Category شوبز

کراچی:پاکستان شوبز انڈسٹری سے وابستہ معروف اداکار، دانشور ، ڈرامہ نگار اور پروفیسر شعیب ہاشمی انتقال کرگئے۔اداکار عدیل ہاشمی نے والد شعیب ہاشمی کے انتقال کی تصدیق کر دی۔شعیب ہاشمی کی اہلیہ سلیمہ ہاشمی کے مطابق ان کے شوہر گزشتہ 15 برس سے فالج کے مرض میں مبتلا بستر تک محدود تھے۔ وہ بول سکتے تھے اور نہ خود سے چل پھرسکتے تھے۔پاکستان میں ٹیلی ویڑن کے ابتدائی دور میں شعیب ہاشمی کے پروگرام زبردست مقبول ہوئے، وہ مشہور ٹی وی پروگرامز اکڑبکڑ، سچ گپ، ٹال مٹول اور باؤ ٹرین کے خالق تھے۔ شعیب ہاشمی گورنمنٹ کالج لاہور میں برس ہا برس درس و تدریس سے بھی وابستہ رہے۔

کراچی :سندھی ڈراموں کی سینئر اداکارہ شبیراں چنا انتقال کر گئیں۔شبیراں چنا اپنی بیٹی کے ہمراہ 24 اپریل کو نواب شاہ کی تحصیل قاضی احمد کے قریب ٹریفک حادثے کا شکار ہو کر شدید زخمی ہوگئیں تھیں۔اداکارہ کو علاج کیلئے کراچی کے سرکاری اسپتال میں منتقل کیا گیا تھا جبکہ وزیرِاعلیٰ سندھ مراد علی شاہ اور صوبائی وزیر ثقافت سید سردار شا نے شبیراں چنا کا علاج سرکاری خرچ پر علاج کرانے کا اعلان بھی کیا تھا۔تاہم شبیراں چنا زخموں کی تاب نہ لاتے ہوئے انتقال کر گئیں۔ وزیرِاعلیٰ سندھ شاہ اور صوبائی وزیر ثقافت نے اداکارہ کی موت پر گہرے دْکھ کا اظہار کیا ہے۔

لاہور: پاکستانی اداکارہ سونیا حسین نے کہا ہے کہ فلموں میں خواتین کو صرف آئٹم گرل نہیں ہونا چاہیے۔

ایک نجی نیوز سائٹ کو انٹرویو دیتے ہوئے سونیا حسین نے اپنے شوبز کیریئر اور انڈسٹری سے اپنی توقعات کے متعلق گفتگو کی۔

سونیا حسین کا ’دادل‘ میں ایک خطرناک کردار نبھانے پر کہنا تھا کہ لوگ ان کو ایسے کردار میں پسند کرتے ہیں اور وہ اسے خوش قسمتی سمجھتی ہیں کہ انہیں ایسے کردار آفر ہوتے ہیں۔

انہوں نے بتایا کہ فلم سے قبل انہوں نے صرف بچپن میں ایک کھلونا گن اٹھائی تھی لیکن ’دادل‘ کی وجہ سے انہیں موقع ملا کہ وہ بندوق کو استعمال کرنا سیکھیں۔

رومینٹک رول ادا کرنے کے متعلق اداکارہ نے بتایا کہ کچھ عرصہ قبل ہی انہوں نے فلم ’ٹچ بٹن‘ میں رومینٹک رول کیا ہے۔

سونیا حسین کا کہنا تھا کہ وہ انڈسٹری میں صرف ہیروئن بننے نہیں آئی ہیں بلکہ وہ معاشرے میں تبدیلی کا پیغام پہنچانا چاہتی ہیں اور فلموں میں خواتین کو صرف آئٹم گرل نہیں ہونا چاہیے۔

نجی چینل کے پروگرام میں شرکت کرتے ہوئے اداکارہ غنیٰ علی نے اپنے کیریئر اور شادی کے حوالے سے پیدا ہونے والے تنازعات پر لب کشائی کی۔

ایک سوال کے جواب میں انہوں نے بتایا کہ ’میرے شوہر بہت مہذب آدمی ہیں اور میں چاہتی ہوں کہ میری بیٹی کو بھی ایسا ہی شوہر ملے‘۔

انہوں نے شادی کے اعلان کے بعد سوشل میڈیا صارفین کی جانب سے ہونے والی تنقید اور اپنے شوہر کی سابقہ اہلیہ کی جانب سے کھڑے کئے گئے تنازع پر بات کرتے ہوئے کہا کہ ’میں پہلے سے ذہنی طور پر تیار تھی کہ لوگ کہیں گے کہ میں نے ایک ہنستا بستہ گھر توڑا ہے لیکن ایسا نہیں ہے، میرے شوہر کی سابقہ اہلیہ سب کچھ جانتی تھی وہ اور میرے شوہر ایک ساتھ خوش نہیں تھے اس لئے ان دونوں نے طلاق لی اور اس کے بعد ہم نے شادی کی اور اس بارے میں وہ خاتون سب کچھ پہلے سے جانتی تھی‘۔

انہوں نے مزید کہا کہ ہماری شادی کے اعلان کے بعد مجھے نہیں معلوم کہ انہوں نے ایسا کیوں کیا، مجھ پر گھر توڑنے کا الزام کیوں لگایا، میں یہ سب دیکھ اور سن کر بہت حیران رہ گئی تھی، مجھے یہ بھی بتایا گیا کہ انہوں نے خودکشی کرلی ہے لیکن خاموش تھی کیونکہ میں جانتی ہوں کہ کسی کے لئے بھی یہ سب تسلیم کرنا تھوڑا مشکل ہوسکتا ہے‘۔

انہوں نے اپنے شوہر کے الفاظ دُہراتے ہوئے کہا کہ ’میرے شوہر مجھے کہتے ہیں کہ ایسا ردعمل وہاں آئے جہاں میاں بیوی ایک دوسرے سے خوش ہوں تو سمجھ بھی آتا ہے لیکن جب آپ یہ جانتے ہیں کہ دونوں ایک دوسرے سے خوش نہیں ہیں ، ایک ساتھ نہیں رہنا چاہتے اور یہ بھی جانتے ہیں کہ ایسا کچھ ہوسکتا ہے تو ایسا ردعمل بے وجہ ہے‘۔

انہوں نے بتایا کہ اس مشکل وقت میں ان کے شوہر نے ان کا بہت ساتھ دیا۔ 

لاہور: پاکستان کی معروف اداکارہ عائشہ عمر نے انٹرنیٹ اور سوشل میڈیا سمیت رابطوں کے تمام ذرائع سے دور رہنے کا فیصلہ کرلیا۔

اداکارہ نے اپنی انسٹا گرام پوسٹ کے ذریعے شوبز کی سرگرمیوں سمیت معمولات زندگی سے دو ہفتے کی دوری اختیار کرنے کا اعلان کیا ہے۔

انہوں نے اپنی پوسٹ میں کہا ہے کہ وہ آج شب سے دو ہفتوں کے لیے سب سے کٹ کر رہیں گی اور اس عرصے کے دوران موبائل فون، انٹرنیٹ، واٹس ایپ اور سوشل میڈیا سمیت کسی بھی ٹیکنالوجی کا استعمال نہیں کریں گی۔

ان کا مزید کہنا تھا کہ وہ ذہنی و جسمانی سکون کے لیے دو ہفتے سے اس کا منصوبہ بنارہی تھیں اور بالآخر اس منصوبے پر عمل کا آغاز کرنے میں کامیاب ہو گئی ہیں۔

عائشہ عمر کے مطابق اس عرصے کے دوران وہ کسی سے رابطہ نہیں کریں گی کم کھائیں گی، مطالعہ کریں گی اور اپنے خالق سے تعلق مضبوط کرنے کی کوشش کریں گی۔

اداکارہ و ماڈل نے کام کے حوالے سے رابطے کے خواہشمندوں کے لیے دو آئی ڈیز بتائی ہیں جبکہ ذاتی رابطوں کے لیے انہوں نے کہا ہے کہ ان کی والدہ سے رابطہ کیا جائے۔

معروف ادکارہ عائشہ عمر نے مزید کہا ہے کہ دو ہفتے کے عرصے میں وہ نئی عادات اپنانے میں کامیاب ہوجائیں گی۔

لاہور:دنیا بھرمیں شاندارکامیابی حاصل کرنے والی فلم ’’دوڑ‘‘کے پروڈیوسراسلم حسن نے کہا ہے کہ فلم’’ دوڑ ‘‘جس کے چرچے اس وقت زبان زد عام ہیں ، عید سے لے کر آج تک سینما گھروں کی کمی اور غیر مناسب وقت کے شوز کی وجہ سے اپنا حق حاصل نہیں کرسکی۔اسلم حسن نے کہا کہ میں حکومت پاکستان،چیئرمین فلم انڈسٹری سے اپیل کرتا ہوں کہ جو لوگ بیرون ملک سے پاکستان فلم انڈسٹری کی ترقی و بحالی کے لیے اپنا سرمایہ لگانا چاہتے ہیں وہ مجھ سے سوالات کررہے ہیں میں انہیں کیا جواب دوں؟؟کیونکہ ۔ میرے صرف تین سوالات ہیں۔کیا اب کوئی بیرون ملک سے پاکستان فلم انڈسٹری میں سرمایہ کاری کرے گا ؟کیا وزیراعلی سے لے کر وزیراعظم تک کوئی اس کی زمہ داری لے گا۔۔ ؟کیا محفوظ سرمایہ کاری پاکستان فلم انڈسٹری کا حق نہیں ؟پاکستان فلم انڈسٹری میں مزید سرمایہ کاری صرف حکومت پاکستان کی توجہ کی منتظر ہے، اب دیکھنا یہ ہے کہ اعلی حکام کا کیا ردعمل ہے

کراچی:ابھرتی ہوئی اداکارہ لائبہ خان کی والدہ نے اداکارہ کیلئے ڈرائیور لڑکے کا رشتہ آنے سے متعلق دلچسپ اسٹوری سے پردہ اٹھایا ہے۔اداکارہ لائبہ خان والدہ کے ہمراہ نجی ٹی وی ایک پروگرام کی مہمان بنیں، اس دوران میزبان نے اداکارہ کی والدہ سے لائبہ کیلئے آنے والے کسی عجیب وغریب رشتے کا سوال کیا جس پر انہوں نے بتایا کہ ہم حال ہی میں عمرہ کیلئے سعودی عرب گئے تھے، جب عمرہ ادائیگی کے بعد کراچی واپس پہنچے تو مجھے وہاں پر زیارتوں کے لیے جو گاڑی ہم نے کرائی تھی اس کے ڈرائیور کی کال آئی کہ میں لائبہ سے شادی کرنا چاہتا ہوں۔اداکارہ کی والدہ نے ہنستے ہوئے بتایا کہ اس لڑکے نے مجھے کہا کہ گاڑی میری اپنی ہے اور میں لائبہ سے شادی کیلئے سنجیدہ ہوں جس پر میں نے کچھ نہیں کہا اور کال بند کرکے لائبہ کو مبارک باد دی کہ تمہارا رشتہ آیا ہے۔جس پر لائبہ نے مجھے کہا کہ آئندہ اس ڈرائیور کی کال آئے تو نہیں اٹھائیے گا ۔لائبہ خان کی والدہ کے مطابق ، اس کے کچھ دیر بعد اس لڑکے کی بھابھی نے مجھے کال کرکے کہا کہ ہم لاہور میں رہتے ہیں اور میرے دیور نے ہمیں کہا ہوا ہے کہ میں 2 دن میں واپس آرہا ہوں آپ کراچی چل کر میرا رشتہ مانگیں کیوں کہ میں اب لائبہ کے بغیر نہیں رہ سکتالیکن میں نے انہیں انکار کردیا۔

نئی دہلی:بالی وڈ اداکارہ ایشوریہ رائے کے حوالے سے سب جانتے ہیں کہ اب اداکارہ کو ایشوریہ رائے بچن کے نام سے جانا جاتا ہے ، ایشوریہ نیکم عمری سے اداکاری میں جوہر دکھا کر بالی وڈ میں اپنا مقام بنایا، انہوں نے بنیادی طور پر ہندی اور تامل دونوں انڈسٹریز میں کام کیا۔ لیکن کیا آپ جانتے ہیں کہ ایشوریہ رائے بچن کتنی دولت اور جائیداد کی مالک ہیں؟ایک حالیہ رپورٹ کے مطابق ایشوریہ کا شمار بھارت کی امیر ترین اداکاراوں میں ہوتا ہے، اپریل 2023 کے دوران ایشوریہ کی مجموعی دولت 100 ملین ڈالر ریکارڈ کی گئی ، انہوں نے بطور اداکارہ اچھی خاصی دولت جمع کی۔2022 میں ایشوریہ کی دولت کے حوالے سے شائع کی جانے والی ایک انڈین میڈیا رپورٹ میں بتایا گیا کہ ایشوریہ اپنے شوہر ابھیشیک اور بیٹی ارادھیا کے ساتھ خاندانی بنگلے جلسہ میں رہائش پذیر ہیں جس کی قیمت 112 کروڑ بھارتی روپے ہے۔ اس کے علاوہ دبئی میں قائم جمیرا گولف اسٹیٹ پر ایک ولا بھی اداکارہ کی ملکیت ہے، مزید برآں باندرہ برلا کمپلیکس میں ایشوریہ 21 کروڑ بھارتی روپے کی جائیداد کی مالک ہیں۔بھارتی میڈیا کے مطابق ایشوریہ کی ایک فلم کا معاوضہ 10 سے 12 کروڑ ہوتا ہے، ان کا سالانہ معاوضہ 80 سے 90 کروڑ بھارتی روپے بنتا ہے۔اداکارہ کے پاس موجود گاڑیوں کی کلیکشن کے حوالے سے اس رپورٹ میں بتایا گیا ہے کہ اداکارہ کے پاس رولز رائس( 8 کروڑ بھارتی روپے کے قریب) مرسڈیز بینز( ایک کروڑ 60 لاکھ بھارتی روپے) آڈی A8L ( ایک کروڑ 58 لاکھ بھارتی روپے ) ، لیکسس ایل ایکس ( 2 کروڑ 33 لاکھ) ہے۔

نئی دہلی:حال ہی میں جیا خان کیس سے بری ہونے والے اداکار سورج پنچولی نے سابقہ گرل فرینڈ جیا خان کی خودکشی سے متعلق چند بڑے دعوے کیے ہیں۔ ممبئی کی عدالت نے 2013 میں خودکشی کرنے والی بالی وڈ اداکارہ جیا خان کے کیس کا فیصلہ سناتے ہوئے اداکارہ کے بوائے فرینڈ اور اداکار سورج پنچولی کو جمعے کی صبح بری کیا تھی۔ہندوستان ٹائمز کی رپورٹ کے مطابق سینٹرل بیورو آف انویسٹی گیشن (سی بی آئی) کی خصوصی عدالت نے جیا خان کے بوائے فرینڈ اداکار سورج پنچولی کے خلاف اداکارہ کو خودکشی پر اکسانے کے معاملے پر اپنا محفوظ فیصلہ سناتے ہوئے انہیں بری کیا۔اب سورج پنچولی نے جیا خان کی خودکشی سے متعلق کھل کر بات کی ہے۔اداکار نے کہا کہ میں اور جیا صرف پانچ ماہ ہی رشتے میں رہے، لیکن مجھے اس کا علم نہیں تھا کہ وہ کس قسم کی کیفیت سے گزر رہی ہے، اسے صرف اپنے بوائے فرینڈ، دوستوں سے نہیں بلکہ اپنی فیملی کی محبت کی ضرورت تھی۔سورج نے کہا کہ جیا چاہتی تھی اسے اس کی فیملی کی جانب سے سپورٹ ملے اور وہ اسے سمجھیں، اس نے 2012 میں بھی خودکشی کی کوشش کی تھی، میں نے اس کی والدہ رابعہ کو بھی جیا کے ڈپریشن کا بتایا لیکن اس وقت ڈپریشن کو لوگ سمجھتے نہیں تھے۔دوران انٹرویو سورج پنچولی نے کہا کہ 2012 میں جیا نے اپنی نس کاٹ کر خودکشی کی کوشش کی تو میں نے لندن میں مقیم اس کی والدہ رابعہ جی کو فون کرکے بتایا، انہوں نے کہا میں فورا بھارت آتی ہوں لیکن وہ مہینوں تک بھارت نہیں لوٹیں۔واضح رہے کہ سپر ہٹ فلموں میں کام کرنے والی اداکارہ جیا خان نے 3 جون 2013 کو خودکشی کی تھی، جوہو میں اپنی رہائش گاہ پر ان کی لاش لٹکتی ہوئی پائی گئی تھی۔

ممبئی:بھارتی ماڈل اور ٹی وی اداکارہ عرفی جاوید کو نازیبا لباس کے باعث ریسٹورنٹ میں داخل ہونے سے روک دیا گیا۔انسٹاگرام پر اسٹوری شیئر کرتے ہوئے عرفی جاوید نے برہمی کا اظہار کیا اور بتایا کہ انہیں ممبئی کے ایک ریسٹورنٹ میں ان کے فیشن چوائس کے باعث داخل نہیں ہونے دیا گیا۔عرفی نے اپنی اسٹوری میں تعجب کااظہار کرتے ہوئے لکھا کہ کیایہ واقعی 21 ویں صدی کا ممبئی ہی آج مجھے ایک ریسٹورنٹ میں داخل ہونے سے روک دیا گیا ۔اداکارہ نے لکھا کہ اگر آپ کو میرا فیشن پسند نہیں تو کوئی بات نہیں لیکن اس کیلئے مجھ سے ایسا سلوک ٹھیک نہیں ۔ واضح رہے کہ عرفی جاوید اپنے فیشن کے باعث اکثر وبیشتر تنقید کی زد میں رہتی ہیں، کچھ روز قبل بالی وڈ اسٹار رنبیر کپور نے بھی عرفی جاوید کو ان کے فیشن اسٹائل اور فیشن سینس پر تنقید کا نشانہ بنایا تھا۔