Category شوبز

لاہور:پاکستانی شوبز انڈسٹری میں منفرد شہرت رکھنے والے اداکار و میزبان حمزہ علی عباسی نے شوبز چھوڑنے کا اعلان کرنے اور پھر واپسی سے متعلق کہا ہے کہ میں نے مذہب کا مطالعہ کرنے کے لیے بہت طویل وقفہ لیا تھا۔ سوشل میڈیا پلیٹ فارم فیس بْک پر حمزہ علی عباسی کے ایک مداح نے کمنٹ باکس میں اْن سے سوال کیا ہے اگر آپ کو یاد ہو تو آپ نے شوبز کو الوداع کہہ دیا تھا۔جس کا حمزہ علی عباسی نے جواب دیتے ہوئے لکھا کہ میں نے مذہب کا مطالعہ کرنے کے لیے بہت طویل وقفہ لیا تھا۔ آ نیوالی فلم سے متعلق پوچھے گئے سوالات کا جواب دیتے ہوئے حمزہ علی عباسی کا بتانا تھا کہ یہ فلم ہے میں اس پروجیکٹ میں ہوں، میری اس میں بہت خصوصی اور منفرد انٹری ہوگی۔

کراچی: سارہ علی خان کی بغیر میک اپ تصاویر میں خوبصورت انداز نے مدا حوں کے دل جیت لئے ۔ اداکارہ کی بغیر میک اپ خوبصورتی کو فوٹوگرافر بھی سراہنے پر مجبور ہوگئے۔سوشل میڈیا پروائرل ویڈیو میں سارہ علی خان نے بلیک ٹی شرٹ اور اسی رنگ کے جوگرز پہن رکھے ہیں۔گاڑی سے اترتے ہی اداکارہ کو فوٹوگرافروں نے گھیر لیا، تصاویر لیتے ہوئے سارہ علی خان کی بغیر میک اپ ’لْک‘ کی تعریف کی اور کہا کہ ا ٓپ کے اس انداز نے ہمارے دل جیت لیے۔گرم موسم میں پانی کی بوتل کے ہمراہ دیکھی گئی اداکارہ نے چہرے پر مسکراہٹ سجا ئے رکھی، جو دیکھنے والوں کو متاثر کررہی تھی۔#

لاہور:پاکستان شوبز انڈسٹری کے اْبھرتے ہوئے اداکار و گلوکار عاشر وجاہت کو ان کی مداح اداکار حمزہ سہیل سمجھ بیٹھیں اور تعریفوں کے پْل باندھ دیئے۔فوٹو اینڈ ویڈیو شیئرنگ پلیٹ فارم انسٹاگرام پر اداکار عاشر وجاہت نے اپنی ایک تصویر سائیڈ پوز کے ساتھ شیئر کی، جس میں انہیں سیاہ رنگ کی ٹی شرٹ اور کیپ میں دیکھا جاسکتا ہے۔ ایک صارف نے اداکار عاشر وجاہت کی اس تصویر پر تبصرہ کرتے ہوئے حالیہ ڈرامے میں ان کی اداکاری کی تعریف کی۔تاہم مداح نے ان کے ڈرامے کی بجائے اداکار حمزہ سہیل کے ڈرامے ’فیری ٹیل کا نام تحریر کر دیا۔ تاہم عاشر وجاہت نے مداح کا دل بھی نہ توڑا اور کہا کہ اگر آپ میرا موازنہ حمزہ سہیل سے کر رہی ہیں تو میں اسے اپنی تعریف سمجھوں گا۔مداح کی اس غلطی پر دیگر سوشل میڈیا صارفین ہنسی والے ایموجی سے جواب دیتے ہوئے دکھائی دے رہے ہیں۔

لاہور : معروف کامیڈین اداکار اظہر رنگیلا بھی ہدایتکار نوید رضاکی نئی فلم’’گاڈ فادر ‘‘ کا حصہ بن گئے۔تفصیلات کے مطابق گذشتہ روز مون پروڈکشنز میں اداکار اظہر رنگیلا اور ہدایتکار نوید رضامیں ایک میٹنگ ہوئی جس کے دوران نوید رضانے انہیں ایک کردار کی آفر کی جسے سن کا اداکار اظہر رنگیلا نے یہ کردار اداکرنے کی حامی بھرلی۔اظہررنگیلا عیدالاضحی کے بعد ہونے والی شوٹنگ میں حصہ لیں گے اس موقع پر اظہر رنگیلا نے بتایاکہ انہیں ہدیاتکار نوید رضاکی اس نئی فلم میں کام کرکے بہت خوشی ہوگی کیونکہ فلم کا سبجیکٹ بہت دلچسپ اور سبق آموزہے اور اداکار اچھی خان اس فلم کا مرکزی کردار اداکررہیں۔

ممبئی : بالی ووڈ کی نامور اداکارہ ودیا بالن کی نئی کرائم تھرلر فلم ’’نیت‘‘ کا سنسنی خیز ٹریلر جاری کردیا گیا۔نئی کرائم تھرلر فلم میں اداکار مرکزی کردار ادا کررہی ہیں اور وہ ایک جاسوس کے کردار میں قتل کی تفتیش کرتی نظر آئیں گی، فلم کی کہانی ایک ارب پتی شخص (رام کپور) کے قتل کے گرد گھومتی ہے جو اپنے گھر والوں کے ساتھ ایک پارٹی میں جان سے ہاتھ دھو بیٹھتا ہے۔اس موقع پر ودیا بالن، میرا راؤ کے نام سے کہانی میں داخل ہوتی ہیں اور وہ پراسرار قتل کا معمہ حل کرنے کیلئے اپنی تفتیش کا آغاز کرتی ہیں، فلم میں ودیا بالن کے ساتھ راہل بوسے، پراجکتا کولی، شبانہ گوسوامی، امریتا پوری، نیرج کابی، دیپانتا شرما، اشیکا مہرا، نکی ویلیا اور دیگر شامل ہیں۔انو مینون کی ہدایت کاری میں بننے والی فلم ’’نیت‘‘ کو 7 جولائی کو سینما گھروں میں ریلیز کیا جائے گا۔

ممبئی :بھارتی فلم انڈسٹری کے معروف اداکار سدھارتھ ملہوترا کی نئی فلم ’’ یودھا‘ ‘ 27 اکتوبر کو ریلیز ہوگی۔میڈیا رپورٹس کے مطابق سدھارتھ ملہوترا کی دھرما پروڈکشن کی جانب سے بنائی جانے والی فلم ’ ’یودھا ‘‘ اب 27 اکتوبر کو ریلیز ہوگی، اس فلم کی کہانی ایکشن پر مبنی ہوگی جس کی ہدایت کاری ساگر امبرے اور پشکر اوجھا نے کی ہے۔مینٹور ڈسپل فلمز کے ساتھ مل کر پرائم ویڈیو اور دھرما پروڈکشن کی طرف سے پیش کی گئی اس فلم کی کاسٹ میں معروف اداکارہ دیشا پٹانی اور راشی کھنہ بھی شامل ہیں۔نئی فلم ’’ یودھا‘ ‘ کے حوالے سے اپنے ایک انٹرویو میں سدھارتھ ملہوترا کا کہنا تھا کہ ایک فنکار کے طور پر آپ اس سکرپٹ پر کام کرنا چاہیں گے جو آپ میں بہترین کو سامنے لائے اور اس فلم نے واقعی ہی میرے ایک نئے ورژن کو سامنے آنے میں مدد کی ہے ۔

لاہور:پاکستانی معروف ٹک ٹاکر، اداکارہ و میزبان کنول آفتاب نے گھریلو تشدد سے متعلق دیئے گئے اپنے متنازع مؤقف پر معافی مانگ لی ہے۔کنول ا ٓفتاب نے گزشتہ دنوں انسٹاگرام پر اپنے مداحوں و فالوورز کے ساتھ سوال و جواب کا ایک سیشن رکھا۔اس دوران ایک خاتون کی جانب سے گھریلو تشدد سے متعلق پوچھے گئے سوال پر کنول آفتاب نے اْنہیں تشدد کرنے والے شوہر کو برداشت کرنے اور بگڑے ہوئے شوہر کو سدھارنے کی کوشش کرنے کا درس دیا۔کنول آفتاب کا گھریلو تشدد پر پوچھے جانے والے دو سوالوں کا جواب دینا تھا کہ اْنہیں سوشل میڈیا پر سخت تنقید کا نشانہ بنایا گیا۔بعد ازاں کنول آفتاب نے اپنے مؤقف کو تفصیل سے بیان کرنے کی غرض سے ایک ویڈیو بیان بھی جاری کیا۔اس ویڈیو بیان کے اپلوڈ کرنے پر بھی گھریلو تشدد کو سہنے اور بدمزاج شوہر کو راہِ راست پر لانے کی کوشش کرنے سے متعلق کنول آفتاب کا بیان سوشل میڈیا صارفین کو ہضم نہیں ہوا اور اْنہیں مزید تنقید کا سامنا کرنا پڑا۔بعد ازاں کنول آفتاب نے اپنے اس ویڈیو بیان کو اپنے اکاؤنٹ سے ڈیلیٹ کرتے ہوئے انسٹاگرام اسٹوری پر اپنے مؤقف اور گھریلو تشدد سے متعلق دیئے گئے جوابات پر معافی مانگ لی۔کنول آفتاب کا اپنی انسٹاگرام اسٹوری پر معافی مانگتے ہوئے لکھنا تھا کہ میں جو بات کرنا چاہ رہی ہوں وہ کچھ لوگ سمجھنا نہیں چاہ رہے کیونکہ کچھ لوگوں کو دوسروں کی ٹانگ کھینچنے میں زیادہ مزہ آتا ہے۔ٹک ٹاکر نے مزید لکھا کہ میں گھریلو تشدد کو فروغ نہیں دے رہی اور نہ ہی اس کی حمایت کر رہی ہوں لیکن اگر پھر بھی آپ سمجھتے ہیں کہ میں غلط ہوں تو میں معذرت کرتی ہوں۔

کراچی :پاکستانی ڈرامہ و فلم انڈسٹری کی خوبرو اداکارہ نے اپنے نئے کردار کے لیے’ٹپوری لْک اپنا لیا ہے۔ ورسٹائل اداکارہ کا نیا لْک سوشل میڈیا پر وائرل ہو گیا ہے۔ اس نئے لْک میں اْنہیں پہچانناخاصا مشکل ہے کیوں کہ نازک اندام حسینہ سونیا اس میں ایک نشہ کرنے والی خاتون بنی ہوئی ہیں۔ آسکر ایوارڈ جیتنے کی خواہش مند سونیا حسین اکثر اوقات ہی اپنے نت نئے کرداروں کے لیے مشکل ترین صورتحال میں خود کو ڈھالتے ہوئے نظر ا ٓتی ہیں۔سونیا خان کا اپنی نئی تصویریں شیئر کرتے ہوئے اس پوسٹ کے کیپشن میں لکھنا ہے کہ نشے کے عادی افراد بھی انسان ہوتے ہیں، میرے نئے کردارمرشد سے ملیے، یہ میرے نئے پروجیکٹ کے لیے نیا لْک ہے۔اداکارہ کا اپنے نئے ڈرامے سے متعلق لکھنا ہے کہ ’سراب میں حورین کا کردار ادا کرنے کے بعد مرشد ایک اور کردار ہے جو میرے دل میں ایک خاص مقام رکھتا ہے۔

کراچی : اداکار عاصم محمود نے کہاہے کہ تیرے بن میں میری انٹری پر مذاق اْڑایا گیاتاہم توقع کے مطابق اب اسے بہت پسند کیا جارہا ہے۔ ایک شو میں گفتگو کرتے ہوے عاصم محمود نے کہا کہ جیسے ہی تیرے بن میں فرخ خان کی انٹری ہوئی تو لوگوں نے کافی مذاق اْڑایا مجھے بھی ٹرول کیا گیا کہ میں ایک کنڈکٹر بن گیا ہوں، لوگوں نے حقیقت اور ڈرامے کے کردار میں کوئی فرق نہیں رکھا اور ٹرول کرنا شروع کر دیا۔انہوں نے سوشل میڈیا پر ہونے والے ٹرولنگ کے حوالے سے کہا کہ ’ڈرامے کے ایک سین کی وجہ سے بھی تنقید ہوئی کہ اگر بس مسافر کے پاس کرائے کے پیسے نہیں ہیں تو اسے بس سے اْتار دیا یا اس کی سونے کی چین رکھ لی وغیرہ وغیرہ‘۔ انہوں نے کہا کہ لوگوں کو سمجھنا چاہیے کہ یہ صرف ایک کردار ہے اور ایک بس کنڈیکٹر ایسا ہی کرتا ہے۔انہوں نے مزید کہا کہ ڈرامے میں آگے چل کر جب اس بس کنڈکٹر نے رات کو رکشہ چلاتے ہوئے میرب کی مدد کی ، اس کی جان بچائی تو لوگوں نے اسے پسند کرنا شروع کر دیا۔

لاہور: اداکار ملک یعقوب نور اور زارا ملک کی پنجابی فلم ’’عشق مر جانیا ‘‘کا آفیشل ٹریلر جاری کر دیاگیا ۔ یہ فلم اکتوبر میں نمائش کے لئے پیش کی جائے گی ۔فلم کے پروڈیوسر ملک یعقوب نور ہیں جو اس فلم میں مرکزی کردار بھی ادا کر رہے ہیں ۔اس سے قبل فلم کو مئی میں ریلیز کرنے کا اعلان کیا گیا تھا مگر بعض وجوہات کی بناء پر اب فلم اکتوبر کے پہلے ہفتے میں سینما گھروں میں ریلیز کی جائے گی۔