Category سائنس اور ٹیکنالوجی

سان فرانسسکو(وقت نیوز آن لائن)فیس بک چیٹ اور واٹس ایپ کی طرح اب ٹویٹر نے بھی ایموجی پیش کردیئے ہیں جنہیں براہِ راست پیغام میں شامل کیا جاسکتا ہے۔

اس طرح صارفین کسی بھی گفتگو کے تھریڈ میں اپنے احساسات اور جذبات ایموجی کی صورت میں داخل کرسکیں گے۔ اس موقع پر ٹوئٹر نے اپنے ایک بیان میں کہا ہے:

’ اب براہِ راست پیغام خواہ وہ متن کی صورت میں ہو یا میڈیا کی شکل میں، ایموجی کو فوری طور پر شامل کرنا بہت آسان ہے۔ جس جگہ ایموجی لگانی ہو وہاں کرسر لائیں تو دل اور جمع کے نشان کا آئکن نمودار ہوگا ۔ یا پھر فون پر ایموجی لانے کے لیے ڈبل ٹیپ کیجئے اور پاپ اپ آئکن میں سے کوئی بھی ایموجی منتخب کیجئے۔‘

آپ کسی بھی وقت اسے ہٹاسکتےہیں اور یہ تمام شرکا کے پیغام سے بھی ہٹ جائے گا خواہ ان کی تعداد ہزاروں میں ہی کیوں نہ ہو۔ کسی بھی ٹویٹ کے ردِ عمل میں آپ ٹیپ کرکے دیکھ سکتے ہیں کہ کس کس نے آپ کے پیغام میں اپنا ایموجی اظہار کیا ہے۔ اسی طرح ایموجی چلتی رہے گی اور اس کا اظہار آپ کی لسٹ میں موجود ہرفرد تک پہنچتا رہے گا۔

گزشتہ برس اکتوبر میں ٹوئٹر نے پہلی بار اس کا عندیہ دیا تھا جسے تجزیہ نگاروں نے محسوس کیا تھا۔ ٹویٹر کے مطابق اب ایموجی کی تعداد کو مزید بڑھایا جائے گا۔ ٹویٹر نے اس سے قبل ایموجی ری ایکشن شامل کرنے کے منصوبے بنائے تھے لیکن وہ روبہ عمل نہ ہوسکے۔

اب دنیا کی مشہور ایپس اور سوشل میڈیا میں ایموجی کے استعمال اور مقبولیت کے بعد ٹویٹر نے حتمی طور پر انہیں داخل کرنے کا منصوبہ بنایا ہے۔ لیکن یاد رہے کہ اس کے لیے صارفین کو ٹویٹر کا نیا ورژن انسٹال کرنا ہوگا۔

(ایمرا نیوز آن لائن)
مقبول فوٹو شیئرنگ ایپ انسٹاگرام نے بڑی تبدیلی کا فیصلہ کرتے ہوئے انسٹاویب پر ڈائریکٹ میسج (ڈی ایم) کا فیچر جلد متعارف کرانے کا اعلان کیا ہے۔یعنی کہ اب انسٹاگرام صارفین اپنے دوستوں کے پیغامات صرف موبائل ایپ کے ذریعے موصول نہیں کریں گے بلکہ ڈیسک ٹاپ پر بھی انسٹا ویب پر موصول کر پائیں گے۔ضرور پڑھیں: ہر 3 میں سے ایک پاکستانی نوکری سے ہاتھ دھو بیٹھا لیکن اب بھی کتنے لوگوں کی ملازمتیں خطرے میں ہیں؟ ایسا انکشاف کہ آپ کو بھی شدید دکھ ہوگاٹیکنالوجی ویب سائٹ ٹیک کرنچ کے مطابق گزشتہ روز اس فیچر کی آزمائش کے لیے چند صارفین کو انسٹا ویب پر پیغامات بھیجنے اور موصول کرنے کے لیے ڈی ایم فیچر کی سہولت فراہم کی گئی تھی۔رپورٹ کے مطابق انسٹاگرام کی ویب پر ڈائریکٹ میسج کا فیچر ویسا ہی کام کرے گا جیسے ایپ پر کرتا ہے۔تمام صارفین ویب پر بھی ڈی ایم فیچر کے ذریعے گروپ اور اپنے علیحدہ دوست سے با آسانی بات چیت کرسکیں گے۔
ویب پر ڈی ایم کا فیچر صارف کے پروفائل پیج پر واضح ہوگا اور ساتھ ہی ڈیسک ٹاپ پر ڈی ایم کا نوٹیفکیشن بھی دستیاب ہوگا مگر اس کے لیے صارف کو نوٹیفکیشن والے آپشن کو اپنے ویب براو¿زر پر فعال کرنا پڑے گا۔مذکورہ فیچر سے متعلق سافٹ ویئر انجینیئر جین منچون وونگ نے بتایا کہ ڈیسک ٹاپ پر ڈی ایم کے فیچر کو متعارف کروانے کا کام ایک سال پہلے سے جاری ہے تاہم اب امکان ہے کہ جلد اسے باقاعدہ طور پر انسٹاگرام ویب پر جاری کردیا جائے گا۔

(ایمرا نیوزآن لائن) امریکی ائیر فورس نے تین ماہ سے بھی کم قت میں بلیسٹک میزائل کا ایک اور تجربہ کیا ہے۔

امریکی نیو کلیئر میزائل فورس کا یہ اپنی نوعیت کا دوسرا تجربہ ہے، بلیسٹک میزائل کیلی فورنیا میں وینڈن برگ ائیر فورس بیس سے فائر کیا گیا جس نے بحر الکاہل میں اپنے ہدف کو نشانہ بنایا۔ امریکی حکام کی جانب سے اس بلیسٹک میزائل کے تجربے کی کوئی وجہ نہیں بتائی گئی تاہم اسے امریکی نیوکلیئر میزائل ڈیفنس سسٹم کی آپریشنل صلاحیت کے اظہار کے طور پر دیکھا جا رہا ہے۔

2 اکتوبر کو بھی امریکی ائیر فورس نے بین البراعظمی بلیسٹک میزائل کا تجربہ کیا تھا۔ واضح رہے کہ 2 اکتوبر کو بھی امریکی ائیر فورس نے بین البراعظمی بیلسٹک میزائل کا تجربہ کیا تھا۔

لاہور(ایمرا نیوز آن لائن) : مشہور سرچ انجن گوگل کے فوائد سے کون واقف نہیں، دنیا بھر کی معلومات حاصل کرنے کے لیے اگر کسی شخص کے پاس انٹرنیٹ موجود ہے تو وہاں گوگل سرچ انجن پر جا کر معلومات حاصل کر سکتا ہے، اب گوگل مزید ایک نیا فیچر متعارف کرا رہا ہے جسے ’’ٹریک پیکیج‘‘ کہا جا رہا ہے۔
غیر ملکی خبر رساں ادارے کے مطابق معروف امریکی کمپنی گوگل نے صارفین کو جدید تر سہولیات کی فراہمی کو یقینی بنانے کے لیے اپنے سرچ انجن میں نئے فیچر کی آزمائش شروع کر دی ہے۔ گوگل جلد ’ٹریک پیکج‘ کی خصوصیت کو سرچ انجن میں شامل کرنے والا ہے۔
یہ ایک ایسا فیچر ہوگا جس میں آن لائن خریداری کی بیشمار کمپنیوں کو شامل کیا گیا ہے۔ کمپنیوں کو شامل کرنے کا مقصد ہو گا کہ صارف آن لائن پیکیج کی جانچ پڑتال اب گوگل سرچ انجن کے ذریعے ہی حاصل کر لیں گے اور صارف گوگل کے ذریعے ہی اپنے پیکیج کو ٹریک کر سکیں گے۔
اس فیچر کو گوگل سرچ کے ساتھ ضم کیا جائے گا،جس کا مطلب ہے کہ اب سرچ بار کے نیچے ایک آپشن ہوگا جو ’پیکیج ٹریکنگ‘ کی مخصوص تفصیلات تلاش کرنے کے لیے استعمال کیا جائے گا۔
صارفین کو سب سے پہلے اس سیکشن میں کمپنی کا نام درج کرنا ہوگا جس کے بعد گوگل پیکیج کی معلومات فراہم کرے گا۔ مثال کے طور پر اگر آپ نے کوئی پروڈکٹ ایمیزون سے خریدی ہے اور آپ اس آرڈر کی تفصیلات جاننا چاہ رہے ہیں تو آپ کو سرچ انجن پر ’پیکیج ٹریکنگ‘ کے سیکشن میں ’ایمیزون پیکیج ٹریکنگ‘ لکھنا ہوگا جس کے بعد گوگل آپ سے ٹریکنگ نمبر مانگے گا، ٹریکنگ نمبر درج کرنے کے بعد گوگل آپ کے پیکیج کے حوالے سے معلومات فراہم کرے گا۔
ان معلومات میں آپ کے آرڈر کی ترسیل کی متوقع تاریخ کے ساتھ ساتھ پروڈکٹ کی تفصیلات بھی شامل ہوں گی۔ معروف کمپنی گوگل صارف کو یہ تجربہ پیش کرنے کے لیے مختلف ای کامرس اداروں کے ساتھ تعاون کرے گی۔

(ایمرا نیوزآن لائن) معروف میسیجنگ اور کالنگ ایپ واٹس ایپ نے رواں سال صارفین کو تحفظ اور سہولت فراہم کرنے کے لیے بے شمار حیرت انگیز اقدامات کیے ہیں۔

پیغامات کی راز داری، فنگر پرنٹ لاک، سیلف ڈسٹرکٹو میسج اور دیگر نئے فیچرز کے بعد اب واٹس ایپ نے حال ہی میں اینڈرائڈ اور آئی او ایس صارفین کے لیے ایپ کے کالنگ فیچر میں ایک نئی تبدیلی کی ہے۔

اس نئے فیچر کا نام ’کال ویٹنگ‘ ہے، اس فیچر کے ذریعے صارفین اگر واٹس ایپ پر کسی سے کال پر بات کر رہے ہوں گے تو اس دوران انہیں کسی دوسرے شخص کی کال آئے گی تو وہ اس کال کو ریسیو کر سکیں گے، یہ فیچر واٹس ایپ میں پہلے دستیاب نہیں تھا۔

کال ویٹینگ فیچر سے صارفین کو کال پر بات کرتے ہوئے یہ بھی معلوم ہو جائے گا کہ دوسری کال کرنے والا شخص کون ہے، اور اگر وہ اس کی کال ریسیو کرنا چاہیں گے تو وہ کر سکتے ہیں۔ جہاں اس فیچر کو بے حد بہترین سمجھا جا رہا ہے وہیں اس فیچر میں ایک چیز کی کمی ہے۔

وہ کمی یہ ہے کہ کال پر بات کرتے دوران دوسری کال ریسیو کرنے پر آپ کا رابطہ پہلی والی کال سے منقطع ہو جائے گا اور جب آپ دوسری کال پر بات کر لیں گے تو پہلی کال پر بات کرنے والے شخص کو آپ سے دوبارہ رابطہ کرنا پڑے گا۔ اس فیچر میں کال ہولڈ کرنے کا آپشن شامل نہیں ہے، یہی وجہ ہے کہ دوسرے شخص کی کال اٹھانے پر پہلی کال سے رابطہ منقطع ہو جائے گا۔

(ایمرا نیوزآن لائن) دنیا میں اب تک کوئی ایسی کار متعارف نہیں کرائی گئی ہے جو کہ زمین پر چلنے کے ساتھ ہوا میں بھی اُڑنے کی صلاحیت رکھتی ہو۔

امریکی ریاست فلوریڈا میں حال ہی میں دنیا کی پہلی زمین پر چلنے کے ساتھ ہوا میں اُڑنے والی ’Fly And Drive Car‘ نمائش کے لیے پیش کی گئی ہے۔

اس کار کا نام ’پائنیر پرسنل ائیر لینڈنگ وہیکل‘ رکھا گیا ہے جسے ’ Pal-V‘ بھی کہا جا سکتا ہے، جدید ٹیکنالوجی کے طرز پر بنائی جانے والی یہ کار ریٹریکٹ ایبل ہیڈ اور ریئر پروپیلرز سے لیس ہے جو آسمان پر 12 ہزار 500 فٹ کی بلندی پر اُڑان بھر سکتی ہے۔ اس کار میں آٹو موبائل میں استعمال کیا جانے والا فیول ہی استعمال ہوگا اوریہ کار ہوا میں 200 میل فی گھنٹہ کی رفتار اور زمین پر 100 میل فی گھنٹہ کی رفتار سے دوڑنے کی صلاحیت ہے۔

ڈچ کمپنی کی جانب سے بنائے جانے والی اس گاڑی کی قیمت 5 لاکھ 99 ہزار ڈالرز ہے جسے 2021 میں فروخت کے لیے پیش کرنے کی توقع کی جا رہی ہے۔ اس گاڑی میں 2 افراد کے بیٹھے کی گنجائش ہے اور یہ 3 پہیے والی گاڑی سے گائروکاپٹر میں صرف 10 منٹ میں تبدیل ہو جاتی ہے۔

واضح رہے کہ اس سے قبل بھی گاڑیاں بنانے والی سویڈن کی نامور کمپنی ‘وولو’ کی ذیلی کمپنی ‘گیلے’ نے زمین پر چلنے اور فضا میں اڑنے والی گاڑی 2019 تک مارکیٹ میں پیش کرنے کا اعلان کیا تھا۔ اس کار کار کے تہ ہونے والے دونوں پروں پر الیکٹرک موٹر لگائی گئی ہیں جو اسے اڑنے میں مدد دیتی ہے۔

امریکی خلائی تحقیقاتی ادارے نیشنل ایرونوٹکس اینڈ اسپیس ایڈمنسٹریشن (ناسا) نے چاند کی سطح پر گر کر تباہ ہو نے والے بھارتی خلائی مشن کے ٹکڑے تلاش کر لیے۔

رواں سال 7 سمتبر کو بھارت کی چاند پر اترنے کی دوسری کوشش بھی ناکام ہوگئی اور خلائی مشن کا رابطہ چاند پر لینڈنگ سے چند منٹ پہلے منقطع ہوگیا تھا۔

بھارت کے خلائی مشن چندریان ٹو سے موصول ہونے والے سگنل چاند پر لینڈنگ سے چند منٹ قبل منقطع ہوگئے تھے۔ وکرم لینڈر کا چاند کی سطح سے 2.1 کلومیٹر کے فاصلے پر رابطہ منقطع ہوا تھا۔

تاہم اب امریکی خلائی تحقیقاتی ادارے کی جانب سے چاند کی سطح پر گر کر تباہ ہو نے والے بھارتی خلائی مشن کے ٹکڑے تلاش کر لیے گئے ہیں۔

(ایمرا نیوزآن لائن) جانوروں کی فلاح و بہبود کی کمیونٹی ’Save Our Strays‘ ایس او ایس کی جانب سے خطرے میں پھنسے جانوروں کے بچاؤ کے لیے موبائل فون ایپلیکیشن کا آغاز کر رہی ہے۔

ایس او ایس کے مطابق پاکستان میں جانوروں کے بچاؤ کے لیے یہ پہلی ریسکیو ایپلیکیشن ہے۔ یہ ایپ خطرے اور مشکل میں مبتلا جانوروں کی صحیح جگہ کا پتہ لگائے گی اور قریبی رضاکاروں کو فوری مدد فراہم کرنے کی ہدایت جاری کرے گی۔

ایس اواسی ایپ کے ڈائریکٹر مصطفیٰ احمد کا کہنا ہے کہ توقع ہے کہ یہ ایپ 23 مارچ 2020 کو کتوں ،بلیوں ،گدھوں اور دیگر مقامی جانوروں کے خلاف تشدد کے خاتمے کے لیے شروع کی جائے گی۔ انہوں نے کہا کہ لوگ خطرے میں پھسے جانوروں کا بالکل صحیح پتہ ریسکیو ٹیم کو نہیں بتا پاتے جس کی وجہ سے انہیں ریسکیو کرنے میں تاخیر ہوجاتی ہے۔ مصطفیٰ احمد نے کہا کہ اس ایپلیکیشن کو بنانے کا مقصد امدادی خدمات کومنظم انداز میں عمل میں لانے کو یقینی بنانا ہے، یہ ایپ زخمی جانوروں کی صحیح جگہ کا پتہ لگائے گی۔

اس ایپلیکیشن کو پتہ، قریبی جگہ، رابطہ نمبراورخطرے میں پھسے جانور کی تفصیلات درکار ہوں گی اور اس مقصد کے لیے رضاکاروں کو بھی تربیت دی جارہی ہے جبکہ اس سلسلے میں شناختی کارڈ اور موبائل نمبر پر مبنی تصدیق کا نظام بھی تیار کیا جارہا ہے۔

ایس اواسی ایپ کے ڈائریکٹر مصطفیٰ احمد کا کہنا ہے کہ یہ ایپ ابتدائی طور پر کراچی ،بدین ، بہاولپور ،لاہور اور اسلام آباد میں شروع کی جائے گی اور جلد ہی اسے دوسرے شہروں میں بھی متعارف کرایا جائے گا۔انہوں نے مزید بتایا کہ ہم نے صرف رواں سال میں 1500 سے زائد جانوروں کو بچایا ہے جن میں زیادہ تر زخمی یا زہر آلود تھے۔

لاہور(ایمرا نیوز آن لائن)
وفاقی وزیر سائنس اینڈ ٹیکنالوجی فواد چودھری نے کہا ہے کہ بجلی کی ترسیل کا نظام تبدیل ہونے جا رہا ہے، پاکستان میں جلد شمسی پینل بننا شروع ہوجائیں گے، اگلے 10سال میں بائیو ٹیکنالوجی سے 4 بلین ڈالر برآمدات بڑھائیں گے، چین کے تعاون سے 2022 میں ہمارا پہلا خلائی مشن جائے گا۔

لاہور میں پریس کانفرنس کرتے ہوئے وفاقی وزیر سائنس اینڈ ٹیکنالوجی کا کہنا تھا کہ پاکستان کے سیاسی منظرنامے میں ارتعاش ہے، اداروں کو اختیارات کی لڑائی نہیں، اختیارات کا توازن رکھنا چاہیے۔ ملک میں اداروں کے درمیان ایک نئے میثاق کی ضرورت ہے۔

فواد چودھری نے کہا کہ آرمی ایکٹ میں ترامیم پراتفاق رائے سے آگے بڑھنا ہو گا، دونوں ایوانوں کی مشترکہ پارلیمانی کمیٹی قائم کی جائے، پارلیمنٹ کو بحیثیت ادارہ تسلیم اور اپوزیشن کا کردار بھی ماننا چاہیے، ملکی مسائل ایک ادارہ یاشخص حل نہیں کر سکتا، وزیراعظم چاہتے ہیں ادارے ایک دوسرے کا احترام کریں۔