Category شوبز

ممبئی:بالی ووڈ اداکارہ شیفالی شاہ کو فلم انڈسٹری سے وابستہ ہوئے 29 برس بیت چکے ہیں۔ان کی پہلی فلم ستیا تھی جس میں منوج باجپائی نے شیفالی کے مدمقابل اداکاری کی تھی۔ایک حالیہ انٹرویو میں شیفالی نے بتایا کہ ان کے دوست ستیا فلم کا گانا سپنے میں ملتی ہے بجا کر انہیں تنگ کرتے ہیں۔یہ گیت 1998 میں فلمایا گیا تھا، اس میں شیفالی اور منوج باجپائی نے رقص کیا۔سپنے میں ملتی ہے کو گلزار نے لکھا جبکہ آشا بھوسلے اور سریس وادکر نے گایا۔شیفالی کا کہنا تھا کہ یہ بہت اچھا گیت ہے اس میں کوئی شک نہیں لیکن لوگ اکثر مجھے تنگ کرنے کیلیے یہ گانا چلا دیتے ہیں، میرے دوست ہی اکثر ایسا کرتے ہیں۔

ممبئی:بالی ووڈ کے معروف وراسٹائل اداکار نواز الدین شیخ اس وقت ایک نئے تنازع میں پھنس گئے جب انکے خلاف کولکتہ کے ایک وکیل نے ایک عالمی شہرت یافتہ کولڈ ڈرنک کمپنی کے بنگالی زبان کے اشتہار کے حوالے سے اعتراض کرتے ہوئے کولکتہ کی عدالت میں کیس داخل کیا ہے۔ اس حوالے سے بتایا جاتا ہے کہ مذکورہ بالا کیس میں نوازالدین صدیقی اور سافٹ ڈرنک کمپنی کے بھارتی سی ای او پر الزام عائد کیا ہے کہ انہوں نے اشتہار میں بنگالی کمیونٹی کے جذبات کو مجروح کیا ہے۔نوازالدین صدیقی سافٹ ڈرنک کے جس اشتہار میں نظر آئے وہ اصل میں ہندی کے لیے شوٹ کیا گیا اور یہ سافٹ ڈرنک برانڈ کی نئی اشتہاری مہم کا حصہ ہے اور اس میں جو نئی چیز پروموٹ کی گئی وہ بوتل پر کیو آر کوڈ اسکین ہے تاکہ کنزیومر لطیفہ سن سکے۔تاہم اس پر دیبیان بینرجی ایڈووکیٹ نے کولکتہ ہائی کورٹ میں کیس داخل کرتے ہوئے اس لطیفے کو بنگالیوں کے جذبات مجروح کرنے کے مترادف قرار دیا۔ان کا کہنا تھا کہ ہندی اشتہار پر انہیں کوئی اعتراض نہیں لیکن بنگالی زبان میں یہ کہا جارہا ہے کہ بنگالیوں کو کوئی چیز آسانی سے نہیں ملتی اور وہ بھوکے سوتے ہیں۔ ہم چاہتے ہیں کہ اس قسم کے اشتہار کو مستقبل میں فروغ نہیں دینا چاہیے۔جس کے بعد کمپنی نے نواز الدین شیخ کے بنگالی ورژن پر مبنی اشتہار کو نہ صرف ہٹادیا ہے بلکہ معذرت بھی کی ہے۔

ممبئی:معروف بالی وڈ اداکار امیتابھ بچن نے ایلون مسک سے بلیو ٹک لینے کے پیسے واپس مانگتے ہوئے کہا کہ ٹوئٹر ماسی نے پیسے بھروا لئے اور اب کہتے ہیں فری ہے۔امیتابھ بچن بھارت کے ان ہائی پروفائل ٹوئٹر صارفین میں شامل ہیں جنہوں نے بلیو ٹک کی واپسی کے لئے رقم ادا کی۔معروف اداکار امیتابھ بچن نے 10 لاکھ سے زیادہ فالوورز والے صارفین کو مفت بلیو ٹِکس دینے پر سماجی رابطے کی ویب سائٹ ٹوئٹر پرردعمل دیا۔انہو ں نے ٹوئٹر پر ہندی میں لکھا کہ ٹوئٹر ماسی نے پیسے بھروا لئے اور اب کہتے ہیں ایک ملین فالورز کیلئے بلیو ٹک فری ہے، میرے فالورز تو 48 ملین ہیں۔

ممبئی:بالی ووڈ کی معروف اداکارہ ملائیکہ اروڑا نے کہا ہے کہ ارجن کپور کھانا پکانے سے واقف نہیں، میں ان کے لیے ہمیشہ کھانا پکاتی ہوں، مجھے ارجن کے لیے کھانا پکانا اچھا لگتا ہے۔بالی ووڈ جوڑی ارجن کپور اور ملائیکہ اروڑا کے کو لیکر اکثر خبریں گردش کرتیں ہیں، حال ہی میں ملائیکہ اروڑا نے انکشاف کیا کہ وہ خود ارجن کپور کے لیے کھانا پکاتیں ہیں، لوگوں کی یہ بات کہ ارجن میرے لیے چائے بنائے انتہائی بے وقوفی معلوم ہوتی ہے کیونکہ جب ارجن کھانا پکانے سے واقف ہی نہیں ہیں تو وہ میرے لیے چائے کیوں بنائیں ایک بھارتی چینل کو انٹرویو دیتے ہوئے ملائیکہ نے کہا کہ انہیں یاد ہے کہ جب انہوں نے پہلی مرتبہ ارجن کے لیے کھانا پکایا تھا، مجھے اندازہ ہے کہ ارجن کھانا پکانا نہیں جانتے تو میں کیوں ان سے کہوں کہ میرے لیے کھانا پکانا ہے یا وہ کیوں میرے لیے چائے بنائیں، ایسا سوال کرنا ہی انتہائی بیوقوفی ہے، مجھے ارجن کے لیے کھانا پکانا اچھا لگتا ہے۔واضح رہے کہ ارجن کپور اور ملائیکہ اروڑا کافی برسوں سے ایک دوسرے کے ساتھ ہیں، حال ہی میں ایک انٹرویو کے دوران ملائیکہ نے کہا تھا کہ وہ جلد شادی کر لیں گے، تاہم انہوں نے شادی کی باقاعدہ تاریخ کے حوالے سے نہیں بتایا۔

ممبئی :بالی وڈ ایکٹر ایشوریا رائے نے کہا ہے کہ 23 برس بعد انہیں نندنی کے کردار کو ایک بار پھر ادا کرنے کا موقع اپنی آنے والی فلم پونین سالون 2 (Ponniyin Selvan) میں۔ایشوریا رائے بچپن اور سلمان خان کی کامیاب ترین فلم ہم دل دے چکے صنم میں بالی وڈ ایکٹر نے نندنی کا کردار نبھایا۔ سنجے لیلی بھنسالی کی فلم ہم دل دے چکے صنم 1999 میں ریلیز ہوئی۔ ریلز کے 23 برس بعد ایشوریا رائے ایک بار پھر نندنی نام کے ہی کردار میں دکھائی دے رہی ہیں اپنی نئی آنے والی فلم پونین سالون 2 میں۔ تامل فلم پونین سالون کا پہلا سیکوئل 2022 میں ریلیز ہوا۔میڈیا سے بات کرتے ہوئے ایشوریا رائے بچن کا کہنا تھا یہ بالکل اتفاق ہے کہ ہم دل دے چکے صنم میں بھی میں نے نندنی کا کردار ادا کیا۔ جو کہ ا?ج بھی لوگوں کے دلوں میں زندہ ہے۔ انہوں نے فلم ساز سنجے لیلی بھنسالی کا شکریہ ادا کیا۔ ساتھ ہی انہوں نے اپنی نئی تامل فلم کے فلم میکر مانی گروو کا بھی جن کی بدولت انہوں نے مضبوط عورت کے کردار کو نبھایا۔ایشوریا کی نئی تامل فلم 28 اپریل سے نمائش کے لیے پیش کی جارہی ہے۔

لاہور:پاکستانی گلوکار علی عظمت نے اپنے دوست کی سالگرہ کا جشن منایا، اسی دوران گلوکار نے زبردستی اپنے دوست کو پکڑ کر کیک کھلایا، ویڈیو وائرل ہوگئی۔پاکستانی گلوکار علی عظمت کو اپنے دوست کی سالگرہ کا جشن منانا اس وقت مہنگاپڑ گیا۔ جب گلوکار نے اپنے دوست کو زبردستی گلے سے پکڑتے ہوئے، اس کے منہ میں کیک کا ایک بڑا سا سلائس ڈالا۔ جس کے بعد جشن مناتے ہوئے علی عظمت نے منہ سے باہر زبان نکالی۔ویڈیو میں دیکھا جا سکتا ہے کہ ایک خاتون گلوکار کو روکنے کی کوشش بھی کر رہی ہے۔علی عظمت کا اپنے دوست کو زبردستی کھینچ کر پکڑنا سوشل میڈیا صارفین کو زیادہ پسند نہ آیا۔ یہ ویڈیو مختلف پلیٹ فارمز پر شیئر ہو رہی ہے جس میں صارفین اپنی رائے کا اظہار کر رہے ہیں۔ایک صارف نے لکھا کہ یہ ایک مہمان کے ساتھ زیادتی ہے آپ علی عظمت کے ایکشن میں واضح فرسٹریشن دیکھ سکتے ہیں تفریح نہیں۔ایک صارف نے لکھا کہ یہ جارحانہ ہے! کسی کو صرف کیک کھلانے کے لیے ایسا حملہ کرنا۔ عجیب۔ایک صارف نے لکھا کہ پڑھے لکھے لوگ جاہلیت کرتے ہوئے۔ یہ ہیں ہمارے نام نہاد ہیرو ایک فریم میں ہیں، یہ سالگرہ یا کسی چیز کا بدلہ، فریم میں موجود خاتون انہیں روکنے کی کوشش بھی کر رہی ہے۔

ممبئی:بگ باس امیدوار عرفی جاوید کو ممبئی کے ایک ریستوران میں داخلے پر پابندی لگا دی ، اداکارہ نے ریستوران میں روکے جانے کے حوالے سے اپنے سوشل میڈیا اکاونٹ پر شیئر کیا۔انسٹاگرام پر اسٹوری شیئر کرتے ہوئے عرفی جاوید نے غصے کا اظہار کیا اورلکھا کہ انہیں ممبئی کے ایک ریستوران میں ان کے فیشن چوائس کے باعث داخل نہیں ہونے دیا گیا۔ساتھ ہی اداکارہ نے یہ بھی لکھا کہ اگر آپ کو میری فیشن چوائس نہیں پسند تو ٹھیک ہے لیکن بالکل مختلف رویہ رکھنا اچھا نہیں ہے۔ مجھے بلا وجہ کے وضاحتیں دینے کی ضرورت نہیں۔عرفی جاوید آئے روز کیے جانے والے فیشن اور نازیبا لباس کی وجہ سے خبروں میں رہتیں ہیں۔ اسی وجہ سے بگ باس امیدوار پر بے حد تنقید بھی کی جاتی ہے۔

ممبئی:بالی ووڈ بیبو شادی سے قبل چھوٹے نواب کے اصل نام سے ناواقف تھیں۔میڈیا رپورٹس کے مطابق کرینہ کپور پر سیف علی خان کے اصل نام کی کہانی شادی والے دن کھلی تھی اور کرینہ سیف کا اصل نام جان کر حیران رہ گئی تھیں۔میڈیا رپورٹس کے مطابق شادی والے دن کرینہ کپور پر یہ راز کھلا کے سیف علی خان کا اصلی نام ساجد علی خان پٹودی تھا جو اْنہوں نے بعد میں تبدیل کروا کر سیف علی خان رکھا تھا۔میڈیا رپورٹس کے مطابق کرینہ اور سیف کی شادی کے سرٹیفیکیٹ پر بھی سیف علی خان کا نام ساجد علی خان پٹودی درج ہے۔نام تبدیل کروانے اور کنیت پٹودی ہٹانے سے متعلق بھارتی شاہی خاندان کے چھوٹے نواب سیف علی خان نے خود ایک انٹرویو کے دوران انکشاف کیا تھا کہ اْن کے نام سے پٹودی اْن کے والد نے ہی ہٹوایا تھا۔

ممبئی: بالی ووڈ سْپر اسٹار سلمان خان کو بدنامِ زمانہ گینگسٹر لارنس بشنوئی کی جانب سے قتل کی دھمکیاں ملنے کے بعد انہوں نے بلٹ پروف گاڑی خرید لی۔ میڈیا رپورٹ کے مطابق سلمان خان کو بدنامِ زمانہ گینگسٹر لارنس بشنوئی کی جانب سے حال ہی میں متعدد بار قتل کی دھمکیاں دی گئی ہیں جس کے بعد اداکار نے اپنی سیکیورٹی کو یقینی بنانے کیلئے خود بہتر اقدامات کرنے شروع کر دیئے ہیں۔سلمان خان نے اپنی حفاظت کیلئے جدید اور مہنگی ترین بلٹ پروف گاڑی سیو پٹرو نیسیان خرید ی ہے جو کہ خاص طور پر بیرون ملک سے درآمد کروائی گئی ہے اور اس وقت بھارت میں دستیاب نہیں ہے۔

ممبئی: بالی ووڈ اداکارہ روینہ ٹنڈن کو بھارت کے اعلیٰ ترین پدما شری ایوارڈ سے نواز دیا گیا۔بھارتی میڈیا رپورٹ کے مطابق روینہ ٹنڈن نے ریاست کی جانب سے اعلیٰ ترین ایوارڈ سے نوازے جانے پر شکریہ ادا کرتے ہوئے کہا کہ یہ ان کے والد کا خواب تھا مگر افسوس وہ یہ لمحہ دیکھنے کیلئے دنیا میں موجود نہیں۔روینہ کا کہنا تھا کہ اس اہم اعزاز سے نوازے جانے پر بھارتی حکومت کی مشکور ہوں، میں ان تمام لوگوں کا شکریہ ادا کرتی ہوں جنہوں نے سینما کے آرٹ اور کرافٹ کے اس سفر میں ہمیشہ میری رہنمائی کی۔ تقریب دہلی کے راشٹرپتی بھون میں منعقد ہوئی جہاں روینہ ٹنڈن کو صدر دروپدی مرمو نے خود یہ اعزاز پیش کیا۔