Category کھیل

کراچی(سپورٹس ڈیسک/ایمرا نیوز)کامن ویلتھ گیمز میں میڈلز حاصل کرنے والے کھلاڑیوں کے اعزاز میں تقریب وزیر اعظم ہائوس میں 10 مئی کو ہوگی، وزیر اعظم پاکستان شاہد خاقان عباسی گولڈ میڈل حاصل کرنے والے کھلاڑی کو پچاس لاکھ روپے جبکہ کانسی کے تمغے حاصل کرنے کھلاڑیوں کو دس، دس لاکھ روپےنقد کیش ایوارڈ دیں گے۔

کراچی (سپورٹس ڈیسک/ایمرا نیوز) آئندہ سال پاکستان سپر لیگ کے میچ کراچی، لاہور اور راولپنڈی میں ہوں گے۔ ملتان میں فائیو اسٹار ہوٹل نہ ہونے کی وجہ سے ملتان کو پی ایس ایل میچوں کی میزبانی ملنا مشکل ہے۔ چوتھی پاکستان سپر لیگ کا آغاز اس بار متحدہ عرب امارات کے بجائے پاکستان سے ہوگا۔ تین سال بعد افتتاحی تقریب پاکستان میں ہوگی تاہم سیکیورٹی معاملات کی وجہ سے تمام میچ پاکستان میں کرانے کی تجویز پر اتفاق نہیں ہوسکا۔ پاکستان میں میچ کرانے کے بعد ٹورنامنٹ بیرون ملک متحدہ عرب امارات منتقل ہوگا۔ تین سال میں پہلی بار غیر ملکی کو ادا کئے جانے والے معاوضے سے ٹیکس کی کٹوتی کی جائے گی۔ قومی سلیکٹرز اور فرنچائز نمائندے پی ایس ایل کھلاڑیوں کی نئی رینکنگ جاری کی جائے گی۔ پاکستان سپر لیگ کے تیسرے ایڈیشن میں امپائرنگ کے ناقص معیار پر فرنچائز نمائندوں کی جانب سے شدید تنقید سامنے آئی ہے۔ حالانکہ پاکستان کے مشہور امپائر علیم ڈار انگلینڈ کے ٹم رابنسن سمیت کئی امپائروں نے ٹورنامنٹ کو سپر وائز کیا تھا۔ امپائروں کو ٹیکنالوجی کا بھی
سہارا لینا پڑا تھا۔ جمعرات کو لاہور میں پاکستان سپر لیگ کے اگلے ایڈیشن کے لئے پالیسی معاملات طے کرنے کے لئے پاکستان کرکٹ بورڈ اورچھ فرنچائز کے نمائندوں کا اجلاس ہوا۔ پی سی بی کی جانب سے پی ایس ایل پراجیکٹ ڈائریکٹر نائیلہ بھٹی، جنرل منیجر انٹر نیشنل عثمان واہلہ اور پی ایس ایل کے عمران احمد خان نے شرکت کی۔ ذرائع کا کہنا ہے کہ اجلاس میں متعدد تجاویز سامنے آئیں اور بہت سارے معاملات پر جلد فیصلہ ہوجائے گا۔ ذرائع کا کہنا ہے کہ تیسرے ایڈیشن میں امپائرنگ کے خراب معیار پر تقریباً تمام فرنچائز نے تحفظات ظاہر کئے ۔ بورڈ کے ایک افسر نے امپائروں کے حق میں بولنے کی کوشش کی لیکن انہیں فرنچائز نمائندوں کی جانب سے سخت مزاحمت کا سامنا کرنا پڑا۔ شدید تنقید کے بعد بورڈ نے ہتھیار ڈال دیئے اور مستقبل میں امپائرنگ کے معیار میں بہتری لانے کا عندیہ دیا۔ ذرائع کے مطابق پاکستان سپر لیگ کا آغاز پہلی بار پاکستان سے ہوگا۔ کراچی، لاہور اور پنڈی میں میچ ہوں گے۔ اجلاس فرنچائزوں نے پورا ٹورنامنٹ پاکستان میں کرانے کی تجویز دی لیکن پی سی بی نے کہا کہ سیکیورٹی کی وجہ سے اس وقت ایسا ممکن نہیں ہے۔ ٹورنامنٹ کے اگلے ایڈیشن میں ہر ٹیم 21 میں سے بارہ کھلاڑیوں کو برقرار رکھ سکتی ہے۔ ہر ٹیم 21کے بجائے بیس کھلاڑیوں پر مشتمل ہوگی۔ ٹورنامنٹ کے دوران اگر کوئی کھلاڑی ان فٹ ہوجاتا ہے تو وہ مکمل طور پر ٹورنامنٹ سے باہر ہوجائے گا۔ ایک بار کسی کھلاڑی کا متبادل لینے کے بعد وہ کھلاڑی ٹورنامنٹ میں واپس نہیں آسکے گا۔ پاکستان سپر لیگ میں آئندہ وہی غیر ملکی کھلاڑی شریک ہوگا جو پاکستان آنے کے لئے تیار ہوگا۔ اگر کوئی کھلاڑی حامی بھرنے کے باوجود پاکستان نہیں آتا ہے تو فرنچائز نے پاکستان کرکٹ بورڈ سے کہا ہے کہ فرنچائز کے نقصان کا ازالہ پاکستان کرکٹ بورڈ کرے۔پھر کھلاڑی کو پیسے فرنچائز نہیں پاکستان کرکٹ بورڈ ادا کرے۔ پاکستان سپر لیگ کی ڈرافٹ رینڈم طریقے سے ہوگی۔ کھلاڑیوں کی مختلف کٹیگریز میں معاوضے کی ادائیگی کی تجویز ہے۔ فرنچائز نمائندوں نے پلیئر ز ڈیولپمنٹ پروگرام کے حوالے سے ڈائر یکٹر ہارون رشید کی اجلاس سے غیر حاضری پر ناراضگی کا اظہار کیا۔

(سپورٹس ڈیسک/ایمرا نیوز)
نئی دہلی: آسٹریلیا کی بھارتی بورڈ کو نائٹ ٹیسٹ پر راضی کرنے کی کوششیں ناکام ہوگئیں جب کہ بھارت نے ایڈیلیڈ میں پنک گیند کے ساتھ فلڈ لائٹس میں پانچ روزہ میچ کھیلنے سے صاف انکار کردیا۔

آسٹریلیا کی جانب سے بھرپور کوششوں کے باوجود بھارت رواں سال کے آخر میں شیڈول دورے میں ایڈیلیڈ میں نائٹ ٹیسٹ کھیلنے پر راضی نہیں ہوا،اس نے صاف الفاظ میں انکار کردیا ہے۔

بی سی سی آئی میں سپر یم کورٹ کی مقرر کردہ کمیٹی آف ایڈمنسٹریٹرز کے سربراہ ونود رائے نے کہاکہ یہ بات واضح ہوچکی کہ ہم آسٹریلیا میں ڈے اینڈ نائٹ ٹیسٹ نہیں کھیلنے والے اور اس میں کوئی شک ہی نہیں رہا، ہم نے دلیپ ٹرافی میں پنک بال کا تجربہ کیا مگر گیند کے حوالے سے مطمئن نہیں ہیں، ویسے بھی کوئی ہمارے سر پر بندوق تان کر ہمیں نائٹ ٹیسٹ کھیلنے پر مجبور نہیں کرسکتا۔
یاد رہے کہ بی سی سی آئی نے 2016 میں دلیپ ٹرافی میں پنک گیند کا تجربہ کیا تھا مگر بورڈ اور پلیئرز ٹاپ لیول پر اس گیند سے کھیلنے کے حوالے سے فی الحال محتاط رویہ اختیار کیے ہوئے ہیں۔

دوسری جانب کرکٹ آسٹریلیاکے چیف ایگزیکٹیو جیمز سدرلینڈ نے کہاکہ شکست کے خوف کی وجہ سے بھارتی ٹیم راضی نہیں ہوئی، انھوں نے کہا کہ ہرکوئی جانتا ہے کہ وہ یہاں آکر ہمیں شکست دینا چاہتے ہیں اور ان کو یہ بات بھی اچھی طرح معلوم ہے کہ آسٹریلیا میں اب تک کھیلے گئے نائٹ ٹیسٹ میچز میں ہماری ٹیم کو ایک بار بھی شکست نہیں ہوئی،اس لیے وہ سمجھتے ہیں کہ ہمیں اس وجہ سے سیریز میں ایڈوانٹیج حاصل ہوگا لہذا وہ نائٹ ٹیسٹ کھیلنے کو تیار نہیں ہیں۔

واضح رہے کہ بھارتی ٹیم 21 نومبر سے 19 جنوری تک آسٹریلیا کا دورہ کرے گی جس میں 4 ٹیسٹ، 3 ٹوئنٹی 20 اور اتنے ہی ون ڈے میچز کھیلے جائیں گے۔ آسٹریلیا 2015 سے ایڈیلیڈ میں نائٹ ٹیسٹ کھیل رہا اور تینوں مرتبہ اسے کامیابی حاصل ہوئی ہے۔

(سپورٹس ڈیسک/ایمرا نیوز)
نئی دہلی: افغان وکٹ کیپر بیٹسمین محمد شہزاد نے کہا کہ جب وہ ویرات کوہلی سے زیادہ بڑے چھکے جڑ سکتے ہیں تو ان کی طرح فٹنس پر سخت محنت کرنے کی کیا ضرورت ہے۔

محمد شہزاد کو ویرات کوہلی کی طرح سخت فٹنس روٹین اختیار کرنے میں کوئی دلچسپی نہیں ہے، ان کا وزن 90 کلوگرام سے زائد ہے۔ انھوں نے کہا کہ جب وہ کوہلی سے زیادہ بڑے چھکے جڑ سکتے ہیں تو ان کی طرح فٹنس پر سخت محنت کرنے کی کیا ضرورت ہے۔

افغان بیٹسمین نے کہاکہ ہم فٹنس بھی پوری کرتے ہیں اور کھاتے بھی پورا ہیں، آپ چاہتے ہیں کہ میں کوہلی کی طرح سخت فٹنس روٹین اختیار کروں تو یہ ممکن نہیں، ویسے بھی جتنا لمبا چھکا کوہلی جڑتا ہے میں اس سے بھی بڑا چھکا لگا سکتا ہوں، پھر مجھے اس کی طرح ڈائٹنگ کرنے کی کیا ضرورت ہے۔
جب ان سے بھارتی صحافی نے فیملی کے بارے میں سوال کیا تو شہزاد نے کہاکہ بہت بڑی فیملی ہے گنتے گنتے رات ہوجائے گی۔ پشاور میں کلب میچ کھیلنے کے بارے میں انھوں نے کہاکہ غلطی تو سب سے ہوجاتی ہے ابھی میں نے آپ کے ساتھ کافی پی ہو سکتا ہے کہ اب میرا ڈوپ ٹیسٹ مثبت آجائے۔

میڈرڈ (سپورٹس ڈیسک /ایمرا نیوز) کریم بن زیما کی عمدہ کارکردگی نے ریال میڈرڈ کو مسلسل تیسری بار یوئیفا چیمپئنز لیگ کے فائنل میں پہنچادیا۔ بائرن میونخ سے سیکنڈ لیگ سیمی فائنل 2-2 سے برابر ہوا لیکن 4-3 سے مجموعی اسکور نے اسپینش کلب کو فیصلہ کن معرکے میں جگہ دلائی۔ جرمن کلب کو جوشوا کمیچ نے دوسرے ہی منٹ میں گول کرکے برتری دلائی جس کے بعد کریم بن زیما نے 11 اویں 46ویں منٹ میں گول کرتے ہوئے اسکور 2-1 کردیا۔ تاہم 63ویں منٹ ہیمز روڈیگز نے گیند کو جال میں پہنچا کر اسکور 2-2 کردیا۔ اس کے بعد کوئی اور گول نہ ہوسکا۔ میچ کے بعد ریال کے برازیلی ڈیفنڈر مارسیلو نے انکشاف کیا کہ پہلے ہاف میں جب اسکور 1-1 تھا، انہوں نے پینالٹی ایریا میں کمیچ کا شوٹ ہاتھ سے روکا تھا خوش قسمتی سے ریفری اسے دیکھ نہ سکے۔

لاہور( سپورٹس ڈیسک /ایمرا نیوز)پاکستان کرکٹ ٹیم کے فاسٹ بولر وہاب ریاض نے ٹی ٹوئنٹی بلاسٹ کیلیے ڈربی شائر کو جوائن کر لیا ہے وہ ایونٹ کے پہلے 10 میچز کیلیے ڈربی شائر کی نمائندگی کریں گے۔32 سالہ پیسر 6 جولائی کو ڈربی شائر کے ہوم گراونڈ پر لنکا شائر کے خلاف میچ سے آغاز کریں گے جبکہ 3 اگست کو برمنگھم بیئرز کے خلاف ٹی ٹوئنٹی بلاسٹ کا آخری میچ کھیلیں گے۔ ڈربی کے کرکٹ ایڈوائزر کم برنٹ کا کہنا ہے کہ وہاب ایک تیز اور باصلاحیت فاسٹ بولر ہیں اور وہ ایونٹ میں ہماری ٹیم ان کے تجربے سے بھرپور استفادہ کرے گی۔واضح رہے کہ وہاب ریاض اس سے قبل ٹی ٹوئنٹی بلاسٹ میں اسیکس، کینٹ اور سرے کی نمائندگی کر چکے ہیں۔ وہ مجموعی طور پر 167 ٹی ٹوئنٹی میچز میں 21.22 کی اوسط سے 197 وکٹیں اپنے نام کر چکے ہیں جبکہ پاکستان کی نمائندگی کرتے ہوئے 27 ٹی ٹوئنٹی انٹرنیشنلز میں 28 وکٹیں بھی حاصل کر رکھی ہیں۔

Generated by IJG JPEG Library

ترجمان کیویز بورڈ کے مطابق دورہ پاکستان کے لئے حکومت، کھلاڑیوں اور سیکیورٹی فراہم کرنے والے اداروں سے بات چیت کی جائے گی۔

ترجمان نے کہا کہ پی سی بی کی درخواست پر مذکورہ طریقہ کار مکمل ہونے کے بعد جواب دیا جائے گا۔

دوسری جانب نیوزی لینڈ کرکٹ بورڈ کی گورننگ باڈی کا کہنا ہے کہ کیویز نے سیکیورٹی خدشات کے باعث 2003 کے بعد سے پاکستان کا دورہ نہیں کیا تاہم اب رواں سال نومبر میں ٹی ٹوئنٹی میچز کھیلنے کی درخواست کی گئی ہے۔

یاد رہے کہ پاکستان اور نیوزی لینڈ کے درمیان ٹیسٹ اور ون ڈے سیریز رواں سال نومبر میں شیڈول ہے جس کی میزبانی پاکستان کو متحدہ عرب امارات میں کرنا ہے تاہم اب تک سیریز کی تاریخوں کا اعلان نہیں کیا گیا۔

(سپورٹس ڈیسک / ایمرا نیوز)اسپاٹ فکسنگ اسکینڈل 2010میں ملوث ہوکر5سالہ پابندی کا شکار ہونے سے قبل محمد عامر کی بولنگ نے دنیا میں تہلکہ مچا رکھا تھا،انڈر19پیسر کو وسیم اکرم کا متبادل قرار دیا جا رہا تھا،مگر وہ واپسی کے بعدکارکردگی کا معیار برقرار نہیں رکھ پائے۔

بولنگ کوچ اظہر محمود نے بھی کینٹربری میں میڈیا سے بات چیت کرتے ہوئے تسلیم کیا کہ محمد عامر کو مزید بہتر کھیل پیش کرنے کی ضرورت ہے۔ انھوں نے کہا کہ کم بیک کے بعد پیسر کا ریکارڈ زیادہ اچھا نہیں لیکن یہ بھی یاد رکھنا چاہیے کہ ان کی5سال بعد واپسی ہوئی، محمد عامر کو اٹیک کا سالار کہا جاتا ہے، میں بطور بولنگ کوچ ان سے زیادہ توقعات رکھتا ہوں، انھیں اپنی بہترین صلاحیتوں کا اظہار کرنا ہوگا، وہ ہمارے ٹاپ بولر اور امید ہے کہ ٹیسٹ کرکٹ میں امیدوں پر پورا اتریںگے۔
ایک سوال پر اظہر محمود نے کہا کہ انگلینڈ کی کنڈیشنز، پچز کا مزاج اور گراؤنڈزمہمان ٹیموں کیلیے مشکل ثابت ہوتے ہیں،البتہ ہمارے نوجوان کرکٹرز اچھی کارکردگی کا مظاہرہ کرنے کی بھرپور صلاحیت رکھتے ہیں۔

اظہر محمود نے بتایا کہ کینٹ کیخلاف میچ میں بیٹنگ لائن کو مشکلات ہوئیں،امام الحق نے ثابت قدمی کا مظاہرہ کیا،بیٹنگ کوچ گرانٹ فلاور نے ان کی تکنیک پر کام کیا جس کے فوائد نظر آنے لگے ہیں، نوجوان اوپنر فرنٹ اور بیک فٹ دونوں پر پُراعتماد نظر آئے ہیں۔

بولنگ کوچ نے کہا کہ فخرزمان سمیت کئی نوجوان بیٹسمین چیمپئنز ٹرافی میں اچھی بیٹنگ کرنے میں کامیاب ہوئے تھے،ٹیسٹ میچز میں آئرلینڈ کے بعد انگلینڈ کا بھی ڈٹ کر مقابلہ کرینگے، حسن علی اور شاداب خان کا طویل فارمیٹ میں تجربہ کم لیکن دونوں انتہائی باصلاحیت ہیں۔

اظہر محمود نے کہا کہ پاکستان کا بولنگ یونٹ حریف بیٹنگ کے دفاع میں شگاف ڈالنے کی صلاحیت رکھتا ہے، ماضی کی طرح اس بار بھی گرین کیپس فیورٹ نہیں لیکن حیران کن کارکردگی پیش کرسکتے ہیں۔

(سپورٹس ڈیسک/ایمرا نیوز)
فیفا کے منی ورلڈ کپ کے اس نئے منصوبہ میں8 انٹرنیشنل ٹیمیں حصہ لیں گی، یہ ممکنہ طور پر گلوبل نیشنز لیگ ایونٹ کااختتام ہوسکتا ہے، ایونٹ کو ’’ فائنل 8 ‘‘ کا نام دیا جائے گا، یہ بھی فیفا کے انٹرنیشنل فٹبال میں اصلاحاتی پروگرام کا حصہ ہے۔

فٹبال کی عالمی تنظیم کو یقین ہے کہ وہ نئے منصوبے سے 12 سالہ سائیکل میں 25 بلین ڈالرجمع کرسکتی ہے، منی ورلڈ کپ2021 سے شروع کیے جانے کی تجویز دی گئی ہے،اسے ہر 2 برس بعد منعقد کیا جائے گا، یہ ممکنہ طور اکتوبر یا نومبر میں ہوگا۔

کولمبو(سپورٹس ڈیسک/ وقت نیوز) آئی پی ایل سری لنکن فاسٹ بالر لاستھ مالنگا کے انٹرنیشنل کیرئیر کیلئے خطرہ بن گئی ،سری لنکن سلیکٹرز نے لاستھ مالنگا کو خبر دار کیا ہے کہ اگر انہیں دوبارہ سری لنکن ٹیم میں جگہ بنانی ہے تو ڈومیسٹک میچوں میں حصہ لینا چاہیے۔