Category شوبز

لاہور : پاکستان میوزک انڈسٹری کی معروف گلوکارہ آئمہ بیگ فیشن کے اپنے منفرد انداز نکالنے میں ماہر ہیں اور ان کے اس طرح کے تجربے مداحوں کی جانب سے پسند بھی کیے جاتے ہیں۔آئمہ بیگ نے حال ہی میں فوٹو اینڈ ویڈیو شیئرنگ ایپ انسٹاگرام پر اپنی کچھ نئی تصاویر شیئر کی ہیں۔اْنہیں اس تصویر میں کو سیاہ رنگ کی پینٹ شرٹ کے ساتھ رنگین جیکٹ پہنے ہوئے دیکھا جاسکتا ہے۔سوشل میڈیا صارفین کو گلوکارہ کا کورین گلوکاراو ں کے روایتی انداز کو کاپی کرنا پسند نہیں ا ٓیا اور اْنہیں اپنے اس نئے اسٹائل پر شدید تنقید کا سامنا کرنا پڑ رہا ہے۔واضح رہے کہ اس سے قبل آئمہ بیگ اپنے منگیتر، اداکار شہباز شگری کو دھوکا دینے کے الزامات کی وجہ سے شدید تنقید کی زد میں تھیں

نیو یارک :بھارت کے معروف پنجابی گلوکار شبھ دیپ سنگھ سدھو عرف سدھو موسے والا کے قتل کا ماسٹرمائنڈ گرفتار کرلیا گیا۔بھارتی میڈیا کے مطابق ملزم گولڈی برار کو کیلیفورنیا سے 20 نومبر کو گرفتار کیا گیا۔واضح رہے کہ پنجابی گلوکار سدھو موسے والا کو 29 مئی کی شام نامعلوم حملہ آوروں کی جانب سے فائرنگ کر کے قتل کر دیا گیا تھا۔دوسری جانب سدھو موسے والا کی پوسٹ مارٹم رپورٹ میں انکشاف کیا گیا تھا کہ اْنہیں 30 گولیوں کا نشانہ بنایا گیا جبکہ 2 درجن سے زائد گولیاں اْن کے جسم سے نکالی گئیں۔

لاہور:شوبز انڈسٹری کی ابھرتی ہوئی اداکارہ مریم نور شیخ نے شادی کر لی ہے۔ کامیڈی ڈرامہ سیریل ’عشق جلیبی‘ کی اداکارہ مریم نور شیخ بھی شادی کے بندھن میں بندھ گئی ہیں، مریم نور کے دولہا میاں فلائٹ انسٹرکٹر ہیں جن کا نام اسماعیل بٹ ہے۔اداکارہ نے اپنی شادی کی تقریبات کی خوبصورت تصویریں اور ویڈیوز کو سوشل میڈیا اکاؤنٹ انسٹا گرام پر مداحوں کے ساتھ شیئر کیا ہے۔اِن تصاویر کو دیکھ کر اْن کے مداح بے حد خوش ہیں اور کمنٹ سیکشن میں مریم نور کو مداحوں کی جانب سے مبارک باد دینے کا سلسلہ بھی جاری ہے۔

لاہور :پاکستانی شوبز انڈسٹری کی معروف اداکارہ میرا نے اپنی خوبصورتی کے راز سے پردہ اْٹھا دیا۔فوٹو اینڈ ویڈیو شیئرنگ پلیٹ فارم انسٹا گرام پر وائرل ہونے والی ویڈیو سے معلوم ہوتا ہے کہ میرا کسی تقریب میں موجود ہیں۔اس تقریب میں انہوں نے ایک سوال کے جواب میں اپنی خوبصورتی کا راز مداحوں کو بتا دیا۔میرا کا کہنا ہے کہ میری خوبصورتی کا راز ہے اچھی سوچ، اچھا اخلاق، انسانیت، انسانیت کی خدمت اور لوگوں کی مدد کرنا، لوگ بھی میری مدد کرتے ہیں۔انہوں نے اپنی تعریف میں یہ بھی کہا کہ میں اچھی اور پاکیزہ انسان بھی ہوں۔

ممبئی :انڈین فلم فیسٹیول کی جیوری نے فلم ’کشمیر فائلز‘ کو بیہودہ اور پروپیگنڈا قرار دے دیا ہے۔آئی ایف ایف آئی جیوری کے سربراہ اسرائیلی فلم ساز نادو لیپڈ کے مطابق ’کشمیر فائلز‘ کو فیسٹیول میں دیکھنے سے جیوری کو دھچکا لگا۔نادو لیپڈ نے کہا کہ ’کشمیر فائلز‘ ایک پروپیگنڈا فلم ہے اسے ایک فنکارانہ مقابلے میں ایک موقر فیسیٹیول میں پیش کرنا نامناسب تھا۔انہوں نے مزید کہا کہ میں اپنے تاثرات کو آپ کے ساتھ یہاں اسٹیج پر شیئر کرنے میں مکمل طور طمانیت محسوس کررہا ہوں۔فلم ’کشمیر فائلز‘ کو بی جے پی کی طرف سے مکمل حمایت حاصل رہی اور بھارت کی مختلف ریاستوں میں اسے ٹیکس فری قرار دیا گیا اور یہ باکس آفس پر ہٹ ثابت ہوئی تھی۔بھارتی وزیراعظم نریندرا مودی اور یونین ہوم منسٹر امت شاہ نے بھی فلم کی بہت تعریفیں کی تھیں۔’کشمیر فائلز‘ کی کہانی 1990 میں مقبوضہ وادی کے اندر کشمیری پنڈٹس کے قتل اور اخراج کے گرد گھومتی ہے۔

لاہور: پاکستان شوبز انڈسٹری کی سینئر اداکارہ، گلوکارہ اور میزبان بشریٰ انصاری کی والدہ محمودہ خانم انتقال کر گئیں۔بشریٰ انصاری نے اپنے انسٹاگرام اکاؤنٹ پر یہ افسوسناک خبر مداحوں کے ساتھ شیئر کی۔اداکارہ بشریٰ انصاری اور اداکارہ اسماء عباس کی والدہ طویل عرصے سے علیل تھیں۔بشریٰ انصاری نے یہ افسوس ناک خبر شیئر کرتے ہوئے پوسٹ کے کیپشن میں مداحوں کو بتایا کہ میری پیاری ماں محمودہ خانم ابھی ہمیں چھوڑ کر چلی گئی ہیں، اْن کا بستر پر ایک لمبا اور دکھی وقت گزرا، میری والدہ میری پیاری بہن سنبل سے ملیں گی، الوداع میری پیاری امّی

کراچی : اداکارہ اقرا عزیز نے کہا ہے کہ اداکار فیروز خان کے ساتھ کام کے دوران خود کو ریلیکس محسوس نہیں کرتی تھی۔ نجی ٹی وی پروگرام میں اقرا عزیز نے کہا کہ اداکار فیروز خان کے ساتھ کام نہ کرنے کا فیصلہ پہلے ہی کرلیا تھا۔ ان کے ساتھ کام کے دوران خود کو ریلیکس محسوس نہیں کرتی تھی۔ ہر کسی کو اپنا فیصلہ کرنا کا اختیار ہے۔ مجھے خود کے لیے جو ٹھیک لگا وہ فیصلہ کیا۔ انہوں نے کہا کہ مجھے بالی وڈ سے کبھی کام کی آفر نہیں ہوئی۔ خوا مخواہ جھوٹ نہیں بول سکتی کہ مجھے آفر ہوئی تھی۔ انہوں نے کہا کہ یاسرحسین کا کہنا تھا کہ وہ اپنی مرضی سے اپنی رائے دیتے ہیں اور میں بھی۔ ہر باشعور انسان کی طرح ہم اپنی اپنی رائے رکھتے ہیں اور اس سلسلے میں ایک دوسرے پر کوئی دباؤ نہیں ڈالتے۔

ممبئی: بھارت کی معروف اداکارہ اور رقاصہ نورا فتیحی ڈانس شو میں میں مشہور گانے ’پچھتاؤ گی‘ پر امیدواروں کی پرفارمنس دیکھ کر آبدیدہ ہوگئیں۔اداکارہ کا کہنا تھا کہ جب یہ گانا مجھ پر فلمایا گیا تھا تو میں کچھ اسی قسم کی جذباتی صورتحال سے گزر رہی تھی۔نورا فتیحی ایک ڈانس ریئیلٹی شو ’جھلک دکھلا جا‘ میں جج کے فرائض سرانجام دے رہی ہیں، جب گانے ’پچھتاؤ گی‘ پر پرفارمنس پیش کی گئی تو اپنے آنسو روک نہ سکیں۔اداکارہ نے اشارہ دیا کہ 2019 میں جب یہ گانا شوٹ کیا گیا تو تازہ ’بریک اپ‘ کی وجہ سے ان کا دل ٹوٹا ہوا تھا اور اس گانے میں انہوں نے اپنے حقیقی جذبات کو بھی فلمایا تھا۔نورا فتیحی ماضی میں انگد بیدی کے ساتھ لمبے عرصے تک ڈیٹ کرتی رہی ہیں لیکن پھر دونوں نے راستے جدا کرلئے اور انگد نے 2018 میں نیہا دھوپیا سے شادی اداکارہ متعدد مرتبہ اپنے بریک اپ کے متعلق میڈیا پر گفتگو کرچکی ہیں اور انہوں نے یہ انکشاف بھی کیا کہ بریک اپ کے بعد وہ ڈپریشن کا شکار ہوگئی تھیں۔

لندن(ایمرا نیوز) پاکستان شوبز انڈسٹری کی صفِ اول کی ماڈل ایان علی نے انکشاف کیا ہے کہ انہوں نے منی لانڈرنگ کیس سے نمٹنے کے بعد اپنے بڑھتے وزن پر قابو کیسے پایا۔
معروف ماڈل ایان علی نے ٹوئٹر پر اپنی ایک ویڈیو شیئر کرتے ہوئے بتایا ہے کہ انہوں نے انزائٹی اور دل کے عارضے میں مبتلا ہونے کے بعد کس طرح اپنا وزن کم کیا، ویڈیو میں انہیں سخت ورزشیں کرتے دیکھا جا سکتا ہے۔
ایان علی نے بتایا کہ وہ پی ٹی ایس ڈی (پوسٹ ٹرامیٹک اسٹریس ڈس آرڈر) کا شکار تھیں جس کے بعد ان کا وزن 60 کلو سے 100 کلو تک چلا گیا تھا لیکن اب وہ اپنی سخت ورزش کے معمول کے بعد 58 کلوگرام ہو چکی ہیں۔
ایان نے بتایا کہ’2015 میں عدالتی کیس کے بعد ان کی دماغی صحت گرنے لگی تھی اور اگلے دو سالوں تک ہر گزرتے دن کے ساتھ ڈپریشن، ذہنی تناؤ اور اضطراب بڑھتا گیا‘۔
ماڈل نے اپنی ٹوئٹ میں بتایا کہ ’منی لانڈرنگ، قتل، دہشت گردی ہر ہفتے مجھے ایک نئے جعلی کیس سے نمٹنا پڑتا تھا جیل کے دنوں کے جسمانی و ذہنی تشدد کی باقیات بھی ساتھ رہتیں اور نیشنل ٹی وی پر غلیظ ترین کردار کشی مسلسل تنہا رہنے پر مجبور کرتی تھیں‘۔

کراچی (ایمرا نیوز)اقوام متحدہ کی خصوصی سفیر، ہالی وڈ اداکارہ اینجلینا جولی کے حوالے سے امکان ہے کہ وہ مزید دوروزپاکستان میں رکیں گی ۔
اینجلینا جولی سیلاب زدہ علاقوں کے دورے کے ساتھ امدادی سرگرمیوں کا جائزہ لیں گی۔
دورے کے پہلے دن انجلینا جولی نے سندھ میں دادو کے پانی میں گھرے علاقوں کا فضائی جائزہ لیا اور کشتی کے ذریعے بھی متاثرہ علاقوں میں گئیں۔
انجلینا جولی اس سے پہلے 2010 کے سیلاب اور 2005 کے زلزلے کے متاثرین سے ملاقات کیلئے بھی پاکستان آچکی ہیں۔
واضح رہے کہ اقوام متحدہ کے ادارہ برائے پناہ گزین (یو این ایچ سی آر) کی نمائندہ خصوصی اور ہالی وڈ اداکارہ اینجلینا جولی پاکستان میں اقوام متحدہ کے ہائی کمیشن برائے مہاجرین کی سرگرمیوں کا بھی جائزہ لیں گی۔