Category پراپرٹی گائیڈ

لاہور (میڈیا نائن ٹو ڈاٹ ٹی وی )آپ نے ابھی اپنے کیرئیر کا آغاز کیا ہو یا ایک سے دو دہائیوں کا عرصہ گزر چکا ہو، مگر ہر کوئی ریٹائرمنٹ کے حوالے سے ایک خواب دیکھتا ہے اور وہ ہے اتنی مناسب رقم جو بڑھاپے میں کام آسکے۔اگر ریٹائرمنٹ تک مناسب رقم ہاتھ میں ہونے کی بات کی جائے تو اس کا بہترین ذریعہ بچت کرنا ہے، جس کا انحصار ہر ایک فرد کی استطاعت کے مطابق مختلف ہوسکتا ہے۔تاہم ایک مالیاتی ماہر ڈیوڈ بیچ نے اس حوالے سے ایک آسان منصوبہ تیار کیا ہے جس کے ذریعے لوگ ریٹائرمنٹ تک لاکھوں بلکہ کروڑوں روپے اکھٹے کرسکتے ہیں۔اس مالیاتی ماہر نے تو ڈالرز کے حوالے سے بچت کا پروگرام تیار کرکے دیا ہے مگر اسے پاکستان میں بھی آزمایا جاسکتا ہے۔ان کا کہنا تھا کہ آپ کے لیے ضروری نہیں کہ دولت سے دولت بنائیں بلکہ درست فیصلہ سازی اور عملدرآمد اس حوالے سے اہمیت رکھتا ہے۔انہوں نے مزید کہا کہ کسی بھی عمر میں بچت کا آغاز کرنا تاخیر نہیں۔تاہم ہر عمر کے لیے یہ مختلف ضرور ہوسکتی ہے۔اچھی خبر یہ ہے کہ اگر آپ کی عمر بیس سے چوبیس سال کے درمیان ہے تو روزانہ دو ڈالرز یا 210 پاکستانی روپے کی بچت سے آغاز کرسکتے ہیں جو مہینہ بھر میں 6 ہزار 3 سو روپے جبکہ سال بھر میں 75 ہزار روپے سے زیادہ بچائے جاسکیں گے۔اسی طرح پچیس سے 29 سال کی عمر میں 375 روپے سے بچت کا آغاز کرنا چاہیے۔تیس سے 34 سال کے درمیان 669 روپے روزانہ، 35 سے 39 سال کے درمیان 1200 روپے روزانہ، 40 سے 44 سال کے درمیان 2165 روپے روزانہ بچت کرنے کی ضرورت ہوگی۔45 سے 49 سال کی عمر کے افراد بچت کا آغاز چار ہزار روپے سے کریں جبکہ پچاس سے 54 سال کی عمر روزانہ 7745 روپے کی بچت کریں۔اگر 55 سال یا اسے زائد عمر کے ہیں تو روزانہ ساڑھے سولہ ہزار روپے کی بچت ہے تاکہ 65 سال کی عمر تک لکھ پتی بن جائیں۔ویسے نیچے ڈالرز کی شکل میں بچت کا پلان دیکھ سکتے ہیں جو اس ماہر نے تیار کیا ہے تاکہ 65 سال کی عمر تک 10 لاکھ ڈالرز اکٹھے کیے جاسکیں۔

اسلام آباد(ایم نائن ٹو ڈاٹ ٹی وی)گوادر میں آپ کو یہ کام کرنے کی اجازت ہرگز نہیں دیں گے،پاکستان نے چین کو بڑا سرپرائز دیدیا،تفصیلات کے مطابق سی پیک کے ساتویں مشترکہ تعاون کمیٹی کے اجلاس میں وزارت مالیات اور سٹیٹ بینک آف پاکستان نے چین کی جانب سے گوادر فری زون میں چینی کرنسی کے استعمال کی درخواست مسترد کردی ہے ، پاکستان نے موقف اختیار کیا ہے کہاگر پاکستان نے گوادر میں چینی کرنسی کے استعمال کی اجازت دی تو یہ پاکستان کی اقتصادی اقدار کی خلاف ورزی ہوگی اس لئے ایسا کرنے کی اجازت ہرگز نہیں دی جاسکتی، واضح رہے کہ چین نے گوادر میں یوان کے استعمال کی اجازت دنیے کی درخواست کرتے ہوئے کہاتھا کہ چینی کرنسی کے استعمال سے ایکس چینج سے جڑے خطرات کا خاتمہ ہوگا تاہم پاکستان نے ایسا کرنے سے صاف انکارکردیاہے۔

اسلام آباد (میڈیا نائن ٹو ڈاٹ ٹی وی )معروف صحافی اور تجزیہ نگار چوہدری غلام حسین نے نجی ٹی وی پروگرام میں انکشاف کیا ہے کہ سابق وزیر اعظم میاں نوازشریف نے پاکستان میں ایک نہایت اہم جگہ پر ایک بہت ہی قیمتی زمین جو چار سو ایکڑ پر مشتمل ہے، فروخت کر دی ہے ۔ اڑھائی ہزار کنال کی زمین ایک کاروباری ٹائیکون کو فروخت کی گئی ہے۔چوہدری غلام حیسن نے کہا کہ اگر آپ کو یاد ہو تو جب میاں نواز شریف لندن میں ڈیرےڈال کر بیٹھے ہوئے تھے اور کاغذ سائن کر رہے تھے تو ان کے بہت سے قریبی لوگوں نےشبہ ظاہر کیا کہ نواز شریف اپنی وراثت کا بٹوارہ کر رہے ہیں ، لیکن دراصل وہ اس زمین کی فروخت کے کاغذات پر دستخط کر رہے تھے، اور اس مد میں وہ اب تک پندرہ ارب سے بیس ارب روپے لے چکے ہیں۔انہوں نے کہا کہ حسن اور حسین نواز کے اکاؤنٹس بھی منجمد ہو گئے ہیں۔ اب ان کی یہ حالت ہے کہ یہ لوگ لند ن میں بھی اپنی جائیداد بیچ رپے ہیں۔

لاہور(M92) شہری ہوشیار باش لاہور میں پلاٹ خریدنے سے پہلے ایل ڈی اے سے تصدیق کرلیں کہ وہ کالونی انتظامیہ سے منظور شدہ ہے یا نہیں، پہر بھر میں اس وقت بیسیوں غیر قانونی سوساٹیز شہریوں سے پیسے بٹورنے میں مصروف ہیں شہر اور گردونواح میں186سے سوسائٹیز ایسی ہیں جو ایل ڈی اے سے منظور شدہ نہیں اور نہ ہی ان کے پاس این او سی ہے لیکن پھر بھی ان سوساٹیز میں پلاٹ کی چائنہ کٹنگ جاری ہے ، سوساٹیز کے مالکان خود کو ایل ڈی اے اور ضلعی انتظامیہ سے منظور شدہ ثابت کرکے معصوم شہریوں کوپلاٹ بیچ رہے ہیں۔ ایل ڈی اے حکام کا کہنا ہے کہ شہری پلاٹ خریدنے سے پہلے تصدیق کرلیں کہ وہ کالونی ایل ڈی اے سے منظور شدہ ہے یا نہیں، حکام کا کہنا تھا کہ ہم جلد نیب کے ساتھ مل کر غیر قانونی سوساٹیز کے خلاف کارروائی کریں گے۔

اسلام آباد(M92) وزارت ہاؤسنگ اینڈ ورکس نے ملک بھر میں کم آمدن والے افراد کے لیے وزیراعظم پروگرام کے تحت پبلک پرائیویٹ پارٹنر شپ کے ذریعے رہائشی منصوبہ شروع کرنے کا فیصلہ کیا ہے۔وفاقی وزارت ہاؤسنگ اینڈ ورکس نے ملک بھر میں کم آمدن افراد کے لیے رہائشی منصوبہ شروع کرنے کا فیصلہ کیا ہے اس رہائشی منصوبے پر وزارت ہاؤسنگ اینڈ ورکس کے ماتحت ادارے پی ایچ اے فاؤنڈیشن عملدرآمد کرائے گی جس کے لیے پی ایچ اے فاؤنڈ یشن نے ملک بھر سے اپارٹمنٹس اور ہاؤسنگ سکیم منصوبے کو جوائنٹ وینچر کے طور پر شروع کرنے کے لیے نجی فرموں سے درخواستیں بھی طلب کر لی ہیں۔
اس جوائنٹ وینچر ہاؤسنگ سکیم کے لیے پی ایچ اے فاؤنڈ یشن کی جانب سے پہلے مرحلے میں راولپنڈی اور اسلام آباد میں ہاؤسنگ پراجیکٹ کا آغاز کیا جائے گاپی ایچ اے فاؤنڈ یشن نے کثیر المنزلہ اپارٹمنٹس کے لیے100کنال اور ہاؤسنگ سکیم کے لیے 700کنال اراضی اپنے نام رکھنے والی کمپنیوں کے تعاون سے جوائنٹ وینچر قائم کرنے والے ڈویلپرز اور کنٹریکٹرز سے درخواستیں بھی طلب کر لی ہیں۔
واضح رہے کہ پی ایچ اے فاؤنڈیشن کا پبلک پرائیویٹ پارٹنر شپ کے تحت اس نوعیت کا یہ پہلا منصوبہ ہے، ذرائع کے مطابق پی ایچ اے فاؤنڈ یشن نے سی ڈی اے کی جانب سے زمین کی عدم دستیابی پر پبلک پرائیویٹ پارٹنر شپ کے تحت یہ منصوبہ شروع کرنے کا فیصلہ کیا ہے تاکہ وزیر اعظم پروگرام کے تحت کم آمدن والے لوگوں کے لیے شروع کی جانے والی یہ ہاؤسنگ سکیم زمین کے حصول میں رکاوٹ یا کسی اور وجہ سے تاخیر کا شکار نہ ہو۔پی ایچ اے فاؤنڈ یشن ذرائع کے مطابق یہ منصوبہ وفاقی حکومت کی جانب سے نو پرافٹ نو لاس کی بنیاد پر شروع کیا جائے گا جس میں 50فیصد اپاڑٹمنٹس سرکا ری ملا زمین اور 50فیصد پرائیویٹ کوٹہ رکھا جائے گا جب کہ پی ایچ اے فاؤنڈ یشن کو وزیر اعظم پروگرام کے تحت کم آمدن رہائشی سکیم کے لیے فرموں کی جا نب سے تجا ویز دی جائیں گی جس کے بعد اس منصوبے کے لیے موزوں پر پوزل کو فائنل کر کے منصوبے کو ختمی شکل دی جائے گی۔

لاہور(M92)اوورسیز پاکستانیز کمیشن(اوپی سی)پنجاب کی مدد سے سمندرپارمقیم پاکستانی کی تین کروڑ روپے مالیت کی اراضی ناجائز قبضہ سے واگزار کروالی گئی ہے۔وائس چیئرپرسن اوپی سی، شاہین خالد بٹ اور کمشنرافضال بھٹی نے بتا یا کہ بارسیلونا ،سپین میںمقیم نعیم سرور نے کمیشن کو شکایت درج کرائی کہ بعض افراد نے ان کی مسلم چک،گوجرانوالہ میں واقع 17 کنال 15 مرلہ اراضی پر زبردستی قبضہ کرلیا ہے ،جس کو واگزار کرایا جائے۔ یہ شکایت ڈسٹرکٹ اوورسیز پاکستانیز کمیٹی گوجرانوالہ کوریفر کی گئی جس کے ارکان کی معاونت سے مذکورہ اراضی سے قبضہ ختم کراکے اسے اصل مالک کے حوالے کردیا گیا۔ شاہین خالد بٹ اورافضال بھٹی نے بتایا کہ سمندرپارمقیم پاکستانی اپنے مسائل کے ازالے کیلئے ہمہ وقت اوپی سی سے رابطہ کرسکتے ہیں۔

لاہور(M92) ڈسٹرکٹ پلاننگ اینڈ ڈیزائن کمیٹی نے ضلعی حکومت اور لاہور ڈویلپمنٹ اتھارٹی کیکسی بھی سڑک کو کمرشل قرار دینے سے قبل واسا ٹریفک پولیس اور محکمہ ماحولیات سے این او سی لینے کی شرط عائد کردی ہے ۔ قبل ازیں اس قسم کی کوئی شرط عائد نہیںتھی۔ لاہورکیلئے نئے بننے ماسٹر پلان2035ء کو مزید بنانے کیلئے مزید اقدامات کرنے کا بھی فیصلہ کیا گیا ہے۔ شہرمیں بننے والی کمرشل تعمیرات جن میںس کول، کالج، یونیورسٹی، ہوٹل، ریسٹورنٹ، شاپنگ مال اورڈیپارٹمنٹل سٹوروں سمیت دیگر عمارتوں کی تعمیر کیلئے ٹریفک پولیس، محکمہ ماحولیات ،متعلقہ ٹائون اور ڈویلپمنٹ اتھارٹی سے اجازت لینا لازمی قرار دیا گیاہے۔

لاہور(M92) ایل ڈی اے کی ٹائون پلاننگ برانچ کے افسران کی کارکردگی جانچنے کیلئے انٹیلی جنس ونگ قائم کردیا گیا ہے اس ونگ کی اہم ذمہ داریوں میں فیلڈ میں ہونے والے کاموں کی نگرانی ،جانچ پڑتال اور اس حوالہ سے رپورٹ مرتب کرنا ہوگا، جبکہ یہ ونگ غیر قانونی تعمیرات کی تصاویر اور دیگر دستاویزات بھی تیار کرے گا تاکہ بلڈنگ انسپکٹروں اور اسسٹنٹ ڈائریکٹر زکی ناقص کارکردگی کو ان کے ریکارڈ کا حصہ بنایا جاسکے۔ ذرائع کے مطابق 30ستمبر2009ء کو ایل ڈی اے یونین نے اپنے منظور نظر بلڈنگ انسپکٹرز کو من پسند ایریا میں تعینات کروایا جس پر اس وقت کے ڈی جی نے تمام بلڈنگ انسپکٹروں کو سرکاری اورپرائیویٹ سکیموں سے ہٹانے کے احکامات جاری کردئیے جس کے نتیجہ میں برسوں سے بطور بلڈنگ انسپکٹر کا کرنے والے سب انجینئرز کو واپس انجینئرنگ ونگ میں بھجوادیا گیا اور پھر ان میں سے10سب انجینئر کو ذیلی ایجنسی ٹیپا،5سب انجینئرز کو واسا اور8کو چیف انجینئرنگ ونگ میں ہی تعینات رکھا گیا بعدازاں اس خلاء کو پر کرنے کیلئے اسسٹنٹ ڈائریکٹرز کو بلڈنگ کنٹرول کا چارج سونپ دیا گیا تاہم کنٹریکٹ پر تعینات اسسٹنٹ ڈائریکٹرز غیر قانونی تعمیرات کے خلاف کارروائی میں کامیاب نہ ہوسکے اورایل ڈی اے کنٹرولڈ ایریا میں بڑے پیمانے پر غیر قانونی تعمیرات کرلی گئیں۔ اب ایک مرتبہ پھر ایل ڈی اے کی سکیموں میں بلڈنگ انسپکٹرز کی تعینات کا فیصلہ کیا گیا ہے اور اس مقصد کیلئے ترقیاتی ادارے کے انجینئرنگ ونگ میں کام کرنے والے متعدد سب انجینئرز کو فوری طورپر تبدیل کرکے چیف ٹائون پلانر کو رپورٹ کرنے کی ہدایت کی گئی ہے تاہم ان اہلکاروں میں سے بیشتر نے ٹائون پلاننگ برانچ میں جانے سے گریز کیا جس پر حکام کو دوبارہ بلڈنگ انسپکٹروں کی تعیناتی کا فیصلہ واپس لینا پڑا ،بڑے پیمانے پر غیرقانونی تعمیرات اور کرپشن کی شکایات معمول بن گئیں اور اسی بناء پر ٹائون پلاننگ برانچ کے اعلی حکام کو انٹیلی جنس ونگ قائم کرنے پرمجبور ہونا پڑاہے۔

لاہور(M92) ایکسائز اینڈ ٹیکسیشن ڈیپارٹمنٹ نے لگژری پراپرٹی ٹیکس کے خلاف جملہ درخواستیں اور شکایات دس دن کے اندر نمٹانے کا فیصلہ کیا ہے۔ اس ضمن میںجملہ ایکسائز اینڈ ٹیکسیشن آفیسرز کو بریفنگ دی گئی ہے کہ اس ٹاسک کو پورا کرنے کے لئے دس دن سے زیادہ کا وقت نہ لگائیں اور زیادہ سے زیادہ دس دن کے اندر لگژری پراپرٹی ٹیکس کے خلاف موصول ہونے والی درخواستوں کا فیصلہ کردیں۔ذرائع سے معلوم ہوا ہے کہ ایسی درخواستیں زیادہ تر ناجائز طور پر کئے گئے لگژری ٹیکس کے خلاف ہیں اس لئے درخواست گزار کہتا ہے چونکہ انہیں لگژری پراپرٹی ٹیکس غلط طور پر عائد کیا گیا ہے کہ لہٰذا ضرورت اس امر کی ہے کہ ٹیکس کو صحیح طور پر ایویلیو ایٹ کیا جائے جبکہ کچھ درخواست گزاروں کا موقف ہے کہ کیونکہ ان کی جائیدادیں 2کنال سے کم ہیں لہٰذا ٹیکس معاف ہونا چاہیے۔ ایکسائز ڈیپارٹمنٹ نے بتایا ہے کہ اپنی تمام درخواستیں دس دن کے اندر اندر نمٹادی جائیں گی۔ محکمہ ایکسائز کے افسران کے بقول لوگوں نے پہلے ہی احتیاط کی صورت میں اپنا پراپرٹی ٹیکس ادا کرنا شروع کردیا ہے۔ ضرورت اس امر کی ہے کہ محکمہ کی طرف سے ان اقساط کی ادائیگی آسان اقسان میں جمع کروانیکی اجازت دی جائے۔

لاہور(M92) لاہورکی ضلعی حکومتوں کی جانب سے لاہور شہر1230عمارتوں کوبوسیدہ قرار دینے کے باوجود رہائشی مقاصد کیلئے بدستور استعمال ہورہی ہیں جس کے باعث کئی قیمتی جانوں کا ضیاع ہورہا ہے۔ ذرائع کے مطابق حال ہی میں مون سون کی بارشوں میں مرنے والوں کی تعداد30سے زائد بتائی گئی ہے جبکہ سو سے زائد شہری زخمی ہونے کی اطلاعات ہیں، متعلقہ محکمے سوئے رہے ریسکیو لاشوں اور زخمیوں کو ہسپتال پہنچاتا رہا۔ کمشنر لاہورڈویژن امداد اللہ بوسال نے اس حوالہ سے ضلعی انتظامیہ کی جانب سے کئے گئے اقدامات کی تفصیلات طلب کرلی ہیں۔ ذرائع کے مطابق لاہور شہر میںبوسیدہ عمارتوں اورپرانے مکانات میں رہائش پذیر لوگوں کی زندگیوں کو شدید خطرات لاحق ہیں۔ ضلعی انتظامیہ کی جانب سے اندرون شہر میں تقریباً400، کرشن نگر اور بند روڈ کے علاقہ میں300سے زائد ماڈل ٹائون نشتر ٹائون میں230شالیمار ٹائون ، سمن آباد میں200جبکہ باقی علاقوں میں100کے قریب عمارتوں کو حساس قرار دیا گیا تھا مگر ان تمام عمارتوںمیں رہائشی موجود ہیں ا ور ان کو خالی کروانے کا عمل مایوس کن حد تک سست روی کا شکار ہے جبکہ حکومت ان عمارتوں کے متعلق کئی بار دعوے کرچکی ہے کہ ہم ان کو بہت جلد گرادیں مگر ان کے دعوے ہر بار دھرے کے دھرے رہ جاتے ہیں۔