Category کرکٹ

خیبر پختونخوا نے قائد اعظم ٹرافی کا ٹائٹل جیت لیا، فائنل میں ناردرن کی ٹیم کو ایک سو انہتر رنز سے شکست دی،
کے پی نے افتخار احمد کی سنچری کی بدولت پہلی اننگز میں تین سو چوہتر رنز بنائے، دوسری اننگز میں دو سو پینسٹھ رنز اسکور کیے،،ناردرن پہلی اننگز میں دو سو چھپن، دوسری میں دو سو چودہ رنز بنا سکی، ساجد خان کی میچ میں نو وکٹیں ہوئیں۔

انٹرنیشنل کرکٹ کونسل (آئی سی سی) کے پلیئر آف دی ایئر کے لیے نامزد کھلاڑیوں میں پاکستان کے کپتان بابر اعظم بھی شامل ہیں۔
آئی سی سی نے گزشتہ روز سال کے بہترین ٹی ٹوئنٹی کھلاڑی کے لیے 4نامزدگیاں کی تھیں جس میں پاکستان کے محمد رضوان، سری لنکا کے ہسا رنگا، آسٹریلیا کے مچل مارش اور انگلینڈ کے جوز بٹلر کا اعلان کیا تھا۔
اب آئی سی سی نے ون ڈے کے پلئیر آف دی ایئر کے لیے بھی نامزدگیوں کا اعلان کر دیا ہے۔
آئی سی سی کی جانب سے ون ڈے کےلیے نامزد کردہ بہترین کھلاڑیوں میں پاکستان کے کپتان بابر اعظم کے علاوہ بنگلا دیش کے شکیب الحسن، جنوبی افریقا کے ینامن ملان اور آئرلینڈ کے پال اسٹرلنگ بھی شامل ہیں۔

آسٹریلیا نے انگلینڈ کو تیسرے ٹیسٹ میں ایک اننگز اور 14رنز سے شکست دے کر ایشزکا اعزاز برقرار رکھا۔
ایشز کے پانچ میچوں کی سیریز میں آسٹریلیا کو تین صفر کی ناقابل شکست برتری حاصل ہوگئی۔
تیسرے ٹیسٹ کے دوران انگلینڈ نے پہلی اننگز میں 185رنز بنائے جس کے جواب میں آسٹریلیا نے 267رنز بنائے، انگلینڈ کی ٹیم دوسری اننگز میں صرف 68رنز پر آؤٹ ہوگئی اور کپتان جو روٹ 28رنز بنا کر نمایاں رہے جب کہ4 کھلاڑی صفر پر آؤٹ ہوئے، ٹیسٹ ڈیبیو کرنے والے فاسٹ بولر سکاٹ بولینڈ نے 4اوورز میں 7رنز دے کر6 وکٹیں لیں۔

بھارتی سپنر ہربھجن سنگھ نے کرکٹ کے تینوں فارمیٹس سے ریٹائرمنٹ کا اعلان کردیا،،
41سالہ کرکٹر نے ٹوئٹر پر پیغام جاری کرتے ہوئے کہا کہ تمام اچھی چیزوں کا اختتام ہوتا ہے اور آج میں بھی اس کھیل کو الوداع کہہ رہا ہوں جس نے مجھے زندگی میں سب کچھ دیا ہے، میں ہر اس شخص کا شکریہ ادا کرنا چاہتا ہوں جس نے ان 23 سالوں کے سفر کو یادگار اور خوبصورت بنایا۔

لاہور قلندرز کی قیادت شاہین شاہ آفریدی کو سونپ دی گئی،، فاسٹ باولر نے کہا لاہور قلندرز ٹیم نہیں ہے یہ فیملی ہے،،
لاہور قلندرز کے سی ای او عاطف رانا کے مطابق فاسٹ بولر شاہین شاہ آفریدی لاہور قلندرز کی قیادت کریں گے۔
عاطف رانا نے پریس کانفرنس کے دوران کہا کہ یہ ہمارے سفر کا ایک اہم دن ہے، ہم نے ینگ ٹیلنٹ کو پروموٹ کرنے کا عزم کیا تھا اسی لیے پلیئرز ڈویلپمنٹ پروگرام متعارف کرایا۔ ہماری کوشش نوجوانوں کو موقع دینا ہے۔
شاہین شاہ آفریدی نے کہا کہ لاہور قلندرز کا شکریہ ادا کرتا ہوں، لاہور قلندرز ٹیم نہیں ہے یہ فیملی ہے۔ یہ میرے لئے ایک بہت بڑا موقع ہے۔ اعتماد کرنے پر شکریہ ادا کرتا ہوں۔ ہم ٹورنامنٹ میں سو فیصد پرفارم کریں گے۔
شاہین آفریدی نے کہا کہ فاسٹ بولرز اچھا کپتان ثابت ہو سکتا ہے، کوشش کریں گے کہ تبدیلی لے کر آئیں، سب سے سیکھنے سے کوشش کروں گا، میرے لیے لاہور قلندرز کی کپتانی کرنا اعزاز کی بات ہے۔
انہوں نے کہا کہ ڈومیسٹک میں کپتانی کی ہو تو انٹرنیشنل میں دباؤ کا سامنا کرنے میں آسانی ہوتی ہے، بابر اعظم میرا فیورٹ ہے، محمد رضوان کی شخصیت مجھے سب سے زیادہ پسند ہے، رضوان کے ساتھ کھیلنا سب سے اچھا لگتا ہے۔
نوجوان فاسٹ بولر نے کہا کہ پاکستان کا یہ سال بہت اچھا رہا ہے ہماری رینلنگ بہتر ہو رہی ہے، کھلاڑیوں کی بھی رینکنگ اچھی ہورہی ہے آئندہ برس بھی اچھی پرفارمنس ہو گی، لاہور قلندرز کے ساتھ فیملی والا ماحول ہے یہاں کبھی دباؤ محسوس نہیں ہوا۔

دورہ نیوزی لینڈ سے دونوں بورڈز کے تعلقات مضبوط ہوں گے، رمیزراجہ

چیئرمین پاکستان کرکٹ بورڈ رمیز راجہ کا کہنا ہے کہ وہ مارٹن سینیڈن اور ان کے بورڈ کے شکر گزار ہیں، وہ ان سے ہونی والی ملاقاتوں کے نتائج پر بھی بہت خوش ہیں۔
چیئرمین پی سی بی کا کہنا ہے کہ یہ دونوں بورڈز کے مضبوط تعلقات کی ضمانت اور اس بات کی تصدیق ہے کہ پاکستان کرکٹ برادری کا ایک اہم رکن ہے۔
نیوزی لینڈ کرکٹ کے چیف ایگزیکٹو ڈیوڈ وائیٹ کا کہنا ہے کہ رمیز راجہ اور مارٹن سینیڈن کی دبئی میں نتیجہ خیز اور تعمیری گفتگو ہوئی جس سے دونوں بورڈز کے تعلقات بھی مزید مضبوط ہوئے ہیں۔
اب پاکستان مارچ 2022سے اپریل 2023کے دوران آسٹریلیا، انگلینڈ اور نیوزی لینڈ کے خلاف 8ٹیسٹ، 11ون ڈے اور 13ٹی ٹوئنٹی میچز کی میزبانی کرے گا۔

نیوزی لینڈ کرکٹ ٹیم آئندہ سال پاکستان کا دورہ کرے گی۔
پاکستان کرکٹ بورڈ کے مطابق نیوزی لینڈ کی ٹیم آئندہ سال دسمبر سے دو ٹیسٹ اور تین ون ڈے انٹرنیشنل میچز کھیلنے کے لیے پاکستان کا دورہ کرے گی۔
مہمان ٹیم اپریل 2023میں ایک مرتبہ پھر پاکستان آئے گی جہاں وہ 10وائٹ بال میچز پر مشتمل سیریز کھیلے گی۔
چیئرمین پاکستان کرکٹ بورڈ رمیز راجہ کی نیوزی لینڈ کرکٹ کے چیئرمین مارٹن سینیڈن سے ملاقاتوں میں تبادلہ خیال کے بعد ان دوروں کو حتمی شکل دی گئی ہے۔
نیوزی لینڈ کرکٹ ٹیم کے پہلے دورہ پاکستان میں شامل دو ٹیسٹ اور تین ون ڈے انٹرنیشنل میچز بالترتیب آئی سی سی ورلڈ ٹیسٹ چیمپئن شپ اور آئی سی سی مینز کرکٹ ورلڈ کپ سپر لیگ کا حصہ ہوں گے جبکہ دوسرے دورے میں مہمان ٹیم کو پانچ ون ڈے اور پانچ ٹی ٹوئنٹی انٹرنیشنل میچز کھیلنے ہیں، دونوں بورڈز اب دورے کی تاریخوں کو حتمی شکل دیں گے۔

پاکستان کے دورے پر آئی ویسٹ انڈیز ٹیم کے 14کھلاڑی اور آفیشلز ون ڈے سیریز ملتوی ہونے کے بعد وطن روانہ ہوگئے،
پاکستان اور ویسٹ انڈیز کے درمیان ون ڈے سیریز جون 2022 تک ملتوی کی گئی ہےجس کے بعد ویسٹ انڈیز کے کھلاڑی وطن روانہ ہوگئے ہیں،ویسٹ انڈیز کے جو کھلاڑی وطن روانہ ہوئے ہیں ان 14 کھلاڑیوں اور آفیشل کے کرونا ٹیسٹ منفی آئے تھے جبکہ جن کھلاڑیوں کے کورونا ٹیسٹ مثبت آئے تھے وہ آئسولیشن کے بعد وطن روانہ ہوں گے،، کرونا کے کیسز سامنے آنے کے بعد ویسٹ انڈیز کرکٹ ٹیم 14کھلاڑیوں کے ساتھ پاکستان کے خلاف ون ڈے سیریزکھیلنے کو تیار نہیں تھی اور پاکستان کرکٹ بورڈ مہمان ٹیم کو سیریز کھیلنے پر قائل کرنے کیلئے کوشاں تھا،ویسٹ انڈیز ٹیم کے 21 کھلاڑی دورہ پاکستان کے لیے آئے تھے جس میں 6 کھلاڑی کرونا کا شکار ہوگئے جبکہ ایک ویسٹ انڈین پلیئر انجری کے باعث دورے سے باہر ہوگیا،،

پاکستان کرکٹ ٹیم کے عبوری ہیڈ کوچ ثقلین مشتاق کا کہنا ہے کہ کوچ کے لیے تکنیکی باتوں سے پہلے پلیئرز کو سمجھنا ضروری ہے۔
لیجنڈ سپنر ثقلین مشتاق نے پاکستانی کھلاڑیوں میں پائی جانے والی صلاحیتوں کا اعتراف کیا اور انھیں سراہا۔ کہنا تھا پاکستانی کرکٹرز سیلف میڈ ہوتے ہیں اور گلیوں میں خود سیکھ کر بنتے ہیں، یہی وجہ ہے کہ پوری دنیا پاکستان میں پایا جانے والا ٹیلنٹ مانتی ہے۔
ہیڈ کوچ نے کپتان بابر اعظم اور فاسٹ بولر شاہین شاہ کی بھی تعریف کی اور کہا کہ بابراعظم دور حاضر کے میگا سٹار ہیں جبکہ حال ہی میں کھیلے جانے والے ٹی ٹوئنٹی ورلڈ کپ میں بھارت کے خلاف شاہین شاہ آفریدی کی 2گیندوں نے پاکستان کو ایک نئی انرجی دی تھی۔
قومی ٹیم کے سابق آف اسپنر ثقلین مشتاق کا مزید کہنا تھا کہ میں نے زندگی میں شاہین شاہ آفریدی جیسی گیند بازی نہیں دیکھی۔

بھارتی ٹیسٹ ٹیم کے کپتان ویرات کوہلی اور ون ڈے ٹیم کے نئے کپتان روہت شرما دورہ جنوبی افریقا پر ایک ساتھ نہیں کھیلیں گے۔
یہ اتفاق ہو یا کپتانی کا تنازع لیکن سچ یہ ہے کہ دونوں کھلاڑی جنوبی افریقا کے دورے پر تو جائیں گے لیکن ٹیسٹ اور ون ڈے میں ایک ساتھ میدان میں نہیں کھیلیں گے۔

بھارت کو دورہ جنوبی افریقا کے دوران پہلے 3 ٹیسٹ میچوں کی سیریز کھیلنی ہے اور اس کے بعد 3 میچوں کی ون ڈے سیریز کھیلی جائے گی۔