Category کھیل

لاہور : قومی کرکٹ ٹیم کے سابق کپتان محمد حفیظ کوئٹہ گلیڈی ایٹرز کا حصہ بن گئے۔ ذرائع کے مطابق کوئٹہ گلیڈی ایٹرز کے احسان علی انجری کے بعد ایچ بی ایل پی ایس ایل سے باہر ہو گئے۔ ذرائع کا کہنا ہے کہ کوئٹہ گلیڈی ایٹرز نے احسان علی کی جگہ محمد حفیظ کو سکواڈ میں شامل کر لیا ہے۔واضح رہے کہ ایچ بی ایل پی ایس ایل کا آ ٹھواں ایڈیشن گزشتہ روز شروع ہوگیا ہے۔ ۔

لندن :انگلش کرکٹ ٹیم کے سابق کپتان این مورگن نے کرکٹ کو خیرباد کہہ دیا۔انگلش کرکٹر اور سابق کپتان این مورگن نے تمام طرز کی کرکٹ سے ریٹائرمنٹ کا اعلان کیا ہے۔مورگن نے کہا کہ کرکٹ نے مجھے بہت کچھ دیا ہے اور میرے خیال میں کھیل سے الگ ہونے کا یہ بہترین وقت ہے۔انگلش کرکٹر این مورگن نے 2006 میں ون ڈے کیرئیر کا ا?غاز کیا اور انہوں نے 248 ون ڈے میچز میں انگلینڈ کی نمائندگی کرتے ہوئے 7701 رنز بنائے جب کہ 115 ٹی ٹوئنٹی میں 2458 رنز جوڑے اور ٹیسٹ کیرئیر میں انہوں نے 16 ٹیسٹ میچز میں 700 رنز اسکور کیے۔

ذرائع کے مطابق کرکٹر احسان علی انجری کے بعد پی ایس ایل سے باہر ہوگئے

احسن علی کی انجری کے بعد کوئٹہ گلیڈی ایٹرز نے سابق کپتان حفیظ کو اسکواڈ میں شامل کرلیا ہے۔

خیال رہے کہ پاکستان سپر لیگ کا آٹھواں ایڈیشن آج سے شروع ہوگا، افتتاحی میچ میں دفاعی چیمپئن لاہور قلندرز اور ملتان سلطانز کا مقابلہ ہوگا۔

 میچ سے پہلے ملتان اسٹیڈیم میں رنگا رنگ افتتاحی تقریب بھی منعقد ہو گی۔

آسٹریلین کرکٹ ٹیم کے کپتان ایرون فنچ نے بین الاقوامی کرکٹ سے بھی ریٹائرمنٹ کا اعلان کرتے ہوئے کہا کہ مجھے احساس ہوا میں اگلے سال کے ٹی 20 ورلڈ کپ تک نہیں کھیل سکوں گا اور ریٹائر ہونے کا یہی درست وقت ہے تاکہ ٹیم کے مستقبل کی تیاری ہو سکے۔

آسٹریلیا نے پہلی بار 2021 میں ایرون فنچ کی کپتانی میں متحدہ عرب امارات میں ٹی 20 ورلڈکپ جیتا تھا لیکن وہ گزشتہ سال اپنے ہی ملک میں ہونے والے ورلڈکپ میں ناکام ہوئے۔

ایرون فنچ نے 5 ٹیسٹ، 146 ایک روزہ میچز اور 103 ٹی 20 بین الاقوامی میچز میں آسٹریلیا کی نمائندگی کی، انہوں نے مجموعی طور پر 8 ہزار 804 رنز بنائے اور ان کے انٹرنیشنل کیریئر میں 17 ایک روزہ اور 2 ٹی 20 سنچریاں بھی شامل ہیں۔

فنچ نے 76 ٹی 20 اور 55 ایک روزہ میچز میں آسٹریلیا کی کپتانی بھی کی جبکہ وہ گزشتہ سال ستمبر میں ایک روزہ کرکٹ سے ریٹائر ہوگئے تھے۔

پاکستان جونیئر سلیکشن کمیٹی کے چیئرمین اور پشاور زلمی کے بیٹنگ کنسلٹنٹ کامران اکمل نے اپنے کزن بابر اعظم کے ساتھ تعلقات پر کی جانے والی قیاس آرائیوں پر بات کی۔

پاکستان سپر لیگ (پی ایس ایل) کے 8 ویں ایڈیشن کے لیے فرنچائز کے پہلے پریکٹس سیشن کے بعد نیشنل اسٹیڈیم کراچی میں میڈیا سے گفتگو کرتے ہوئے سابق کرکٹر سے سوال کیا گیا کہ ‘سوشل میڈیا پر لوگ یہ خیال کررہے ہیں کہ بابر کی کامیابی پر آپ کی کوئی ٹوئٹ نہیں آتی، آپ اس پر بات نہیں کرتے، تو کیا آپ لوگوں میں کوئی اختلاف ہے؟ جب کہ ابھی آپ لوگ اچھے سے پریکٹس سیشن میں حصہ لے رہے تھے’۔

کامران اکمل نے مسکراتے ہوئے جواب دیا ‘ایسی کوئی بات نہیں ہے، میری کوشش ہوتی ہے کہ جو میرے بھائی ہیں، میں ان کے متعلق کچھ نہ کہوں، چاہے وہ اچھا کریں یا برا، میں ان کی تعریف نہ کروں، میں چاہتا ہوں دنیا تعریف کرے، ان کی کارکردگی دنیا تک پہنچانے کے لیے آپ لوگ ہیں نا، آپ لوگ کریں گے تو دنیا کو زیادہ پتہ چلے گا’۔

انہوں نے کہا  بابر میرا بھائی ہے، مجھے اس کی تعریف کرنے کی ضرورت نہیں، میں نےکبھی اپنے سگے بھائیوں عمر اکمل اور عدنان اکمل کی بھی تعریف نہیں کی۔

کامران نے کہا ‘ان پر دباؤ ہونا چاہیے کہ پرفارمنس دینی ہے، ان پر یہ تاثر نہ جائے کہ بھائی ہے تو یہ فائدہ ہے’۔

سابق کرکٹر کا کہنا تھا کہ بابر کی بیٹنگ بے شک اچھی ہے لیکن یہ میں اسے کہتا ہوں کہ کپتانی میں اب بھی بہتری کی ضرورت ہے۔

کراچی : سابق کپتان قومی کرکٹ ٹیم محمدحفیظ کے بعد ٹیسٹ کرکٹر اسدشفیق نے بھی جامعہ کراچی میں داخلہ لے لیا ۔

ٹیسٹ کرکٹراسد شفیق نےشعبہ ہیلتھ فزیکل ایجوکیشن اینڈ اسپورٹس سائنسزمیں داخلہ لیا ہے ، اس حوالے سے اسد شفیق کی وائس چانسلر ڈاکٹرخالد محمودعراقی سےملاقات ہوئی، انہوں نے ملاقات میں بتایا کہ وہ بھی اس سال سے جامعہ کراچی کےطالبعلم ہیں اور انہیں خوشی ہے کہ قومی کرکٹرز میں اعلیٰ تعلیم حاصل کرنےکے رجحان میں اضافہ ہورہاہے۔

وائس چانسلر کا کہنا تھا کہ امید ہے کہ طلباء آپ لوگوں کےتجربات سےبھرپوراستفادہ کریں گے اور انہیں سیکھنے کے بھی بہترین مواقع میسر آئیں گے۔

خیال رہے کہ حال ہی میں سابق کپتان محمد حفیظ  نے بھی جامعہ کراچی میں داخلہ لیا ہے جبکہ سرفراز احمد اور سعود شکیل بھی جامعہ کراچی کے ہیلتھ فزیکل ایجوکیشن میں زیر تعلیم ہیں۔

واضح رہے کہ ٹیسٹ کرکٹر اسد شفیق77 ٹیسٹ میچز کھیلنے کے ساتھ 60 ون ڈے انٹرنیشنل مقابلوں میں پاکستان کی نمائندگی کرچکے ہیں ۔
 

فتخار احمد کے ہاتھوں 6 چھکے کھانے والے وہاب ریاض کا کہنا ہے کہ یہ بھی بڑے حوصلے کی بات ہے۔

اکبر بگٹی کرکٹ اسٹیڈیم کوئٹہ میں اتوار (5 فروری) کو پی ایس ایل کی 2 فرنچائزز کوئٹہ گلیڈی ایٹرز اور پشاور زلمی کے درمیان دوستانہ ٹی 20 میچ کھیلا گیا۔

میچ میں کوئٹہ گلیڈی ایٹرز نے پشاورزلمی کو 3 رنز سے ہرادیا۔

کوئٹہ گلیڈی ایٹرز کی اننگز کی خاص بات افتخار احمد کے 50 گیندوں پر 94 رنز بنائے، جس میں وہاب ریاض کو ایک ہی اوور میں 6 چھکے بھی شامل تھے۔

پی سی بی نے ایک ویڈیو جاری ہے جس میں میچ کے بعد وہاب ریاض، عمر اکمل اور افتخار احمد خوشگوار انداز میں باتیں کررہے ہیں۔

گفتگو کے دوران وہاب ریاض اور عمر اکمل دونوں ہی افخار احمد کے ایک ہی اوور میں 6 چھکوں کی تعریف کرتے ہیں۔

اسی دوران وہاب ریاض کہتے ہیں کہ افتخار نے جو پرپل پہنا ہوا ہے یہ پی ایس ایل میں نہیں چلے گا۔

سینیئر فاسٹ بولر کا کہنا تھا کہ انہیں پڑنے والے 2 چھکے بڑے زبردست مارے گئے۔

وہاب ریاض کا مزید کہنا تھا کہ 6 چھکے مارنا بڑی بات ہے اور کھانا بھی حوصلے کی بات ہے۔

نئی دہلی / اسلام آباد: سابق فاسٹ بولر شعیب اختر قومی ٹیم کو مسلسل تنقید کا نشانہ بناتے رہتے ہیں اور اب ان کی اس عادت پہ ایک بھارتی اداکار نے بھی انہیں ٹوک دیا۔

بھارتی ڈرامہ انڈسٹری کے معروف اداکار نکول مہتا نے اپنی ہی قومی ٹیم پر مسلسل تنقید کرنے پر سابق فاسٹ بولر شعیب اختر کو آڑے ہاتھوں لے لیا۔

شعیب اختر اکثر و بیشتر ہی قومی ٹیم کی مایوس کن کارکردگی پر کڑی تنقید کرتے دکھائی دیتے ہیں اور ان خیالات کا اظہار اپنے یوٹیوب چینل پر کرتے ہیں جس پر صارفین تبصرے بھی کرتے ہیں۔

اسی حوالے سے نکول مہتا نے شعیب اختر کی تنقید پر اعتراض کیا ہے۔

بھارتی اداکار نے اپنی ٹویٹ میں کہا کہ شعیب اختر کو اپنے یوٹیوب کیریئر کو برقرار رکھنے کے لیے قومی ٹیم کا استعمال کرتے دیکھنا ایک مضحکہ خیز چیز ہے۔

انہوں نے کہا کہ گزشتہ چند سالوں میں تبدیلی کے بعد پاکستان کی یہ ٹیم بہترین ٹیموں میں سے ایک ہے۔

خیال رہے کہ ٹی 20 ورلڈ کپ میں قومی ٹیم کی زمبابوے کے ہاتھوں شکست پر شعیب اختر نے چیئرمین پی سی بی سمیت ٹیم مینجمنٹ کو کھری کھری سنائی تھیں۔

شعیب اختر نے کہا تھا کہ بار بار کہہ رہا ہوں کہ ہمارے اوپنرز اور مڈل آرڈر اس کام کے نہیں کہ ہم کوئی جیت حاصل کر سکیں، مسلسل ہم نہیں جیت پائیں گے، پاکستان کے پاس اچھا کپتان نہیں اس میں کوئی شک نہیں

منٹری پینل میں سائمن ڈول، ایلن ولکنز، وقار یونس اور ڈینی موریسن شامل ہیں۔ اس کے علاوہ عروج ممتاز، بازید خان، نک نائٹ، ثنا میر اور ڈیرن گنگا بھی پینل کا حصہ ہیں۔

مارک بوچر، ڈومینک کارک، ورنن فلینڈر، سکندر بخت، مرینہ اقبال اور طارق سعید بھی پینل میں شامل ہیں۔

پی ایس ایل 8 کےلیے پریزینٹرز میں ایرن ہالینڈ اور زینب عباس شامل ہیں۔ پی سی بی نے پی ایس ایل کمنٹری پینل میں رمیز راجہ کا نام شامل نہیں کیا۔

لاہور :پشاور زلمی اور کوئٹہ گلیڈی ایٹرز کے درمیان 5فرری کو ہونے والے نمائشی میچ کے حوالے سے اسکواڈز کو حتمی شکل دیدی گئی۔ذرائع کے مطابق نمائشی میچ کے لئے بابراعظم پشاور زلمی کی اور سرفراز احمد کوئٹہ گلیڈی ایٹرز کی کپتانی کریں گے، پشاور زلمی اور کوئٹہ گلیڈی ایٹرز میں دیگر فرنچائزز کے کھلاڑیوں کو بھی شامل کیا گیا ہے۔پشاور زلمی کے اسکواڈ میں وہاب ریاض، شاہد آفریدی، حسیب اللہ، دانش عزیز ، محمد حارث، اعظم خان، حیدرعلی، عامر ممال اور اسامہ میر شامل ہیں جب کہ صفیان مقیم، سلمان ارشاد، صائم ایوب اور عثمان قادر بھی نمائشی میچ میں پشاورزلمی کی نمائندگی کریں گے۔دوسری جانب کوئٹہ گلیڈی ایٹرز کے اسکواڈ میں عمراکمل، بسم اللہ خان، سعودشکیل، احسن علی، نسیم شاہ، افتخار احمد، محمد نواز، محمد حسنین، خوشدل شاہ، عبدالواحد بنگلزائی، عمیدآصف، عمیربن یوسف اور اعمل خان شامل ہیں۔نمائشی میچ میں کوئٹہ گلیڈی ایٹرز کے معین خان اور پشاورزلمی کے لیے کامران اکمل ہیڈکوچ ہوں گے، انضمام الحق پشاورزلمی کے ڈگ آٹ میں بطور مینٹور دکھائی دیں گے۔بنگلہ دیش پریمیئر لیگ میں چند کھلاڑیوں کی شمولیت کے باعث دونوں فرنچائز کے اسکواڈز 14، 14ممبران پر مشتمل ہے۔واضح رہے کہ کوئٹہ گلیڈ ی ایٹرز اور پشاور زلمی کے درمیان نمائشی میچ 5 فروری کو بگٹی اسٹیڈیم کوئٹہ میں کھیلا جائے گا ۔