Category کھیل

لندن(نیٹ نیوز/ایمرا نیوز)سربیئن اسٹار نے کھوئی ہوئی فارم حاصل کرتے ہوئے کیریئر کا 13واں گرینڈ سلم جیت لیا، سابق عالمی نمبرون نے مینز سنگلز کے فائنل میں جنوبی افریقی حریف کیون اینڈرسن کو 6-2،6-2 اور7-6(7/3) سے ٹھکانے لگادیا۔دوسری جانب فائنل میں شکست سے دوچار اینڈرسن 97 برسوں میں پہلی بار ومبلڈن کے فائنل میں پہنچنے والے پہلے جنوبی افریقی بنے تھے، تاہم وہ اپنے ملک کے پہلے فاتح بننے کا اعزاز حاصل نہیں کرپائے۔اس سے قبل ویمنز ڈبلز ٹائٹل جمہوریہ چیک کی باربورا کرائیجیکووا اور کیٹرینا سیناکووا نے جیت لیا، انھوں نے فائنل میں امریکا کی نکول میلیچر اور جمہوریہ چیک سے تعلق رکھنے والی کیویٹا پیشکے پر غلبہ پالیا، ان کی جیت کا اسکور 4-6، 6-4 اور6-0 رہا، مینز ڈبلز ٹرافی امریکی کھلاڑی مائیک برائن نے جیک سوک کی سنگت میں جیت لی، انھوں نے فیصلہ کن معرکے میں جنوبی افریقی پلیئر ریوین کلیسن اور کیوی کھلاڑی مائیکل وینس کو مات دے دی۔

ماسکو(نیٹ نیوز/ایمرا نیوز) آج سب کی نظریں ہوں گی ٹی وی پر سب دیکھیں گے ٹی وی لائیو فٹ بال میچ کون ہو گا زیرو اور کون ہو گا چمپئن ۔فٹبال ورلڈ کپ کا فائنل آج فرانس اور کروشیا کے درمیان کھیلا جائے گا۔روس کے شہر ماسکو کے لوزنیکی اسٹیڈیم میں فیفا فٹبال ورلڈ کپ کا فائنل معرکہ پاکستانی وقت کے مطابق رات 8 بجے شروع ہوگا۔فرانسیسی ٹیم آج اپنا تیسرا ورلڈ کپ فائنل کھیلے گی جب کہ کروشیا کی ٹیم پہلی مرتبہ ورلڈ کپ کے فائنل میں پہنچی ہے اور یہ ورلڈ کپ فائنل کھیلنے والی 10ویں یورپیئن ٹیم ہے۔اعداد و شمار کے مطابق فرانس کو کروشیا پر برتری حاصل ہے، فرانس نے 1998 کا ورلڈکپ اپنے نام کیا اور 2006 میں یہ فائنل میں پہنچی لیکن ٹرافی اپنے نام نہ کرسکی جب کہ اس کے مقابلے میں کروشین ٹیم فائنل میچ کھیلنے کے لیے ناتجربہ کار ہے اور فرانس کے مقابلے میں آج اس کا امتحان ہے۔فرانس اور کروشیا کے درمیان ہونے والے آخری 5 مقابلوں میں فرانس نے 3 میچز میں کامیابی حاصل کی اور دو میچز بغیر کسی نتیجے کے رہے۔ بڑے مقابلوں میں دونوں ٹیمیں 1998 کے ورلڈ کپ اور 2004 میں کھیلے گئے یورو کپ میں مدمقابل آئیں، 1998 کے ورلڈ کپ کے سیمی فائنل میں فرانس نے کروشیا کو ایک کے مقابلے میں 2 گول سے شکست دی جب کہ یورو کپ کا میچ 2۔2 گول سے برابر رہا۔

کوالالمپور(نیٹ نیوز/ وقت نیوز) باکسر محمد وسیم ملائیشیا میں ورلڈ فلائی ٹائٹل کا مقابلہ بہت قریبی فرق سے ہار گئے، جنوبی افریقہ کے موروتی متھالین کو فاتح قرار دیدیا گیا۔ کوالالمپور میں ہونے والے ورلڈ فلائی ویٹ باکسنگ ٹائٹل کے مقابلے کے ابتدائی راؤنڈز میں موروتی متھالین اپنے حریف پاکستانی باکسر محمد وسیم پر حاوی رہے۔ چھٹے راؤنڈ میں وسیم کے پنچز کے سامنے جنوبی افریقہ کے باکسر کو مشکلات کا سامنا رہا لیکن موروتی متھالین نے اگلے راؤنڈ میں وسیم کا ڈٹ کر مقابلہ کیا اور فائٹ متفقہ فیصلے کے تحت جیت لی۔

گال (اے پی پی) سری لنکا اور جنوبی افریقہ کی کرکٹ ٹیموں کے درمیان دو ٹیسٹ میچوں پر مشتمل سیریز کے پہلے میچ میں سری لنکا نے ساﺅتھ افریقہ کو 278رنز سے شکست دیدی۔ سری لنکا کی طرف سے شاندار بیٹنگ کرتے ہوئے کروتنے نے 158رنز بنائے اور آﺅٹ نہیں ہوئے ۔جنوبی افریقہ کی طرف سے رابادہ کامیاب باﺅلر رہے انہوں نے 4کھلاڑیوں کو آﺅٹ کیا۔جنوبی افریقہ کی طرف سے اپنی پہلی اننگز کا آغاز کیا تو ان کی بیٹنگ مایوس کن تھی ۔ ڈوپلسی کے کوئی بھی کھلاڑی جم کر نہیں کھیل سکا اور پوری ٹیم 126کے سکور پر آﺅٹ ہو گئی ۔سری لنکا کی طرف سے پریرا نے اچھی باﺅلنگ کی اور 4کھلاڑیوں کو آﺅٹ کیا۔ جب سری لنکا نے اپنی باری کا دوبارہ آغاز کیا تو ان کی ٹیم کی وکٹیں جلدی جلدی گرنا شروع ہو گئیں لیکن کروتنے نے پھر اچھا کھیل پیش کیا اور 60رنز بنائے ۔ جنوبی افریقہ کی طرف سے مہاراج کی شاندار باﺅلنگ کی بدولت سری لنکا 190پر آﺅٹ ہو گئی اس طرح سری لنکا نے ساﺅتھ افریقہ کو جیتنے کے لئے 343رنز کا ٹارگٹ دیا لیکن اس کے جواب میں ساﺅتھ افریقہ کی بیٹنگ بری طرح فلاپ ہو گئی اور کوئی بھی بیٹسمین جم کر نہیں کھیل سکا اور پوری ٹیم 73رنز پر آﺅٹ ہو گئی۔ اس طرح سری لنکا نے ساﺅتھ افریقہ کو 278رنز سے شکست دے دی ۔ میچ میں اچھے کھیل کا مظاہرہ پیش کرتے ہوئے کروتنے کا مین آف دی میچ قرار دیا گیا۔

جنوبی افریقہ(ایمرا نیوز) باکسر محمد وسیم کی ٹائٹل فائٹ کل رینگ میں اترئیں گے.
انٹرنیشنل باکسر محمد وسیم کی ورلڈ فلائی ویٹ ٹائٹل کے لئے فائٹ کل ہوگی، مقابلے میں ان کے مدمقابل جنوبی افریقا کے باکسر ہوں گے۔
کوئٹہ سے تعلق رکھنےوالے باکسر محمد وسیم کی ورلڈ فلائی ویٹ ٹائٹل کے لئے فائٹ اتوار15جولائی کو ملائیشیا کے شہر کوالالمپور میں ہوگی۔
ورلڈ ٹائٹل کے لئے محمد وسیم کا مقابلہ جنوبی افریقن باکسر موروتی متھالین سے ہوگا، یہ ٹائٹل فائٹ 12 راؤنڈز پر مشتمل ہوگی۔
ورلڈ ٹائٹل فائٹ سےقبل آج صبح دونوں باکسروں کا آفیشیل ویٹ کیا گیا، دونوں باکسرز نے ویٹ کے موقع پر ایک دوسرے کے مدمقابل پوز بنائے اور ایک دوسرے کو نیچا دکھانے کے عزم کا بھی اظہار کیا۔

واضح رہے کہ محمد وسیم کا تعلق کوئٹہ سے ہے، وہ اب تک 8 انٹرنیشنل فائٹ میں کامیابی حاصل کرچکے ہیں۔ دوسری طرف جنوبی افریقن باکسر کا انٹرنیشنل ریکارڈ بھی شاندار رہا ہے۔

سینٹ پیٹرزبرگ:(سپورٹس ڈیسک/ایمرا نیوز) فٹبال ورلڈکپ میں انگلینڈ اور بیلجیئم آج تیسری پوزیشن کے لیے زورآزمائی کریں گے.

میگا ایونٹ کی ٹرافی کا فیصلہ اتوار کو فرانس اور کروشیا کے درمیان ہونا ہے، سیمی فائنلز میں ناکامی کے بعد دونوں ملک انگلینڈ اور بیلجیئم کے پاس گھر واپسی سے قبل فتح پانے کا یہ آخری موقع ہے اور ہر ٹیم کی کوشش ہوگی کہ وہ جیت پر اختتام کرتے ہوئے وطن واپس لوٹے،انگلش ٹیم کو فائنل فور مرحلے میں کروشیا نے1-2 سے ہرادیا تھا، اسی طرح بیلجیئم کی ٹیم کو سیمی فائنل میں فرانس نے 1-0 سے ٹھکانے لگایا۔

تیسری پوزیشن کے مقابلے میں دونوں ٹیموں کے کوچز اپنی حتمی الیون میں تبدیلیاں کرسکتے ہیں، اس موقع پر انگلش کوچ گیراتھ ساؤتھ گیٹ نے کہا کہ ہم ٹرافی کی دوڑ سے باہر ہونے کے باوجود اپنی سوچ میں تبدیلی نہیں لائیں گے، اگرچہ ہمارا اولین مقصد 1966 کے بعد انگلینڈ کو ایک اور ورلڈ ٹرافی کا حقدار بنوانا تھا لیکن اب یہ ممکن نہیں رہا، ہم تیسری پوزیشن کے میچ میں اپنی عمدہ پرفارمنس دیکر فاتحانہ انداز سے وطن واپس جانا چاہتے ہیں، اس پر کوئی سوال ہی نہیں پیدا ہوتا۔
گیراتھ ساؤتھ گیٹ نے مزید کہا کہ ہر وقت جب ہم اپنے ملک کی جرسی زیب تن کرتے ہیں تو ہمارے لیے ملک کا وقار سب سے اہم ہوتا ہے، ہم اسی کیلیے کھیلتے اور جیتنا چاہتے ہیں، دوسری جانب بیلجیئم کی ٹیم میں شامل ’ گولڈن جنریشن ‘ کے کئی اہم پلیئرز ورلڈ کپ 2022 می بھی واپس آسکتے ہیں، اگرچہ اس وقت تک شاید ونسنٹ کومپینی اور جون ویٹرٹوگین جاچکے ہوں گے۔
کوچ روبرٹو مارٹینز اس بار ٹیم کیلیے ورلڈ کپ میں بہترین پوزیشن پانے کیلیے پراعتماد ہیں، بیلجیئم نے 1986 کے ایڈیشن میں چوتھی پوزیشن لی تھی جو میگا ایونٹ میں اب تک ان کی عمدہ پرفارمنس ہے۔
اسپینش کوچ نے مزید کہا کہ ہم اس بار ایونٹ میں زیادہ بہتر پوزیشن پر اختتام کرنا چاہتے ہیں، ہماری کوشش ہوگی کہ ہم انگلینڈ کو شکست دیکر اس بار میگا ایونٹ کے وکٹری اسٹینڈ پر جگہ بنالیں، اس لیے ہم اس مقابلے کو بھی اپنے لیے دیگر میچز کی طرح ہی اہم خیال کررہے ہیں، اسی کے ساتھ مجھے اس کا بھی ادراک ہے کہ یہ خاصا مشکل ہوگا کیونکہ ایک مرحلے پر ہم فائنل کھیلنے کی آرزو کررہے تھے ، ایسے میں اب ہمیں تیسری پوزیشن میچ کیلیے خود کو تیار کرنابہت مشکل ہوگا۔

بلاوایو:(سپورٹس ڈیسک/ایمرا نیوز) زمبابوے کا ٹاس جیت کر پاکستان کو بیٹنگ کی دعوت دے دی.
بلاوایو کے کوئنز اسپورٹس کلب میں کھیلے جانے والے میچ میں میزبان ٹیم کے کپتان ہیملٹن مساکدزا نے ٹاس جیت کر پہلے فیلڈنگ کا فیصلہ کیا۔

دونوں ٹیمیں رواں سال ایک بھی ون ڈے میچ نہیں جیت سکیں جب کہ پاکستان کو نیوزی لینڈ کے خلاف 0-5 سے شکست کا بھی سامنا رہا۔
قومی اسکواڈ فخر زمان، امام الحق، بابراعظم، شعیب ملک، آصف علی، کپتان سرفراز احمد، شاداب خان، فہیم اشرف، حسن علی، محمد عامر، عثمان خان اور یاسر شاہ پر مشتمل ہے۔
میزبان ٹیم کی قیادت کے فرائض ہیملٹن مساکدزا انجام دیں گے جب کہ زمبابوین اسکواڈ میں برین چاری، ٹینڈائی چتارا، چامو چیباہا، ایلٹن چیکمبورا، ٹیندائی چیسارو، تیناشی کمنخوا، ویلنگٹن مساکدزا، پیٹر مور، ریان مری، تریسائی مساکنڈا، بلیسنگ مزربانی، ریچرڈ گراوا، لیام روچی، ڈونلڈ ٹریپانو اور مالکولم والر شامل ہیں۔

بولاوایو:(سپورٹس ڈیسک/ایمرا نیوز) پاکستان اور زمبابوے کے درمیان پہلا ون ڈے آج بولاوایو میں کچھ دیر باد شروع ہوگا.

سرفراز احمد نے مختلف کمبی نیشن کی آزمائش کا عندیہ دے دیا۔
زمبابوے کیخلاف ون ڈے سیریز سے قبل پریس کانفرنس میں کپتان سرفراز احمد نے کہا کہ ایشیا کپ کی تیاری کے پیش نظر کوشش کریں گے کہ تمام کھلاڑیوں کو میدان میں اترنے کا موقع مل سکے، درمیانی اوورز میں یاسر شاہ ٹیم کے لیے بہتر کارکردگی دکھاسکتے ہیں، انھیں بھی کم ازکم دو میچ کھلائیں گے، ہمارے پاس فخرزمان، امام الحق اور محمد حفیظ کی صورت میں 3اوپنرز ہیں، ان کو بھی مواقع دیں گے۔ ٹی ٹوئنٹی میچز میں چوتھے نمبر پر بیٹنگ کرتا رہا ہوں، ون ڈے میں پانچویں نمبر پر بھی آسکتا ہوں۔
ایک سوال کے جواب میں انھوں نے کہا کہ زمبابوے کی ٹیم میں نوجوان لیکن باصلاحیت کرکٹرز شامل ہیں، ہوم کنڈیشنز میں کوئی ٹیم کمزور نہیں ہوتی، کامیابی کے لیے ہمیں بہترین کرکٹ کھیلنا اور سخت محنت کرنا ہوگی، میزبان ٹیم کے ساتھ ہمیں سرد موسم کا بھی مقابلہ کرنا ہوگا۔ ون ڈے میچز کے آغاز کا وقت 10بجے ہے، ابھی تک گرین شرٹس کا یہاں کوئی میچ صبح کو اتنی جلدی شروع نہیں ہوا، اس لیے ایک نئی صورتحال ہوگی، میرے خیال میں ٹاس اہم ہوگا۔
زمبابوے کو کلین سوئپ کرنے کے سوال پر انھوں نے کہا کہ ابھی اس طرح کا کوئی دعویٰ کرنا مناسب نہیں، میزبان ٹیم کو ترنوالہ نہیں سمجھ سکتے، ایک ایک میچ کی پلاننگ کرتے ہوئے میدان میں اتریں اور کامیابی حاصل کرنے کی کوشش کریں گے۔

ماسکو:(سپورٹس ڈیسک/ایمرا نیوز) کروشیا نے انگلینڈ کے ہوش اُڑا دیے ،اور پہلی بار فٹبال ورلڈکپ کے فائنل کے لیے کوالیفائی کرلیا.
دوسرے سیمی فائنل میں دلچسپ مقابلے کے بعد کروشیا نے اضافی وقت میں انگلینڈ کو دو ایک سے شکست دی اور پہلی بار فائنل میں پہنچا۔
ماسکو میں کھیلے گئے سیمی فائنل کا آغاز تیز رفتاری سے ہوا اور انگلینڈ نے پانچویں منٹ میں ہی برتری حاصل کرلی، یہ گول ٹری پیئر نے کارنر کک پر ہیڈ کے ذریعے کیا۔
اس کے بعد کروشین ٹیم نے بھی حملے کیے مگر اُن کے کھلاڑیوں کی کوششیں کامیاب نہیں ہوسکیں اور پہلے ہاف میں انگلینڈ کو برتری حاصل رہی۔
دوسرے ہاف میں کروشیا کی ٹیم گول برابر کرنے میں کامیاب ہوئی، یہ گول پریچچ نے کیا اور مقررہ وقت میں مقابلہ ایک، ایک گول سے برابر رہا۔
میچ کو فیصلہ کن بنانے کے لیے اضافی وقت دیا گیا، جس کے دوسرے ہاف میں کروشیا کے تجربہ کار اور اسٹار کھلاڑی مینزوکچ نے گیند حریف ٹیم کے جال میں پہنچا کر ٹیم کو برتری دلا دی جو آخر وقت تک قائم رہی۔

یوں کروشیا نے میگا ایونٹ کے فائنل کے لیے کوالیفائی کرلیا، جہاں اتوار 15 جولائی کو اس کا مقابلہ فرانس سے ہوگا۔
دوسری جانب انگلینڈ کی ٹیم ہفتہ 14 جولائی کو پہلے سیمی فائنل میں فرانس سے شکست کھانے والی بیلجیئم سے تیسری پوزیشن کا میچ کھیلے گی۔

بولاوایو:(سپورٹس ڈیسک/ایمرا نیوز) پاکستان کرکٹ ٹیم سے سیریز سے پہلے ہی زمبابوے کرکٹ ٹیم مشکلات میں گرگئی ہے.
پاکستان سے ون ڈے سیریز میں زمبابوے کو ناتجربہ کار کرکٹرز پر انحصار کرنا پڑے گا جب کہ ڈیبیو کے منتظر3کھلاڑیوں کو 16رکنی اسکواڈ میں شامل کرلیا گیا۔
تنخواہوں کی عدم ادائیگی پر بغاوت کرنے والے کرکٹرز اور انجریز نے زمبابوے کو مارچ میں ورلڈکپ کوالیفائرز میں شرکت کرنے والے اسکواڈ میں کئی تبدیلیاں کرنے پر مجبور کردیا ہے،برینڈن ٹیلر،سکندر رضا اور گریم کریمر کی خدمات حاصل نہیں۔
سولومن مائر کو ایڑی کی انجری کے سبب زیر غور نہیں لایا گیا، انھیں3ہفتے آرام کرنا ہوگا، کائیل جاروس سہ ملکی ٹی ٹوئنٹی سیریز کے پہلے میچ میں انگوٹھا زخمی ہونے کے بعد ابھی تک صحتیاب نہیں ہوسکے، بولر ڈیڑھ ماہ تک میدان سے باہر رہیں گے جب کہ سابق کپتان ایلٹن چگمبرا نومبر 2016کے بعد پہلی بار ون ڈے میچ کھیلنے کیلیے دستیاب ہونگے۔

انٹرنیشنل کیپ کے منتظر 3 کھلاڑی بھی منتخب ہوئے ہیں، انڈر19ٹیم کے سابق کپتان لیام روچی مڈل آرڈر بیٹسمین اور آف اسپنر ہیں، انھوں نے شاندار آل راؤنڈ صلاحیتوں کی بنیاد پر اسکواڈ میں جگہ بنائی،23سالہ تناشے کامون ہکاموی ڈومیسٹک کرکٹ میں شاندار کارکردگی کے صلے میں منتخب ہوئے،وکٹ کیپر بیٹسمین ریان مرے بھی صرف 20سال کے ہیں، انھیں جنوری میں ون ڈے ساکواڈ میں شامل کیا گیا تھا لیکن ڈیبیو کا موقع نہیں ملا، تعمیر نو سے گزرتی میزبان ٹیم ناتجربہ کار لیکن باصلاحیت کھلاڑیوں کی مدد سے پاکستان کو حیران کرنے کیلیے منصوبے بنا رہی ہے۔
زمبابوے کے منتخب اسکواڈ میں برائن چاری،ٹنڈائی چتارا،چامو چھبابا، ایلٹن چگمبرا،ٹنڈائی چسورو،تناشے کامون ہکاموی، ہملٹن مساکیڈزا (کپتان)،ویلنگٹن مساکیڈزا، پیٹرمور، ریان مرے، ریان مرے،تریسائی مساکانڈا، بلیسنگ موزا ربانی،رچرڈ نگاراوا،لیام روچی، ڈونلڈ ٹریپانو اور میلکولم والر شامل ہیں۔