Category پراپرٹی گائیڈ

لاہور(ایمرا نیوز آن لائن)رشوت کی روک تھام کیلئے متحرک محکمہ اینٹی کرپشن نے رشوت وصولی میں ملوث اراضی ریکارڈ سنٹرمظفر گڑھ کے دو ملازمین کو رشوت لیتے ہوئے رنگے ہاتھوں گرفتار کر لیا ۔

ذرائع کے مطابق کے ایمپلائز ایل آر او محمد عارف اور ایس ای او شاہد سلیم کو اراضی ریکارڈ سنٹر سے رشوت وصول کرتے گرفتار کیا گیا ۔ایس ای او شاہد سلیم کو جب رشوت لیتے ہوئے گرفتار کیا تو ایس ای او کی آگاہی اور نشاندہی کے نتیجے میں ایل آر او محمد عارف کو بھی گرفتار کر لیا گیا۔

ترجمان پنجاب لینڈ ریکارڈ اتھارٹی نے گرفتاریوں کی تصدیق کرتے ہوئے کرپٹ عناصر کے خلاف اس کاروائی کو احسن قرار دیا اور محکمانہ طور پر بھی ان کے خلاف انکوائری کرنے کا عندیہ دیدیا۔

لاہور (ایمرا نیوز آن لائن)اپنا گھر، اپنی جنت غریب کا بھی اپنے گھر کا خواب سچ ہوگا۔ 17 ماڈل دیہاتوں میں رورل ہاؤسنگ منصوبہ شروع کرنے کا فیصلہ۔ 50 کروڑ کے فنڈز منظور کر لئے گئے ہیں۔ وزیراعلیٰ پنجاب کی زیرصدارت اجلاس میں اہم فیصلے۔

وزیراعلیٰ پنجاب نے اس منصوبے کو پایا تکمیل پر پہنچانے اور اس میں رکاوٹیں دور کرنے کے لئے خصوصی ہدایت جاری کی ہے۔ انہوں نے کہا دیہات میں چار ایکڑ رقبے پر چھوٹے گھر بنائے جائیں گے۔

لاہور(ایمرا نیوز آن لائن) پی ایل آر اے ملازمین کی ہڑتال کی حوصلہ شکنی جائز مطالبات کے حق میں بھر پور کوشش کی یقین دہانی۔پنجاب لینڈ ریکارڈز اتھارٹی انتظامیہ کی جانب سے سٹاف کے جائز مطالبات کے حق میں بھر پور کوشش کی یقین دہانی کرائی گئی ہے۔ تاہم ہفتہ وار ہڑتال کی وجہ سے عوام کو درپیش مسائل کے پیش نظر ملازمین کے غیر ذمہ دارانہ رویے کی حوصلہ شکنی کی گئی ہے۔ ترجمان کے مطابق۔ پی ایل آر کا تمام عملہ قانونی طور پر کنٹریکٹ ملازمین ہیں۔ جن کے لم سم پیکج پر قانون دائرہ کار میں رہتے ہوئے نظر ثانی کی جا رہی ہے۔ عملہ کی فلاح کے پیش نظر ہیلتھ انشورنس کو یقینی بنانے کے لیئے بھی علی اقدامات کی گئے ہیں۔ تاہم ملازمین کی مستقلی کے حوالے سے بہت سی قانونی پیچیدگیوں کا مشاہدہ کیا جا رہا ہے۔ اس کے علاوہ ملازمتوں میں کوٹہ۔ فرد کے کمیشن کے حوالے سے ایگزیکٹیو کمیٹی اور ملازمین کے نمائندگان باہمی مشاورت سے تمام امکانات کا بغور جائزہ لے کر شفارشات مرتب کر رہے ہیں جو کہ نومبر کے پہلے ہفتے میں ہونے والی بورڈ میٹنگ میں فیصلے کے لیئے پیش کی جائیں گی۔ پی ایل آر اے انتظامیہ نے عوام کی جانب سے اراضی ریکارڈ سنٹر عملہ کے خلاف موصول ہونے والی غیر معیاری سروسز اور رشوت ستانی جیسی بیشتر شکایات پر میڈیا۔ ضلعی انتظامیہ اور حکومتی سطح پر عدم اطمینان کے اظہار کا نوٹس لیتے ہوئے تمام ملازمین کو تنبیہ کی ہے کہ وہ محض چند عناصر کے مضموم مقاصد اور ذاتی مفادات کے حصول کا آلہ کار نہ بنیں۔ بلکہ اپنے فرائض منصبی کی بہتر ادائیگی پر توجہ دیتے ہوئے عوام کے لیئے سروس ڈلیوری کو نا صرف بلا تعطل جاری رکھیں بلکہ بہتر بنائیں۔

لاہور (ایمرا نیوز آن لائن) ایل ڈی اے کے شعبہ ٹاؤن پلاننگ کا آپریشن ، آپریشن ڈیفنس روڈ اور فیروز پور روڈ پر غیر قانونی تعمیرات کے خلاف کیا گیا ۔

آپریشن میں دو املاک مسمار اور ایک کو سربمہر کر دیا گیا ۔ بغیر نقشہ تعمیر کی گئی دو دکانوں کو بھی مسمار کردیا گیا ۔

لاہور (ایمرا نیوز آن لائن ) احتساب عدالت نے پیراگون ہاؤسنگ سوسائٹی کیس میں مسلم لیگ (ن) کے رہنما خواجہ سعد اور سلمان رفیق کی بریت کی درخواستیں مسترد کردیں۔لاہور کی احتساب عدالت میں پیراگون ہاؤسنگ کیس کی سماعت ہوئی جس سلسلے میں نیب نے خواجہ برادران کو عدالت میں پیش کیا۔دورانِ سماعت خواجہ برادران کے وکیل نے اپنے دلائل میں کہا کہ پیراگون سوسائٹی پرائیویٹ ہے اس لیے نیب تحقیقات نہیں کر سکتا کیونکہ پرائیویٹ کمپنی کا کیس ایس ای سی پی کے دائرہ اختیار میں آتا ہے، نیب نے غیر قانونی طور پر تحقیقات کیں اور ریفرنس دائر کیا۔خواجہ برادران کے وکیل نے عدالت سے فرد جرم واپس لینے اور ملزمان کی رہائی کی استدعا کی۔

خواجہ برادران کے وکیل کی استدعا پر نیب پراسیکیوٹر نے مؤقف اپنایا کہ ملزمان پر فرد جرم عائد ہو چکی ہے جس کے بعد عدالت ایسی کسی درخواست کی سماعت نہیں کر سکتی لہٰذا عدالت دائر درخواست خارج کرنے کا حکم دے۔احتساب عدالت کے جج جواد الحسن نے فریقین کے دلائل سننے کےبعد خواجہ برادران کی درخواست پر فیصلہ سناتے ہوئے بریت کی استدعا مسترد کردی۔عدالت نے خواجہ برادران کی عدالتی دائرہ کار چیلنج کرنے اور عائد فرد جرم ختم کرنے کی درخواستیں بھی مسترد کردیں جب کہ عدالت نے ملزمان کے جوڈیشل ریمانڈ میں مزید 14 روز کی توسیع کرتے ہوئے انہیں واپس جیل بھیج دیا۔

علاوہ ازیں عدالت نے آئندہ سماعت پر مقدمے کے گواہان کو طلب کرتے ہوئے سماعت 30 اکتوبر تک ملتوی کردی۔واضح رہےکہ نیب نے پیراگون ہاؤسنگ کیس میں گزشتہ برس دسمبر میں ضمانت منسوخ ہونے کے بعد خواجہ برادران کو لاہور ہائیکورٹ سے گرفتار کیا تھا۔نیب نے آشیانہ ہاؤسنگ سوسائٹی کی تحقیقات میں یہ دعویٰ کیا تھا کہ سابق وفاقی وزیر ریلوے خواجہ سعد رفیق کے پیراگون سوسائٹی سے براہ راست روابط ہیں، جس کے بعد نیب لاہور نے ان کے خلاف تحقیقات کا آغاز کیا۔

نیب لاہور کی جانب سے جاری کیے گئے اعلامیے کے مطابق خواجہ سعد رفیق نے اپنی اہلیہ، بھائی سلمان رفیق، ندیم ضیاء اور قیصر امین بٹ سے مل کر ائیر ایونیو سوسائٹی بنائی، جس کا نام بعد میں تبدیل کرکے پیراگون رکھ لیا گیا۔اعلامیے کے مطابق خواجہ سعد رفیق نے اپنے اختیارات کا ناجائز استعمال کرتے ہوئے غیر قانونی ہاؤسنگ سوسائٹی کی تشہیر کی اور ساتھیوں کے ساتھ مل کر عوام کو دھوکہ دیا اور اربوں روپے کی رقم بٹوری۔نیب کے مطابق خواجہ برادران کے نام پیراگون میں 40 کنال اراضی موجود ہے۔

لاہور(ایمرا نیوز آن لائن)حکومت نے رئیل اسٹیٹ شعبے کے ڈویلپرز اور بلڈرز کے لیے آسان اور سادہ فکس ٹیکس اسکیم تیار کر لی ہے۔ایف بی آر آئندہ ہفتے اس اسکیم کا باضابطہ طور پر اجراء کرے گا، جنگ کو دستیاب دستاویزات کے مطابق بلڈرز اور ڈویلپرز کے لیے ملک بھر کی کمرشل عمارتوں کی تعمیر پر 210 روپے فی مربع فٹ ٹیکس ریٹ لا گو ہوگا جب کہ رہائشی عمارتوں کے نرخ ہر شہر کے مطابق ہوں گے۔اسکیم سے استفادے کے لیے رجسٹریشن لازمی قرار دی گئی ہے، کم لاگت ہاؤسنگ اسکیموں کے لیے ٹیکس میں 90 فیصد کمی کی جائے گی، اس اسکیم سے استفادہ کرنے والوں کے لیے ایک مرکزی دائرہ کار بنایا جائے گا اور ا یف بی آر ایک خود کار نظام کے ذریعے ڈویلپرز اور بلڈرز سے منسلک ہو گا۔

گوشوارے کے فارم کو سادہ بنایا جائے گا، آمدن کا اندازہ پر وجیکٹ کے لحاظ سے تخمینہ لگایا جائے گا اور اس کے مطابق ٹیکس لاگو ہو گا، تنازعات کے حل کے لیے کمیٹی بنائی جائے گی جب کہ نیسپاک سے سرٹیفکیٹ لینا ہو گا اور پروجیکٹ کے کورڈ ایریا اور تعمیر کی وضاحت دینا ہوگی، کوئی بھی پروجیکٹ جو 5000 مربع فٹ سے کم ہو گا اس کو اس طرح کی منظوری کی ضرورت نہیں ہو گی۔بلڈرز و ڈویلپرزا سپیشل پروسیجر رولز 2019 کے مسودے کے مطابق بلڈرز اور ڈویلپرز کو انکم ٹیکس اور گوشوارے ان رولز کے مطابق جمع کرانا ہوں گے، ان کا اطلاق ملک بھر کے انفرادی بلڈرز و ڈویلپرز ، ایسوسی ایشن آف پرسنز اور رئیل اسٹیٹ کمپنیوں کے لیے ہو گا، رولز کے تحت کسی بھی پروجیکٹ کی مدت زیادہ سے زیادہ تین سال ہوگی، تین سال سے زائد مدت کے پروجیکٹ کے لیے ایف بی آر سے منظوری لینا ہوگی۔

اس اسکیم سے استفادہ کرنے والے افراد ودہولڈنگ ٹیکس کے ایڈجسٹمنٹ کلیمز داخل نہیں کر سکیں گے، دستاویزات کے مطابق اس اسکیم کے تحت تمام افراد اپنی رجسٹریشن ایف بی آر کی ویب سائٹ کے ذریعے آئرس سسٹم کے ذریعے کرائیں گے۔ایف بی آر تین لاکھ 50 ہزار انڈسٹریل اور کمرشل صارفین کو ٹیکس نیٹ میں لانے کے لیے کوشاں ہے، مزید برآں ایف بی آر 20 ہزار برانڈز شاپس اور میگا ریٹیلرز کو بھی فروخت کے وقت کمپیوٹرائزڈ ٹیکس سسٹم میں لانا چاہتا ہے۔ایف بی آر کے ایک اعلیٰ حکام کے مطابق ہم نے پہلے ہی ملک بھر میں چمڑے اور ٹیکسٹائل کی 3824 بڑی دکانوں کو ایک سافٹ ویئر سے لنک کر دیا ہے۔

لاہور (ایمرا نیوز آن لائن) محکمہ اینٹی کرپشن ساہیوال نے پاکپتن میں شریف فیملی کی زیر ملکیت اتفاق شوگر ملز میں کارروائی کرتے ہوئے 36 کنال سرکاری اراضی واگزار کرالی۔ترجمان محکمہ اینٹی کرپشن کے مطابق اتفاق شوگر ملز 1982 سے اس رقبے پر قابض تھی جسے ضلعی انتظامیہ کے ساتھ مل کر واگزار کروا لیا گیا ہے۔

ترجمان کا کہنا ہے کہ اتفاق شوگر ملز میں 36 کنال سرکاری رقبہ غیر قانونی طور پر شامل کیا گیا تھا۔ترجمان کا کہنا تھا کہ سرکاری رقبے پر مل مالکان نے اسٹورز اور لیبارٹری قائم کر رکھی تھی جسے اینٹی کرپشن حکام نے واگزار کروا کے ریونیو عملے کے حوالے کر دیا۔ترجمان نے مزید بتایا کہ واگزار کروائی گئی سرکاری زمین کی مالیت 3 کروڑ 25 لاکھ روپے بنتی ہے، مل انتظامیہ سے 1982 سے اب تک کے بقایا جات بھی وصول کیے جائیں گے۔

لاہور (ایمرا نیوز آن لائن) جوہرٹاؤن میں پلاٹ کے جعلی کاغذات تیار کرنے کامعاملہ، اینٹی کرپشن عدالت نے ایل ڈی اے کےپانچ ملازمین پر فرد جرم عائد کردی ۔ ملزموں میں یاسین ،عثمان اورخالد شامل ہیں ۔

عدالت نے ملزموں کیخلاف گواہوں کوشہادتوں کیلئے طلب کرلیا۔ عدالت نے کیس کی سماعت 17 ستمبر تک ملتوی کردی ۔

لاہور(ایمرا نیوز آن لائن)لاہورکو دبئی بنانے کا خواب، لاہور کی تاریخ میں پہلی بار 23منزلہ عمارتیں تعمیر کرنے کی اجازت دیدی گئی۔ تفصیلات کے مطابق لاہور ڈویلپمنٹ اتھارٹی کے گورننگ بورڈ کا اجلاس ہوا،جس میں وائس چیئرمین ایس ایم عمران، ڈی جی ایل ڈی عثمان معظم اور دیگر نے شرکت کی۔اجلا س میں ایل ڈی اے نے بلڈنگ ریگولیشن 2009 میں ترمیم کی منظوری دے دی، گورننگ باڈی سے منظوری کے بعد ایل ڈی اے بلڈنگ ریگولیشن 2019 متعارف کرائے گئے۔

تفصیلات کے مطابق 10 مرلہ پلاٹ پر گراؤنڈ فلور سمیت 3 منزلیں 50 فٹ تک بنانے کی اجازت ہوگی، ایک کنال پلاٹ پر گراؤنڈ فلور سمیت6 منزلیں 90 فٹ بلندی تک بنانے کی اجازت دے دی گئی جبکہ دو کنال پلاٹ پر 10 منزلیں 120 فٹ اونچائی تک تعمیر کرنے کی اجازت دی گئی، چار کنال پلاٹ پر 200 فٹ تک 15 منزلیں اور سروس فلور تعمیر کیے جاسکیں گے،آٹھ کنال پلاٹ پر عمارت 300 فٹ تک اونچی اور 23 منزلیں بناسکتے ہیں،12 کنال اور اس سے زائد پلاٹ کے لیے عمارت کی حد اونچائی کی شرط ختم کردی گئی۔

اس حوالے سے ڈی جی ایل ڈی اے عثمان معظم نے کہا کہ بلڈنگز کی تعمیر کے لئے تمام تر قانونی پہلوئوں پر عملدآمد کرنا لازم ہو گا۔ ایل ڈی اے کی جانب سے جاری اعلامیہ میں کہا گیا ہے کہ ایل ڈی اے کی گورننگ باڈی کے اجلاس میں ماسٹر پلان کی تیاری کے لئے کمیٹی قائم کر دی ہے۔اجلاس میں لاہور کے ماسٹر پلان 2040ئکی تیاری کے لئے کام شروع کرنے کی منظوری دی گئی ۔اجلاس میں پنجاب انفارمیشن ٹیکنالوجی بورڈ کے ساتھ جوائنٹ وینچر کی بنیاد پر سابقہ کوٹ لکھپت منڈی کی118کنال اراضی پر ٹیکنالوجی زون قائم کرنے کے لئے طریقہ کار وضع کرنے کی اصولی منظوری بھی دی گئی۔

لاہور(رپورٹ :ذیشان علی ، اپنے نمائندے سے) ایل ڈی اے کی پرائیویٹ ہاوسنگ برانچ کا سی ایم پی ندیم اختر زیدی کی ہدایت پر غیر قانونی ہاوسنگ سکیموں کے خلاف آپریشن ،ایل ڈی اے کی پرائیویٹ ہاوسنگ سکیم کی ڈائریکٹر بشری نصیر کے حکم پر پاک عرب ہاوسنگ سکیم کےخلاف کارروائی،

ایل ڈی اے کی پرائیویٹ ہاوسنگ سکیم برانچ نے فیروز پور روڈ پر نجی ہاوسنگ سکیم پاک عرب کی غیر قانونی کمرشل مارکیٹیں مسمار کردی۔پاک عرب ہاوسنگ سکیم کی انتظامیہ ہاوسنگ سکیم اور نقشے کی منظوری کے بغیر ہے تعمیرات اور ترقیاتی کام شروع کر رکھے تھے۔

ڈی جی ایل ڈی اے نے غیر قانونی تعمیرات کے خلاف بلاامیتاز کاروائی جاری رکھنے کی ہدایت کر دی۔