Category شوبز

لاہور: پاکستانی خوبرو اداکارہ و ماڈل ہانیہ عامر نے سوشل میڈیا پر ایک بھارتی نانی کی بوائے فرینڈ سے متعلق دی گئی صلاح شیئر کی ہے۔ہانیہ عامر نے ایک بھارتی سوشل میڈیا کونٹینٹ کرئیٹر کویا ماتھور کی ویڈیو شیئر کی ہے جس میں ایک نانی اماں بوائے فرینڈ بنانے، بوائے فرینڈ کے چھوڑنے پر رونے دھونے کے بجائے نیا بوائے فرینڈ بنانے کی ترغیب دے رہی ہیں۔نانی اماں کا ویڈیو میں صلاح دیتے ہوئے مزید کہنا ہے کہ اگر لڑائی ہو جائے تو اسے زیادہ دیر تک چلاؤ نہیں، ایک دن دو دن بعد بات شروع کر دو، ایک زندگی ملی ہے اس میں کیا کسی کا رونا یا ناراض ہونا۔اداکارہ ہانیہ عامر نے اس ویڈیو کو شیئر کرتے ہوئے بھارتی نانی اماں کے الفاظ کیپشن میں دہرائے ہیں اور اس نانی کو نانی آف دی ا ئیر قرار دیا ہے۔

لاہور:پاکستانی انٹرٹینمنٹ انڈسٹری کی معروف سینئر اداکارہ نادیہ افگن کے جاپانی زبان میں گدوائے گئے نئے ٹیٹو پر بحث چھڑ گئی ہے۔حال ہی میں نادیہ افگن نے سوشل میڈیا صارفین کی توجہ حاصل کر لی ہے اور خبروں کی زینت بن گئی ہیں، نادیہ افگن کے وائرل ہونے کا سبب اْن کا جاپانی زبان میں گدوایا گیا نیا ٹیٹو ہے۔گزشتہ دنوں نادیہ افگن نے انسٹاگرام اسٹوریز میں اپنی تصویریں شیئر کرتے ہوئے بتایا کہ انہوں نے نیا ٹیٹو گدوایا ہے۔پیچیدہ طریقے سے ڈیزائن کیے گئے اس ٹیٹو کی اہمیت اور معنی سے متعلق سوشل میڈیا پر قیاس آرائیاں شروع ہو گئی ہیں۔ نادیہ افگن کے اس ٹیٹو پر انٹرنیٹ صارفین حلال اور حرام کی بحث میں مصروف ہیں، کچھ صارفین کو نادیہ
افگن کا یہ ٹیٹو بہت بھایا ہے جبکہ کچھ نے ناپسندیدگی کا اظہار کرتے ہوئے اس ٹیٹو کے خلاف کمنٹس کیے ہیں۔

ممبئی :بالی ووڈ اداکار سدھارتھ ملہوترا نے انکشاف کیا ہے کہ اْن کی ساتھی اداکارہ، کترینہ کیف مشہور گانے کالا چشمہ کی شوٹنگ کے دوران آئس کیوبز چبایا کرتی تھیں۔کافی ود کرن میں گفتگو کے دوران اداکار کا کہنا تھا کہ کترینہ کیف اپنی فٹنس سے متعلق کافی سنجیدہ اداکارہ ہیں، وہ اپنے ہر کردار کے لیے کافی محنت کرتی ہیں۔انہوں نے مزید کہا کہ فلم بار بار دیکھو کے مشہور ترین گانے کالا چشمہ کی شوٹنگ کے دوران کترینہ کیف نے ڈانس کی سخت تربیت حاصل کی تھی، گانے کی شوٹنگ کے دوران جب بھی ری ٹیک لیا جاتا تھا وہ خود کو تازہ دم، ہائیڈریٹڈ رکھنے، جِلد کے چمکدار اور فریش نظر ا ٓنے کے لیے ا ٓئس کیوبز چباتی تھیں۔

ممبئی : بالی ووڈ کے اداکار نواز الدین صدیقی کی سابقہ اہلیہ عالیہ صدیقی نے دوسری شادی کا عندیہ دے دیا۔فوٹو اینڈ ویڈیو شیئرنگ پلیٹ فارم انسٹاگرام پر گزشتہ روز عالیہ صدیقی نے اپنے ایک دوست کے ساتھ تصویر شیئر کی، جس کے کیپشن کے اختتام میں انہوں نے لکھا کہ کیا مجھے خوش رہنے کا حق نہیں ہے۔ اداکار نواز الدین صدیقی اور عالیہ صدیقی طلاق کے بعد اپنے بچوں، بیٹے ’یانی اور بیٹی شورا کی تربیت و پرورش کی ذمہ داری باہمی رضا مندی سے مل کر اْٹھا رہے ہیں۔ تاہم گزشتہ کچھ عرصے سے عالیہ صدیقی اپنے سابق شوہر کے ساتھ کشیدہ تعلقات کے باعث شہ سرخیوں کا حصہ بنی ہوئی ہیں۔تاہم اب انہوں نے مذکورہ تصویر پوسٹ کرتے ہوئے دوسری شادی کا عندیہ دیا اور اس کے ساتھ طویل کیپشن بھی لکھا، انہوں نے لکھا کہ جس رشتے کو میں قیمتی سمجھتی تھی اس سے نکلنے میں 19 برس سے زائد لگ گئے، لیکن میری زندگی میں میرے بچے ہی میری ترجیح تھے اور ہمیشہ رہیں گے۔بعد ازاں انہوں نے بھارتی میڈیا کو انٹرویو دیتے ہوئے مذکورہ تصویر میں موجود شخص کا نام لئے بغیر کہا کہ میں اپنی زندگی میں آگے بڑھ گئی ہوں اور اس شخص کے ساتھ دوستی سے بڑھ کر رشتہ ہے ہم دونوں ایک دوسرے کی بہت عزت کرتے ہیں، اس شخص کا تعلق بھارت سے نہیں بلکہ اٹلی سے ہے اور ہماری پہلی ملاقات دبئی میں ہوئی۔

ممبئی:بھارتی اداکارہ سوارا بھاسکر نے جَلد ماں بننے سے متعلق سوشل میڈیا پر خوشخبری شیئر کی ہے۔فروری 2023ء میں سیاستدان فہد احمد کے ساتھ کورٹ میرج کرنے والی اداکارہ سوارا بھاسکر جَلد ماں بننے والی ہیں۔سوارا بھاسکر نے شوہر فہد احمد کے ہمراہ شیئر کی گئی ایک مشترکہ انسٹاگرام پوسٹ میں اپنے مداحوں کو یہ خوشخبری سناتے ہوئے لکھا کبھی کبھی آپ کی تمام دعائیں ایک
ساتھ قبول ہوتی ہیں۔ مبارک شکر گزار، پرجوش، ہم ایک مکمل نئی دنیا میں قدم رکھنے والے ہیں۔ دوسری جانب بھارتی اداکارہ سوارا بھاسکر نے اس پوسٹ کے ہیش ٹیگز میں بتایا ہے کہ اْن کے ہاں پہلے ننھے مہمان کی آمد اکتوبر 2023 میں متوقع ہے۔

نیویارک : جلد ہی ماں بننے والی الیانا ڈی کروز نے آخر کار ایک تصویر میں اپنے بوائے فرینڈ کی جھلک شیئر کر دی۔ میڈیا رپورٹ کے مطابق جب سے الیانا نے اپنے حمل کی خبر شیئر کی ہے، مداحوں میں والد کے بارے میں جاننے کے لیے تجسس ہے۔ اداکارہ نے آج سے پہلے، میں تیرا ہیرو کے کیپشن کے ساتھ ساحل سمندر کی ایک تصویر شئیر کردی ۔ کیپشن میںبے بی مون کا بھی ذکر کیا ہے ۔ ادکارہ نے انسٹاگرام اسٹوری پر ایک اور تصویر بھی پوسٹ کی جس میں اپنی انگھوٹھیوں کو نمایاں کرتے ہوے ایک آدمی کا ہاتھ پکڑے ہوئے ہیں۔ اس تصو یر کے کیپشن میں اداکارہ نے لکھامیرا رومانس کا خیال مجھے سکون سے کھانے بھی نہیں دے سکتا۔

ممبئی: بالی ووڈ اداکاروں سے متعلق پیشگوئیاں کرنے والے فلمی ناقد اور اداکار کمال راشد خان نے مسٹر پرفیکٹ عامر خان کی جلد شادی کی پیش گوئی کردی۔کے آر کے نے عامر خان کے حوالیسے ٹوئٹ کی جس میں دعویٰ کیا گیا ہے کہ عامر خان جلد اپنی بیٹی کی عمر کی لڑکی فاطمہ ثنا شیخ سے شادی کرنے جارہے ہیں ۔کے آر کے نے یہ بھی دعویٰ کیا کہ عامر خان نے فلم دنگل کے وقت سے ثنا کے ساتھ ڈیٹ کررہے ہیں۔ واضح رہے کہ فاطمہ ثنا شیخ کے عامر خان کی بیٹی آئرا خان سمیت ان کے خاندان کے دیگر افراد کے ساتھ دوستانہ تعلقات ہیں۔ فاطمہ ثنا شیخ نے عامر خان کے ساتھ فلم ’’دنگل‘‘ اور ’’ٹھگز آف ہندوستان‘‘ میں کام کیا تھا۔یہ دعویٰ بھی کیا گیا کہ عا مر خان اور کرن رائو کے درمیان طلاق ہونے کی وجہ فاطمہ ثنا شیخ ہیں۔

ممبئی : بالی ووڈ کے معروف اداکار نوازالدین صدیقی کا ڈپریشن کے بارے میں دلچسپ بیان اداکار گلشن دیویا کو کچھ زیادہ پسند نہیں آیا۔نوازالدین صدیقی نے ایک حالیہ انٹرویو کے دوران ڈپریشن کو ’’شہری مسئلہ‘‘ قرار دیا ہے۔ نوازالدین صدیقی کا کہنا تھا کہ‘‘ ڈپریشن صرف ایک‘‘اَربن ایشو‘‘ یعنی شہری مسئلہ ہے کیونکہ اْن کا گاؤں شہر سے صرف 3 گھنٹے دور ہے اور اگر وہ اپنے گاؤں جا کر کہیں گے کہ مجھے ڈپریشن ہے تو اْنہیں ایک تھپڑ پڑے گا اور کہا جائے گا کہ یہ کچھ نہیں ہوتا، اچھی طرح کھانا کھاؤ اور جاؤ جا کر فصلوں میں کام کرو، سب ٹھیک ہو جائے گا۔اْنہوں نے مزید کہا کہ اْن لوگوں کو بھی تو دیکھیں جو سڑک کنارے رہتے ہیں اور بارش میں بھی ناچ گا رہے ہوتے ہیں۔نوازالدین صدیقی کے اس تبصرے پر ساتھی اداکار گلشن دیویا نے مائیکرو بلاگنگ ویب سائٹ ٹوئٹر پر اپنے ردِ عمل کا اظہار کرتے ہوئے لکھا کہ ’میں ان کے کام کی وجہ سے ان کا بے حد احترام کرتا ہوں لیکن میں اس معاملے پر انہیں سنجیدگی سے نہیں لے سکتا۔اگر آپ صرف شراب نوشی کی لت کو ہی دیکھیں تو وہ بھی دیہی علاقوں کے لوگوں میں موجود ہے اور یہ ذہنی بیماری ہے۔

ممبئی : بالی ووڈ اداکارہ پریانکا چوپڑا نے کہا ہے کہ جب وہ سولہ سال کی عمر میں امریکہ سے واپس آئیں تو انھیں والد کی طرف سے ڈرانے دھمکانے کا سامنا کرنا پڑا ۔ اپنے پوسٹ کا رڈ میں اداکارہ نے بتایا کہ جب میں تیرہ سال کی تھی تو امریکہ آگئی اور میرا ماحول بالکل بدل گیا ۔ میں امریکہ میان اپنے انکل آنٹی کے ساتھ رہتی تھی ۔ کیونکہ وہ سخت اور قدامت پرست تھے ۔ انہوں نے کہا کہ میں ذرا لا بالی تھی اس لئے انھیں مجھ پر سختی بھی کرنا پڑتی تھی ۔ انہوں نے کہا کہ سختی کے باوجود می زیادہ ہی آزاد خیالات کی مالک بن گئی تھی لڑکوں سے ساتھ اٹھانا بیٹھنا زیادہ پسند تھا ۔ جب واپس بھارت اپنے والدین کے پاس آئی تو والد کی طرف سے کافی ڈرانے دھمکانے کا سامنا کرنا پڑا کیونکہ انھیں میرا باہر آزاد گھومنا لڑکوں کے ساتھ ملنا جلنا بالکل پسند نہیں تھا ۔ انہوں نے کہا کہ والد نے میرے کمرے کی باہر بلکونی والی کھڑکی میں گریلز لگوا کر اسے بند کر دیا تھا ۔ انہوں نے میرے مغربی لباس پہننے پر بھی پابندی عائد کر دی تھی ۔

ممبئی: قتل کی دھمکیاں ملنے کے بعد ہر ٹائم سیکیورٹی حصار میں رہنے والے بالی ووڈ سٹار سلمان خان نے ائرپورٹ پر سیکیورٹی کی پرواہ کئے بغیر اپنے فین کو گلے لگا لیا ۔ ویڈیو وائرل ہونے پر صارفین نے تعریفوں کے پل باندھ دئیے ۔ ممبئی ائر پورٹ پر ایک مداح نوجوان لڑکے نے سلمان خان کو دیکھا تو بے اختیار ان کی طرف بھاگا ۔ جس پر اداکار نے بھی اپنی سیکیورٹی کی پرواہ کئے بغیر اپنے محافظوں کے حصار سے نکلے اور نوجوان لڑکے گلے لگا کر ملے ، اس سے باتیں کی اور پھر سے اپنی منز ل کی جانب روانہ ہو گئے ۔ ویڈیو سوشل میڈیا پر وائرل ہونے پر صا رفین نے اداکار کو خوب سراہایا ہے ۔