Category سائنس اور ٹیکنالوجی

جاپان: ٹوکیو 2020 کے اولمپکس گیمز کے لیے سونے، چاندی اور کانسی کے تمغوں کو پرانے موبائل فونز کو ری سائیکل کر کے تیار کر لیا گیا۔

اولمپکس میں دیئے جانے والے تمغوں کو 47 ٹن موبائل فونز کو ری سائیکل کر کے بنایا گیا ہے۔

2017 میں’ دی میڈل پراجیکٹ‘ کے نام سے ایک مہم شروع کی گئی جس میں جاپان بھر سے ناکارہ موبائل فونز کو جمع کرنے کا فیصلہ کیا گیا۔

اس مہم میں تمام موبائل فون اور چھوٹی الیکٹرانک ڈیوائسز کو جاپان سے ہی جمع کرنے کا آغاز کیا گیا جب کہ جاپان کی سب سے بڑی موبائل فون کمپنی ٖ’ڈوکومو‘ نے بھی اس مہم میں اپنا بھرپور کردار ادا کیا۔

اکتوبر 2019 میں اس میڈل پراجیکٹ میں جاپان بھر سے لوگوں نے موبائل فون اکھٹا کرنے میں پراجیکٹ انتظامیہ کا ساتھ دیا، 47 ٹن موبائل فونز (جو کہ تقریبا 5 ملین استعمال شدہ موبائل ہیں) جمع ہونے کے بعد اس میں سے دھات کو نکالنے کا عمل شروع کیا گیا۔

’دی میڈل پراجیکٹ‘ کے مطابق انہوں نے اتنے موبائل فون اکھٹے کر لیے تھے کہ ان سے 2,500 سے زائد تمغے جو کہ اولمپکس میں تقسیم کیے جاتے ہیں باآسانی بن جائیں۔

موبائل فونز کو ری سائیکل کر کے ان میں سے 66 پاؤنڈ سونا، 9000 پاؤنڈ چاندی اور 6000 پاؤنڈ کانسی نکالا گیا۔

خیال رہے کہ اولمپکس میں دیئے جانے والے تمغے کا وزن 500 گرام ہوتا ہے جب کہ سونے کے تمغے کو بنانے کے لیے معمولی مقدار میں سونا استعمال کیا جاتا ہے۔

اس پراجیکٹ کا بنیادی مقصد ماحول میں سے کاربن ڈائی آکسائیڈ گیس کا خاتمہ کرنا ہے اور ماحول کو کاربن سے پاک کرنے کے لیے یہ ایک اہم قدم ہے جب کہ ان ری سایئکل موبائل فونز سے بننے والے تمغوں کی ربن بھی ایسے پلاسٹک سے تیار کی گئی ہے جس میں کاربن نہیں ہے۔

x

ایپل کے نئے آئی فون ستمبر میں متعارف کرائے جانے کا امکان ہے اور اس بار بھی یہ کمپنی 3 نئی ڈیوائسز ہی صارفین کے لیے پیش کرے گی۔

نائن ٹو فائیو میک کی ایک رپورٹ میں بتایا گیا کہ اس سال بھی ایپل کی جانب سے 3 نئے آئی فونز متعارف کرائے جائیں گے جن کو ممکنہ طور پر آئی فون 11 سیریز قرار دیا جائے گا۔

اس بار فونز ڈیزائن کے لحاظ سے گزشتہ سال کے فونز سے زیادہ مختلف نہیں ہوں گے تاہم ان میں پہلے سے زیادہ بہتر پراسیسر اور کیمرا سسٹم دیا جائے گا۔

اس سے قبل وال اسٹریٹ جرنل کی ایک رپورٹ میں بھی کہا گیا تھا کہ 2019 میں ایپل کی جانب سے 3 نئے آئی فونز متعارف کرائے جائیں گے۔

ان نئے آئی فونز میں ایپل کے تیار کردہ نئے پراسیسر اے 13 کو دیا جائے گا جبکہ آئی فون ایکس ایس (10 ایس) اور ایکس ایس میکس (10 ایس میکس) کے اپ ڈیٹ ماڈلز میں او ایل ای ڈی ریٹینا ڈسپلے ہوگا۔

018 کے ایل سی ڈی ڈسپلے واکے آئی فون ایکس آر (10 آر) کے اپ ڈیٹ ورژن میں کم ریزولوشن والا لیکوئیڈ ریٹینا ڈسپلے دیئے جانے کا امکان ہے۔

رپورٹ میں یہ بھی بتایا گیا کہ ایپل کی جانب سے ایک نیا ٹیپٹک انجن تیار کیا جارہا ہے جو ڈسپلے میں پریشر سنسیویٹی صلاحیت میں اضافہ کرے گا۔

رپورٹ کے مطابق آئی فون ایکس ایس اور ایکس ایس میکس کے اپ ڈیٹ ماڈلز میں بیک پر 3 کیمروں کا سیٹ اپ دیا جائے گا اور یہ پہلی بار ہوگا جب ایپل اپنے فونز میں 3 بیک کیمروں کا سیٹ اپ متعارف کرائے گی۔

ان کیمروں میں وائیڈ اینگل لینس کے ساتھ ایک نیا فیچر اسمارٹ فریم بھی دیا جارہا ہے جو تصویر کھیچنے کے بعد ان کی ایڈیٹنگ اور کراپبنگ کو بہتر بنائے گا۔

2019 میں سوشل میڈیا کی ایپلیکیشن ’اسنیپ چیٹ‘ کی مقبولیت میں اضافہ ہوگیا جس سے اس کے صارفین کی تعداد پچھلے سال کے مقابلے میں واضح حد تک بڑھ گئی ہے۔

کمپنی کے مطابق ایک صارف دن میں 30 منٹ اسنیپ چیٹ ایپ استعمال کرتا ہے اور صارفین کی زیادہ تر تعداد کا تعلق یورپ اور شمالی امریکا سے ہے، کمپنی نے اپنی ایپ کو دوبارہ ڈیزائن کیا تاکہ صارفین کی تعداد میں اضافہ ہو۔

اسنیپ چیٹ کے سی ای او ’ایون اسپیگل‘ کا کہنا تھا کہ 2019 میں کمپنی کی کمائی میں 3 گنا اضافہ ہوا ہے۔

اس سال اسنیپ چیٹ پر ’ڈیلی ایکٹو یوزر‘ یعنی روز اسنیپ چیٹ استعمال کرنے والے صارفین کی تعداد 203 ملین رہی اور اس سال کمپنی کا ریونیو 388 ملین ڈالر رہا جو کہ پچھلے سال کے مقابلے میں 48 فیصد زیادہ ہے۔

اسنیپ چیٹ کے صارفین میں اضافے کی بڑی وجہ اس ایپ کے نئے فلٹرز ہیں جس میں ’جینڈر سوئچ‘ (اس فلٹر میں لڑکے کی شکل لڑکی اور اسی طرح لڑکی کی شکل لڑکے میں تبدیل ہوجاتی ہے) مقبول ترین اور سب سے زیادہ استعمال کیے جانے والا فلٹر سمجھا جارہا ہے۔

بہت سے صارفین نے اس فلٹر کو استعمال کرنے کے لیے ایپ کو ڈاؤن لوڈ کیا

امریکہ (ایمرا نیوز آن لائن)امریکا کی ایک کمپنی نے چھوٹے سفر کے لیے ایک سیٹ والا الیکٹرک طیارہ تیارکرلیا ہے۔اس طیارے کو لفٹ کا نام دیا گیا ہے جو زیادہ سے زیادہ 15 منٹ تک بحفاظت پرواز کی صلاحیت رکھتا ہے ۔ چھوٹے سفر کیلئے ایک سیٹ والا الیکٹرک طیارہ تیار یہ طیارہ مختصر تفریحی سفر کے لیے استعمال کیا جاسکے گا۔

اسے اڑانے کے لیے کسی لائسنس کی ضرورت نہیں ہوگی اور یہ صرف جوائے اسٹک کے ذریعے اڑایا جاسکتا ہے ۔

ناروے: دو نشتوں والے ننھے الیکٹرک جہاز کی کامیاب آزمائشی پرواز

کمپنی کا کہنا ہے کہ طیارہ اس سال کے آخر تک فروخت کے لیے پیش کردیا جائے گا ۔

ڈھاکہ (ایمرا نیوز آن لائن) بنگلہ دیش میں 2010 کے بعد سے اب تک ہیڈ فون لگا کر ریلوے ٹریک پر چلتے ہوئے ہلاک والے افراد کی تعداد 535 ہو گئی ہے۔ میڈیا کے مطابق یہ انکشاف ڈھاکہ کی پولیس نے کیا۔ پولیس کا کہنا ہے کہ ریلوے ٹریک پر ہیڈ فون لگا کر موسیقی سننے اور باتیں کرنے والے افراد اب نیا خطرہ بن چکے ہیں۔ 16 کروڑ 50 لاکھ آبادی کے جنوبی ایشیا کے ملک میں باڑ کے بغیر ریلوے ٹریکس انتہائی خطرناک ہیں جہاں ہر سال حادثات اور خود کشی کے ایک ہزار واقعات ہوتے ہیں۔
ڈھاکہ ریلوے پولیس کے سربراہ کا غیر ملکی خبر رساں ادارے سے بات چیت کرتے ہوئے کہنا تھا کہ بنگلہ دیش میں ریلوے ٹریک پر ہیڈ فون لگا کر چلنے پر پابندی عائد ہے تاہم پھر بھی لوگ پابندی کو نظر انداز کرتے ہیں اور ٹریک کی زد میں آ کر ہلاک ہو جاتے ہیں۔ریلوے پولیس بنگلہ دیش نے ٹریک پر ہیڈ فون کا استعمال روکنے کے لیے عوام میں آگاہی مہم بھی چلائی، پولیس کے مطابق 2014 میں ٹرین کی زد میں آنے سے زیادہ 109 ہلاکتیں ہوئیں۔ آگاہی مہم کے ذریعے ہلاکتوں میں کمی ہوئی تاہم گذشتہ برس بھی ہیڈ فون کے استعمال کے باعث 54 افراد ریلوے ٹریک پر جان سے ہاتھ دھو بیٹھے۔
ریلوے پولیس کے نائب سربراہ مرشد عالم کے مطابق انہوں نے عوام میں آگاہی پیدا کرنے کے لیے ریلیاں منعقد کرائیں، پمفلٹس تقسیم کیے اور مائیکرو فون کے ذریعے بھی پیغام پہنچایا، تاہم پھر بھی لوگ ریلوے ٹریک پر ایسے چلتے ہیں جیسے وہ اس کے خطرناک نتائج سے لاعلم ہوں۔
مرشد عالم کا کہنا تھا کہ ریلوے ٹریک کے قریب جھگیوں میں ہزاروں افراد رہتے ہیں جبکہ کھانے پینے کے عارضی سٹالز بھی خطرناک حد تک ٹریک کے قریب ہیں۔ پیدل چلنے والوں کے تعاون کے بغیر ریلوے ٹریک کو محفوظ بنانا ناممکن ہے۔ بنگلہ دیش میں گذشتہ برس ہیڈ فون کے استعمال کے باعث ریلوے ٹریک پر 54 افراد جان سے ہاتھ دھو بیٹھے۔
پولیس کے مطابق گذشتہ ساڑھے چھ برس میں ملک کے 2800 کلو میٹر طویل ریلوے ٹریک پر حادثات اور خود کشی کے واقعات میں چھ ہزار افراد جان سے ہاتھ دھو بیٹھے ہیں۔ انڈیا جہاں دنیا کا ایک بڑا ریلوے نیٹ ورک موجود ہے میں ہر سال 25 ہزار کے قریب افراد ریلوے ٹریکس پر حادثات اور خود کشیوں کے واقعات میں ہلاک ہوتے ہیں، تاہم ہیڈ فون کے استعمال سے مرنے والے افراد کے اعداد و شمار دستیاب نہیں ہیں۔

(ایمرا نیوز آن لائن)
کیلیفورنیا: پیغام رسانی کی مقبول ترین ایپلی کیشن’واٹس ایپ‘ نے اسٹیٹس اسٹوریز کو فیس بک اور انسٹاگرام پر براہ راست شیئر کرنے کے لیے نئے فیچر کی آزمائش کی ہے۔

واٹس ایپ اپنے صارفین کی اسٹیٹس اسٹوریز کو دیگرسماجی ویب سائٹس فیس بک ، انسٹاگرام، جی میل اور گوگل پر براہ راست شیئر کرنے کی سہولت فراہم کرنے کے لیے نئے فیچر کی تیاری میں مصروف ہے۔

نئے فیچر کے تحت واٹس ایپ اسٹیٹس اسٹوری کو دیگر ایپس پر شیئر کرنے کے لیے آپشن فراہم کیا جائے گا جس کا انتخاب کرکے اسٹیٹس کو براہ راست دوسری ایپس پر با آسانی شیئر کیا جاسکے گا۔
رپورٹ کے مطابق واٹس ایپ اس فیچر کی آزمائش میں مصروف ہے اور بعض صارفین کو بی ٹا ورژن کے ذریعے تجرباتی بنیادوں پر اس فیچر تک رسائی دی گئی ہے۔

اس وقت انسٹاگرام اور فیس بک کو اسٹیٹس اسٹوری کے لیے باہمی طور پر منسلک کیا گیا ہے تاہم فیس بک کی ملکیت پیغام رسانی کی ایپلی کیشن ’واٹس ایپ‘ میں یہ سہولیت میسر نہیں۔

خیال یہی کیا جارہا ہے کہ فیس بک کے سی ای او مارک زکربرگ کے ویژن 2020 کے تحت واٹس ایپ، فیس بک اور انسٹاگرام کو باہمی منسلک کرکے مشترکہ فیچرز سے صارفین کے لیے نئی آسانیاں پیدا کی جائیں۔

لاہور (میڈیا 92 نیوز آن لائن ) سماجی رابطوں کی ویب سائٹ ٹوئٹر نے دنیا بھر کے رہنماؤں، سرکاری ملازمین اور سیاسی قائدین کیخلاف اہم اعلان کیا ہے جس کے مطابق ان لوگوں کے مفاد عامہ سے تضاد رکھنے والے ٹوئٹس ہٹا دیے جائیں گے۔

مختلف ممالک کے نمایاں سرکاری حکام اگر ٹوئٹر کے نئے ضابطہ اخلاق کی خلاف ورزی کریں گے تو ان کی مذکورہ ٹوئٹس چھپا(ہائیڈ) دی جائیں گی۔

سماجی رابطوں کی ویب سائٹ نے اس بات کا اعتراف کیا ہے کہ ماضی میں کیے گئے بیشتر فیصلوں پرعمل نہیں ہوسکا لیکن نئی پالیسی کا اطلاق 27 جون 2019 سے ہو جائے گا۔

اب ہوگا کیا؟

کمپنی کی نئی پالیسی کے مطابق جن ٹوئٹس کو ہائیڈ کیا جائے گا وہ تلاش(سرچ) کرنے پر بھی نظر نہیں آئیں گے اور انہیں خودکار نظام کے تحت پھیلایا بھی نہیں جائے گا۔

دنیا بھر کی سیاسی شخصیات، قائدین، مختلف مملک کے سربراہان اور اعلیٰ حکومتی عہدے دار نئی پالیسی کی زد میں آئیں گے۔

ٹوئٹر کی نئی پالیسی کے مطابق جن ٹوئٹس میں تشدد پر اکسانے یا دھمکی آمیز الفاظ کا استعمال کیا جائے گا وہ بھی ہائیڈ کر دیے جائیں گے۔

اس پالیسی کا اطلاق ان لوگوں پر ہوگا جو کسی حکومت میں نمایاں عہدہ رکھتے ہیں یا اس کے امیدوار ہیں۔ اگر کسی سرکاری عہدیدار کا اکاؤنٹ تصدیق شدہ نہیں ہے یا اس کے پیروکا(فالورز) دس ہزار سے کم ہیں تو اس پر نئی پالیسی کا اطلاق نہیں ہوگا۔

27 جون 2019 سے قبل کیے گئے ٹوئٹس پر نئی پالیسی کا اطلاق نہیں ہوگا۔

ہم نے ٹوئٹر کی نئی پالیسی پر مختلف صارفین سے بات کی ہے جن میں سے اکثر کا کہنا ہے تھا یہ اچھائی کی جانب چھوٹا لیکن پہلا قدم ہے۔

صارفین کا کہنا ہے کہ نئی پالیسی سے جھوٹی خبروں اور دوسروں کو ہراساں کرنے کا تدارک فوری تو ممکن نہیں لیکن اس سے ظاہر ہے کہ کمپنی ان مسائل کو حل کرنے میں دلچسپی رکھتی ہے۔ ان کا کہنا تھا سماجی رابطوں کی ویب سائٹ کو پالیسی کا دائرہ کار بڑھانا چاہیے تاکہ سوشل میڈیا کا منفی استعمال کم ہو۔

ٹیکنالوجی کی دنیا میں ایپل کو اہم مقام دلوانے والے آئی فون کے ڈیزائنر سر جونی آئیو نے کمپنی کو خیرباد کہہ دیا۔

سرجوناتھن نے آئی میک، آئی پوڈ اور آئی فون ڈیزائن کیے اور وہ تقریباً 30 سال تک اپیل سے وابستہ رہے جب کہ وہ اب ایپل کے بعد اپنی تخلیقی فرم بنارہے ہیں۔

انہیں 1996 میں ایپل کے بدترین معاشی بحران کے دور میں کمپنی کے ڈیزائن اسٹوڈیو کا سربراہ مقرر کیا گیا۔

جونی آئیو نے 1998 میں آئی میک اور 2001 میں آئی پوڈ متعارف کرایا جب کہ 2004 میں آئی پوڈ منی، 2007 میں آئی فون، 2008 میں میک بک ائیر، 2010 میں آئی پیڈ، 2015 میں ایپل واچ اور 2016 میں ائیرپوڈز متعارف کرائے۔

جونی آئیو کا حال ہی میں ختم ہونے والا پروجیکٹ ایپل پارک ہے جو برطانوی آرکیٹیکچر کے ساتھ ڈیزائن کیا گیا۔

ایپل کے سربراہ ٹم کک نے کمپنی کی تجدید میں جونی آئیو کے کردار کو ناقابل فراموش قرار دیا ہے۔

جونی آئیو کا کہنا ہےکہ اپیل کے ساتھ گزرے تقریباً 30 سال اور متعدد پروجیکٹ پر انہیں فخر ہے۔

اس سے قبل اپریل میں ایپل کی ریٹیل چیف نے بھی اپنا عہدہ چھوڑا ہے اور سرمایہ کار آئی فون کی گرتی ہوئی فروخت سے پریشان ہیں۔

کراچی(ایمرا نیوز آن لائن) ناسا کے خلاف باز 204روز بعد زمین پر واپس پہنچ گئے۔ بھارتی میڈیا کے مطابق ناسا کی خلاف باز اپنی میک کلین ، خلانور داد لیگ کو نوٹینگو اور کینیڈا کی اسپیس ایجنسی کے ریکارڈ ہولڈر ڈیوڈ سینٹ جیکس 204دن بعد با حفاظت زمین پر واپس پہنچ گئے۔ ایک انچ حادثہ کے بعد یہ پہلا عملہ ہے جو اس تیزی سے واپس آیا ہے۔ اس خلائی حادثہ کے بعد روس کے خلائی پروگرام پر گہرے شک و شبہات پیدا ہو گئے ہیں۔

لاہور (میڈیا 92 نیوز آن لائن ) واٹس ایپ نے گزشتہ ماہ اعلان کیا تھا کہ وہ رواں سال کے آخر تک ونڈوز اسمارٹ فونز کے لیے سپورٹ ختم کردی جائے گی۔

اور اب یہ اعلان سامنے آیا ہے کہ دنیا کی مقبول ترین میسجنگ اپلیکشن یکم جولائی کے بعد مائیکرو سافٹ اسٹور سے بھی ہٹالی جائے گی، یعنی صارفین اسے انسٹال کرکے استعمال نہیں کرسکیں گے۔

واٹس ایپ کے ایف اے کیو پیج کے مطابق تمام ونڈوز آپریٹنگ سسٹمز پر 31 دسمبر کے بعد صارفین واٹس ایپ کو استعمال نہین کرسکیں گے جبکہ ہوسکتا ہے کہ یکم جولائی کے بعد یہ مائیکرو سافٹ اسٹور پر بھی دستیاب نہ ہو۔

اس بیان میں یکم جولائی کے بعد ایپ کی عدم دستیابی کے حوالے سے شاید کا لفظ استعمال ہوا ہے مگر یہ واضح ہے کہ یہ بہت جلد مائیکرو سافٹ اسٹور سے ڈیلیٹ کردی جائے گی۔

رواں سال کے آخر تک واٹس ایپ کی جانب سے سپورٹ ختم ہونے پر ونڈوز فونز کے صارفین کے لیے اس مقبول ترین میسجنگ اپلیکشن میں بگز فکسز، اپ ڈیٹس اور نئے فیچرز کا حصول ممکن نہیں ہوگا۔

اور ہاں ونڈوز فونز میں اس کے بیشتر فیچرز کسی بھی وقت اچانک کام کرنا بند بھی کردیں گے۔

ونڈوز فون مائیکرو سافٹ کا وہ آپریٹنگ سسٹم ہے جس کو خود کمپنی نے سپورٹ ختم کرنے کا اعلان کیا ہے اور اس وقت دنیا بھر میں 0.28 فیصد صارفین ونڈوز موبائل استعمال کررہے ہیں جبکہ اینڈرائیڈ صارفین کی تعداد 74.85 فیصد ہے۔

مائیکرو سافٹ پہلے ہی تمام ونڈوز فونز کے لیے سپورٹ ختم کرنے کا اعلان کرچکی ہے بلکہ صارفین کو اینڈرائیڈ یا آئی او ایس پر منتقل ہونے کا مشورہ دے چکی ہے۔

ونڈوز فونز سے پہلے واٹس ایپ بلیک بیری آپریٹنگ سسٹم، بلیک بیری 10، نوکیا ایس 40، نوکیا سامبا ایس 60، اینڈرائیڈ 2.1، اینڈرائیڈ 2.2، ونڈوز فون 7، آئی فون تھری جی/آئی او ایس سکس کے لیے سپورٹ ختم کرچکی ہے۔

واٹس ایپ نے یکم فروری 2020 اینڈرائیڈ 2.3.7 اور آئی فون آئی او ایس کے لیے بھی سپورٹ ختم کرنے کا اعلان بھی کیا ہے۔