Category کھیل

کراچی: (سپورٹس ڈیسک/ایمرا نیوز) ویسٹ انڈیز کرکٹ بورڈ امریکا میں مجوزہ ٹرائنگولر سیریز کو شیڈول نہیں کر سکا جس کی وجہ سے پاکستانی کرکٹ ٹیم رواں برس امریکا میں کرکٹ نہیں کھیل سکے گی۔

ویسٹ انڈین ٹیم نے رواں برس پاکستان کا دورہ کیا تھا، جواب میں پاکستانی اسکواڈکو بھی ٹور کرنا تھا، اس دوران امریکا میں میچز کا منصوبہ تھا جس کی آمدنی میں سے پی سی بی کو بھی حصہ ملتا، سیریز کیلیے اگست کی تاریخیں رکھی گئی تھیں مگر اب مقابلوں کا امکان مکمل طور پر ختم ہوگیا ہے۔

ذرائع نے بتایا کہ ویسٹ انڈین کرکٹ بورڈ نے چند برس قبل لیگ کے حقوق ایک برطانوی کمپنی کو فروخت کر دیے تھے جو تمام انتظامات سنبھالتی ہے، سی پی ایل کاآغاز8 اگست کو ہونا ہے لیکن ویسٹ انڈین کرکٹ بورڈ نے کیریبیئن لیگ کے منتظمین سے درخواست کی تھی کہ وہ ایونٹ کو ایک ہفتے آگے بڑھا دیں مگر انھوں نے اتفاق نہ کیا،ان کا کہنا تھا کہ اس صورت میں غیرملکی پلیئرز کو بلانے میں مشکل ہوگی۔
پاکستانی ٹیم ان دنوں آئرلینڈ میں موجود ہے، وہاں سے اسے انگلینڈ اور اسکاٹ لینڈ بھی جانا ہے، دورے کا اختتام 13 جون کو ہوگا،اسی ماہ کی 28 تاریخ کو گرین شرٹس زمبابوے پہنچ جائیں گے جہاں آسٹریلیا اور میزبان سے ٹرائنگولر سیریز ہوگی، 13 جولائی سے پاکستانی ٹیم زمبابوے کے خلاف5 ون ڈے میچز کھیلے گی۔ دورے کا اختتام22 تاریخ کو ہونا ہے۔

مجوزہ شیڈول کے مطابق وہیں سے پاکستانی ٹیم کو امریکا پہنچ کر ویسٹ انڈیز سے میچز کھیلنے تھے، وہاں لوڈرہل،فلوریڈا اور ہیوسٹن میں بنگلہ دیش کی شمولیت سے ٹرائنگولر سیریز کاانعقاد بھی ہوتا،ڈبل لیگ کی بنیاد پر 4 میچز ایک اور3 دوسرے شہر میں ہوتے۔ ویسٹ انڈیز کرکٹ بورڈ مجوزہ ٹرائنگولر سیریز کو شیڈول نہیں کر سکا، جس کی وجہ سے پاکستانی کرکٹ ٹیم رواں برس امریکا میں کرکٹ نہیں کھیل سکے گی کیونکہ اگر اگست میں سیریز نہ ہو سکی تو پھر پاکستان ٹیم کے مصروف شیڈول سے وقت نکالنا ناممکن ہے، کیریبیئن لیگ کا اختتام16 ستمبر کو ہوگا، 13 تاریخ سے یو اے ای میں ایشیا کپ کا آغاز ہونا ہے۔

اکتوبر میں گرین کیپس کی آسٹریلیا اور نومبر، دسمبر میں نیوزی لینڈ سے سیریز ہوں گی،دسمبر کے تیسرے ہفتے میں ٹیم جنوبی افریقہ چلی جائے گی جہاں6 فروری2019 تک میچز کھیلے جائیں گے۔

واضح رہے کہ ویسٹ انڈین بورڈ نے تاحال بنگلہ دیش سے ہوم سیریز کا شیڈول بھی جاری نہیں کیا جسے جولائی، اگست میں وہاں کھیلنا ہے، بنگال ٹائیگرز 31 ممکنہ کھلاڑیوں کا اعلان کر چکے جو ان دنوں ٹریننگ کیمپ میں شریک ہیں۔

لوڈرہل میں ویسٹ انڈین ٹیم نے 2016میں بھارت سے2 ٹی ٹوئنٹی میچز کھیلے تھے، وہاں اس سے قبل مختصر طرز کے 4 میچزاور سی پی ایل کے مقابلے بھی ہو چکے، البتہ ہیوسٹن میں تاحال کوئی انٹرنیشنل میچ نہیں کھیلا گیا ہے۔

لاہور: (سپورٹس ڈیسک/ایمرا نیوز) پاکستان سپر کبڈی لیگ چیمپئن کا تاج گجرات واریئرزکے سرسج گیا، ٹیم نے فائنل میں فیصل آباد شیردلز کو 26 کے مقابلے میں 38 پوائنٹس سے ہرادیا۔

نشتر اسپورٹس کمپلیکس کے جمنازیم میں منعقدہ ایونٹ کے فائنل میں پول اے سے گجرات واریئرز اور پول بی سے فیصل آباد شیردلز کی ٹیمیں فیصلہ کن معرکے میں مدمقابل ہوئیں، الگ الگ پولز میں ہونے کی وجہ سے فائنل سے قبل دونوں ٹیموں کا آمنا سامنا نہیں ہوا تھا۔

لیگ مرحلے میں 4،4 میچز کھیلے، 2،2 فتوحات سمیٹیں اور 4،4 پوائنٹس کے ساتھ تیسرے نمبر پر رہیں، فائنل ٹاکرے کے دوران دونوں ٹیموں کے کھلاڑیوں نے آغاز میں اچھا کھیل پیش کیا اور پہلے ہاف میں مقابلہ بہت سخت رہا، وقفے تک گجرات واریئرز کو صرف ایک پوائنٹ کی برتری حاصل تھی، دوسرے ہاف میں تحسین اللہ نے4 پوائنٹس حاصل کرتے ہوئے گجرات کی برتری میں اضافہ کیا جس کے بعد کھلاڑیوں نے فیصل آباد پر دبائو بڑھا دیا۔
ایک جانب تو ریڈرز نے تیزی سے پوائنٹس حاصل کیے تو دوسری جانب دفاعی کھلاڑیوں نے حریف ریڈرز کیلیے پوائنٹس کا حصول مشکل بنایا، گجرات واریئرز نے مقررہ وقت ختم ہونے پر مقابلہ 26 کے مقابلے میں 38 پوائنٹس سے اپنے نام کیا۔

فاتح کپتان عمران، بابا علی نے شاندار کھیل پیش کیا۔ فاتح ٹیم کے تحسین اللہ مین آف دی میچ قرار پائے، انھوں نے اپنی شاندار کارکردگی کو ماں کی دعائوں کا نتیجہ قرار دیا۔ فیصل آباد شیر دلز کے کپتان ناصر علی نے ایونٹ میں 68 پوائنٹس اسکور کیے اور پلیئر آف دی لیگ قرار پائے، انھیں ٹرافی اور موٹر سائیکل انعام میں دی گئی۔

فائنلسٹ ٹیموں کے کھلاڑیوں کو میڈلز پہنائے گئے۔ فاتح گجرات واریئرز میں شامل ایرانی کھلاڑی بابا علی نے شاندار کھیل کا مظاہرہ کیا، وہ سیمی فائنل، کوارٹر فائنل سمیت 3 میچزکے مرد میدان رہے، شائقین نے بابا علی کے نام کے نعرے لگاتے ہوئے انھیں بھرپورسپورٹ کیا۔

فائنل میچ دیکھنے کیلیے شائقین کی کثیر تعداد موجود تھی جنھوں نے جوش و خروش سے ٹیموں کے حق میں نعرے لگائے۔ فاتح ٹیم گجرات واریئرز کو 10 لاکھ روپے جبکہ رنرز اپ ٹیم فیصل آباد کو 5 لاکھ روپے کی انعامی رقم دی گئی۔

یاد رہے کہ ٹورنامنٹ کا افتتاحی میچ بھی گجرات واریئرز نے کھیلا تھا اور گوادر بہادرز کو زیر کرنے میں ناکام رہی تھی لیکن فیصلہ کن مرحلے میں اپنی برتری ثابت کرتے ہوئے ٹائٹل پر قبضہ جمایا۔

اس موقع پر گفتگو کرتے ہوئے پاکستان سپر کبڈی لیگ کے چیئرمین حیدر علی دائود نے کہا کہ پاکستان کی پہلی کبڈی لیگ کا کامیاب انعقاد ٹیم ورک کا نتیجہ ہے، غیرملکی کھلاڑیوں کی شرکت سے ثابت ہوگیا کہ پاکستان ایک پرامن ملک ہے اور یہاں کے عوام کھیل اور کھلاڑیوں سے بے پناہ لگائو رکھتے ہیں۔

علاوہ ازیں کرکٹر کامران اکمل بھی فائنل دیکھنے کیلیے پہنچے، انھوں نے کہاکہ پاکستان سپر لیگ کے بعد پاکستان کبڈی لیگ کا انعقاد خوش آئند اقدام ہے۔

(سپورٹس ڈیسک/ایمرا نیوز) پہلی پاکستانی سپرکبڈی لیگ کا فائنل آج نشتر سپورٹس کمپلیکس میں کھیلا جائے گا، جس میں فیصل آباد شیر دلز اور گجرات واریئرز کی ٹیمیں مد مقابل ہوں گی۔

تفصیلات کے مطابق پاکستان سپر کبڈی لیگ کا فائنل آج شام نشتر سپورٹس کمپلیکس میں کھیلا جائے گا۔ فیصل آباد شیر دل کا مقابلہ لیگ فیورٹ گجرات وارئیرز کشمیر کے جانبازوں سے ہوگا,اب دیکھنا یہ ہے کہ سپر کبڈی لیگ کا تاج کس ٹیم کے سر پر سجتا ہے۔

واضح رہے کہ گذشتہ روز سپر کبڈی لیگ کے سیمی فائنل کھیلے گئے تھے۔ پہلا سیمی فائنل فیصل آباد شیر دلز اور ساہیوال بلز کی ٹیموں کے درمیان کھیلا گیا۔ جس میں فیصل آباد شیر دلز نے ساہیوال بلز کو 24 کے مقابلے میں 33 پوائنٹس سے شکست دے کر فائنل کیلئے کوالیفائی کیا ، جبکہ دوسرے سیمی فائنل میں گجرات واریئرز نے کشمیر جانباز کوشکست دے پہلی کبڈی سپر لیگ کا فائنل کھیلنے کا اعزاز حاصل کرلیا۔

کراچی: (سپورٹس ڈیسک/ایمرا نیوز) قومی ٹیم کی نمائندگی کے اہل نہ سمجھے جانے والے ٹیسٹ بیٹسمین فواد عالم بدھ کی شب انگلینڈ روانہ ہو گئے۔

فواد عالم لنکا شائر لیگ میں کلیتھروئے کرکٹ کلب کی نمائندگی کریں گے۔ فواد عالم نے روانگی سے قبل گفتگو میں کہا کہ میں مایوس نہیں اور اپنی کرکٹ جاری رکھنا چاہتا ہوں، انہوں نے کہا کہ انگلینڈ میں عمدہ کھیل سے ٹیم کے کام آنے کی خواہش ہے۔

کراچی: (سپورٹس ڈیسک/ایمرا نیوز) پاکستان کرکٹ بورڈ نےغیر ملکی لیگز کے حوالے سے نئی پالیسی کا اعلان کردیا ہے۔ ڈومیسٹک فرسٹ کلاس کرکٹ کے ڈھانچے میں18- 2017کے سیزن کی طرح کوئی تبدیلی نہیں کی جائے گی۔ پاکستان کرکٹ بورڈ نے سیزن کو پرکشش بنانے اور خامیوں کو دور کرنے کے لئے کئی اہم فیصلے کئے ہیں۔ کھلاڑیوں کی میچ فیس میں اضافہ کیا جارہا ہے گرائونڈز اور پچوں کی حالت میں بہتری لائی جائے گی ۔ میچوں کی تعداد کو کم کرکے کوالٹی کرکٹ پر زور دیا جائے گا۔ پی سی بی نے اپنی نگرانی میں کلب کرکٹ کو آئوٹ سورس کرنے کا بھی فیصلہ کیا ہے۔ ڈسٹرکٹ کے لئے ہر سیزن میں دو ٹورنامنٹ کرنا لازمی ہوگا۔ آئوٹ سورس کلب ٹورنامنٹ اس کے علاوہ ہوگا۔ فرسٹ کلاس ٹورنامنٹ میں8 ریجنل اور8 ڈپارٹمنٹل ٹیمیں شرکت کریں گی۔ قائد اعظم ٹرافی میں ریجن اور ڈپارٹمنٹ کی سولہ ٹیمیں شرکت کریں گی۔ قائد اعظم ٹرافی کی فاتح ٹیم فرسٹ کلاس ٹورنامنٹ میں شرکت کرے گی۔ جبکہ آخری نمبر پر آنے والی فیصل آباد اور نیشنل بینک کی ٹیم گریڈ ٹو کے نان فرسٹ کلاس ٹورنامنٹ میں شرکت کرے گی ۔2018-19میں زرعی تر قیاتی

بینک کی ٹیم بھی فرسٹ کلاس ٹورنامنٹ میں شرکت کرے گی۔ سینٹرل کنٹریکٹ میں شامل کھلاڑی ایک سیزن میں پاکستان سپر لیگ سمیت دو لیگز میں شرکت کرسکیں گے۔ جن کھلاڑیوں کے سینٹرل کنٹریکٹ نہیں ہیں انہیں پاکستان کرکٹ بورڈ سے این او سی حاصل کرنے کے لئے کم از کم تین ڈومیسٹک میچ کھیلنا ہوں گے۔ اس بات کا اعلان بدھ کو پاکستان کرکٹ بورڈ کے اعلامیہ میں کیا گیا۔ تین مئی کو لاہور میں ہونے والی بورڈ کی اعلیٰ سطح میٹنگ کے فیصلوں کا اعلان چھ دن بعد کیا گیا۔ میٹنگ میں چیئرمین نجم سیٹھی، سبحان احمد، مدثر نذر، انضمام الحق، ہارون رشید،شکیل شیخ اور ثاقب عرفان نے شرکت کی تھی۔ پاکستان کرکٹ بورڈ نے لیگز کے حوالے سے کئی ماہ سے زیر التوا پالیسی کا اعلان کردیا۔ پی سی بی کے مطابق ریٹائرڈ کھلاڑیوں کو این او سی کی ضرورت نہیں ہوگی۔انہیںاپنی ریٹائرمنٹ کی تاریخ سے دو سال تک این او سی حاصل کرنا ہوگی اس کے بعد این او سی کی ضرورت نہیں ہوگی۔ بعض خصوصی کیسوں میں پاکستانی ٹیم کےچیئر مین پی سی بی، چیف سلیکٹر، ہیڈ کوچ، ڈائر یکٹر کرکٹ آپریشنز پر مشتمل کمیٹی این او سی جاری کرے گی۔ اس طرح کسی بھی کھلاڑی کو اضافی لیگ میں شرکت کی اجازت دی جائے گی۔ فرسٹ کلاس سسٹم کو برقرار رکھا گیا ہے تاہم چار روزہ میچوں کے ساتھ ایک ون ڈے ٹورنامنٹ بھی کرایا جائے گا۔ پی سی بی کے مطابق ڈومیسٹک کرکٹ کو پر کشش بنانے کے لئے فرسٹ کلاس کھلاڑیوں کی میچ فیس میں بھی اضافہ کردیا گیا ہے۔ ریجنل کھلاڑیوں کی میچ فیس ڈپارٹمنٹس کے برابر کردی جائے گی۔ ریجن کے جن کھلاڑیوں کو ماہانہ مشاہرہ دیا جاتا ہے۔ یہ معاوضہ ڈومیسٹک میچ فیس میں ضم کردیا جائے گا۔ پی سی بی ریجن کھلاڑیوں کی میچ فیس میں اضافہ اور ریٹینر شپ ختم کرنے کا فیصلہ کیا ہے۔ ڈومیسٹک کرکٹ میں کوالٹی لانے کے لئے پیٹرنز ٹرافی گریڈ ٹومیں ٹیموں کی تعداد سولہ کردی جائے گی۔ پاکستان کرکٹ بورڈ نے چیئرمین پی سی بی کے مشیر شکیل شیخ کو ہدایت کی ہے کہ وہ فرسٹ کلا سینٹرز کا دورہ کرکے پچوں اور انفرااسٹرکچر کے بارے میں رپورٹ دیں۔ وہ اپنی رپورٹ اور تجاویز تیس روز میں جمع کرائیں گے مدثر نذر یا ہارون رشید شکیل شیخ کے ہمراہ گراونڈز کا دورہ کریں گے ۔

ڈبلن ( سپورٹس ڈیسک/ایمرا نیوز) 18ویں صدی میں کرکٹ شروع کرنے والے آئرلینڈ کو 250 برس کے طویل اور صبرآزما انتظار کے بعد خوابوں کی تعبیر ملنے والی ہے۔ آئی سی سی ورلڈکپ میں کے مختلف ایڈیشنز میں پاکستان، انگلینڈ، زمبابوے اور ویسٹ انڈیز کو ہرانے والے آئرش کرکٹرز پہلی مرتبہ جمعہ کو روایتی سفید کٹ میں پاکستان سے مقابلہ کرنے میدان کا رخ کریں گے۔ آئرش کرکٹ کی تاریخ کافی دلچسپ ہے۔ 1855 میں پہلی آئرش قومی کرکٹ ٹیم نے انگلینڈ کےخلاف ڈبلن میں باقاعدہ میچ کھیلا۔ آئرش کرکٹ یونین ( آئی سی یو) کا قیام 1923 میں عمل میں آیا۔ ایک دور ایسا بھی آیا کہ80 برس سے زائد عرصے تک ملک میں کرکٹ نہیں کھیلی گئی۔ آئرش ایتھلیٹک ایسوسی ایشن نے ملک میں کرکٹ سمیت تمام غیرملکی کھیلوں پر پابندی لگادی۔ یہ حکم اتنا سخت تھا کہ کرکٹ میچ دیکھنا بھی کسی کیلئے مصیبت کا سبب بن سکتا تھا۔ تاہم 1971میں پابندی ختم کردی گئی۔ اس دوران کرکٹ کسی نہ کسی طرح جاری رہی۔ 1993 میں اسے آئی سی سی نے ایسوسی ایٹ رکن کا درجہ دیا۔ اگلے سال کھیلی گئی پہلی آئی سی سی ٹرافی میں آئرلینڈ نے 20ممالک

میں ساتویں پوزیشن حاصل کی جبکہ 1997میں سیمی فائنل تک رسائی حاصل کی۔ آئرلینڈ نے 1996، 1999، 2003اور 2007کے ورلڈکپ کیلیے کوالیفائی کیا اور اس دوران ٹیسٹ ٹیموں کو ہرا کر تہلکہ بھی مچایا۔ اس کارکردگی سے حوصلہ پاتے ہوئے آئی سی یو نے ٹیسٹ اسٹیٹس حاصل کرنے کی ٹھانی اور 2013 میں بین الصوبائی کرکٹ چیمپئن شپ شروع کرائی اسے 2016 میں آئی سی سی نے فرسٹ کلاس ٹورنامنٹ کا درجہ دیا۔ ٹورنامنٹ کے عمدہ معیار اور انٹرنیشنل کرکٹ میں اچھے نتائج کے صلے میں اسے 2017 میں ٹیسٹ اسٹیٹس دے دیا گیا۔

BERLIN:( Media92news) Mesut Ozil has joined the list of Germany stars currently injured, but the Arsenal midfielder insisted Monday he will be fit for their World Cup title defence in Russia.

“It’s a pity I missed yesterday’s match with my back injury,” Ozil wrote on his Instagram account after sitting out Arsenal’s 5-0 rout of Burnley on Sunday.“It’ll need some time, but I’m sure I’ll fully recover in time for the World Cup.”

With just over five weeks until the World Cup starts on June 14, the Arsenal playmaker joins Manuel Neuer and Jerome Boateng, who also face a race against time, on the casualty list.

Arsenal manager Arsene Wenger had revealed before kick-off that Ozil was expected to miss the rest of the season with a back ailment.
Germany’s first World Cup group match is against Mexico in Moscow on June 17. They also face Sweden and South Korea in Group ‘F’.

Neuer, Germany’s captain and goalkeeper, has not played since fracturing his foot last September.

Burly centre-back Boateng injured his groin in Bayern Munich’s Champions League semi-final defeat at home to Real Madrid a fortnight ago.

Germany coach Joachim Loew will announce his World Cup squad on May 15.

Ozil, Boateng and Neuer are all expected to be named, but will have to prove their fitness during a two-week training camp in northern Italy.

“Right now, we all keep our fingers crossed that Jerome’s injury somehow will still heal well and also that everything continues as planned with ‘Manu’,” said Germany’s team director Oliver Bierhoff last week referring to Neuer.

Fringe players Lars Stindl, who scored the winning goal for Germany in the 2017 Confederations Cup final, and ex-Arsenal winger Serge Gnabry have both already been ruled out of the World Cup by injury.

ماسکو(سپورٹس ڈیسک /وقت نیوز) روس میں فیفا ورلڈکپ فٹ بال کے ستاروں کے مداحوں پر کھیل کا جنون سر چڑھ کر بولنے لگا،افتتاحی میچ چودہ جون کو کھیلا جائے گا ۔فٹ بال ورلڈکپ کا بخار سر چڑھ کر بولنے لگا تو ٹیٹو فنکاروں کی چاندی ہوگئی ،جنونی مداحوں نے بازوﺅں پر ٹیٹو بنوالیے۔

لاہور(سپورٹس ڈیسک/ وقت نیوز) پاکستان کرکٹ ٹیم کے فاسٹ باﺅلر جنید خان پالتو کتے کی موت پر انہتائی افسردہ ہیں ۔ان کا کہنا ہے کہ انہوں نے کتے کی پرورش پر رقم کے ساتھ ساتھ اپنا قیمتی وقت بھی صرف کیا جس کی وجہ سے انہیں اس کتے سے انہےائی لگاﺅ ہوگیا تھا ۔یاد رہے کہ جنید خان کے پالتو کتے جوئی کو چند روز قبل اس وقت ایک موٹر سائیکل سوار کچل کر فرار ہوگیا تھا ۔