Category کرکٹ

گال (اے پی پی) سری لنکا اور جنوبی افریقہ کی کرکٹ ٹیموں کے درمیان دو ٹیسٹ میچوں پر مشتمل سیریز کے پہلے میچ میں سری لنکا نے ساﺅتھ افریقہ کو 278رنز سے شکست دیدی۔ سری لنکا کی طرف سے شاندار بیٹنگ کرتے ہوئے کروتنے نے 158رنز بنائے اور آﺅٹ نہیں ہوئے ۔جنوبی افریقہ کی طرف سے رابادہ کامیاب باﺅلر رہے انہوں نے 4کھلاڑیوں کو آﺅٹ کیا۔جنوبی افریقہ کی طرف سے اپنی پہلی اننگز کا آغاز کیا تو ان کی بیٹنگ مایوس کن تھی ۔ ڈوپلسی کے کوئی بھی کھلاڑی جم کر نہیں کھیل سکا اور پوری ٹیم 126کے سکور پر آﺅٹ ہو گئی ۔سری لنکا کی طرف سے پریرا نے اچھی باﺅلنگ کی اور 4کھلاڑیوں کو آﺅٹ کیا۔ جب سری لنکا نے اپنی باری کا دوبارہ آغاز کیا تو ان کی ٹیم کی وکٹیں جلدی جلدی گرنا شروع ہو گئیں لیکن کروتنے نے پھر اچھا کھیل پیش کیا اور 60رنز بنائے ۔ جنوبی افریقہ کی طرف سے مہاراج کی شاندار باﺅلنگ کی بدولت سری لنکا 190پر آﺅٹ ہو گئی اس طرح سری لنکا نے ساﺅتھ افریقہ کو جیتنے کے لئے 343رنز کا ٹارگٹ دیا لیکن اس کے جواب میں ساﺅتھ افریقہ کی بیٹنگ بری طرح فلاپ ہو گئی اور کوئی بھی بیٹسمین جم کر نہیں کھیل سکا اور پوری ٹیم 73رنز پر آﺅٹ ہو گئی۔ اس طرح سری لنکا نے ساﺅتھ افریقہ کو 278رنز سے شکست دے دی ۔ میچ میں اچھے کھیل کا مظاہرہ پیش کرتے ہوئے کروتنے کا مین آف دی میچ قرار دیا گیا۔

بلاوایو:(سپورٹس ڈیسک/ایمرا نیوز) زمبابوے کا ٹاس جیت کر پاکستان کو بیٹنگ کی دعوت دے دی.
بلاوایو کے کوئنز اسپورٹس کلب میں کھیلے جانے والے میچ میں میزبان ٹیم کے کپتان ہیملٹن مساکدزا نے ٹاس جیت کر پہلے فیلڈنگ کا فیصلہ کیا۔

دونوں ٹیمیں رواں سال ایک بھی ون ڈے میچ نہیں جیت سکیں جب کہ پاکستان کو نیوزی لینڈ کے خلاف 0-5 سے شکست کا بھی سامنا رہا۔
قومی اسکواڈ فخر زمان، امام الحق، بابراعظم، شعیب ملک، آصف علی، کپتان سرفراز احمد، شاداب خان، فہیم اشرف، حسن علی، محمد عامر، عثمان خان اور یاسر شاہ پر مشتمل ہے۔
میزبان ٹیم کی قیادت کے فرائض ہیملٹن مساکدزا انجام دیں گے جب کہ زمبابوین اسکواڈ میں برین چاری، ٹینڈائی چتارا، چامو چیباہا، ایلٹن چیکمبورا، ٹیندائی چیسارو، تیناشی کمنخوا، ویلنگٹن مساکدزا، پیٹر مور، ریان مری، تریسائی مساکنڈا، بلیسنگ مزربانی، ریچرڈ گراوا، لیام روچی، ڈونلڈ ٹریپانو اور مالکولم والر شامل ہیں۔

بولاوایو:(سپورٹس ڈیسک/ایمرا نیوز) پاکستان اور زمبابوے کے درمیان پہلا ون ڈے آج بولاوایو میں کچھ دیر باد شروع ہوگا.

سرفراز احمد نے مختلف کمبی نیشن کی آزمائش کا عندیہ دے دیا۔
زمبابوے کیخلاف ون ڈے سیریز سے قبل پریس کانفرنس میں کپتان سرفراز احمد نے کہا کہ ایشیا کپ کی تیاری کے پیش نظر کوشش کریں گے کہ تمام کھلاڑیوں کو میدان میں اترنے کا موقع مل سکے، درمیانی اوورز میں یاسر شاہ ٹیم کے لیے بہتر کارکردگی دکھاسکتے ہیں، انھیں بھی کم ازکم دو میچ کھلائیں گے، ہمارے پاس فخرزمان، امام الحق اور محمد حفیظ کی صورت میں 3اوپنرز ہیں، ان کو بھی مواقع دیں گے۔ ٹی ٹوئنٹی میچز میں چوتھے نمبر پر بیٹنگ کرتا رہا ہوں، ون ڈے میں پانچویں نمبر پر بھی آسکتا ہوں۔
ایک سوال کے جواب میں انھوں نے کہا کہ زمبابوے کی ٹیم میں نوجوان لیکن باصلاحیت کرکٹرز شامل ہیں، ہوم کنڈیشنز میں کوئی ٹیم کمزور نہیں ہوتی، کامیابی کے لیے ہمیں بہترین کرکٹ کھیلنا اور سخت محنت کرنا ہوگی، میزبان ٹیم کے ساتھ ہمیں سرد موسم کا بھی مقابلہ کرنا ہوگا۔ ون ڈے میچز کے آغاز کا وقت 10بجے ہے، ابھی تک گرین شرٹس کا یہاں کوئی میچ صبح کو اتنی جلدی شروع نہیں ہوا، اس لیے ایک نئی صورتحال ہوگی، میرے خیال میں ٹاس اہم ہوگا۔
زمبابوے کو کلین سوئپ کرنے کے سوال پر انھوں نے کہا کہ ابھی اس طرح کا کوئی دعویٰ کرنا مناسب نہیں، میزبان ٹیم کو ترنوالہ نہیں سمجھ سکتے، ایک ایک میچ کی پلاننگ کرتے ہوئے میدان میں اتریں اور کامیابی حاصل کرنے کی کوشش کریں گے۔

بولاوایو:(سپورٹس ڈیسک/ایمرا نیوز) پاکستان کرکٹ ٹیم سے سیریز سے پہلے ہی زمبابوے کرکٹ ٹیم مشکلات میں گرگئی ہے.
پاکستان سے ون ڈے سیریز میں زمبابوے کو ناتجربہ کار کرکٹرز پر انحصار کرنا پڑے گا جب کہ ڈیبیو کے منتظر3کھلاڑیوں کو 16رکنی اسکواڈ میں شامل کرلیا گیا۔
تنخواہوں کی عدم ادائیگی پر بغاوت کرنے والے کرکٹرز اور انجریز نے زمبابوے کو مارچ میں ورلڈکپ کوالیفائرز میں شرکت کرنے والے اسکواڈ میں کئی تبدیلیاں کرنے پر مجبور کردیا ہے،برینڈن ٹیلر،سکندر رضا اور گریم کریمر کی خدمات حاصل نہیں۔
سولومن مائر کو ایڑی کی انجری کے سبب زیر غور نہیں لایا گیا، انھیں3ہفتے آرام کرنا ہوگا، کائیل جاروس سہ ملکی ٹی ٹوئنٹی سیریز کے پہلے میچ میں انگوٹھا زخمی ہونے کے بعد ابھی تک صحتیاب نہیں ہوسکے، بولر ڈیڑھ ماہ تک میدان سے باہر رہیں گے جب کہ سابق کپتان ایلٹن چگمبرا نومبر 2016کے بعد پہلی بار ون ڈے میچ کھیلنے کیلیے دستیاب ہونگے۔

انٹرنیشنل کیپ کے منتظر 3 کھلاڑی بھی منتخب ہوئے ہیں، انڈر19ٹیم کے سابق کپتان لیام روچی مڈل آرڈر بیٹسمین اور آف اسپنر ہیں، انھوں نے شاندار آل راؤنڈ صلاحیتوں کی بنیاد پر اسکواڈ میں جگہ بنائی،23سالہ تناشے کامون ہکاموی ڈومیسٹک کرکٹ میں شاندار کارکردگی کے صلے میں منتخب ہوئے،وکٹ کیپر بیٹسمین ریان مرے بھی صرف 20سال کے ہیں، انھیں جنوری میں ون ڈے ساکواڈ میں شامل کیا گیا تھا لیکن ڈیبیو کا موقع نہیں ملا، تعمیر نو سے گزرتی میزبان ٹیم ناتجربہ کار لیکن باصلاحیت کھلاڑیوں کی مدد سے پاکستان کو حیران کرنے کیلیے منصوبے بنا رہی ہے۔
زمبابوے کے منتخب اسکواڈ میں برائن چاری،ٹنڈائی چتارا،چامو چھبابا، ایلٹن چگمبرا،ٹنڈائی چسورو،تناشے کامون ہکاموی، ہملٹن مساکیڈزا (کپتان)،ویلنگٹن مساکیڈزا، پیٹرمور، ریان مرے، ریان مرے،تریسائی مساکانڈا، بلیسنگ موزا ربانی،رچرڈ نگاراوا،لیام روچی، ڈونلڈ ٹریپانو اور میلکولم والر شامل ہیں۔

ہرارے:(سپورٹس ڈیسک/ایمرا نیوز) پاکستانی ٹیم نے زمبابوے کے خلاف ون ڈے سیریز جیتنے کے لیے پریکٹس شروع کردی.

سیکیورٹی مسائل کی وجہ سے ون ڈے سیریز کیلیے بولاوایو جانے سے گریز کرنے والے پاکستانی کرکٹرز نے ہرارے میں ہی پہلا پریکٹس سیشن کیا،وارم اپ اور فیلڈنگ ڈرلز کے بعد کھلاڑیوں نے نیٹ میں بیٹنگ اور بولنگ کرتے ہوئے صلاحیتوں کو نکھارنے کا سلسلہ جاری رکھا،اس دوران پاکستان سے ہرارے پہنچ کر ون ڈے اسکواڈ کو جوائن کرنے والے کرکٹرز خاص طور پر کوچز کی توجہ کا مرکز بنے۔
ایک نیٹ پر جنید خان اور دوسرے پر یاسر شاہ نے طویل سیشن کیا،اظہر محمود دونوں کی اچھی گیندوں پر داد دیتے رہے،فہیم اشرف، حسن علی اور عثمان شنواری نے بھی اپنی لائن اور لینتھ بہتر بنانے کیلیے کام کیا۔

ہیڈ کوچ مکی آرتھر نے بابر اعظم اور امام الحق کی پریکٹس کا بغور جائزہ لیتے ہوئے انھیں کارکردگی بہتر بنانے کیلیے مشورے دیے،فخرزمان نے جارحانہ اسٹروکس کھیلنے کی مشق جاری رکھی،کپتان سرفراز احمد نے الگ وکٹ کیپنگ پریکٹس کے دوران اسٹمپ پر اپنی مہارت بہتر بنانے کے لیے بھی کام کیا،بعد ازاں انھوں نے طویل بیٹنگ سیشن کیا۔
شعیب ملک نے آل رائونڈ صلاحیتوں کو نکھارنے کے لیے مشق جاری رکھی،شاداب خان بھی نیٹ میں بولنگ کے بعد پُراعتماد بیٹنگ کرتے نظر آئے، بیٹسمین تیزی سے سنگلز بنانے کی پریکٹس بھی کرتے رہے۔
یاد رہے کہ انگلینڈ کیخلاف ٹیسٹ سیریز میں انجری کے بعد مسلسل باہر رہنے والے بابر اعظم کی ٹیم اور فارم میں واپسی دونوں اہمیت کی حامل ہوں گی۔

(سپورٹس ڈیسک/ایمرا نیوز) احمد شہزاد کے مثبت ڈوپ ٹیسٹ کی وجہ سے احمد شہزاد ایک بار پھر پھنس گئے ہیں.
پاکستان کرکٹ بورڈ نے احمد شہزاد کے مثبت ڈوپ ٹیسٹ کی باقاعدہ تصدیق کردی ۔
پی سی بی ذرائع کے مطابق احمد شہزاد کے ڈوپ ٹیسٹ میں ممنوعہ مواد کا استعمال ثابت ہوا ہے، لہذا احمد شہزاد کو آج باضابطہ طور پر چارج شیٹ جاری کردی جائے گی۔
پاکستان کرکٹ بورڈ نے احمد شہزاد کے ڈوپ ٹیسٹ کا آزادانہ تجزیہ بھی کرایا تھا اور پاکستان کے قومی ڈوپنگ ادارے نے معاملہ پر بھارتی ڈوپنگ لیب سے بھی معاونت حاصل کی تھی ۔

واضح رہے کہ احمد شہزاد کا ڈوپ ٹیسٹ رواں سال مئی میں فیصل آباد میں منعقدہ پاکستان کپ ون ڈے ٹورنامنٹ کے دوران لیا گیا تھا، جب وہ بلوچستان ٹیم کے کپتان تھے۔
ڈوپ ٹیسٹ کا نتیجہ 26 سالہ اوپنر کے لیے مشکلات کا سبب بنا اور احمد شہزاد سے اس حوالے سے وضاحت طلب کی گئی۔
جس کے بعد پی سی بی نے احمد شہزاد کے ڈوپ ٹیسٹ کا آزادانہ تجزیہ بھی کرایا اور پاکستان کے قومی ڈوپنگ ادارے نے معاملے پر بھارتی ڈوپنگ لیب سے معاونت حاصل کی۔
امکان ہے کہ چارج شیٹ جاری ہوتے ہی احمد شہزاد کی عبوری معطلی شروع ہوجائے گی۔
احمد شہزاد پاکستان کی جانب سے13 ٹیسٹ، 81 ون ڈے انٹرنیشنل اور 57 ٹی ٹوئنٹی انٹرنیشنل میچ کھیل چکے ہیں۔ وہ پاکستان کی جانب سے تینوں فارمیٹس میں سنچریاں بنانے والے واحد بیٹسمین ہیں۔
احمد شہزاد پاکستان کے پہلے کھلاڑی نہیں ہیں جن کا ڈوپ ٹیسٹ مثبت آیا ہے، ان سے قبل شعیب اختر، محمد آصف، عبدالرحمٰن، رضا حسن اور کئی کرکٹرز کو ڈوپ ٹیسٹ مثبت آنے کے بعد پابندی کا سامنا کرنا پڑا ہے۔

ممبئی:(سپورٹس ڈیسک/ایمرا نیوز)فخر زمان کی تعریف پر بھارتیوں نے محمد کیف پر تنقید کے نشتر چلادیئے.
زمبابوے میں کھیلی گئی ٹرائنگولر سیریز کے فائنل میں آسٹریلیا پرکامیابی کے بعد کیف نے ٹویٹر پر تبصرہ کرتے ہوئے کہا کہ ’’آسٹریلیا کیخلاف ٹی 20 سیریز فائنل میں کامیابی پر مبارکباد پاکستان، ٹیم نے اچھے کھیل کا مظاہرہ کیا، خاص طور پر فخر زمان نے اچھی اننگز کھیلی، وہ بڑے میچ کے پلیئر دکھائی دیتے ہیں‘‘۔
محمد کیف کے اس ٹویٹ نے متعصب بھارتیوں کو مرچیں لگا دیں، انھوں نے الٹی سیدھی باتیں کرنا شروع کردیں، ایک نے لکھا کہ ’ تم سے یہ امید نہیں تھی، تمہارا پاکستانی پریم جاگ گیا ‘‘۔

(ایمرا نیوز) زمبابوین کرکٹ بورڈ کے مالی بحران کی وجہ سے پاکستان کرکٹ ٹیم کی زمبابوے کے شہر بولاوائیو روانگی روک دی گئی.
پاکستان اور زمبابوے کے درمیان پانچ ون ڈے انٹرنیشنل میچوں کی سیریز سے قبل ایک نئے تنازع کی وجہ سے پاکستان کرکٹ ٹیم کی بولاوئیو شہر روانگی میں تاخیر ہوگئی ہے۔
پاکستان کرکٹ ٹیم کی زمبابوے کے شہر بولاوائیو روانگی روک دی گئی، زمبابوین کرکٹ بورڈ کی بد انتظامی اور مالی بحران کے اثرات دونوں ٹیموں کے درمیان ہونے والی ون ڈے سیریز پر پڑتے نظر آرہے ہیں۔

ماضی میں بھی زمبابوے میں میچز بد انتظامی کی نذر ہوتے رہے ہیں۔ پاکستان اور زمبابوے کے درمیان پانچ ون ڈے میچز 13، 16، 18، 20 اور 22 جولائی کو کھیلے جانے ہیں۔
زمبابوے کرکٹ بورڈ کے مالی بحران کے اثرات پاکستان اور زمبابوے کی ون ڈے سیریز پر بھی دکھائی دے رہے ہیں۔ بولاوائیو میں جس ہوٹل میں ٹیم کو ٹھہرنا ہے اس ہوٹل کو ایڈوانس میں ادائیگی نہ ہونے کی وجہ سے پاکستان ٹیم کی روانگی میں مزید 3 دن کی تاخیر ہوگئی ہے۔
تین دن بعد پاکستان ٹیم ممکنہ طور پر بولاوائیو روانہ ہوگی۔ پاکستان ٹیم ہوٹل سے ایئرپورٹ روانگی کے لیے تیار تھی تاہم انہیں روانگی سے روک دیا گیا۔
پاکستان کرکٹ ٹیم انتظامیہ نے ون ڈے سیریز بولاوائیو سے ہرارے منتقل کرنے کی تجویز دی تھی لیکن زمبابوین کرکٹ بورڈ نے یہ تجویز ماننے سے انکارکردیا۔
قومی کرکٹ ٹیم کے کھلاڑی پیر کی شام ہرارے کے جس ہوٹل سے ایئرپورٹ جانے کے لیے چیک آؤٹ ہوئے تھے انہیں لابی ہی سے واپس کمروں میں شفٹ کردیا گیا۔
پاکستانی کھلاڑی کئی گھنٹے ہوٹل لابی میں انتظار کے بعد کمروں میں سامان رکھ کر کھانا کھانے مختلف ریسٹورنٹس کی جانب روانہ ہوگئے۔
پاکستان کرکٹ بورڈ ذرائع کا کہنا ہے کہ پاکستان ٹیم کی اب ممکنہ روانگی جمعرات کو ہوگی۔ جمعے کو پہلا ون ڈے انٹرنیشنل میچ کھیلا جائے گا۔
ذرائع کا کہنا ہے کہ عین موقع پر بولاوائیو سے اطلاع آئی کہ ادائیگی نہ ہونے کی وجہ سے ہوٹل نے بکنگ منسوخ کردی ہے۔
پاکستان ٹیم اب ہرارے میں مزید تین دن قیام کرے گی۔ منگل اور بدھ کو پاکستانی کھلاڑی ہرارے ہی میں پریکٹس کریں گے۔
پاکستان ٹیم کو جوائن کرنے کے لیے بابر اعظم، امام الحق، یاسر شاہ اور جنید خان ہرارے پہنچ گئے ہیں جبکہ ٹی ٹوئنٹی سیریز کے بعد شاہین شاہ آفریدی، حسین طلعت اور صاحبزادہ فرحان وطن واپس آگئے ہیں۔

زمبابوے کرکٹ بورڈ کئی برسوں سے مالی بحران کا شکار ہے۔ سہ فریقی ٹی ٹوئنٹی کرکٹ ٹورنامنٹ سے قبل بھی زمبابوے کے کھلاڑیوں نے سیریز نہ کھیلنے کی دھمکی دی تھی لیکن کرکٹرز کو معاوضوں کی ادائیگی کے بعد سیریز کھیلنے کے لیے رضامند کیا گیا تھا۔
زمبابوے میں گزشتہ روز ختم ہونے والے سہ فریقی ٹی ٹوئنٹی ٹورنامنٹ کے زیادہ تر اسپانسرز پاکستانی ہی تھے۔

(ایمرا نیوز) میکس ویل کو اپنی غلطی کا احساس ہو گیا
چند ماہ قبل جب آسٹریلیا کے کھلاڑی جنوبی افریقا میں بال ٹمپرنگ اسکینڈل میں پکڑے گئے تو کپتان اسٹیون اسمتھ سمیت تمام کھلاڑی اور کوچ روتے ہوئے میڈیا پر معافی مانگتے رہے لیکن اس واقعے سے آسٹریلیا کے کھلاڑیوں نے سبق نہیں سیکھا حالانکہ دنیا بھر میں ان کی ساکھ پر برا اثر پڑا۔
تازہ واقعے میں میکس ویل نے حرکت کی اور پھر انہیں ندامت اٹھانا پڑی۔
آسٹریلوی کرکٹر دنیا بھر میں اپنے سخت گیر اور بدتمیزی کے حوالے سے دنیا بھر میں شہرت رکھتے ہیں ایسے ہی ایک واقعے میں آسٹریلیا کے گلین میکس ویل سے شکست برداشت نہیں ہوئی اور وہ اخلاقیات کی تمام حدود پار کر گئے۔
واقعے کے 24 گھنٹے بعد میکس ویل کو اپنی غلطی کا احساس ہوا۔ سرفراز احمد سے بدتمیزی کرنے پر گلین میکس ویل نے ندامت کا اظہار کیا اور ان سے معافی مانگ لی جس کے بعد تلخ واقعے کا اختتام ہوگیا۔
تاہم عینی شاہدین کا کہنا ہے کہ میکس ویل نے اپنی غلطی تسلیم کرلی اور خود چل کر سرفراز احمد کے پاس گئے ان سے اپنے رویے پر معافی مانگ لی۔
پاکستان نے آسٹریلیا کو شکست دے کر ٹرائینگولر سیریز کی ٹرافی اپنے نام کرلی
اتوار کی شام ہرارے میں جب پاکستانی کرکٹ ٹیم نے آسٹریلیا کو تین قومی فائنل میں چھ وکٹ سے شکست دی تو پاکستانی کپتان سرفراز احمد خوشی سے شرسار جذباتی ہوکر میدان میں داخل ہوگئے۔
وہ دیوانہ وار اپنے بیٹسمینوں شعیب ملک اور آصف علی سے مل رہے تھے اور ان کی خوشی دیدانی تھی لیکن یہ وہ لمحہ تھا جب آسٹریلیا کے بیٹسمین گلین میکس ویل کو سرفراز احمد کی یہ ادا پسند نہیں آئی۔
انہوں نے سب سے پہلے سرفراز احمد کو گالیاں دیں پھر ان سے مصافحہ کرنے سے گریز کیا۔
میکس ویل نے یہ بھی کہا کہ تمہارا کوئی کھلاڑی گراؤنڈ میں تم سے پہلے نہیں آیا۔
ابتداء میں سرفراز احمد نے ان کی نازیبا گفتگو کو نظر انداز کرتے رہے تاہم بعد میں وہ بھی غصے سے بے قابو ہوگئے اور دونوں کے درمیان تلخ جملوں کا تبادلہ ہوا۔
میکس ویل کی ویڈیو سوشل میڈیا پر آنے کے بعد آسٹریلوی کرکٹر پر شدید تنقید ہوئی جس کے بعد کرکٹ آسٹریلیا اور ٹیم انتظامیہ نے میکس ویل کو معافی مانگے کے لئے کہا۔
پیر کی شام کو جب پاکستانی ٹیم ہرارے سے بولاوایو روانہ ہونے والی تھی اور اسی وقت آسٹریلوی ٹیم وطن جانے کے لئے ایئر پورٹ جارہی تھی۔
میکس ویل ہوٹل کی لابی میں سرفراز احمد کے پاس آئے اور اپنے نامناسب رویے پر معذرت کی اس طرح اس کہانی کا خاتمہ خوشگوار ماحول میں ہوا۔
عینی شاہدین کے مطابق میکس ویل شرمندہ تھے اور سوشل میڈیا پر ہونے والی تنقید سے وہ حواس باختہ لگ رہے تھے۔
ہرارے اسپورٹس کلب میں کھیلے جانے والے اس میچ میں پاکستان نے آسٹریلیا کو چھ وکٹوں سے شکست دے کر اپنی مسلسل نویں سیریز جیتی۔
اس کامیابی کی خوشی میں پاکستانی کپتان سرفراز احمد بھاگتے ہوئے گراؤنڈ میں داخل ہوئے اور وہاں موجود پاکستانی اور آسٹریلوی کھلاڑیوں سے ہاتھ ملانے لگے۔
فخر زمان ٹی ٹوئنٹی میں سال میں 500 رنز بنانے والے پہلے پاکستانی بن گئے
اس دوران جب سرفراز احمد نے آسٹریلوی کرکٹر گلین میکسویل کی جانب ہاتھ بڑھایا تو بظاہر ایسا لگا جیسے میکسویل نے جان بوجھ کر ان سے ہاتھ نہیں ملایا اور صرف شعیب ملک اور وہیں موجود امپائر سے ہاتھ ملانے کے بعد چل دیے۔
بعد میں اس واقع پر بعض میڈیا رپورٹس میں کہا جانے لگا کہ ان دونوں کھلاڑیوں کے درمیان میچ کے دوران الفاظ کا تبادلہ ہوا تھا لہٰذا ہاتھ نہ ملانے کی یہی وجہ ہو سکتی ہے۔
حیران کن طور پر گراؤنڈ میں گالی گلوچ ہورہی تھی لیکن فیلڈ امپائروں اور میچ ریفری جیف کرو نے اس واقعے کو نظر انداز کیا۔
سوشل میڈیا پر شدید تنقید کے بعد اب گلین میکسویل نے سوشل میڈیا پر ہی پاکستان ٹیم کو جیت کی مبارکباد دی اور کہا کہ فخر زمان اور شعیب ملک نے گزشتہ روز شاندار اننگز کھیلی اور پاکستان کی جیت میں اہم کردار ادا کیا۔
میکس ویل نے کہا کہ جان بوجھ کر سرفراز احمد سے ہاتھ نہ ملانے کی بات درست نہیں ہے، میں سرفراز احمد کو دیکھ ہی نہیں سکا تھا، اب میں ہوٹل میں انتظار کررہا ہوں تاکہ سرفراز احمد سے ہاتھ ملاؤں اور ان کی ٹیم کو کامیابی پر مبارکباد دوں۔
آل راؤنڈر نے ٹوئٹر پر نا صرف پاکستان ٹیم کو مبارکباد دی بلکہ اس معاملے کی بھی وضاحت کرتے ہوئے بتایا کہ جان بوجھ کر ہاتھ ملانے کی بات درست نہیں، میں سرفراز احمد کو دیکھ ہی نہیں سکا تھا، اب میں ہوٹل میں انتظار کر رہا ہوں تاکہ سرفراز احمد سے ہاتھ ملاؤں اور ان کی ٹیم کو بھی کامیابی پر مبارکباد دوں۔

ہرارے(سپورٹس ڈیسک/ایمرا نیوز) سہ ملکی سیریز جیتنے کے بعد پاکستان کی ٹی 20 میں نمبر 1 پوزیشن اور مضبوط ہوگئی ہے .
بڑے میچ میں فخر زمان نے ایک اور میچ وننگ اننگز کھیل کر پاکستان کے لئے مشکل دکھائی دینے والا ہدف آسان کردیا۔ عالمی نمبر ایک پاکستان نے سرفراز احمد کی قیادت میں ایک اور ٹائٹل اپنے نام کر لیا۔ گذشتہ سال آئی سی سی چیمپئنز ٹرافی فائنل میں بھارت کو دھول چٹانے والی پاکستانی ٹیم نے آسٹریلیا کی مضبوط ٹیم کے خلاف چیمپئن والی کارکردگی دکھاتے ہوئے تین قومی ٹی 20 انٹر نیشنل ٹورنامنٹ جیت لیا۔ کینگروز چھ وکٹ سے شکست ہوئی۔ اتوار کو فائنل میں فخر پاکستان ، فخر زما ن کے لاٹھی چارج کے سامنے آسٹریلوی بولنگ اٹیک بے بس ہوگیا۔ انہوں نے46گیندوں پر91تیز رفتار رنز تین چھکے اور 12چوکوں کی مدد سے بنائے۔ وہ 9رنز کی کمی سے احمد شہزاد کے بعد پاکستان کی جانب سے سنچری بنانے والے دوسرے بیٹسمین کا اعزاز حاصل نہ کرسکے۔ یہ ان کا ٹی ٹوئنٹی کیریئر میں سب سے زیادہ اسکور ہے۔ ایسے وقت میں جب کہ ورلڈ کپ فٹ بال اور ومبلڈن جیسے بڑے ایونٹ چل رہے ہیں ۔ پاکستانی ٹیم نے اپنی کارکردگی سے سنڈے کو سپر سنڈے بنادیا۔ پاکستان کی یہ جیت اس لحاظ سے

ناقابل یقین تھی کہ آسٹریلیا نے 8وکٹ پر183رنز بنائے۔ جواب میں ابتدائی چار گیندوں پر دو رنز پر دو وکٹ گرنے کے باوجود پاکستان نے چار گیندیں پہلے میچ جیت لیا ۔ آصف علی نے چوکا مار کر پاکستان کو ریکارڈ اسکور بنانے میں مدد دی۔ ہرارے اسپورٹس کلب میں آسٹریلیا نے ٹاس جیت کر بیٹنگ کرتے ہوئے پاکستان کو جیت کے لیے 184 رنز کا ہدف دیا۔ پاکستانی اننگز کا آغاز اچھا نہیں تھا اور پہلے ہی اوور میں دو کھلاڑی آؤٹ ہوگئے تھے۔پاکستان کی جانب سے ڈیبیو کرنے والے صاحبزادہ فرحان کھاتہ کھولے بغیر گلین میکسویل کی گیند پر اسٹمپ ہو گئے اور اس کے فوراً بعد حسین طلعت صفر پر ہی کیچ آؤٹ ہو گئے۔ کپتان سرفراز نے کریز پر آکر جارحانہ انداز اپنایا تاہم وہ 28 رنز بنا کر رن آؤٹ ہوگئے۔ انہوں نے 19گیندوں پر ایک چھکا اور چار چوکے مارے۔ اوپنر فخر زمان نے اسکور کو رکنے نہیں دیا ۔ چوتھی وکٹ پر شعیب ملک اور فخر زمان نے107 رنز کی شراکت قائم کی۔ سینئر بیٹسمین شعیب ملک نے اپنا کردار بخوبی ادا کیا اور 37گیندوں کی اننگز کے دوران ایک چھکا اور تین چوکے مارے۔ فخر زمان ایک مرتبہ پھر ٹی ٹوئنٹی میں سنچری سے چند رنز کی دوری پر 91 رنز بنانے کے بعد آؤٹ ہوئے، انہوں نے نصف سنچری 30گیندوں پر بنائی تھی۔ جبکہ شعیب ملک 43 رنز بنا کے ناٹ آؤٹ رہے۔ اس سے قبل آسٹریلیا نے اپنی اننگز میں آٹھ وکٹوں کے نقصان پر 183 رنز بنائے ۔ اوپنر ڈی آرسی شارٹ نے76 رنز بنائے۔ پاکستان کی جانب سے محمد عامر نے تین اور شاداب خان نے شاندار کیچ کے علاوہ دو وکٹیں حاصل کیں۔ پاکستان کی فیلڈنگ ناقص رہی۔ فہیم اشرف کے پہلے اوور میں شعیب ملک نے فنچ کا کیچ ڈراپ کیا۔ آصف علی شارٹ کا کیچ نہ لے سکے۔ اس موقع سے فائدہ اٹھا کر کپتان فنچ نے بھی جارحانہ بیٹنگ کی اور 47 رنز بنائے۔ دیگر آسٹریلین بیٹسمین اچھا کھیل نہ پیش کر سکے۔ پاکستان کی جانب سے بولنگ کا آغاز اچھا نہ تھا اور نہ ہی فیلڈنگ کا معیار۔ لیکن دسویں اوور کے بعد شاداب خان کی بدولت پاکستان نے کم بیک شروع کیا اور جہاں ایک موقع پر لگ رہا تھا کہ آسٹریلیا 200 رنز بنا پائے گا وہاں پاکستان نے وکٹیں حاصل کرنا شروع کر دیں۔ آسٹریلوی بیٹسمین کافی خوش قسمت ثابت ہوئے ۔کئی بار گیند بیٹ کا باہری کنارہ لیتے ہوئے باؤنڈری کے پار چلی جا رہی تھی۔ محمد عامر کے پہلے اوور میں دو چوکے لگنے کے بعد فہیم اشرف نے دوسرے اینڈ سے بولنگ شروع کی اور ان کے اوور کی پہلی ہی گیند پر شعیب ملک نے فنچ کا کیچ ڈراپ کر دیا۔کپتان فنچ نے پہلی وکٹ کی شراکت میں شارٹ کے ساتھ 96 رنز بنائے۔ پاکستان نے ٹیم میں 2 تبدیلیاں کرتے ہوئے اوپنر حارث سہیل کی جگہ نوجوان کھلاڑی صاحبزادہ فرحان کو ڈیبیو کرایا جبکہ عثمان شنواری کی جگہ حسن علی نے لی۔