Category شوبز

ممبئی: بالی ووڈ کنگ شاہ رخ خان کی فلم جوان کا ٹریلر مبینہ طور پر ٹام کروز کی فلم مشن امپاسبلِ، ڈیڈ ریکنگ پارٹ ون کے ساتھ تھیٹر میں ریلیز ہوگا۔ فلم بارہ جولائی کو سنیما گھروں کی زینت بننے والی ہے میڈیا کی رپورٹس کے مطابق شاہ رخ خان کی فلم جوان کا ٹریلر ہالی ووڈ فلم کی ریلیز کے دوران سنیما گھروں میں ریلیز کیا جائے گا۔ایک رپورٹ میں یہ بات بھی سامنے آئی ہے کہ فلم جوان کا پہلا آفیشل ٹریلر سنیما گھروں میں فلم مشن امپاسبل ڈیڈ ریکنگ پارٹ ون کے انٹرول کے دوران ریلیز کیا جائے گا۔

ممبئی : بالی ووڈ کی معروف اداکارہ کترینہ کیف کے بارے میں یہ خبریں گردش کر رہی ہیں کہ اْنہوں نے فرحان اختر کی فلم جی لے ذرا‘ میں کام کرنے سے انکار کر دیا ہے۔حال ہی میں فلم جی لے ذرا کی پروڈکشن ٹیم کے ایک قریبی ذرائع نے کترینہ کیف کے فلم چھوڑنے کے بارے میں بھارتی میڈیا پر پھیلی خبروں کی تردید کرتے ہوئے کہا کہ صرف فلم کی شوٹنگ کچھ تاخیر کا شکار ہوئی ہے لیکن کترینہ کیف اب بھی فلم کی کاسٹ کا حصّہ ہیں اور وہ اس بات کی وضاحت دیتے ہوئے اب تنگ آگئے ہیں ۔ تا ہم بھارتی میڈیا رپورٹس کے مطابق، پریانکا چوپڑا اپنی ہالی ووڈ کمٹمنٹس کی وجہ سے 2023ء میں فلم کی شوٹنگ نہیں کروا سکیں گی۔

کراچی :پاکستان کی ورسٹائل اداکارہ بشریٰ انصاری نے ڈرامے کے سیٹ پر یمنیٰ زیدی اور وہاج علی کے درمیان ہونے والی لڑائی کی روداد سنا دی۔ بی بی سی کو انٹرویو دیتے ہوے بشری انصاری نے انکشاف کیا کہ، یوں تو ہمارے سیٹ پر کوئی لڑائی نہیں کرتا تھا، یمنیٰ زیدی اور وہاج علی بھی بہت اچھے دوست ہیں، البتہ ایک بار یمنیٰ زیدی اور وہاج علی کے درمیان ایک سین کو لے کر زبردست لڑائی ہوگئی تھی۔انہوں نے بتایا کہ یمنیٰ زیدی ایک بہترین اداکارہ ہیں اور رونے کے مناظر میں وہ گلیسرین کی بجائے حقیقی آنسو نکالنے کی کوشش کرتی ہے، ایک خاص سین شوٹ کروانا تھا جس میں یمنیٰ کو رونا تھا اور اس سین میں وہاج طبیعت کی ناسازی کی وجہ سے اپنی لائنز ٹھیک سے بول نہیں پارہا تھا جبکہ یمنیٰ مسلسل روتے روتے تھک گئی تھی تو ان دونوں کے درمیان لڑائی ہوگئی۔انہوں نے مزید بتایا کہ بعد ازاں وہاج علی نے یمنیٰ کو وضاحت دی کے ایک پرانے حادثے کی وجہ سے کمر درد رہتا ہے اور اس دن بھی تکلیف میں تھا اس لئے لائنز ٹھیک سے بول نہیں پا رہا تھا۔ بلا ٓاخر دونوں نے ایک دوسرے کی بات کو سمجھ کر سین ریکارڈ کروایا اور یمنیٰ نے بعد میں وہاج کی حالت کے بارے میں جان کر معذرت کر لی۔

کراچی:پاکستانی ڈرامہ و لالی ووڈ انڈسٹری کی معروف اداکارہ سونیا حسین نے انکشاف کیا ہے کہ تیار ہونے پر اْنہیں کسی نہ کسی بھارتی اداکارہ سے مشابہہ قرار دے دیا جاتا ہے۔ ایک نجی ٹی وی کے شو میں شرکت کے دوران انہوں نے بالی ووڈ کی معروف اداکاراؤں سری دیوی اور پریانکا چوپڑا کے ساتھ اپنا موازنہ کیے جانے پر بات کی۔سونیا حسین کا کہنا تھا کہ وہ جو بھی نیا گیٹ اپ کرتی ہیں اْن کا موازنہ کسی نہ کسی اداکارہ سے کر دیا جاتا ہے، اکثر اوقات اْنہیں عالمی شہرت یافتہ بھارتی اداکاراؤں سری دیوی اور پریانکا چوپڑا سے مشابہہ قرار دیا جاتا ہے۔ ا نہوں نے کہا کہ آج کل لوگ کہتے ہیں کہ تم سری دیوی جیسی لگتی ہو، میں تو یہ سن کر پاگل ہی ہو گئی، میں سری دیوی کا نام سْن کر چونک جاتی ہوں کیونکہ وہ بہت خوبصورت تھیں۔سونیا حسین نے بتایا کہ مجھے پریانکا چوپڑا سے ملایا جاتا ہے، پریانکا چوپڑا بھی خوبصورت ہیں، میں پریانکا چوپڑا کو اس لیے پسند کرتی ہوں کیونکہ وہ کامیاب اور مضبوط خاتون ہیں، لیکن سری دیوی واقعی میں بہت خوبصورت تھیں۔انہوں نے مزید کہا کہ اگر لوگ سمجھتے ہیں کہ میں واقعی سری دیوی جیسی نظر آتی ہوں تو یہ میرے لیے قابلِ تعریف بات ہے۔

لاہور :پاکستان فلم انڈسٹری کے سینئر اداکار، پروڈیوسر، ماڈل، مصنف اور ہدایتکار شان شاہد نے بالی ووڈ کی فلم ’گجنی‘ میں اہم کردار کی پیشکش ٹھکرانے کے بعد اب حال ہی میں بھارت میں کام کرنے کی مشروط حمایت کردی۔ ایک ٹی وی شو میں گفتگو کرتے ہوے انہوں نے کہا کہ میں کسی کو منع نہیں کرتا اگر کوئی بھارت جا کر کام کرنا چاہتا ہے تو ضرور کرے، اپنی شناخت بنائے۔میزبان کے سوال پر اداکار نے کہا کہ ’دونوں ممالک کی فلمی صنعت کو برابری کی بنیاد پر مل کر کام کرنا چاہیئے، لیکن کشمیر کے حوالے سے میرے اپنے کچھ نظریاتی اختلافات ہیں جنہیں میں کسی اور پر مسلط نہیں کرتا لیکن میں خود بھارت میں کام نہیں کرسکتا۔انہوں نے مزید کہا کہ آپ جانتے ہیں کہ میرے والد نے کشمیر کے لیے فلم ’امن‘ بنائی تھی۔ یہ بہت افسوس کی بات ہے کہ آج بھی بھارت میں مسلمانوں کی نسل کشی کی جارہی ہے، انتخابات میں مذہب کارڈ استعمال کرتے ہیں، میں صرف یہ کہتا ہوں کہ ’آئیے برابری کی بنیاد پر ایک فلم بنائیں جہاں ہم نفع اور نقصان کو 50 -50 فیصد پر برابر تقسیم کریں گیَ، تو میں بھی کام کرنے کے لئے تیار ہوں

لاہور : حال ہی میں اپنی موت کی افواہوں کے باعث شہ سرخی میں جگہ بنانے والی پاکستان شوبز انڈسٹری کی خوبرو اداکارہ و ماڈل سعیدہ امتیاز اب ایک بار پھر تنازع میں گِھر گئی ہیں۔فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے گرجا گھر میں دعا مانگتے ہوئے تصویر شیئر کی ہے۔مذکورہ تصویر کے کیپشن میں انہوں نے دعائیہ الفاظ لکھے کہ ’اللہ ان کی تمام خواہشات کو پورا کرے، آمین‘۔اداکارہ کو متنازع تصویر شیر کرنے پر سوشل میڈیا صارفین کی جانب سے شدید تنقید کا نشانہ بنایا گیا اور کہا گیا کہ اداکارہ مسلمان نہیں بلکہ عیسائی ہیں۔ بعض صارفین نے انہیں تنقید کا نشانہ بناتے ہوئے مسلمان ہونے کے ناطے ان کے اس عمل کو شرک کے مترادف قرار دیا۔تاہم اب سعیدہ امتیاز نے اس معاملے پر خاموشی توڑ دی اور انسٹا اسٹوری کے ذریعے اس تصویر کی وضاحت پیش کردی۔

ممبئی :بھارتی فیشن ایڈیٹر، انٹرنیٹ کی مشہور شخصیت، مزاح نگار، اداکارہ اور یوٹیوبر کْشا کپیلا نے شوہر سے طلاق کا اعلان کیا ہے۔اداکارہ کشا کپیلا نے شادی کے 6 سال بعد شوہر زورآور سنگھ آہلووالیہ سے طلاق لے لی ہے۔اداکارہ نے اپنے انسٹاگرام اکاؤنٹ پر ایک پوسٹ کے ذریعے اس خبر کا اعلان کرتے ہوے لکھا مداحوں کو بتانا کہ میں نے اور زورآور سنگھ آہلووالیہ نے مشترکہ طور پر اپنی راہیں جدا کرنے کا فیصلہ کیا ہے، یہ فیصلہ بہت مشکل تھا مگر یہی صحیح وقت ہے ۔ انہوں نے مزید لکھا کہ رشتہ توڑنا ہمارے اور ہماری فیملیز کے لیے بہت مشکل تکلیف دہ عمل تھا، بہت طویل کڑا وقت دیکھنے کے بعد اب ہمارا فوکس اپنے اس کڑے وقت سے عزت و احترام، محبت اور ایک دوسرے کی حوصلہ افزائی کرتے ہوئے اس صورتحال سے باہر نکلنا ہے ۔ اداکارہ نے کہا کہ ہم اپنی بیٹی مایا کی دیکھ بھال کا فریضہ ایک ساتھ ادا کریں گے اور مستقبل میں ایک دوسرے کی حوصلہ افزائی کے لیے ستون کی طرح کھڑے رہیں گے۔

لندن:آنجہانی مائیکل جیکسن کے ہم شکل کی ٹک ٹاک پر دھوم، سوشل میڈیا صارفین نے آنجہانی امریکی گلوکار مائیکل جیکسن کا ہمشکل ڈھونڈ نکالا، جو نہ صرف آنجہانی گلوکار کی طرح دکھائی دیتا ہے بلکہ ان ہی کی طرح لباس، بالوں کا اسٹائل اور ڈانس بھی کرتا ہے۔مختصر ویڈیو شیئرنگ پلیٹ فارم ٹک ٹاک پر 30 سالہ فیبیو جیکسن نامی ٹک ٹاکر کی دھوم مچی ہوئی ہے جو بغیر کسی سرجری یا میک اپ کے ہو بہ ہو آنجہانی پاپ گلوکار مائیکل جیکسن کی طرح دکھائی دیتا ہے اور ان ہی کی طرح اسٹائل اختیار کئے ہوئے ہے۔11 ملین فالوورز رکھنے والا یہ برطانوی ٹک ٹاکر نہ صرف مختلف تفریحی مقامات پر مائیکل جیکسن کے مداحوں کے ساتھ سیلفی لیتے ہیں بلکہ فیبیو جیکسن نے 2 دستاویزی فلم فیٹل ایڈکشن، مائیکل (2022) اوردی لاسٹ 20 آورز مائیکل جیکسن (2018) میں بھی مائیکل جیکسن کا کردار نبھایا ہے۔ٹک ٹاکر فیبیو جیکسن کا کہنا ہے کہ انہوں نے کبھی آنجہانی پاپ سنگر کی طرح دکھائی دینے کے لئے کسی قسم کی سرجری نہیں کروائی بلکہ وہ بچپن سے اسی طرح دکھائی دیتے ہیں۔

لاہور : سینیئر اداکارہ حنا خواجہ بیات نے کہا ہے کہ پاکستانی ڈراموں میں خواتین کے لیے بہترین کردار زیادہ مرد حضرات نے لکھے۔ایک ٹی وی شو میں گفتگو کرتے ہوئے اداکارہ حنا خواجہ بیات کا کہنا تھا کہ خلیل الرحمن قمر ٹی وی پر عورتوں کے بہترین کردار لکھنے والے تین اہم لکھاریوں میں شامل ہیں اور انہوں نے خواتین کے لیے بہترین کردار لکھے۔ میرے خیال میں خلیل الرحمن قمر، سرمد صہبائی اور محمد احمد نے خواتین کے لیے عمدہ کردار لکھے ہیں۔ انہوں نے کہا کہ مدیحہ امام، صبا قمر، زارا نور عباس اور سجل علی سمیت دیگر اداکارائیں اچھا کام کررہی ہیں جبکہ عمیر رانا، وسیم سجاد اور وہاج علی کے ساتھ کام کرکے مزہ ا ٓتا ہے۔

ممبئی:بالی ووڈ کی نامور اداکارہ ودیا بالن کی نئی کرائم تھرلر فلم نیت کا سنسنی خیز ٹریلر جاری کردیا گیا۔بھارتی میڈیا رپورٹ کے مطابق فلم میں ودیا بالن ایک جاسوس کا کردار ادا کررہی ہیں جو ایک قتل کی تفتیش کرتی نظر آئیں گی۔فلم کی کہانی ایک ارب پتی شخص رام کپور کے قتل کے گرد گھومتی ہے جو اچانک مر جاتا ہے تاہم ودیا انکشاف کرتی ہیں کہ اس کا قتل ہوا ہے اور قاتل کا سراغ لگاتی ہیں۔فلم کی کاسٹ میں ودیا کے علاوہ شبانہ گوسوامی، امریتا پوری، نیرج کابی، راہل بوسے، پراجکتا کولی، نکی ویلیا دیپانتا شرما، اشیکا مہرا شامل ہیں۔انو مینون کی ہدایت کاری میں بننے والی فلم نیت جولائی کو سینما گھروں کی زینت بنے گی۔