے والے اس آپریشن کو روکنے کیلئے راحت بیکری کی انتظامیہ سمیت با اثر ٹیلی فون کے اثرات بھی نہ چل سکے محکمہ ریونیو کی جانب سے موقع پر سرکاری اراضی کو ہتھیانے میں ملوث اور جعلی و بوگس اقرار نامہ پیش کرنے والے بشیر احمد ولد علی شیر، نذر حسین ولد غلام قادرکو نامزد ملزم بناتے ہوئے مقدمہ کیلئے تھانہ غازی آباد میں درخواست بھی دیدی گئی ہے ایس ایچ او غازی آباد نے محکمہ ریونیو نے انتظامیہ کی جانب سے دی جانے والی درخواست پر 24گھنٹوں میں کارروائی کرنے کا وعدہ کر لیا ایف آئی آر کا اندراج کر دیا جائے گا۔دوسری جانب ڈپٹی کمشنر لاہور کیپٹن (ر) انوار الحق نے اسسٹنٹ کمشنر شالیمار ظہیر لیاقت بیگ، تحصیلدار اسماعیل شاہد قانگو صابر علی سمیت آپریشن میں حصہ لینے والے تمام ریونیو سٹاف کی کارکردگی کو سراہتے ہوئے سرکاری اراضی پر قبضہ کرنے میں ملوث تمام لینڈ مافیا کے خلاف بھی تفریق کارروائی کرنے کی ہدایت کر دی ہے۔

لاہور(اپنے نمائندے سے)اراضی ریکارڈ سنٹر چشتیاں کے سٹاف نے ڈی جی پنجاب لینڈ ریکارڈ اتھارٹی سے جاب سکیورٹی، تنخواہوں میں اضافہ سمیت 5نکاتی ایجنڈے کی منظوری کا مطالبہ کر دیا۔روزنامہ ”پاکستان“ کو ملنے والی معلومات کے مطابق اراضی ریکارڈ سنٹر چشتیاں کے سٹاف جن میں تمام ایس ای او سروس سنٹر انچارج اور اے ڈی ایل آر بھی شامل ہیں۔ ڈی جی پنجاب لینڈ ریکارڈ اتھارٹی دار اسلم کے سامنے 5نکاتی ایجنڈہ رکھ دیا جس کے مطابق ایجنڈہ اراضی ریکارڈ سنٹر سٹاف نے مطالبہ کیا ہے کہ اراضی ریکارڈ سنٹر سٹاف کی تنخواہوں میں اضافہ کیا جائے جبکہ اتھارٹی کی جانب سے جو اسانمنٹ دی گئی تھی اور ڈبل ڈبل شفٹ کام لیا گیا تھا اور وعدہ کیا گیا تھا کہ اس کا اوور ٹائم ملے گا وہ بھی دیا جاب سکیورٹی اور سٹاف کو مستقل کئے جانے کے حوالے سے عملی اقدامات کئے جائیں اراضی ریکارڈ سنٹر سٹاف نے ڈی جی پنجاب لینڈ ریکارڈ اتھارٹی سے ان 5نکاتی ایجنڈے کی نشاندہی کی ہے جو کہ صوبے بھر کے ملازمین کے ساتھ درپیش ہے دوسری جانب پنجاب لینڈ ریکارڈ اتھارٹی انتظامیہ نے اس درخواست پر مکمل خاموشی اختیار کر لی ہے۔

لاہور(اپنے نمائندے سے)لاہور ہائیکورٹ کے حکم پر ضلعی انتظامیہ نے بی بی پاک دامن کے اطراف میں تجاوزات پر گرینڈ آپریشن شروع کردیا ہے۔ تفصیلات کے مطابق جسٹس علی اکبر قریشی مزاربی بی پاک دامن کے اطراف میں تجاوزات کو ہٹانے کے آر ڈر کئے جس پر ایل ڈی اے نے آپریشن شروع کر دیا۔عدالت نے حکم دیا کہ مزاربی بی پاک دامن کے داخلی وخارجی راستے کھولیں جائیں،درخواست گزار نے کہا تھا کہ قبضہ مافیا سے ناجائز طور پر بی بی پاک دامن کی 72کنال اراضی جس پر قبضہ ہے اس کو واہ گذار کروایا جائے۔72کنال اراضی پر ناجائز مکانات اور دکانیں بھی تعمیر کی گئی ہیں۔ان قابضین کی وجہ سے بی بی پاک دامن میں زائرین کے لئے سیکیورٹی کے بھی کوئی خاطر خواہ انتظامات موجود نہیںہیں ۔عدالت نے بی بی پاک دامن کے اطراف میں چار دیواری کرنے کا بھی حکم دیا ہے۔تجاوزات کے خاتمے تک آپریشن جاری رہے گا۔تجاوزات کے باعث ٹھیئے قائم کروا کر روزانہ کی بنیاد پر وصولی کرنے والے تاجروں میں تشویش پائی جانے لگی ہے، دوکاندار اپنی کمائی کے چکر میں ٹھیئے لگانے والوں کو آپریشن کے بعد دوبارہ کاونٹرز لگانے کی تسلیاں دینے میں مصروف ہیں۔

لاہور(اپنے نمائندے سے)کون کتنا امیر ہے، پنجاب لینڈ ریکارڈ اتھارٹی کی جانب سے اسسٹنٹ ڈائریکٹر لینڈ ریکارڈ ،سروس سنٹر انچارج اور سروس سنٹر آفیشل سمیت انتظامی سیٹوں پر براجمان سٹاف کو اثاثہ جات ظاہر کرنے کے لئے دیئے جانے والے ڈیکلیریشن آف ایسڈ فارم ردی کی ٹوکری میں پھینک دیئے گئے ،2007سے لےکر2018تک اس پراجیکٹ میں شامل سٹاف کی جانب سے مرتب کی جانے والی رپورٹ کا جائزہ لینے کے لئے پنجاب لینڈ ریکارڈ اتھارٹی نے خفیہ سورس رپورٹ تیار کرنے کا فیصلہ کر لیا،حقائق سے برعکس رپورٹ ظاہرکرنے والوں کے خلاف سخت قانونی کارروائی کرنے کا عندیہ دے دیا گیا ہے ،تفصیلات کے مطابق پانامہ ایشو کے بعد ایک طرف حکمران عتاب کا شکار ہیں اور عدالتی ٹرائل کا سامنا کر رہے ہیں تو دوسری طرف پنجاب حکومت کے جاری کردہ نوٹیفکیشن بابت اثاثہ جات 2سال کا عرصہ گذر جانے کے بعد بھی عمل درآمد نہیں کیا جا سکا۔پنجاب لینڈ ریکارڈ اتھارٹی کی جانب سے پنجاب کی 143تحصیلوں میں تعینات سروس سنٹر انچارج ،سروس سنٹر آفیشل اوراسسٹنٹ ڈائریکٹر لینڈر یکارڈز کے علاوہ ہیڈ آفس میں تعینات تمام افسران میں اثاثہ جات جمع کروانے کے لئے “ڈیکلیئریشن آف ایسڈ فارم”تقسیم کئے گئے تھے اورہدایات جاری کی ہیں کہ وہ 2مہینے کے اندر پنجاب لینڈ ریکارڈ اتھارٹی میں تعیناتی کے آغاز سے تاحال تک اپنے اثاثہ جات کی تفصیلات جمع کروائیں ،غلط اثاثہ جات یا معلومات کو چھپانے کی پاداش میں سخت کارروائی کا عندیہ بھی دے دیا گیا تھا تاہم 2سال کا عرصہ گذر جانے کے بعد بھی کسی اہلکار نے اپنے اثاثہ جات تاحال ڈیکلیئر نہ کروائے ہیں ۔ذرائع کا کہنا ہے کہ اس نوٹیفیکیشن پر عمل درآمد سے زیادہ تر اہلکار پھنس جانے کا خدشہ لاحق ہے ۔ کیوں کہ کیونکہ پنجاب لینڈ ریکارڈاتھارٹی میں تعینات افسران اور اراضی ریکارڈ سنٹرز میں کام کرنے والے عملہ کے اثاثہ جات میں تعینات سے لے کر حال تک کئی سو گنا اضافہ ہو چکا ہے ،وہ اہلکار جو کبھی آفس یا اراضی ریکارڈسنٹرز میں موٹر سائیکلوں پر آتے تھے آج ان کے پاس قیمتی گاڑیاں ہیں ،بہترین لباس اور عالیشان رہائشوں میں رہنے والے یہ ملازمین اپنی شان و شوکت کا جواب دینے سے تاحال قاصرہیں ،ذرائع نے یہ بھی انکشاف کیا ہے کہ اہلکاروں کی کثیر تعداد نے اپنے اثاثہ جات کو اپنے رشتے داروں اور قریبی عزیزوں کے نام پر کرنے کا سلسلہ بھی شروع کر دیاگیا ہے جس کے لئے باقاعدہ وکلاءکی خدمت بھی حاصل کی گئیں ہیں تاکہ ڈیکلیئریشن آف ایسڈ فارم میں ظاہر کئے گئے اثاثہ جات کے متعلق جواب دینے کے لئے قبل ازوقت تیاری کر لی جائے ۔اب دیکھنا یہ ہے کہ موجودہ ڈی جی پی ایل آر اے اس نوٹیفیکیشن پر عملدرآمد کروا پاتے ہیں یا یہ بھی ناکام ہو جاتے ہیں یہ تو آنیوالا وقت ہی بتائے گا۔

لاہور(اپنے نمائندے سے)محکمہ ریونیو کے ایڈیشنل ڈپٹی کمشنر لاہور آفس نے لاہور ڈویلپمنٹ اتھارٹی کی جانب سے جاری کردہ مراسلہ پر 6سال گذر جانے کے بعد بھی عمل نہ کیا سپریم کورٹ آف پاکستان کی ہدایت بھی نظر انداز کر دی گئی صوبائی دارالحکومت کی حدود میں آنیوالے 131پرائیویٹ ہاﺅسنگ سکیم کے با اثر مالکان نے سپریم کورٹ کی ہدایت پر جاری کردہ ایل ڈی اے کا مراسلہ ردی کی ٹوکری میں پھینکوا دیا ۔وقت نے ایل ڈی اے کی جانب سے جاری کردہ تحریری مراسلہ حاصل کر لیا۔ وقت کے نمائندے کو ملنے والی معلومات کے مطابق 31-7-12کو ایل ڈی اے کی جانب سے سابقہ اے ڈی سی آر نادر چٹھہ کو تحریری مراسلہ جاری کیا جس پر سپریم کورٹ کی واضح ہدایت اور حکم کا حوالہ بھی دیا گیا جبکہ 131ایسی پرائیویٹ ہاﺅسنگ سکیموں کی لسٹ بھی ساتھ دی گئی جو کہ اختیارات کا ناجائز استعمال، جعلسازی، دھوکہ دہی ، فراڈ اور محکمہ مال کے پٹواریوں کی معاونت کے باعث ایل ڈی اے میں رہن رکھے گئے ٹاﺅن پلاٹوں کی فروخت کرنے میں مصروف تھے بلکہ قبرستان، سکول، پارکس، راستہ جات سمیت رفاعی عامہ کیلئے مختص کی جانے والی اراضی کو غیر قانونی طورسے فروخت کرتے چلے آ رہے تھے جبکہ اسی ضمن میں 131 ہاﺅسنگ سکیموں کے مالکان کو باقاعدہ نوٹسز بھی جاری کئے گئے اور اے ڈی سی آر نادر چٹھہ کو رولز 48کے تحت تمام رہن شدہ اراضی کا انتقال محکمہ ریونیو کے ریکارڈ میں اندراج کرتے ہوئے رفاعی عامہ کے لئے مختص کی جانے والی زمین کی فرد برائے ملکیت اور انتقال کی بابت منتقلی کے عمل سے بھی منع کر دیا تاہم معلوم ہوا کہ سابق اے ڈی سی آر نے لاہور ڈویلپمنٹ اتھارٹی کے جاری کردہ مراسلہ 4436جاری کردہ CMP-PMP مورخہ 31-7-12کو ردی کی ٹوکری کی نذر کردیا ہے مبینہ اطلاعات کے مطابق ان 131ہاﺅسنگ سکیم مالکان سے اس خصوصی رعایت کے عوض منہ مانگا معاوضہ بھی وصول کیا گیا اور 6 سال کا عرصہ گذر جانے کے بعد بھی ایل ڈی اے اور سپریم کورٹ کی جانب سے دیئے جانے والے حکم پر عمل درآمد نہ کیا جاسکا ہے۔ایک اندازے کے مطابق اے ڈی سی آر لاہور کس اس مبینہ غفلت کے باعث سرکاری خزانے کو رجسٹری فیس کی مد میں جہاں کروڑوں کے نقصان سے دوچار ہونا پڑا بلکہ سادہ لوح کی کثیر تعداد بھی راستہ جات، رہن شدہ پلاٹس، قبرستان پارکس، سکول جیسی متنازعہ جائیداد کو خریدنے کے باعث اپنی زندگی بھر کی جمع پونجی داﺅ پر لگا بیٹھے ہیں اور اسی غفلت کے باعث سینکڑوں متاثرین عدالتوں میں انصاف کے حصول کے لئے دربدر ہو رہے ہیں ذرائع نے مزید انکشاف کیا کہ قومی احتساب بیورو پنجاب نے بھی ان ہاﺅسنگ سکیموں میں ہونے والے فراڈ اور جعلسازی کی بابت تحقیقات کا دائرہ کار وسیع کر رکھا ہے شہریوں کا کہنا ہے کہ ایسے بیورو کریٹس کے خلاف بھی نیب کو ہاتھ ڈالنا چاہئے جو کہ ذاتی مفادات کو مدنظر رکھتے ہوئے قومی خزانے کیساتھ عوام الناس کے لئے بھی نقصان کا موجب ثابت ہوئے ہیں۔ شہریوں کی کثیر تعداد نے چیئرمین نیب ، ڈپٹی کمشنر اور ڈی جی ایل ڈی سے فوری نوٹس لینے کا مطالبہ کیا ہے۔

لاہور(میڈیا 92نیوز)صوبے بھر میں پنجاب لینڈ ریکارڈ اتھارٹی کے قائم کردہ اراضی ریکارڈ سنٹر بدعنوانی کا گڑھ بن گئے ،شہریوں کی کثیر تعداد نے رشوت وصولی کی روک تھام کے لئے ڈی جی اینٹی کرپشن پنجاب اور ڈائریکٹر جنرل نیب سے اراضی ریکارڈ سنٹر ز کی نگرانی پر سٹاف تعینات کرنے کا مطالبہ کر دیا۔سروے کے دوران صوبائی دارلحکومت کے شہریوں کی مبینہ طور پنجاب لینڈ ریکارڈ اتھارٹی کے اراضی ریکارڈ سنٹر کو کرپشن کی آماجگاہ قرارد یا ہے شہری محمد الطاف ،محمد رمضان ،محمد دستگیر،محمد آصف ،محمد ذیشان اور محمد ادریس کا کہا ہے کہ وزیر اعلیٰ پنجاب میاں محمد شبہاز شریف نے پٹوار کلچر کے خاتمے اور صاف شفاف اس پراجیکٹ کے ذریعے کرپشن سے پاس اس سسٹم کو متعارف کروا دیاہے جو کہ اراضی ریکارڈ سنٹر پر تعینات سٹاف کی کثیر تعداد نے اس دعووں کو غلط ثابت کرتے ہوئے رشوت وصولی کی انتہا کر رکھی ہے صوبے بھر میں کوئی ایسا اراضی ریکارڈ سنٹر نہ ہے جہاں رشوت کے بغیر کام کیا جارہا ہے صبح پانچ بجے سے اراضی ریکار ڈ سنٹر کے باہر لمبی قطاروں میں کھڑا کیا جارہا ہے ٹوکن لینے کے باوجود باری آنے میں گھنٹوں لگ جاتے ہیں اور اپنے جائز کام کروانے میں کئی کئی دن درکار ہوتے ہیں۔ پٹواریوں کے منشی اراضی ریکارڈ سنٹر میں تعینات سٹاف کے معاونت بن چکے ہیں ان کے ذریعے ہر کام جلدی اور عام شخص کو کئی کئی دن خواری کا سامنا کرنا پڑرھا ہے۔ شہری محمد وقاص، تنویراحمد، احسن وحید، امتیاز احمد، محمد ندیم، لطیف خان اور معصوم علی نے الزام عائد کیا کہ تمام اراضی ریکارڈ سنٹرز میں کبھی کھیوٹ ٹینشن ایشو کے نام پر ہمارا کھاتہ بلاک ظاہرکیا جاتا ہے کبھی سنٹرز میں لنک ڈوان تو کبھی سوفٹ وئیر میں تبدیلی کا کہہ کر کئی کئی دن چکر لگوائے جاتے ہیں ابھی کام پٹواری کا فیشن اور ایس ای او اپنے پرائیویٹ بندے کے ذریعے منٹوں میں کروالیتے ہیں مگر اس کےلئے منہ مانگی رشوت وصول کی جارہی ہے اگر ڈی جی PLRAصرف اس بات کی تصدیق کرلیں کہ سب رجسٹرار آفس سے جوپرچہ رجسٹری بھجوائی جارہی ہے اسی پر وصولی ڈیٹ کیا ہے اور وصول ہونے کے بعد وہ کتنا عرصہ پینڈنگ رکھی جاتی جاتی ہے اس رپورٹ پر بھی تمام حقائق سامنے آجائیں گے اور پرچہ رجسٹری کے مطابق انتقالات کی تصدیق ہورہی ہے یا اشٹام سیلرز اور پٹواریوں کے فیسوں کے ذریعے کام ہورہے ہیں صوبے بھرمیں کوئی بھی ایسا ضلع نہیں ہے جہاں قائم کئے گئے اراضی ریکارڈ اور سنٹرزپررشوت وصول نہ کی جارہی ہو شہریوں نے ڈی جی اینٹی کرپشن پنجاب معطر نیاز رانااورڈائریکٹر جنرل نیب سے مطالبہ کیا ہے صوبے بھر میں قائم کردہ اراضی ریکارڈ سنٹرزکے سٹاف کی نگرانی پر محکمہ اینٹی کرپشن اور نیب کا سٹاف بٹھایا جائے تاکہ رشوت وصولی کی ڈیمانڈ کرنے اور اس میں ملوث پائے جانے والے سٹاف کے خلاف فوری قانونی کارروائی عمل میں لائی جاسکے شہریوں کا مزید کہنا تھا کہ اراضی ریکارڈ سنٹرز میںفنڈز کا غبن کیاجارہا ہے اختیارات کا ناجائز استعمال کیاجارہاہے ریکارڈ میں ردوبدل کی جارہی ہے اگر صوبے بھر کے اراضی ریکارڈ سنٹرزکاریکارڈ قبضے میں لے کراس کی تحقیقات کی جائے تو کروڑوں روپے کی جعلسازی غبن اوررشوت وصول کی بنیاد پر ناصرف مقدمات کا اندراج کیا جاسکے گا بلکہ کرپٹ اہلکاروں کی کثیر تعداد کی گرفتاریاں بھی عمل میں لائی جاسکیں گی۔

لاہور(اپنے نمائندے سے)پٹواری کے تبادلے سکینڈل بن گیا، ڈسٹرکٹ سیٹلمنٹ آفیسر اور ایڈیشنل ڈپٹی کمشنر ریونیو کی جانب سے تیار کردہ فہرست غائب کر دی گئی من مرضی کی لسٹ تیار کرتے ہوئے معطل شدہ پٹواری کو سرکل الاٹ کر دیا جبکہ تحصیل حاضر پٹواری کو بھی سرکل سے نواز دیا متعدد پٹواریوں کے نام ہی لسٹ سے غائب کر دیئے گئے نئی اور مشکوک لسٹ تیار کرنے والے کون ہے ضلع لاہور کے محکمہ ریونیو میں نئی بحث چھڑ گئی اغلاط سے بھری لسٹ نے پٹواریوں کے تبادلے مشکوک کر دیئے مزید معلوم ہوا ہے کہ ڈپٹی کمشنر لاہور کے جاری کردہ پٹواریوں کے تبادلوں کا نوٹیفیکیشن ظاہر ہوتے ساتھ ہی مشکوک قرار دیدیا گیا اغلاط سے بھری لسٹ نے جلد بازی افراتفری اور بے ہنگم پن کو ظاہر کر دیا، ذرائع نے مزیدآگاہی دی ہے کہ جو لسٹ ڈسٹرکٹ سیٹلمنٹ آفیسر لاہور ڈاکٹر نور محمد اعوان اور ایڈیشنل ڈپٹی کمشنر ریونیو اویس ملک کی جانب سے مرتب کی گئی تھی اس لسٹ کے مطابق نہ تو پٹواریوں کے سرکل ظاہر کئے گئے ہیں اور نہ ہی سرکل الاٹ کئے گئے ہیں بلکہ ڈسٹرکٹ ایڈمنسٹریشن کی لسٹ غائب کرتے ہوئے ایک نئی فہرست تیار کرتے ہوئے مختلف پٹواریوں پر نوازشات کی بارش کر دی گئی ہے اور متعدد پٹواریوں سے انتقامی کارروائی کرتے ہوئے لسٹوں سے نام ہی نکال دیا گیا ہے، ذرائع نے بتایا کہ پٹواری امجد میﺅ جو کہ اس وقت ڈسٹرکٹ سیٹلمنٹ آفیسر کی ہدایت پر معطل کیا گیا تھا کو پٹوار سرکل کا چھا میں ظاہر کرتے ہوئے نیا پٹوار سرکل سادھوکی الاٹ کر دیا گیا ہے، تحصیل حاضر پٹواری ساجد شاہ کو مراکہ میں ظاہر کر دیا گیا ہے پٹواری مجید حلیم، رانا راشد صغیر شاہ اور رضوان بٹ کے نام ہی لسٹوں سے نکال دیئے گئے ہیں۔ذرائع کا کہنا ہے کہ لسٹ انتہائی مشکوک اور جانبدار طریقے کار سے مرتب کی گئی ہے محکمہ ریونیو سٹاف کے سینکڑوں ملازمین نے ڈپٹی کمشنر سے اغلاط سے بھری لسٹ پر نظرثانی کی اپیل کی ہے۔