Category شوبز

ممبئی: بالی ووڈ اداکار پرینیتی چوپڑا سلورسکرین پر ٹینس کی کھلاڑی ثانیہ مرزا کا کردار ادا کرسکتی ہیں۔
بھارتی ذرائع ابلاغ کے مطابق پرینیتی چوپڑا نے ایک چیٹ شو میں کہا ہے کہ ان کی خاص دوست اور ٹینس کھلاڑی ثانیہ مرزا چاہتی ہیں کہ وہ ان کی بایوپک میں کام کریں۔
انہوں نے بتایا کہ ثانیہ مانتی ہیں کہ ہم دونوں کی جسمانی ساخت ایک جیسی ہے اسی وجہ سے وہ چاہتی ہیں کہ میں ان کی سوانح حیات پر مبنی فلم میں کام کروں۔

ممبئی: بالی ووڈ اداکار نواز الدین صدیقی نے کہا کہ انہیں لگتا ہے وہ ابھی بھی مکمل اداکار نہیں بن پائے۔
اداکار نواز الدین صدیقی نے اپنی تازہ گفتگو میں کہا کہ بالی وڈ میں اتنا عرصہ گزارنے کے بعد بھی انہیں اب بھی ایسا محسوس ہوتا ہے وہ ابھی بھی مکمل اداکار نہیں بن سکے۔
انہیں اب بہت کچھ سیکھنے کی ضرورت ہے اور اپنی اداکاری میں موجود بہت سی غلطیوں کی اصلاح کی بھی ضرورت ہے۔
انہوں نے کہا کہ ایک مکمل اداکار کہلانے کے لئے ان کی جدوجہد جاری ہے،اداکار کی نئی فلم ”بابو موشائی بندوق باز“ ہے جس میں ان کی ہیروئن بدیتا بیگ ہوں گی۔
فلم کی ہدایات کوشان نندے نے دی ہے،فلم 25 اگست کو سینما گھروں کی زینت بنے گی۔

لاہور: پنجاب کے شہر لاہور میں امریکی گلوکارہ اور ان کے بینڈ نے زبردست پرفارمنس سے منچلوں کے دل موہ لیے۔
لاہور کے نیشنل کالج آف آرٹس میں جاز میوزک کی دلفریب تقریب منعقد ہوئی جس میں ایوارڈ یافتہ امریکی گلوکارہ کی خوب صورت آواز نے رنگ جمایا۔
پانچ رکنی امریکی بینڈ میں شامل میوزیشنز کا کہنا تھا کہ پاکستان اورامریکی تعلقات کو مضبوط بنانے کے لیے میوزک اہم کردار اداکرسکتا ہے۔ دنیا کو بہتر بنانا ہم سب پر فرض ہے اور ہر کسی کا چیزیں بہتر کرنے کا اپنا طریقہ ہے چھوٹا یا بڑا۔ میرے خیال میں میرے لیے یہ صرف میوزک ہے۔
امریکی گلوکارہ گیبریل سٹریویلی کا کہنا تھا کہ وہ پاکستانی ثقافت اور کھانوں کی مداح ہیں۔ مجھے یہاں کا کھانا بے حد پسند ہے میں نے ابھی تک یہاں بریانی نہیں کھائی جو مجھے ضرور کرنا ہے۔ میں نے چنا مصالحہ کھایا ہے اور چکن ڈشز کھائی ہیں لیکن مجھے پتہ ہے کہ مجھے بریانی ضرور کھانی ہے۔
بینڈ کی جانب سے جاز میوزک کی دھنوں پر چھ گانے پیش کیے گئے جنہیں خوب پذیرائی ملی۔

لاس اینجلس : ہالی ووڈ کی نئی ایکشن ہارر فلم دی والٹ کا ٹریلر جاری کردیا گیا ہے۔
خوف ناک ، دہشت سے بھرے اور تھرلنگ ایکشن کا سامان لیے فلم دی والٹ جلد سینما گھروں کی زینت بنے گی۔ فلم کی ہدایت کاری ڈین بش نے دی ہے۔ فلم کی کہان دو ایسی بہنوں کے گرد گھومتی ہے جنہیں بینک میں ڈاکے کیلئے مجبور کیا جاتا ہے، تاکہ وہ اپنے بھائی کی جان بچا سکیں۔
فلم میں جیمز فرینکو، ٹیرین میننگ، اسکاٹ ہیز،جیف گم، فرینسیسکا ایسٹ ووڈ اور مائیکل ملفورڈ سمیت دیگر اداکار شامل ہیں۔

اسلام آباد(میڈیا پاکستان)معروف شخصیات کی نجی زندگی کی معلومات ہمیشہ سے ہی میڈیا اور عوام کی توجہ کا مرکز بنتی رہی ہیں تاہم ان دنوں اس حوالے سے بالی ووڈ کی معروف اداکارہ کترینہ کیف خبروں کی زینت بن رہی ہیں۔ کترینہ کیف اور رنبیر کپور 6 سال معاشقے کے باعث خبروں کی زینت بنتے رہےہیں جب کہ اس کے علاوہ بھی اداکارہ کی نجی زندگی میڈیا میں بحث کا حصہ رہی ہےجس پر اداکارہ پریشانی کا شکار رہیں لیکن اب اداکارہ نے نجی زندگی کے راز فاش کرنے والے کو دھر لیا ہے۔ہوا کچھ یوں کہ گزشتہ دنوں نوجوان

اداکار آدتیہ رائے کپور کے ساتھ ڈنر سے واپسی پر میڈیا کو دیکھ کر کترینہ کیف اپنے ڈرائیور پر سیخ پا ہوگئیں۔ اداکارہ نے سب کے سامنے ڈرائیور پر نجی زندگی کی معلومات میڈیا کو دینے کا الزام عائد کرتے ہوئے خوب جھاڑ پلائی اورڈرائیور کو نوکری سے فارغ بھی کردیا۔

لاہور(میڈیا پاکستان) معروف پاکستانی سنگر اور اداکار فخر عالم اپنی عجیب و غریب حرکتوں سے ہمیشہ سے میڈیا میں ان رہے ہیں۔ اب انہوں نے ایک فلم ’’جے آئی ٹی‘‘ میں امی کا کردار بھی کیا ہے۔ تفصیلات کے مطابق فخر عالم پہلے گلوکاری کے شعبے میں ناکام ہوئے جہاں پر وہ اتنے سالوں میں ایک بھیاچھا گانا شائقین کو نہیں دے سکے جبکہ اب وہ ایک بار پھر ایک منفرد تجربہ کرنے جا رہے ہیں اور انہوں نے اپنی آنیوالی فلم ’’جے آئی ٹی‘‘ میں ڈبل رول ادا کرنے کا فیصلہ کیا ہے۔اس فلم وہ فیصل قریشی اور
اعجاز اسلم کے ساتھ رول ادا کر رہے ہیں جبکہ ان تینوں بھائیوں کی امی کا کردار بھی وہی ادا کر رہے ہیں۔

بولی وڈ اداکار سنجے دت کی واپسی کا مداحوں کو بےصبری سے انتظار ہے، جو بہت جلد فلم ’بھومی‘ کے ساتھ سلور اسکرین پر اداکاری کے جوہر دکھاتے نظر آئیں گے۔
اس فلم کا ٹریلر حال ہی میں ریلیز کیا گیا، جسے دیکھ کر محسوس ہورہا تھا کہ فلم کافی سنجیدہ موضوع پر مبنی ہے، تاہم اب اس کا ایک گانا بھی شائقین کے لیے پیش کردیا گیا جو فلم کی ریلیز کا انتظار مزید بڑھا رہا ہے۔
’لگ جا گلے‘ نامی گانا نہایت خوبصورت میوزک کے ساتھ بنایا گیا، جسے راحت فتح علی خان نے گایا ہے، اس گانے کو پریا ساریا نے تحریر کیا، جس کی کمپوزیشن جگر اور سچن نے کی۔
’لگ جا گلے‘ سن کر ایسا محسوس ہو رہا ہے کہ جیسے یہ گانا ماضی کے کامیاب گانے ’لگ جا گلے‘ کا ری مکس ہوگا، جسے لیجنڈری گلوکارہ لتا منگیشکر نے گایا تھا، تاہم ان دونوں گانوں میں کوئی بھی چیز مشترک نہیں۔
فلم ’بھومی‘ کا ٹریلر 10 اگست کو جاری کیا گیا تھا جبکہ فلم رواں برس 22 ستمبر کو ریلیز کی جائے گی۔
’بھومی‘ کی ہدایات اومنگ کمار نے دی ہیں، جب کہ فلم کو بھشن کمار، سندیپ سنگھ اور اومنگ کمار نے پروڈیوس کیا ہے۔
’بھومی‘ کا کردار ادتیہ راؤ حیدری نے ادا کیا ہے، جو فلم میں سنجے دت کی بیٹی بنی ہیں، باپ اور بیٹی کے ارد گرد گھومنی والی اس فلم کی کہانی سندیپ سنگھ نے تحریر کی ہے۔

 بالی وڈ کے معروف اداکار نصیرالدین شاہ کی نئی فلم” دی ہنگری“ کا ٹریلر جاری کردیاگیاہے۔ نصیرالدین شاہ کےساتھ اداکارہ ٹیسکا چوپڑہ بھی نظرآئیں گی۔ فلم کی کہانی ایک بیوہ کی ہے جو اپنے بیٹے کے قتل کے انتقام کیلئے شادی کرتی ہے۔ یہ کہانی معروف مصنف ولیم شیکسپیئر کے لکھے گئے افسانے سے ماخوذہے جس میں طاقت اور محبت کے درمیان پیدا ہونےوالے تشدد کو پیش کیا گیاہے۔فلم کی ہدایتکاری اور تحریر بورنیلا چیٹرجی نے دی ہے۔بالی وڈ کی یہ نئی فلم ٹورنٹو میں منعقد ہونےوالے ایک بین الاقوامی فلم فیسٹول میں پیش کی جائےگی۔

بالی وڈ کے اداکار مدھوان سے متعلق خبر ہے کہ وہ ناسا کے اسپیس سینٹر گئے ہیں ۔ان کی ایک تازہ تصویر سامنے آئی ہے جس میں وہ ناسا کے ایک افسر سے گائیڈ لائن لیتے دکھائی دے رہے ہیں۔ یہ تصویر فلمی تجزیہ نگار تاران ادرش نے اپنے ٹویٹر پر شیئر کی ہے۔ مدھوان بھی بالی وڈ کی نئی سائنس فکشن فلم ” چندا ماما دور کے“ کا حصہ بننے جارہے ہیں جس میں وہ خلانورد بنیں گے ۔فلم کی کہانی ہندوستان کے اسپیس مشن پر بننے جارہی ہے۔ اس سے قبل اداکار سشانت سنگھ کے ناسا جانے کی خبریں سامنے آئی تھیں۔

ممبئی: بھارتی فلم انڈسٹری کے نا مور اداکار امیتابھ بچن ا یک بار بھر چھوٹے پردے پر دھوم مچانے کے لیے تیارہیں ۔ ہر دل عزیز شو ” کون بنے گاکروڑ پتی ” ایک بار پھر منظر عام پر آئے گاجس کی میزبانی امیتابھ بچن کریں گے۔
مگر “شو “کے ہدایتکار نے میڈیا سے بات کرتے ہوئے بتا یا کہ شائقین کے لیےاس سیزن کے فارمیٹ میں بڑی تبدیلیاں کی گئی ہیں جیسے کہ نارمل کال کی جگہ حریف اپنے دوستوں کو ویڈیو کال کریں گے۔نہ صرف حریف اپنی مدد کے لیے کسی رشتہ دار کو لا سکتا ہے بلکہ ا یکسپر ٹ ایڈوائس بھی حریف کا کوئی بھی قابل اعتماد دوست دے گا۔

معروف اداکار امیتا بھ بچن نے اپنے ایک انٹر ویو میں کہا کہ ” کون بنے گاکروڑ پتی ” سےلوگوں کے ساتھ ساتھ ان کی زندگی میں واضح تبدیلیاں رونما ہوئیں ہیں۔انہوں نےمزید یہ بھی کہا کہ شو کے ذریعے لوگوں کے خواب پورے کر نے کی کوشش کی جا رہی ہے۔