Category شوبز

پاکستانی ماڈل و اداکار شہباز شگری کی سابقہ اہلیہ اور اداکارہ عائشہ لینیا نے خاموشی سے دوسری شادی کرلی۔

انسٹاگرام پر اداکارہ عائشہ لینیا نے شوہر کے ہمراہ تصویر اور ایک طویل پوسٹ شیئر کرتے ہوئے مداحوں کو اپنی شادی کی اطلا ع دی۔

عائشہ نے اپنی پوسٹ میں مداحوں کو بتایا کہ رواں برس کے آغاز میں وہ چھوٹی سی تقریب میں رشتہ ازدواج میں منسلک ہوگئی تھیں، شادی میں دونوں کے اہل خانہ سمیت اور دو قریبی دوستوں نے شرکت کی۔

عائشہ کی پوسٹ کے مطابق ان کے پاس اس تقریب کے لیےصرف دس دن تھے اور جو کچھ بھی سب سے آسان اور معنی خیز تھا وہ کیا گیا۔

اداکارہ نے اپنی پوسٹ میں لکھا کہ انہوں نے دوپٹے سے ملتے جلتے سادہ کپڑوں کا انتخاب کیا جوان کی ساس نے ان کے لیے لیا تھا اور شادی کے روز میک اپ اور ہیئر اسٹائلنگ بھی خود کی لہٰذاکسی قسم کی خامیوں کو نظر انداز کیا جائے۔

انہوں نے لکھا کہ میں نے تقریب میں کسی پرفیکشن کی تگ ودو کی ضرورت محسوس نہیں کی کیونکہ میں جانتی تھی کہ پرفیکشن اس شخص کے لیے ضروری ہے جسے میں شادی کے لیے منتخب کررہی تھی۔

اداکارہ نے مداحوں کے نام پیغام میں مزید لکھا کہ ان کے شوہر انسٹاگرام پر نہیں ہیں لہٰذا اس منفرد ،مزاحیہ اور معاون شخص کو انسٹاگرام پر تلاش نہ کیا جائے۔

خیال رہے کہ اداکار شہباز شگری کی پہلی شادی اداکارہ عائشہ لینیا سے ہوئی تھی تاہم جون 2018 میں دونوں کے درمیان طلاق ہو گئی۔

دوسری جانب شہباز شگری نے بھی گلوکارہ آئمہ بیگ سے منگنی کرلی ہے۔

ر وقت کسی نا کسی تنازع میں پھنسی رہنے والی پاکستانی اداکارہ میرا کا کہنا ہے انہیں امریکا میں پاگل خانے بھیجا گیا اور نا ہی 50 ہزار ڈالر بطور ضمانت طلب کیے گئے۔

ایک نجی ٹی وی کو آپ بیتی سناتے ہوئے سپراسٹار میرا کا کہنا تھا کہ نیو یارک کے اسپتال میں غلط فہمی پیدا ہوئی اور امریکا چھوڑنے کی جھوٹی خبریں پھیلائی گئیں، نا تو مجھے پاگل خانے بھیجا گیا اور نا ہی 50 ہزار ڈالر بطور ضمانت طلب کیے گئے۔

اداکارہ میرا کا کہنا تھا کہ امریکا بدر نہیں کیا گیا، ہیوسٹن میں کام کر رہی ہوں، شوبز پروموٹر ریحان صدیقی کے رین پراجیکٹس پر کام کے لیے ہیوسٹن پہنچ چکی ہوں، میڈیا میری زندگی میں دلچسپی لے لیکن خبروں کی اشاعت سے قبل تصدیق تو کر لیا کرے۔

دوسری جانب شوبز پروموٹر ریحان صدیقی کا کہنا ہے کہ اداکارہ میرا سے متعلق ایک کے بعد ایک جھوٹی خبریں پھیلائی گئیں، میرا باصلاحیت فنکارہ ہیں اسی لیے انھیں ہیوسٹن مدعو کیا ہے۔

خیال رہے کہ چند روز قبل اداکارہ میرا کے حوالے سے خبریں زیر گردش تھیں کہ میرا کو امریکا میں مینٹل اسپتال بھجوایا گیا اور ان کے مبینہ شوہر کیپٹن نوید نے 50 ہزار ڈالر بطور ضمانت ادا کر کے میرا کو اسپتال سے ڈسچارج کروایا۔

پاکستان کے مقبول گلوکار عاطف اسلم نے گزشتہ برس رمضان المبارک میں اسما الحسنیٰ پڑھے تو بہت زیادہ پسند کیے گئے تھے اور اب انہوں نے اس رمضان میں ریلیز کے لیے نئی پیشکش کا اعلان کردیا۔

عاطف اسلم نے اپنے انسٹاگرام اکاؤنٹ پر کچھ تصاویر شیئر کرتے ہوئے مداحوں کو بتایا کہ وہ اس ماہِ مقدس میں اپنی نئی پیشکش ‘سلامِ عاجزانہ’ ریلیز کریں گے۔

انسٹاگرام پر شیئر کی گئیں تصاویر میں عاطف اسلم دعا کے لیے ہاتھ اٹھائے نظر آرہے ہیں جبکہ دوسرے تصویر میں وہ دیگر افراد کے ہمراہ سلام پیش کرتے دکھائی دیے۔

انہوں نے ‘سلامِ عاجزانہ’ کی ریلیز سے متعلق کسی حتمی تاریخ کا اعلان نہیں کیا بلکہ کہا ہے کہ یہ جلد ریلیز ہوگا۔

عاطف اسلم ماضی میں حمد باری تعالیٰ اور قوالی بھی پیش کرچکے ہیں، جو کوک اسٹوڈیو کے پلیٹ فارم سے ریلیز کی گئیں تھیں۔

گزشتہ برس اپریل میں یوٹیوب، ٹوئٹر اور انسٹاگرام پر عاطف اسلم کی جانب سے اذان دینے کی ویڈیو شیئر کی گئی تھی جو بہت زیادہ وائرل ہوئی تھی۔

ترک ڈرامہ سیریل ارطغرل غازی میں حلیمہ سلطان کا کردار نبھانے والی ترک اداکارہ اسرا بلجیک مصورہ بن گئیں۔

میڈیا رپورٹ کے مطابق اداکارہ نے سوشل میڈیا پر اپنے نئے فن سے دنیا کو متعارف کروانے کیلئے تصاویر شیئر کی ہیں جس میں وہ پینٹنگ کرتی دکھائی دے رہی ہیں، تصاویر کے نیچے انہوں نے امریکی شاعر سیلویا پلاتھ کا شعر لکھا۔ اداکارہ کی ان تصاویر کو سوشل میڈیا پر صارفین کی جانب سے بہت سراہا جارہا ہے ۔

واضح رہے کہ پاکستان میں ترک اداکارہ اسرا بلجیک تاریخی ڈرامہ سیریل ارطغرل غازی سے مشہور ہوئیں، یہ ڈرامہ وزیراعظم عمران خان کی خواہش پر پاکستان میں نشر کیا گیا، ان کا کہنا تھا کہ اسلام فتوحات پر مبنی ڈرامہ نئی نسل کو مسلمانوں کی اعلی اقدار سے روشناس کرائے گا، مذکورہ ڈرامہ ترکی کا “گیم آف تھرونز”بھی کہلاتا ہے۔

اداکارہ میرا کا کہنا ہے کہ بہت سے اسکینڈلز ایسے ہیں جنہیں وہ نہیں مانتیں کیونکہ ان کا حقیقت سے کوئی تعلق نہیں۔

نجی چینل کو دیے گئے انٹرویو میں میرا کا کہنا تھا کہ’ میرا ویڈیو اسکینڈل آیا جسے میں اس لیے تسلیم نہیں کرتی کیوں کہ اس کا حقیقت سے کوئی تعلق نہیں، اس کے علاوہ میری شادی کا ایک بہت بڑا اسکینڈل آیا جسے اخباروں نے کوریج دی لیکن میں اسے نہیں مانتی کیوں کہ اس کا بھی حقیقت سے کوئی تعلق نہیں‘ ۔

خود سے متعلق میڈیا پر آنے والی خبروں پر میرا نے کہا کہ ’مجھ سے متعلق ہر خبر خود سے بن جاتی ہے جب کہ میری خواہش ہے کہ میں کبھی میڈیا کو کوئی خبر خود دوں‘۔

اداکارہ کے جواب پر سینئر اداکار جاوید شیخ نے میرا کی شخصیت کو اہم قرار دیا اور کہا کہ خبر ہمیشہ اہم شخصیات کی ہی بنتی ہے اس لیے میرا کی ہی بنے گی کیونکہ اگر کوئی عام لڑکی پروین ہے تو اس کی تو شادی کی خبر نہیں بن سکتی ۔

اداکار، ہدایت کار و پروڈیوسر نبیل کو زیادہ تر لوگ مزاحیہ اداکاری کی وجہ سے جانتے ہیں لیکن انہیں شہرت سنجیدہ کرداروں کی وجہ سے ملی۔

نبیل احمد پنجاب کے شہر فیصل آباد میں پیدا ہوئے مگر پھر کراچی منتقل ہوگئے اور بعد ازاں اداکاری میں خود کو منوانے کی کوشش کی۔

نبیل احمد کا پیدائشی نام ندیم ظفر ہے جب کہ انہیں شوبز کی دنیا میں نبیل ظفر کہا جاتا ہے، انہوں نے کیریئر میں دوسرے اداکاروں کے مقابلے میں کم ڈراموں میں اداکاری کی مگر انہیں شہرت زیادہ کام کرنے والوں سے بھی زیادہ ملی۔

نبیل احمد نے سال 2000 میں شادی کی تھی اور شادی کے بعد وہ کچھ عرصہ اداکاری سے بھی غائب رہے تھے، انہیں 4 بچے ہیں اور وہ ماضی کی طرح اب بھی کچھ ہی ڈراموں میں دکھائی دیتے ہیں۔

نبیل ظفر کو زیادہ تر لوگ ان کے مقبول کامیڈی ڈرامے ’بلبلے‘ کی وجہ سے جانتے ہیں مگر بہت کم لوگ جانتے ہیں کہ انہوں نے پاکستان ٹیلی وژن (پی ٹی وی) کے مقبول ترین ڈراموں میں شمار ہونے والے ڈراموں ’دھواں‘ اور ’دن اور دلدل‘ میں بھی کام کیا۔

اور حیران کن طور پر ان کے پی ٹی وی کے مقبول ڈراموں کو دیکھ کر ہی برطانیہ کی ریاست اسکاٹ لینڈ میں رہنے والی پاکستانی نژاد لڑکی ان پر فدا ہوئیں اور ان سے رشتہ ازدواج میں بندھ گئیں۔

حال ہی میں نبیل ظفر اہلیہ سلمیٰ ظفر کے ہمراہ آج ٹی وی کے شو ’دی کپل شو‘ میں شریک ہوئے، جہاں انہوں نے نہ صرف پیشہ ورانہ زندگی پر کھل کر بات کی بلکہ انہوں نے ذاتی زندگی پر بھی مداحوں کو آگاہ کیا۔

پروگرام میں بات کرتے ہوئے نبیل ظفر نے بتایا کہ وہ آج تک اپنی اداکاری کے کام سے 75 فیصد غیر مطمئن ہیں، انہیں لگتا ہے کہ انہوں نے اچھا کام نہیں کیا۔

نبیل ظفر کا کہنا تھا کہ سال 2000 میں انہوں نے اداکاری سے کچھ وقت کے لیے وقفہ لیا، کیوں کہ اس وقت ان کی شادی ہوئی اور دیگر کچھ معاملات بھی تھے۔

نبیل کے مطابق سال 2006 کے بعد انہوں نے اداکاری کے علاوہ ہدایت کاری اور پروڈکشن کا بھی فیصلہ کیا، جس کی وجہ سے انہوں نے 2009 میں اپنے دو قریبی دوستوں کے ساتھ مل کر ’بلبلے‘ بنایا اور انہیں یقین تھا کہ وہ کامیاب جائے گا۔

انہوں نے بتایا کہ ’بلبلے’ کا اسکرپٹ 2006 میں ہی ان کے دوست علی عمران نے لکھ لیا تھا مگر اس پر انہوں نے کام 2009 میں شروع کیا اور ابتدائی طور پر ’بلبلے‘ میں حنا دلپذیر کا کردار نہیں تھا مگر بعد میں ان کے کردار کو مستقل کردار میں تبدیل کیا گیا۔

نبیل نے بتایا کہ جب ’بلبلے‘ کی شوٹنگ جاری تھی، اس وقت عائشہ عمر ماڈلنگ اور ریڈیو میں ویڈیو جوکی (وی جے) کا کام کرتی تھیں، اس کی وجہ سے انہیں شروع میں مشکلات بھی پیش آئیں۔

نبیل ظفر کے مطابق عائشہ عمر ابتدائی طور پر ’بلبلے‘ میں خوبصورت کے کردار کو غیر اہم سمجھ رہی تھیں مگر انہوں نے اس وقت ہی عائشہ عمر کو بتایا تھا کہ مستقبل میں ’خوبصورت‘ کا کردار ان کی پہچان بنے گا۔

اسی پروگرام میں نبیل ظفر کی اہلیہ نے بھی شوہر کے حوالے سے باتیں کیں اور بتایا کہ انہوں نے نبیل کی پی ٹی وی کے ڈرامے میں اداکاری دیکھ کر ان سے شادی کا فیصلہ کیا تھا۔

سلمیٰ ظفر کے مطابق ایک دن وہ اپنی سہیلی کے ساتھ نبیل کا ڈراما ’دھواں‘ دیکھ رہی تھیں کہ انہوں نے سہیلی کو بتایا کہ لڑکی کو شادی کرنی چاہیے تو دھواں کے داؤد سے کرنی چاہیے، ورنہ کرنی ہی نہیں چاہیے۔

سلمیٰ ظفر کا کہنا تھا کہ انہوں نے سہیلی کو وہ بات مذاق میں کہی تھی مگر پھر انہوں نے نبیل کے ساتھ شادی کرنے کی بات کو سچ ثابت کیا اور شادی کے بعد ان کی سہیلی نے انہیں اپنی بات یاد دلائی۔

پروگرام میں نبیل نے اعتراف کیا کہ وہ سلمیٰ کی جدوجہد اور محبت کی قدر کرتے ہیں اور انہوں نے سلمیٰ سے شادی وقت صرف ایک شرط رکھی تھی کہ وہ شادی کے بعد سلمیٰ کی خاطر انگلینڈ نہیں جائیں گے بلکہ پاکستان میں ہی رہیں گے۔

پروگرام میں نبیل نے انکشاف کیا کہ انہوں نے اہلیہ کو حق مہر میں 500 روپے دیے تھے اور ان کی اہلیہ نے شادی کے بعد پاکستان میں رہنے کی شرط کو قبول کیا۔

خیال رہے کہ نبیل نے 1990 کے بعد اداکاری کا آغاز کیا تھا، انہیں مقبول ڈرامے ’دھواں‘ میں داؤد کا کردار ادا کرنے کے بعد شہرت ملی جب کہ ’بلبلے‘ میں کام کرنے کے بعد وہ شہرت کی نئی بلندیوں پر پہنچے۔

گزشتہ ماہ 24 مارچ کو کورونا کا شکار ہونے والے بولی وڈ مسٹر پرفیکشنسٹ کا کہنا ہے کہ اس وقت پوری دنیا صرف ایک وبا سے لڑ رہی ہے جب کہ وہ اور ان کی ٹیم کورونا اور کرینہ دونوں سے لڑ رہے ہیں۔

عامر خان ان دنوں کورونا وائرس کا شکار ہونے کی وجہ سے قرنطینہ میں ہیں، جب کہ اس سے قبل وہ اپنی آنے والی فلم ’لال سنگھ چڈھا‘ کی شوٹنگ میں مصروف تھے۔

عامر خان کی فلم ’لال سنگھ چڈھا‘ کی شوٹنگ 2020 کے آغاز میں ہی شروع ہوگئی تھی مگر پھر دنیا بھر میں کورونا پھیلنے کی وجہ سے ان کی شوٹنگ تاخیر میں ہوگئی۔

بعد ازاں ان کی فلم کی ہیروئن کرینہ کپور حاملہ ہوگئیں، جس کی وجہ سے ان کی فلم کی شوٹنگ مزید چند ماہ کے لیے مؤخر کردی گئی تھی۔

کرینہ کپور کے ہاں رواں برس فروری میں دوسرے بچے کی پیدائش ہوئی تھی اور انہوں نے لال سنگھ چڈھا کی شوٹنگ میں چند ماہ تک شامل نہ ہونے کا فیصلہ کیا تھا۔

کورونا کی وبا اور پھر کرینہ کپور کے ہاں بچے کی پیدائش کی وجہ سے اپنی فلم لال سنگھ چڈھا کی تاخیر پر عامر خان نے حال ہی میں ایک مختصر ویڈیو شیئر کی، جس میں انہوں نے مزاحیہ انداز میں کرینہ کپور کو فلم کی تاخیر کا ایک سبب قرار دیا۔

انڈین ایکسپریس کے مطابق عامر خان کے فین یوٹیوب چینل پر حال ہی میں جاری کی گئی مختصر ویڈیو میں عامر خان نے ’لال سنگھ چڈھا‘ کی تاخیر کا سبب کورونا اور کرینہ کو قرار دیا۔

عامر خان نے کہا کہ انہیں اُمید تھی کہ ان کی فلم 2020 کے کرسمس پر جاری کی جائے گی مگر ایسا نہیں ہوسکا اور اب ان کا منصوبہ ہے کہ لال سنگھ چڈھا کو 2021 کے کرسمس تک ریلیز کردیا جائے۔

مختصر ویڈیو میں عامر خان نے بتایا کہ فلم کی شوٹنگ میں تاخیر کے متعدد اسباب ہیں، جن میں کورونا کی وبا بھی شامل ہے اور ساتھ ہی مزاحیہ انداز میں انہوں نے کرینہ کپور کو بھی فلم کی تاخیر کا ایک سبب قرار دیا۔

عامر خان نے کہا کہ اس وقت جہاں پوری دنیا کورونا سے لڑ رہی ہے، وہیں وہ اور ان کی ٹیم کرینہ اور کورونا دونوں سے لڑ رہے ہیں۔

خیال رہے کہ عامر خان کی آنے والی فلم ’لال سنگھ چڈھا‘ میں عامر خان اور کرینہ کپور 9 سال بعد ایک ساتھ دکھائی دیں گے۔

اس سے قبل عامر خان اور کرینہ کپور نے 2012 کی فلم ’تلاش‘ اور 2009 کی بلاک بسٹر فلم ’تھری ایڈیئٹس‘ میں ایک ساتھ کام کیا تھا۔

’لال سنگھ چڈھا‘ کو عامر خان اور ان کی اہلیہ کرن راؤ پروڈیوس کر رہی ہیں جب کہ اس کی کہانی اتل کلکرنی نے لکھی ہے اور اس کی ہدایات ادویت چندن نے دی ہیں۔

فلم کی کاسٹ میں عامر خان اور کرینہ کپور کے علاوہ مونا سنگھ اور دیگر اداکار بھی شامل ہیں تاہم فوری طور پر دوسرے اداکاروں کی تفصیلات سامنے نہیں آسکیں۔

’لال سنگھ چڈھا‘ ہولی وڈ کی 1994 کی معروف فلم ’فاریسٹ گمپ‘ کا ہندو ریمیک ہے۔

معروف اداکار جاوید شیخ کا کہنا ہے کہ اداکار بننے کے لیے والد کے پیسے چرانے پر الٹا لٹکاکر پٹائی ہوئی تھی۔

ٹائم آؤٹ ود احسن خان میں معروف اداکار جاوید شیخ کا کہنا تھا کہ 12،13 سال کی عمر میں والد صاحب کی جیب سے 100 روپے چرائے تھے، جس کے بعد اپنے دوستوں کے ساتھ اداکار بننے کے لیے لاہور کی ٹرین میں سوار ہوگیا، میں بہت خوش تھا اور والد صاحب کے پیسوں سے ٹرین میں بیٹھ کر لڈو کھارہا تھا تاہم بدقسمتی سے والد صاحب کو پتہ چل گیا اور انہوں نے اپنے دوستوں کے ساتھ مل کر مجھے ڈھونڈنا شروع کیا، والد صاحب ڈھونڈتے ڈوھونڈتے اسٹیشن تک پہنچے اور مجھے گردن سے دبوچ لیا جس کے بعد گھر میں الٹا لٹکا کر میری پٹائی ہوئی۔

جاوید شیخ نے کہا کہ میری پہلی گرل فرینڈ فرنچ خاتون تھی، میری اس سے کراچی میں ملاقات ہوئی لیکن وہ پیرس میں رہتی تھی اور یہاں چھٹیاں گزارنے کے لیے آئی ہوئی تھی، اس وقت میں کچھ نہیں تھا لہذا فرانس گرل فرینڈ سے ملنے جانے کے لیے والد صاحب کی گاڑی بیچی اور ٹکٹ لیکر چلاگیا تھا جس پر مجھے ایک بار پھر والد صاحب نے مارا تھا۔

بالی ووڈ کے معروف اداکار نواز الدین صدیقی کا کہنا ہے کہ بالی ووڈ کے تمام سپراسٹار بناوٹی اداکاری کرتے ہیں۔

بھارتی میڈیا رپورٹ کے مطابق فلم گینگ آف واسے پور، بجرنگی بھائی جان اور رئیس سمیت متعدد فلموں میں اداکاری کرنے والے نواز الدین صدیقی نے بالی ووڈ کے اداکاروں پر تنقید کرتے ہوئے کہا کہ بہترین اداکاری کی وجہ سے کہلائے جانے والے بالی ووڈ کے سپر اسٹار حقیقی اداکاری کے بجائے بناوٹی اداکاری کرتے ہیں۔

نواز الدین صدیقی نے اداکاری میں شوق رکھنے والے لوگوں کو مخاطب کرتے ہوئے کہا کہ میں اپنے تجربے سے یہ کہوں گا کہ اگر آپ لوگوں کو اداکاری کرنی ہے تو اس کے لئے ضروری ہے کہ آپ اپنے اندر چھپے حقیقی اداکار کو سامنے لائیں، بجائے اس کے کہ آپ کسی اور سے متاثر ہو کر اس کی طرح اداکاری کریں۔

انہوں نے یہ بھی کہا کہ سپراسٹار جعلی اداکاری کرتے ہیں تو ان کی پیروی نہ کریں، نئے اداکار خود سے کچھ منفرد کرکے دکھائیں کیوں کہ لوگ آپ کی اداکاری دیکھنا چاہتے ہیں۔

اداکار کا کہنا تھا کہ اگر آپ کسی سپراسٹار کی طرح ہی اداکاری کریں گے تو پھر لوگ آپ کو کیوں دیکھیں گے لیکن اگر آپ اداکاری کے فن کو قدرتی صلاحیتوں کے ساتھ دکھائیں گے تو لوگوں کی تمام تر توجہ آپ پر ہی ہوگی اور ایسے اداکاروں کو لوگ دیکھنا بھی پسند کرتے ہیں۔

معروف ٹک ٹاکر حریم شاہ نے انکشاف کیا ہے کہ وزیر داخلہ شیخ رشید نے میری وجہ سے آج تک شادی نہیں کی۔

ایک چینل کو دیئے گئے انٹرویو میں ماڈل حریم شاہ نے وفاقی وزیر داخلہ وعوام مسلم لیگ کے سربراہ شیخ رشید احمد کی شادی کے حوالے سے حیران کن انکشاف کرتے ہوئے بتایا کہ انہوں نے اب تک شادی میری وجہ سے نہیں کی ہے۔

حریم شاہ نے متعدد لوگوں کی ویڈیوز وائرل کرنے کے سوال پر بھی وفاقی وزیر کا نام لیتے ہوئے کہا کہ متعدد لوگوں کی ویڈیوز اور واٹس ایپ کال سامنے لانے کے بعد مجھے اس لئے جان کا خطرہ نہیں کیوں کہ میرے پیچھے شیخ رشید کا ہاتھ ہے، وہ مجھے کہتے ہیں کہ میں پورے پاکستان پر بھاری ہوں، اس لئے میری حفاظت کو انہوں نے اپنی ترجیحات میں رکھا ہوا ہے، اسی وجہ سے انہوں نے شادی نہیں کی۔
ٹاک ٹاکر نے اپنی شادی سے متعلق بھی لب کشائی کرتے ہوئے کہا کہ میں شادی کے بعد کی زندگی سے کبھی نہیں ڈرتی لیکن میرا ماننا ہے کہ جوڑے آسمانوں پر بنتے ہیں، میرے نصیب میں بھی کوئی شخص ہوگا لیکن ابھی میرا شادی کا کوئی ارادہ نہیں ہے کیوں میری شادی کی عمر ہی گزر چکی ہے۔

حریم شاہ نے کا دوستوں کے حوالے سے کہنا تھا کہ آستین کے سانپ والا محاورہ میرے نزدیک بہت اہمیت رکھتا ہے، میرے دوست میرے ساتھ ہی رہ کر میرے خلاف سازشیں کرتے ہیں اور افسوس کی بات یہ ہے کہ وہ لوگ چاہتے ہوئے بھی اپنی غلطی کا اقرار نہیں کرتے، اس لئے میرے دوست ہی میرے سب سے بڑے دشمن ہیں۔

انہوں نے یہ بھی کہا کہ میں جب بھی اپنے دوستوں کے ساتھ اچھا کرنے کی کوشش کرتی ہوں وہ پھر بھی میرے ساتھ بُرا روئیہ رکھتے ہیں اور مجھے نقصان پہنچانے کی کوشش کرتے ہیں۔ لیکن میں ان کے حملوں سے نہیں ڈرتی کیوں کہ مجھے ڈر صرف اللہ پاک سے ہے۔