Category شوبز

ممبئی:بالی وڈ اداکارہ امیشا پٹیل کو تین کروڑ روپے کے فراڈ کیس میں مشروط ضمانت مل گئی ہے۔فلم پروڈیوسر اجے کمار نے اداکارہ اور ان کے ساتھی کے خلاف مقدمہ دائر کیا ہوا ہے جس کے مطابق اداکارہ نے ان سے ڈھائی کروڑ روپے فلم بنانے کے لئے تھے لیکن فلم نہیں بنائی گئی اور نہ ہی انہیں سود سمیت پیسے واپس ملے۔اجے کمار کے مطابق انہیں جو چیک دیئے گئے وہ باؤنس ہوگئے تھے اسی لئے انہوں نے کورٹ میں جانے کا فیصلہ کیا۔امیشا پٹیل عدالت کے حکم پر رانچی سول کورٹ میں پیش ہوئیں اور سرینڈر کیا جس پر عدالت نے انہیں مشروط ضمانت دیتے ہوئے 21 جون کو دوبارہ پیش ہونے کا حکم دیا ہے۔

کراچی: ماضی کی معروف اداکارہ ماہ نور بلوچ نے انکشاف کیا ہے کہ جب وہ بہت چھوٹی تھیں تو کیمرے کے سامنے آنے سے گھبرا کر چھپ جاتی تھیں، ہم ٹی وی کی بانی سلطانہ صدیقی اور سسرال کے اصرار پر انہوں نے اداکاری شروع کی تھی۔ ایک پروگرام میں بات چیت کرتے ہوے اداکارہ نے کہا حامد صدیقی کے ساتھ انکی محبت کی شادی تھی۔ انہوں نے انکشاف کیا کہ ہم ٹی وی کی بانی سلطانہ صدیقی ان کے شوہر کے پھوپھی ہیں۔اداکارہ نے بتایا کہ سلطانہ صدیقی کے اصرار پر انہوں نے شوبزانڈسٹری میں قدم رکھا۔ماہ نور نے بتایا کہ انہیں اداکاری کا کوئی شوق نہیں تھا، کم عمری میں حادثاتی طور پر اداکارہ بنی اور پھر شوبز انڈسٹری کا حصہ بن کر رہ گئیں۔ماہ نور بلوچ نے بتایا کہ چونکہ ان شادی ہوچکی تھی تو انہیں کچھ معلوم نہیں تھا کہ زندگی میں ا ٓگے کیا کرنا ہے، جو مواقع مل رہے تھے وہ ان کا تجربہ کررہی تھی۔انہوں نے بتایا کہ ’کیمرہ کو دیکھ کر میں کسی کونے میں جاکر چھپ جاتی تھی، لیکن سلطانہ صدیقی میرے سْسر کو فون کرکے اصرار کرتی تھیں کہ میں کسی طرح کیمرہ کے سامنے ا ٓجاؤں ، سلطانہ صدیقی نے ہی مجھے اداکاری کرنے پر رضامند کیا۔

لاہور : پاکستانی خوبرو اداکارہ نازش علی نے کہا ہے کہ علیزے شاہ سرجری سے قبل بہت پیاری، بالکل گڑیا جیسی تھیں۔جس پر نازش علی نے اپنی خوبصورتی کی تعریف خود کرتے ہوئے کہا کہ اْن کی ناک، بھنویں، ہونٹ سب ہی کچھ بہت پیارا ہے، وہ کبھی کبھار خود حیران ہوتی ہیں کہ وہ اتنی پیاری کیوں ہیں۔ ایک پروگرام میں گفتگو کرتے ہوے اداکارہ کا کہنا تھا کہ کبھی کوئی سرجری نہیں کروائی نہ اتنے پیسے ہیں، میرے چہرے کے خدوخال اصلی ہیں، بس تھوڑا بہت جِلد صاف شفاف رکھنے کے لیے خود ہی سے دیکھ بھال کرتی رہتی ہوں اور اپنے خوبصورتی کے راز اپنے مداحوں کے ساتھ بھی شیئر کرتی ہوں۔ انہوں نے مزید کہا کہ کچھ پر کاسمیٹک سرجری نے بہت اچھا اثر کیا اور وہ پہلے سے زیادہ خوبصورت نظر آتی ہیں۔ انہوں نے کہا علیزے شاہ بہت خوبصورت ہوا کرتی تھیں، علیزے شاہ ایک بار اپنی والدہ کے ساتھ سیٹ پر آئی تھیں، ایسا لگ رہا تھا کہ کوئی گڑیا آگئی ہو۔ انہوں نے کہا کہ اب علیزے شاہ کی معصومیت ختم ہو گئی ہے، علیزے نے پکی عمر میں ابھی جانا تھا مگر وہ ابھی سے ہی بہت مختلف اور پختہ نظر آنے لگی ہیں۔نازش جہانگیر کا مزید کہنا تھا کہ شہرت سنبھالنا آسان نہیں ہوتا، شہرت مل جاتی ہے مگر شہرت سنبھال کر رکھنا مشکل ہے

لاہور: پاکستان شوبز انڈسٹری سے وابستہ خوبرو اداکارہ ماڈل اور میزبان فضا علی کی بڑی بہن علالت کے بعد انتقال کر گئیں۔فوٹو اینڈ ویڈیو شیئرنگ پلیٹ فارم انسٹاگرام پر فضا علی نے اسٹوری شیئر کرتے ہوئے اپنی ہمشیرہ کے انتقال کی خبر اپنے مداحوں کو دی۔انہوں نے اپنی بہن کے لئے دعاؤں کی اپیل کرتے ہوئے لکھا کہ آپی چلی گئی، مجھے اور فریال کو چھوڑ کے اس دنیا سے، ہمیشہ کیلئے ان کی آگے کی زندگی کے سفر کیلئے دعا کیجئے گا ۔ اداکارہ نے اپنی بہن کی یاد میں ایک ویڈیو بھی شیئر کی ہے جس میں ان کی بہن جْھولے جھول رہی ہیں اور ان کی بیٹی فریال اپنی بڑی خالہ کو جْھولا جْھلا رہی ہے۔

کراچی: پاکستان شوبز انڈسٹری کی معروف اداکارہ اشنا شاہ کو جمائما خان کی رومانوی کامیڈی فلم واٹس لو گاٹ ٹو ڈو وِد اِٹ بھا گئی۔ اپنے ٹوئٹ میں ادکارہ نے اس فلم کے ہر شعبے کی تعریفوں کے پْل باندھ دیئے۔انہوں نے لکھا واٹس لو گاٹ ٹو ڈو وِد اِٹ برطانوی سینما کی برصغیر کی تھیم پر پیش کردہ سب سے بہترین فلم ہے۔ فلم کی کاسٹ نے بھی اپنے کرداروں کے ساتھ بھرپور انصاف کیا۔انہوں نے فلم کے اسکرپٹ کے بارے میں لکھا کہ اس کی کہانی میں کامیڈی سے جذبات تک مختلف پہلو اور موضوعات موجود تھے جو نہ صرف پاکستانی خواتین بلکہ دنیا کے کسی بھی حصے سے تعلق رکھنے والی خواتین کی نمائندگی کرتے ہیں۔انہوں نے فلم کے مرکزی کرداروں للی جیمز اور شہزاد لطیف کی اداکاری کی تعریف کرنے کے ساتھ ساتھ پاکستانی اداکارہ سجل علی کی شاندار پرفارمنس کی بھی خوب تعریف کی اور لکھا کہ وہ آئی اور چھا گئی۔ انہوں نے ہدایت کار شیکھر کپور کی تعریف کرتے ہوئے لکھا کہ انہوں نے ثابت کردیا کہ وہ ہر طرح کی فلم بناسکتے ہیں۔اشنا شاہ نے فلم کے لئے جمائما خان کے الفاظ یہ فلم پاکستان کے لئے محبت نامہ ہے‘ دْہراتے ہوئے لکھا کہ بے شک یہ فلم پاکستان کے لئے محبت نامہ ہی ہے اور پاکستانیوں کو ایک اور وجہ فراہم کرتا ہے کہ وہ جمائما خان سے مزید محبت کریں۔انہوں نے فلم بینوں پر زور دیا کہ اگر ابھی تک فلم نہیں دیکھی ہے تو ضرور دیکھیں۔

ممبئی :پاکستانی ڈرامے تیرے بن میں مرتسم کا کردار نبھانے والے وہاج علی کی مقبولیت کے چرچے اب سرحد پار بھی ہیں۔ وہاج علی کے مداح پاکستان سمیت بھارت میں بھی پائے جاتے ہیں، ان مداحوں کی جانب سے محبت کا اظہار مختلف انداز میں کیا جاتا رہتا ہے جس کی ویڈیو بھی سوشل میڈیا پر وائرل ہیں۔تاہم اب وہاج علی کا اسکیچ کے ذریعے پورٹریٹ بنانے والی بھارتی آرٹسٹ کی ایک ویڈیو سوشل میڈیا پر وائرل ہورہی ہے۔ویڈیو میں ا ٓرٹسٹ منیشا کو وہاج علی کا خوبصورت پورٹریٹ بناتے دیکھا جاسکتا ہے۔آرٹسٹ منیشا نے اس ویڈیو کو انسٹاگرام اکاؤنٹ پر شیئر کیا ہے ساتھ ہی انہوں نے پورٹریٹ کو اداکار تک پہنچانے کی درخواست بھی کی ہے۔

ممبئی : بالی وڈ اداکار شاہد کپور نے کہا ہے کہ شادی کے بعد خاتون مرد کی بے ترتیب زندگی میں سدھار لاتی ہے۔ اپنے ایک انٹرویو میں انہوں نے کہا پوری شادی ایک ہی چیز پر منحصر ہے کہ مرد شادی سے پہلے بے ترتیب ہوتا ہے اور شادی کے بعد عورت اس میں سدھار لاتی ہے تو پوری زندگی ایسی ہی چلتی ہے اور یوں ایک مرد مہذب شخص بن جاتا ہے۔

لاہور: استاد نصرت فتح علی خان کے مداح اور برطانیہ میں مقیم شوقین گلوکار استاد چاہت فتح علی خان نے پاک فوج کو خراج تحسین پیش کر دیا۔ان دنوں سوشل میڈیا سنسیشن چاہت فتح علی خان اپنی نئی ویڈیو کے باعث ایک بار پھر سوشل میڈیا کی زینت بنے ہوئے ہیں۔چاہت فتح علی خان نے پاک مسلح افواج سے اظہار یکجہتی کرتے ہوئے اپنا نیا ملی نغمہ ’یہ جو آرمی ہے‘ پیش کر دیا۔انہوں نے اپنا نیا ملی نغمہ مائیکرو بلاگنگ سائٹ ٹوئٹر پر شیئر کیا، جو دیکھتے ہی دیکھتے وائرل ہوگیا۔اپنے منفرد انداز اور مقبول گانوں کی مزاحیہ پیروڈی کے باعث شہرت حاصل کرنے والے شوقین گلوکار نے اب اپنی موسیقی کے ذریعے فوج کا حوصلہ بڑھانے کی کوشش کی ہے۔

لاہور: پاکستان کے مشہور نوجوان گلوکار کیفی خلیل نے اپنا نیا گانا منسو ب ریلیز کر دیا ہے ۔ کوک اسٹوڈیو کے سیزن 14 میں بلوچی گانے کنا یاری سے شہرت حاصل کرنے والے گلوکار کیفی خلیل نے اپنا نیا گانا منسوب اپنے یوٹیوب چینل پر ریلیز کیا ہے۔ اس گانے کو اْن کے دنیا بھر میں موجود مداحوں کی جانب سے بے حد پسند کیا جا رہا ہے۔مداحوں کا کہنا ہے کہ کیفی خلیل کے نئے گانے نے اْنہیں مایوس نہیں کیا ہے۔کیفی کے نئے گانے منسوب کی شاعری بھی اْن کے مشہور ترین گانے کہانی سنوجیسی اداس اور شکوے پر مبنی ہے۔ کیفی خلیل کے اس گانے پر ناصرف پاکستانی بلکہ سرحد پار بھارتی مداح بھی کمنٹس کر رہے ہیں جن میں کیفی کے گانے اور شاعری کی تعریفیں کی جا رہی ہیں۔

کراچی : پاکستان شوبز انڈسٹری کی سینئر اداکارہ نادیہ جمیل کا کہنا ہے کہ ان کی کینسر سے صحتیابی کا راز صرف اللّٰہ پر توکّل ہے۔ ایک ٹی وی شو میں کینسر کے علاج کے دوران ہونے والے تجربے کے بارے میں بات کرتے ہوے اداکارہ نے بتایا کہ مجھے بریسٹ کینسر تھا اور کیموتھراپی کے 12 راؤنڈز سے پہلے میری ایک سرجری ہوئی تھی۔اْنہوں نے انکشاف کیا کہ کورونا لاک ڈاو ن کی وجہ سے میری زیادہ تر فیملی میرے ساتھ نہیں رہ سکتی تھی۔اْنہوں نے مزید بتایا کہ مجھے اس دوران سیپسس ہو گیا اور وہ کوما میں چلی گئی تھی، اس کے بعد میں چل بھی نہیں سکتی تھی لیکن اللّٰہ کے کرم سے میں دوبارہ صحت مند ہوگئی۔ انہوں نے کہا کہ چھوٹا منہ اور بڑی بات ہے لیکن میرے کینسر سے صحتیاب ہونے کا راز صرف اللّٰہ پر توکّل ہے، میں نے یہ توکّل کرنا درختوں سے سیکھا ہے کہ جب سردیوں میں درختوں کے سارے پتّے جھڑنے کے بعد صرف ٹہنیاں رہ جاتی ہیں اور درخت بالکل سوکھ جاتے ہیں لیکن پھر بھی وہ کھڑے رہتے ہیں کیونکہ اْنہیں یقین ہوتا ہے کہ بہار کا موسم دوبارہ بھی ا ٓئے گا۔